Vishnu Purana — Amsha 1 — Chapter 11
ViP 1 11.1
प्रियव्रतोत्तानपादौ मनोः स्वायम्भुवस्य तु द्वौ पुत्रौ सुमहावीर्यौ धर्मज्ञौ कथितौ तव ॥
priyavratottānapādau manoḥ svāyambhuvasya tu dvau putrau sumahāvīryau dharmajñau kathitau tava //
Priyavrata and Uttānapāda, the two sons of Manu Svāyambhuva, of very great might and knowing dharma, have been told of to you.
AI translation rendered from the Sanskrit, not a published edition
ViP 1 11.2
तयोर् उत्तानपादस्य सुरुच्याम् उत्तमः सुतः अभीष्टायाम् अभूद् ब्रह्मन् पितुर् अत्यन्तवल्लभः ॥
tayor uttānapādasya surucyām uttamaḥ sutaḥ abhīṣṭāyām abhūd brahman pitur atyantavallabhaḥ //
Of those two, Uttānapāda had by Suruci a son Uttama, (born) of his favourite (wife), O brahman, and exceedingly dear to his father.
AI translation rendered from the Sanskrit, not a published edition
ViP 1 11.3
सुनीतिर् नाम या राज्ञस् तस्याभून् महिषी द्विज स नातिप्रीतिमांस् तस्यां तस्याश् चाभूद् ध्रुवः सुतः ॥
sunītir nāma yā rājñas tasyābhūn mahiṣī dvija sa nātiprītimāṃs tasyāṃ tasyāś cābhūd dhruvaḥ sutaḥ //
She who was named Sunīti was that king's queen, O twice-born; he was not very fond of her, and her son was Dhruva.
AI translation rendered from the Sanskrit, not a published edition
ViP 1 11.4
राजासनस्थितस्याङ्कं पितुर् भ्रातरम् आश्रितम् दृष्ट्वोत्तमं ध्रुवश् चक्रे तम् आरोढुं मनोरथम् ॥
rājāsanasthitasyāṅkaṃ pitur bhrātaram āśritam dṛṣṭvottamaṃ dhruvaś cakre tam āroḍhuṃ manoratham //
Seeing his brother Uttama settled on the lap of his father, who was seated on the royal throne, Dhruva conceived the wish to climb up there.
AI translation rendered from the Sanskrit, not a published edition
ViP 1 11.5
प्रत्यक्षं भूपतिस् तस्याः सुरुच्या नाभ्यनन्दत प्रणयेनागतं पुत्रम् उत्सङ्गारोहणोत्सुकम् ॥
pratyakṣaṃ bhūpatis tasyāḥ surucyā nābhyanandata praṇayenāgataṃ putram utsaṅgārohaṇotsukam //
In the presence of that Suruci, the king did not welcome his son, who had come out of affection, eager to climb into his lap.
AI translation rendered from the Sanskrit, not a published edition
ViP 1 11.6
सपत्नी तनयं दृष्ट्वा तम् अङ्कारोहणोत्सुकम् स्वपुत्रं च तथारूढं सुरुचिर् वाक्यम् अब्रवीत् ॥
sapatnī tanayaṃ dṛṣṭvā tam aṅkārohaṇotsukam svaputraṃ ca tathārūḍhaṃ surucir vākyam abravīt //
Seeing the co-wife's son eager to climb onto (the king's) lap, while her own son was seated there so, Suruci spoke these words:
AI translation rendered from the Sanskrit, not a published edition
ViP 1 11.7
क्रियते किं वृथा वत्स महान् एष मनोरथः अन्यस्त्रीगर्भजातेन असंभूय ममोदरे उत्तमोत्तमम् अप्राप्यम् अविवेको ऽभिवाञ्छसि ॥
kriyate kiṃ vṛthā vatsa mahān eṣa manorathaḥ anyastrīgarbhajātena asaṃbhūya mamodare uttamottamam aprāpyam aviveko 'bhivāñchasi //
"Why, child, is this great longing entertained in vain? You, born from the womb of another woman, not having come to be in my belly, in your want of discernment desire the highest of the high, which is unattainable (for you)."
AI translation rendered from the Sanskrit, not a published edition
ViP 1 11.8
सत्यं सुतस् त्वम् अप्य् अस्य किन्तु न त्वं मया धृतः ॥
satyaṃ sutas tvam apy asya kintu na tvaṃ mayā dhṛtaḥ //
"True, you too are his son, but you were not borne by me."
