Vishnu Purana — Amsha 1 — Chapter 13
ViP 1 13.1
ध्रुवाच् छिष्टिं च भव्यं च भव्याच् छंभुर् व्यजायत शिष्टेर् आधत्त सुच्छाया पञ्च पुत्रान् अकल्मषान् ॥
dhruvāc chiṣṭiṃ ca bhavyaṃ ca bhavyāc chaṃbhur vyajāyata śiṣṭer ādhatta succhāyā pañca putrān akalmaṣān //
From Dhruva were born Śiṣṭi and Bhavya; from Bhavya, Śambhu was born. To Śiṣṭi, Succhāyā bore five faultless sons:
AI translation rendered from the Sanskrit, not a published edition
ViP 1 13.2
रिपुं रिपुञ्जयं विप्रं वृकलं वृकतेजसम् रिपोर् आधत्त बृहती चाक्षुषं सर्वतेजसम् ॥
ripuṃ ripuñjayaṃ vipraṃ vṛkalaṃ vṛkatejasam ripor ādhatta bṛhatī cākṣuṣaṃ sarvatejasam //
Ripu, Ripuñjaya, Vipra, Vṛkala and Vṛkatejas. To Ripu, Bṛhatī bore Cākṣuṣa, who was possessed of all splendour.
AI translation rendered from the Sanskrit, not a published edition
ViP 1 13.3
अजीजनत् पुष्करिण्यां वारुण्यां चाक्षुषो मनुम् प्रजापतेर् आत्मजायां वीरणस्य महात्मनः ॥
ajījanat puṣkariṇyāṃ vāruṇyāṃ cākṣuṣo manum prajāpater ātmajāyāṃ vīraṇasya mahātmanaḥ //
Cākṣuṣa begot Manu upon Puṣkariṇī, of the line of Varuṇa, the daughter of the great-souled Prajāpati Vīraṇa.
AI translation rendered from the Sanskrit, not a published edition
ViP 1 13.4
मनोर् अजायन्त दश नड्वलायां महौजसः कन्यायां तपतां श्रेष्ठ वैराजस्य प्रजापतेः ॥
manor ajāyanta daśa naḍvalāyāṃ mahaujasaḥ kanyāyāṃ tapatāṃ śreṣṭha vairājasya prajāpateḥ //
To Manu were born ten sons of great vigour, by Naḍvalā, the daughter of the Prajāpati Vairāja, O best of ascetics:
AI translation rendered from the Sanskrit, not a published edition
ViP 1 13.5
कुरुः पुरुः शतद्युम्नस् तपस्वी सत्यवाञ् छुचिः अग्निष्टुद् अतिरात्रश् च सुद्युम्नश् चेति ते नव अभिमन्युश् च दशमो नड्वलायां महौजसः ॥
kuruḥ puruḥ śatadyumnas tapasvī satyavāñ chuciḥ agniṣṭud atirātraś ca sudyumnaś ceti te nava abhimanyuś ca daśamo naḍvalāyāṃ mahaujasaḥ //
Kuru, Puru, Śatadyumna, Tapasvin, Satyavat, Śuci, Agniṣṭut, Atirātra and Sudyumna — these nine; and Abhimanyu was the tenth, (born) of Naḍvalā, of great vigour.
AI translation rendered from the Sanskrit, not a published edition
ViP 1 13.6
कुरोर् अजनयत् पुत्रान् षड् आग्नेयी महाप्रभान् अङ्गं सुमनसं ख्यातिं क्रतुम् अङ्गिरसं शिबिम् ॥
kuror ajanayat putrān ṣaḍ āgneyī mahāprabhān aṅgaṃ sumanasaṃ khyātiṃ kratum aṅgirasaṃ śibim //
To Kuru, Āgneyī bore six sons of great lustre: Aṅga, Sumanas, Khyāti, Kratu, Aṅgiras and Śibi.
AI translation rendered from the Sanskrit, not a published edition
ViP 1 13.7
अङ्गात् सुनीथापत्यं वै वेनम् एकम् अजायत प्रजार्थम् ऋषयस् तस्य ममन्थुर् दक्षिणं करम् ॥
aṅgāt sunīthāpatyaṃ vai venam ekam ajāyata prajārtham ṛṣayas tasya mamanthur dakṣiṇaṃ karam //
From Aṅga there was born a single son, Vena, the child of Sunīthā; for the sake of offspring the sages churned his right hand.
AI translation rendered from the Sanskrit, not a published edition
ViP 1 13.8
वेनस्य पाणौ मथिते संबभूव महामुने वैन्यो नाम महीपालो यः पृथुः परिकीर्त्यते ॥
venasya pāṇau mathite saṃbabhūva mahāmune vainyo nāma mahīpālo yaḥ pṛthuḥ parikīrtyate //
When Vena's hand was churned, O great sage, there came into being a protector of the earth named Vainya, who is celebrated as Pṛthu,
AI translation rendered from the Sanskrit, not a published edition
ViP 1 13.9
येन दुग्धा मही पूर्वं प्रजानां हितकारणात् ॥
yena dugdhā mahī pūrvaṃ prajānāṃ hitakāraṇāt //
by whom the earth was formerly milked for the sake of the welfare of the creatures.
AI translation rendered from the Sanskrit, not a published edition
ViP 1 13.10
किमर्थं मथितः पाणिर् वेनस्य परमर्षिभिः यत्र जज्ञे महावीर्यः स पृथुर् मुनिसत्तम ॥
kimarthaṃ mathitaḥ pāṇir venasya paramarṣibhiḥ yatra jajñe mahāvīryaḥ sa pṛthur munisattama //
For what purpose was Vena's hand churned by the supreme sages, whereby that Pṛthu of great valour was born, O best of sages?
AI translation rendered from the Sanskrit, not a published edition
ViP 1 13.11
सुनीथा नाम या कन्या मृत्योः प्रथमजाभवत् अङ्गस्य भार्या सा दत्ता तस्यां वेनो व्यजायत ॥
sunīthā nāma yā kanyā mṛtyoḥ prathamajābhavat aṅgasya bhāryā sā dattā tasyāṃ veno vyajāyata //
The maiden named Sunīthā, who was the firstborn of Mṛtyu (Death), was given as Aṅga's wife; in her Vena was born.
