Vishnu Purana — Amsha 1 — Chapter 16
ViP 1 16.1
कथितो भवता वंशो मानवानां महामुने कारणं चास्य जगतो विष्णुर् एव सनातनः ॥
kathito bhavatā vaṃśo mānavānāṃ mahāmune kāraṇaṃ cāsya jagato viṣṇur eva sanātanaḥ //
The lineage of the descendants of Manu has been told by you, great sage, and that Viṣṇu, the eternal, is the very cause of this world.
AI translation rendered from the Sanskrit, not a published edition
ViP 1 16.2
यत् त्व् एतद् भगवान् आह प्रह्लादं दैत्यसत्तमम् ददाह नाग्निर् नास्त्रैश् च क्षुण्णस् तत्याज जीवितम् ॥
yat tv etad bhagavān āha prahlādaṃ daityasattamam dadāha nāgnir nāstraiś ca kṣuṇṇas tatyāja jīvitam //
But as for this that you, venerable one, said about Prahlāda, the best of the Daityas — that fire did not burn him, and that, struck with weapons, he did not lose his life;
AI translation rendered from the Sanskrit, not a published edition
ViP 1 16.3
जगाम वसुधा क्षोभं यत्राब्धिसलिले स्थिते बन्धबद्धो ऽपि चलति विक्षिप्ताङ्गैः समाहता ॥
jagāma vasudhā kṣobhaṃ yatrābdhisalile sthite bandhabaddho 'pi calati vikṣiptāṅgaiḥ samāhatā //
that the earth went into agitation when he stood in the water of the ocean — for even bound in fetters he moves, and (the earth), struck by his flung limbs, shakes;
AI translation rendered from the Sanskrit, not a published edition — the model flagged this verse as uncertain
ViP 1 16.4
शैलैर् आक्रान्तदेहो ऽपि न ममार च यः पुरा त्वयैवातीव माहात्म्यं कथितं यस्य धीमतः ॥
śailair ākrāntadeho 'pi na mamāra ca yaḥ purā tvayaivātīva māhātmyaṃ kathitaṃ yasya dhīmataḥ //
and that long ago, even with his body crushed under mountains, he did not die — you yourself have told the exceeding greatness of that wise one.
AI translation rendered from the Sanskrit, not a published edition
ViP 1 16.5
तस्य प्रभावम् अतुलं विष्णोर् भक्तिमतो मुने श्रोतुम् इच्छामि यस्यैतच् चरितं त्व् अमितौजसः ॥
tasya prabhāvam atulaṃ viṣṇor bhaktimato mune śrotum icchāmi yasyaitac caritaṃ tv amitaujasaḥ //
I wish to hear, sage, of the incomparable power of that devotee of Viṣṇu, of him of unmeasured strength, whose story this is.
AI translation rendered from the Sanskrit, not a published edition
ViP 1 16.6
किंनिमित्तम् असौ शस्त्रैर् विक्षतो दितिजैर् मुने किमर्थं चाब्धिसलिले निक्षिप्तो धर्मतत्परः ॥
kiṃnimittam asau śastrair vikṣato ditijair mune kimarthaṃ cābdhisalile nikṣipto dharmatatparaḥ //
For what reason was he wounded with weapons by the sons of Diti, sage, and why was he, intent on dharma, thrown into the water of the ocean?
AI translation rendered from the Sanskrit, not a published edition
ViP 1 16.7
आक्रान्तः पर्वतैः कस्मात् कस्माद् दष्टो महोरगैः क्षिप्तः किम् अद्रिशिखरात् किं वा पावकसंचये ॥
ākrāntaḥ parvataiḥ kasmāt kasmād daṣṭo mahoragaiḥ kṣiptaḥ kim adriśikharāt kiṃ vā pāvakasaṃcaye //
Why was he crushed with mountains, why bitten by great serpents, why was he flung from a mountain peak, or into a mass of fire?
AI translation rendered from the Sanskrit, not a published edition
ViP 1 16.8
दिग्दन्तिनां दन्तभूमिः स च कस्मान् निरूपितः संशोषको ऽनिलश् चास्य प्रयुक्तः किं महासुरैः ॥
digdantināṃ dantabhūmiḥ sa ca kasmān nirūpitaḥ saṃśoṣako 'nilaś cāsya prayuktaḥ kiṃ mahāsuraiḥ //
And why was he appointed as ground for the tusks of the elephants of the quarters, and why was the parching wind employed against him by the great Asuras?
