Vishnu Purana — Amsha 1 — Chapter 19
ViP 1 19.1
हिरण्यकशिपुः श्रुत्वा तां कृत्यां वितथीकृताम् आहूय पुत्रं पप्रच्छ प्रभावस्यास्य कारणम् ॥
hiraṇyakaśipuḥ śrutvā tāṃ kṛtyāṃ vitathīkṛtām āhūya putraṃ papraccha prabhāvasyāsya kāraṇam //
Hiraṇyakaśipu, hearing that the sorcery-spell (kṛtyā) had been rendered fruitless, summoned his son and asked (him) the cause of this power (of his).
AI translation rendered from the Sanskrit, not a published edition
ViP 1 19.2
प्रह्लाद सुप्रभावो ऽसि किम् एतत् ते विचेष्टितम् एतन् मन्त्रादिजनितम् उताहो सहजं तव ॥
prahlāda suprabhāvo 'si kim etat te viceṣṭitam etan mantrādijanitam utāho sahajaṃ tava //
"Prahlāda, you are of great power. What is this doing of yours? Is it produced by spells and the like, or is it innate in you?"
AI translation rendered from the Sanskrit, not a published edition
ViP 1 19.3
एवं पृष्टस् तदा पित्रा प्रह्लादो ऽसुरबालकः प्रणिपत्य पितुः पादाव् इदं वचनम् अब्रवीत् ॥
evaṃ pṛṣṭas tadā pitrā prahlādo 'surabālakaḥ praṇipatya pituḥ pādāv idaṃ vacanam abravīt //
Thus questioned by his father, Prahlāda, the Asura boy, bowed at his father's feet and spoke these words:
AI translation rendered from the Sanskrit, not a published edition
ViP 1 19.4
न मन्त्रादिकृतस् तात न च नैसर्गिको मम प्रभाव एष सामान्यो यस्य यस्याच्युतो हृदि ॥
na mantrādikṛtas tāta na ca naisargiko mama prabhāva eṣa sāmānyo yasya yasyācyuto hṛdi //
"This power of mine, father, is not made by spells and the like, nor is it natural (to me); it is common to whomever has Acyuta in his heart.
AI translation rendered from the Sanskrit, not a published edition
ViP 1 19.5
अन्येषां यो न पापानि चिन्तयत्य् आत्मनो यथा तस्य पापागमस् तात हेत्वभावान् न विद्यते ॥
anyeṣāṃ yo na pāpāni cintayaty ātmano yathā tasya pāpāgamas tāta hetvabhāvān na vidyate //
He who does not devise evils against others as (he would not) against himself — for him, father, no coming of evil exists, since its cause is absent.
AI translation rendered from the Sanskrit, not a published edition
ViP 1 19.6
कर्मणा मनसा वाचा परपीडां करोति यः तद् बीजं जन्म फलति प्रभूतं तस्य चाशुभम् ॥
karmaṇā manasā vācā parapīḍāṃ karoti yaḥ tad bījaṃ janma phalati prabhūtaṃ tasya cāśubham //
He who by deed, mind, or speech causes injury to another — that seed sprouts abundant misfortune for him in (his next) birth.
AI translation rendered from the Sanskrit, not a published edition
ViP 1 19.7
सो ऽहं न पापम् इच्छामि न करोमि वदामि वा चिन्तयन् सर्वभूतस्थम् आत्मन्य् अपि च केशवम् ॥
so 'haṃ na pāpam icchāmi na karomi vadāmi vā cintayan sarvabhūtastham ātmany api ca keśavam //
Such am I: I do not wish evil, nor do it nor speak it, thinking of Keśava who abides in all beings and in myself as well.
AI translation rendered from the Sanskrit, not a published edition
ViP 1 19.8
शारीरं मानसं दुःखं दैवं भूतभवं तथा सर्वत्र शुभचित्तस्य तस्य मे जायते कुतः ॥
śārīraṃ mānasaṃ duḥkhaṃ daivaṃ bhūtabhavaṃ tathā sarvatra śubhacittasya tasya me jāyate kutaḥ //
Bodily pain, mental pain, that caused by fate and that arising from (other) beings — from where should it arise for me, whose mind is well-disposed everywhere?
AI translation rendered from the Sanskrit, not a published edition
ViP 1 19.9
एवं सर्वेषु भूतेषु भक्तिर् अव्यभिचारिणी कर्तव्या पण्डितैर् ज्ञात्वा सर्वभूतमयं हरिम् ॥
evaṃ sarveṣu bhūteṣu bhaktir avyabhicāriṇī kartavyā paṇḍitair jñātvā sarvabhūtamayaṃ harim //
Thus the wise, knowing Hari to consist of all beings, should practise unwavering devotion toward all beings."
AI translation rendered from the Sanskrit, not a published edition
ViP 1 19.10
इति श्रुत्वा स दैत्येन्द्रः प्रासादशिखरे स्थितः क्रोधान्धकारितमुखः प्राह दैतेयकिंकरान् ॥
iti śrutvā sa daityendraḥ prāsādaśikhare sthitaḥ krodhāndhakāritamukhaḥ prāha daiteyakiṃkarān //
Hearing this, that lord of the Daityas, standing on the roof-top of the palace, his face darkened with anger, said to the Daitya servants:
AI translation rendered from the Sanskrit, not a published edition
ViP 1 19.11
दुरात्मा क्षिप्यताम् अस्मात् प्रासादाच् छतयोजनात् गिरिपृष्ठे पतत्व् अस्मिञ् शिलाभिन्नाङ्गसंहतिः ॥
durātmā kṣipyatām asmāt prāsādāc chatayojanāt giripṛṣṭhe patatv asmiñ śilābhinnāṅgasaṃhatiḥ //
"Let this evil-minded one be flung down from this palace a hundred leagues (high); let him fall here on the mountain's back, the joints of his limbs shattered on the rocks."