AI translation rendered from the Sanskrit, not a published edition
ViP 1 13.12
स मातामहदोषेण तेन मृत्योः सुतात्मजः निसर्गाद् एव मैत्रेय दुष्टभावो व्यजायत ॥
sa mātāmahadoṣeṇa tena mṛtyoḥ sutātmajaḥ nisargād eva maitreya duṣṭabhāvo vyajāyata //
Through that fault of his maternal grandfather, being the son of Death's daughter, he was born, O Maitreya, of evil disposition by his very nature.
AI translation rendered from the Sanskrit, not a published edition
ViP 1 13.13
अभिषिक्तो यदा राज्ये स वेनः परमर्षिभिः घोषयाम् आस स तदा पृथिव्यां पृथिवीपतिः ॥
abhiṣikto yadā rājye sa venaḥ paramarṣibhiḥ ghoṣayām āsa sa tadā pṛthivyāṃ pṛthivīpatiḥ //
When that Vena had been consecrated in the kingship by the supreme sages, then that lord of the earth had it proclaimed throughout the earth:
AI translation rendered from the Sanskrit, not a published edition
ViP 1 13.14
न यष्टव्यं न होतव्यं न दातव्यं कथंचन भोक्ता यज्ञस्य कस् त्व् अन्यो ह्य् अहं यज्ञपतिः प्रभुः ॥
na yaṣṭavyaṃ na hotavyaṃ na dātavyaṃ kathaṃcana bhoktā yajñasya kas tv anyo hy ahaṃ yajñapatiḥ prabhuḥ //
"There is to be no sacrificing, no offering of oblations, no giving of gifts in any way whatsoever. For who else is the enjoyer of the sacrifice? I am the lord and master of sacrifice."
AI translation rendered from the Sanskrit, not a published edition
ViP 1 13.15
ततस् तम् ऋषयः पूर्वं संपूज्य पृथिवीपतिम् ऊचुः सामकलं सम्यङ् मैत्रेय समुपस्थिताः ॥
tatas tam ṛṣayaḥ pūrvaṃ saṃpūjya pṛthivīpatim ūcuḥ sāmakalaṃ samyaṅ maitreya samupasthitāḥ //
Then the sages, having first honoured that lord of the earth, standing near him, spoke properly with conciliatory words, O Maitreya.
AI translation rendered from the Sanskrit, not a published edition
ViP 1 13.16
भो भो राजञ् छृणुष्व त्वं यद् वदामस् तव प्रभो राज्यदेहोपकाराय प्रजानां च हितं परम् ॥
bho bho rājañ chṛṇuṣva tvaṃ yad vadāmas tava prabho rājyadehopakārāya prajānāṃ ca hitaṃ param //
"Ho, ho, king! Listen, you, to what we say to you, O lord — for the benefit of your kingdom and your body, and the highest good of the subjects.
AI translation rendered from the Sanskrit, not a published edition
ViP 1 13.17
दीर्घसत्रेण देवेशं सर्वयज्ञेश्वरं हरिम् पूजयिष्याम भद्रं ते तत्रांशस् ते भविष्यति ॥
dīrghasatreṇa deveśaṃ sarvayajñeśvaraṃ harim pūjayiṣyāma bhadraṃ te tatrāṃśas te bhaviṣyati //
With a long sacrificial session we shall worship Hari, the lord of the gods, the master of all sacrifices — good fortune to you! — and in it there will be a share for you.
AI translation rendered from the Sanskrit, not a published edition
ViP 1 13.18
यज्ञेन यज्ञपुरुषो विष्णुः संप्रीणितो नृप अस्माभिर् भवतः कामान् सर्वान् एव प्रदास्यति ॥
yajñena yajñapuruṣo viṣṇuḥ saṃprīṇito nṛpa asmābhir bhavataḥ kāmān sarvān eva pradāsyati //
Viṣṇu, the person of sacrifice, well pleased by our sacrifice, O king, will grant all your desires whatsoever.
AI translation rendered from the Sanskrit, not a published edition
ViP 1 13.19
यज्ञैर् यज्ञेश्वरो येषां राष्ट्रे संपूज्यते हरिः तेषां सर्वेप्सितावाप्तिं ददाति नृप भूभृताम् ॥
yajñair yajñeśvaro yeṣāṃ rāṣṭre saṃpūjyate hariḥ teṣāṃ sarvepsitāvāptiṃ dadāti nṛpa bhūbhṛtām //
To those rulers of the earth in whose realm Hari, the lord of sacrifice, is worshipped with sacrifices, he grants the attainment of all that is wished for, O king."
AI translation rendered from the Sanskrit, not a published edition
ViP 1 13.20
मत्तः को ऽभ्यधिको ऽन्यो ऽस्ति कश् चाराध्यो ममापरः को ऽयं हरिर् इति ख्यातो यो वै यज्ञेश्वरो मतः ॥
mattaḥ ko 'bhyadhiko 'nyo 'sti kaś cārādhyo mamāparaḥ ko 'yaṃ harir iti khyāto yo vai yajñeśvaro mataḥ //
"Who else is there superior to me, and who other is to be propitiated by me? Who is this one known as 'Hari' who is held to be the lord of sacrifice?
AI translation rendered from the Sanskrit, not a published edition
ViP 1 13.21
ब्रह्मा जनार्दनः शंभुर् इन्द्रो वायुर् यमो रविः हुतभुग् वरुणो धाता पूषा भूमिर् निशाकरः ॥
brahmā janārdanaḥ śaṃbhur indro vāyur yamo raviḥ hutabhug varuṇo dhātā pūṣā bhūmir niśākaraḥ //
Brahmā, Janārdana, Śambhu, Indra, Vāyu, Yama, the sun, the fire-eater (Agni), Varuṇa, Dhātā, Pūṣan, the Earth, the maker of night (the moon) —
AI translation rendered from the Sanskrit, not a published edition
ViP 1 13.22
एते चान्ये च ये देवाः शापानुग्रहकारिणः नृपस्यैते शरीरस्थाः सर्वदेवमयो नृपः ॥
ete cānye ca ye devāḥ śāpānugrahakāriṇaḥ nṛpasyaite śarīrasthāḥ sarvadevamayo nṛpaḥ //
these and whatever other gods there are who bring about curse and favour — these dwell in the body of the king; the king is made up of all the gods.
AI translation rendered from the Sanskrit, not a published edition
ViP 1 13.23
एतज् ज्ञात्वा मयाज्ञप्तं यद् यथा क्रियतां तथा न दातव्यं न होतव्यं न यष्टव्यं च भो द्विजाः ॥
etaj jñātvā mayājñaptaṃ yad yathā kriyatāṃ tathā na dātavyaṃ na hotavyaṃ na yaṣṭavyaṃ ca bho dvijāḥ //
Knowing this, whatever has been commanded by me, let it be done just so: nothing is to be given, no oblation offered, and no sacrifice performed, O twice-born ones.
