Vishnu Purana — Amsha 1 — Chapter 18
ViP 1 18.1
तस्यैतां दानवाश् चेष्टां दृष्ट्वा दैत्यपतेर् भयात् आचचक्षुः स चोवाच सूदान् आहूय सत्वरः ॥
tasyaitāṃ dānavāś ceṣṭāṃ dṛṣṭvā daityapater bhayāt ācacakṣuḥ sa covāca sūdān āhūya satvaraḥ //
The Dānavas, seeing this behaviour of his, out of fear of the lord of the Daityas reported it; and he, quickly summoning the cooks, said:
AI translation rendered from the Sanskrit, not a published edition
ViP 1 18.2
हे सूदा मम पुत्रो ऽसाव् अन्येषाम् अपि दुर्मतिः कुमार्गदेशिको दुष्टो हन्यताम् अविलम्बितम् ॥
he sūdā mama putro 'sāv anyeṣām api durmatiḥ kumārgadeśiko duṣṭo hanyatām avilambitam //
"O cooks, that son of mine is evil-minded, and toward others too a guide onto the wrong road; the wicked one is to be killed without delay."
AI translation rendered from the Sanskrit, not a published edition
ViP 1 18.3
हालाहलं विषं तस्य सर्वभक्ष्येषु दीयताम् अविज्ञातम् असौ पापो वध्यतां मा विचार्यताम् ॥
hālāhalaṃ viṣaṃ tasya sarvabhakṣyeṣu dīyatām avijñātam asau pāpo vadhyatāṃ mā vicāryatām //
"Let hālāhala poison be put, unnoticed, into all his foods; let this wicked one be killed — do not deliberate."
AI translation rendered from the Sanskrit, not a published edition
ViP 1 18.4
ते तथैव ततश् चक्रुः प्रह्लादाय महात्मने विषदानं यथाज्ञप्तं पित्रा तस्य महात्मनः ॥
te tathaiva tataś cakruḥ prahlādāya mahātmane viṣadānaṃ yathājñaptaṃ pitrā tasya mahātmanaḥ //
Then they did just so: the administering of poison to the great-souled Prahlāda, as commanded by the father of that great-souled one.
AI translation rendered from the Sanskrit, not a published edition
ViP 1 18.5
हालाहलं विषं घोरम् अनन्तोच्चारणेन सः अभिमन्त्र्य सहान्नेन मैत्रेय बुभुजे तदा ॥
hālāhalaṃ viṣaṃ ghoram anantoccāraṇena saḥ abhimantrya sahānnena maitreya bubhuje tadā //
Then, Maitreya, having consecrated the dreadful hālāhala poison with the utterance of (the name of) Ananta, he ate it together with the food.
AI translation rendered from the Sanskrit, not a published edition
ViP 1 18.6
अविकारं स तद् भुक्त्वा प्रह्लादः स्वस्थमानसः अनन्तख्यातिनिर्वीर्यं जरयाम् आस दुर्विषम् ॥
avikāraṃ sa tad bhuktvā prahlādaḥ svasthamānasaḥ anantakhyātinirvīryaṃ jarayām āsa durviṣam //
Having eaten it without any (ill) change, Prahlāda, his mind at ease, digested that virulent poison, whose potency was destroyed by the naming of Ananta.
AI translation rendered from the Sanskrit, not a published edition
ViP 1 18.7
ततः सूदा भयत्रस्ता जीर्णं दृष्ट्वा महाविषम् दैत्येश्वरम् उपागम्य प्रणिपत्येदम् अब्रुवन् ॥
tataḥ sūdā bhayatrastā jīrṇaṃ dṛṣṭvā mahāviṣam daityeśvaram upāgamya praṇipatyedam abruvan //
Then the cooks, trembling with fear at seeing the great poison digested, came to the lord of the Daityas, bowed down, and said this:
AI translation rendered from the Sanskrit, not a published edition
ViP 1 18.8
दैत्यराज विषं दत्तम् अस्माभिर् अतिभीषणम् जीर्णं तच् च सहान्नेन प्रह्लादेन सुतेन ते ॥
daityarāja viṣaṃ dattam asmābhir atibhīṣaṇam jīrṇaṃ tac ca sahānnena prahlādena sutena te //
"King of the Daityas, the most terrible poison was administered by us, and it was digested along with the food by Prahlāda, your son."
