Vishnu Purana — Amsha 1 — Chapter 20
ViP 1 20.1
एवं संचिन्तयन् विष्णुम् अभेदेनात्मनो द्विज तन्मयत्वम् अवापाग्र्यं मेने चात्मानम् अच्युतम् ॥
evaṃ saṃcintayan viṣṇum abhedenātmano dvija tanmayatvam avāpāgryaṃ mene cātmānam acyutam //
Thus contemplating Viṣṇu as not different from himself, O brahmin, he attained the foremost state of being made of him, and considered himself to be Acyuta.
AI translation rendered from the Sanskrit, not a published edition
ViP 1 20.2
विसस्मार तथात्मानं नान्यत् किंचिद् अजानत अहम् एवाव्ययो ऽनन्तः परमात्मेत्य् अचिन्तयत् ॥
visasmāra tathātmānaṃ nānyat kiṃcid ajānata aham evāvyayo 'nantaḥ paramātmety acintayat //
And he forgot himself, and knew nothing else; he thought: "I alone am the imperishable, the infinite, the supreme Self."
AI translation rendered from the Sanskrit, not a published edition
ViP 1 20.3
तस्य तद्भावनायोगात् क्षीणपापस्य वै क्रमात् शुद्धे ऽन्तःकरणे विष्णुस् तस्थौ ज्ञानमयो ऽच्युतः ॥
tasya tadbhāvanāyogāt kṣīṇapāpasya vai kramāt śuddhe 'ntaḥkaraṇe viṣṇus tasthau jñānamayo 'cyutaḥ //
By the practice of that contemplation, his sin being worn away, gradually, in his purified inner organ Viṣṇu, made of knowledge, the imperishable, took his stand.
AI translation rendered from the Sanskrit, not a published edition
ViP 1 20.4
योगप्रभावात् प्रह्लादे जाते विष्णुमये ऽसुरे चलत्य् उरगबन्धैस् तैर् मैत्रेय त्रुटितं क्षणात् ॥
yogaprabhāvāt prahlāde jāte viṣṇumaye 'sure calaty uragabandhais tair maitreya truṭitaṃ kṣaṇāt //
When by the power of yoga the demon Prahlāda had become filled with Viṣṇu, O Maitreya, those serpent-bonds slipped and were snapped in an instant.
AI translation rendered from the Sanskrit, not a published edition
ViP 1 20.5
भ्रान्तग्राहगणः सोर्मिर् ययौ क्षोभं महार्णवः चचाल च मही सर्वा सशैलवनकानना ॥
bhrāntagrāhagaṇaḥ sormir yayau kṣobhaṃ mahārṇavaḥ cacāla ca mahī sarvā saśailavanakānanā //
The great ocean, its crocodile-hosts whirled about, with its waves, went into turmoil; and the whole earth shook, with its mountains, woods and forests.
AI translation rendered from the Sanskrit, not a published edition
ViP 1 20.6
स च तं शैलसंघातं दैत्यैर् न्यस्तम् अथोपरि प्रक्षिप्य तस्मात् सलिलान् निश्चक्राम महामतिः ॥
sa ca taṃ śailasaṃghātaṃ daityair nyastam athopari prakṣipya tasmāt salilān niścakrāma mahāmatiḥ //
And that great-minded one, hurling off that mass of rocks which had been piled upon him by the demons, came out from that water.
AI translation rendered from the Sanskrit, not a published edition
ViP 1 20.7
दृष्ट्वा च स जगद् भूयो गगनाद्युपलक्षणम् प्रह्लादो ऽस्मीति सस्मार पुनर् आत्मानम् आत्मना ॥
dṛṣṭvā ca sa jagad bhūyo gaganādyupalakṣaṇam prahlādo 'smīti sasmāra punar ātmānam ātmanā //
And seeing again the world marked out by the sky and the rest, he by himself remembered himself once more: "I am Prahlāda."
AI translation rendered from the Sanskrit, not a published edition
ViP 1 20.8
तुष्टाव च पुनर् धीमान् अनादिं पुरुषोत्तमम् एकाग्रमतिर् अव्यग्रो यतवाक्कायमानसः ॥
tuṣṭāva ca punar dhīmān anādiṃ puruṣottamam ekāgramatir avyagro yatavākkāyamānasaḥ //
And the wise one praised again the beginningless supreme Person, with mind one-pointed, unagitated, his speech, body and mind restrained.