AI translation rendered from the Sanskrit, not a published edition
ViP 1 13.24
भर्तृशुश्रूषणं धर्मो यथा स्त्रीणां परो मतः ममाज्ञापालनं धर्मो भवतां च तथा द्विजाः ॥
bhartṛśuśrūṣaṇaṃ dharmo yathā strīṇāṃ paro mataḥ mamājñāpālanaṃ dharmo bhavatāṃ ca tathā dvijāḥ //
As the service of the husband is held to be the highest duty of women, so, O twice-born ones, the keeping of my command is your duty."
AI translation rendered from the Sanskrit, not a published edition
ViP 1 13.25
देह्य् अनुज्ञां महाराज मा धर्मो यातु संक्षयम् हविषां परिणामो ऽयं यद् एतद् अखिलं जगत् ॥
dehy anujñāṃ mahārāja mā dharmo yātu saṃkṣayam haviṣāṃ pariṇāmo 'yaṃ yad etad akhilaṃ jagat //
"Grant permission, great king; let dharma not come to destruction. This whole world, all of it, is a transformation of oblations.
AI translation rendered from the Sanskrit, not a published edition
ViP 1 13.26
इति विज्ञाप्यमानो ऽपि स वेनः परमर्षिभिः पापो ददाति नानुज्ञां तदा प्रोक्तः पुनः पुनः ॥
iti vijñāpyamāno 'pi sa venaḥ paramarṣibhiḥ pāpo dadāti nānujñāṃ tadā proktaḥ punaḥ punaḥ //
Though thus informed by the supreme sages, that wicked Vena gave no permission, though he was addressed again and again.
AI translation rendered from the Sanskrit, not a published edition
ViP 1 13.27
ततस् ते मुनयः सर्वे कोपामर्षसमन्विताः हन्यतां हन्यतां पाप इत्य् ऊचुस् ते परस्परम् ॥
tatas te munayaḥ sarve kopāmarṣasamanvitāḥ hanyatāṃ hanyatāṃ pāpa ity ūcus te parasparam //
Then all those sages, filled with anger and indignation, said to one another, "Let the wicked one be slain, be slain!"
AI translation rendered from the Sanskrit, not a published edition
ViP 1 13.28
यो यज्ञपुरुषं विष्णुम् अनादिनिधनं प्रभुम् विनिन्दत्य् अधमाचारो न स योग्यो भुवः पतिः ॥
yo yajñapuruṣaṃ viṣṇum anādinidhanaṃ prabhum vinindaty adhamācāro na sa yogyo bhuvaḥ patiḥ //
"He who, being of the basest conduct, reviles Viṣṇu, the person of the sacrifice, the Lord without beginning or end — he is not fit to be lord of the earth."
AI translation rendered from the Sanskrit, not a published edition
ViP 1 13.29
इत्य् उक्त्वा मन्त्रपूतैस् तैः कुशैर् मुनिगणा नृपम् निजघ्नुर् निहतं पूर्वं भगवन्निन्दनादिना ॥
ity uktvā mantrapūtais taiḥ kuśair munigaṇā nṛpam nijaghnur nihataṃ pūrvaṃ bhagavannindanādinā //
Having said this, the assembled sages struck down the king with those kuśa blades purified by mantras — he who had already been slain beforehand by his reviling of the Lord and the rest.
AI translation rendered from the Sanskrit, not a published edition
ViP 1 13.30
ततश् च मुनयो रेणुं ददृशुः सर्वतो द्विज किम् एतद् इति चासन्नं पप्रच्छुस् ते जनं तदा ॥
tataś ca munayo reṇuṃ dadṛśuḥ sarvato dvija kim etad iti cāsannaṃ papracchus te janaṃ tadā //
And then, O twice-born one, the sages saw dust on every side, and they asked a person who was nearby, "What is this?"
AI translation rendered from the Sanskrit, not a published edition
ViP 1 13.31
आख्यातं च जनैस् तेषां चौरीभूतैर् अराजके राष्ट्रे तु लोकैर् आरब्धं परस्वादानम् आतुरैः ॥
ākhyātaṃ ca janais teṣāṃ caurībhūtair arājake rāṣṭre tu lokair ārabdhaṃ parasvādānam āturaiḥ //
And it was told them by people that, the realm being without a king, the folk, in distress, had turned to thievery and had begun the seizing of others' property.
AI translation rendered from the Sanskrit, not a published edition
ViP 1 13.32
तेषाम् उदीर्णवेगानां चौराणां मुनिसत्तमाः सुमहान् दृश्यते रेणुः परवित्तापहारिणाम् ॥
teṣām udīrṇavegānāṃ caurāṇāṃ munisattamāḥ sumahān dṛśyate reṇuḥ paravittāpahāriṇām //
"Of those thieves, O best of sages, rushing on with mounting force and carrying off others' wealth, a very great dust is seen."
AI translation rendered from the Sanskrit, not a published edition
ViP 1 13.33
ततः संमन्त्र्य ते सर्वे मुनयस् तस्य भूभृतः ममन्थुर् ऊरुं पुत्रार्थम् अनपत्यस्य यत्नतः ॥
tataḥ saṃmantrya te sarve munayas tasya bhūbhṛtaḥ mamanthur ūruṃ putrārtham anapatyasya yatnataḥ //
Then all those sages, having taken counsel, diligently churned the thigh of that king, who was childless, for the sake of a son.
AI translation rendered from the Sanskrit, not a published edition
ViP 1 13.34
मथ्यतश् च समुत्तस्थौ तस्योरोः पुरुषः किल दग्धस्थूणाप्रतीकाशः खर्वटास्यो ऽतिह्रस्वकः ॥
mathyataś ca samuttasthau tasyoroḥ puruṣaḥ kila dagdhasthūṇāpratīkāśaḥ kharvaṭāsyo 'tihrasvakaḥ //
And as it was being churned, there arose from his thigh, so it is said, a man resembling a burnt post, with a stumpy face, exceedingly short.
AI translation rendered from the Sanskrit, not a published edition
ViP 1 13.35
किं करोमीति तान् सर्वान् विप्रान् आह त्वरान्वितः निषीदेति तम् ऊचुस् ते निषादस् तेन सो ऽभवत् ॥
kiṃ karomīti tān sarvān viprān āha tvarānvitaḥ niṣīdeti tam ūcus te niṣādas tena so 'bhavat //
In haste he said to all those brahmins, "What shall I do?" They said to him, "Sit down (niṣīda)" — and by that he became a Niṣāda.
