Vayu Purana — Uttarardha — Chapter 50

VaP 2 50.1

।।सनत्कुमार उवाच।। यज्ञञ्चक्रे गयो राजा बह्वन्नं बहुदक्षिणम्। यत्र द्रव्यसमूहानां संख्या कर्त्तुं न शक्यते

||sanatkumāra uvāca|| yajñañcakre gayo rājā bahvannaṃ bahudakṣiṇam| yatra dravyasamūhānāṃ saṃkhyā karttuṃ na śakyate

Sanatkumāra said: King Gaya performed a sacrifice with abundant food and abundant priestly fees, in which the quantity of the heaps of goods could not be counted.

AI translation rendered from the Sanskrit, not a published edition

VaP 2 50.2

स्थिता गयायामन्नादिपर्व्वताः पञ्चविंशतिः। प्रशंसन्ति द्विजास्तत्र देशे देशे सुपूजिताः

sthitā gayāyāmannādiparvvatāḥ pañcaviṃśatiḥ| praśaṃsanti dvijāstatra deśe deśe supūjitāḥ

There stand at Gayā twenty-five mountains of food and other things; the twice-born, well honoured, praise (it) there in country after country.

AI translation rendered from the Sanskrit, not a published edition

VaP 2 50.3

नैव पूर्व्वं केप्यकुर्व्वन्न करिष्यन्ति चापरे। सिकता वा यथा लोके यथा च दिवि तारकाः

naiva pūrvvaṃ kepyakurvvanna kariṣyanti cāpare| sikatā vā yathā loke yathā ca divi tārakāḥ

No others did (such a thing) before, nor will others do it. As the sands in the world, and as the stars in heaven,

AI translation rendered from the Sanskrit, not a published edition

VaP 2 50.4

तथा बहुसुवर्णाद्यैरसङ्ख्यातास्तु दक्षिणाः । नैवेह पूर्वे ये केचिन्न करिष्यन्ति चापरे

tathā bahusuvarṇādyairasaṅkhyātāstu dakṣiṇāḥ | naiveha pūrve ye kecinna kariṣyanti cāpare

so were the priestly fees, uncountable, with much gold and the rest. Neither any who were before here, nor others hereafter, will do (the like).

AI translation rendered from the Sanskrit, not a published edition

VaP 2 50.5

प्रशंसन्ति द्विजास्तृप्ता देशे देशे सुपूजिताः। गयं विष्ण्वादयस्तुष्टा वरं ब्रूहीति चाब्रुवन्

praśaṃsanti dvijāstṛptā deśe deśe supūjitāḥ| gayaṃ viṣṇvādayastuṣṭā varaṃ brūhīti cābruvan

The twice-born, satisfied and well honoured, praise (him) in country after country; and Viṣṇu and the others, pleased, said to Gaya, "Ask a boon."

AI translation rendered from the Sanskrit, not a published edition

VaP 2 50.6

गयस्तान्प्रार्थयामास ह्यभिशप्ताश्च चे पुरा। ब्रह्मणा ते द्विजाः पूता भवन्तु क्रतुपूजिताः

gayastānprārthayāmāsa hyabhiśaptāśca ce purā| brahmaṇā te dvijāḥ pūtā bhavantu kratupūjitāḥ

Gaya made this request of them: "Let those twice-born who were formerly cursed by Brahmā be purified, honoured by (this) sacrifice."

AI translation rendered from the Sanskrit, not a published edition

VaP 2 50.7

गयाश्राद्धविधानाय द्विजा मूर्त्ताश्चदुर्द्दश। तेषां वाक्यं प्रकुर्व्वीत यदि ब्रह्मा स्वयं भवेत्

gayāśrāddhavidhānāya dvijā mūrttāścadurddaśa| teṣāṃ vākyaṃ prakurvvīta yadi brahmā svayaṃ bhavet

For the ordinance of the śrāddha at Gayā the twice-born are fourteen embodied (forms); one should carry out their word even if Brahmā himself should be (present).

AI translation rendered from the Sanskrit, not a published edition — the model flagged this verse as uncertain

VaP 2 50.8

गौतमं काश्यपं कौत्सं कौशिकं कण्वमेव च। भारद्वाजं ह्यौशनसं वात्स्यं पाराशरं तथा

gautamaṃ kāśyapaṃ kautsaṃ kauśikaṃ kaṇvameva ca| bhāradvājaṃ hyauśanasaṃ vātsyaṃ pārāśaraṃ tathā

Gautama, Kāśyapa, Kautsa, Kauśika, and Kaṇva, Bhāradvāja, Auśanasa, Vātsya, and likewise Pārāśara,

AI translation rendered from the Sanskrit, not a published edition

VaP 2 50.9

हरित्कुमारमाण्डव्यं लोकाक्षिं लोकसंमहत्। वासिष्ठञ्च तथात्रेयं गोत्राण्येषां चतुर्द्दश

haritkumāramāṇḍavyaṃ lokākṣiṃ lokasaṃmahat| vāsiṣṭhañca tathātreyaṃ gotrāṇyeṣāṃ caturddaśa

Haritkumāra, Māṇḍavya, Lokākṣi, Lokasaṃmahat(?), Vāsiṣṭha and likewise Ātreya — these are their fourteen gotras.