AI translation rendered from the Sanskrit, not a published edition
ViP 1 20.9
ॐ नमः परमार्थार्थ स्थूलसूक्ष्म क्षराक्षर व्यक्ताव्यक्त कलातीत सकलेश निरञ्जन ॥
oṃ namaḥ paramārthārtha sthūlasūkṣma kṣarākṣara vyaktāvyakta kalātīta sakaleśa nirañjana //
Om, homage (to you): O goal of the highest aim, gross and subtle, perishable and imperishable, manifest and unmanifest, beyond time, lord of all, stainless one.
AI translation rendered from the Sanskrit, not a published edition
ViP 1 20.10
गुणाञ्जन गुणाधार निर्गुणात्मन् गुणस्थित मूर्तामूर्त महामूर्ते सूक्ष्ममूर्ते स्फुटास्फुट ॥
guṇāñjana guṇādhāra nirguṇātman guṇasthita mūrtāmūrta mahāmūrte sūkṣmamūrte sphuṭāsphuṭa //
(Homage to you,) O anointer of the qualities, support of the qualities, whose self is without qualities, (yet) abiding in the qualities; having form and formless, of vast form, of subtle form, manifest and unmanifest.
AI translation rendered from the Sanskrit, not a published edition — the model flagged this verse as uncertain
ViP 1 20.11
करालसौम्यरूपात्मन् विद्याविद्यामयाच्युत सदसद्रूपसद्भाव सदसद्भावभावन ॥
karālasaumyarūpātman vidyāvidyāmayācyuta sadasadrūpasadbhāva sadasadbhāvabhāvana //
O you whose self is (both) terrible and gentle in form, O imperishable one made of knowledge and ignorance, whose being is of the form of the existent and the non-existent, who brings into being the existent and the non-existent.
AI translation rendered from the Sanskrit, not a published edition
ViP 1 20.12
नित्यानित्य प्रपञ्चात्मन् निष्प्रपञ्चामलाश्रय एकानेक नमस् तुभ्यं वासुदेवादिकारण ॥
nityānitya prapañcātman niṣprapañcāmalāśraya ekāneka namas tubhyaṃ vāsudevādikāraṇa //
O eternal and non-eternal, O self of the manifold world, O stainless refuge free of the manifold, O one and many — homage to you, Vāsudeva, first cause.
AI translation rendered from the Sanskrit, not a published edition
ViP 1 20.13
यः स्थूलसूक्ष्मः प्रकटप्रकाशो यः सर्वभूतो न च सर्वभूतः विश्वं यतश् चैतद् अविश्वहेतोर् नमो ऽस्तु तस्मै पुरुषोत्तमाय ॥
yaḥ sthūlasūkṣmaḥ prakaṭaprakāśo yaḥ sarvabhūto na ca sarvabhūtaḥ viśvaṃ yataś caitad aviśvahetor namo 'stu tasmai puruṣottamāya //
He who is gross and subtle, manifest and unmanifest, he who is all beings and yet not all beings, and from whom this universe (arises), though he is not (himself) of the universe — homage be to him, the Supreme Person.
AI translation rendered from the Sanskrit, not a published edition
ViP 1 20.14
तस्य तच्चेतसो देवः स्तुतिम् इत्थं प्रकुर्वतः आविर्बभूव भगवान् पीताम्बरधरो हरिः ॥
tasya taccetaso devaḥ stutim itthaṃ prakurvataḥ āvirbabhūva bhagavān pītāmbaradharo hariḥ //
To him whose mind was thus (fixed), as he was making this praise, the god, the Lord Hari, wearing yellow garments, became visible.
AI translation rendered from the Sanskrit, not a published edition
ViP 1 20.15
ससंभ्रमस् तम् आलोक्य समुत्थायाकुलाक्षरम् नमो ऽस्तु विष्णवैत्य् एतद् व्याजहारासकृद् द्विज ॥
sasaṃbhramas tam ālokya samutthāyākulākṣaram namo 'stu viṣṇavaity etad vyājahārāsakṛd dvija //
Seeing him, in agitation he rose up and, with faltering syllables, uttered this again and again, O twice-born: "Homage be to Viṣṇu!"
