Vishnu Purana — Amsha 1 — Chapter 17
ViP 1 17.1
मैत्रेय श्रूयतां सम्यक् चरितं तस्य धीमतः प्रह्लादस्य सदोदारचरितस्य महात्मनः ॥
maitreya śrūyatāṃ samyak caritaṃ tasya dhīmataḥ prahlādasya sadodāracaritasya mahātmanaḥ //
Maitreya, hear rightly the deeds of that wise one, the great-souled Prahlāda, whose conduct was ever noble.
AI translation rendered from the Sanskrit, not a published edition
ViP 1 17.2
दितेः पुत्रो महावीर्यो हिरण्यकशिपुः पुरा त्रैलोक्यं वशम् आनिन्ये ब्रह्मणो वरदर्पितः ॥
diteḥ putro mahāvīryo hiraṇyakaśipuḥ purā trailokyaṃ vaśam āninye brahmaṇo varadarpitaḥ //
Formerly the son of Diti, of great valour, Hiraṇyakaśipu, proud of Brahmā's boon, brought the three worlds under his control.
AI translation rendered from the Sanskrit, not a published edition
ViP 1 17.3
इन्द्रत्वम् अकरोद् दैत्यः स चासीत् सविता स्वयम् वायुर् अग्निर् अपां नाथः सोमश् चासीन् महासुरः ॥
indratvam akarod daityaḥ sa cāsīt savitā svayam vāyur agnir apāṃ nāthaḥ somaś cāsīn mahāsuraḥ //
The Daitya took over Indra's office, and he himself was the Sun; the great Asura was the Wind, the Fire, the lord of the waters, and the Moon.
AI translation rendered from the Sanskrit, not a published edition
ViP 1 17.4
धनानाम् अधिपः सो ऽभूत् स एवासीत् स्वयं यमः यज्ञभागान् अशेषांस् तु स स्वयं बुभुजे ऽसुरः ॥
dhanānām adhipaḥ so 'bhūt sa evāsīt svayaṃ yamaḥ yajñabhāgān aśeṣāṃs tu sa svayaṃ bubhuje 'suraḥ //
He became the lord of wealth, and he himself was Yama; and the Asura himself enjoyed all the shares of sacrifice without exception.
AI translation rendered from the Sanskrit, not a published edition
ViP 1 17.5
देवाः स्वर्गं परित्यज्य तत्त्रासान् मुनिसत्तम विचेरुर् अवनौ सर्वे बिभ्राणा मानुषीं तनुम् ॥
devāḥ svargaṃ parityajya tattrāsān munisattama vicerur avanau sarve bibhrāṇā mānuṣīṃ tanum //
Abandoning heaven out of fear of him, O best of sages, all the gods wandered on the earth wearing human bodies.
AI translation rendered from the Sanskrit, not a published edition
ViP 1 17.6
जित्वा त्रिभुवनं सर्वं त्रैलोक्यैश्वर्यदर्पितः उद्गीयमानो गन्धर्वैर् बुभुजे विषयान् प्रियान् ॥
jitvā tribhuvanaṃ sarvaṃ trailokyaiśvaryadarpitaḥ udgīyamāno gandharvair bubhuje viṣayān priyān //
Having conquered the whole triple world, proud with sovereignty over the three worlds, praised in song by the Gandharvas, he enjoyed the pleasures he liked.
AI translation rendered from the Sanskrit, not a published edition
ViP 1 17.7
पानासक्तं महात्मानं हिरण्यकशिपुं तदा उपासां चक्रिरे सर्वे सिद्धगन्धर्वपन्नगाः ॥
pānāsaktaṃ mahātmānaṃ hiraṇyakaśipuṃ tadā upāsāṃ cakrire sarve siddhagandharvapannagāḥ //
Then all the Siddhas, Gandharvas and serpents waited upon the great one, Hiraṇyakaśipu, who was addicted to drink.
AI translation rendered from the Sanskrit, not a published edition
ViP 1 17.8
अवादयञ् जगुश् चान्ये जयशब्दान् अथापरे दैत्येश्वरस्य पुरतश् चक्रुः सिद्धा मुदान्विताः ॥
avādayañ jaguś cānye jayaśabdān athāpare daityeśvarasya purataś cakruḥ siddhā mudānvitāḥ //
Some played instruments and others sang, while still others, the Siddhas, filled with joy, raised shouts of victory before the lord of the Daityas.
AI translation rendered from the Sanskrit, not a published edition
ViP 1 17.9
तत्र प्रनृत्ताप्सरसि स्फाटिकाभ्रमये ऽसुरः पपौ पानं मुदा युक्तः प्रासादे सुमनोहरे ॥
tatra pranṛttāpsarasi sphāṭikābhramaye 'suraḥ papau pānaṃ mudā yuktaḥ prāsāde sumanohare //
There, in a most delightful palace made of crystal, with an Apsaras dancing, the Asura, filled with joy, drank his drink.
AI translation rendered from the Sanskrit, not a published edition
ViP 1 17.10
तस्य पुत्रो महाभागः प्रह्लादो नाम नामतः पपाठ बालपाठ्यानि गुरुगेहं गतो ऽर्भकः ॥
tasya putro mahābhāgaḥ prahlādo nāma nāmataḥ papāṭha bālapāṭhyāni gurugehaṃ gato 'rbhakaḥ //
His son, the greatly fortunate one, Prahlāda by name, a little boy, having gone to his teacher's house, studied the lessons fit for children.
AI translation rendered from the Sanskrit, not a published edition
ViP 1 17.11
एकदा तु स धर्मात्मा जगाम गुरुणा सह पानासक्तस्य पुरतः पितुर् दैत्यपतेस् तदा ॥
ekadā tu sa dharmātmā jagāma guruṇā saha pānāsaktasya purataḥ pitur daityapates tadā //
But one day that righteous one went with his teacher before his father, the lord of the Daityas, who was then engaged in drinking.
AI translation rendered from the Sanskrit, not a published edition
ViP 1 17.12
पादप्रणामावनतं तम् उत्थाप्य पिता सुतम् हिरण्यकशिपुः प्राह प्रह्लादम् अमितौजसम् ॥
pādapraṇāmāvanataṃ tam utthāpya pitā sutam hiraṇyakaśipuḥ prāha prahlādam amitaujasam //
Raising up the son who bowed down in salutation at his feet, the father Hiraṇyakaśipu spoke to Prahlāda of immeasurable might.