AI translation rendered from the Sanskrit, not a published edition
ViP 1 19.12
ततस् तं चिक्षिपुः सर्वे बालं दैतेयकिंकराः पपात सो ऽप्य् अधः क्षिप्तो हृदयेनोद्वहन् हरिम् ॥
tatas taṃ cikṣipuḥ sarve bālaṃ daiteyakiṃkarāḥ papāta so 'py adhaḥ kṣipto hṛdayenodvahan harim //
Then all the Daitya servants hurled the boy down, and he, flung down, fell, bearing Hari in his heart.
AI translation rendered from the Sanskrit, not a published edition
ViP 1 19.13
पतमानं जगद्धात्री जगद्धातरि केशवे भक्तियुक्तं दधारैनम् उपगम्य च मेदिनी ॥
patamānaṃ jagaddhātrī jagaddhātari keśave bhaktiyuktaṃ dadhārainam upagamya ca medinī //
As he was falling — full of devotion to Keśava, the upholder of the world — the earth, the world's nurse, came near and held him up.
AI translation rendered from the Sanskrit, not a published edition
ViP 1 19.14
ततो विलोक्य तं स्वस्थम् अविशीर्णास्थिबन्धनम् हिरण्यकशिपुः प्राह शम्बरं मायिनां वरम् ॥
tato vilokya taṃ svastham aviśīrṇāsthibandhanam hiraṇyakaśipuḥ prāha śambaraṃ māyināṃ varam //
Then, seeing him unhurt, the bindings of his bones unbroken, Hiraṇyakaśipu said to Śambara, the best of the wielders of illusion:
AI translation rendered from the Sanskrit, not a published edition
ViP 1 19.15
नास्माभिः शक्यते हन्तुम् अयं दुर्वृत्तबालकः मायां वेत्ति भवांस् तस्मान् माययैनं निषूदय ॥
nāsmābhiḥ śakyate hantum ayaṃ durvṛttabālakaḥ māyāṃ vetti bhavāṃs tasmān māyayainaṃ niṣūdaya //
"This ill-behaved boy cannot be killed by us. You know illusion; therefore destroy him by illusion."
AI translation rendered from the Sanskrit, not a published edition
ViP 1 19.16
सूदयाम्य् एष दैत्येन्द्र पश्य मायाबलं मम सहस्रम् अत्र मायानां पश्य कोटिशतं तथा ॥
sūdayāmy eṣa daityendra paśya māyābalaṃ mama sahasram atra māyānāṃ paśya koṭiśataṃ tathā //
"I shall destroy (him), lord of the Daityas — behold the power of my illusion! Behold here a thousand illusions, indeed a hundred crores."
AI translation rendered from the Sanskrit, not a published edition
ViP 1 19.17
ततः समसृजन् मायाः प्रह्लादे शम्बरो ऽसुरः विनाशम् इच्छन् दुर्बुद्धिः सर्वत्र समदर्शिनि ॥
tataḥ samasṛjan māyāḥ prahlāde śambaro 'suraḥ vināśam icchan durbuddhiḥ sarvatra samadarśini //
Then the Asura Śambara, evil-minded, sent forth illusions against Prahlāda, wishing the destruction of him who saw all things as equal.
AI translation rendered from the Sanskrit, not a published edition
ViP 1 19.18
समाहितमना भूत्वा शम्बरे ऽपि विमत्सरः मैत्रेय सो ऽपि प्रह्लादः सस्मार मधुसूदनम् ॥
samāhitamanā bhūtvā śambare 'pi vimatsaraḥ maitreya so 'pi prahlādaḥ sasmāra madhusūdanam //
And that Prahlāda, O Maitreya, becoming collected in mind and without malice even toward Śambara, remembered Madhusūdana.
AI translation rendered from the Sanskrit, not a published edition
ViP 1 19.19
ततो भगवता तस्य रक्षार्थं चक्रम् उत्तमम् आजगाम समाज्ञप्तं ज्वालामालि सुदर्शनम् ॥
tato bhagavatā tasya rakṣārthaṃ cakram uttamam ājagāma samājñaptaṃ jvālāmāli sudarśanam //
Then, at the Lord's command, his supreme discus Sudarśana, wreathed in flames, came to protect him.
AI translation rendered from the Sanskrit, not a published edition
ViP 1 19.20
तेन मायासहस्रं तच् शम्बरस्याशुगामिना बालस्य रक्षता देहम् एकैकश्येन सूदितम् ॥
tena māyāsahasraṃ tac śambarasyāśugāminā bālasya rakṣatā deham ekaikaśyena sūditam //
By that swift-moving (discus), which guarded the boy's body, that thousandfold illusion of Śambara was destroyed, one by one.
AI translation rendered from the Sanskrit, not a published edition
ViP 1 19.21
संशोषकं ततो वायुं दैत्येन्द्र इदम् अब्रवीत् शीघ्रम् एष ममादेशाद् दुरात्मा नीयतां क्षयम् ॥
saṃśoṣakaṃ tato vāyuṃ daityendra idam abravīt śīghram eṣa mamādeśād durātmā nīyatāṃ kṣayam //
Then the lord of the Daityas said this to the drying wind: "Quickly, at my command, let this wicked one be brought to destruction."
AI translation rendered from the Sanskrit, not a published edition
ViP 1 19.22
तथेत्य् उक्त्वाथ सो ऽप्य् एनं विवेश पवनो लघुः शीतो ऽतिरूक्षः शोषाय तद्देहस्यातिदुःसहः ॥
tathety uktvātha so 'py enaṃ viveśa pavano laghuḥ śīto 'tirūkṣaḥ śoṣāya taddehasyātiduḥsahaḥ //
Saying "So be it," that light wind entered him — cold, extremely dry, most hard to bear — to wither his body.