AI translation rendered from the Sanskrit, not a published edition — the model flagged this verse as uncertain

VaP 2 50.10

गयापुरीति मन्नाम्ना ख्याता ब्रह्म पुरी यथा। एवमस्तु वरं दत्त्वा तथा चान्तर्दधुः सुराः

gayāpurīti mannāmnā khyātā brahma purī yathā| evamastu varaṃ dattvā tathā cāntardadhuḥ surāḥ

"It shall be famed by my name as Gayāpurī, just as (there is) Brahmapurī." Having granted the boon with the words "So be it," the gods thereupon vanished.

AI translation rendered from the Sanskrit, not a published edition

VaP 2 50.11

गयश्च भोगान्सम्भुज्य विष्णुलोकं परं ययौ। विशालायां विशालोऽभूद्राजाऽपुत्रो ऽब्रवीद्द्विजान्

gayaśca bhogānsambhujya viṣṇulokaṃ paraṃ yayau| viśālāyāṃ viśālo'bhūdrājā'putro 'bravīddvijān

And Gaya, having fully enjoyed pleasures, went to the supreme world of Viṣṇu. In Viśālā there was a king Viśāla; being sonless, he spoke to the brahmins.

AI translation rendered from the Sanskrit, not a published edition

VaP 2 50.12

कथं पुत्रादयो मे स्युर्विशालं चाब्रुवन्द्विजाः। गयायां पिण्डदानेन तव सर्व्वं भविष्यति

kathaṃ putrādayo me syurviśālaṃ cābruvandvijāḥ| gayāyāṃ piṇḍadānena tava sarvvaṃ bhaviṣyati

"How may sons and the rest be mine?" And the brahmins said to Viśāla: "By the giving of a piṇḍa at Gayā everything will be yours."

AI translation rendered from the Sanskrit, not a published edition

VaP 2 50.13

विशालोऽपि गयाशीर्ष पिण्डदः पुत्रवानभूत्। दृष्ट्वाकाशे सितं रक्तं कृष्णं पुरुषमब्रवीत्

viśālo'pi gayāśīrṣa piṇḍadaḥ putravānabhūt| dṛṣṭvākāśe sitaṃ raktaṃ kṛṣṇaṃ puruṣamabravīt

And Viśāla, having given the piṇḍa at Gayāśīrṣa, came to have a son. Seeing in the sky a white, a red, and a black man, he spoke (to them).

AI translation rendered from the Sanskrit, not a published edition

VaP 2 50.14

के यूयं तेषु चैवैकः सितः प्रोचे विशालकम्। अहं सितस्ते जनक इन्द्रलोकादिहागतः

ke yūyaṃ teṣu caivaikaḥ sitaḥ proce viśālakam| ahaṃ sitaste janaka indralokādihāgataḥ

"Who are you?" And among them one, the white one, said to Viśāla: "I am the white one, your father, come here from the world of Indra.

AI translation rendered from the Sanskrit, not a published edition

VaP 2 50.15

मम पुत्र पिता रक्तो ब्रह्महा पापकृत्तमः । अयं पितामहः कृष्ण ऋषयो येन घातिताः

mama putra pitā rakto brahmahā pāpakṛttamaḥ | ayaṃ pitāmahaḥ kṛṣṇa ṛṣayo yena ghātitāḥ

My son, my father is the red one, a brahmin-slayer, most evil in deeds; this black one is (my) grandfather, by whom sages were slain.

AI translation rendered from the Sanskrit, not a published edition

VaP 2 50.16

अवीचिनरकं प्राप्तौ मुक्तौ त्वत्पिण्डदानतः। पितॄन्पितामहांश्चैव तथैव प्रपितामहान्

avīcinarakaṃ prāptau muktau tvatpiṇḍadānataḥ| pitṝnpitāmahāṃścaiva tathaiva prapitāmahān

The two (of them) had reached the Avīci hell, (and now are) released by your giving of the piṇḍa — (you honoured) fathers, grandfathers, and likewise great-grandfathers,

AI translation rendered from the Sanskrit, not a published edition

VaP 2 50.17

प्रीणयामीति यत्तोयं त्वया दत्तमरिन्दम। तेनास्मद्युगपद्योगो जातो वाक्येन सत्तम

prīṇayāmīti yattoyaṃ tvayā dattamarindama| tenāsmadyugapadyogo jāto vākyena sattama

— for the water which was given by you, O subduer of foes, with the words "I gratify (them)": by that utterance our simultaneous meeting has come about, O best one.