AI translation rendered from the Sanskrit, not a published edition
ViP 1 11.9
एतद् राजासनं सर्वभूभृत्संश्रयकेतनम् योग्यं ममैव पुत्रस्य किम् आत्मा क्लिश्यते त्वया ॥
etad rājāsanaṃ sarvabhūbhṛtsaṃśrayaketanam yogyaṃ mamaiva putrasya kim ātmā kliśyate tvayā //
"This royal seat, the emblem to which all kings resort, is fit for my son alone — why do you torment yourself?"
AI translation rendered from the Sanskrit, not a published edition
ViP 1 11.10
उच्चैर् मनोरथस् ते ऽयं मत्पुत्रस्येव किं वृथा सुनीत्याम् आत्मनो जन्म किं त्वया नावगम्यते ॥
uccair manorathas te 'yaṃ matputrasyeva kiṃ vṛthā sunītyām ātmano janma kiṃ tvayā nāvagamyate //
"This longing of yours is lofty, as if you were my son — why in vain? Do you not realize that your own birth was from Sunīti?"
AI translation rendered from the Sanskrit, not a published edition
ViP 1 11.11
उत्सृज्य पितरं बालस् तच् छ्रुत्वा मातृभाषितम् जगाम कुपितो मातुर् निजाया द्विज मन्दिरम् ॥
utsṛjya pitaraṃ bālas tac chrutvā mātṛbhāṣitam jagāma kupito mātur nijāyā dvija mandiram //
Hearing that speech of (his father's) wife, the boy left his father and went, angered, O brahmin, to the house of his own mother.
AI translation rendered from the Sanskrit, not a published edition
ViP 1 11.12
तं दृष्ट्वा कुपितं पुत्रम् ईषत्प्रस्फुरिताधरम् सुनीतिर् अङ्कम् आरोप्य मैत्रेयैतद् अभाषत ॥
taṃ dṛṣṭvā kupitaṃ putram īṣatprasphuritādharam sunītir aṅkam āropya maitreyaitad abhāṣata //
Seeing her son angry, his lip slightly quivering, Sunīti set him on her lap, Maitreya, and said this:
AI translation rendered from the Sanskrit, not a published edition
ViP 1 11.13
वत्स कः कोपहेतुस् ते कश् च त्वां नाभिनन्दति को ऽवजानाति पितरं तव यस् ते ऽपराध्यति ॥
vatsa kaḥ kopahetus te kaś ca tvāṃ nābhinandati ko 'vajānāti pitaraṃ tava yas te 'parādhyati //
"Child, what is the cause of your anger? Who does not welcome you? Who slights your father, and so wrongs you?"
AI translation rendered from the Sanskrit, not a published edition
ViP 1 11.14
इत्य् उक्तः सकलं मात्रे कथयाम् आस तद् यथा सुरुचिः प्राह भूपालप्रत्यक्षम् अतिगर्विता ॥
ity uktaḥ sakalaṃ mātre kathayām āsa tad yathā suruciḥ prāha bhūpālapratyakṣam atigarvitā //
Thus addressed, the son told his mother the whole of it, just as the exceedingly proud Suruci had said it in the king's presence.
AI translation rendered from the Sanskrit, not a published edition
ViP 1 11.15
निःश्वस्य सेति कथिते तस्मिन् पुत्रेण दुर्मनाः श्वासक्षामेक्षणा दीना सुनीतिर् वाक्यम् अब्रवीत् ॥
niḥśvasya seti kathite tasmin putreṇa durmanāḥ śvāsakṣāmekṣaṇā dīnā sunītir vākyam abravīt //
When that had been told by her son, Sunīti sighed, and, disheartened, wretched, her eyes wasted with sighing, spoke these words:
AI translation rendered from the Sanskrit, not a published edition
ViP 1 11.16
सुरुचिः सत्यम् आहेदं स्वल्पभाग्यो ऽसि पुत्रक न हि पुण्यवतां वत्स सपत्नैर् एवम् उच्यते ॥
suruciḥ satyam āhedaṃ svalpabhāgyo 'si putraka na hi puṇyavatāṃ vatsa sapatnair evam ucyate //
"Suruci has spoken this truly: you are of small fortune, my son; for indeed, child, those who have merit are not spoken to thus by co-wives."