AI translation rendered from the Sanskrit, not a published edition
ViP 1 19.23
तेनाविष्टं तथात्मानं स बुद्ध्वा दैत्यबालकः हृदयेन महात्मानं दधार धरणीधरम् ॥
tenāviṣṭaṃ tathātmānaṃ sa buddhvā daityabālakaḥ hṛdayena mahātmānaṃ dadhāra dharaṇīdharam //
When the Daitya boy perceived that his own self had been thus entered by it, he held in his heart the great Self, the upholder of the earth.
AI translation rendered from the Sanskrit, not a published edition
ViP 1 19.24
हृदयस्थस् ततस् तस्य तं वायुम् अतिशोषणम् पपौ जनार्दनः क्रुद्धः स ययौ पवनः क्षयम् ॥
hṛdayasthas tatas tasya taṃ vāyum atiśoṣaṇam papau janārdanaḥ kruddhaḥ sa yayau pavanaḥ kṣayam //
Then Janārdana, seated in his heart, angered, drank up that greatly withering wind, and that wind went to destruction.
AI translation rendered from the Sanskrit, not a published edition
ViP 1 19.25
क्षीणासु सर्वमायासु पवने संक्षयं गते जगाम सो ऽपि भवनं गुरोर् एव महामतिः ॥
kṣīṇāsu sarvamāyāsu pavane saṃkṣayaṃ gate jagāma so 'pi bhavanaṃ guror eva mahāmatiḥ //
When all the illusions were exhausted and the wind had come to destruction, he too, the greatly wise one, went to the house of his teacher.
AI translation rendered from the Sanskrit, not a published edition
ViP 1 19.26
अहन्य् अहन्य् अथाचार्यो नीतिं राज्यफलप्रदाम् ग्राहयाम् आस तं बालं राज्ञाम् उशनसा कृताम् ॥
ahany ahany athācāryo nītiṃ rājyaphalapradām grāhayām āsa taṃ bālaṃ rājñām uśanasā kṛtām //
Then, day after day, the teacher made that boy grasp the statecraft of kings, which yields the fruit of kingship, composed by Uśanas.
AI translation rendered from the Sanskrit, not a published edition
ViP 1 19.27
गृहीतनीतिशास्त्रं तं विनीतं स यदा गुरुः मेने तदैनं तत्पित्रे कथयाम् आस शिक्षितम् ॥
gṛhītanītiśāstraṃ taṃ vinītaṃ sa yadā guruḥ mene tadainaṃ tatpitre kathayām āsa śikṣitam //
When the teacher considered him disciplined and to have mastered the science of statecraft, he then told his father that he had been instructed.
AI translation rendered from the Sanskrit, not a published edition
ViP 1 19.28
गृहीतनीतिशास्त्रस् ते पुत्रो दैत्यपते कृतः प्रह्लादस् तत्त्वतो वेत्ति भार्गवेण यद् ईरितम् ॥
gṛhītanītiśāstras te putro daityapate kṛtaḥ prahlādas tattvato vetti bhārgaveṇa yad īritam //
"O lord of the Daityas, your son Prahlāda has been made a master of the science of statecraft; he knows truly what was declared by the Bhārgava."
AI translation rendered from the Sanskrit, not a published edition
ViP 1 19.29
मित्रेषु वर्तेत कथम् अरिवर्गेषु भूपतिः प्रह्लाद त्रिषु कालेषु मध्यस्थेषु कथं चरेत् ॥
mitreṣu varteta katham arivargeṣu bhūpatiḥ prahlāda triṣu kāleṣu madhyastheṣu kathaṃ caret //
"Prahlāda, how should a king behave toward friends, toward groups of enemies, and in the three times? How should he act toward those who are neutral?
AI translation rendered from the Sanskrit, not a published edition
ViP 1 19.30
कथं मन्त्रिष्व् अमात्येषु बाह्येष्व् आभ्यन्तरेषु च चारेषु पौरवर्गेषु शङ्कितेष्व् इतरेषु च ॥
kathaṃ mantriṣv amātyeṣu bāhyeṣv ābhyantareṣu ca cāreṣu pauravargeṣu śaṅkiteṣv itareṣu ca //
How toward counsellors and ministers, toward outsiders and insiders, toward spies, toward the bodies of townsfolk, toward the suspected and toward the rest?
AI translation rendered from the Sanskrit, not a published edition
ViP 1 19.31
कृत्याकृत्यविधानं च दुर्गाटविकसाधनम् प्रह्लाद कथ्यतां सम्यक् तथा कण्टकशोधनम् ॥
kṛtyākṛtyavidhānaṃ ca durgāṭavikasādhanam prahlāda kathyatāṃ samyak tathā kaṇṭakaśodhanam //
And the rules of what is to be done and not to be done, the reduction of fortresses and forest tribes — let this be told properly, Prahlāda, and likewise the clearing away of thorns (i.e. troublemakers).
AI translation rendered from the Sanskrit, not a published edition
ViP 1 19.32
एतच् चान्यच् च सकलम् अधीतं भवता यथा तथा मे कथ्यतां ज्ञातुं तवेच्छामि मनोगतम् ॥
etac cānyac ca sakalam adhītaṃ bhavatā yathā tathā me kathyatāṃ jñātuṃ tavecchāmi manogatam //
This and all else, as it has been studied by you, so let it be told to me; I wish to know what is in your mind."
AI translation rendered from the Sanskrit, not a published edition
ViP 1 19.33
प्रणिपत्य पितुः पादौ ततः प्रश्रयभूषणः प्रह्लादः प्राह दैत्येन्द्रं कृताञ्जलिपुटः स्थितः ॥
praṇipatya pituḥ pādau tataḥ praśrayabhūṣaṇaḥ prahlādaḥ prāha daityendraṃ kṛtāñjalipuṭaḥ sthitaḥ //
Then Prahlāda, adorned with modesty, bowing at his father's feet, standing with cupped hands joined, said to the lord of the Daityas:
AI translation rendered from the Sanskrit, not a published edition
ViP 1 19.34
ममोपदिष्टं सकलं गुरुणा नात्र संशयः गृहीतं च मया किन्तु न सद् एतन् मतं मम ॥
mamopadiṣṭaṃ sakalaṃ guruṇā nātra saṃśayaḥ gṛhītaṃ ca mayā kintu na sad etan mataṃ mama //
"All was taught to me by the teacher — of that there is no doubt — and it was taken in by me; but in my view this is not good.
