Vishnu Purana — Amsha 1 — Chapter 1
ViP 1 1.1
पराशरं मुनिवरं कृतपूर्वाह्णिकक्रियम् मैत्रेयः परिपप्रच्छ प्रणिपत्याभिवाद्य च ॥
parāśaraṃ munivaraṃ kṛtapūrvāhṇikakriyam maitreyaḥ paripapraccha praṇipatyābhivādya ca //
Maitreya, having bowed down and greeted him, questioned Parāśara, best of sages, who had performed his morning rites.
AI translation rendered from the Sanskrit, not a published edition
ViP 1 1.2
त्वत्तो हि वेदाध्ययनम् अधीतम् अखिलं गुरो धर्मशास्त्राणि सर्वाणि वेदाङ्गानि यथाक्रमम् ॥
tvatto hi vedādhyayanam adhītam akhilaṃ guro dharmaśāstrāṇi sarvāṇi vedāṅgāni yathākramam //
For from you, teacher, has the whole study of the Veda been learned by me, and all the treatises on dharma, and the auxiliary sciences of the Veda in due order.
AI translation rendered from the Sanskrit, not a published edition
ViP 1 1.3
त्वत्प्रसादान् मुनिश्रेष्ठ माम् अन्ये नाकृतश्रमम् वक्ष्यन्ति सर्वशास्त्रेषु प्रायशो ये ऽपि विद्विषः ॥
tvatprasādān muniśreṣṭha mām anye nākṛtaśramam vakṣyanti sarvaśāstreṣu prāyaśo ye 'pi vidviṣaḥ //
By your grace, best of sages, others — even those who are mostly hostile — will not call me one who has not done his labour in all the scriptures.
AI translation rendered from the Sanskrit, not a published edition
ViP 1 1.4
सो ऽहम् इच्छामि धर्मज्ञ श्रोतुं त्वत्तो यथा जगत् बभूव भूयश् च यथा महाभाग भविष्यति ॥
so 'ham icchāmi dharmajña śrotuṃ tvatto yathā jagat babhūva bhūyaś ca yathā mahābhāga bhaviṣyati //
Such being the case, knower of dharma, I wish to hear from you how the world came to be, and, greatly fortunate one, how it will come to be again.
AI translation rendered from the Sanskrit, not a published edition
ViP 1 1.5
यन्मयं च जगद् ब्रह्मन् यतश् चैतच् चराचरम् लीनम् आसीद् यथा यत्र लयम् एष्यति यत्र च ॥
yanmayaṃ ca jagad brahman yataś caitac carācaram līnam āsīd yathā yatra layam eṣyati yatra ca //
And of what the world consists, brahman, and from what this world of moving and unmoving things (arose), and how and wherein it lay dissolved, and wherein it will go to dissolution.
AI translation rendered from the Sanskrit, not a published edition
ViP 1 1.6
यत्प्रमाणानि भूतानि देवादीनां च संभवम् समुद्रपर्वतानां च संस्थानं च यथा भुवः ॥
yatpramāṇāni bhūtāni devādīnāṃ ca saṃbhavam samudraparvatānāṃ ca saṃsthānaṃ ca yathā bhuvaḥ //
What the measures of the elements are, and the coming into being of the gods and the rest, and the disposition of the oceans and the mountains, and how (the disposition) of the earth is.
AI translation rendered from the Sanskrit, not a published edition
ViP 1 1.7
सूर्यादीनां च संस्थानं प्रमाणं मुनिसत्तम देवादीनां तथा वंशान् मनून् मन्वन्तराणि च ॥
sūryādīnāṃ ca saṃsthānaṃ pramāṇaṃ munisattama devādīnāṃ tathā vaṃśān manūn manvantarāṇi ca //
And the disposition and the measure of the sun and the others, best of sages, and likewise the lineages of the gods and the rest, the Manus and the Manu-periods.
AI translation rendered from the Sanskrit, not a published edition
ViP 1 1.8
कल्पान् कल्पविकल्पांश् च चतुर्युगविकल्पितान् कल्पान्तस्य स्वरूपं च युगधर्मांश् च कृत्स्नशः ॥
kalpān kalpavikalpāṃś ca caturyugavikalpitān kalpāntasya svarūpaṃ ca yugadharmāṃś ca kṛtsnaśaḥ //
The kalpas and the divisions of the kalpas, divided into the four ages, and the nature of the end of a kalpa, and the characteristics of the ages, completely.