AI translation rendered from the Sanskrit, not a published edition
ViP 1 11.17
नोद्वेगस् तात कर्तव्यः कृतं यद् भवता पुरा तत् को ऽपहर्तुं शक्नोति दातुं कश् चाकृतं त्वया ॥
nodvegas tāta kartavyaḥ kṛtaṃ yad bhavatā purā tat ko 'pahartuṃ śaknoti dātuṃ kaś cākṛtaṃ tvayā //
"No agitation should be made, dear one. What was done by you formerly — who can take that away, and who can give what was not done by you?"
AI translation rendered from the Sanskrit, not a published edition
ViP 1 11.18
राजासनं तथा छत्रं वराश्वा वरवारणाः यस्य पुण्यानि तस्यैव मत्वैतच् छाम्य पुत्रक ॥
rājāsanaṃ tathā chatraṃ varāśvā varavāraṇāḥ yasya puṇyāni tasyaiva matvaitac chāmya putraka //
"The royal seat, the parasol, the finest horses, the finest elephants — they belong only to him whose merits they are; considering this, be calm, my son."
AI translation rendered from the Sanskrit, not a published edition
ViP 1 11.19
अन्यजन्मकृतैः पुण्यैः सुरुच्यां सुरुचिर् नृपः भार्येति प्रोच्यते चान्या मद्विधा पुण्यवर्जिता ॥
anyajanmakṛtaiḥ puṇyaiḥ surucyāṃ surucir nṛpaḥ bhāryeti procyate cānyā madvidhā puṇyavarjitā //
"By merits made in another birth the king is 'suruci' (well-pleased) with Suruci, and she is called his wife; another, like me, is devoid of merit."
AI translation rendered from the Sanskrit, not a published edition
ViP 1 11.20
पुण्योपचयसंपन्नस् तस्याः पुत्रस् तथोत्तमः मम पुत्रस् तथा जातः स्वल्पपुण्यो ध्रुवो भवान् ॥
puṇyopacayasaṃpannas tasyāḥ putras tathottamaḥ mama putras tathā jātaḥ svalpapuṇyo dhruvo bhavān //
"Her son Uttama is likewise endowed with an accumulation of merit; and my son, you Dhruva, was born thus, with little merit."
AI translation rendered from the Sanskrit, not a published edition
ViP 1 11.21
तथापि दुःखं न भवान् कर्तुम् अर्हति पुत्रक यस्य यावत् स तेनैव स्वेन तुष्यति बुद्धिमान् ॥
tathāpi duḥkhaṃ na bhavān kartum arhati putraka yasya yāvat sa tenaiva svena tuṣyati buddhimān //
"Even so, you ought not to grieve, my son; the wise man is content with just that which is his own, however much he has."
AI translation rendered from the Sanskrit, not a published edition
ViP 1 11.22
यदि चेद् दुःखम् अत्यर्थं सुरुच्या वचनात् तव तत् पुण्योपचये यत्नं कुरु सर्वफलप्रदे ॥
yadi ced duḥkham atyarthaṃ surucyā vacanāt tava tat puṇyopacaye yatnaṃ kuru sarvaphalaprade //
"But if your sorrow at Suruci's words is exceedingly great, then make effort in the accumulation of merit, which bestows every fruit."
AI translation rendered from the Sanskrit, not a published edition
ViP 1 11.23
सुशीलो भव धर्मात्मा मैत्रः प्राणिहिते रतः निम्नं यथापः प्रवणाः पात्रम् आयान्ति संपदः ॥
suśīlo bhava dharmātmā maitraḥ prāṇihite rataḥ nimnaṃ yathāpaḥ pravaṇāḥ pātram āyānti saṃpadaḥ //
"Be of good character, righteous in soul, friendly, devoted to the good of living beings; for as waters run to low ground, prosperities come to a worthy vessel."
AI translation rendered from the Sanskrit, not a published edition
ViP 1 11.24
अम्ब यत् त्वम् इदं प्राह प्रशमाय वचो मम नैतद् दुर्वचसा भिन्ने हृदये मम तिष्ठति ॥
amba yat tvam idaṃ prāha praśamāya vaco mama naitad durvacasā bhinne hṛdaye mama tiṣṭhati //
"Mother, this speech that you have uttered for my calming does not stay in my heart, which is broken by that evil speech."