AI translation rendered from the Sanskrit, not a published edition
ViP 1 19.35
साम चोपप्रदानं च भेददण्डौ तथैव च उपायाः कथिता ह्य् एते मित्रादीनां च साधने ॥
sāma copapradānaṃ ca bhedadaṇḍau tathaiva ca upāyāḥ kathitā hy ete mitrādīnāṃ ca sādhane //
Conciliation, gifts, and likewise division and force — these are declared to be the means for dealing with friends and the rest.
AI translation rendered from the Sanskrit, not a published edition
ViP 1 19.36
तान् एवाहं न पश्यामि मित्रादींस् तात मा क्रुधः साध्याभावे महाबाहो साधनैः किं प्रयोजनम् ॥
tān evāhaṃ na paśyāmi mitrādīṃs tāta mā krudhaḥ sādhyābhāve mahābāho sādhanaiḥ kiṃ prayojanam //
But I do not see them at all, father — friends and the rest; do not be angry. When there is no object to be accomplished, mighty-armed one, what use are means?
AI translation rendered from the Sanskrit, not a published edition
ViP 1 19.37
सर्वभूतात्मके तात जगन्नाथे जगन्मये परमात्मनि गोविन्दे मित्रामित्रकथा कुतः ॥
sarvabhūtātmake tāta jagannāthe jaganmaye paramātmani govinde mitrāmitrakathā kutaḥ //
Father, when Govinda, the Supreme Self, is the self of all beings, the lord of the world, made of the world — whence talk of friend and foe?
AI translation rendered from the Sanskrit, not a published edition
ViP 1 19.38
त्वय्य् अस्ति भगवान् विष्णुर् मयि चान्यत्र चास्ति सः यतस् ततो ऽयं मित्रं मे शत्रुश् चेति पृथक् कुतः ॥
tvayy asti bhagavān viṣṇur mayi cānyatra cāsti saḥ yatas tato 'yaṃ mitraṃ me śatruś ceti pṛthak kutaḥ //
The Lord Viṣṇu is in you, and he is in me and elsewhere; since that is so, whence any separate "this one is my friend and that one my enemy"?
AI translation rendered from the Sanskrit, not a published edition
ViP 1 19.39
तद् एभिर् अलम् अत्यर्थं दुष्टारम्भोक्तिविस्तरैः अविद्यान्तर्गतैर् यत्नः कर्तव्यस् तात शोभने ॥
tad ebhir alam atyarthaṃ duṣṭārambhoktivistaraiḥ avidyāntargatair yatnaḥ kartavyas tāta śobhane //
So enough of these long-drawn utterances of evil undertakings; effort should be made, dear child, in what is auspicious among the things enclosed within ignorance.
AI translation rendered from the Sanskrit, not a published edition — the model flagged this verse as uncertain
ViP 1 19.40
विद्याबुद्धिर् अविद्यायाम् अज्ञानात् तात जायते बालो ऽग्निं किं न खद्योतम् असुरेश्वर मन्यते ॥
vidyābuddhir avidyāyām ajñānāt tāta jāyate bālo 'gniṃ kiṃ na khadyotam asureśvara manyate //
The notion that ignorance is knowledge arises from lack of understanding, dear father; does not a child take a firefly for fire, O lord of the asuras?
AI translation rendered from the Sanskrit, not a published edition
ViP 1 19.41
तत् कर्म यन् न बन्धाय सा विद्या या विमुक्तये आयासायापरं कर्म विद्यान्या शिल्पनैपुणम् ॥
tat karma yan na bandhāya sā vidyā yā vimuktaye āyāsāyāparaṃ karma vidyānyā śilpanaipuṇam //
That is (true) action which does not lead to bondage; that is (true) knowledge which leads to liberation: other action is (mere) toil, and other knowledge is (mere) skill in craft.
AI translation rendered from the Sanskrit, not a published edition
ViP 1 19.42
तद् एतद् अवगम्याहम् असारं साध्यम् उत्तमम् निशामय महाभाग प्रणिपत्य ब्रवीमि यत् ॥
tad etad avagamyāham asāraṃ sādhyam uttamam niśāmaya mahābhāga praṇipatya bravīmi yat //
Having understood this—that (all this) is without substance—hear, O greatly fortunate one, the highest thing to be attained, which I, bowing down, declare.
AI translation rendered from the Sanskrit, not a published edition
ViP 1 19.43
न चिन्तयति को राज्यं को धनं नाभिवाञ्छति तथापि भाव्यम् एवैतद् उभयं प्राप्यते नरैः ॥
na cintayati ko rājyaṃ ko dhanaṃ nābhivāñchati tathāpi bhāvyam evaitad ubhayaṃ prāpyate naraiḥ //
Who does not think about kingship? Who does not long for wealth? Yet both these are obtained by men only as they are destined to be.
AI translation rendered from the Sanskrit, not a published edition
ViP 1 19.44
सर्व एव महाभाग महत्त्वं प्रति सोद्यमाः तथापि पुंसां भाग्यानि नोद्यमा भूतिहेतवः ॥
sarva eva mahābhāga mahattvaṃ prati sodyamāḥ tathāpi puṃsāṃ bhāgyāni nodyamā bhūtihetavaḥ //
All beings, O greatly fortunate one, strive after greatness; yet it is men's fortunes, not their exertions, that are the causes of prosperity.