AI translation rendered from the Sanskrit, not a published edition
ViP 1 13.36
ततस् तत्संभवा जाता विन्ध्यशैलनिवासिनः निषादा मुनिशार्दूल पापकर्मोपलक्षणाः ॥
tatas tatsaṃbhavā jātā vindhyaśailanivāsinaḥ niṣādā muniśārdūla pāpakarmopalakṣaṇāḥ //
Then from him, O tiger among sages, were born the Niṣādas who dwell in the Vindhya mountains, marked out by sinful deeds.
AI translation rendered from the Sanskrit, not a published edition
ViP 1 13.37
तेन द्वारेण तत् पापं निष्क्रान्तं तस्य भूपतेः निषादास् ते ततो जाता वेनकल्मषनाशनाः ॥
tena dvāreṇa tat pāpaṃ niṣkrāntaṃ tasya bhūpateḥ niṣādās te tato jātā venakalmaṣanāśanāḥ //
By that door the sin of that king went out; from it those Niṣādas were born, the removers of Vena's taint.
AI translation rendered from the Sanskrit, not a published edition
ViP 1 13.38
ततो ऽस्य दक्षिणं हस्तं ममन्थुस् ते द्विजोत्तमाः ॥
tato 'sya dakṣiṇaṃ hastaṃ mamanthus te dvijottamāḥ //
Then those best of the twice-born churned his right hand.
AI translation rendered from the Sanskrit, not a published edition
ViP 1 13.39
मथ्यमाने च तत्राभूत् पृथुर् वैन्यः प्रतापवान् दीप्यमानः स्ववपुषा साक्षाद् अग्निर् इव ज्वलन् ॥
mathyamāne ca tatrābhūt pṛthur vainyaḥ pratāpavān dīpyamānaḥ svavapuṣā sākṣād agnir iva jvalan //
And while it was being churned, there appeared there the mighty Pṛthu, son of Vena, blazing with his own body, shining like fire itself.
AI translation rendered from the Sanskrit, not a published edition
ViP 1 13.40
आद्यम् आजगवं नाम खात् पपात ततो धनुः शराश् च दिव्या नभसः कवचं च पपात ह ॥
ādyam ājagavaṃ nāma khāt papāta tato dhanuḥ śarāś ca divyā nabhasaḥ kavacaṃ ca papāta ha //
Then the primal bow named Ājagava fell from the sky, and divine arrows fell from the heavens, and armour too.
AI translation rendered from the Sanskrit, not a published edition
ViP 1 13.41
तस्मिञ् जाते तु भूतानि संप्रहृष्टानि सर्वशः ॥
tasmiñ jāte tu bhūtāni saṃprahṛṣṭāni sarvaśaḥ //
And when he was born, beings everywhere were greatly delighted.
AI translation rendered from the Sanskrit, not a published edition
ViP 1 13.42
सत्पुत्रेण च जातेन वेनो ऽपि त्रिदिवं ययौ पुन्नाम्नो नरकात् त्रातः स तेन सुमहात्मना ॥
satputreṇa ca jātena veno 'pi tridivaṃ yayau punnāmno narakāt trātaḥ sa tena sumahātmanā //
And by the birth of a good son, even Vena went to heaven, saved by that great-souled one from the hell called Put.
AI translation rendered from the Sanskrit, not a published edition
ViP 1 13.43
तं समुद्राश् च नद्यश् च रत्नान्य् आदाय सर्वशः तोयानि चाभिषेकार्थं सर्वाण्य् एवोपतस्थिरे ॥
taṃ samudrāś ca nadyaś ca ratnāny ādāya sarvaśaḥ toyāni cābhiṣekārthaṃ sarvāṇy evopatasthire //
The oceans and the rivers, bringing jewels from every quarter, and all the waters for the consecration, presented themselves before him.
AI translation rendered from the Sanskrit, not a published edition
ViP 1 13.44
पितामहश् च भगवान् देवैर् आङ्गिरसैः सह स्थावराणि च भूतानि जङ्गमानि च सर्वशः समागम्य तदा वैन्यम् अभ्यषिञ्चन् नराधिपम् ॥
pitāmahaś ca bhagavān devair āṅgirasaiḥ saha sthāvarāṇi ca bhūtāni jaṅgamāni ca sarvaśaḥ samāgamya tadā vainyam abhyaṣiñcan narādhipam //
And the divine Grandfather (Brahmā), together with the gods and the Āṅgirasas, and beings both immobile and moving from everywhere, having assembled, then consecrated Vena's son as ruler of men.
AI translation rendered from the Sanskrit, not a published edition
ViP 1 13.45
हस्ते तु दक्षिणे चक्रं दृष्ट्वा तस्य पितामहः विष्णोर् अंशं पृथुं मत्वा परितोषं परं ययौ ॥
haste tu dakṣiṇe cakraṃ dṛṣṭvā tasya pitāmahaḥ viṣṇor aṃśaṃ pṛthuṃ matvā paritoṣaṃ paraṃ yayau //
And seeing the discus on his right hand, the Grandfather, recognising Pṛthu as a portion of Viṣṇu, went to the highest satisfaction.
AI translation rendered from the Sanskrit, not a published edition
ViP 1 13.46
विष्णुचिह्नं करे चक्रं सर्वेषां चक्रवर्तिनाम् भवत्य् अव्याहतो यस्य प्रभावस् त्रिदशैर् अपि ॥
viṣṇucihnaṃ kare cakraṃ sarveṣāṃ cakravartinām bhavaty avyāhato yasya prabhāvas tridaśair api //
The discus, the mark of Viṣṇu, is on the hand of all universal emperors: his power becomes unobstructed even by the thirty gods.
AI translation rendered from the Sanskrit, not a published edition
ViP 1 13.47
महता राजराज्येन पृथुर् वैन्यः प्रतापवान् सो ऽभिषिक्तो महातेजा विधिवद् धर्मकोविदैः ॥
mahatā rājarājyena pṛthur vainyaḥ pratāpavān so 'bhiṣikto mahātejā vidhivad dharmakovidaiḥ //
With great royal sovereignty was the mighty Pṛthu, son of Vena, of great splendour, consecrated according to rule by those versed in dharma.