AI translation rendered from the Sanskrit, not a published edition
ViP 1 11.25
सो ऽहं तथा यतिष्यामि यथा सर्वोत्तमोत्तमम् स्थानं प्राप्स्याम्य् अशेषाणां जगताम् अभिपूजितम् ॥
so 'haṃ tathā yatiṣyāmi yathā sarvottamottamam sthānaṃ prāpsyāmy aśeṣāṇāṃ jagatām abhipūjitam //
"I shall so strive that I may attain the station highest of all the highest, honored by all the worlds."
AI translation rendered from the Sanskrit, not a published edition
ViP 1 11.26
सुरुचिर् दयिता राज्ञस् तस्या जातो ऽस्मि नोदरात् प्रभावं पश्य मे ऽम्ब त्वं धृतस्यापि तवोदरे ॥
surucir dayitā rājñas tasyā jāto 'smi nodarāt prabhāvaṃ paśya me 'mba tvaṃ dhṛtasyāpi tavodare //
Suruci is the king's beloved; I was not born from her womb. See my power, mother, though I was borne in your womb.
AI translation rendered from the Sanskrit, not a published edition
ViP 1 11.27
उत्तमः स मम भ्राता यो गर्भेण धृतस् तया स राजासनम् आप्नोतु पित्रा दत्तं तथास्तु तत् ॥
uttamaḥ sa mama bhrātā yo garbheṇa dhṛtas tayā sa rājāsanam āpnotu pitrā dattaṃ tathāstu tat //
Uttama, whom she bore in her womb, is my brother; let him obtain the royal throne given by our father — so let it be.
AI translation rendered from the Sanskrit, not a published edition
ViP 1 11.28
नान्यदत्तम् अभीप्स्यामि स्थानम् अम्ब स्वकर्मणा इच्छामि तद् अहं स्थानं यन् न प्राप पिता मम ॥
nānyadattam abhīpsyāmi sthānam amba svakarmaṇā icchāmi tad ahaṃ sthānaṃ yan na prāpa pitā mama //
I do not desire a station given by another, mother, but one (won) by my own deed: I desire that station which my father did not attain.
AI translation rendered from the Sanskrit, not a published edition
ViP 1 11.29
निर्जगाम गृहान् मातुर् इत्य् उक्त्वा मातरं ध्रुवः पुराच् च निर्गम्य ततस् तद्बाह्योपवनं ययौ ॥
nirjagāma gṛhān mātur ity uktvā mātaraṃ dhruvaḥ purāc ca nirgamya tatas tadbāhyopavanaṃ yayau //
Having said this to his mother, Dhruva went out from his mother's house, and going out of the city he then went to the grove outside it.
AI translation rendered from the Sanskrit, not a published edition
ViP 1 11.30
स ददर्श मुनींस् तत्र सप्त पूर्वागतान् ध्रुवः कृष्णाजिनोत्तरीयेषु विष्टरेषु समास्थितान् ॥
sa dadarśa munīṃs tatra sapta pūrvāgatān dhruvaḥ kṛṣṇājinottarīyeṣu viṣṭareṣu samāsthitān //
There Dhruva saw seven sages who had come before, seated on mats with black antelope skins as upper coverings.
AI translation rendered from the Sanskrit, not a published edition
ViP 1 11.31
स राजपुत्रस् तान् सर्वान् प्रणिपत्याभ्यभाषत प्रश्रयावनतः सम्यग् अभिवादनपूर्वकम् ॥
sa rājaputras tān sarvān praṇipatyābhyabhāṣata praśrayāvanataḥ samyag abhivādanapūrvakam //
That prince, bowing down to them all, bent low in reverence, addressed them properly, with a salutation first.
AI translation rendered from the Sanskrit, not a published edition
ViP 1 11.32
उत्तानपादतनयं मां निबोधत सत्तमाः जातं सुनीत्यां निर्वेदाद् युष्माकं प्राप्तम् अन्तिकम् ॥
uttānapādatanayaṃ māṃ nibodhata sattamāḥ jātaṃ sunītyāṃ nirvedād yuṣmākaṃ prāptam antikam //
"Know me, best of beings, as the son of Uttānapāda, born of Sunīti, who out of despondency has come into your presence."