AI translation rendered from the Sanskrit, not a published edition
ViP 1 19.45
जडानाम् अविवेकानाम् अशूराणाम् अपि प्रभो भाग्यभोज्यानि राज्यानि सन्त्य् अनीतिमताम् अपि ॥
jaḍānām avivekānām aśūrāṇām api prabho bhāgyabhojyāni rājyāni santy anītimatām api //
Even the dull, the undiscerning, the unheroic, O lord, and even those without policy, have kingdoms to enjoy by their good fortune.
AI translation rendered from the Sanskrit, not a published edition
ViP 1 19.46
तस्माद् यतेत पुण्येषु य इच्छेन् महतीं श्रियम् यतितव्यं समत्वे च निर्वाणम् अपि चेच्छता ॥
tasmād yateta puṇyeṣu ya icchen mahatīṃ śriyam yatitavyaṃ samatve ca nirvāṇam api cecchatā //
Therefore let him who desires great prosperity strive in meritorious deeds; and one who desires even liberation must strive for equanimity (toward all).
AI translation rendered from the Sanskrit, not a published edition
ViP 1 19.47
देवा मनुष्याः पशवः पक्षिवृक्षसरीसृपाः रूपम् एतद् अनन्तस्य विष्णोर् भिन्नम् इव स्थितम् ॥
devā manuṣyāḥ paśavaḥ pakṣivṛkṣasarīsṛpāḥ rūpam etad anantasya viṣṇor bhinnam iva sthitam //
Gods, men, beasts, birds, trees and creeping things—this is the form of the endless Viṣṇu, standing as though divided.
AI translation rendered from the Sanskrit, not a published edition
ViP 1 19.48
एतद् विजानता सर्वं जगत् स्थावरजङ्गमम् द्रष्टव्यम् आत्मवद् विष्णुर् यतो ऽयं विश्वरूपधृक् ॥
etad vijānatā sarvaṃ jagat sthāvarajaṅgamam draṣṭavyam ātmavad viṣṇur yato 'yaṃ viśvarūpadhṛk //
One who knows this should look upon the whole world, moving and unmoving, as (his own) self, since this Viṣṇu is the bearer of the form of the universe.
AI translation rendered from the Sanskrit, not a published edition
ViP 1 19.49
एवं ज्ञाते स भगवान् अनादिः परमेश्वरः प्रसीदत्य् अच्युतस् तस्मिन् प्रसन्ने क्लेशसंक्षयः ॥
evaṃ jñāte sa bhagavān anādiḥ parameśvaraḥ prasīdaty acyutas tasmin prasanne kleśasaṃkṣayaḥ //
When (he) is known thus, that Lord, the beginningless supreme ruler, the imperishable one, is gracious; and when he is gracious there is the utter destruction of afflictions.
AI translation rendered from the Sanskrit, not a published edition
ViP 1 19.50
एतच् छ्रुत्वा तु कोपेन समुत्थाय वरासनात् हिरण्यकशिपुः पुत्रं पदा वक्षस्य् अताडयत् ॥
etac chrutvā tu kopena samutthāya varāsanāt hiraṇyakaśipuḥ putraṃ padā vakṣasy atāḍayat //
But having heard this, Hiraṇyakaśipu rose in anger from his excellent seat and struck his son on the chest with his foot.
AI translation rendered from the Sanskrit, not a published edition
ViP 1 19.51
उवाच च स कोपेन सामर्षः प्रज्वलन्न् इव निष्पिष्य पाणिना पाणिं हन्तुकामो जगद् यथा ॥
uvāca ca sa kopena sāmarṣaḥ prajvalann iva niṣpiṣya pāṇinā pāṇiṃ hantukāmo jagad yathā //
And, grinding hand against hand, blazing as it were with fury and rage, wishing to destroy the world as it were, he spoke.
AI translation rendered from the Sanskrit, not a published edition
ViP 1 19.52
हे विप्रचित्ते हे राहो हे बलैष महार्णवे नागपाशैर् दृढं बद्ध्वा क्षिप्यतां मा विलम्बथ ॥
he vipracitte he rāho he balaiṣa mahārṇave nāgapāśair dṛḍhaṃ baddhvā kṣipyatāṃ mā vilambatha //
"Ho Vipracitti! Ho Rāhu! Ho Bala! Bind this one firmly with serpent-nooses and hurl him into the great ocean—do not delay!"
AI translation rendered from the Sanskrit, not a published edition
ViP 1 19.53
अन्यथा सकला लोकास् तथा दैतेयदानवाः अनुयास्यन्ति मूढस्य मतम् अस्य दुरात्मनः ॥
anyathā sakalā lokās tathā daiteyadānavāḥ anuyāsyanti mūḍhasya matam asya durātmanaḥ //
"Otherwise all the worlds, and the Daityas and Dānavas too, will follow the opinion of this deluded, evil-souled one."
AI translation rendered from the Sanskrit, not a published edition
ViP 1 19.54
बहुशो वारितो ऽस्माभिर् अयं पापस् तथाप्य् अरेः स्तुतिं करोति दुष्टानां वध एवोपकारकः ॥
bahuśo vārito 'smābhir ayaṃ pāpas tathāpy areḥ stutiṃ karoti duṣṭānāṃ vadha evopakārakaḥ //
"Many times has this wicked one been restrained by us, yet he praises the enemy; for the wicked, killing alone is the benefit."
AI translation rendered from the Sanskrit, not a published edition
ViP 1 19.55
ततस् ते सत्वरा दैत्या बद्ध्वा तं नागबन्धनैः भर्तुर् आज्ञां पुरस्कृत्य चिक्षिपुः सलिलार्णवे ॥
tatas te satvarā daityā baddhvā taṃ nāgabandhanaiḥ bhartur ājñāṃ puraskṛtya cikṣipuḥ salilārṇave //
Then those Daityas, in haste, bound him with serpent-bonds and, honoring their master's command, flung him into the ocean of waters.