AI translation rendered from the Sanskrit, not a published edition
ViP 1 17.13
पठ्यतां भवता वत्स सारभूतं सुभाषितम् कालेनैतावता यत् ते सदोद्युक्तेन शिक्षितम् ॥
paṭhyatāṃ bhavatā vatsa sārabhūtaṃ subhāṣitam kālenaitāvatā yat te sadodyuktena śikṣitam //
"Let my son recite the essential good saying that you have learned in all this time, being ever diligent."
AI translation rendered from the Sanskrit, not a published edition
ViP 1 17.14
श्रूयतां तात वक्ष्यामि सारभूतं तवाज्ञया समाहितमना भूत्वा यन् मे चेतस्य् अवस्थितम् ॥
śrūyatāṃ tāta vakṣyāmi sārabhūtaṃ tavājñayā samāhitamanā bhūtvā yan me cetasy avasthitam //
"Listen, father; at your command I shall speak the essence, that which, with mind collected, stands fixed in my heart."
AI translation rendered from the Sanskrit, not a published edition
ViP 1 17.15
अनादिमध्यान्तम् अजम् अवृद्धिक्षयम् अच्युतम् प्रणतो ऽस्म्य् अन्तसंतानं सर्वकारणकारणम् ॥
anādimadhyāntam ajam avṛddhikṣayam acyutam praṇato 'smy antasaṃtānaṃ sarvakāraṇakāraṇam //
"I bow to him who is without beginning, middle, or end, unborn, without growth or decay, imperishable, whose continuity has an end(?), the cause of all causes."
AI translation rendered from the Sanskrit, not a published edition — the model flagged this verse as uncertain
ViP 1 17.16
एतन् निशम्य दैत्येन्द्रः कोपसंरक्तलोचनः विलोक्य तद्गुरुं प्राह स्फुरिताधरपल्लवः ॥
etan niśamya daityendraḥ kopasaṃraktalocanaḥ vilokya tadguruṃ prāha sphuritādharapallavaḥ //
Hearing this, the lord of the Daityas, his eyes red with rage, looked at (the boy's) teacher and spoke, his lower lip quivering like a leaf.
AI translation rendered from the Sanskrit, not a published edition
ViP 1 17.17
ब्रह्मबन्धो किम् एतत् ते विपक्षस्तुतिसंहितम् असारं ग्राहितो बालो माम् अवज्ञाय दुर्मते ॥
brahmabandho kim etat te vipakṣastutisaṃhitam asāraṃ grāhito bālo mām avajñāya durmate //
"Wretched brahmin, what is this praise of the enemy, without substance, that you have made the boy take up, slighting me, you fool?"
AI translation rendered from the Sanskrit, not a published edition
ViP 1 17.18
दैत्येश्वर न कोपस्य वशम् आगन्तुम् अर्हसि ममोपदेशजनितं नायं वदति ते सुतः ॥
daityeśvara na kopasya vaśam āgantum arhasi mamopadeśajanitaṃ nāyaṃ vadati te sutaḥ //
"Lord of the Daityas, you should not fall under the sway of anger; what your son says is not produced by my teaching."
AI translation rendered from the Sanskrit, not a published edition
ViP 1 17.19
अनुशिष्टो ऽसि केनेदृग् वत्स प्रह्लाद कथ्यताम् मयोपदिष्टं नेत्य् एष प्रब्रवीति गुरुस् तव ॥
anuśiṣṭo 'si kenedṛg vatsa prahlāda kathyatām mayopadiṣṭaṃ nety eṣa prabravīti gurus tava //
"By whom were you taught thus, child Prahlāda? Speak. This teacher of yours declares, 'It was not taught by me.'"
AI translation rendered from the Sanskrit, not a published edition
ViP 1 17.20
शास्ता विष्णुर् अशेषस्य जगतो यो हृदि स्थितः तम् ऋते परमात्मानं तात कः केन शास्यते ॥
śāstā viṣṇur aśeṣasya jagato yo hṛdi sthitaḥ tam ṛte paramātmānaṃ tāta kaḥ kena śāsyate //
"Viṣṇu, who abides in the heart, is the instructor of the whole world; apart from him, the supreme Self, father, who is taught by whom?"
AI translation rendered from the Sanskrit, not a published edition
ViP 1 17.21
को ऽयं विष्णुः सुदुर्बुद्धे यं ब्रवीषि पुनः पुनः जगताम् ईश्वरस्येह पुरतः प्रसभं मम ॥
ko 'yaṃ viṣṇuḥ sudurbuddhe yaṃ bravīṣi punaḥ punaḥ jagatām īśvarasyeha purataḥ prasabhaṃ mama //
"Who is this Viṣṇu, you utter fool, whom you name again and again, here, brazenly, before me, the lord of the worlds?"
AI translation rendered from the Sanskrit, not a published edition
ViP 1 17.22
न शब्दगोचरं यस्य योगिध्येयं परं पदम् यतो यश् च स्वयं विश्वं स विष्णुः परमेश्वरः ॥
na śabdagocaraṃ yasya yogidhyeyaṃ paraṃ padam yato yaś ca svayaṃ viśvaṃ sa viṣṇuḥ parameśvaraḥ //
"He whose supreme station is not within the range of speech and is to be meditated on by yogins, he from whom the universe is and who himself is the universe—he is Viṣṇu, the supreme Lord."
AI translation rendered from the Sanskrit, not a published edition
ViP 1 17.23
परमेश्वरसंज्ञो ऽज्ञ किम् अन्यो मय्य् अवस्थिते तवास्ति मर्तुकामस् त्वं प्रब्रवीषि पुनः पुनः ॥
parameśvarasaṃjño 'jña kim anyo mayy avasthite tavāsti martukāmas tvaṃ prabravīṣi punaḥ punaḥ //
"Ignorant one, who else is named 'supreme Lord' while I stand here? You are wishing to die, that you say it again and again."
AI translation rendered from the Sanskrit, not a published edition
ViP 1 17.24
न केवलं तात मम प्रजानां स ब्रह्मभूतो भवतश् च विष्णुः धाता विधाता परमेश्वरश् च प्रसीद कोपं कुरुषे किमर्थम् ॥
na kevalaṃ tāta mama prajānāṃ sa brahmabhūto bhavataś ca viṣṇuḥ dhātā vidhātā parameśvaraś ca prasīda kopaṃ kuruṣe kimartham //
"Not only of me, father, but of (all) creatures, and of you too, that Viṣṇu who has become Brahman is the establisher, the ordainer, and the supreme Lord. Be gracious; why do you make anger?"