AI translation rendered from the Sanskrit, not a published edition
ViP 1 18.9
त्वर्यतां त्वर्यतां सद्यो हे हे दैत्यपुरोहिताः कृत्यां तस्य विनाशाय उत्पादयत मा चिरम् ॥
tvaryatāṃ tvaryatāṃ sadyo he he daityapurohitāḥ kṛtyāṃ tasya vināśāya utpādayata mā ciram //
"Make haste, make haste at once, O ho, priests of the Daityas! Produce a kṛtyā (destructive spell) for his destruction — do not delay!"
AI translation rendered from the Sanskrit, not a published edition
ViP 1 18.10
सकाशम् आगम्य ततः प्रह्लादस्य पुरोहिताः सामपूर्वम् अथोचुस् ते प्रह्लादं विनयान्वितम् ॥
sakāśam āgamya tataḥ prahlādasya purohitāḥ sāmapūrvam athocus te prahlādaṃ vinayānvitam //
Then the priests, having come into Prahlāda's presence, spoke to the modest Prahlāda, beginning with conciliation:
AI translation rendered from the Sanskrit, not a published edition
ViP 1 18.11
जातस् त्रैलोक्यविख्यात आयुष्मन् ब्रह्मणः कुले दैत्यराजस्य तनयो हिरण्यकशिपोर् भवान् ॥
jātas trailokyavikhyāta āyuṣman brahmaṇaḥ kule daityarājasya tanayo hiraṇyakaśipor bhavān //
"You were born, O long-lived one, famed in the three worlds, in the lineage of Brahmā; you are the son of Hiraṇyakaśipu, king of the Daityas."
AI translation rendered from the Sanskrit, not a published edition
ViP 1 18.12
किं दैवैः किम् अनन्तेन किम् अन्येन तवाश्रयः पिता समस्तलोकानां त्वं तथैव भविष्यसि ॥
kiṃ daivaiḥ kim anantena kim anyena tavāśrayaḥ pitā samastalokānāṃ tvaṃ tathaiva bhaviṣyasi //
"What need of the gods, what of Ananta, what of anyone else? Your support is your father, (the lord) of all the worlds; and you too will become the same."
AI translation rendered from the Sanskrit, not a published edition
ViP 1 18.13
तस्मात् परित्यजैनां त्वं विपक्षस्तवसंहिताम् वाच्यः पिता समस्तानां गुरूणां परमो गुरुः ॥
tasmāt parityajaināṃ tvaṃ vipakṣastavasaṃhitām vācyaḥ pitā samastānāṃ gurūṇāṃ paramo guruḥ //
"Therefore give up this practice of praising the adversary; your father, the highest teacher of all teachers, is the one to be spoken of (with praise)."
AI translation rendered from the Sanskrit, not a published edition
ViP 1 18.14
एवम् एतन् महाभागाः श्लाघ्यम् एतन् महाकुलम् मरीचेः सकले ऽप्य् अस्मिन् त्रैलोक्ये नान्यथा वदेत् ॥
evam etan mahābhāgāḥ ślāghyam etan mahākulam marīceḥ sakale 'py asmin trailokye nānyathā vadet //
"So it is, greatly fortunate ones; this great family of Marīci is praiseworthy — in this whole triple world no one would say otherwise."
AI translation rendered from the Sanskrit, not a published edition
ViP 1 18.15
पिता च मम सर्वस्मिञ् जगत्य् उत्कृष्टचेष्टितः एतद् अप्य् अवगच्छामि सत्यम् अत्रापि नानृतम् ॥
pitā ca mama sarvasmiñ jagaty utkṛṣṭaceṣṭitaḥ etad apy avagacchāmi satyam atrāpi nānṛtam //
"And my father is of surpassing deeds in the whole world; this too I acknowledge as true — here also there is no falsehood."