AI translation rendered from the Sanskrit, not a published edition
ViP 1 19.56
ततश् चचाल चलता प्रह्लादेन महार्णवः उद्वेलो ऽभूत् परं क्षोभम् उपेत्य च समन्ततः ॥
tataś cacāla calatā prahlādena mahārṇavaḥ udvelo 'bhūt paraṃ kṣobham upetya ca samantataḥ //
Then, with Prahlāda thrashing about, the great ocean shook and, coming to extreme agitation, overflowed its shores on every side.
AI translation rendered from the Sanskrit, not a published edition
ViP 1 19.57
भूर्लोकम् अखिलं दृष्ट्वा प्लाव्यमानं महाम्भसा हिरण्यकशिपुर् दैत्यान् इदम् आह महामुने ॥
bhūrlokam akhilaṃ dṛṣṭvā plāvyamānaṃ mahāmbhasā hiraṇyakaśipur daityān idam āha mahāmune //
Seeing the whole earth-world being flooded by the great waters, Hiraṇyakaśipu said this to the Daityas, O great sage.
AI translation rendered from the Sanskrit, not a published edition
ViP 1 19.58
दैतेयाः सकलैः शैलैर् अत्रैव वरुणालये निश्छिद्रैः सर्वतः सर्वैश् चीयताम् एष दुर्मतिः ॥
daiteyāḥ sakalaiḥ śailair atraiva varuṇālaye niśchidraiḥ sarvataḥ sarvaiś cīyatām eṣa durmatiḥ //
"O Daiteyas, with all the mountains, all of them, without any gap, let this evil-minded one be heaped over on every side, right here in Varuṇa's abode."
AI translation rendered from the Sanskrit, not a published edition
ViP 1 19.59
नाग्निर् दहति नैवायं शस्त्रैश् छिन्नो न चोरगैः क्षयं नीतो न वातेन न विषेण न कृत्यया ॥
nāgnir dahati naivāyaṃ śastraiś chinno na coragaiḥ kṣayaṃ nīto na vātena na viṣeṇa na kṛtyayā //
Fire does not burn him, nor is he cut by weapons, nor has he been brought to destruction by serpents, nor by wind, nor by poison, nor by a magic spell.
AI translation rendered from the Sanskrit, not a published edition
ViP 1 19.60
न मायाभिर् न चैवोच्चात् पातितो न च दिग्गजैः बालो ऽतिदुष्टचित्तो ऽयं नानेनार्थो ऽस्ति जीवता ॥
na māyābhir na caivoccāt pātito na ca diggajaiḥ bālo 'tiduṣṭacitto 'yaṃ nānenārtho 'sti jīvatā //
Nor by illusions, nor was he thrown down from a height, nor (crushed) by the elephants of the quarters. This boy is exceedingly evil-minded; there is no use in his living.
AI translation rendered from the Sanskrit, not a published edition
ViP 1 19.61
तद् एष तोयधाव् अत्र समाक्रान्तो महीधरैः तिष्ठत्व् अब्दसहस्रान्तं प्राणान् हास्यति दुर्मतिः ॥
tad eṣa toyadhāv atra samākrānto mahīdharaiḥ tiṣṭhatv abdasahasrāntaṃ prāṇān hāsyati durmatiḥ //
Therefore let him stay here in the ocean, overwhelmed by mountains, to the end of a thousand years; the wicked-minded one will give up his life-breaths.
AI translation rendered from the Sanskrit, not a published edition
ViP 1 19.62
ततो दैत्या दानवाश् च पर्वतैस् तं महोदधौ आक्रम्य चयनं चक्रुर् योजनानि सहस्रशः ॥
tato daityā dānavāś ca parvatais taṃ mahodadhau ākramya cayanaṃ cakrur yojanāni sahasraśaḥ //
Then the Daityas and Dānavas, assailing him with mountains in the great ocean, made a heap (over him) thousands of yojanas (high).
AI translation rendered from the Sanskrit, not a published edition
ViP 1 19.63
स चितः पर्वतैर् अन्तः समुद्रस्य महामतिः तुष्टावाह्निकवेलायाम् एकाग्रमतिर् अच्युतम् ॥
sa citaḥ parvatair antaḥ samudrasya mahāmatiḥ tuṣṭāvāhnikavelāyām ekāgramatir acyutam //
Heaped over with mountains within the ocean, that great-minded one, with single-pointed mind, praised the Unfallen (Acyuta) at the time of his daily observance.
AI translation rendered from the Sanskrit, not a published edition
ViP 1 19.64
नमस् ते पुण्डरीकाक्ष नमस् ते पुरुषोत्तम नमस् ते सर्वलोकात्मन् नमस् ते तिग्मचक्रिणे ॥
namas te puṇḍarīkākṣa namas te puruṣottama namas te sarvalokātman namas te tigmacakriṇe //
Homage to you, lotus-eyed one; homage to you, supreme Person; homage to you, self of all worlds; homage to you, bearer of the sharp discus.
AI translation rendered from the Sanskrit, not a published edition
ViP 1 19.65
नमो ब्रह्मण्यदेवाय गोब्राह्मणहिताय च जगद्धिताय कृष्णाय गोविन्दाय नमो नमः ॥
namo brahmaṇyadevāya gobrāhmaṇahitāya ca jagaddhitāya kṛṣṇāya govindāya namo namaḥ //
Homage to the god who is devoted to the brahman (brāhmaṇas), and to him who is the benefactor of cows and brāhmaṇas; to Kṛṣṇa, the benefactor of the world, to Govinda, homage again and again.
AI translation rendered from the Sanskrit, not a published edition
ViP 1 19.66
ब्रह्मत्वे सृजते विश्वं स्थितौ पालयते पुनः रुद्ररूपाय कल्पान्ते नमस् तुभ्यं त्रिमूर्तये ॥
brahmatve sṛjate viśvaṃ sthitau pālayate punaḥ rudrarūpāya kalpānte namas tubhyaṃ trimūrtaye //
To (you) who in the state of Brahmā create the universe, and again in (the state of) preservation protect it, and (who) at the end of the aeon have Rudra's form — homage to you, of the three forms.