AI translation rendered from the Sanskrit, not a published edition
ViP 1 1.9
देवर्षिपार्थिवानां च चरितं यन् महामुने वेदशाखाप्रणयनं यथावद् व्यासकर्तृकम् ॥
devarṣipārthivānāṃ ca caritaṃ yan mahāmune vedaśākhāpraṇayanaṃ yathāvad vyāsakartṛkam //
And the deeds of the gods, the sages and the kings, great sage, and the composing of the branches of the Veda as it truly was, with Vyāsa as its author.
AI translation rendered from the Sanskrit, not a published edition
ViP 1 1.10
धर्मांश् च ब्राह्मणादीनां तथा चाश्रमवासिनाम् श्रोतुम् इच्छाम्य् अहं सर्वं त्वत्तो वासिष्ठनन्दन ॥
dharmāṃś ca brāhmaṇādīnāṃ tathā cāśramavāsinām śrotum icchāmy ahaṃ sarvaṃ tvatto vāsiṣṭhanandana //
And the duties of the brahmins and the rest, and likewise of those living in the (four) stages of life — all this I wish to hear from you, son of Vasiṣṭha's line.
AI translation rendered from the Sanskrit, not a published edition
ViP 1 1.11
ब्रह्मन् प्रसादप्रवणं कुरुष्व मयि मानसम् येनाहम् एतज् जानीयां त्वत्प्रसादान् महामुने ॥
brahman prasādapravaṇaṃ kuruṣva mayi mānasam yenāham etaj jānīyāṃ tvatprasādān mahāmune //
Brahman, make your mind inclined to favour towards me, so that by your grace, great sage, I may come to know this.
AI translation rendered from the Sanskrit, not a published edition
ViP 1 1.12
साधु मैत्रेय धर्मज्ञ स्मारितो ऽस्मि पुरातनम् पितुः पिता मे भगवान् वसिष्ठो यद् उवाच ह ॥
sādhu maitreya dharmajña smārito 'smi purātanam pituḥ pitā me bhagavān vasiṣṭho yad uvāca ha //
Well (asked), Maitreya, knower of dharma; I have been reminded of an ancient matter — what my father's father, the venerable Vasiṣṭha, once said.
AI translation rendered from the Sanskrit, not a published edition
ViP 1 1.13
विश्वामित्रप्रयुक्तेन रक्षसा भक्षितो मया श्रुतस् तातस् ततः क्रोधो मैत्रेयासीन् ममातुलः ॥
viśvāmitraprayuktena rakṣasā bhakṣito mayā śrutas tātas tataḥ krodho maitreyāsīn mamātulaḥ //
I had heard that my father was devoured by a rākṣasa set on by Viśvāmitra; thereupon, Maitreya, my anger was beyond measure.
AI translation rendered from the Sanskrit, not a published edition
ViP 1 1.14
ततो ऽहं रक्षसां सत्रं विनाशाय समारभम् भस्मीकृताश् च शतशस् तस्मिन् सत्रे निशाचराः ॥
tato 'haṃ rakṣasāṃ satraṃ vināśāya samārabham bhasmīkṛtāś ca śataśas tasmin satre niśācarāḥ //
Then I began a sacrifice for the destruction of the rākṣasas, and in that sacrifice the night-walkers were reduced to ashes by hundreds.
AI translation rendered from the Sanskrit, not a published edition
ViP 1 1.15
ततः संक्षीयमाणेषु तेषु रक्षःस्व् अशेषतः माम् उवाच महाभागो वसिष्ठो ऽस्मत्पितामहः ॥
tataḥ saṃkṣīyamāṇeṣu teṣu rakṣaḥsv aśeṣataḥ mām uvāca mahābhāgo vasiṣṭho 'smatpitāmahaḥ //
Then, as those rākṣasas were being wholly destroyed, the greatly fortunate Vasiṣṭha, our grandfather, said to me:
AI translation rendered from the Sanskrit, not a published edition
ViP 1 1.16
अलम् अत्यन्तकोपेन तात मन्युम् इमं जहि राक्षसा नापराध्यन्ते पितुस् ते विहितं तथा ॥
alam atyantakopena tāta manyum imaṃ jahi rākṣasā nāparādhyante pitus te vihitaṃ tathā //
"Enough of this excessive anger, my child; give up this wrath. The rākṣasas commit no offence; what happened to your father was so ordained."