AI translation rendered from the Sanskrit, not a published edition
ViP 1 17.25
प्रविष्टः को ऽस्य हृदयं दुर्बुद्धेर् अतिपापकृत् येनेदृशान्य् असाधूनि वदत्य् आविष्टमानसः ॥
praviṣṭaḥ ko 'sya hṛdayaṃ durbuddher atipāpakṛt yenedṛśāny asādhūni vadaty āviṣṭamānasaḥ //
"What great sinner has entered the heart of this evil-minded one, by whom, his mind possessed, he speaks such wicked things?"
AI translation rendered from the Sanskrit, not a published edition
ViP 1 17.26
न केवलं मद्धृदयं स विष्णुर् आक्रम्य लोकान् अखिलान् अवस्थितः स मां त्वदादींश् च पितः समस्तान् समस्तचेष्टासु युनक्ति सर्वगः ॥
na kevalaṃ maddhṛdayaṃ sa viṣṇur ākramya lokān akhilān avasthitaḥ sa māṃ tvadādīṃś ca pitaḥ samastān samastaceṣṭāsu yunakti sarvagaḥ //
"Not only my heart—that Viṣṇu, having pervaded them, abides in all the worlds; being all-pervading, he, father, joins me and you and all others to all our activities."
AI translation rendered from the Sanskrit, not a published edition
ViP 1 17.27
निष्क्राम्यताम् अयं दुष्टः शास्यतां च गुरोर् गृहे योजितो दुर्मतिः केन विपक्षवितथस्तुतौ ॥
niṣkrāmyatām ayaṃ duṣṭaḥ śāsyatāṃ ca guror gṛhe yojito durmatiḥ kena vipakṣavitathastutau //
"Let this wicked one be taken out, and let him be disciplined in the teacher's house. By whom was this evil-minded boy set to the false praise of the enemy?"
AI translation rendered from the Sanskrit, not a published edition
ViP 1 17.28
इत्य् उक्ते स तदा दैत्यैर् नीतो गुरुगृहं पुनः जग्राह विद्याम् अनिशं गुरुशुश्रूषणोद्यतः ॥
ity ukte sa tadā daityair nīto gurugṛhaṃ punaḥ jagrāha vidyām aniśaṃ guruśuśrūṣaṇodyataḥ //
When this had been said, he was then led back by the Daityas to the teacher's house, and, constantly intent on serving his teacher, he took up his lessons.
AI translation rendered from the Sanskrit, not a published edition
ViP 1 17.29
काले ऽतीते ऽतिमहति प्रह्लादम् असुरेश्वरः समाहूयाब्रवीद् गाथा काचित् पुत्रक गीयताम् ॥
kāle 'tīte 'timahati prahlādam asureśvaraḥ samāhūyābravīd gāthā kācit putraka gīyatām //
When a very long time had passed, the lord of the Asuras summoned Prahlāda and said: "Let some verse be sung, little son."
AI translation rendered from the Sanskrit, not a published edition
ViP 1 17.30
यतः प्रधानपुरुषौ यतश् चैतच् चराचरम् कारणं सकलस्यास्य स नो विष्णुः प्रसीदतु ॥
yataḥ pradhānapuruṣau yataś caitac carācaram kāraṇaṃ sakalasyāsya sa no viṣṇuḥ prasīdatu //
"He from whom pradhāna and puruṣa (arise), and from whom this world of moving and unmoving things (arises), the cause of all this—may that Viṣṇu be gracious to us."
AI translation rendered from the Sanskrit, not a published edition
ViP 1 17.31
दुरात्मा वध्यताम् एष नानेनार्थो ऽस्ति जीवता स्वपक्षहानिकर्तृत्वाद् यः कुलाङ्गारतां गतः ॥
durātmā vadhyatām eṣa nānenārtho 'sti jīvatā svapakṣahānikartṛtvād yaḥ kulāṅgāratāṃ gataḥ //
"Let this evil-souled one be killed; there is no use in his living—he who, by working the ruin of his own party, has become a burning coal to the family."
AI translation rendered from the Sanskrit, not a published edition
ViP 1 17.32
इत्य् आज्ञप्तास् ततस् तेन प्रगृहीतमहायुधाः उद्यतास् तस्य नाशाय दैत्याः शतसहस्रशः ॥
ity ājñaptās tatas tena pragṛhītamahāyudhāḥ udyatās tasya nāśāya daityāḥ śatasahasraśaḥ //
Thus commanded by him, the Daityas, by hundreds of thousands, took up great weapons and rose up to destroy him.
AI translation rendered from the Sanskrit, not a published edition
ViP 1 17.33
विष्णुः शस्त्रेषु युष्मासु मयि चासौ यथा स्थितः दैतेयास् तेन सत्येन मा क्रामन्त्व् आयुधानि वः ॥
viṣṇuḥ śastreṣu yuṣmāsu mayi cāsau yathā sthitaḥ daiteyās tena satyena mā krāmantv āyudhāni vaḥ //
"As that Viṣṇu abides in the weapons, in you, and in me, O sons of Diti — by that truth, let your weapons not assail (me)."
AI translation rendered from the Sanskrit, not a published edition
ViP 1 17.34
ततस् तैः शतशो दैत्यैः शस्त्रौघैर् आहतो ऽपि सन् नावाप वेदनाम् अल्पाम् अभूच् चैव पुनर् नवः ॥
tatas taiḥ śataśo daityaiḥ śastraughair āhato 'pi san nāvāpa vedanām alpām abhūc caiva punar navaḥ //
Then, though struck by those hundreds of Daityas with floods of weapons, he felt not the least pain, and became new again.
AI translation rendered from the Sanskrit, not a published edition
ViP 1 17.35
दुर्बुद्धे विनिवर्तस्व वैरिपक्षस्तवाद् अतः अभयं ते प्रयच्छामि मातिमूढमतिर् भव ॥
durbuddhe vinivartasva vairipakṣastavād ataḥ abhayaṃ te prayacchāmi mātimūḍhamatir bhava //
"Turn back, evil-minded one, from this praising of the enemy's side; I grant you safety — do not be one whose mind is utterly deluded."
