Vishnu Purana — Amsha 1 — Chapter 14
ViP 1 14.1
पृथोः पुत्रौ महावीर्यौ जज्ञाते ऽन्तर्धिवादिनौ शिखण्डिनी हविर्धानम् अन्तर्धानाद् व्यजायत ॥
pṛthoḥ putrau mahāvīryau jajñāte 'ntardhivādinau śikhaṇḍinī havirdhānam antardhānād vyajāyata //
To Pṛthu were born two sons of great valour, Antardhi and Vādin (Pālin); from Antardhāna, Havirdhāna was born of Śikhaṇḍinī.
AI translation rendered from the Sanskrit, not a published edition — the model flagged this verse as uncertain
ViP 1 14.2
हविर्धानात् षड् आग्नेयी धिषणाजनयत् सुतान् प्राचीनबर्हिषं शुक्रं गयं कृष्णं वृजाजिनौ ॥
havirdhānāt ṣaḍ āgneyī dhiṣaṇājanayat sutān prācīnabarhiṣaṃ śukraṃ gayaṃ kṛṣṇaṃ vṛjājinau //
By Havirdhāna, Dhiṣaṇā, of the race of Agni, bore six sons: Prācīnabarhis, Śukra, Gaya, Kṛṣṇa, and Vraja and Ajina.
AI translation rendered from the Sanskrit, not a published edition
ViP 1 14.3
प्राचीनबर्हिर् भगवान् महान् आसीत् प्रजापतिः हविर्धानिर् महाराजो येन संवर्धिताः प्रजाः ॥
prācīnabarhir bhagavān mahān āsīt prajāpatiḥ havirdhānir mahārājo yena saṃvardhitāḥ prajāḥ //
The venerable Prācīnabarhis, son of Havirdhāna, was a great Prajāpati, a great king, by whom the creatures were made to increase.
AI translation rendered from the Sanskrit, not a published edition
ViP 1 14.4
प्राचीनाग्राः कुशास् तस्य पृथिव्यां विश्रुता मुने प्राचीनबर्हिर् अभवत् ख्यातो भुवि महाबलः ॥
prācīnāgrāḥ kuśās tasya pṛthivyāṃ viśrutā mune prācīnabarhir abhavat khyāto bhuvi mahābalaḥ //
His kuśa grasses, with tips pointing east, were famed upon the earth, O sage; (thus) the mighty one became known on earth as Prācīnabarhis.
AI translation rendered from the Sanskrit, not a published edition
ViP 1 14.5
समुद्रतनयायां तु कृतदारो महीपतिः महतस् तपसः पारे सवर्णायां महीपतेः ॥
samudratanayāyāṃ tu kṛtadāro mahīpatiḥ mahatas tapasaḥ pāre savarṇāyāṃ mahīpateḥ //
And that lord of the earth took as wife the daughter of the Ocean, Savarṇā, at the end of great austerity.
AI translation rendered from the Sanskrit, not a published edition — the model flagged this verse as uncertain
ViP 1 14.6
सवर्णाधत्त सामुद्री दश प्राचीनबर्हिषः सर्वे प्रचेतसो नाम धनुर्वेदस्य पारगाः ॥
savarṇādhatta sāmudrī daśa prācīnabarhiṣaḥ sarve pracetaso nāma dhanurvedasya pāragāḥ //
Savarṇā, the Ocean's daughter, bore ten sons to Prācīnabarhis, all named the Pracetases, masters of the science of archery.
AI translation rendered from the Sanskrit, not a published edition
ViP 1 14.7
अपृथग्धर्मचरणास् ते ऽतप्यन्त महत् तपः दश वर्षसहस्राणि समुद्रसलिलेशयाः ॥
apṛthagdharmacaraṇās te 'tapyanta mahat tapaḥ daśa varṣasahasrāṇi samudrasalileśayāḥ //
Practising religious observance not separately (but in common), they performed great austerity for ten thousand years, lying in the water of the ocean.
AI translation rendered from the Sanskrit, not a published edition
ViP 1 14.8
यदर्थं ते महात्मानस् तपस् तेपुर् महामुने प्रचेतसः समुद्राम्भस्य् एतद् आख्यातुम् अर्हसि ॥
yadarthaṃ te mahātmānas tapas tepur mahāmune pracetasaḥ samudrāmbhasy etad ākhyātum arhasi //
For what purpose did those great-souled Pracetases perform austerity in the ocean's water, O great sage? This you ought to relate.