AI translation rendered from the Sanskrit, not a published edition

VaP 2 50.18

मुक्तिः कृता त्वया पुत्र व्रजामः स्वर्गमुत्तमम्। एवं पुत्रैः पितॄणां च कर्तव्या मुक्तिरुत्तमा

muktiḥ kṛtā tvayā putra vrajāmaḥ svargamuttamam| evaṃ putraiḥ pitṝṇāṃ ca kartavyā muktiruttamā

Release has been effected by you, son; we go to the highest heaven. Thus by sons the supreme release of the fathers is to be brought about.

AI translation rendered from the Sanskrit, not a published edition

VaP 2 50.19

त्वञ्च राज्यं चिरं कृत्वा भुक्त्वा भोगांश्च दुर्ल्लभान्। यज्ञान्सदक्षिणान्कृत्वा यायाद्विष्णुपुरं ततः

tvañca rājyaṃ ciraṃ kṛtvā bhuktvā bhogāṃśca durllabhān| yajñānsadakṣiṇānkṛtvā yāyādviṣṇupuraṃ tataḥ

And you, having ruled the kingdom long and enjoyed pleasures hard to obtain, having performed sacrifices with their (proper) gifts, may then go to the city of Viṣṇu."

AI translation rendered from the Sanskrit, not a published edition

VaP 2 50.20

एवं लब्धवरो राजा राज्यं कृत्वा दिवंगतः। प्रेतराजः सह प्रेतैर्गयाश्राद्धाद्दिवं गतः

evaṃ labdhavaro rājā rājyaṃ kṛtvā divaṃgataḥ| pretarājaḥ saha pretairgayāśrāddhāddivaṃ gataḥ

Thus the king, having received the boon, ruled the kingdom and went to heaven. The king of the pretas, together with the pretas, went to heaven through a śrāddha at Gayā.

AI translation rendered from the Sanskrit, not a published edition

VaP 2 50.21

प्रेतः कश्चिद्विमुक्त्यर्थं वणिजं कञ्चिदब्रवीत्। मम नाम्ना गयाशीर्षे पिण्डनिर्व्वापणं कुरु

pretaḥ kaścidvimuktyarthaṃ vaṇijaṃ kañcidabravīt| mama nāmnā gayāśīrṣe piṇḍanirvvāpaṇaṃ kuru

A certain preta, for the sake of his release, said to a certain merchant: "In my name perform the offering of the piṇḍa at Gayāśīrṣa.

AI translation rendered from the Sanskrit, not a published edition

VaP 2 50.22

प्रेतभावविमुक्त्यर्थं त्वं गृहाण धनं मम। तद्वनं सर्व्वमादाय गयाश्राद्धव्ययं कुरु

pretabhāvavimuktyarthaṃ tvaṃ gṛhāṇa dhanaṃ mama| tadvanaṃ sarvvamādāya gayāśrāddhavyayaṃ kuru

To free (me) from the preta state, take my wealth; taking all of that (wealth), make the expenditure for the śrāddha at Gayā.

AI translation rendered from the Sanskrit, not a published edition

VaP 2 50.23

षोडशपञ्चभागांश्च तुभ्यं वै दत्तवानहम्। स्वनामानि यथान्यायं सम्यगाख्यातवानहम्

ṣoḍaśapañcabhāgāṃśca tubhyaṃ vai dattavānaham| svanāmāni yathānyāyaṃ samyagākhyātavānaham

And I have given you sixteen and five shares; I have properly declared my own names in due order."

AI translation rendered from the Sanskrit, not a published edition — the model flagged this verse as uncertain

VaP 2 50.24

गत्वा गयां गयाशीर्ष प्रेतराजाय पिण्डकम्। समदाद्बन्धुभिः सार्द्धं स्वपितृभ्यस्ततो ददौ

gatvā gayāṃ gayāśīrṣa pretarājāya piṇḍakam| samadādbandhubhiḥ sārddhaṃ svapitṛbhyastato dadau

Having gone to Gayā, at Gayāśīrṣa he offered the piṇḍa to the king of the pretas, together with his kinsmen, and then gave (piṇḍas) to his own fathers.

AI translation rendered from the Sanskrit, not a published edition

VaP 2 50.25

प्रेतः प्रेतत्वनिर्म्मुक्तो वणिक् स्वगृहमागतः । एवं गयस्य शम्भोश्च क्षेत्रं विष्णो रवेस्तथा

pretaḥ pretatvanirmmukto vaṇik svagṛhamāgataḥ | evaṃ gayasya śambhośca kṣetraṃ viṣṇo ravestathā

The preta was freed from the preta state, and the merchant returned to his own house. Thus (this) field is Gaya's and Śambhu's, and Viṣṇu's and the Sun's.

AI translation rendered from the Sanskrit, not a published edition

VaP 2 50.26

उपोषितोऽथ गायत्रीतीर्थे महानदीस्थिते। गायत्र्याः पुरतः स्नात्वा प्रातःसन्ध्यामुपासयेत्

upoṣito'tha gāyatrītīrthe mahānadīsthite| gāyatryāḥ purataḥ snātvā prātaḥsandhyāmupāsayet

Then, having fasted at the Gāyatrī tīrtha situated on the great river, having bathed before Gāyatrī, one should perform the morning sandhyā worship.