AI translation rendered from the Sanskrit, not a published edition
ViP 1 11.33
चतुःपञ्चाब्दसंभूतो बालस् त्वं नृपनन्दन निर्वेदकारणं किंचित् तव नाद्यापि विद्यते ॥
catuḥpañcābdasaṃbhūto bālas tvaṃ nṛpanandana nirvedakāraṇaṃ kiṃcit tava nādyāpi vidyate //
"You are a child of four or five years, delight of the king; no cause for despondency exists for you even now."
AI translation rendered from the Sanskrit, not a published edition
ViP 1 11.34
न चिन्त्यं भवतः किंचिद् ध्रियते भूपतिः पिता न चैवेष्टवियोगादि तव पश्याम बालक ॥
na cintyaṃ bhavataḥ kiṃcid dhriyate bhūpatiḥ pitā na caiveṣṭaviyogādi tava paśyāma bālaka //
"You have nothing to worry about; your father the king is alive; nor do we see in you the loss of anything dear or the like, child."
AI translation rendered from the Sanskrit, not a published edition
ViP 1 11.35
शरीरे न च ते व्याधिर् अस्माभिर् उपलक्ष्यते निर्वेदः किंनिमित्तस् ते कथ्यतां यदि विद्यते ॥
śarīre na ca te vyādhir asmābhir upalakṣyate nirvedaḥ kiṃnimittas te kathyatāṃ yadi vidyate //
"Nor is any illness observed by us in your body. On what account is your despondency? Let it be told, if there is any."
AI translation rendered from the Sanskrit, not a published edition
ViP 1 11.36
ततः स कथयाम् आस सुरुच्या यद् उदाहृतम् तन् निशम्य ततः प्रोचुर् मुनयस् ते परस्परम् ॥
tataḥ sa kathayām āsa surucyā yad udāhṛtam tan niśamya tataḥ procur munayas te parasparam //
Then he related what had been said by Suruci; and having heard it, those sages spoke to one another:
AI translation rendered from the Sanskrit, not a published edition
ViP 1 11.37
अहो क्षात्रं परं तेजो बालस्यापि यद् अक्षमा सपत्न्या मातुर् उक्तस्य हृदयान् नापसर्पति ॥
aho kṣātraṃ paraṃ tejo bālasyāpi yad akṣamā sapatnyā mātur uktasya hṛdayān nāpasarpati //
"Ah, the supreme fire of the warrior class! — that even in a child the impatience at what his co-wife mother said does not depart from his heart."
AI translation rendered from the Sanskrit, not a published edition
ViP 1 11.38
भो भोः क्षत्रियदायाद निर्वेदाद् यत् त्वयाधुना कर्तुं व्यवसितं तन् नः कथ्यतां यदि रोचते ॥
bho bhoḥ kṣatriyadāyāda nirvedād yat tvayādhunā kartuṃ vyavasitaṃ tan naḥ kathyatāṃ yadi rocate //
"Ho there, scion of the kṣatriyas! What you have now resolved to do out of despondency — tell it to us, if it pleases you."
AI translation rendered from the Sanskrit, not a published edition
ViP 1 11.39
यच् च कार्यं तवास्माभिः साहाय्यम् अमितद्युते तद् उच्यतां विवक्षुस् त्वम् अस्माभिर् उपलक्ष्यसे ॥
yac ca kāryaṃ tavāsmābhiḥ sāhāyyam amitadyute tad ucyatāṃ vivakṣus tvam asmābhir upalakṣyase //
"And what help is to be given you by us, O you of measureless splendour — let that be said; we perceive that you wish to speak."
AI translation rendered from the Sanskrit, not a published edition
ViP 1 11.40
नाहम् अर्थम् अभीप्सामि न राज्यं द्विजसत्तमाः तत् स्थानम् एकम् इच्छामि भुक्तं नान्येन यत् पुरा ॥
nāham artham abhīpsāmi na rājyaṃ dvijasattamāḥ tat sthānam ekam icchāmi bhuktaṃ nānyena yat purā //
"I do not desire wealth, nor a kingdom, best of the twice-born; I desire that one station which has not been enjoyed by another before."