AI translation rendered from the Sanskrit, not a published edition
ViP 1 14.9
पित्रा प्रचेतसः प्रोक्ताः प्रजार्थम् अमितात्मना प्रजापतिनियुक्तेन बहुमानपुरःसरम् ॥
pitrā pracetasaḥ proktāḥ prajārtham amitātmanā prajāpatiniyuktena bahumānapuraḥsaram //
The Pracetases were addressed, for the sake of progeny, by their father of measureless spirit, who had been appointed by the Prajāpati, (his words) prefaced with great respect:
AI translation rendered from the Sanskrit, not a published edition
ViP 1 14.10
ब्रह्मणा देवदेवेन समादिष्टो ऽस्म्य् अहं सुताः प्रजाः संवर्धनीयास् ते मया चोक्तं तथेति तत् ॥
brahmaṇā devadevena samādiṣṭo 'smy ahaṃ sutāḥ prajāḥ saṃvardhanīyās te mayā coktaṃ tatheti tat //
"I have been commanded by Brahmā, the god of gods, O sons: 'The creatures are to be made to increase by you'; and I said, 'So be it.'
AI translation rendered from the Sanskrit, not a published edition
ViP 1 14.11
तन् मम प्रीतये पुत्राः प्रजावृद्धिम् अतन्द्रिताः कुरुध्वं माननीया च सम्यग् आज्ञा प्रजापतेः ॥
tan mama prītaye putrāḥ prajāvṛddhim atandritāḥ kurudhvaṃ mānanīyā ca samyag ājñā prajāpateḥ //
"Therefore, sons, for my satisfaction, unwearied, bring about the increase of creatures; and the command of the Prajāpati must be rightly honoured."
AI translation rendered from the Sanskrit, not a published edition
ViP 1 14.12
ततस् ते तत् पितुः श्रुत्वा वचनं नृपनन्दनाः तथेत्य् उक्त्वा च तं भूयः पप्रच्छुः पितरं मुने ॥
tatas te tat pituḥ śrutvā vacanaṃ nṛpanandanāḥ tathety uktvā ca taṃ bhūyaḥ papracchuḥ pitaraṃ mune //
Then those sons of the king, having heard that speech of their father, and having said "So be it," asked their father again, O sage:
AI translation rendered from the Sanskrit, not a published edition
ViP 1 14.13
येन तात प्रजावृद्धौ समर्थाः कर्मणा वयम् भवेम तत् समस्तं नः कर्म व्याख्यातुम् अर्हसि ॥
yena tāta prajāvṛddhau samarthāḥ karmaṇā vayam bhavema tat samastaṃ naḥ karma vyākhyātum arhasi //
“Father, that whole rite by which we may become capable, through action, of increasing offspring — that you should explain to us.”
AI translation rendered from the Sanskrit, not a published edition
ViP 1 14.14
आराध्य वरदं विष्णुम् इष्टप्राप्तिम् असंशयम् समेति नान्यथा मर्त्यः किम् अन्यत् कथयामि वः ॥
ārādhya varadaṃ viṣṇum iṣṭaprāptim asaṃśayam sameti nānyathā martyaḥ kim anyat kathayāmi vaḥ //
“By worshipping Viṣṇu, the giver of boons, a mortal attains what he desires, without doubt, and not otherwise. What else should I tell you?
AI translation rendered from the Sanskrit, not a published edition
ViP 1 14.15
तस्मात् प्रजाविवृद्ध्यर्थं सर्वभूतप्रभुं हरिम् आराधयत गोविन्दं यदि सिद्धिम् अभीप्सथ ॥
tasmāt prajāvivṛddhyarthaṃ sarvabhūtaprabhuṃ harim ārādhayata govindaṃ yadi siddhim abhīpsatha //
Therefore, for the sake of the increase of offspring, worship Hari, Govinda, the lord of all beings, if you desire success.
AI translation rendered from the Sanskrit, not a published edition
ViP 1 14.16
धर्मम् अर्थं च कामं च मोक्षं चान्विच्छता सदा आराधनीयो भगवान् अनादिः पुरुषोत्तमः ॥
dharmam arthaṃ ca kāmaṃ ca mokṣaṃ cānvicchatā sadā ārādhanīyo bhagavān anādiḥ puruṣottamaḥ //
By one who ever seeks dharma, wealth, pleasure and liberation, the Lord, the beginningless Supreme Person, is to be worshipped.