AI translation rendered from the Sanskrit, not a published edition
ViP 1 19.67
देवा यक्षासुराः सिद्धा नागा गन्धर्वकिंनराः पिशाचा राक्षसाश् चैव मनुष्याः पशवस् तथा ॥
devā yakṣāsurāḥ siddhā nāgā gandharvakiṃnarāḥ piśācā rākṣasāś caiva manuṣyāḥ paśavas tathā //
Gods, yakṣas, asuras, siddhas, nāgas, gandharvas and kiṃnaras, piśācas and rākṣasas, humans and likewise beasts,
AI translation rendered from the Sanskrit, not a published edition
ViP 1 19.68
पक्षिणः स्थावराश् चैव पिपीलिकसरीसृपाः भूम्यापो ऽग्निर् नभो वायुः शब्दः स्पर्शस् तथा रसः ॥
pakṣiṇaḥ sthāvarāś caiva pipīlikasarīsṛpāḥ bhūmyāpo 'gnir nabho vāyuḥ śabdaḥ sparśas tathā rasaḥ //
birds and immobile things, ants and creeping creatures, earth, waters, fire, sky, wind, sound, touch, and taste,
AI translation rendered from the Sanskrit, not a published edition
ViP 1 19.69
रूपं गन्धो मनो बुद्धिर् आत्मा कालस् तथा गुणाः एतेषां परमार्थश् च सर्वम् एतत् त्वम् अच्युत ॥
rūpaṃ gandho mano buddhir ātmā kālas tathā guṇāḥ eteṣāṃ paramārthaś ca sarvam etat tvam acyuta //
form, smell, mind, intellect, self, time, and the guṇas — and the highest reality of these: all this is you, O Acyuta.
AI translation rendered from the Sanskrit, not a published edition
ViP 1 19.70
विद्याविद्ये भवान् सत्यम् असत्यं त्वं विषामृते प्रवृत्तं च निवृत्तं च कर्म वेदोदितं भवान् ॥
vidyāvidye bhavān satyam asatyaṃ tvaṃ viṣāmṛte pravṛttaṃ ca nivṛttaṃ ca karma vedoditaṃ bhavān //
You are knowledge and ignorance, truth and untruth, poison and nectar; you are the action enjoined by the Veda, both that which proceeds (toward activity) and that which turns away.
AI translation rendered from the Sanskrit, not a published edition
ViP 1 19.71
समस्तकर्मभोक्ता च कर्मोपकरणानि च त्वम् एव विष्णो सर्वाणि सर्वकर्मफलं च यत् ॥
samastakarmabhoktā ca karmopakaraṇāni ca tvam eva viṣṇo sarvāṇi sarvakarmaphalaṃ ca yat //
You alone, Viṣṇu, are the enjoyer of all actions, and all the instruments of action, and whatever is the fruit of all action.
AI translation rendered from the Sanskrit, not a published edition
ViP 1 19.72
मय्य् अन्यत्र तथाशेषभूतेषु भुवनेषु च तवैव व्याप्तिर् ऐश्वर्यगुणसंसूचिकी प्रभो ॥
mayy anyatra tathāśeṣabhūteṣu bhuvaneṣu ca tavaiva vyāptir aiśvaryaguṇasaṃsūcikī prabho //
In me and elsewhere, and in all beings and worlds, there is your pervasion alone, indicating your quality of sovereignty, O Lord.
AI translation rendered from the Sanskrit, not a published edition
ViP 1 19.73
त्वां योगिनश् चिन्तयन्ति त्वां यजन्ति च यज्विनः हव्यकव्यभुग् एकस् त्वं पितृदेवस्वरूपधृक् ॥
tvāṃ yoginaś cintayanti tvāṃ yajanti ca yajvinaḥ havyakavyabhug ekas tvaṃ pitṛdevasvarūpadhṛk //
The yogins meditate on you, and the sacrificers sacrifice to you; you alone eat the oblations to gods and to ancestors, bearing the forms of both fathers and gods.
AI translation rendered from the Sanskrit, not a published edition
ViP 1 19.74
रूपं महत् ते ऽच्युत यत्र विश्वं यतश् च सूक्ष्मं जगद् एतद् ईश रूपाणि सूक्ष्माणि च भूतभेदास् तेष्व् अन्तर् आत्माख्यम् अतीव सूक्ष्मम् ॥
rūpaṃ mahat te 'cyuta yatra viśvaṃ yataś ca sūkṣmaṃ jagad etad īśa rūpāṇi sūkṣmāṇi ca bhūtabhedās teṣv antar ātmākhyam atīva sūkṣmam //
Your great form, O Acyuta, in which the universe (abides), and from which this subtle world (comes), O Lord; and the subtle forms are the varieties of beings; within them is what is called the self, exceedingly subtle.
AI translation rendered from the Sanskrit, not a published edition — the model flagged this verse as uncertain
ViP 1 19.75
तस्माच् च सूक्ष्मादिविशेषणानाम् अगोचरे यत् परमार्थरूपम् किम् अप्य् अचिन्त्यं तव रूपम् अस्ति तस्मै नमस् ते पुरुषोत्तमाय ॥
tasmāc ca sūkṣmādiviśeṣaṇānām agocare yat paramārtharūpam kim apy acintyaṃ tava rūpam asti tasmai namas te puruṣottamāya //
And beyond that, there is some inconceivable form of yours which is of the nature of the highest reality, outside the range of qualifications such as 'subtle' and the rest — to that, homage to you, supreme Person.