AI translation rendered from the Sanskrit, not a published edition

VaP 2 50.27

श्राद्धं सपिण्डकं कृत्वानयेद्ब्रह्मण्यतां कुलम्। तीर्थे समुदिते स्नात्वा सावित्र्याः पुरतो नरः

śrāddhaṃ sapiṇḍakaṃ kṛtvānayedbrahmaṇyatāṃ kulam| tīrthe samudite snātvā sāvitryāḥ purato naraḥ

Having performed the śrāddha with piṇḍas, he would bring his family to the state of brahminhood. Having bathed at the tīrtha when the sun has risen, a man, before Sāvitrī,

AI translation rendered from the Sanskrit, not a published edition

VaP 2 50.28

सन्ध्यामुपास्य मध्याह्ने नयेत्कुलशतन्दिवम्। पिण्डदानं ततः कुर्य्यात्पितॄणां मुक्तिकाम्यया

sandhyāmupāsya madhyāhne nayetkulaśatandivam| piṇḍadānaṃ tataḥ kuryyātpitṝṇāṃ muktikāmyayā

having worshipped the sandhyā at midday, would lead a hundred generations to heaven; then he should make the giving of piṇḍas out of desire for the release of the fathers.

AI translation rendered from the Sanskrit, not a published edition

VaP 2 50.29

प्राचीसरस्वतीतीर्थे स्नात्वा चापि यथाविधि। सन्ध्यामुपास्य सायाह्ने विष्णुलोकं नयेत्पितॄन्

prācīsarasvatītīrthe snātvā cāpi yathāvidhi| sandhyāmupāsya sāyāhne viṣṇulokaṃ nayetpitṝn

And having bathed according to rule at the tīrtha of the eastward Sarasvatī, worshipping the sandhyā in the evening, he would lead the fathers to Viṣṇu's world.

AI translation rendered from the Sanskrit, not a published edition

VaP 2 50.30

बहुजन्मकृतात्सन्ध्यालोपान्मुक्तस्त्रिसन्ध्य कृत्। विशालायां लेलिहाने तीर्थे च भरताश्रमे

bahujanmakṛtātsandhyālopānmuktastrisandhya kṛt| viśālāyāṃ lelihāne tīrthe ca bharatāśrame

One who performs the three daily twilight rites is freed from the neglect of the sandhyā committed in many births. At Viśālā, at Lelihāna, and at the sacred ford at Bharata's hermitage,

AI translation rendered from the Sanskrit, not a published edition

VaP 2 50.31

पादाङ्किते मुण्डपृष्ठे गदाधरसमीपतः। तीर्थे चाकाशगङ्गायां गिरिकर्णमुखेषु च

pādāṅkite muṇḍapṛṣṭhe gadādharasamīpataḥ| tīrthe cākāśagaṅgāyāṃ girikarṇamukheṣu ca

at Pādāṅkita, at Muṇḍapṛṣṭha, near Gadādhara, and at the ford at Ākāśagaṅgā, and at the mouths of Girikarṇa —

AI translation rendered from the Sanskrit, not a published edition

VaP 2 50.32

स्नातोऽथ पिण्डदो ब्रह्मलोकं कुलशतं नयेत्। देवनद्यां वैतरण्यां स्नातः स्वर्गं नयेत्पितॄन्

snāto'tha piṇḍado brahmalokaṃ kulaśataṃ nayet| devanadyāṃ vaitaraṇyāṃ snātaḥ svargaṃ nayetpitṝn

having bathed (there) and offered the piṇḍas, one may lead a hundred generations of his line to the world of Brahmā; bathing in the Devanadī, in the Vaitaraṇī, he leads the fathers to heaven.

AI translation rendered from the Sanskrit, not a published edition

VaP 2 50.33

स्नातो गोदो वैतरण्यां त्रिःसप्तकुलमुद्धरेत्। सत्यं सत्यं पुनः सत्यं वैतरण्यां तु नारद

snāto godo vaitaraṇyāṃ triḥsaptakulamuddharet| satyaṃ satyaṃ punaḥ satyaṃ vaitaraṇyāṃ tu nārada

One who has bathed in the Vaitaraṇī and given a cow rescues thrice seven generations. It is true, true, and again true, Nārada, that in the Vaitaraṇī

AI translation rendered from the Sanskrit, not a published edition

VaP 2 50.34

एकविंशतिकुलान्याहुस्तारयेन्नात्र संशयः। या सा वैतरणी नाम नदी त्रैलोक्यविश्रुता

ekaviṃśatikulānyāhustārayennātra saṃśayaḥ| yā sā vaitaraṇī nāma nadī trailokyaviśrutā

he delivers twenty-one generations, so they say — of this there is no doubt. That river named Vaitaraṇī, renowned in the three worlds,