AI translation rendered from the Sanskrit, not a published edition
ViP 1 14.17
यस्मिन्न् आराधिते सर्गं चकारादौ प्रजापतिः तम् आराध्याच्युतं वृद्धिः प्रजानां वो भविष्यति ॥
yasminn ārādhite sargaṃ cakārādau prajāpatiḥ tam ārādhyācyutaṃ vṛddhiḥ prajānāṃ vo bhaviṣyati //
Worshipping whom, Prajāpati made the creation in the beginning — worshipping that Acyuta, an increase of offspring will be yours.”
AI translation rendered from the Sanskrit, not a published edition
ViP 1 14.18
इत्य् एवम् उक्तास् ते पित्रा पुत्राः प्रचेतसो दश मग्नाः पयोधिसलिले तपस् तेपुः समाहिताः ॥
ity evam uktās te pitrā putrāḥ pracetaso daśa magnāḥ payodhisalile tapas tepuḥ samāhitāḥ //
Thus addressed by their father, those sons, the ten Pracetases, submerged in the water of the ocean, performed austerity with concentrated minds.
AI translation rendered from the Sanskrit, not a published edition
ViP 1 14.19
दश वर्षसहस्राणि न्यस्तचित्ता जगत्पतौ नारायणे मुनिश्रेष्ठ सर्वलोकपरायणे ॥
daśa varṣasahasrāṇi nyastacittā jagatpatau nārāyaṇe muniśreṣṭha sarvalokaparāyaṇe //
For ten thousand years, O best of sages, with their minds fixed on the lord of the world, Nārāyaṇa, the final resort of all worlds.
AI translation rendered from the Sanskrit, not a published edition
ViP 1 14.20
तत्रैव ते स्थिता देवम् एकाग्रमनसो हरिम् तुष्टुवुर् यः स्तुतः कामान् स्तोतुर् इष्टान् प्रयच्छति ॥
tatraiva te sthitā devam ekāgramanaso harim tuṣṭuvur yaḥ stutaḥ kāmān stotur iṣṭān prayacchati //
Remaining right there, with one-pointed minds, they praised the god Hari, who, when praised, grants to the praiser the desires he wishes for.
AI translation rendered from the Sanskrit, not a published edition
ViP 1 14.21
स्तवं प्रचेतसो विष्णोः समुद्राम्भसि संस्थिताः चक्रुस् तं मे मुनिश्रेष्ठ सुपुण्यं वक्तुम् अर्हसि ॥
stavaṃ pracetaso viṣṇoḥ samudrāmbhasi saṃsthitāḥ cakrus taṃ me muniśreṣṭha supuṇyaṃ vaktum arhasi //
“The praise of Viṣṇu which the Pracetases made while abiding in the water of the ocean — that most holy (hymn), O best of sages, you should recite to me.”
AI translation rendered from the Sanskrit, not a published edition
ViP 1 14.22
शृणु मैत्रेय गोविन्दं यथापूर्वं प्रचेतसः तुष्टुवुस् तन्मयीभूताः समुद्रसलिलेशयाः ॥
śṛṇu maitreya govindaṃ yathāpūrvaṃ pracetasaḥ tuṣṭuvus tanmayībhūtāḥ samudrasalileśayāḥ //
“Hear, Maitreya, how formerly the Pracetases, lying in the water of the ocean, absorbed in him, praised Govinda.
AI translation rendered from the Sanskrit, not a published edition
ViP 1 14.23
नताः स्म सर्ववचसां प्रतिष्ठा यत्र शाश्वती तम् आद्यन्तम् अशेषस्य जगतः परमं प्रभुम् ॥
natāḥ sma sarvavacasāṃ pratiṣṭhā yatra śāśvatī tam ādyantam aśeṣasya jagataḥ paramaṃ prabhum //
‘We bow to him in whom is the eternal ground of all words, the beginning and end of the entire world, the supreme lord;
AI translation rendered from the Sanskrit, not a published edition
ViP 1 14.24
ज्योतिर् आद्यम् अनौपम्यम् अण्व् अनन्तम् अपारवत् योनिभूतम् अशेषस्य स्थावरस्य चरस्य च ॥
jyotir ādyam anaupamyam aṇv anantam apāravat yonibhūtam aśeṣasya sthāvarasya carasya ca //
the primal light, beyond comparison, minute, endless, without further shore, the womb of all that stands still and all that moves.