AI translation rendered from the Sanskrit, not a published edition
ViP 1 18.16
गुरूणाम् अपि सर्वेषां पिता परमको गुरुः यद् उक्तं भ्रान्तिस् तत्रापि स्वल्पापि हि न विद्यते ॥
gurūṇām api sarveṣāṃ pitā paramako guruḥ yad uktaṃ bhrāntis tatrāpi svalpāpi hi na vidyate //
"The father is the supreme teacher even of all teachers: in what has been said there too there is not even the slightest error."
AI translation rendered from the Sanskrit, not a published edition
ViP 1 18.17
पिता गुरुर् न संदेहः पूजनीयः प्रयत्नतः तत्रापि नापराध्यामीत्य् एवं मनसि मे स्थितम् ॥
pitā gurur na saṃdehaḥ pūjanīyaḥ prayatnataḥ tatrāpi nāparādhyāmīty evaṃ manasi me sthitam //
"The father is a teacher — there is no doubt — and is to be honored with effort; in that too I do not offend: thus it stands in my mind."
AI translation rendered from the Sanskrit, not a published edition
ViP 1 18.18
यत् त्व् एतत् किम् अनन्तेनेत्य् उक्तं युष्माभिर् ईदृशम् को ब्रवीति यथायुक्तं किं तु नैतद् वचो ऽर्थवत् ॥
yat tv etat kim anantenety uktaṃ yuṣmābhir īdṛśam ko bravīti yathāyuktaṃ kiṃ tu naitad vaco 'rthavat //
"But as for this that was spoken by you, 'What need of Ananta?' — who would say such a thing as if it were right? Yet this speech has no substance."
AI translation rendered from the Sanskrit, not a published edition — the model flagged this verse as uncertain
ViP 1 18.19
इत्य् उक्त्वा सो ऽभवन् मौनी तेषां गौरवयन्त्रितः प्रहस्य च पुनः प्राह किम् अनन्तेन साध्व् इति ॥
ity uktvā so 'bhavan maunī teṣāṃ gauravayantritaḥ prahasya ca punaḥ prāha kim anantena sādhv iti //
Having said this, he fell silent, restrained by respect for them; and then, laughing, he said again: "'What need of Ananta?' — well said!"
AI translation rendered from the Sanskrit, not a published edition
ViP 1 18.20
साधु भोः किम् अनन्तेन साधु भो गुरवो मम श्रूयतां यद् अनन्तेन यदि खेदं न यास्यथ ॥
sādhu bhoḥ kim anantena sādhu bho guravo mama śrūyatāṃ yad anantena yadi khedaṃ na yāsyatha //
"Well said, sirs — 'What need of Ananta?' Well said, O my teachers! Let (it) be heard, what (comes) from Ananta, if you will not become vexed."
AI translation rendered from the Sanskrit, not a published edition
ViP 1 18.21
धर्मार्थकाममोक्षाख्यः पुरुषार्थ उदाहृतः चतुष्टयम् इदं यस्मात् तस्मात् किं किम् इदं वृथा ॥
dharmārthakāmamokṣākhyaḥ puruṣārtha udāhṛtaḥ catuṣṭayam idaṃ yasmāt tasmāt kiṃ kim idaṃ vṛthā //
"The aim of man is declared (to be) that called dharma, artha, kāma and mokṣa; since this is the set of four, what then — why is this (question) idle?"
AI translation rendered from the Sanskrit, not a published edition — the model flagged this verse as uncertain
ViP 1 18.22
मरीचिमिश्रैर् दक्षेण तथैवान्यैर् अनन्ततः धर्मः प्राप्तस् तथैवान्यैर् अर्थः कामस् तथापरैः ॥
marīcimiśrair dakṣeṇa tathaivānyair anantataḥ dharmaḥ prāptas tathaivānyair arthaḥ kāmas tathāparaiḥ //
By Marīci and the rest, by Dakṣa, and by countless others in the same way, dharma was attained; by yet others, wealth; and by still others, pleasure.