AI translation rendered from the Sanskrit, not a published edition
ViP 1 17.36
भयं भयानाम् अपहारिणि स्थिते मनस्य् अनन्ते मम कुत्र तिष्ठति । यस्मिन् स्मृते जन्मजरान्तकादि भयानि सर्वाण्य् अपयान्ति तात ॥
bhayaṃ bhayānām apahāriṇi sthite manasy anante mama kutra tiṣṭhati / yasmin smṛte janmajarāntakādi bhayāni sarvāṇy apayānti tāta //
"When the infinite one, remover of fears, abides in the mind, where does fear stand for me? He by remembering whom all fears — birth, old age, death and the rest — depart, dear father."
AI translation rendered from the Sanskrit, not a published edition
ViP 1 17.37
भो भोः सर्पाः दुराचारम् एनम् अत्यन्तदुर्मतिम् विषज्वालाविलैर् वक्त्रैः सद्यो नयत संक्षयम् ॥
bho bhoḥ sarpāḥ durācāram enam atyantadurmatim viṣajvālāvilair vaktraiḥ sadyo nayata saṃkṣayam //
"Ho, ho, serpents! This ill-conducted, utterly evil-minded one — with your mouths turbid with the flame of poison, bring him at once to destruction."
AI translation rendered from the Sanskrit, not a published edition
ViP 1 17.38
इत्य् उक्तास् तेन ते सर्पाः कुहकास् तक्षकादयः अदंशन्त समस्तेषु गात्रेष्व् अतिविषोल्बणाः ॥
ity uktās tena te sarpāḥ kuhakās takṣakādayaḥ adaṃśanta samasteṣu gātreṣv ativiṣolbaṇāḥ //
Thus addressed by him, those deceitful serpents, Takṣaka and the rest, teeming with excessive venom, bit him on all his limbs.
AI translation rendered from the Sanskrit, not a published edition
ViP 1 17.39
स त्व् आसक्तमतिः कृष्णे दंश्यमानो महोरगैः न विवेदात्मनो गात्रं तत्स्मृत्याह्लादसंस्थितः ॥
sa tv āsaktamatiḥ kṛṣṇe daṃśyamāno mahoragaiḥ na vivedātmano gātraṃ tatsmṛtyāhlādasaṃsthitaḥ //
But he, his mind fixed on Kṛṣṇa, though being bitten by the great serpents, was not aware of his own body, being established in the delight of remembering him.
AI translation rendered from the Sanskrit, not a published edition
ViP 1 17.40
दंष्ट्रा विशीर्णा मणयः स्फुटन्ति फणेषु तापो हृदयेषु कम्पः नास्य त्वचः स्वल्पम् अपीह भिन्नं प्रशाधि दैत्येश्वर कर्म चान्यत् ॥
daṃṣṭrā viśīrṇā maṇayaḥ sphuṭanti phaṇeṣu tāpo hṛdayeṣu kampaḥ nāsya tvacaḥ svalpam apīha bhinnaṃ praśādhi daityeśvara karma cānyat //
"Our fangs are shattered, the jewels on our hoods burst, there is burning in our hearts and trembling; not even a little of his skin here is broken. Command some other task, lord of the Daityas."
AI translation rendered from the Sanskrit, not a published edition
ViP 1 17.41
हे दिग्गजाः संकटदन्तमिश्रा घ्नतैनम् अस्मद्रिपुपक्षभिन्नम् तज्जा विनाशाय भवन्ति तस्य यथारणेः प्रज्वलितो हुताशः ॥
he diggajāḥ saṃkaṭadantamiśrā ghnatainam asmadripupakṣabhinnam tajjā vināśāya bhavanti tasya yathāraṇeḥ prajvalito hutāśaḥ //
"Ho, elephants of the quarters, with your close-set tusks joined! Kill this one who has gone over to our enemies' side. Things born of oneself become the cause of one's destruction, as fire blazing forth from the fire-stick."
AI translation rendered from the Sanskrit, not a published edition
ViP 1 17.42
ततः स दिग्गजैर् बालो भूभृच्छिखरसंनिभैः पातितो धरणीपृष्ठे विषाणैर् अप्य् अपीड्यत ॥
tataḥ sa diggajair bālo bhūbhṛcchikharasaṃnibhaiḥ pātito dharaṇīpṛṣṭhe viṣāṇair apy apīḍyata //
Then the boy, felled to the surface of the earth by the elephants of the quarters, like mountain peaks, was crushed also with their tusks.
AI translation rendered from the Sanskrit, not a published edition
ViP 1 17.43
स्मरतस् तस्य गोविन्दम् इभदन्ताः सहस्रशः शीर्णा वक्षःस्थलं प्राप्य स प्राह पितरं ततः ॥
smaratas tasya govindam ibhadantāḥ sahasraśaḥ śīrṇā vakṣaḥsthalaṃ prāpya sa prāha pitaraṃ tataḥ //
As he remembered Govinda, the elephants' tusks, by the thousand, were shattered on reaching his chest; and then he said to his father:
AI translation rendered from the Sanskrit, not a published edition
ViP 1 17.44
दन्ता गजानां कुलिशाग्रनिष्ठुराः शीर्णा यद् एते न बलं ममैतत् महाविपत्पापविनाशनो ऽयं जनार्दनानुस्मरणानुभावः ॥
dantā gajānāṃ kuliśāgraniṣṭhurāḥ śīrṇā yad ete na balaṃ mamaitat mahāvipatpāpavināśano 'yaṃ janārdanānusmaraṇānubhāvaḥ //
"That these tusks of the elephants, hard as the tips of thunderbolts, are shattered — that is not my strength; this is the power of the remembrance of Janārdana, which destroys great calamity and sin."
AI translation rendered from the Sanskrit, not a published edition
ViP 1 17.45
ज्वाल्यताम् असुरा वह्निर् अपसर्पत दिग्गजाः वायो समेधयाग्निं त्वं दह्यताम् एष पापकृत् ॥
jvālyatām asurā vahnir apasarpata diggajāḥ vāyo samedhayāgniṃ tvaṃ dahyatām eṣa pāpakṛt //
"Let a fire be kindled, Asuras; withdraw, elephants of the quarters; you, Wind, make the fire blaze up — let this evildoer be burnt."