AI translation rendered from the Sanskrit, not a published edition
ViP 1 14.25
यस्याहः प्रथमं रूपम् अरूपस्य ततो निशा संध्या च परमेशस्य तस्मै कालात्मने नमः ॥
yasyāhaḥ prathamaṃ rūpam arūpasya tato niśā saṃdhyā ca parameśasya tasmai kālātmane namaḥ //
He who, being formless, has day as his first form, then night, and twilight — to that Supreme Lord, whose self is time, homage.
AI translation rendered from the Sanskrit, not a published edition
ViP 1 14.26
भुज्यते ऽनुदिनं देवैः पितृभिश् च सुधात्मकः जीवभूतः समस्तस्य तस्मै सोमात्मने नमः ॥
bhujyate 'nudinaṃ devaiḥ pitṛbhiś ca sudhātmakaḥ jīvabhūtaḥ samastasya tasmai somātmane namaḥ //
He who, consisting of nectar, is consumed day by day by the gods and by the fathers, and who is the life of all — to him, whose self is the moon, homage.
AI translation rendered from the Sanskrit, not a published edition
ViP 1 14.27
यस् तमो हन्ति तीव्रात्मा स्वभाभिर् भासयन् नभः घर्मशीताम्भसां योनिस् तस्मै सूर्यात्मने नमः ॥
yas tamo hanti tīvrātmā svabhābhir bhāsayan nabhaḥ gharmaśītāmbhasāṃ yonis tasmai sūryātmane namaḥ //
He who, fierce in nature, destroys darkness, illuminating the sky with his rays, the source of heat, cold and waters — to him, whose self is the sun, homage.
AI translation rendered from the Sanskrit, not a published edition
ViP 1 14.28
काठिन्यवान् यो बिभर्ति जगद् एतद् अशेषतः शब्दादिसंश्रयो व्यापी तस्मै भूम्यात्मने नमः ॥
kāṭhinyavān yo bibharti jagad etad aśeṣataḥ śabdādisaṃśrayo vyāpī tasmai bhūmyātmane namaḥ //
He who, possessing hardness, bears this whole world entirely, the substrate of sound and the rest, all-pervading — to him, whose self is the earth, homage.
AI translation rendered from the Sanskrit, not a published edition
ViP 1 14.29
यद् योनिभूतं जगतो बीजं यत् सर्वदेहिनाम् तत् तोयरूपम् ईशस्य नमामो हरिमेधसः ॥
yad yonibhūtaṃ jagato bījaṃ yat sarvadehinām tat toyarūpam īśasya namāmo harimedhasaḥ //
That which is the womb of the world, which is the seed of all embodied beings — that watery form of the Lord, of Hari the wise, we salute.
AI translation rendered from the Sanskrit, not a published edition
ViP 1 14.30
यो मुखं सर्वदेवानां हव्यभुक् कव्यभुक् तथा पितॄणां च नमस् तस्मै विष्णवे पावकात्मने ॥
yo mukhaṃ sarvadevānāṃ havyabhuk kavyabhuk tathā pitṝṇāṃ ca namas tasmai viṣṇave pāvakātmane //
He who is the mouth of all the gods, the eater of oblations and likewise the eater of funeral offerings for the fathers — homage to that Viṣṇu, whose self is fire.
AI translation rendered from the Sanskrit, not a published edition
ViP 1 14.31
पञ्चधावस्थितो देहे यश् चेष्टां कुरुते ऽनिशम् आकाशयोनिर् भगवांस् तस्मै वाय्वात्मने नमः ॥
pañcadhāvasthito dehe yaś ceṣṭāṃ kurute 'niśam ākāśayonir bhagavāṃs tasmai vāyvātmane namaḥ //
He who, abiding fivefold in the body, ceaselessly produces movement, the Lord whose womb is space — to him, whose self is wind, homage.
AI translation rendered from the Sanskrit, not a published edition
ViP 1 14.32
अवकाशम् अशेषाणां भूतानां यः प्रयच्छति अनन्तमूर्तिमाञ् छुद्धस् तस्मै व्योमात्मने नमः ॥
avakāśam aśeṣāṇāṃ bhūtānāṃ yaḥ prayacchati anantamūrtimāñ chuddhas tasmai vyomātmane namaḥ //
He who grants room to all beings, possessed of endless forms, pure — to him, whose self is the sky, homage.
AI translation rendered from the Sanskrit, not a published edition
ViP 1 14.33
समस्तेन्द्रियवर्गस्य यः सदा स्थानम् उत्तमम् तस्मै शब्दादिरूपाय नमः कृष्णाय वेधसे ॥
samastendriyavargasya yaḥ sadā sthānam uttamam tasmai śabdādirūpāya namaḥ kṛṣṇāya vedhase //
He who is always the highest station of the whole company of the senses — to him, whose forms are sound and the rest, homage, to Kṛṣṇa the ordainer.