AI translation rendered from the Sanskrit, not a published edition
ViP 1 13.48
पित्रापरञ्जितास् तस्य प्रजास् तेनानुरञ्जिताः अनुरागात् ततस् तस्य नाम राजेत्य् अजायत ॥
pitrāparañjitās tasya prajās tenānurañjitāḥ anurāgāt tatas tasya nāma rājety ajāyata //
His subjects, who had not been pleased by his father, were pleased by him; and from that affection the name "rājan" arose for him.
AI translation rendered from the Sanskrit, not a published edition
ViP 1 13.49
आपस् तस्तम्भिरे चास्य समुद्रम् अभियास्यतः पर्वताश् च ददुर् मार्गं ध्वजभङ्गश् च नाभवत् ॥
āpas tastambhire cāsya samudram abhiyāsyataḥ parvatāś ca dadur mārgaṃ dhvajabhaṅgaś ca nābhavat //
When he set out to march against the ocean, the waters stood still for him; the mountains gave (him) a path, and his banner was not broken.
AI translation rendered from the Sanskrit, not a published edition
ViP 1 13.50
अकृष्टपच्या पृथिवी सिद्ध्यन्त्य् अन्नानि चिन्तया सर्वकामदुघा गावः पुटके पुटके मधु ॥
akṛṣṭapacyā pṛthivī siddhyanty annāni cintayā sarvakāmadughā gāvaḥ puṭake puṭake madhu //
The earth bore ripe (crops) without ploughing, food grains were produced by a mere thought, the cows yielded all desires, and in every flower-cup there was honey.
AI translation rendered from the Sanskrit, not a published edition
ViP 1 13.51
तस्य वै जातमात्रस्य यज्ञे पैतामहे शुभे सूतः सूत्यां समुत्पन्नः सौत्ये ऽहनि महामतिः ॥
tasya vai jātamātrasya yajñe paitāmahe śubhe sūtaḥ sūtyāṃ samutpannaḥ sautye 'hani mahāmatiḥ //
Now at the auspicious sacrifice of his great-grandfather (Brahmā), just when he was born, a Sūta of great intelligence arose at the pressing, on the day of the soma-pressing.
AI translation rendered from the Sanskrit, not a published edition
ViP 1 13.52
तस्मिन्न् एव महायज्ञो जज्ञे प्राज्ञो ऽथ मागधः प्रोक्तौ तदा मुनिवरैस् ताव् उभौ सूतमागधौ ॥
tasminn eva mahāyajño jajñe prājño 'tha māgadhaḥ proktau tadā munivarais tāv ubhau sūtamāgadhau //
At that very great sacrifice the wise Māgadha too was born; then those two were declared by the best of sages to be the Sūta and the Māgadha.
AI translation rendered from the Sanskrit, not a published edition
ViP 1 13.53
स्तूयताम् एष नृपतिः पृथुर् वैन्यः प्रतापवान् कर्मैतद् अनुरूपं च पात्रं स्तोत्रस्य चाप्य् अयम् ॥
stūyatām eṣa nṛpatiḥ pṛthur vainyaḥ pratāpavān karmaitad anurūpaṃ ca pātraṃ stotrasya cāpy ayam //
"Let this king be praised, the mighty Pṛthu son of Vena; this task is fitting (for you), and he too is a worthy object of praise."
AI translation rendered from the Sanskrit, not a published edition
ViP 1 13.54
ततस् ताव् ऊचतुर् विप्रान् सर्वान् एव कृताञ्जली अद्यजातस्य नो कर्म ज्ञायते ऽस्य महीपतेः ॥
tatas tāv ūcatur viprān sarvān eva kṛtāñjalī adyajātasya no karma jñāyate 'sya mahīpateḥ //
Then the two, with folded hands, said to all the brahmins: "No deed of this lord of the earth, born only today, is known to us.
AI translation rendered from the Sanskrit, not a published edition
ViP 1 13.55
गुणा न चास्य ज्ञायन्ते न चास्य प्रथितं यशः स्तोत्रं किमाश्रयं त्व् अस्य कार्यम् अस्माभिर् उच्यताम् ॥
guṇā na cāsya jñāyante na cāsya prathitaṃ yaśaḥ stotraṃ kimāśrayaṃ tv asya kāryam asmābhir ucyatām //
"His qualities are not known, nor is his fame spread abroad; let it be told on what our praise of him is to be based."
AI translation rendered from the Sanskrit, not a published edition
ViP 1 13.56
करिष्यत्य् एष यत् कर्म चक्रवर्ती महाबलः गुणा भविष्या ये चास्य तैर् अयं स्तूयतां नृपः ॥
kariṣyaty eṣa yat karma cakravartī mahābalaḥ guṇā bhaviṣyā ye cāsya tair ayaṃ stūyatāṃ nṛpaḥ //
"Whatever deeds this mighty universal emperor will do, and whatever qualities of his are to come—by those let this king be praised."
AI translation rendered from the Sanskrit, not a published edition
ViP 1 13.57
ततः स नृपतिस् तोषं तच् छ्रुत्वा परमं ययौ सद्गुणैः श्लाघ्यताम् एति स्तव्याश् चाभ्यां गुणा मम ॥
tataḥ sa nṛpatis toṣaṃ tac chrutvā paramaṃ yayau sadguṇaiḥ ślāghyatām eti stavyāś cābhyāṃ guṇā mama //
Then that king, hearing this, went to the highest satisfaction: "One attains praiseworthiness by good qualities, and these two will praise my qualities."
AI translation rendered from the Sanskrit, not a published edition
ViP 1 13.58
तस्माद् यद् अत्र स्तोत्रे मे गुणनिर्वर्णनं त्व् इमौ करिष्येते करिष्यामि तद् एवाहं समाहितः ॥
tasmād yad atra stotre me guṇanirvarṇanaṃ tv imau kariṣyete kariṣyāmi tad evāhaṃ samāhitaḥ //
"Therefore whatever description of my qualities these two will make here in this praise, that very thing I shall do, with concentrated mind.
AI translation rendered from the Sanskrit, not a published edition
ViP 1 13.59
यद् इमौ वर्जनीयं च किंचिद् अत्र वदिष्यतः तद् अहं वर्जयिष्यामीत्य् एवं चक्रे मतिं नृपः ॥
yad imau varjanīyaṃ ca kiṃcid atra vadiṣyataḥ tad ahaṃ varjayiṣyāmīty evaṃ cakre matiṃ nṛpaḥ //
"And whatever is to be avoided that these two say here, that I shall avoid"—thus the king made up his mind.