AI translation rendered from the Sanskrit, not a published edition
ViP 1 18.23
तत्तत्त्ववेदिनो भूत्वा ज्ञानध्यानसमाधिभिः अवापुर् मुक्तिम् अपरे पुरुषा ध्वस्तबन्धनाः ॥
tattattvavedino bhūtvā jñānadhyānasamādhibhiḥ avāpur muktim apare puruṣā dhvastabandhanāḥ //
Other men, having become knowers of the truth of these things, their bonds shattered, obtained liberation by knowledge, meditation and concentration.
AI translation rendered from the Sanskrit, not a published edition
ViP 1 18.24
संपदैश्वर्यमाहात्म्यज्ञानसंततिकर्मणाम् विमुक्तेश् चैकतो लभ्यं मूलम् आराधनं हरेः ॥
saṃpadaiśvaryamāhātmyajñānasaṃtatikarmaṇām vimukteś caikato labhyaṃ mūlam ārādhanaṃ hareḥ //
Of prosperity, lordship, greatness, knowledge, offspring, ritual acts, and of liberation too, the root, obtainable from a single source, is the worship of Hari.
AI translation rendered from the Sanskrit, not a published edition
ViP 1 18.25
यतो धर्मार्थकामाख्यं विमुक्तिश् च फलं द्विजाः तेनापि हि किम् इत्य् एवम् अनन्तेन किम् उच्यते ॥
yato dharmārthakāmākhyaṃ vimuktiś ca phalaṃ dvijāḥ tenāpi hi kim ity evam anantena kim ucyate //
Since, O twice-born ones, the fruit (of that worship) is what is called dharma, wealth and pleasure, and liberation as well — if even that (is asked) 'what of it?', then what is to be said of the endless (rest)?
AI translation rendered from the Sanskrit, not a published edition — the model flagged this verse as uncertain
ViP 1 18.26
किं वात्र बहुनोक्तेन भवन्तो गुरवो मम वदन्तु साधु वासाधु विवेको ऽस्माकम् अल्पकः ॥
kiṃ vātra bahunoktena bhavanto guravo mama vadantu sādhu vāsādhu viveko 'smākam alpakaḥ //
But what (is gained) here by much speaking? You are my teachers; tell me whether (this is) right or not right — my discernment is small.
AI translation rendered from the Sanskrit, not a published edition
ViP 1 18.27
दह्यमानस् त्वम् अस्माभिर् अग्निना बाल रक्षितः भूयो न वक्ष्यसीत्य् एवं नैवं ज्ञातो ऽस्य् अबुद्धिमान् ॥
dahyamānas tvam asmābhir agninā bāla rakṣitaḥ bhūyo na vakṣyasīty evaṃ naivaṃ jñāto 'sy abuddhimān //
"You were being burnt by fire, boy, and were saved by us, so that you would not speak thus again" — (yet) not thus have you been known (to us); you are witless.
AI translation rendered from the Sanskrit, not a published edition — the model flagged this verse as uncertain
ViP 1 18.28
यद्य् अस्मद्वचनान् मोहग्राहं न त्यक्ष्यते भवान् ततः कृत्यां विनाशाय तव सृक्ष्याम दुर्मते ॥
yady asmadvacanān mohagrāhaṃ na tyakṣyate bhavān tataḥ kṛtyāṃ vināśāya tava sṛkṣyāma durmate //
If you will not give up this obstinacy of delusion at our word, then, evil-minded one, we shall send forth a Kṛtyā (a destructive spell-being) for your destruction.
AI translation rendered from the Sanskrit, not a published edition
ViP 1 18.29
कः केन रक्ष्यते जन्तुर् जन्तुः कः केन हन्यते हन्ति रक्षति चैवात्मा जगत् सर्वं चराचरम् ॥
kaḥ kena rakṣyate jantur jantuḥ kaḥ kena hanyate hanti rakṣati caivātmā jagat sarvaṃ carācaram //
What creature is protected, and by whom? What creature is slain, and by whom? It is the Self that slays and protects the whole world, moving and unmoving.