AI translation rendered from the Sanskrit, not a published edition

VaP 2 50.35

सावतीर्णा गयाक्षेत्रे पितॄणां तरणाय वै। गोदावर्य्यां वैतरण्यां यमुनायां तथैव च

sāvatīrṇā gayākṣetre pitṝṇāṃ taraṇāya vai| godāvaryyāṃ vaitaraṇyāṃ yamunāyāṃ tathaiva ca

has descended into the field of Gayā for the crossing over of the fathers. In the Godāvarī, in the Vaitaraṇī, and likewise in the Yamunā,

AI translation rendered from the Sanskrit, not a published edition

VaP 2 50.36

देवनद्यां गोप्रचारे श्राद्धदः स्वर्नयेत्पितॄन्। पुष्करिण्यां घृतकुल्यां मधुकुल्यां तथैव च

devanadyāṃ gopracāre śrāddhadaḥ svarnayetpitṝn| puṣkariṇyāṃ ghṛtakulyāṃ madhukulyāṃ tathaiva ca

in the Devanadī, at Gopracāra, one who gives the śrāddha leads the fathers to heaven; at Puṣkariṇī, at Ghṛtakulyā, and likewise at Madhukulyā,

AI translation rendered from the Sanskrit, not a published edition

VaP 2 50.37

कोटितीर्थे रुक्मिणीये पिण्डदः स्वर्नयेत्पितॄन्। त्रिरात्रोपोषणेनैव तीर्थाभिगमनेन च

koṭitīrthe rukmiṇīye piṇḍadaḥ svarnayetpitṝn| trirātropoṣaṇenaiva tīrthābhigamanena ca

at Koṭitīrtha, at Rukmiṇīya, the giver of piṇḍas leads the fathers to heaven — by fasting for three nights and by visiting the sacred fords.

AI translation rendered from the Sanskrit, not a published edition

VaP 2 50.38

अदत्त्वा काञ्चनङ्गाश्च दरिद्रो जायते नरः। घृतकुल्या मधुकुल्या देविका च महानदी

adattvā kāñcanaṅgāśca daridro jāyate naraḥ| ghṛtakulyā madhukulyā devikā ca mahānadī

But without giving gold, a man is born poor. Ghṛtakulyā, Madhukulyā, and Devikā the great river —

AI translation rendered from the Sanskrit, not a published edition

VaP 2 50.39

शिलायाः सङ्गमो यत्र मधुस्रवा प्रकीर्तिता। अयुतं चाश्वमेधानां स्नानकृल्लभते नरः

śilāyāḥ saṅgamo yatra madhusravā prakīrtitā| ayutaṃ cāśvamedhānāṃ snānakṛllabhate naraḥ

where there is the confluence with the Rock, (the stream) is called Madhusravā; a man who bathes there obtains ten thousand horse-sacrifices.

AI translation rendered from the Sanskrit, not a published edition

VaP 2 50.40

श्राद्धं सपिण्डकं कृत्वा पिण्डदानं तथैव च। कुलानां शतमुद्धृत्य विष्णुलोकं नयेन्नरः

śrāddhaṃ sapiṇḍakaṃ kṛtvā piṇḍadānaṃ tathaiva ca| kulānāṃ śatamuddhṛtya viṣṇulokaṃ nayennaraḥ

Having performed the śrāddha with piṇḍas, and likewise the giving of piṇḍas, a man, having raised up a hundred generations of his line, leads (them) to the world of Viṣṇu.

AI translation rendered from the Sanskrit, not a published edition

VaP 2 50.41

दशाश्च मेधिके हंसतीर्थे चामरकङ्कटे। कोटितीर्थे रुक्मकुण्डे पिण्डदः स्वर्नयेत्पितॄन्

daśāśca medhike haṃsatīrthe cāmarakaṅkaṭe| koṭitīrthe rukmakuṇḍe piṇḍadaḥ svarnayetpitṝn

At Daśāśvamedhika, at Haṃsatīrtha, at Amarakaṅkaṭa, at Koṭitīrtha, at Rukmakuṇḍa, the giver of piṇḍas leads the fathers to heaven.

AI translation rendered from the Sanskrit, not a published edition — the model flagged this verse as uncertain

VaP 2 50.42

वैतरण्यां घृतकुल्यां मधुकुल्यां तथैव च। कोटितीर्थे नरः स्नात्वा दृष्ट्वा कोटीश्वरञ्च यः

vaitaraṇyāṃ ghṛtakulyāṃ madhukulyāṃ tathaiva ca| koṭitīrthe naraḥ snātvā dṛṣṭvā koṭīśvarañca yaḥ

In the Vaitaraṇī, in the Ghṛtakulyā, and likewise in the Madhukulyā — and the man who bathes at Koṭitīrtha and sees Koṭīśvara,

AI translation rendered from the Sanskrit, not a published edition

VaP 2 50.43

कोटिजन्म भवेद्विप्रो धनाढ्यो वेदपारगः । मार्कण्डेयेशकोचीशौ नत्वा स्यात्पितृतारकः

koṭijanma bhavedvipro dhanāḍhyo vedapāragaḥ | mārkaṇḍeyeśakocīśau natvā syātpitṛtārakaḥ

he becomes for a crore of births a brahmin, rich in wealth, one who has mastered the Vedas; and by bowing to Mārkaṇḍeyeśa and Kocīśa he becomes a deliverer of the fathers.