AI translation rendered from the Sanskrit, not a published edition
ViP 1 17.46
महाकाष्ठचयच्छन्नम् असुरेन्द्रसुतं ततः प्रज्वाल्य दानवा वह्निं ददहुः स्वामिचोदिताः ॥
mahākāṣṭhacayacchannam asurendrasutaṃ tataḥ prajvālya dānavā vahniṃ dadahuḥ svāmicoditāḥ //
Then the Dānavas, urged by their master, covered the son of the Daitya lord with a great heap of wood, and having kindled the fire, burned him.
AI translation rendered from the Sanskrit, not a published edition
ViP 1 17.47
तातैष वह्निः पवनेरितो ऽपि न मां दहत्य् अत्र समन्ततो ऽहम् पश्यामि पद्मास्तरणास्तृतानि शीतानि सर्वाणि दिशां मुखानि ॥
tātaiṣa vahniḥ pavanerito 'pi na māṃ dahaty atra samantato 'ham paśyāmi padmāstaraṇāstṛtāni śītāni sarvāṇi diśāṃ mukhāni //
"Father, this fire, though driven by the wind, does not burn me. Here on every side I see all the faces of the directions cool, spread with couches of lotuses."
AI translation rendered from the Sanskrit, not a published edition
ViP 1 17.48
अथ दैत्येश्वरं प्रोचुर् भार्गवस्यात्मजा द्विजाः पुरोहिता महात्मानः साम्ना संस्तूय वाग्मिनः ॥
atha daityeśvaraṃ procur bhārgavasyātmajā dvijāḥ purohitā mahātmānaḥ sāmnā saṃstūya vāgminaḥ //
Then the brahmins, sons of Bhārgava, the great-souled and eloquent household priests, having praised him, spoke to the lord of the Daityas conciliatingly.
AI translation rendered from the Sanskrit, not a published edition
ViP 1 17.49
राजन् नियम्यतां कोपो बाले ऽत्र तनये निजे कोपो देवनिकायेषु तत्र ते सफलो यतः ॥
rājan niyamyatāṃ kopo bāle 'tra tanaye nije kopo devanikāyeṣu tatra te saphalo yataḥ //
"O king, let your anger be restrained toward this boy, your own son; anger toward the hosts of the gods — there it is fruitful for you."
AI translation rendered from the Sanskrit, not a published edition
ViP 1 17.50
तथा तथैनं बालं ते शासितारो वयं नृप यथा विपक्षनाशाय विनीतस् ते भविष्यति ॥
tathā tathainaṃ bālaṃ te śāsitāro vayaṃ nṛpa yathā vipakṣanāśāya vinītas te bhaviṣyati //
"We shall so instruct this boy of yours, O king, that he will become trained by you for the destruction of the adversaries."
AI translation rendered from the Sanskrit, not a published edition
ViP 1 17.51
बालत्वं सर्वदोषाणां दैत्यराजास्पदं यतः ततो ऽत्र कोपम् अत्यर्थं योक्तुम् अर्हसि नार्भके ॥
bālatvaṃ sarvadoṣāṇāṃ daityarājāspadaṃ yataḥ tato 'tra kopam atyarthaṃ yoktum arhasi nārbhake //
"Since childhood, O king of the Daityas, is the seat of all faults, therefore you ought not to direct excessive anger here against a child."
AI translation rendered from the Sanskrit, not a published edition
ViP 1 17.52
न त्यक्ष्यति हरेः पक्षम् अस्माकं वचनाद् यदि ततः कृत्यां वधायास्य करिष्यामो ऽनिवर्तिनीम् ॥
na tyakṣyati hareḥ pakṣam asmākaṃ vacanād yadi tataḥ kṛtyāṃ vadhāyāsya kariṣyāmo 'nivartinīm //
"If at our word he will not abandon Hari's side, then we shall perform an unfailing kṛtyā-rite for his slaying."
AI translation rendered from the Sanskrit, not a published edition
ViP 1 17.53
एवम् अभ्यर्थितस् तैस् तु दैत्यराजः पुरोहितैः दैत्यैर् निष्क्रामयाम् आस पुत्रं पावकसंचयात् ॥
evam abhyarthitas tais tu daityarājaḥ purohitaiḥ daityair niṣkrāmayām āsa putraṃ pāvakasaṃcayāt //
Thus entreated by those household priests, the Daitya king had his son brought out of the mass of fire by the Daityas.
AI translation rendered from the Sanskrit, not a published edition
ViP 1 17.54
ततो गुरुगृहे बालः स वसन् बालदानवान् अध्यापयाम् आस मुहुर् उपदेशान्तरे गुरोः ॥
tato gurugṛhe bālaḥ sa vasan bāladānavān adhyāpayām āsa muhur upadeśāntare guroḥ //
Then the boy, living in the teacher's house, repeatedly instructed the Dānava boys in the intervals between the teacher's lessons.
AI translation rendered from the Sanskrit, not a published edition
ViP 1 17.55
श्रूयतां परमार्थो मे दैतेया दितिजात्मजाः न चान्यथैतन् मन्तव्यं नात्र लोभादिकारणम् ॥
śrūyatāṃ paramārtho me daiteyā ditijātmajāḥ na cānyathaitan mantavyaṃ nātra lobhādikāraṇam //
"Hear the highest truth from me, O Daiteyas, sons of Diti; and this is not to be taken otherwise—there is no motive of greed or the like here."
AI translation rendered from the Sanskrit, not a published edition
ViP 1 17.56
जन्म बाल्यं ततः सर्वो जन्तुः प्राप्नोति यौवनम् अव्याहतैव भवति ततो ऽनुदिवसं जरा ॥
janma bālyaṃ tataḥ sarvo jantuḥ prāpnoti yauvanam avyāhataiva bhavati tato 'nudivasaṃ jarā //
"Birth, childhood, and then every creature attains youth; and after that old age comes, day by day, quite unhindered."
AI translation rendered from the Sanskrit, not a published edition
ViP 1 17.57
ततश् च मृत्युम् अभ्येति जन्तुर् दैत्येश्वरात्मजाः प्रत्यक्षं दृश्यते चैतद् अस्माकं भवतां तथा ॥
tataś ca mṛtyum abhyeti jantur daityeśvarātmajāḥ pratyakṣaṃ dṛśyate caitad asmākaṃ bhavatāṃ tathā //
"And then the creature goes to death, O sons of the Daitya lord; and this is seen with our own eyes—ours and yours as well."