AI translation rendered from the Sanskrit, not a published edition
ViP 1 18.30
इत्य् उक्तास् तेन ते क्रुद्धा दैत्यराजपुरोहिताः कृत्याम् उत्पादयाम् आसुर् ज्वालामालोज्ज्वलाननाम् ॥
ity uktās tena te kruddhā daityarājapurohitāḥ kṛtyām utpādayām āsur jvālāmālojjvalānanām //
Thus addressed by him, those priests of the demon king, enraged, produced a Kṛtyā whose face blazed with a garland of flames.
AI translation rendered from the Sanskrit, not a published edition
ViP 1 18.31
अतिभीमा समागम्य पादन्यासक्षतक्षितिः शूलेन सा सुसंक्रुद्धा तं जघानाथ वक्षसि ॥
atibhīmā samāgamya pādanyāsakṣatakṣitiḥ śūlena sā susaṃkruddhā taṃ jaghānātha vakṣasi //
Exceedingly terrible, the earth gashed by the tread of her feet, she came up and, in great fury, struck him on the chest with a spear.
AI translation rendered from the Sanskrit, not a published edition
ViP 1 18.32
तत् तस्य हृदयं प्राप्य शूलं बालस्य दीप्तिमत् जगाम खण्डितं भूमौ तत्रापि शतधाभवत् ॥
tat tasya hṛdayaṃ prāpya śūlaṃ bālasya dīptimat jagāma khaṇḍitaṃ bhūmau tatrāpi śatadhābhavat //
That blazing spear, reaching the boy's heart, went broken to the ground, and there too it became a hundred pieces.
AI translation rendered from the Sanskrit, not a published edition
ViP 1 18.33
यत्रानपायी भगवान् हृद्य् आस्ते हरिर् ईश्वरः भङ्गो भवति वज्रस्य तत्र शूलस्य का कथा ॥
yatrānapāyī bhagavān hṛdy āste harir īśvaraḥ bhaṅgo bhavati vajrasya tatra śūlasya kā kathā //
Where the Lord, the master Hari, dwells unfailingly in the heart, there even the thunderbolt is shattered — what to say of a spear?
AI translation rendered from the Sanskrit, not a published edition
ViP 1 18.34
अपापे तत्र पापैश् च पातिता दैत्ययाजकैः तान् एव सा जघानाशु कृत्या नाशं जगाम च ॥
apāpe tatra pāpaiś ca pātitā daityayājakaiḥ tān eva sā jaghānāśu kṛtyā nāśaṃ jagāma ca //
Loosed there upon the sinless one by the sinful sacrificial priests of the demons, she at once slew those very men, and the Kṛtyā came to destruction.
AI translation rendered from the Sanskrit, not a published edition
ViP 1 18.35
कृत्यया दह्यमानांस् तान् विलोक्य स महामतिः त्राहि कृष्णेत्य् अनन्तेति वदन्न् अभ्यवपद्यत ॥
kṛtyayā dahyamānāṃs tān vilokya sa mahāmatiḥ trāhi kṛṣṇety ananteti vadann abhyavapadyata //
Seeing them being burnt by the Kṛtyā, that great-minded one came to their aid, saying, "Save (them), Kṛṣṇa! Ananta!"
AI translation rendered from the Sanskrit, not a published edition
ViP 1 18.36
सर्वव्यापिञ् जगद्रूप जगत्स्रष्टर् जनार्दन त्राहि विप्रान् इमान् अस्माद् दुःसहान् मन्त्रपावकात् ॥
sarvavyāpiñ jagadrūpa jagatsraṣṭar janārdana trāhi viprān imān asmād duḥsahān mantrapāvakāt //
"O all-pervading one, whose form is the world, creator of the world, Janārdana, save these brahmins from this unbearable fire of the spell!"