AI translation rendered from the Sanskrit, not a published edition
ViP 1 20.16
देव प्रपन्नार्तिहर प्रसादं कुरु केशव अवलोकनदानेन भूयो मां पावयाव्यय ॥
deva prapannārtihara prasādaṃ kuru keśava avalokanadānena bhūyo māṃ pāvayāvyaya //
"O god, remover of the distress of those who take refuge, show favour, Keśava; purify me again by the gift of your glance, O imperishable one."
AI translation rendered from the Sanskrit, not a published edition
ViP 1 20.17
कुर्वतस् ते प्रसन्नो ऽहं भक्तिम् अव्यभिचारिणीम् यथाभिलषितो मत्तः प्रह्लाद व्रियतां वरः ॥
kurvatas te prasanno 'haṃ bhaktim avyabhicāriṇīm yathābhilaṣito mattaḥ prahlāda vriyatāṃ varaḥ //
"I am pleased with you for practising unswerving devotion; let a boon be chosen from me as you wish, Prahlāda."
AI translation rendered from the Sanskrit, not a published edition
ViP 1 20.18
नाथ योनिसहस्रेषु येषु येषु व्रजाम्य् अहम् तेषु तेष्व् अच्युता भक्तिर् अच्युतास्तु सदा त्वयि ॥
nātha yonisahasreṣu yeṣu yeṣu vrajāmy aham teṣu teṣv acyutā bhaktir acyutāstu sadā tvayi //
"Lord, in whatever thousands of wombs I go, in each of them let there be unfailing devotion to you always."
AI translation rendered from the Sanskrit, not a published edition
ViP 1 20.19
या प्रीतिर् अविवेकानां विषयेष्व् अनपायिनी त्वाम् अनुस्मरतः सा मे हृदयान् मापसर्पतु ॥
yā prītir avivekānāṃ viṣayeṣv anapāyinī tvām anusmarataḥ sā me hṛdayān māpasarpatu //
"That love which the undiscerning have, unceasing, for objects of sense — let that (love), as I remember you, not slip away from my heart."
AI translation rendered from the Sanskrit, not a published edition
ViP 1 20.20
मयि भक्तिस् तवास्त्य् एव भूयो ऽप्य् एवं भविष्यति वरश् च मत्तः प्रह्लाद व्रियतां यस् तवेप्सितः ॥
mayi bhaktis tavāsty eva bhūyo 'py evaṃ bhaviṣyati varaś ca mattaḥ prahlāda vriyatāṃ yas tavepsitaḥ //
"You have devotion to me already, and it will be so again; and let a boon be chosen from me, Prahlāda, whichever is desired by you."
AI translation rendered from the Sanskrit, not a published edition
ViP 1 20.21
मयि द्वेषानुबन्धो ऽभूत् संस्तुताव् उद्यते तव मत्पितुस् तत्कृतं पापं देव तस्य प्रणश्यतु ॥
mayi dveṣānubandho 'bhūt saṃstutāv udyate tava matpitus tatkṛtaṃ pāpaṃ deva tasya praṇaśyatu //
"When praise of you was undertaken (by me), my father was seized with hatred toward me; the sin done by him in that, O god — let it perish."
AI translation rendered from the Sanskrit, not a published edition
ViP 1 20.22
शस्त्राणि पातितान्य् अङ्गे क्षिप्तो यच् चाग्निसंहतौ दंशितश् चोरगैर् दत्तं यद् विषं मम भोजने ॥
śastrāṇi pātitāny aṅge kṣipto yac cāgnisaṃhatau daṃśitaś coragair dattaṃ yad viṣaṃ mama bhojane //
"Weapons were let fall upon my body, and I was thrown into a mass of fire, and I was bitten by serpents, and poison was put in my food;"
AI translation rendered from the Sanskrit, not a published edition
ViP 1 20.23
बद्ध्वा समुद्रे यत् क्षिप्तो यच् चितो ऽस्मि शिलोच्चयैः अन्यानि चाप्य् असाधूनि यानि पित्रा कृतानि मे ॥
baddhvā samudre yat kṣipto yac cito 'smi śiloccayaiḥ anyāni cāpy asādhūni yāni pitrā kṛtāni me //
"and I was bound and cast into the sea, and I was heaped over with piles of rock, and the other evil things that were done to me by my father —"
AI translation rendered from the Sanskrit, not a published edition
ViP 1 20.24
त्वयि भक्तिमतो द्वेषाद् अघं तत्संभवं च यत् त्वत्प्रसादात् प्रभो सद्यस् तेन मुच्येत मे पिता ॥
tvayi bhaktimato dveṣād aghaṃ tatsaṃbhavaṃ ca yat tvatprasādāt prabho sadyas tena mucyeta me pitā //
"the guilt that arose from that, from hatred of me who am devoted to you — by your grace, Lord, let my father be freed of it at once."