AI translation rendered from the Sanskrit, not a published edition
ViP 1 17.58
मृतस्य च पुनर् जन्म भवत्य् एतच् च नान्यथा आगमो ऽयं तथा तच् च नोपादानं विनोद्भवः ॥
mṛtasya ca punar janma bhavaty etac ca nānyathā āgamo 'yaṃ tathā tac ca nopādānaṃ vinodbhavaḥ //
"And for the dead there is birth again, and this is not otherwise; such is the tradition, and moreover there is no arising without a material cause."
AI translation rendered from the Sanskrit, not a published edition
ViP 1 17.59
गर्भवासादि यावत् तु पुनर्जन्मोपपादनम् समस्तावस्थकं तावद् दुःखम् एवावगम्यताम् ॥
garbhavāsādi yāvat tu punarjanmopapādanam samastāvasthakaṃ tāvad duḥkham evāvagamyatām //
"And from dwelling in the womb onward, up to the bringing about of rebirth, in every one of its states let it be understood to be nothing but suffering."
AI translation rendered from the Sanskrit, not a published edition
ViP 1 17.60
क्षुत्तृष्णोपशमं तद्वच् शीताद्युपशमं सुखम् मन्यते बालबुद्धित्वाद् दुःखम् एव हि तत् पुनः ॥
kṣuttṛṣṇopaśamaṃ tadvac śītādyupaśamaṃ sukham manyate bālabuddhitvād duḥkham eva hi tat punaḥ //
"Likewise, out of childish understanding, one thinks the allaying of hunger and thirst, and the allaying of cold and the like, to be pleasure; but that too is really only suffering."
AI translation rendered from the Sanskrit, not a published edition
ViP 1 17.61
अत्यन्तस्तिमिताङ्गानां व्यायामेन सुखैषिणाम् भ्रान्तिज्ञानवतां पुंसां प्रहारो ऽपि सुखायते ॥
atyantastimitāṅgānāṃ vyāyāmena sukhaiṣiṇām bhrāntijñānavatāṃ puṃsāṃ prahāro 'pi sukhāyate //
"For men whose limbs are utterly numb, who seek comfort through exertion, and whose knowledge is deluded, even a blow feels pleasant."
AI translation rendered from the Sanskrit, not a published edition
ViP 1 17.62
क्व शरीरम् अशेषाणां श्लेष्मादीनां महाचयः क्व चाङ्गशोभासौरभ्यकमनीयादयो गुणाः ॥
kva śarīram aśeṣāṇāṃ śleṣmādīnāṃ mahācayaḥ kva cāṅgaśobhāsaurabhyakamanīyādayo guṇāḥ //
"What is the body—a great heap of all the phlegm and the rest—and what are the qualities of beauty of limb, fragrance, loveliness and so on?"
AI translation rendered from the Sanskrit, not a published edition
ViP 1 17.63
मांसासृक्पूयविण्मूत्रस्नायुमज्जास्थिसंहतौ देहे चेत् प्रीतिमान् मूढो भविता नरके ऽपि सः ॥
māṃsāsṛkpūyaviṇmūtrasnāyumajjāsthisaṃhatau dehe cet prītimān mūḍho bhavitā narake 'pi saḥ //
"If a fool takes delight in the body, which is a mass of flesh, blood, pus, excrement, urine, sinew, marrow and bone, then he will take delight even in hell."
AI translation rendered from the Sanskrit, not a published edition
ViP 1 17.64
अग्नेः शीतेन तोयस्य तृषा भक्तस्य च क्षुधा क्रियते सुखकर्तृत्वं तद्विलोमस्य चेतरैः ॥
agneḥ śītena toyasya tṛṣā bhaktasya ca kṣudhā kriyate sukhakartṛtvaṃ tadvilomasya cetaraiḥ //
"Fire is made a giver of pleasure by cold, water by thirst, food by hunger, and what is the opposite of that by other (conditions)."
AI translation rendered from the Sanskrit, not a published edition
ViP 1 17.65
करोति हे दैत्यपुत्रा यावन्मात्रं परिग्रहम् तावन्मात्रं स एवास्य दुःखं चेतसि यच्छति ॥
karoti he daityaputrā yāvanmātraṃ parigraham tāvanmātraṃ sa evāsya duḥkhaṃ cetasi yacchati //
"However much possession a man makes, O sons of the Daityas, just that much does it give him pain in his mind."
AI translation rendered from the Sanskrit, not a published edition
ViP 1 17.66
यावतः कुरुते जन्तुः संबन्धान् मनसः प्रियान् तावन्तो ऽस्य निखन्यन्ते हृदये शोकशङ्कवः ॥
yāvataḥ kurute jantuḥ saṃbandhān manasaḥ priyān tāvanto 'sya nikhanyante hṛdaye śokaśaṅkavaḥ //
"However many ties dear to his mind a creature forms, just so many stakes of grief are driven into his heart."
AI translation rendered from the Sanskrit, not a published edition
ViP 1 17.67
यद् यद् गृहे तन् मनसि यत्र तत्रावतिष्ठतः नाशदाहापहरणं कुतस् तत्रैव तिष्ठति ॥
yad yad gṛhe tan manasi yatra tatrāvatiṣṭhataḥ nāśadāhāpaharaṇaṃ kutas tatraiva tiṣṭhati //
"Whatever is in his house is in the mind of a man wherever he stays; so how is it that (fear of) its loss, burning and theft does not remain right there (in his mind)?"
AI translation rendered from the Sanskrit, not a published edition — the model flagged this verse as uncertain
ViP 1 17.68
जन्मन्य् अत्र महद् दुःखं म्रियमाणस्य चापि तत् यातनासु यमस्योग्रं गर्भसंक्रमणेषु च ॥
janmany atra mahad duḥkhaṃ mriyamāṇasya cāpi tat yātanāsu yamasyograṃ garbhasaṃkramaṇeṣu ca //
"There is great suffering in birth here, and that same suffering for one who is dying; and there is fierce suffering in Yama's torments and in the passages into wombs."
AI translation rendered from the Sanskrit, not a published edition
ViP 1 17.69
गर्भे च सुखलेशो ऽपि भवद्भिर् अनुमीयते यदि तत् कथ्यताम् एवं सर्वं दुःखमयं जगत् ॥
garbhe ca sukhaleśo 'pi bhavadbhir anumīyate yadi tat kathyatām evaṃ sarvaṃ duḥkhamayaṃ jagat //
"And if even a shred of pleasure in the womb is inferred by you, then let it be told; thus the whole world is made of suffering."
