Vishnu Purana — Amsha 1 — Chapter 12
ViP 1 12.1
निशम्यैतद् अशेषेण मैत्रेय नृपतेः सुतः निर्जगाम वनात् तस्मात् प्रणिपत्य स तान् ऋषीन् ॥
niśamyaitad aśeṣeṇa maitreya nṛpateḥ sutaḥ nirjagāma vanāt tasmāt praṇipatya sa tān ṛṣīn //
Having heard all this in full, Maitreya, the king's son bowed to those sages and went out from that forest.
AI translation rendered from the Sanskrit, not a published edition
ViP 1 12.2
कृतकृत्यम् इवात्मानं मन्यमानस् ततो द्विज मधुसंज्ञं महापुण्यं जगाम यमुनातटम् ॥
kṛtakṛtyam ivātmānaṃ manyamānas tato dvija madhusaṃjñaṃ mahāpuṇyaṃ jagāma yamunātaṭam //
Then, O twice-born, thinking himself as though his task were accomplished, he went to the very holy bank of the Yamunā called Madhu.
AI translation rendered from the Sanskrit, not a published edition
ViP 1 12.3
पुनश् च मधुसंज्ञेन दैत्येनाधिष्ठितं यतः ततो मधुवनं नाम्ना ख्यातम् अत्र महीतले ॥
punaś ca madhusaṃjñena daityenādhiṣṭhitaṃ yataḥ tato madhuvanaṃ nāmnā khyātam atra mahītale //
And because it was formerly occupied by a demon named Madhu, therefore it is renowned by the name Madhuvana here on the earth's surface.
AI translation rendered from the Sanskrit, not a published edition
ViP 1 12.4
हत्वा च लवणं रक्षो मधुपुत्रं महाबलम् शत्रुघ्नो मधुरां नाम पुरीं यत्र चकार वै ॥
hatvā ca lavaṇaṃ rakṣo madhuputraṃ mahābalam śatrughno madhurāṃ nāma purīṃ yatra cakāra vai //
And it was there that Śatrughna, after killing the rākṣasa Lavaṇa, the mighty son of Madhu, made the city named Madhurā.
AI translation rendered from the Sanskrit, not a published edition
ViP 1 12.5
यत्र वै देवदेवस्य सांनिध्यं हरिमेधसः सर्वपापहरे तस्मिंस् तपस् तीर्थे चकार सः ॥
yatra vai devadevasya sāṃnidhyaṃ harimedhasaḥ sarvapāpahare tasmiṃs tapas tīrthe cakāra saḥ //
There, where there is the presence of the god of gods, Harimedhas, at that all-sin-removing sacred place he performed austerity.
AI translation rendered from the Sanskrit, not a published edition
ViP 1 12.6
मरीचिमिश्रैर् मुनिभिर् यथोद्दिष्टम् अभूत् तथा आत्मन्य् अशेषदेवेशं स्थितं विष्णुम् अमन्यत ॥
marīcimiśrair munibhir yathoddiṣṭam abhūt tathā ātmany aśeṣadeveśaṃ sthitaṃ viṣṇum amanyata //
It came about just as it had been instructed by the sages headed by Marīci: he contemplated Viṣṇu, the lord of all gods, as abiding within himself.
AI translation rendered from the Sanskrit, not a published edition
ViP 1 12.7
अनन्यचेतसस् तस्य ध्यायतो भगवान् हरिः सर्वभूतगतो विप्र सर्वभावगतो ऽभवत् ॥
ananyacetasas tasya dhyāyato bhagavān hariḥ sarvabhūtagato vipra sarvabhāvagato 'bhavat //
As he meditated with mind fixed on nothing else, the Lord Hari, who pervades all beings, O brahmin, came to pervade all his states of being.
AI translation rendered from the Sanskrit, not a published edition
ViP 1 12.8
मनस्य् अवस्थिते तस्य विष्णौ मैत्रेय योगिनः न शशाक धरा भारम् उद्वोढुं भूतधारिणी ॥
manasy avasthite tasya viṣṇau maitreya yoginaḥ na śaśāka dharā bhāram udvoḍhuṃ bhūtadhāriṇī //
When Viṣṇu was established in the mind of that yogin, Maitreya, the earth, the bearer of beings, could not sustain his weight.
AI translation rendered from the Sanskrit, not a published edition
ViP 1 12.9
वामपादस्थिते तस्मिन् ननामार्धेन मेदिनी द्वितीयं च ननामार्धं क्षितेर् दक्षिणतः स्थिते ॥
vāmapādasthite tasmin nanāmārdhena medinī dvitīyaṃ ca nanāmārdhaṃ kṣiter dakṣiṇataḥ sthite //
When he stood on his left foot, the earth sank down on one half; and when he stood on the right, the second half of the ground sank.
AI translation rendered from the Sanskrit, not a published edition
ViP 1 12.10
पादाङ्गुष्ठेन संपीड्य यदा स वसुधां स्थितः तदा सा वसुधा विप्र चचाल सह पर्वतैः ॥
pādāṅguṣṭhena saṃpīḍya yadā sa vasudhāṃ sthitaḥ tadā sā vasudhā vipra cacāla saha parvataiḥ //
When he stood pressing the earth with his big toe, then, O brahmin, that earth shook together with its mountains.
AI translation rendered from the Sanskrit, not a published edition
ViP 1 12.11
नद्यो नदाः समुद्राश् च संक्षोभं परमं ययुः तत्क्षोभाद् अमराः क्षोभं परं जग्मुर् महामुने ॥
nadyo nadāḥ samudrāś ca saṃkṣobhaṃ paramaṃ yayuḥ tatkṣobhād amarāḥ kṣobhaṃ paraṃ jagmur mahāmune //
The rivers, the streams and the oceans went into the utmost agitation, and from that agitation the immortals too went into the greatest agitation, O great sage.
AI translation rendered from the Sanskrit, not a published edition
ViP 1 12.12
यामा नाम तदा देवा मैत्रेय परमाकुलाः इन्द्रेण सह संमन्त्र्य ध्यानभङ्गं प्रचक्रमुः ॥
yāmā nāma tadā devā maitreya paramākulāḥ indreṇa saha saṃmantrya dhyānabhaṅgaṃ pracakramuḥ //
Then, O Maitreya, the gods named Yāmas, extremely alarmed, took counsel with Indra and set about breaking (his) meditation.
AI translation rendered from the Sanskrit, not a published edition
ViP 1 12.13
कूष्माण्डा विविधै रूपैर् महेन्द्रेण महामुने समाधिभङ्गम् अत्यन्तम् आरब्धाः कर्तुम् आतुराः ॥
kūṣmāṇḍā vividhai rūpair mahendreṇa mahāmune samādhibhaṅgam atyantam ārabdhāḥ kartum āturāḥ //
The Kūṣmāṇḍas, with manifold forms, together with great Indra, O great sage, distressed, began at all costs to bring about the breaking of (his) trance.