AI translation rendered from the Sanskrit, not a published edition
ViP 1 20.25
प्रह्लाद सर्वम् एतत् ते मत्प्रसादाद् भविष्यति अन्यं च ते वरं दद्मि व्रियताम् असुरात्मज ॥
prahlāda sarvam etat te matprasādād bhaviṣyati anyaṃ ca te varaṃ dadmi vriyatām asurātmaja //
"Prahlāda, all this will come about for you by my grace; and I grant you another boon: choose, son of the Asura."
AI translation rendered from the Sanskrit, not a published edition
ViP 1 20.26
कृतकृत्यो ऽस्मि भगवन् वरेणानेन यत् त्वयि भवित्री त्वत्प्रसादेन भक्तिर् अव्यभिचारिणी ॥
kṛtakṛtyo 'smi bhagavan vareṇānena yat tvayi bhavitrī tvatprasādena bhaktir avyabhicāriṇī //
"I have accomplished my purpose, Lord, by this boon, that by your grace there will be unswerving devotion to you (in me)."
AI translation rendered from the Sanskrit, not a published edition
ViP 1 20.27
धर्मार्थकामैः किं तस्य मुक्तिस् तस्य करे स्थिता समस्तजगतां मूले यस्य भक्तिः स्थिरा त्वयि ॥
dharmārthakāmaiḥ kiṃ tasya muktis tasya kare sthitā samastajagatāṃ mūle yasya bhaktiḥ sthirā tvayi //
"What (need) has he of dharma, wealth and pleasure? Liberation stands in his hand — he whose devotion is firm in you, the root of all the worlds."
AI translation rendered from the Sanskrit, not a published edition
ViP 1 20.28
यथा ते निश्चलं चेतो मयि भक्तिसमन्वितम् तथा त्वं मत्प्रसादेन निर्वाणं परम् आप्स्यसि ॥
yathā te niścalaṃ ceto mayi bhaktisamanvitam tathā tvaṃ matprasādena nirvāṇaṃ param āpsyasi //
"Since your mind is unwavering and filled with devotion to me, therefore by my grace you shall attain the supreme extinction."
AI translation rendered from the Sanskrit, not a published edition
ViP 1 20.29
इत्य् उक्त्वान्तर्दधे विष्णुस् तस्य मैत्रेय पश्यतः स चापि पुनर् आगम्य ववन्दे चरणौ पितुः ॥
ity uktvāntardadhe viṣṇus tasya maitreya paśyataḥ sa cāpi punar āgamya vavande caraṇau pituḥ //
Having said this, Viṣṇu vanished while he watched, O Maitreya; and he too, coming back again, saluted his father's feet.
AI translation rendered from the Sanskrit, not a published edition
ViP 1 20.30
तं पिता मूर्ध्न्य् उपाघ्राय परिष्वज्य च पीडितम् जीवसीत्य् आह वत्सेति बाष्पार्द्रनयनो द्विज ॥
taṃ pitā mūrdhny upāghrāya pariṣvajya ca pīḍitam jīvasīty āha vatseti bāṣpārdranayano dvija //
His father kissed him on the head and embraced him tightly, and said, "You live, my child!" — his eyes wet with tears, O twice-born.
AI translation rendered from the Sanskrit, not a published edition
ViP 1 20.31
प्रीतिमांश् चाभवत् तस्मिन्न् अनुतापी महासुरः गुरुपित्रोश् चकारैवं शुश्रूषां सो ऽपि धर्मवित् ॥
prītimāṃś cābhavat tasminn anutāpī mahāsuraḥ gurupitroś cakāraivaṃ śuśrūṣāṃ so 'pi dharmavit //
And the great Asura became affectionate toward him and repentant; and he too, knowing dharma, thus rendered service to his teacher and his father.