AI translation rendered from the Sanskrit, not a published edition
ViP 1 13.60
अथ तौ चक्रतुः स्तोत्रं पृथोर् वैन्यस्य धीमतः भविष्यैः कर्मभिः सम्यक् सुस्वरौ सूतमागधौ ॥
atha tau cakratuḥ stotraṃ pṛthor vainyasya dhīmataḥ bhaviṣyaiḥ karmabhiḥ samyak susvarau sūtamāgadhau //
Then the two sweet-voiced ones, the Sūta and the Māgadha, duly made a praise-song of the wise Pṛthu son of Vena, with (his) future deeds.
AI translation rendered from the Sanskrit, not a published edition
ViP 1 13.61
सत्यवाग् दानशीलो ऽयं सत्यसन्धो नरेश्वरः ह्रीमान् मैत्रः क्षमाशीलो विक्रान्तो दुष्टशासनः ॥
satyavāg dānaśīlo 'yaṃ satyasandho nareśvaraḥ hrīmān maitraḥ kṣamāśīlo vikrānto duṣṭaśāsanaḥ //
"This lord of men speaks the truth, is generous by nature, true to his word, modest, friendly, patient by nature, valorous, a chastiser of the wicked.
AI translation rendered from the Sanskrit, not a published edition
ViP 1 13.62
धर्मज्ञाश् च कृतज्ञाश् च दयावान् प्रियभाषकः मान्यान् मानयिता यज्वा ब्रह्मण्यः साधुवत्सलः ॥
dharmajñāś ca kṛtajñāś ca dayāvān priyabhāṣakaḥ mānyān mānayitā yajvā brahmaṇyaḥ sādhuvatsalaḥ //
"He knows the law and is grateful, compassionate, kindly in speech, an honourer of those who deserve honour, a performer of sacrifices, devoted to brahmins, fond of the good.
AI translation rendered from the Sanskrit, not a published edition
ViP 1 13.63
समः शत्रौ च मित्रे च व्यवहारस्थितौ नृपः ॥
samaḥ śatrau ca mitre ca vyavahārasthitau nṛpaḥ //
"The king is impartial toward enemy and friend alike when they stand before him in a legal case."
AI translation rendered from the Sanskrit, not a published edition
ViP 1 13.64
सूतेनोक्तान् गुणान् इत्थं स तदा मागधेन च चकार हृदि तादृक् च कर्मणा कृतवान् असौ ॥
sūtenoktān guṇān itthaṃ sa tadā māgadhena ca cakāra hṛdi tādṛk ca karmaṇā kṛtavān asau //
The qualities thus spoken of then by the Sūta and the Māgadha he took to heart, and such (a man) he made himself by his deeds.
AI translation rendered from the Sanskrit, not a published edition
ViP 1 13.65
ततः स पृथिवीपालः पालयन् वसुधाम् इमाम् इयाज विविधैर् यज्ञैर् महद्भिर् भूरिदक्षिणैः ॥
tataḥ sa pṛthivīpālaḥ pālayan vasudhām imām iyāja vividhair yajñair mahadbhir bhūridakṣiṇaiḥ //
Then that protector of the earth, ruling this world, sacrificed with various great sacrifices with abundant priestly fees.
AI translation rendered from the Sanskrit, not a published edition
ViP 1 13.66
तं प्रजाः पृथिवीनाथम् उपतस्थुः क्षुधार्दिताः ओषधीषु प्रणष्टासु तस्मिन् काले ह्य् अराजके तम् ऊचुस् तेन ताः पृष्टास् तत्रागमनकारणम् ॥
taṃ prajāḥ pṛthivīnātham upatasthuḥ kṣudhārditāḥ oṣadhīṣu praṇaṣṭāsu tasmin kāle hy arājake tam ūcus tena tāḥ pṛṣṭās tatrāgamanakāraṇam //
The subjects, tormented by hunger, came to him, the lord of the earth, when the plants had perished in that time without a king; questioned by him, they told him the reason for their coming there.
AI translation rendered from the Sanskrit, not a published edition
ViP 1 13.67
अराजके नृपश्रेष्ठ धरित्र्या सकलौषधीः ग्रस्तास् ततः क्षयं यान्ति प्रजाः सर्वाः प्रजेश्वर ॥
arājake nṛpaśreṣṭha dharitryā sakalauṣadhīḥ grastās tataḥ kṣayaṃ yānti prajāḥ sarvāḥ prajeśvara //
"In the absence of a king, best of kings, all the plants have been swallowed by the Earth; therefore all the subjects are going to destruction, O lord of creatures.
AI translation rendered from the Sanskrit, not a published edition
ViP 1 13.68
त्वं नो वृत्तिप्रदो धात्रा प्रजापालो निरूपितः देहि नः क्षुत्परीतानां प्रजानां जीवनौषधीः ॥
tvaṃ no vṛttiprado dhātrā prajāpālo nirūpitaḥ dehi naḥ kṣutparītānāṃ prajānāṃ jīvanauṣadhīḥ //
"You have been appointed by the Creator as our giver of livelihood, as the protector of the people: give us, the people beset by hunger, the plants by which we may live."
AI translation rendered from the Sanskrit, not a published edition
ViP 1 13.69
ततो ऽथ नृपतिर् दिव्यम् आदायाजगवं धनुः शरांश् च दिव्यान् कुपितः सो ऽन्वधावद् वसुंधराम् ॥
tato 'tha nṛpatir divyam ādāyājagavaṃ dhanuḥ śarāṃś ca divyān kupitaḥ so 'nvadhāvad vasuṃdharām //
Then the king, enraged, took up his divine bow Ājagava and divine arrows, and pursued the earth.
AI translation rendered from the Sanskrit, not a published edition
ViP 1 13.70
ततो ननाश त्वरिता गौर् भूत्वा तु वसुंधरा सा लोकान् ब्रह्मलोकादीन् संत्रासाद् अगमन् मही ॥
tato nanāśa tvaritā gaur bhūtvā tu vasuṃdharā sā lokān brahmalokādīn saṃtrāsād agaman mahī //
Then the earth swiftly fled, becoming a cow; out of terror that Earth went to the worlds beginning with Brahmā's world.
AI translation rendered from the Sanskrit, not a published edition
ViP 1 13.71
यत्र यत्र ययौ देवी सा तदा भूतधारिणी तत्र तत्र तु सा वैन्यं ददृशे ऽभ्युद्यतायुधम् ॥
yatra yatra yayau devī sā tadā bhūtadhāriṇī tatra tatra tu sā vainyaṃ dadṛśe 'bhyudyatāyudham //
Wherever that goddess, the bearer of beings, then went, there she saw the son of Vena with his weapon raised.