AI translation rendered from the Sanskrit, not a published edition
ViP 1 17.70
तद् एतद् अतिदुःखानाम् आस्पदे ऽत्र भवार्णवे भवतां कथ्यते सत्यं विष्णुर् एकः परायणः ॥
tad etad atiduḥkhānām āspade 'tra bhavārṇave bhavatāṃ kathyate satyaṃ viṣṇur ekaḥ parāyaṇaḥ //
"Therefore this truth is told to you here, in this ocean of existence which is the seat of extreme sufferings: Viṣṇu alone is the supreme refuge."
AI translation rendered from the Sanskrit, not a published edition
ViP 1 17.71
मा जानीत वयं बाला देही देहेषु शाश्वतः जरायौवनजन्माद्या धर्मा देहस्य नात्मनः ॥
mā jānīta vayaṃ bālā dehī deheṣu śāśvataḥ jarāyauvanajanmādyā dharmā dehasya nātmanaḥ //
"Do not think, 'We are children.' The embodied one is everlasting amid bodies; old age, youth, birth and the rest are properties of the body, not of the self."
AI translation rendered from the Sanskrit, not a published edition
ViP 1 17.72
बालो ऽहं तावद् इच्छातो यतिष्ये श्रेयसे युवा युवाहं वार्द्धके प्राप्ते करिष्याम्य् आत्मनो हितम् ॥
bālo 'haṃ tāvad icchāto yatiṣye śreyase yuvā yuvāhaṃ vārddhake prāpte kariṣyāmy ātmano hitam //
"'While I am a boy, I do as I please; as a youth I shall strive for what is best; I am (now) a youth—when old age comes I shall do what benefits my self.'"
AI translation rendered from the Sanskrit, not a published edition — the model flagged this verse as uncertain
ViP 1 17.73
वृद्धो ऽहं मम कार्याणि समस्तानि न गोचरे किं करिष्यामि मन्दात्मा समर्थेन न यत् कृतम् ॥
vṛddho 'haṃ mama kāryāṇi samastāni na gocare kiṃ kariṣyāmi mandātmā samarthena na yat kṛtam //
"I am old, and all my tasks are beyond my reach; what shall I do, dull-witted, that I did not do when I was able?"
AI translation rendered from the Sanskrit, not a published edition
ViP 1 17.74
एवं दुराशयाक्षिप्तमानसः पुरुषः सदा श्रेयसो ऽभिमुखं याति न कदाचित् पिपासितः ॥
evaṃ durāśayākṣiptamānasaḥ puruṣaḥ sadā śreyaso 'bhimukhaṃ yāti na kadācit pipāsitaḥ //
Thus a man whose mind is carried away by vain longing never goes facing what is best for him, thirsting (for it).
AI translation rendered from the Sanskrit, not a published edition — the model flagged this verse as uncertain
ViP 1 17.75
बाल्ये क्रीडनकासक्ता यौवने विषयोन्मुखाः अज्ञानयन्त्य् अशक्त्या च वार्द्धकं समुपस्थितम् ॥
bālye krīḍanakāsaktā yauvane viṣayonmukhāḥ ajñānayanty aśaktyā ca vārddhakaṃ samupasthitam //
In childhood attached to toys, in youth turned toward sense-objects, and through incapacity (in age), they do not notice old age already arrived.
AI translation rendered from the Sanskrit, not a published edition
ViP 1 17.76
तस्माद् बाल्ये विवेकात्मा यतेत श्रेयसे सदा बाल्ययौवनवृद्धाद्यैर् देहभावैर् असंयुतः ॥
tasmād bālye vivekātmā yateta śreyase sadā bālyayauvanavṛddhādyair dehabhāvair asaṃyutaḥ //
Therefore, already in childhood, one whose nature is discernment should always strive for what is best, unattached to the bodily conditions of childhood, youth, old age and the rest.
AI translation rendered from the Sanskrit, not a published edition
ViP 1 17.77
तद् एतद् वो मयाख्यातं यदि जानीत नानृतम् तद् अस्मत्प्रीतये विष्णुः स्मर्यतां बन्धमुक्तिदः ॥
tad etad vo mayākhyātaṃ yadi jānīta nānṛtam tad asmatprītaye viṣṇuḥ smaryatāṃ bandhamuktidaḥ //
So this has been told to you by me; if you know it to be no falsehood, then, for our pleasure, let Viṣṇu, the giver of release from bondage, be remembered.
AI translation rendered from the Sanskrit, not a published edition
ViP 1 17.78
आयासः स्मरणे को ऽस्य स्मृतो यच्छति शोभनम् पापक्षयश् च भवति स्मरतां तम् अहर्निशम् ॥
āyāsaḥ smaraṇe ko 'sya smṛto yacchati śobhanam pāpakṣayaś ca bhavati smaratāṃ tam aharniśam //
What effort is there in remembering him? Remembered, he grants good; and for those who remember him day and night there is destruction of sin.
AI translation rendered from the Sanskrit, not a published edition
ViP 1 17.79
सर्वभूतस्थिते तस्मिन् मतिर् मैत्री दिवानिशम् भवतां जायताम् एवं सर्वक्लेशान् प्रहास्यथ ॥
sarvabhūtasthite tasmin matir maitrī divāniśam bhavatāṃ jāyatām evaṃ sarvakleśān prahāsyatha //
Let there arise in you, day and night, mindfulness and friendliness toward him who abides in all beings; thus you will cast off all afflictions.
AI translation rendered from the Sanskrit, not a published edition
ViP 1 17.80
तापत्रयेणाभिहतं यद् एतद् अखिलं जगत् तदा शोच्येषु भूतेषु द्वेषं प्राज्ञः करोति कः ॥
tāpatrayeṇābhihataṃ yad etad akhilaṃ jagat tadā śocyeṣu bhūteṣu dveṣaṃ prājñaḥ karoti kaḥ //
When this whole world is stricken by the three sufferings, what wise man then feels hatred toward beings that are (only) to be pitied?