AI translation rendered from the Sanskrit, not a published edition
ViP 1 14.34
गृह्णाति विषयान् नित्यम् इन्द्रियात्मा क्षराक्षरः यस् तस्मै ज्ञानमूलाय नताः स्म हरिमेधसे ॥
gṛhṇāti viṣayān nityam indriyātmā kṣarākṣaraḥ yas tasmai jñānamūlāya natāḥ sma harimedhase //
He who, as the self of the senses, perishable and imperishable, constantly seizes the objects (of sense) — to him, the root of knowledge, to Harimedhas, we are bowed down.
AI translation rendered from the Sanskrit, not a published edition
ViP 1 14.35
गृहीतान् इन्द्रियैर् अर्थान् आत्मने यः प्रयच्छति अन्तःकरणभूताय तस्मै विश्वात्मने नमः ॥
gṛhītān indriyair arthān ātmane yaḥ prayacchati antaḥkaraṇabhūtāya tasmai viśvātmane namaḥ //
He who delivers to the self the objects seized by the senses, having become the inner organ — to him, the self of all, homage.
AI translation rendered from the Sanskrit, not a published edition
ViP 1 14.36
यस्मिन्न् अनन्ते सकलं विश्वं यस्मात् तथोद्गतम् लयस्थानं च यस् तस्मै नमः प्रकृतिधर्मिणे ॥
yasminn anante sakalaṃ viśvaṃ yasmāt tathodgatam layasthānaṃ ca yas tasmai namaḥ prakṛtidharmiṇe //
In whom, the endless one, the whole universe (rests), from whom it has likewise arisen, and who is the place of its dissolution — homage to him who bears the nature of primal matter.
AI translation rendered from the Sanskrit, not a published edition
ViP 1 14.37
शुद्धः संल्लक्ष्यते भ्रान्त्या गुणवान् इव यो ऽगुणः तम् आत्मरूपिणं देवं नताः स्म पुरुषोत्तमम् ॥
śuddhaḥ saṃllakṣyate bhrāntyā guṇavān iva yo 'guṇaḥ tam ātmarūpiṇaṃ devaṃ natāḥ sma puruṣottamam //
He who, pure and without qualities, is through error observed as though possessing qualities — to that god who has the form of the self, the highest Person, we are bowed down.
AI translation rendered from the Sanskrit, not a published edition
ViP 1 14.38
अविकारम् अजं शुद्धं निर्गुणं यन् निरञ्जनम् नताः स्म तत् परं ब्रह्म विष्णोर् यत् परमं पदम् ॥
avikāram ajaṃ śuddhaṃ nirguṇaṃ yan nirañjanam natāḥ sma tat paraṃ brahma viṣṇor yat paramaṃ padam //
That which is without alteration, unborn, pure, without qualities, unstained — to that supreme Brahman we are bowed down, which is the highest station of Viṣṇu.
AI translation rendered from the Sanskrit, not a published edition
ViP 1 14.39
अदीर्घह्रस्वम् अस्थूलम् अनण्व् अग्र्यम् अलोहितम् अस्नेहच्छायम् अतनुम् असक्तम् असमीरणम् ॥
adīrghahrasvam asthūlam anaṇv agryam alohitam asnehacchāyam atanum asaktam asamīraṇam //
(That which is) neither long nor short, not gross, not minute, foremost, not red, without oiliness or shadow, without body, unattached, without wind;
AI translation rendered from the Sanskrit, not a published edition — the model flagged this verse as uncertain
ViP 1 14.40
अनाकाशम् असंस्पर्शम् अगन्धम् अरसं च यत् अचक्षुःश्रोत्रम् अचलम् अवाक्पाणिम् अमानसम् ॥
anākāśam asaṃsparśam agandham arasaṃ ca yat acakṣuḥśrotram acalam avākpāṇim amānasam //
which is without ether, without touch, without smell and without taste, without eye or ear, unmoving, without speech or hands, without mind;
AI translation rendered from the Sanskrit, not a published edition
ViP 1 14.41
अनामगोत्रम् असुखम् अतेजस्कम् अहेतुकम् अभयं भ्रान्तिरहितम् अनिद्रम् अजरामरम् ॥
anāmagotram asukham atejaskam ahetukam abhayaṃ bhrāntirahitam anidram ajarāmaram //
without name or lineage, without pleasure, without radiance, without cause, without fear, free of error, without sleep, without aging or death;
AI translation rendered from the Sanskrit, not a published edition
ViP 1 14.42
अरजो ऽशब्दम् अमृतम् अप्लुतं यद् असंवृतम् पूर्वापरे न वै यस्मिंस् तद् विष्णोः परमं पदम् ॥
arajo 'śabdam amṛtam aplutaṃ yad asaṃvṛtam pūrvāpare na vai yasmiṃs tad viṣṇoḥ paramaṃ padam //
which is without dust, without sound, immortal, unmoistened, uncovered, in which indeed there is no earlier and later — that is the highest station of Viṣṇu.