AI translation rendered from the Sanskrit, not a published edition
ViP 1 18.37
यथा सर्वेषु भूतेषु सर्वव्यापी जगद्गुरुः विष्णुर् एव तथा सर्वे जीवन्त्व् एते पुरोहिताः ॥
yathā sarveṣu bhūteṣu sarvavyāpī jagadguruḥ viṣṇur eva tathā sarve jīvantv ete purohitāḥ //
"As surely as Viṣṇu, the teacher of the world, all-pervading, is in all beings, so let all these priests live."
AI translation rendered from the Sanskrit, not a published edition
ViP 1 18.38
यथा सर्वगतं विष्णुं मन्यमानो ऽनपायिनम् चिन्तयाम्य् अरिपक्षे ऽपि जीवन्त्व् एते तथा द्विजाः ॥
yathā sarvagataṃ viṣṇuṃ manyamāno 'napāyinam cintayāmy aripakṣe 'pi jīvantv ete tathā dvijāḥ //
"As surely as, holding Viṣṇu to be everywhere present and never departing, I think of (him) even in the enemy's party, so let these brahmins live."
AI translation rendered from the Sanskrit, not a published edition
ViP 1 18.39
ये हन्तुम् आगता दत्तं यैर् विषं यैर् हुताशनः यैर् दिग्गजैर् अहं क्षुण्णो दष्टः सर्पैश् च यैर् अहम् ॥
ye hantum āgatā dattaṃ yair viṣaṃ yair hutāśanaḥ yair diggajair ahaṃ kṣuṇṇo daṣṭaḥ sarpaiś ca yair aham //
"Those who came to kill (me), those by whom poison was given, those by whom fire (was set), those by whose elephants of the quarters I was trampled, and those by whose serpents I was bitten —
AI translation rendered from the Sanskrit, not a published edition
ViP 1 18.40
तेष्व् अहं मित्रपक्षे च समः पापो ऽस्मि न क्वचित् यथा तेनाद्य सत्येन जीवन्त्व् असुरयाजकाः ॥
teṣv ahaṃ mitrapakṣe ca samaḥ pāpo 'smi na kvacit yathā tenādya satyena jīvantv asurayājakāḥ //
toward them and toward the party of friends I am the same, and I am nowhere sinful: by that truth let the demons' sacrificial priests live now."
AI translation rendered from the Sanskrit, not a published edition
ViP 1 18.41
इत्य् उक्तास् तेन ते सर्वे संस्पृष्टाश् च निरामयाः समुत्तस्थुर् द्विजा भूयस् तं चोचुः प्रश्रयान्वितम् ॥
ity uktās tena te sarve saṃspṛṣṭāś ca nirāmayāḥ samuttasthur dvijā bhūyas taṃ cocuḥ praśrayānvitam //
So spoken to by him and touched (by him), all those twice-born ones, free of hurt, rose up again and said to him, who was full of humility:
AI translation rendered from the Sanskrit, not a published edition
ViP 1 18.42
दीर्घायुर् अप्रतिहतो बलवीर्यसमन्वितः पुत्रपौत्रधनैश्वर्यैर् युक्तो वत्स भवोत्तमः ॥
dīrghāyur apratihato balavīryasamanvitaḥ putrapautradhanaiśvaryair yukto vatsa bhavottamaḥ //
"Be long-lived, unassailed, endowed with strength and valour, blessed with sons and grandsons, wealth and lordship — be excellent, dear child!"
AI translation rendered from the Sanskrit, not a published edition
ViP 1 18.43
इत्य् उक्त्वा तं ततो गत्वा यथावृत्तं पुरोहिताः दैत्यराजाय सकलम् आचचक्षुर् महामुने ॥
ity uktvā taṃ tato gatvā yathāvṛttaṃ purohitāḥ daityarājāya sakalam ācacakṣur mahāmune //
Having said this to him, the household priests then went and reported the whole matter, just as it had happened, to the king of the Daityas, O great sage.
AI translation rendered from the Sanskrit, not a published edition