AI translation rendered from the Sanskrit, not a published edition
ViP 1 16.9
कृत्यां च दैत्यगुरवो युयुजुस् ते तु किं मुने शम्बरश् चापि मायानां सहस्रं किं प्रयुक्तवान् ॥
kṛtyāṃ ca daityaguravo yuyujus te tu kiṃ mune śambaraś cāpi māyānāṃ sahasraṃ kiṃ prayuktavān //
And the preceptors of the Daityas employed a Kṛtyā (a witch-spell) against him — what (came of) that, O sage? And Śambara too, why did he deploy a thousand illusions?
AI translation rendered from the Sanskrit, not a published edition
ViP 1 16.10
हालाहलं विषं घोरं दैत्यसूदैर् महात्मनः कस्माद् दत्तं विनाशाय यज् जीर्णं तेन धीमता ॥
hālāhalaṃ viṣaṃ ghoraṃ daityasūdair mahātmanaḥ kasmād dattaṃ vināśāya yaj jīrṇaṃ tena dhīmatā //
And the dreadful hālāhala poison — why was it given by the Daityas' cooks for the destruction of that great soul, the poison which that wise one digested?
AI translation rendered from the Sanskrit, not a published edition
ViP 1 16.11
एतत् सर्वं महाभाग प्रह्लादस्य महात्मनः चरितं श्रोतुम् इच्छामि महामाहात्म्यसूचकम् ॥
etat sarvaṃ mahābhāga prahlādasya mahātmanaḥ caritaṃ śrotum icchāmi mahāmāhātmyasūcakam //
All this, O greatly fortunate one, the deeds of the great-souled Prahlāda, indicative of (his) great majesty, I wish to hear.
AI translation rendered from the Sanskrit, not a published edition
ViP 1 16.12
न हि कौतूहलं तत्र यद् दैत्यैर् न हतो हि सः अनन्यमनसो विष्णौ कः समर्थो निपातने ॥
na hi kautūhalaṃ tatra yad daityair na hato hi saḥ ananyamanaso viṣṇau kaḥ samartho nipātane //
There is no wonder in this, that he was not killed by the Daityas; for who is capable of striking down one whose mind is on Viṣṇu and on nothing else?
AI translation rendered from the Sanskrit, not a published edition
ViP 1 16.13
तस्मिन् धर्मपरे नित्यं केशवाराधनोद्यते स्ववंशप्रभवैर् दैत्यैः कर्तुं द्वेषो ऽतिदुष्करः ॥
tasmin dharmapare nityaṃ keśavārādhanodyate svavaṃśaprabhavair daityaiḥ kartuṃ dveṣo 'tiduṣkaraḥ //
Toward him, ever devoted to dharma and intent upon the worship of Keśava, hatred was very hard to entertain on the part of Daityas born of his own lineage.
AI translation rendered from the Sanskrit, not a published edition
ViP 1 16.14
धर्मात्मनि महाभागे विष्णुभक्ते विमत्सरे दैतेयैः प्रहृतं कस्मात् तन् ममाख्यातुम् अर्हसि ॥
dharmātmani mahābhāge viṣṇubhakte vimatsare daiteyaiḥ prahṛtaṃ kasmāt tan mamākhyātum arhasi //
Why did the sons of Diti strike at one who was righteous, greatly fortunate, devoted to Viṣṇu, and free from envy? That you ought to tell me.
AI translation rendered from the Sanskrit, not a published edition
ViP 1 16.15
प्रहरन्ति महात्मानो विपक्षे चापि नेदृशे गुणैः समन्विते साधौ किं पुनर् यः स्वपक्षजः ॥
praharanti mahātmāno vipakṣe cāpi nedṛśe guṇaiḥ samanvite sādhau kiṃ punar yaḥ svapakṣajaḥ //
Great souls do not strike even at an enemy who is like this, endowed with virtues and good — how much less at one who is born of their own side!
AI translation rendered from the Sanskrit, not a published edition
ViP 1 16.16
तद् एतत् कथ्यतां सर्वं विस्तरान् मुनिसत्तम दैत्येश्वरस्य चरितं श्रोतुम् इच्छाम्य् अशेषतः ॥
tad etat kathyatāṃ sarvaṃ vistarān munisattama daityeśvarasya caritaṃ śrotum icchāmy aśeṣataḥ //
So let all this be told in detail, O best of sages; I wish to hear the deeds of the lord of the Daityas completely.
AI translation rendered from the Sanskrit, not a published edition