AI translation rendered from the Sanskrit, not a published edition
ViP 1 12.14
सुनीतिर् नाम तन्माता सास्रा तत्पुरतः स्थिता पुत्रेति करुणां वाचम् आह मायामयी तदा ॥
sunītir nāma tanmātā sāsrā tatpurataḥ sthitā putreti karuṇāṃ vācam āha māyāmayī tadā //
His mother, named Sunīti, made of illusion, stood weeping before him and then spoke piteous words: "My son!"
AI translation rendered from the Sanskrit, not a published edition
ViP 1 12.15
पुत्रकास्मान् निवर्तस्व शरीरव्ययदारुणात् निर्बन्धतो मया लब्धो बहुभिस् त्वं मनोरथैः ॥
putrakāsmān nivartasva śarīravyayadāruṇāt nirbandhato mayā labdho bahubhis tvaṃ manorathaiḥ //
"Dear son, turn back from this, which is dreadful in the destruction of the body; through persistence and by many longings you were obtained by me.
AI translation rendered from the Sanskrit, not a published edition
ViP 1 12.16
दीनाम् एकां परित्यक्तुम् अनाथां न त्वम् अर्हसि सपत्नीवचनाद् वत्स अगतेस् त्वं गतिर् मम ॥
dīnām ekāṃ parityaktum anāthāṃ na tvam arhasi sapatnīvacanād vatsa agates tvaṃ gatir mama //
You ought not to abandon me, wretched, alone and without protector; child, on account of a rival wife's words, you are my recourse, who have no recourse.
AI translation rendered from the Sanskrit, not a published edition
ViP 1 12.17
क्व च त्वं पञ्चवर्षीयः क्व चैतद् दारुणं तपः निवर्त्यतां मनः कष्टान् निर्बन्धात् फलवर्जितात् ॥
kva ca tvaṃ pañcavarṣīyaḥ kva caitad dāruṇaṃ tapaḥ nivartyatāṃ manaḥ kaṣṭān nirbandhāt phalavarjitāt //
What are you, five years old, and what is this dreadful austerity? Let (your) mind be turned back from this painful persistence that is devoid of fruit.
AI translation rendered from the Sanskrit, not a published edition
ViP 1 12.18
कालः क्रीडनकानां ते तदन्ते ऽध्ययनस्य च ततः समस्तभोगानां तदन्ते चेष्यते तपः ॥
kālaḥ krīḍanakānāṃ te tadante 'dhyayanasya ca tataḥ samastabhogānāṃ tadante ceṣyate tapaḥ //
(Now) is your time for playthings, and after that for study; then for all enjoyments, and after that austerity is sought.
AI translation rendered from the Sanskrit, not a published edition
ViP 1 12.19
कालः क्रीडनकानां यस् तव बालस्य पुत्रक तस्मिंस् त्वम् इत्थं तपसि किं नाशायात्मनो रतः ॥
kālaḥ krīḍanakānāṃ yas tava bālasya putraka tasmiṃs tvam itthaṃ tapasi kiṃ nāśāyātmano rataḥ //
The time which is for playthings for you, a child, my son—in that (time) why are you thus intent upon austerity, to your own ruin?
AI translation rendered from the Sanskrit, not a published edition
ViP 1 12.20
मत्प्रीतिः परमो धर्मो वयोवस्थाक्रियाक्रमम् अनुवर्तस्व मा मोहं निवर्तास्माद् अधर्मतः ॥
matprītiḥ paramo dharmo vayovasthākriyākramam anuvartasva mā mohaṃ nivartāsmād adharmataḥ //
Pleasing me is the highest duty; follow the sequence of acts appropriate to (your) age and stage; do not (follow) delusion—turn back from this unrighteousness.
AI translation rendered from the Sanskrit, not a published edition
ViP 1 12.21
परित्यजति वत्साद्य यद्य् एतन् न भवांस् तपः त्यक्ष्याम्य् अहम् अपि प्राणांस् ततो वै पश्यतस् तव ॥
parityajati vatsādya yady etan na bhavāṃs tapaḥ tyakṣyāmy aham api prāṇāṃs tato vai paśyatas tava //
Child, if today you do not give up this austerity, then I too will give up my life, indeed before your eyes."
AI translation rendered from the Sanskrit, not a published edition
ViP 1 12.22
स तां विलपतीम् एवं बाष्पव्याकुललोचनाम् समाहितमना विष्णौ पश्यन्न् अपि न दृष्टवान् ॥
sa tāṃ vilapatīm evaṃ bāṣpavyākulalocanām samāhitamanā viṣṇau paśyann api na dṛṣṭavān //
With his mind fixed on Viṣṇu, though he looked at her thus lamenting, her eyes clouded with tears, he did not see her.
AI translation rendered from the Sanskrit, not a published edition
ViP 1 12.23
वत्स वत्स सुघोराणि रक्षांस्य् एतानि भीषणे वने ऽभ्युद्यतशस्त्राणि समायान्त्य् अपगम्यताम् ॥
vatsa vatsa sughorāṇi rakṣāṃsy etāni bhīṣaṇe vane 'bhyudyataśastrāṇi samāyānty apagamyatām //
"Child, child, these most horrible demons with weapons raised are approaching in this fearsome forest—let (us) go away!"
AI translation rendered from the Sanskrit, not a published edition
ViP 1 12.24
इत्य् उक्त्वा प्रययौ साथ रक्षांस्य् आविर्बभुस् ततः अभ्युद्यतोग्रशस्त्राणि ज्वालामालाकुलैर् मुखैः ॥
ity uktvā prayayau sātha rakṣāṃsy āvirbabhus tataḥ abhyudyatograśastrāṇi jvālāmālākulair mukhaiḥ //
Having said this she went away; then demons appeared, with fierce weapons raised, their faces wreathed in garlands of flame.
AI translation rendered from the Sanskrit, not a published edition
ViP 1 12.25
ततो नादान् अतीवोग्रान् राजपुत्रस्य ते पुरः मुमुचुर् दीप्तशस्त्राणि भ्रामयन्तो निशाचराः ॥
tato nādān atīvogrān rājaputrasya te puraḥ mumucur dīptaśastrāṇi bhrāmayanto niśācarāḥ //
Then those night-roamers, whirling their blazing weapons, let loose exceedingly fierce shouts before the prince.
AI translation rendered from the Sanskrit, not a published edition
ViP 1 12.26
शिवाश् च शतशो नेदुः सज्वालकवलैर् मुखैः त्रासाय तस्य बालस्य योगयुक्तस्य सर्वतः ॥
śivāś ca śataśo neduḥ sajvālakavalair mukhaiḥ trāsāya tasya bālasya yogayuktasya sarvataḥ //
And jackals howled by the hundreds, with flames in mouthfuls in their mouths, on all sides, to terrify that boy who was absorbed in yoga.
AI translation rendered from the Sanskrit, not a published edition
ViP 1 12.27
हन्यतां हन्यताम् एष छिद्यतां छिद्यताम् अयम् भक्ष्यतां भक्ष्यतां चायम् इत्य् ऊचुस् ते निशाचराः ॥
hanyatāṃ hanyatām eṣa chidyatāṃ chidyatām ayam bhakṣyatāṃ bhakṣyatāṃ cāyam ity ūcus te niśācarāḥ //
"Kill him, kill him! Cut him up, cut him up! Eat him, eat him!"—so said those night-roamers.