AI translation rendered from the Sanskrit, not a published edition
ViP 1 19.76
सर्वभूतेषु सर्वात्मन् या शक्तिर् अपरा तव गुणाश्रया नमस् तस्यै शाश्वतायै सुरेश्वर ॥
sarvabhūteṣu sarvātman yā śaktir aparā tava guṇāśrayā namas tasyai śāśvatāyai sureśvara //
O self of all, that lower power of yours which resides in all beings and has the guṇas for its support — homage to her, the everlasting one, O lord of the gods.
AI translation rendered from the Sanskrit, not a published edition
ViP 1 19.77
यातीतगोचरा वाचां मनसां चाविशेषणा ज्ञानिज्ञानपरिच्छेद्या तां वन्दे चेश्वरीं पराम् ॥
yātītagocarā vācāṃ manasāṃ cāviśeṣaṇā jñānijñānaparicchedyā tāṃ vande ceśvarīṃ parām //
And I praise that supreme sovereign (power) which is beyond the range of words, and of minds, and is without qualification, (yet) is determinable by the knowledge of the knowers.
AI translation rendered from the Sanskrit, not a published edition
ViP 1 19.78
ॐ नमो वासुदेवाय तस्मै भगवते सदा व्यतिरिक्तं न यस्यास्ति व्यतिरिक्तो ऽखिलस्य यः ॥
oṃ namo vāsudevāya tasmai bhagavate sadā vyatiriktaṃ na yasyāsti vyatirikto 'khilasya yaḥ //
Oṃ, homage always to that Blessed Vāsudeva, than whom nothing is other, and who is other than the whole.
AI translation rendered from the Sanskrit, not a published edition
ViP 1 19.79
नमस् तस्मै नमस् तस्मै नमस् तस्मै महात्मने नामरूपं न यस्यैको यो ऽस्तित्वेनोपलभ्यते ॥
namas tasmai namas tasmai namas tasmai mahātmane nāmarūpaṃ na yasyaiko yo 'stitvenopalabhyate //
Homage to him, homage to him, homage to him, the great Self, who alone has no name or form, who is apprehended (only) as existence.
AI translation rendered from the Sanskrit, not a published edition
ViP 1 19.80
यस्यावताररूपाणि समर्चन्ति दिवौकसः अपश्यन्तः परं रूपं नमस् तस्मै महात्मने ॥
yasyāvatārarūpāṇi samarcanti divaukasaḥ apaśyantaḥ paraṃ rūpaṃ namas tasmai mahātmane //
He whose incarnate forms the dwellers in heaven worship, not seeing his supreme form — homage to him, the great Self.
AI translation rendered from the Sanskrit, not a published edition
ViP 1 19.81
यो ऽन्तस् तिष्ठन्न् अशेषस्य पश्यतीशः शुभाशुभम् तं सर्वसाक्षिणं विष्णुं नमस्ये परमेश्वरम् ॥
yo 'ntas tiṣṭhann aśeṣasya paśyatīśaḥ śubhāśubham taṃ sarvasākṣiṇaṃ viṣṇuṃ namasye parameśvaram //
He who, dwelling within all without exception, as lord sees the good and the bad — that Viṣṇu, witness of all, the supreme Lord, I salute.
AI translation rendered from the Sanskrit, not a published edition
ViP 1 19.82
नमो ऽस्तु विष्णवे तस्मै यस्याभिन्नम् इदं जगत् ध्येयः स जगताम् आद्यः स प्रसीदतु मे ऽव्ययः ॥
namo 'stu viṣṇave tasmai yasyābhinnam idaṃ jagat dhyeyaḥ sa jagatām ādyaḥ sa prasīdatu me 'vyayaḥ //
Homage be to that Viṣṇu, from whom this world is not distinct; he is to be meditated on, the first of the worlds — may he, the imperishable, be gracious to me.
AI translation rendered from the Sanskrit, not a published edition
ViP 1 19.83
यत्रोतम् एतत् प्रोतं च विश्वम् अक्षरसंज्ञके आधारभूतः सर्वस्य स प्रसीदतु मे हरिः ॥
yatrotam etat protaṃ ca viśvam akṣarasaṃjñake ādhārabhūtaḥ sarvasya sa prasīdatu me hariḥ //
He in whom, called the Imperishable, this universe is woven warp and woof, who is the support of all — may that Hari be gracious to me.
AI translation rendered from the Sanskrit, not a published edition
ViP 1 19.84
ॐ नमो विष्णवे तस्मै नमस् तस्मै पुनः पुनः यत्र सर्वं यतः सर्वं यः सर्वं सर्वतश् च यः ॥
oṃ namo viṣṇave tasmai namas tasmai punaḥ punaḥ yatra sarvaṃ yataḥ sarvaṃ yaḥ sarvaṃ sarvataś ca yaḥ //
Om, homage to that Viṣṇu, homage to him again and again — in whom is all, from whom is all, who is all, and who is (the source) of all.
AI translation rendered from the Sanskrit, not a published edition
ViP 1 19.85
सर्वगत्वाद् अनन्तस्य स एवाहम् अवस्थितः मत्तः सर्वम् अहं सर्वं मयि सर्वं सनातने ॥
sarvagatvād anantasya sa evāham avasthitaḥ mattaḥ sarvam ahaṃ sarvaṃ mayi sarvaṃ sanātane //
Since the Infinite is all-pervading, he himself is (what) I am, established (here); from me is all, I am all, in me, the eternal, is all.
AI translation rendered from the Sanskrit, not a published edition
ViP 1 19.86
अहम् एवाक्षयो नित्यः परमात्मात्मसंश्रयः ब्रह्मसंज्ञो ऽहम् एवाग्रे तथान्ते च परः पुमान् ॥
aham evākṣayo nityaḥ paramātmātmasaṃśrayaḥ brahmasaṃjño 'ham evāgre tathānte ca paraḥ pumān //
I alone am the undecaying, the eternal, the supreme Self, the resort of the self; I alone, named Brahman, am at the beginning and likewise at the end — the supreme Person.
AI translation rendered from the Sanskrit, not a published edition