AI translation rendered from the Sanskrit, not a published edition
ViP 1 11.41
एतन् मे क्रियतां सम्यक् कथ्यतां प्राप्यते यथा स्थानम् अग्र्यं समस्तेभ्यः स्थानेभ्यो मुनिसत्तमाः ॥
etan me kriyatāṃ samyak kathyatāṃ prāpyate yathā sthānam agryaṃ samastebhyaḥ sthānebhyo munisattamāḥ //
"Let this be properly done for me: let it be told how the station foremost of all stations is attained, best of sages."
AI translation rendered from the Sanskrit, not a published edition
ViP 1 11.42
अनाराधितगोविन्दैर् नरैः स्थानं नृपात्मज न हि संप्राप्यते श्रेष्ठं तस्माद् आराधयाच्युतम् ॥
anārādhitagovindair naraiḥ sthānaṃ nṛpātmaja na hi saṃprāpyate śreṣṭhaṃ tasmād ārādhayācyutam //
"By men who have not worshipped Govinda, prince, the highest station is not attained; therefore worship Acyuta."
AI translation rendered from the Sanskrit, not a published edition
ViP 1 11.43
परः पराणां पुरुषो यस्य तुष्टो जनार्दनः स प्राप्नोत्य् अक्षयं स्थानम् एतत् सत्यं मयोदितम् ॥
paraḥ parāṇāṃ puruṣo yasya tuṣṭo janārdanaḥ sa prāpnoty akṣayaṃ sthānam etat satyaṃ mayoditam //
"He with whom Janārdana, the person higher than the highest, is pleased, obtains the imperishable station — this that I have said is true."
AI translation rendered from the Sanskrit, not a published edition
ViP 1 11.44
यस्यान्तः सर्वम् एवेदम् अच्युतस्याव्ययात्मनः तम् आराधय गोविन्दं स्थानम् अग्र्यं यदीच्छसि ॥
yasyāntaḥ sarvam evedam acyutasyāvyayātmanaḥ tam ārādhaya govindaṃ sthānam agryaṃ yadīcchasi //
"Within whom all this exists, Acyuta of unchanging nature — worship that Govinda, if you desire the foremost station."
AI translation rendered from the Sanskrit, not a published edition
ViP 1 11.45
परं ब्रह्म परं धाम यो ऽसौ ब्रह्म तथा परम् तम् आराध्य हरिं याति मुक्तिम् अप्य् अतिदुर्लभाम् ॥
paraṃ brahma paraṃ dhāma yo 'sau brahma tathā param tam ārādhya hariṃ yāti muktim apy atidurlabhām //
"He who is the supreme Brahman, the supreme abode, and likewise supreme brahma — by worshipping that Hari one attains even liberation, so very hard to obtain."
AI translation rendered from the Sanskrit, not a published edition — the model flagged this verse as uncertain
ViP 1 11.46
यो यज्ञपुरुषो यज्ञे योगे यः परमः पुमान् तस्मिंस् तुष्टे यद् अप्राप्यं किं तद् अस्ति जनार्दने ॥
yo yajñapuruṣo yajñe yoge yaḥ paramaḥ pumān tasmiṃs tuṣṭe yad aprāpyaṃ kiṃ tad asti janārdane //
He who is the sacrificial Person in sacrifice, who is the supreme Man in yoga — when he, Janārdana, is pleased, what is there that cannot be obtained?
AI translation rendered from the Sanskrit, not a published edition
ViP 1 11.47
ऐन्द्रम् इन्द्रः परं स्थानं यम् आराध्य जगत्पतिम् प्राप यज्ञपतिं विष्णुं तम् आराधय सुव्रत ॥
aindram indraḥ paraṃ sthānaṃ yam ārādhya jagatpatim prāpa yajñapatiṃ viṣṇuṃ tam ārādhaya suvrata //
Worship, O you of good vows, that lord of sacrifice, Viṣṇu, by worshipping whom, as lord of the world, Indra obtained the supreme station of Indra.
AI translation rendered from the Sanskrit, not a published edition
ViP 1 11.48
प्राप्नोष्य् आराधिते विष्णौ मनसा यद् यद् इच्छसि त्रैलोक्यान्तर्गतं स्थानं किम् उ वत्सोत्तमोत्तमम् ॥
prāpnoṣy ārādhite viṣṇau manasā yad yad icchasi trailokyāntargataṃ sthānaṃ kim u vatsottamottamam //
When Viṣṇu has been worshipped you obtain whatever you wish in your mind; how much more, best of the best of sons, a station contained within the three worlds?