AI translation rendered from the Sanskrit, not a published edition
ViP 1 12.28
ततो नानाविधान् नादान् सिंहोष्ट्रमकराननाः त्रासाय राजपुत्रस्य नेदुस् ते रजनीचराः ॥
tato nānāvidhān nādān siṃhoṣṭramakarānanāḥ trāsāya rājaputrasya nedus te rajanīcarāḥ //
Then those roamers of the night, with the faces of lions, camels and sea-monsters, roared shouts of many kinds to terrify the prince.
AI translation rendered from the Sanskrit, not a published edition
ViP 1 12.29
रक्षांसि तानि ते नादाः शिवास् तान्य् आयुधानि च गोविन्दासक्तचित्तस्य ययुर् नेन्द्रियगोचरम् ॥
rakṣāṃsi tāni te nādāḥ śivās tāny āyudhāni ca govindāsaktacittasya yayur nendriyagocaram //
Those demons, those shouts, those jackals and those weapons did not come within range of the senses of him whose mind was fastened on Govinda.
AI translation rendered from the Sanskrit, not a published edition
ViP 1 12.30
एकाग्रचेताः सततं विष्णुम् एवात्मसंश्रयम् दृष्टवान् पृथिवीनाथपुत्रो नान्यत् कथंचन ॥
ekāgracetāḥ satataṃ viṣṇum evātmasaṃśrayam dṛṣṭavān pṛthivīnāthaputro nānyat kathaṃcana //
With his mind fixed on one point, the son of the lord of the earth constantly saw only Viṣṇu, the refuge of his own self, and nothing else at all.
AI translation rendered from the Sanskrit, not a published edition
ViP 1 12.31
ततः सर्वासु मायासु विलीनासु पुनः सुराः संक्षोभं परमं जग्मुस् तत्पराभवशङ्किताः ॥
tataḥ sarvāsu māyāsu vilīnāsu punaḥ surāḥ saṃkṣobhaṃ paramaṃ jagmus tatparābhavaśaṅkitāḥ //
Then, when all the illusions had dissolved, the gods again fell into the utmost agitation, fearing defeat at his hands.
AI translation rendered from the Sanskrit, not a published edition
ViP 1 12.32
ते समेत्य जगद्योनिम् अनादिनिधनं हरिम् शरण्यं शरणं यातास् तपसा तस्य तापिताः ॥
te sametya jagadyonim anādinidhanaṃ harim śaraṇyaṃ śaraṇaṃ yātās tapasā tasya tāpitāḥ //
Gathering together, they went for refuge to Hari, the womb of the world, without beginning or end, the giver of refuge, being scorched by his austerity.
AI translation rendered from the Sanskrit, not a published edition
ViP 1 12.33
देवदेव जगन्नाथ परेश पुरुषोत्तम ध्रुवस्य तपसा तप्तास् त्वां वयं शरणं गताः ॥
devadeva jagannātha pareśa puruṣottama dhruvasya tapasā taptās tvāṃ vayaṃ śaraṇaṃ gatāḥ //
"God of gods, lord of the world, supreme ruler, highest of persons, scorched by Dhruva's austerity we have come to you for refuge.
AI translation rendered from the Sanskrit, not a published edition
ViP 1 12.34
दिने दिने कलाशेषैः शशाङ्कः पूर्यते यथा तथायं तपसा देव प्रयात्य् ऋद्धिम् अहर्निशम् ॥
dine dine kalāśeṣaiḥ śaśāṅkaḥ pūryate yathā tathāyaṃ tapasā deva prayāty ṛddhim aharniśam //
As the moon is filled day by day by its remaining digits, so, O god, does he advance to increase, day and night, by his austerity.
AI translation rendered from the Sanskrit, not a published edition
ViP 1 12.35
औत्तानपादितपसा वयम् इत्थं जनार्दन भीतास् त्वां शरणं यातास् तपसस् तं निवर्तय ॥
auttānapāditapasā vayam itthaṃ janārdana bhītās tvāṃ śaraṇaṃ yātās tapasas taṃ nivartaya //
Thus frightened by the austerity of Uttānapāda's son, O Janārdana, we have come to you for refuge: turn him back from that austerity.
AI translation rendered from the Sanskrit, not a published edition
ViP 1 12.36
न विद्मः किं स शक्रत्वं किं सूर्यत्वम् अभीप्सति वित्तपाम्बुपसोमानां साभिलाषः पदेषु किम् ॥
na vidmaḥ kiṃ sa śakratvaṃ kiṃ sūryatvam abhīpsati vittapāmbupasomānāṃ sābhilāṣaḥ padeṣu kim //
We do not know: does he desire Indra's station, or the sun's? Is he longing for the places of the lords of wealth, of the waters, and of Soma?
AI translation rendered from the Sanskrit, not a published edition
ViP 1 12.37
तद् अस्माकं प्रसीदेश हृदयाच् छल्यम् उद्धर उत्तानपादतनयं तपसः संनिवर्तय ॥
tad asmākaṃ prasīdeśa hṛdayāc chalyam uddhara uttānapādatanayaṃ tapasaḥ saṃnivartaya //
Therefore be gracious to us, O lord; draw the barb out of our heart; turn the son of Uttānapāda away from his austerity."
AI translation rendered from the Sanskrit, not a published edition
ViP 1 12.38
नेन्द्रत्वं न च सूर्यत्वं नैवाम्बुपधनेशताम् प्रार्थयत्य् एष यं कामं तं करोम्य् अखिलं सुराः ॥
nendratvaṃ na ca sūryatvaṃ naivāmbupadhaneśatām prārthayaty eṣa yaṃ kāmaṃ taṃ karomy akhilaṃ surāḥ //
"He asks neither for Indra's station nor the sun's, nor for lordship over the waters or over wealth. Whatever desire he has, that I shall fulfil entirely, O gods.
AI translation rendered from the Sanskrit, not a published edition
ViP 1 12.39
यात देवा यथाकामं स्वस्थानं विगतज्वराः निवर्तयाम्य् अहं बालं तपस्य् आसक्तमानसम् ॥
yāta devā yathākāmaṃ svasthānaṃ vigatajvarāḥ nivartayāmy ahaṃ bālaṃ tapasy āsaktamānasam //
Go, gods, as you wish, to your own places, free of fever; I shall turn back the boy whose mind is fixed on austerity."
AI translation rendered from the Sanskrit, not a published edition
ViP 1 12.40
इत्य् उक्ता देवदेवेन प्रणम्य त्रिदशास् ततः प्रययुः स्वानि धिष्ण्यानि शतक्रतुपुरोगमाः ॥
ity uktā devadevena praṇamya tridaśās tataḥ prayayuḥ svāni dhiṣṇyāni śatakratupurogamāḥ //
Thus addressed by the god of gods, the thirty (gods) then bowed and went to their own abodes, led by the performer of a hundred sacrifices.