AI translation rendered from the Sanskrit, not a published edition
ViP 1 1.17
मूढानाम् एष भवति क्रोधो ज्ञानवतां कुतः हन्यते तात कः केन यतः स्वकृतभुक् पुमान् ॥
mūḍhānām eṣa bhavati krodho jñānavatāṃ kutaḥ hanyate tāta kaḥ kena yataḥ svakṛtabhuk pumān //
"This anger belongs to the deluded; how should it be in those who possess knowledge? Who, my child, is killed, and by whom, since a man enjoys (the fruit of) what he himself has done?"
AI translation rendered from the Sanskrit, not a published edition
ViP 1 1.18
संचितस्यापि महता वत्स क्लेशेन मानवैः यशसस् तपसश् चैव क्रोधो नाशकरः परः ॥
saṃcitasyāpi mahatā vatsa kleśena mānavaiḥ yaśasas tapasaś caiva krodho nāśakaraḥ paraḥ //
"Of fame and of ascetic power, gathered by men even with great toil, anger is the supreme destroyer, my child."
AI translation rendered from the Sanskrit, not a published edition
ViP 1 1.19
स्वर्गापवर्गव्यासेधकारणं परमर्षयः वर्जयन्ति सदा क्रोधं तात मा तद्वशो भव ॥
svargāpavargavyāsedhakāraṇaṃ paramarṣayaḥ varjayanti sadā krodhaṃ tāta mā tadvaśo bhava //
The supreme sages always shun anger, the cause that blocks (both) heaven and release; my son, do not be subject to it.
AI translation rendered from the Sanskrit, not a published edition
ViP 1 1.20
अलं निशाचरैर् दग्धैर् दीनैर् अनपराधिभिः सत्रं ते विरमत्व् एतत् क्षमासारा हि साधवः ॥
alaṃ niśācarair dagdhair dīnair anaparādhibhiḥ satraṃ te viramatv etat kṣamāsārā hi sādhavaḥ //
Enough of these night-wandering demons burned, wretched and guiltless; let this sacrifice of yours cease, for the good have patience as their essence.
AI translation rendered from the Sanskrit, not a published edition
ViP 1 1.21
एवं तातेन तेनाहम् अनुनीतो महात्मना उपसंहृतवान् सत्रं सद्यस् तद्वाक्यगौरवात् ॥
evaṃ tātena tenāham anunīto mahātmanā upasaṃhṛtavān satraṃ sadyas tadvākyagauravāt //
Thus entreated by that great-souled father (of mine), out of respect for his words I at once withdrew the sacrifice.
AI translation rendered from the Sanskrit, not a published edition
ViP 1 1.22
ततः प्रीतः स भगवान् वसिष्ठो मुनिसत्तमः संप्राप्तश् च तदा तत्र पुलस्त्यो ब्रह्मणः सुतः ॥
tataḥ prītaḥ sa bhagavān vasiṣṭho munisattamaḥ saṃprāptaś ca tadā tatra pulastyo brahmaṇaḥ sutaḥ //
Then that blessed Vasiṣṭha, best of sages, was pleased; and then Pulastya, the son of Brahmā, arrived there.
AI translation rendered from the Sanskrit, not a published edition
ViP 1 1.23
पितामहेन दत्तार्घ्यः कृतासनपरिग्रहः माम् उवाच महाभागो मैत्रेय पुलहाग्रजः ॥
pitāmahena dattārghyaḥ kṛtāsanaparigrahaḥ mām uvāca mahābhāgo maitreya pulahāgrajaḥ //
Offered water by my grandfather and having accepted a seat, the greatly fortunate elder brother of Pulaha spoke to me, Maitreya:
AI translation rendered from the Sanskrit, not a published edition
ViP 1 1.24
वैरे महति यद् वाक्याद् गुरोर् अस्याश्रिता क्षमा त्वया तस्मात् समस्तानि भवाञ् छास्त्राणि वेत्स्यति ॥
vaire mahati yad vākyād guror asyāśritā kṣamā tvayā tasmāt samastāni bhavāñ chāstrāṇi vetsyati //
"Since in a great enmity you took to patience at the word of this teacher, therefore you, sir, shall come to know all the scriptures.