AI translation rendered from the Sanskrit, not a published edition
ViP 1 14.43
परम् ईशित्वगुणवत् सर्वभूतम् असंश्रयम् नताः स्म तत् पदं विष्णोर् जिह्वादृग्गोचरं न यत् ॥
param īśitvaguṇavat sarvabhūtam asaṃśrayam natāḥ sma tat padaṃ viṣṇor jihvādṛggocaraṃ na yat //
Supreme, possessing the attribute of lordship, being all beings, without any support — to that station of Viṣṇu we are bowed down, which does not come within range of tongue or eye.
AI translation rendered from the Sanskrit, not a published edition
ViP 1 14.44
एवं प्रचेतसो विष्णुं स्तुवन्तस् तत्समाधयः दश वर्षसहस्राणि तपश् चेरुर् महार्णवे ॥
evaṃ pracetaso viṣṇuṃ stuvantas tatsamādhayaḥ daśa varṣasahasrāṇi tapaś cerur mahārṇave //
Thus the Pracetases, praising Viṣṇu with their concentration fixed on him, practised austerity for ten thousand years in the great ocean.
AI translation rendered from the Sanskrit, not a published edition
ViP 1 14.45
ततः प्रसन्नो भगवांस् तेषाम् अन्तर्जले हरिः ददौ दर्शनम् उन्निद्रनीलोत्पलदलच्छविः ॥
tataḥ prasanno bhagavāṃs teṣām antarjale hariḥ dadau darśanam unnidranīlotpaladalacchaviḥ //
Then the Lord Hari, pleased, gave them a sight (of himself) within the water, having the sheen of the petal of an opened blue lotus.
AI translation rendered from the Sanskrit, not a published edition
ViP 1 14.46
पतत्रिराजम् आरूढम् अवलोक्य प्रचेतसः प्रणिपेतुः शिरोभिस् तं भक्तिभारावनामितैः ॥
patatrirājam ārūḍham avalokya pracetasaḥ praṇipetuḥ śirobhis taṃ bhaktibhārāvanāmitaiḥ //
Seeing him mounted on the king of birds, the Pracetases bowed down to him with heads bent low by the weight of devotion.
AI translation rendered from the Sanskrit, not a published edition
ViP 1 14.47
ततस् तान् आह भगवान् व्रियताम् ईप्सितो वरः प्रसादसुमुखो ऽहं वो वरदः समुपस्थितः ॥
tatas tān āha bhagavān vriyatām īpsito varaḥ prasādasumukho 'haṃ vo varadaḥ samupasthitaḥ //
Then the Lord said to them: "Let the desired boon be chosen; with a face gracious with favour I have come to you as giver of boons."
AI translation rendered from the Sanskrit, not a published edition
ViP 1 14.48
ततस् तम् ऊचुर् वरदं प्रणिपत्य प्रचेतसः यथा पित्रा समादिष्टं प्रजानां वृद्धिकारणम् ॥
tatas tam ūcur varadaṃ praṇipatya pracetasaḥ yathā pitrā samādiṣṭaṃ prajānāṃ vṛddhikāraṇam //
Then the Pracetases, bowing to the giver of boons, told him what had been enjoined by their father, the means of the increase of creatures.
AI translation rendered from the Sanskrit, not a published edition
ViP 1 14.49
स चापि देवस् तं दत्त्वा यथाभिलषितं वरम् अन्तर्धानं जगामाशु ते च निश्चक्रमुर् जलात् ॥
sa cāpi devas taṃ dattvā yathābhilaṣitaṃ varam antardhānaṃ jagāmāśu te ca niścakramur jalāt //
And that god too, having granted him that boon just as desired, quickly went into invisibility, and they came forth from the water.
AI translation rendered from the Sanskrit, not a published edition