AI translation rendered from the Sanskrit, not a published edition
ViP 1 12.41
भगवान् अपि सर्वात्मा तन्मयत्वेन तोषितः गत्वा ध्रुवम् उवाचेदं चतुर्भुजवपुर् हरिः ॥
bhagavān api sarvātmā tanmayatvena toṣitaḥ gatvā dhruvam uvācedaṃ caturbhujavapur hariḥ //
And the Lord, the Self of all, pleased because (Dhruva) was wholly absorbed in him, went and, with a four-armed form, Hari said this to Dhruva:
AI translation rendered from the Sanskrit, not a published edition
ViP 1 12.42
औत्तानपादे भद्रं ते तपसा परितोषितः वरदो ऽहम् अनुप्राप्तो वरं वरय सुव्रत ॥
auttānapāde bhadraṃ te tapasā paritoṣitaḥ varado 'ham anuprāpto varaṃ varaya suvrata //
"Son of Uttānapāda, blessings on you; well pleased by your austerity, I have come as a granter of boons. Choose a boon, you of good vows.
AI translation rendered from the Sanskrit, not a published edition
ViP 1 12.43
बाह्यार्थनिरपेक्षं ते मयि चित्तं यद् आहितम् तुष्टो ऽहं भवतस् तेन तद् वृणीष्व वरं परम् ॥
bāhyārthanirapekṣaṃ te mayi cittaṃ yad āhitam tuṣṭo 'haṃ bhavatas tena tad vṛṇīṣva varaṃ param //
Since your mind, indifferent to external objects, has been set on me, I am pleased with you by that; therefore choose the highest boon."
AI translation rendered from the Sanskrit, not a published edition
ViP 1 12.44
श्रुत्वेत्थं गदितं तस्य देवदेवस्य बालकः उन्मीलिताक्षो ददृशे ध्यानदृष्टं हरिं पुरः ॥
śrutvetthaṃ gaditaṃ tasya devadevasya bālakaḥ unmīlitākṣo dadṛśe dhyānadṛṣṭaṃ hariṃ puraḥ //
Having heard what was thus spoken by that god of gods, the boy opened his eyes and saw before him Hari, whom he had seen in meditation.
AI translation rendered from the Sanskrit, not a published edition
ViP 1 12.45
शङ्खचक्रगदाशार्ङ्गवरासिधरम् अच्युतम् किरीटिनं समालोक्य जगाम शिरसा महीम् ॥
śaṅkhacakragadāśārṅgavarāsidharam acyutam kirīṭinaṃ samālokya jagāma śirasā mahīm //
Seeing the imperishable one bearing conch, discus, mace, the Śārṅga bow and an excellent sword, and wearing a diadem, he touched the earth with his head.
AI translation rendered from the Sanskrit, not a published edition
ViP 1 12.46
रोमाञ्चिताङ्गः सहसा साध्वसं परमं गतः स्तवाय देवदेवस्य स चक्रे मानसं ध्रुवः ॥
romāñcitāṅgaḥ sahasā sādhvasaṃ paramaṃ gataḥ stavāya devadevasya sa cakre mānasaṃ dhruvaḥ //
With the hair of his body bristling, suddenly filled with the greatest awe, Dhruva set his mind on praising the god of gods.
AI translation rendered from the Sanskrit, not a published edition
ViP 1 12.47
किं वदामि स्तुताव् अस्य केनोक्तेनास्य संस्तुतिः इत्य् आकुलमतिर् देवं तम् एव शरणं ययौ ॥
kiṃ vadāmi stutāv asya kenoktenāsya saṃstutiḥ ity ākulamatir devaṃ tam eva śaraṇaṃ yayau //
"What shall I say in praising him? By what utterance is he to be praised?" — thus with troubled mind he went for refuge to that very god.
AI translation rendered from the Sanskrit, not a published edition
ViP 1 12.48
भगवन् यदि मे तोषं तपसा परमं गतः स्तोतुं तद् अहम् इच्छामि वरम् एनं प्रयच्छ मे ॥
bhagavan yadi me toṣaṃ tapasā paramaṃ gataḥ stotuṃ tad aham icchāmi varam enaṃ prayaccha me //
"Lord, if you have come to the highest satisfaction with me through my austerity, then I wish to praise you: grant me this boon.
AI translation rendered from the Sanskrit, not a published edition
ViP 1 12.49
ब्रह्माद्यैर् वेदवेदज्ञैर् ज्ञायते यस्य नो गतिः तं त्वां कथम् अहं देव स्तोतुं शक्ष्यामि बालकः ॥
brahmādyair vedavedajñair jñāyate yasya no gatiḥ taṃ tvāṃ katham ahaṃ deva stotuṃ śakṣyāmi bālakaḥ //
He whose course is not known even by Brahmā and the others who know the Veda and its meaning — how, O god, shall I, a boy, be able to praise you, who are he?
AI translation rendered from the Sanskrit, not a published edition
ViP 1 12.50
त्वद्भक्तिप्रवणं ह्य् एतत् परमेश्वर मे मनः स्तोतुं प्रवृत्तं त्वत्पादौ तत्र प्रज्ञां प्रयच्छ मे ॥
tvadbhaktipravaṇaṃ hy etat parameśvara me manaḥ stotuṃ pravṛttaṃ tvatpādau tatra prajñāṃ prayaccha me //
For this mind of mine is inclined toward devotion to you, O Supreme Lord, and has set out to praise your two feet; grant me insight for that.
AI translation rendered from the Sanskrit, not a published edition
ViP 1 12.51
शङ्खप्रान्तेन गोविन्दस् तं पस्पर्श कृताञ्जलिम् उत्तानपादतनयं द्विजवर्य जगत्पतिः ॥
śaṅkhaprāntena govindas taṃ pasparśa kṛtāñjalim uttānapādatanayaṃ dvijavarya jagatpatiḥ //
With the tip of his conch, Govinda, the Lord of the world, touched him, the son of Uttānapāda, who stood with joined palms, O best of brahmins.
AI translation rendered from the Sanskrit, not a published edition
ViP 1 12.52
अथ प्रसन्नवदनः तत्क्षणान् नृपनन्दनः तुष्टाव प्रणतो भूत्वा भूतधातारम् अच्युतम् ॥
atha prasannavadanaḥ tatkṣaṇān nṛpanandanaḥ tuṣṭāva praṇato bhūtvā bhūtadhātāram acyutam //
Then, from that very moment, the king's son, his face serene, bowed low and praised Acyuta, the ordainer of all beings.
AI translation rendered from the Sanskrit, not a published edition
ViP 1 12.53
भूमिर् आपो ऽनलो वायुः खं मनो बुद्धिर् एव च भूतादिर् आदिप्रकृतिर् यस्य रूपं नतो ऽस्मि तम् ॥
bhūmir āpo 'nalo vāyuḥ khaṃ mano buddhir eva ca bhūtādir ādiprakṛtir yasya rūpaṃ nato 'smi tam //
Earth, water, fire, wind, ether, mind and intellect, the origin of the elements, the primal Nature — whose form (all this) is: to him I bow.