AI translation rendered from the Sanskrit, not a published edition
ViP 1 1.25
संततेर् न ममोच्छेदः क्रुद्धेनापि यतः कृतः त्वया तस्मान् महाभाग ददाम्य् अन्यं महावरम् ॥
saṃtater na mamocchedaḥ kruddhenāpi yataḥ kṛtaḥ tvayā tasmān mahābhāga dadāmy anyaṃ mahāvaram //
"Since, even when angered, you did not bring about the destruction of my line, therefore, greatly fortunate one, I grant (you) another great boon.
AI translation rendered from the Sanskrit, not a published edition
ViP 1 1.26
पुराणसंहिताकर्ता भवान् वत्स भविष्यति देवतापारमार्थ्यं च यथावद् वेत्स्यते भवान् ॥
purāṇasaṃhitākartā bhavān vatsa bhaviṣyati devatāpāramārthyaṃ ca yathāvad vetsyate bhavān //
"You, my child, shall become the maker of a Purāṇa-collection, and you shall know rightly the ultimate truth about the gods.
AI translation rendered from the Sanskrit, not a published edition
ViP 1 1.27
प्रवृत्ते च निवृत्ते च कर्मण्य् अस्तमला मतिः मत्प्रसादाद् असंदिग्धा तव वत्स भविष्यति ॥
pravṛtte ca nivṛtte ca karmaṇy astamalā matiḥ matprasādād asaṃdigdhā tava vatsa bhaviṣyati //
"And by my favour, your mind shall be free of stain and free of doubt regarding both active and withdrawn (i.e. ritual and renunciant) action, my child."
AI translation rendered from the Sanskrit, not a published edition
ViP 1 1.28
ततश् च भगवान् प्राह वसिष्ठो मे पितामहः पुलस्त्येन यद् उक्तं ते सर्वम् एतद् भविष्यति ॥
tataś ca bhagavān prāha vasiṣṭho me pitāmahaḥ pulastyena yad uktaṃ te sarvam etad bhaviṣyati //
And then the blessed Vasiṣṭha, my grandfather, said: "All this that has been said to you by Pulastya shall come to pass."
AI translation rendered from the Sanskrit, not a published edition
ViP 1 1.29
इति पूर्वं वसिष्ठेन पुलस्त्येन च धीमता यद् उक्तं तत् स्मृतिं यातं त्वत्प्रश्नाद् अखिलं मम ॥
iti pūrvaṃ vasiṣṭhena pulastyena ca dhīmatā yad uktaṃ tat smṛtiṃ yātaṃ tvatpraśnād akhilaṃ mama //
Thus all that was formerly said by Vasiṣṭha and by wise Pulastya has come back to my memory through your question.
AI translation rendered from the Sanskrit, not a published edition
ViP 1 1.30
सो ऽहं वदाम्य् अशेषं ते मैत्रेय परिपृच्छते पुराणसंहितां सम्यक् तां निबोध यथातथम् ॥
so 'haṃ vadāmy aśeṣaṃ te maitreya paripṛcchate purāṇasaṃhitāṃ samyak tāṃ nibodha yathātatham //
So I tell you in full, Maitreya, since you ask: hear that Purāṇa-collection rightly, just as it is.
AI translation rendered from the Sanskrit, not a published edition
ViP 1 1.31
विष्णोः सकाशाद् उद्भूतं जगत् तत्रैव च स्थितम् स्थितिसंयमकर्तासौ जगतो ऽस्य जगच् च सः ॥
viṣṇoḥ sakāśād udbhūtaṃ jagat tatraiva ca sthitam sthitisaṃyamakartāsau jagato 'sya jagac ca saḥ //
From Viṣṇu's presence the world has arisen, and in him it abides; he is the maker of the world's continuance and of its restraint (dissolution), and he is the world.
AI translation rendered from the Sanskrit, not a published edition