AI translation rendered from the Sanskrit, not a published edition

VaP 2 50.44

रुक्म पारिजातवने पार्व्वत्या सह शङ्करः। रहस्ये संस्थितो रेमे युगानामयुतं पुरा

rukma pārijātavane pārvvatyā saha śaṅkaraḥ| rahasye saṃsthito reme yugānāmayutaṃ purā

Formerly, in the golden Pārijāta grove, Śaṅkara, staying in a secret place together with Pārvatī, took his pleasure for ten thousand ages.

AI translation rendered from the Sanskrit, not a published edition

VaP 2 50.45

मरीचिः फलपुष्पार्थं पारिजातवनं गतः। दृष्ट्वा शप्तो महेशेन यस्मात्सुखविघातकः

marīciḥ phalapuṣpārthaṃ pārijātavanaṃ gataḥ| dṛṣṭvā śapto maheśena yasmātsukhavighātakaḥ

Marīci went to the Pārijāta grove for fruits and flowers; having been seen, he was cursed by Maheśa: "Since you are a spoiler of (my) pleasure,

AI translation rendered from the Sanskrit, not a published edition

VaP 2 50.46

दुःखी भवेति तद्भीतो मरिचिस्तुष्टुवे शिवम्। तुष्टः प्रोवाच तं शम्भुर्वृणीष्व वरमुत्तमम्

duḥkhī bhaveti tadbhīto maricistuṣṭuve śivam| tuṣṭaḥ provāca taṃ śambhurvṛṇīṣva varamuttamam

become miserable!" Frightened by that, Marīci praised Śiva. Pleased, Śambhu said to him: "Choose an excellent boon."

AI translation rendered from the Sanskrit, not a published edition

VaP 2 50.47

शापाद् भवतु मुक्तिर्म्मे मरीचिः प्राह शङ्करम्। भवेद्गयायां मुक्तिस्ते शिवोक्तः प्रययौ गयाम्

śāpād bhavatu muktirmme marīciḥ prāha śaṅkaram| bhavedgayāyāṃ muktiste śivoktaḥ prayayau gayām

"Let there be release for me from the curse," Marīci said to Śaṅkara. "Your release will come about at Gayā" — so told by Śiva, he went to Gayā.

AI translation rendered from the Sanskrit, not a published edition

VaP 2 50.48

शिलास्थितस्तपस्तेपे सर्व्वेषां दुष्करञ्च यत्। मरीचिरीश्वराच्छप्तः कृष्णत्वमगमत्पुरा

śilāsthitastapastepe sarvveṣāṃ duṣkarañca yat| marīcirīśvarācchaptaḥ kṛṣṇatvamagamatpurā

Established on the rock, he practised the austerity that is hardest of all. Marīci, cursed by the Lord, had formerly become black.

AI translation rendered from the Sanskrit, not a published edition

VaP 2 50.49

तपसा दारुणेनेह स विप्रः शुक्लतां गतः । हरिरूचे मरीचिञ्च वरं वृणुहि पुत्रक

tapasā dāruṇeneha sa vipraḥ śuklatāṃ gataḥ | harirūce marīciñca varaṃ vṛṇuhi putraka

By the terrible austerity here that brahmin attained whiteness. Hari said to Marīci: "Choose a boon, my son.

AI translation rendered from the Sanskrit, not a published edition

VaP 2 50.50

किमलभ्यं त्वयि तुष्टे मरीचिः प्राह माधवम्। हरशापाद्विमुक्तोऽहं शिला भवतु पावनी

kimalabhyaṃ tvayi tuṣṭe marīciḥ prāha mādhavam| haraśāpādvimukto'haṃ śilā bhavatu pāvanī

"What is unattainable when you (are) pleased with me?" — Marīci said to Mādhava: "I am released from Hara's curse; let the rock (that I became) be purifying,

AI translation rendered from the Sanskrit, not a published edition — the model flagged this verse as uncertain

VaP 2 50.51

पितृमुक्तिकरी च स्यात्तथेत्युक्त्वा दिवं गतः। दिवौकसां पुष्करिणीं समासाद्य नरः शुचिः

pitṛmuktikarī ca syāttathetyuktvā divaṃ gataḥ| divaukasāṃ puṣkariṇīṃ samāsādya naraḥ śuciḥ

and let it bring release for the fathers." Having said "So be it," (Hari) went to heaven. A man, purified, having reached the lotus-pond of the dwellers in heaven —

AI translation rendered from the Sanskrit, not a published edition

VaP 2 50.52

यत्र दत्तं पितृभ्यस्तु भवत्यक्षयमित्युत। तत्र स्नातो दिवं याति स्वशरीरेण मानवः

yatra dattaṃ pitṛbhyastu bhavatyakṣayamityuta| tatra snāto divaṃ yāti svaśarīreṇa mānavaḥ

where whatever is given to the fathers becomes imperishable, indeed — having bathed there, a man goes to heaven with his own body.