AI translation rendered from the Sanskrit, not a published edition
ViP 1 17.81
अथ भद्राणि भूतानि हीनशक्तिर् अहं परम् मुदं तथापि कुर्वीत हानिर् द्वेषफलं यतः ॥
atha bhadrāṇi bhūtāni hīnaśaktir ahaṃ param mudaṃ tathāpi kurvīta hānir dveṣaphalaṃ yataḥ //
And if beings are fortunate, while I am of lesser power, even so one should feel only gladness, since loss is the fruit of hatred.
AI translation rendered from the Sanskrit, not a published edition
ViP 1 17.82
बद्धवैराणि भूतानि द्वेषं कुर्वन्ति चेत् ततः शोच्यान्य् अहो ऽतिमोहेन व्याप्तानीति मनीषिणाम् ॥
baddhavairāṇi bhūtāni dveṣaṃ kurvanti cet tataḥ śocyāny aho 'timohena vyāptānīti manīṣiṇām //
If beings, bearing settled enmity, act with hatred, then for the thoughtful they are objects of pity: "Alas, they are pervaded by extreme delusion."
AI translation rendered from the Sanskrit, not a published edition
ViP 1 17.83
एते भिन्नदृशां दैत्या विकल्पाः कथिता मया कृत्वाभ्युपगमं तत्र संक्षेपः श्रूयतां मम ॥
ete bhinnadṛśāṃ daityā vikalpāḥ kathitā mayā kṛtvābhyupagamaṃ tatra saṃkṣepaḥ śrūyatāṃ mama //
These, O Daityas, are the alternative views of those of divided sight, as told by me; having made a concession to that, let my summary be heard.
AI translation rendered from the Sanskrit, not a published edition — the model flagged this verse as uncertain
ViP 1 17.84
विस्तारः सर्वभूतस्य विष्णोर् विश्वम् इदं जगत् द्रष्टव्यम् आत्मवत् तस्माद् अभेदेन विचक्षणैः ॥
vistāraḥ sarvabhūtasya viṣṇor viśvam idaṃ jagat draṣṭavyam ātmavat tasmād abhedena vicakṣaṇaiḥ //
This whole world is the extension of Viṣṇu, who is in all beings; therefore it should be seen by the discerning as one's own self, without difference.
AI translation rendered from the Sanskrit, not a published edition
ViP 1 17.85
समुत्सृज्यासुरं भावं तस्माद् यूयं यथा वयम् तथा यत्नं करिष्यामो यथा प्राप्स्याम निर्वृतिम् ॥
samutsṛjyāsuraṃ bhāvaṃ tasmād yūyaṃ yathā vayam tathā yatnaṃ kariṣyāmo yathā prāpsyāma nirvṛtim //
Therefore, casting off the demonic disposition, be as we are; we shall so strive that we may attain peace.
AI translation rendered from the Sanskrit, not a published edition
ViP 1 17.86
नैवाग्निना न चार्केण नेन्दुना न च वायुना पर्जन्यवरुणाभ्यां वा न सिद्धैर् न च राक्षसैः ॥
naivāgninā na cārkeṇa nendunā na ca vāyunā parjanyavaruṇābhyāṃ vā na siddhair na ca rākṣasaiḥ //
Not by fire, nor by the sun, nor by the moon, nor by the wind, nor by the rain-cloud and Varuṇa, nor by the Siddhas, nor by the Rākṣasas,
AI translation rendered from the Sanskrit, not a published edition
ViP 1 17.87
न यक्षैर् न च दैत्येन्द्रैर् नोरगैर् न च किंनरैः न मनुष्यैर् न पशुभिर् दोषैर् नैवात्मसंभवैः ॥
na yakṣair na ca daityendrair noragair na ca kiṃnaraiḥ na manuṣyair na paśubhir doṣair naivātmasaṃbhavaiḥ //
not by Yakṣas, nor by the lords of the Daityas, nor by serpents, nor by Kinnaras, not by men, not by beasts, not by the faults arising in oneself,
AI translation rendered from the Sanskrit, not a published edition
ViP 1 17.88
ज्वराक्षिरोगातीसारप्लीहगुल्मादिकैस् तथा द्वेषेर्ष्यामत्सराद्यैर् वा रागलोभादिभिः क्षयम् ॥
jvarākṣirogātīsāraplīhagulmādikais tathā dveṣerṣyāmatsarādyair vā rāgalobhādibhiḥ kṣayam //
nor by fever, eye-disease, dysentery, spleen-disorder, tumour and the like, nor by hatred, envy, jealousy and the rest, nor by passion, greed and so on — (does it come) to destruction;
AI translation rendered from the Sanskrit, not a published edition
ViP 1 17.89
न चान्यैर् नीयते कैश्चिन् नित्या यात्यन्तनिर्मला ताम् आप्नोत्य् अमले न्यस्य केशवे हृदयं नरः ॥
na cānyair nīyate kaiścin nityā yātyantanirmalā tām āpnoty amale nyasya keśave hṛdayaṃ naraḥ //
nor is it brought (to destruction) by any others: eternal and utterly stainless it goes on. A man attains it by placing his heart in the stainless Keśava.
AI translation rendered from the Sanskrit, not a published edition — the model flagged this verse as uncertain
ViP 1 17.90
असारसंसारविवर्तनेषु मा यात तोषं प्रसभं ब्रवीमि सर्वत्र दैत्याः समताम् उपेत समत्वम् आराधनम् अच्युतस्य ॥
asārasaṃsāravivartaneṣu mā yāta toṣaṃ prasabhaṃ bravīmi sarvatra daityāḥ samatām upeta samatvam ārādhanam acyutasya //
Do not take satisfaction in the turnings of this sapless round of existence; I say it insistently: O Daityas, attain sameness everywhere — sameness is the worship of Acyuta.
AI translation rendered from the Sanskrit, not a published edition
ViP 1 17.91
तस्मिन् प्रसन्ने किम् इहास्त्य् अलभ्यं धर्मार्थकामैर् अलम् अल्पकास् ते समाश्रिताद् ब्रह्मतरोर् अनन्तान् निःसंशयं प्राप्स्यथ वै महत् फलम् ॥
tasmin prasanne kim ihāsty alabhyaṃ dharmārthakāmair alam alpakās te samāśritād brahmataror anantān niḥsaṃśayaṃ prāpsyatha vai mahat phalam //
When he is pleased, what here is unobtainable? Enough of dharma, wealth and pleasures — those are small things. From the infinite tree of Brahman, once resorted to, you will without doubt obtain great fruit.
AI translation rendered from the Sanskrit, not a published edition