AI translation rendered from the Sanskrit, not a published edition
ViP 1 20.32
पितर्य् उपरतिं नीते नरसिंहस्वरूपिणा विष्णुना सो ऽपि दैत्यानां मैत्रेयाभूत् पतिस् ततः ॥
pitary uparatiṃ nīte narasiṃhasvarūpiṇā viṣṇunā so 'pi daityānāṃ maitreyābhūt patis tataḥ //
When his father had been brought to his end by Viṣṇu in the form of the man-lion, he then became lord of the Daityas, Maitreya.
AI translation rendered from the Sanskrit, not a published edition
ViP 1 20.33
तद्राज्यभूतिं संप्राप्य कर्मशुद्धिकरीं द्विज पुत्रपौत्रांश् च सुबहून् अवाप्यैश्वर्यम् एव च ॥
tadrājyabhūtiṃ saṃprāpya karmaśuddhikarīṃ dvija putrapautrāṃś ca subahūn avāpyaiśvaryam eva ca //
Having obtained that kingly sovereignty, which brought about the purification of (his) deeds, O twice-born, and having gained very many sons and grandsons, and lordship as well,
AI translation rendered from the Sanskrit, not a published edition
ViP 1 20.34
क्षीणाधिकारः स यदा पुण्यपापविवर्जितः तदासौ भगवद्ध्यानात् परं निर्वाणम् आप्तवान् ॥
kṣīṇādhikāraḥ sa yadā puṇyapāpavivarjitaḥ tadāsau bhagavaddhyānāt paraṃ nirvāṇam āptavān //
when his office was exhausted and he was free of merit and demerit, then, through meditation on the Lord, he attained the supreme extinction (nirvāṇa).
AI translation rendered from the Sanskrit, not a published edition
ViP 1 20.35
एवंप्रभावो दैत्यो ऽसौ मैत्रेयासीन् महामतिः प्रह्लादो भगवद्भक्तो यं त्वं माम् अनुपृच्छसि ॥
evaṃprabhāvo daityo 'sau maitreyāsīn mahāmatiḥ prahlādo bhagavadbhakto yaṃ tvaṃ mām anupṛcchasi //
Of such power, O Maitreya, was that Daitya of great mind, Prahlāda, the devotee of the Lord, about whom you ask me.
AI translation rendered from the Sanskrit, not a published edition
ViP 1 20.36
यस् त्व् एतच् चरितं तस्य प्रह्लादस्य महात्मनः शृणोति तस्य पापानि सद्यो गच्छन्ति संक्षयम् ॥
yas tv etac caritaṃ tasya prahlādasya mahātmanaḥ śṛṇoti tasya pāpāni sadyo gacchanti saṃkṣayam //
But whoever hears this history of that great-souled Prahlāda, his sins go at once to complete destruction.
AI translation rendered from the Sanskrit, not a published edition
ViP 1 20.37
अहोरात्रकृतं पापं प्रह्लादचरितं नरः शृण्वन् पठंश् च मैत्रेय व्यपोहति न संशयः ॥
ahorātrakṛtaṃ pāpaṃ prahlādacaritaṃ naraḥ śṛṇvan paṭhaṃś ca maitreya vyapohati na saṃśayaḥ //
A man who hears and recites the history of Prahlāda removes the sin committed in a day and a night, O Maitreya — there is no doubt.
AI translation rendered from the Sanskrit, not a published edition
ViP 1 20.38
पौर्णमास्याम् अमावास्याम् अष्टम्याम् अथ वा पठन् द्वादश्यां वा तद् आप्नोति गोप्रदानफलं द्विज ॥
paurṇamāsyām amāvāsyām aṣṭamyām atha vā paṭhan dvādaśyāṃ vā tad āpnoti gopradānaphalaṃ dvija //
Reciting (it) on the full-moon day, on the new-moon day, or on the eighth, or on the twelfth, he obtains the fruit of the gift of a cow, O twice-born.
AI translation rendered from the Sanskrit, not a published edition
ViP 1 20.39
प्रह्लादं सकलापत्सु यथा रक्षितवान् हरिः तथा रक्षति यस् तस्य शृणोति चरितं सदा ॥
prahlādaṃ sakalāpatsu yathā rakṣitavān hariḥ tathā rakṣati yas tasya śṛṇoti caritaṃ sadā //
As Hari protected Prahlāda in all calamities, so he protects one who constantly listens to his history.
AI translation rendered from the Sanskrit, not a published edition