AI translation rendered from the Sanskrit, not a published edition

VaP 2 50.53

पाप्मानं प्रजहात्येष जीर्णत्वचमिवोरगः। तत्पङ्गजवनं पुण्यं पुण्यकृद्भिर्निषेवितम्

pāpmānaṃ prajahātyeṣa jīrṇatvacamivoragaḥ| tatpaṅgajavanaṃ puṇyaṃ puṇyakṛdbhirniṣevitam

He casts off his evil as a snake casts off its worn-out skin. That lotus-grove is holy, frequented by doers of merit.

AI translation rendered from the Sanskrit, not a published edition

VaP 2 50.54

पाण्डुशिला वै तत्रास्ते श्राद्धं यत्राक्षयं भवेत्। युधिष्ठिरस्तु तस्यां हि श्राद्धं कर्त्तुं ययौ मुने

pāṇḍuśilā vai tatrāste śrāddhaṃ yatrākṣayaṃ bhavet| yudhiṣṭhirastu tasyāṃ hi śrāddhaṃ karttuṃ yayau mune

There stands the Pāṇḍu rock, where the śrāddha becomes imperishable; and Yudhiṣṭhira went to perform the śrāddha upon it, O sage.

AI translation rendered from the Sanskrit, not a published edition

VaP 2 50.55

तत्र काले पाण्डुनोक्तं मद्धस्ते देहि पिण्डकम्। हस्तं त्यक्त्वा शिलायाञ्च पिण्डदानञ्चकार सः

tatra kāle pāṇḍunoktaṃ maddhaste dehi piṇḍakam| hastaṃ tyaktvā śilāyāñca piṇḍadānañcakāra saḥ

There, at the (proper) time, Pāṇḍu said: "Place the piṇḍa in my hand." But leaving the hand aside, he made the piṇḍa-offering on the rock.

AI translation rendered from the Sanskrit, not a published edition

VaP 2 50.56

शिलायां पिण्डदानेन प्रहृष्टो व्यासनन्दनः। वरं ददौ स्वपुत्राय राज्यं कुरु महीतले

śilāyāṃ piṇḍadānena prahṛṣṭo vyāsanandanaḥ| varaṃ dadau svaputrāya rājyaṃ kuru mahītale

Delighted at the piṇḍa-offering on the rock, the son of Vyāsa gave a boon to his own son: "Rule the kingdom on the face of the earth,

AI translation rendered from the Sanskrit, not a published edition

VaP 2 50.57

अकण्टकन्तु सम्पूर्णं त्वं मे त्राता हि पुत्रक। स्वर्गं व्रज शरीरेण भ्रातृभिः परिवारितः

akaṇṭakantu sampūrṇaṃ tvaṃ me trātā hi putraka| svargaṃ vraja śarīreṇa bhrātṛbhiḥ parivāritaḥ

complete and free of thorns; for you, my son, are my rescuer. Go to heaven in your body, surrounded by your brothers.

AI translation rendered from the Sanskrit, not a published edition

VaP 2 50.58

दृष्टिमात्रेण सम्पूतान्नरकस्थान्दिवं नय। इत्युक्त्वा प्रययौ पाण्डुः शाश्वतं पदमव्ययम्

dṛṣṭimātreṇa sampūtānnarakasthāndivaṃ naya| ityuktvā prayayau pāṇḍuḥ śāśvataṃ padamavyayam

Lead to heaven those in hell, purified by your mere glance." Having said this, Pāṇḍu went to the eternal, imperishable state.

AI translation rendered from the Sanskrit, not a published edition

VaP 2 50.59

उद्भिज्जाः स्वेदजा वापि ह्यण्डजा ये जरायुजाः। मधुस्रवां समासाद्य मृताः स्वर्गपुरं ययुः

udbhijjāḥ svedajā vāpi hyaṇḍajā ye jarāyujāḥ| madhusravāṃ samāsādya mṛtāḥ svargapuraṃ yayuḥ

Those born from sprouts, or born of sweat, born from eggs, born from the womb — having reached the Madhusravā, at death they went to the city of heaven.

AI translation rendered from the Sanskrit, not a published edition

VaP 2 50.60

दशाश्वमेधिके हंसतीर्थे श्राद्धाद्दिवं व्रजेत्। दशाश्वमेधहंसौ च नत्वा शिवपुरं व्रजेत्

daśāśvamedhike haṃsatīrthe śrāddhāddivaṃ vrajet| daśāśvamedhahaṃsau ca natvā śivapuraṃ vrajet

By a śrāddha at the Daśāśvamedhika and at the Haṃsa tīrtha one goes to heaven; and having bowed to Daśāśvamedha and Haṃsa, one goes to Śiva's city.