AI translation rendered from the Sanskrit, not a published edition
ViP 1 11.49
आराध्यः कथितो देवो भवद्भिः प्रणतस्य मे मया तत्परितोषाय यज् जप्तव्यं तद् उच्यताम् ॥
ārādhyaḥ kathito devo bhavadbhiḥ praṇatasya me mayā tatparitoṣāya yaj japtavyaṃ tad ucyatām //
The god to be worshipped has been told by you to me, who have bowed down; let that which is to be muttered by me for his gratification be declared.
AI translation rendered from the Sanskrit, not a published edition
ViP 1 11.50
यथा चाराधनं तस्य मया कार्यं महात्मनः प्रसादसुमुखास् तन् मे कथयन्तु महर्षयः ॥
yathā cārādhanaṃ tasya mayā kāryaṃ mahātmanaḥ prasādasumukhās tan me kathayantu maharṣayaḥ //
And how the worship of that great-souled one is to be performed by me — let the great sages, gracious of countenance, tell me that.
AI translation rendered from the Sanskrit, not a published edition
ViP 1 11.51
राजपुत्र यथा विष्णोर् आराधनपरैर् नरैः कार्यम् आराधनं तन् नो यथावच् छ्रोतुम् अर्हसि ॥
rājaputra yathā viṣṇor ārādhanaparair naraiḥ kāryam ārādhanaṃ tan no yathāvac chrotum arhasi //
O prince, how the worship is to be performed by men devoted to the worship of Viṣṇu — that you deserve to hear from us just as it is.
AI translation rendered from the Sanskrit, not a published edition
ViP 1 11.52
बाह्यार्थाद् अखिलाच् चित्तं त्याजयेत् प्रथमं नरः तस्मिन्न् एव जगद्धाम्नि ततः कुर्वीत निश्चलम् ॥
bāhyārthād akhilāc cittaṃ tyājayet prathamaṃ naraḥ tasminn eva jagaddhāmni tataḥ kurvīta niścalam //
First a man should make his mind let go of every external object; then he should make it steady upon that very abode of the world.
AI translation rendered from the Sanskrit, not a published edition
ViP 1 11.53
एवम् एकाग्रचित्तेन तन्मयेन धृतात्मना जप्तव्यं यन् निबोधैतत् तन् नः पार्थिवनन्दन ॥
evam ekāgracittena tanmayena dhṛtātmanā japtavyaṃ yan nibodhaitat tan naḥ pārthivanandana //
Learn from us this, O delight of the king, which is to be muttered thus, with the mind one-pointed, absorbed in him, the self held firm.
AI translation rendered from the Sanskrit, not a published edition
ViP 1 11.54
हिरण्यगर्भपुरुषप्रधानव्यक्तरूपिणे ॐ नमो वासुदेवाय शुद्धज्ञानस्वभाविने ॥
hiraṇyagarbhapuruṣapradhānavyaktarūpiṇe oṃ namo vāsudevāya śuddhajñānasvabhāvine //
Om, homage to Vāsudeva, whose forms are Hiraṇyagarbha, Puruṣa, pradhāna and the manifest, whose own nature is pure knowledge.
AI translation rendered from the Sanskrit, not a published edition
ViP 1 11.55
एतज् जजाप भगवान् जप्यं स्वायम्भुवो मनुः पितामहस् तव पुरा तस्य तुष्टो जनार्दनः ॥
etaj jajāpa bhagavān japyaṃ svāyambhuvo manuḥ pitāmahas tava purā tasya tuṣṭo janārdanaḥ //
This mutterable (formula) the lord Manu Svāyambhuva, your forefather, muttered long ago; Janārdana was pleased with him,
AI translation rendered from the Sanskrit, not a published edition
ViP 1 11.56
ददौ यथाभिलषिताम् ऋद्धिं त्रैलोक्यदुर्लभाम् तथा त्वम् अपि गोविन्दं तोषयैतत् सदा जपन् ॥
dadau yathābhilaṣitām ṛddhiṃ trailokyadurlabhām tathā tvam api govindaṃ toṣayaitat sadā japan //
and gave (him) the prosperity he desired, hard to obtain in the three worlds. So you too, muttering this constantly, please Govinda.
AI translation rendered from the Sanskrit, not a published edition