AI translation rendered from the Sanskrit, not a published edition
ViP 1 13.72
ततस् तं प्राह वसुधा पृथुं पृथुपराक्रमम् प्रवेपमाना तद्बाणपरित्राणपरायणा ॥
tatas taṃ prāha vasudhā pṛthuṃ pṛthuparākramam pravepamānā tadbāṇaparitrāṇaparāyaṇā //
Then the Earth, trembling, intent on rescue from his arrow, spoke to that Pṛthu of vast valour:
AI translation rendered from the Sanskrit, not a published edition
ViP 1 13.73
स्त्रीवधे त्वं महापापं किं नरेन्द्र न पश्यसि येन मां हन्तुम् अत्यर्थं प्रकरोषि नृपोद्यमम् ॥
strīvadhe tvaṃ mahāpāpaṃ kiṃ narendra na paśyasi yena māṃ hantum atyarthaṃ prakaroṣi nṛpodyamam //
"Lord of men, do you not see the great sin in killing a woman, that you make such an excessive kingly effort to slay me?"
AI translation rendered from the Sanskrit, not a published edition
ViP 1 13.74
एकस्मिन् यत्र निधनं प्रापिते दुष्टचारिणि बहूनां भवति क्षेमं तस्य पुण्यप्रदो वधः ॥
ekasmin yatra nidhanaṃ prāpite duṣṭacāriṇi bahūnāṃ bhavati kṣemaṃ tasya puṇyaprado vadhaḥ //
"Where, by one evil-doer being put to death, the welfare of many comes about, the killing of that one bestows merit."
AI translation rendered from the Sanskrit, not a published edition
ViP 1 13.75
प्रजानाम् उपकाराय यदि मां त्वं हनिष्यसि आधारः कः प्रजानां ते नृपश्रेष्ठ भविष्यति ॥
prajānām upakārāya yadi māṃ tvaṃ haniṣyasi ādhāraḥ kaḥ prajānāṃ te nṛpaśreṣṭha bhaviṣyati //
"If you kill me for the benefit of the people, who, best of kings, will then be the support of your people?"
AI translation rendered from the Sanskrit, not a published edition
ViP 1 13.76
त्वां हत्वा वसुधे बाणैर् मच्छासनपराङ्मुखीम् आत्मयोगबलेनेमा धारयिष्याम्य् अहं प्रजाः ॥
tvāṃ hatvā vasudhe bāṇair macchāsanaparāṅmukhīm ātmayogabalenemā dhārayiṣyāmy ahaṃ prajāḥ //
"Earth, having killed you with my arrows for turning your face from my command, I shall support these people by the power of my own yoga."
AI translation rendered from the Sanskrit, not a published edition
ViP 1 13.77
ततः प्रणम्य वसुधा तं भूयः प्राह पार्थिवम् प्रवेपिताङ्गी परमं साध्वसं समुपागता ॥
tataḥ praṇamya vasudhā taṃ bhūyaḥ prāha pārthivam pravepitāṅgī paramaṃ sādhvasaṃ samupāgatā //
Then the Earth, bowing to him, spoke again to the king, her limbs trembling, having fallen into the utmost terror:
AI translation rendered from the Sanskrit, not a published edition
ViP 1 13.78
उपायतः समारब्धाः सर्वे सिद्ध्यन्त्य् उपक्रमाः तस्माद् वदाम्य् उपायं ते तं कुरुष्व यदीच्छसि ॥
upāyataḥ samārabdhāḥ sarve siddhyanty upakramāḥ tasmād vadāmy upāyaṃ te taṃ kuruṣva yadīcchasi //
"All undertakings, when begun with a means, succeed; therefore I tell you a means — carry it out, if you wish."
AI translation rendered from the Sanskrit, not a published edition
ViP 1 13.79
समस्ता या मया जीर्णा नरनाथ महौषधीः यदीच्छसि प्रदास्यामि ताः क्षीरपरिणामिनीः ॥
samastā yā mayā jīrṇā naranātha mahauṣadhīḥ yadīcchasi pradāsyāmi tāḥ kṣīrapariṇāminīḥ //
"Lord of men, all those great plants that were digested by me — if you wish, I shall give them back, transformed into milk."
AI translation rendered from the Sanskrit, not a published edition
ViP 1 13.80
तस्मात् प्रजाहितार्थाय मम धर्मभृतां वर तं तु वत्सं प्रयच्छ त्वं क्षरेयं येन वत्सला ॥
tasmāt prajāhitārthāya mama dharmabhṛtāṃ vara taṃ tu vatsaṃ prayaccha tvaṃ kṣareyaṃ yena vatsalā //
"Therefore, best of the upholders of dharma, for the welfare of the people provide me with a calf, by which, growing tender, I may flow with milk."
AI translation rendered from the Sanskrit, not a published edition
ViP 1 13.81
समां च कुरु सर्वत्र येन क्षीरं समन्ततः वरौषधीबीजभूतं वीर सर्वत्र भावये ॥
samāṃ ca kuru sarvatra yena kṣīraṃ samantataḥ varauṣadhībījabhūtaṃ vīra sarvatra bhāvaye //
"And make (me) level everywhere, so that the milk, which is the seed of the best plants, may everywhere be brought forth on all sides, O hero."
AI translation rendered from the Sanskrit, not a published edition
ViP 1 13.82
तत उत्सारयाम् आस शैलाञ् छतसहस्रशः धनुष्कोट्या तदा वैन्यस् तेन शैला विवर्धिताः ॥
tata utsārayām āsa śailāñ chatasahasraśaḥ dhanuṣkoṭyā tadā vainyas tena śailā vivardhitāḥ //
Then the son of Vena drove away the mountains by hundreds of thousands with the tip of his bow, and by that the mountains were heaped up.
AI translation rendered from the Sanskrit, not a published edition
ViP 1 13.83
न हि पूर्वविसर्गे वै विषमे पृथिवीतले प्रविभागः पुराणां वा ग्रामाणां वा तदाभवत् ॥
na hi pūrvavisarge vai viṣame pṛthivītale pravibhāgaḥ purāṇāṃ vā grāmāṇāṃ vā tadābhavat //
For in the earlier creation, when the surface of the earth was uneven, there was then no division into towns or into villages.