AI translation rendered from the Sanskrit, not a published edition
ViP 1 12.54
शुद्धः सूक्ष्मो ऽखिलव्यापी प्रधानात् परतः पुमान् यस्य रूपं नमस् तस्मै पुरुषाय गुणात्मने ॥
śuddhaḥ sūkṣmo 'khilavyāpī pradhānāt parataḥ pumān yasya rūpaṃ namas tasmai puruṣāya guṇātmane //
Pure, subtle, pervading everything, the Person beyond the pradhāna — whose form that is: homage to that Person, whose self is the guṇas.
AI translation rendered from the Sanskrit, not a published edition
ViP 1 12.55
भूरादीनां समस्तानां गन्धादीनां च शाश्वतः बुद्ध्यादीनां प्रधानस्य पुरुषस्य च यः परः ॥
bhūrādīnāṃ samastānāṃ gandhādīnāṃ ca śāśvataḥ buddhyādīnāṃ pradhānasya puruṣasya ca yaḥ paraḥ //
He who is the everlasting one beyond all earth and the rest, beyond scent and the rest, beyond intellect and the rest, beyond the pradhāna and the puruṣa —
AI translation rendered from the Sanskrit, not a published edition
ViP 1 12.56
तं ब्रह्मभूतम् आत्मानम् अशेषजगतः पतिम् प्रपद्ये शरणं शुद्धं त्वद्रूपं परमेश्वर ॥
taṃ brahmabhūtam ātmānam aśeṣajagataḥ patim prapadye śaraṇaṃ śuddhaṃ tvadrūpaṃ parameśvara //
— that Self, become Brahman, the lord of the entire world, the pure: I go for refuge to that, your form, O Supreme Lord.
AI translation rendered from the Sanskrit, not a published edition
ViP 1 12.57
बृहत्त्वाद् बृंहणत्वाच् च यद् रूपं ब्रह्मसंज्ञितम् तस्मै नमस् ते सर्वात्मन् योगिचिन्त्याविकारवत् ॥
bṛhattvād bṛṃhaṇatvāc ca yad rūpaṃ brahmasaṃjñitam tasmai namas te sarvātman yogicintyāvikāravat //
That form which, because of being vast and because of causing growth, is named Brahman — homage to you as that, O Self of all, you who are contemplated by yogins and free of change.
AI translation rendered from the Sanskrit, not a published edition
ViP 1 12.58
सहस्रशीर्षा पुरुषः सहस्राक्षः सहस्रपात् सर्वव्यापी भुवः स्पर्शाद् अत्यतिष्ठद् दशाङ्गुलम् ॥
sahasraśīrṣā puruṣaḥ sahasrākṣaḥ sahasrapāt sarvavyāpī bhuvaḥ sparśād atyatiṣṭhad daśāṅgulam //
The Person with a thousand heads, a thousand eyes, a thousand feet, pervading all; from his contact with the earth he stood out beyond it by ten fingers' breadth.
AI translation rendered from the Sanskrit, not a published edition
ViP 1 12.59
यद् भूतं यच् च वै भव्यं पुरुषोत्तम तद् भवान् त्वत्तो विराट् स्वराट् सम्राट् त्वत्तश् चाप्य् अधिपूरुषः ॥
yad bhūtaṃ yac ca vai bhavyaṃ puruṣottama tad bhavān tvatto virāṭ svarāṭ samrāṭ tvattaś cāpy adhipūruṣaḥ //
Whatever has been and whatever is to be, O highest of Persons, that is you; from you (come) the Vast One, the Self-ruler, the Universal Sovereign, and from you too the Person over all.
AI translation rendered from the Sanskrit, not a published edition
ViP 1 12.60
अत्यरिच्यत सो ऽधश् च तिर्यग् ऊर्ध्वं च वै भुवः त्वत्तो विश्वम् इदं जातं त्वत्तो भूतभविष्यती ॥
atyaricyata so 'dhaś ca tiryag ūrdhvaṃ ca vai bhuvaḥ tvatto viśvam idaṃ jātaṃ tvatto bhūtabhaviṣyatī //
He extended beyond the earth, below, across, and above; from you this universe was born, from you what has been and what will be.
AI translation rendered from the Sanskrit, not a published edition
ViP 1 12.61
त्वद्रूपधारिणश् चान्तः सर्वभूतम् इदं जगत् त्वत्तो यज्ञः सर्वहुतः पृषदाज्यं पशुर् द्विधा ॥
tvadrūpadhāriṇaś cāntaḥ sarvabhūtam idaṃ jagat tvatto yajñaḥ sarvahutaḥ pṛṣadājyaṃ paśur dvidhā //
And within (you), who bear your own form, is this world with all its beings; from you (comes) the sacrifice with all its oblations, the sprinkled ghee, the animals of two kinds.
AI translation rendered from the Sanskrit, not a published edition — the model flagged this verse as uncertain
ViP 1 12.62
त्वत्त ऋचो ऽथ सामानि त्वत्तश् छन्दांसि जज्ञिरे त्वत्तो यजूंष्य् अजायन्त त्वत्तो ऽश्वाश् चैकतोदतः ॥
tvatta ṛco 'tha sāmāni tvattaś chandāṃsi jajñire tvatto yajūṃṣy ajāyanta tvatto 'śvāś caikatodataḥ //
From you the ṛc verses and the sāman chants, from you the metres were born; from you the yajus formulas came into being, and from you the horses with a single row of teeth.
AI translation rendered from the Sanskrit, not a published edition
ViP 1 12.63
गावस् त्वत्तः समुद्भूतास् त्वत्तो ऽजा अवयो मृगाः त्वन्मुखाद् ब्राह्मणा बाह्वोस् त्वत्तः क्षत्रम् अजायत ॥
gāvas tvattaḥ samudbhūtās tvatto 'jā avayo mṛgāḥ tvanmukhād brāhmaṇā bāhvos tvattaḥ kṣatram ajāyata //
Cows arose from you, from you goats, sheep and deer; from your mouth the brahmins, from your arms the kṣatra order was born.
AI translation rendered from the Sanskrit, not a published edition
ViP 1 12.64
वैश्यास् तवोरुजाः शूद्रास् तव पद्भ्यां समुद्गताः अक्ष्णोः सूर्यो ऽनिलः प्राणाच् चन्द्रमा मनसस् तव ॥
vaiśyās tavorujāḥ śūdrās tava padbhyāṃ samudgatāḥ akṣṇoḥ sūryo 'nilaḥ prāṇāc candramā manasas tava //
The vaiśyas were born from your thighs, the śūdras came forth from your feet; the sun from your eyes, the wind from your breath, the moon from your mind.
AI translation rendered from the Sanskrit, not a published edition
ViP 1 12.65
प्राणो ऽन्तःसुषिराज् जातो मुखाद् अग्निर् अजायत नाभितो गगनं द्यौश् च शिरसः समवर्तत दिशः श्रोत्रात् क्षितिः पद्भ्यां त्वत्तः सर्वम् अभूद् इदम् ॥
prāṇo 'ntaḥsuṣirāj jāto mukhād agnir ajāyata nābhito gaganaṃ dyauś ca śirasaḥ samavartata diśaḥ śrotrāt kṣitiḥ padbhyāṃ tvattaḥ sarvam abhūd idam //
Breath was born from the inner cavity, fire arose from the mouth; from the navel the sky, and heaven came about from the head, the directions from the ear, the earth from the feet — from you all this came to be.
AI translation rendered from the Sanskrit, not a published edition
ViP 1 12.66
न्यग्रोधः सुमहान् अल्पे यथा बीजे व्यवस्थितः संयमे विश्वम् अखिलं बीजभूते तथा त्वयि ॥
nyagrodhaḥ sumahān alpe yathā bīje vyavasthitaḥ saṃyame viśvam akhilaṃ bījabhūte tathā tvayi //
As a very great banyan tree is contained within a tiny seed, so the whole universe is contained in you, who have become its seed, at the dissolution.
AI translation rendered from the Sanskrit, not a published edition
ViP 1 12.67
बीजाद् अङ्कुरसंभूतो न्यग्रोधः स समुच्छ्रितः विस्तारं च यथा याति त्वत्तः सृष्टौ तथा जगत् ॥
bījād aṅkurasaṃbhūto nyagrodhaḥ sa samucchritaḥ vistāraṃ ca yathā yāti tvattaḥ sṛṣṭau tathā jagat //
And as that banyan, sprung up as a shoot from the seed, rises high and goes on spreading, so does the world from you at the creation.
AI translation rendered from the Sanskrit, not a published edition
ViP 1 12.68
यथा हि कदली नान्या त्वक्पत्रान् नाथ दृश्यते एवं विश्वस्य नान्यस् त्वं त्वत्स्थायीश्वर दृश्यते ॥
yathā hi kadalī nānyā tvakpatrān nātha dṛśyate evaṃ viśvasya nānyas tvaṃ tvatsthāyīśvara dṛśyate //
For just as the plantain is not seen to be anything other than its bark and leaves, O Lord, so you are not seen to be other than the universe, which abides in you, O Īśvara.
AI translation rendered from the Sanskrit, not a published edition
ViP 1 12.69
ह्लादिनी संधिनी संवित् त्वय्य् एका सर्वसंस्थितौ ह्लादतापकरी मिश्रा त्वयि नो गुणवर्जिते ॥
hlādinī saṃdhinī saṃvit tvayy ekā sarvasaṃsthitau hlādatāpakarī miśrā tvayi no guṇavarjite //
In you, in whom all things rest, the gladdening, the binding, and the knowing (powers) are one; the mixed power that produces pleasure and pain is not in you, who are free of the guṇas.
AI translation rendered from the Sanskrit, not a published edition — the model flagged this verse as uncertain
ViP 1 12.70
पृथग्भूतैकभूताय भूतभूताय ते नमः प्रभूतभूतभूताय तुभ्यं भूतात्मने नमः ॥
pṛthagbhūtaikabhūtāya bhūtabhūtāya te namaḥ prabhūtabhūtabhūtāya tubhyaṃ bhūtātmane namaḥ //
Homage to you who are (many) separate beings and (yet) one being, the being of (all) beings; homage to you, the Self of beings, who are the being of the beings that have come forth in abundance.
AI translation rendered from the Sanskrit, not a published edition — the model flagged this verse as uncertain
ViP 1 12.71
व्यक्तप्रधानपुरुषविराट् संराट् स्वराट् तथा विभाव्यते ऽन्तःकरणे पुरुषेष्व् अक्षयो भवान् ॥
vyaktapradhānapuruṣavirāṭ saṃrāṭ svarāṭ tathā vibhāvyate 'ntaḥkaraṇe puruṣeṣv akṣayo bhavān //
As the unmanifest, as pradhāna, as puruṣa, as virāj, and as samrāj and svarāj, you, the imperishable one, are conceived of in the inner organ within men.
AI translation rendered from the Sanskrit, not a published edition
ViP 1 12.72
सर्वस्मिन् सर्वभूतस् त्वं सर्वः सर्वस्वरूपधृक् सर्वं त्वत्तस् ततश् च त्वं नमः सर्वात्मने ऽस्तु ते ॥
sarvasmin sarvabhūtas tvaṃ sarvaḥ sarvasvarūpadhṛk sarvaṃ tvattas tataś ca tvaṃ namaḥ sarvātmane 'stu te //
In everything you are every being; you are all, bearing every form; everything (comes) from you, and you (are) that; homage be to you, the Self of all.
AI translation rendered from the Sanskrit, not a published edition
ViP 1 12.73
सर्वात्मको ऽसि सर्वेश सर्वभूतस्थितो यतः कथयामि ततः किं ते सर्वं वेत्सि हृदि स्थितम् ॥
sarvātmako 'si sarveśa sarvabhūtasthito yataḥ kathayāmi tataḥ kiṃ te sarvaṃ vetsi hṛdi sthitam //
You are the Self of all, lord of all, since you dwell in all beings; so what shall I tell you? You know everything that stands in the heart.
AI translation rendered from the Sanskrit, not a published edition
ViP 1 12.74
सर्वात्मन् सर्वभूतेश सर्वसत्त्वसमुद्भव सर्वभूतो भवान् वेत्ति सर्वसत्त्वमनोरथम् ॥
sarvātman sarvabhūteśa sarvasattvasamudbhava sarvabhūto bhavān vetti sarvasattvamanoratham //
O Self of all, lord of all beings, source from which all creatures arise, being all beings, you know the heart's desire of every creature.
AI translation rendered from the Sanskrit, not a published edition
ViP 1 12.75
यो मे मनोरथो नाथ सफलः स त्वया कृतः तपश् च तप्तं सफलं यद् दृष्टो ऽसि जगत्पते ॥
yo me manoratho nātha saphalaḥ sa tvayā kṛtaḥ tapaś ca taptaṃ saphalaṃ yad dṛṣṭo 'si jagatpate //
That desire of mine, O lord, has been made fruitful by you; and the austerity I performed has borne fruit, in that you have been seen, O master of the world.
AI translation rendered from the Sanskrit, not a published edition
ViP 1 12.76
तपसस् तत् फलं प्राप्तं यद् दृष्टो ऽहं त्वया ध्रुव मद्दर्शनं हि विफलं राजपुत्र न जायते ॥
tapasas tat phalaṃ prāptaṃ yad dṛṣṭo 'haṃ tvayā dhruva maddarśanaṃ hi viphalaṃ rājaputra na jāyate //
That fruit of your austerity has been obtained, Dhruva, in that I have been seen by you; for the sight of me, prince, does not become fruitless.