AI translation rendered from the Sanskrit, not a published edition
ViP 1 13.84
न सस्यानि न गोरक्ष्यं न कृषिर् न वणिक्पथः वैन्यात् प्रभृति मैत्रेय सर्वस्यैतस्य संभवः ॥
na sasyāni na gorakṣyaṃ na kṛṣir na vaṇikpathaḥ vainyāt prabhṛti maitreya sarvasyaitasya saṃbhavaḥ //
There were no crops, no cattle-keeping, no ploughing, no trade-routes; from the son of Vena onward, Maitreya, is the origin of all this.
AI translation rendered from the Sanskrit, not a published edition
ViP 1 13.85
यत्र यत्र समं त्व् अस्या भूमेर् आसीन् नराधिपः तत्र तत्र प्रजानां हि निवासं समरोचयत् ॥
yatra yatra samaṃ tv asyā bhūmer āsīn narādhipaḥ tatra tatra prajānāṃ hi nivāsaṃ samarocayat //
Wherever any part of this earth was level, there the lord of men caused the people to settle with pleasure.
AI translation rendered from the Sanskrit, not a published edition
ViP 1 13.86
आहारः फलमूलानि प्रजानाम् अभवत् तदा कृच्छ्रेण महता सो ऽपि प्रणष्टास्व् ओषधीषु वै ॥
āhāraḥ phalamūlāni prajānām abhavat tadā kṛcchreṇa mahatā so 'pi praṇaṣṭāsv oṣadhīṣu vai //
The food of the people then was fruits and roots, and even that only with great difficulty, since the plants had perished.
AI translation rendered from the Sanskrit, not a published edition
ViP 1 13.87
स कल्पयित्वा वत्सं तु मनुं स्वायम्भुवं प्रभुम् स्वे पाणौ पृथिवीनाथो दुदोह पृथिवीं पृथुः सस्यजातानि सर्वाणि प्रजानां हितकाम्यया ॥
sa kalpayitvā vatsaṃ tu manuṃ svāyambhuvaṃ prabhum sve pāṇau pṛthivīnātho dudoha pṛthivīṃ pṛthuḥ sasyajātāni sarvāṇi prajānāṃ hitakāmyayā //
Then Pṛthu, the lord of the earth, having made the lord Manu Svāyambhuva the calf, milked the earth into his own hand — all the kinds of grain — out of a desire for the good of the people.
AI translation rendered from the Sanskrit, not a published edition
ViP 1 13.88
तेनान्नेन प्रजास् तात वर्तन्ते ऽद्यापि नित्यशः ॥
tenānnena prajās tāta vartante 'dyāpi nityaśaḥ //
By that food, my dear, the creatures subsist even today, continually.
AI translation rendered from the Sanskrit, not a published edition
ViP 1 13.89
प्राणप्रदानात् स पृथुर् यस्माद् भूमेर् अभूत् पिता ततस् तु पृथिवीसंज्ञाम् अवापाखिलधारिणी ॥
prāṇapradānāt sa pṛthur yasmād bhūmer abhūt pitā tatas tu pṛthivīsaṃjñām avāpākhiladhāriṇī //
Since that Pṛthu became the father of the earth by granting (her) life, therefore she who upholds everything obtained the name "Pṛthivī."
AI translation rendered from the Sanskrit, not a published edition
ViP 1 13.90
ततश् च देवैर् मुनिभिर् दैत्यै रक्षोभिर् अद्रिभिः गन्धर्वैर् उरगैर् यक्षैः पितृभिस् तरुभिस् तथा ॥
tataś ca devair munibhir daityai rakṣobhir adribhiḥ gandharvair uragair yakṣaiḥ pitṛbhis tarubhis tathā //
And thereafter by the gods, by the sages, by the Daityas, by the Rākṣasas, by the mountains, by the Gandharvas, by the serpents, by the Yakṣas, by the ancestors, and likewise by the trees—
AI translation rendered from the Sanskrit, not a published edition
ViP 1 13.91
तत् तत् पात्रम् उपादाय तत् तद् दुग्धं मुने पयः वत्सदोग्धृविशेषाश् च तेषां तद्योनयो ऽभवन् ॥
tat tat pātram upādāya tat tad dugdhaṃ mune payaḥ vatsadogdhṛviśeṣāś ca teṣāṃ tadyonayo 'bhavan //
—taking up this or that vessel, this or that milk was milked, O sage; and their particular calves and milkers were of their own kind.
AI translation rendered from the Sanskrit, not a published edition
ViP 1 13.92
सैषा धात्री विधात्री च धारिणी पोषणी तथा सर्वस्य जगतः पृथ्वी विष्णुपादतलोद्भवा ॥
saiṣā dhātrī vidhātrī ca dhāriṇī poṣaṇī tathā sarvasya jagataḥ pṛthvī viṣṇupādatalodbhavā //
This very earth is the nurse and the ordainer, the supporter and likewise the nourisher of the whole world, arisen from the sole of Viṣṇu's foot.
AI translation rendered from the Sanskrit, not a published edition
ViP 1 13.93
एवंप्रभावः स पृथुः पुत्रो वेनस्य वीर्यवान् जज्ञे महीपतिः पूर्वं राजाभूज् जनरञ्जनात् ॥
evaṃprabhāvaḥ sa pṛthuḥ putro venasya vīryavān jajñe mahīpatiḥ pūrvaṃ rājābhūj janarañjanāt //
Such was the might of that Pṛthu, the valorous son of Vena; he was born lord of the earth, and was the first "king" (rājā), from his delighting (rañjana) the people.
AI translation rendered from the Sanskrit, not a published edition
ViP 1 13.94
य इदं जन्म वैन्यस्य पृथोः संकीर्तयेन् नरः न तस्य दुष्कृतं किंचित् फलदायि प्रजायते ॥
ya idaṃ janma vainyasya pṛthoḥ saṃkīrtayen naraḥ na tasya duṣkṛtaṃ kiṃcit phaladāyi prajāyate //
The man who recites this birth of Pṛthu, son of Vena—for him no evil deed whatever becomes fruit-bearing.
AI translation rendered from the Sanskrit, not a published edition
ViP 1 13.95
दुःस्वप्नोपशमं नॄणां शृण्वतां चैतद् उत्तमम् पृथोर् जन्म प्रभावश् च करोति सततं नृणाम् ॥
duḥsvapnopaśamaṃ nṝṇāṃ śṛṇvatāṃ caitad uttamam pṛthor janma prabhāvaś ca karoti satataṃ nṛṇām //
And this excellent (account)—the birth and might of Pṛthu—constantly brings about for men who hear it the allaying of bad dreams.
AI translation rendered from the Sanskrit, not a published edition