AI translation rendered from the Sanskrit, not a published edition
ViP 1 12.77
वरं वरय तस्मात् त्वं यथाभिमतम् आत्मनः सर्वं संपद्यते पुंसां मयि दृष्टिपथं गते ॥
varaṃ varaya tasmāt tvaṃ yathābhimatam ātmanaḥ sarvaṃ saṃpadyate puṃsāṃ mayi dṛṣṭipathaṃ gate //
Therefore choose a boon, whatever you yourself desire; everything is accomplished for men when I have come into their sight.
AI translation rendered from the Sanskrit, not a published edition
ViP 1 12.78
भगवन् सर्वभूतेश सर्वस्यास्ते भवान् हृदि किम् अज्ञातं तव स्वामिन् मनसा यन् मयेप्सितम् ॥
bhagavan sarvabhūteśa sarvasyāste bhavān hṛdi kim ajñātaṃ tava svāmin manasā yan mayepsitam //
Blessed one, lord of all beings, you dwell in the heart of everyone; what is unknown to you, master, of what I have wished for in my mind?
AI translation rendered from the Sanskrit, not a published edition
ViP 1 12.79
तथापि तुभ्यं देवेश कथयिष्यामि यन् मया प्रार्थ्यते दुर्विनीतेन हृदयेनातिदुर्लभम् ॥
tathāpi tubhyaṃ deveśa kathayiṣyāmi yan mayā prārthyate durvinītena hṛdayenātidurlabham //
Nevertheless, lord of gods, I shall tell you what is sought by me with my ill-disciplined heart, a thing very hard to obtain.
AI translation rendered from the Sanskrit, not a published edition
ViP 1 12.80
किं वा सर्वजगत्स्रष्टः प्रसन्ने त्वयि दुर्लभम् त्वत्प्रसादफलं भुङ्क्ते त्रैलोक्यं मघवान् अपि ॥
kiṃ vā sarvajagatsraṣṭaḥ prasanne tvayi durlabham tvatprasādaphalaṃ bhuṅkte trailokyaṃ maghavān api //
Or rather, creator of the whole world, what is hard to obtain when you are pleased? Even Maghavan (Indra) enjoys the three worlds as the fruit of your favour.
AI translation rendered from the Sanskrit, not a published edition
ViP 1 12.81
नैतद् राजासनं योग्यम् अजातस्य ममोदरात् इति गर्वाद् अवोचन् मां सपत्नी मातुर् उच्चकैः ॥
naitad rājāsanaṃ yogyam ajātasya mamodarāt iti garvād avocan māṃ sapatnī mātur uccakaiḥ //
"This royal seat is not fit for you, who were not born from my womb" — thus, out of pride, my mother's co-wife said to me loudly.
AI translation rendered from the Sanskrit, not a published edition
ViP 1 12.82
आधारभूतं जगतः सर्वेषाम् उत्तमोत्तमम् प्रार्थयामि प्रभो स्थानं त्वत्प्रसादाद् अतो ऽव्ययम् ॥
ādhārabhūtaṃ jagataḥ sarveṣām uttamottamam prārthayāmi prabho sthānaṃ tvatprasādād ato 'vyayam //
Therefore, lord, by your favour I ask for that imperishable station which is the support of the world and the highest of the high among all.
AI translation rendered from the Sanskrit, not a published edition
ViP 1 12.83
यत् त्वया प्रार्थितं स्थानम् एतत् प्राप्स्यति वै भवान् त्वयाहं तोषितः पूर्वम् अन्यजन्मनि बालक ॥
yat tvayā prārthitaṃ sthānam etat prāpsyati vai bhavān tvayāhaṃ toṣitaḥ pūrvam anyajanmani bālaka //
You shall indeed obtain that station which you have asked for; you pleased me before, child, in another birth.
AI translation rendered from the Sanskrit, not a published edition
ViP 1 12.84
त्वम् आसीर् ब्राह्मणः पूर्वं मय्य् एकाग्रमतिः सदा मातापित्रोश् च शुश्रूषुर् निजधर्मानुपालकः ॥
tvam āsīr brāhmaṇaḥ pūrvaṃ mayy ekāgramatiḥ sadā mātāpitroś ca śuśrūṣur nijadharmānupālakaḥ //
Formerly you were a brahmin, always with mind one-pointed on me, obedient to your mother and father, and keeping to your own duty.
AI translation rendered from the Sanskrit, not a published edition
ViP 1 12.85
कालेन गच्छता मित्रं राजपुत्रस् तवाभवत् यौवने ऽखिलभोगाढ्यो दर्शनीयोज्ज्वलाकृतिः ॥
kālena gacchatā mitraṃ rājaputras tavābhavat yauvane 'khilabhogāḍhyo darśanīyojjvalākṛtiḥ //
In the course of time a prince became your friend, rich in every enjoyment in his youth, of handsome and radiant form.
AI translation rendered from the Sanskrit, not a published edition
ViP 1 12.86
तत्सङ्गात् तस्य ताम् ऋद्धिम् अवलोक्यातिदुर्लभाम् भवेयं राजपुत्रो ऽहम् इति वाञ्छा त्वया कृता ॥
tatsaṅgāt tasya tām ṛddhim avalokyātidurlabhām bhaveyaṃ rājaputro 'ham iti vāñchā tvayā kṛtā //
From association with him, seeing that prosperity of his, so very hard to attain, you made the wish, "May I be a prince."
AI translation rendered from the Sanskrit, not a published edition
ViP 1 12.87
ततो यथाभिलषिता प्राप्ता ते राजपुत्रता उत्तानपादस्य गृहे जातो ऽसि ध्रुव दुर्लभे ॥
tato yathābhilaṣitā prāptā te rājaputratā uttānapādasya gṛhe jāto 'si dhruva durlabhe //
Then princehood was obtained by you as you had desired: you have been born in the house of Uttānapāda, Dhruva, (a birth) hard to obtain.
AI translation rendered from the Sanskrit, not a published edition
ViP 1 12.88
अन्येषां तद् वरं स्थानं कुले स्वायम्भुवस्य यत् ॥
anyeṣāṃ tad varaṃ sthānaṃ kule svāyambhuvasya yat //
That station in the lineage of Svāyambhuva is better than (that) of others.
AI translation rendered from the Sanskrit, not a published edition — the model flagged this verse as uncertain
ViP 1 12.89
तस्यैतद् अपरं बाल येनाहं परितोषितः माम् आराध्य नरो मुक्तिम् अवाप्नोत्य् अविलम्बितम् ॥
tasyaitad aparaṃ bāla yenāhaṃ paritoṣitaḥ mām ārādhya naro muktim avāpnoty avilambitam //
This, boy, is another (fruit) of that (devotion) by which I was thoroughly pleased: worshipping me, a man attains liberation without delay.
AI translation rendered from the Sanskrit, not a published edition — the model flagged this verse as uncertain
ViP 1 12.90
मय्य् अर्पितमना बाल किम् उ स्वर्गादिकं पदम् त्रैलोक्याद् अधिके स्थाने सर्वताराग्रहाश्रयः भविष्यति न संदेहो मत्प्रसादाद् भवान् ध्रुव ॥
mayy arpitamanā bāla kim u svargādikaṃ padam trailokyād adhike sthāne sarvatārāgrahāśrayaḥ bhaviṣyati na saṃdeho matprasādād bhavān dhruva //
With your mind fixed on me, child, what need is there of heaven and such a station? You shall be, in a place higher than the three worlds, the support of all the stars and planets — there is no doubt of it, Dhruva, by my grace.
AI translation rendered from the Sanskrit, not a published edition
ViP 1 12.91
सूर्यात् सोमात् तथा भौमात् सोमपुत्राद् बृहस्पतेः सितार्कतनयादीनां सर्वर्क्षाणां तथा ध्रुव ॥
sūryāt somāt tathā bhaumāt somaputrād bṛhaspateḥ sitārkatanayādīnāṃ sarvarkṣāṇāṃ tathā dhruva //
Above the sun, the moon, Mars, the son of the moon (Mercury), Bṛhaspati (Jupiter), Venus, the son of the sun (Saturn) and the rest, and above all the constellations, O Dhruva,
AI translation rendered from the Sanskrit, not a published edition
ViP 1 12.92
सप्तर्षीणाम् अशेषाणां ये च वैमानिकाः सुराः सर्वेषाम् उपरि स्थानं तव दत्तं मया ध्रुव ॥
saptarṣīṇām aśeṣāṇāṃ ye ca vaimānikāḥ surāḥ sarveṣām upari sthānaṃ tava dattaṃ mayā dhruva //
and above all the seven sages, and those gods who travel in celestial cars — a station above all of them has been given by me to you, Dhruva.
AI translation rendered from the Sanskrit, not a published edition
ViP 1 12.93
केचिच् चतुर्युगं यावत् केचिन् मन्वन्तरं सुराः तिष्ठन्ति भवतो दत्ता मया वै कल्पसंस्थितिः ॥
kecic caturyugaṃ yāvat kecin manvantaraṃ surāḥ tiṣṭhanti bhavato dattā mayā vai kalpasaṃsthitiḥ //
Some gods endure for four ages, some for a manvantara; but to you a duration lasting a kalpa has been granted by me.
AI translation rendered from the Sanskrit, not a published edition
ViP 1 12.94
सुनीतिर् अपि ते माता त्वदासन्नातिनिर्मला विमाने तारका भूत्वा तावत्कालं निवत्स्यति ॥
sunītir api te mātā tvadāsannātinirmalā vimāne tārakā bhūtvā tāvatkālaṃ nivatsyati //
Your mother Sunīti too, exceedingly pure, becoming a star in a celestial car near you, shall dwell there for that same length of time.
AI translation rendered from the Sanskrit, not a published edition
ViP 1 12.95
ये च त्वां मानवाः प्रातः सायं च सुसमाहिताः कीर्तयिष्यन्ति तेषां च महत् पुण्यं भविष्यति ॥
ye ca tvāṃ mānavāḥ prātaḥ sāyaṃ ca susamāhitāḥ kīrtayiṣyanti teṣāṃ ca mahat puṇyaṃ bhaviṣyati //
And those men who, well composed, shall praise you at dawn and at evening — great merit shall be theirs.
AI translation rendered from the Sanskrit, not a published edition
ViP 1 12.96
एवं पूर्वं जगन्नाथाद् देवदेवाज् जनार्दनात् वरं प्राप्य ध्रुवं स्थानम् अध्यास्ते स महामतिः ॥
evaṃ pūrvaṃ jagannāthād devadevāj janārdanāt varaṃ prāpya dhruvaṃ sthānam adhyāste sa mahāmatiḥ //
Thus, having formerly received a boon from Janārdana, the lord of the world, the god of gods, that great-minded one occupies the station of the pole (dhruva).
AI translation rendered from the Sanskrit, not a published edition
ViP 1 12.97
तस्याभिमानम् ऋद्धिं च महिमानं निरीक्ष्य च देवासुराणाम् आचार्यः श्लोकम् अत्रोशना जगौ ॥
tasyābhimānam ṛddhiṃ ca mahimānaṃ nirīkṣya ca devāsurāṇām ācāryaḥ ślokam atrośanā jagau //
Beholding his dignity, his prosperity and his greatness, Uśanas, the teacher of gods and demons, sang a verse on this occasion.
AI translation rendered from the Sanskrit, not a published edition
ViP 1 12.98
अहो ऽस्य तपसो वीर्यम् अहो ऽस्य तपसः फलम् यद् एनं पुरतः कृत्वा ध्रुवं सप्तर्षयः स्थिताः ॥
aho 'sya tapaso vīryam aho 'sya tapasaḥ phalam yad enaṃ purataḥ kṛtvā dhruvaṃ saptarṣayaḥ sthitāḥ //
"Ah, the power of his austerity! Ah, the fruit of his austerity! — that the seven sages stand placing Dhruva before them.
AI translation rendered from the Sanskrit, not a published edition
ViP 1 12.99
ध्रुवस्य जननी चेयं सुनीतिर् नाम सूनृता अस्याश् च महिमानं कः शक्तो वर्णयितुं भुवि ॥
dhruvasya jananī ceyaṃ sunītir nāma sūnṛtā asyāś ca mahimānaṃ kaḥ śakto varṇayituṃ bhuvi //
And this is Dhruva's mother, Sunīti by name, of gracious speech — who on earth is able to describe her greatness?
AI translation rendered from the Sanskrit, not a published edition
ViP 1 12.100
त्रैलोक्याश्रयतां प्राप्तं परं स्थानं स्थिरायति स्थानं प्राप्ता परं कृत्वा या कुक्षिविवरे ध्रुवम् ॥
trailokyāśrayatāṃ prāptaṃ paraṃ sthānaṃ sthirāyati sthānaṃ prāptā paraṃ kṛtvā yā kukṣivivare dhruvam //
She who, having borne Dhruva in the hollow of her womb, attained the supreme station — the supreme, enduring station that has become the support of the three worlds."
AI translation rendered from the Sanskrit, not a published edition — the model flagged this verse as uncertain
ViP 1 12.101
यश् चैतत् कीर्तयेन् नित्यं ध्रुवस्यारोहणं दिवि सर्वपापविनिर्मुक्तः स्वर्गलोके महीयते ॥
yaś caitat kīrtayen nityaṃ dhruvasyārohaṇaṃ divi sarvapāpavinirmuktaḥ svargaloke mahīyate //
And whoever constantly recounts this ascent of Dhruva to heaven is freed from all sins and is honoured in the world of heaven.
AI translation rendered from the Sanskrit, not a published edition
ViP 1 12.102
स्थानभ्रंशं न चाप्नोति दिवि वा यदि वा भुवि सर्वकल्याणसंयुक्तो दीर्घकालं च जीवति ॥
sthānabhraṃśaṃ na cāpnoti divi vā yadi vā bhuvi sarvakalyāṇasaṃyukto dīrghakālaṃ ca jīvati //
He does not suffer loss of station, whether in heaven or on earth, and, endowed with every good fortune, he lives a long time.
AI translation rendered from the Sanskrit, not a published edition