AI translation rendered from the Sanskrit, not a published edition

VaP 2 50.61

भरतस्याश्रमे श्राद्धान्नयेद्ब्रह्मालयं पितॄन्। मतङ्गस्य पदे श्राद्धी ब्रह्मलोकं नयेत्पितॄन्

bharatasyāśrame śrāddhānnayedbrahmālayaṃ pitṝn| mataṅgasya pade śrāddhī brahmalokaṃ nayetpitṝn

By a śrāddha at Bharata's hermitage one may lead the fathers to Brahmā's abode; one who performs a śrāddha at Mataṅga's place may lead the fathers to the world of Brahmā.

AI translation rendered from the Sanskrit, not a published edition

VaP 2 50.62

निर्म्मथ्याग्निं शमीगर्भे विधिर्विष्ण्वादिभिः सह। लेभे तीर्थन्तु यज्ञार्थं त्रिषु लोकेषु विश्रुतम्

nirmmathyāgniṃ śamīgarbhe vidhirviṣṇvādibhiḥ saha| lebhe tīrthantu yajñārthaṃ triṣu lokeṣu viśrutam

Churning out fire in the heart of the śamī wood, Vidhi (Brahmā), together with Viṣṇu and the others, obtained, for the sake of the sacrifice, a tīrtha renowned in the three worlds.

AI translation rendered from the Sanskrit, not a published edition

VaP 2 50.63

मखसंज्ञन्तु तत्तीर्थं पितॄणां मुक्ति दायकम्। स्नात्वा च तर्पणं कृत्वा पिण्डदो मुक्तिमाप्नुयात्

makhasaṃjñantu tattīrthaṃ pitṝṇāṃ mukti dāyakam| snātvā ca tarpaṇaṃ kṛtvā piṇḍado muktimāpnuyāt

That tīrtha, called Makha, is a giver of release to the fathers; having bathed and made the water-offering, one who gives the piṇḍa would attain release.

AI translation rendered from the Sanskrit, not a published edition

VaP 2 50.64

पितॄन्स्वर्गं नयेन्नत्वा सङ्गमेऽङ्गारकेश्वरौ। गयाकूटे पिण्डदानादश्वमेधफलं लभेत्

pitṝnsvargaṃ nayennatvā saṅgame'ṅgārakeśvarau| gayākūṭe piṇḍadānādaśvamedhaphalaṃ labhet

Having bowed to Aṅgāraka and Īśvara at the confluence, one may lead the fathers to heaven; from the piṇḍa-offering at Gayākūṭa one obtains the fruit of a horse-sacrifice.

AI translation rendered from the Sanskrit, not a published edition — the model flagged this verse as uncertain

VaP 2 50.65

भस्मकूटे भस्मनाथं नत्वा च तारयेत्पितॄन् । त्यक्तपापो भवेन्मुक्तः सङ्गमे स्नानमाचरेत्

bhasmakūṭe bhasmanāthaṃ natvā ca tārayetpitṝn | tyaktapāpo bhavenmuktaḥ saṅgame snānamācaret

At Bhasmakūṭa, having bowed to Bhasmanātha, one may carry the fathers across; with sins abandoned one becomes released — one should perform the bath at the confluence.

AI translation rendered from the Sanskrit, not a published edition

VaP 2 50.66

इष्टिं चक्रेऽश्वमेधाख्यं वसिष्ठो मुनिसत्तमः। इष्टितो निर्गतः शम्भुर्वरं वृणु वसिष्ठकम्

iṣṭiṃ cakre'śvamedhākhyaṃ vasiṣṭho munisattamaḥ| iṣṭito nirgataḥ śambhurvaraṃ vṛṇu vasiṣṭhakam

Vasiṣṭha, best of sages, performed the rite called Aśvamedha; pleased by the rite, Śambhu came forth: "Choose a boon, Vasiṣṭha."

AI translation rendered from the Sanskrit, not a published edition

VaP 2 50.67

प्राहेति तं वसिष्ठोऽपि शिव तुष्ठोऽसि मे यदि। वस्तव्यं चात्र देवेश तथेत्युक्त्वा शिवः स्थितः

prāheti taṃ vasiṣṭho'pi śiva tuṣṭho'si me yadi| vastavyaṃ cātra deveśa tathetyuktvā śivaḥ sthitaḥ

So he spoke to him, and Vasiṣṭha too (said): "Śiva, if you are pleased with me, then, lord of gods, you must dwell here." Saying "So be it," Śiva remained.

AI translation rendered from the Sanskrit, not a published edition

VaP 2 50.68

पिण्डदो धेनुकारण्ये कामधेनुपदेषु च। स्नात्वा नत्वाथ सम्पूज्य ब्रह्मलोकं नयेत्पितॄन्

piṇḍado dhenukāraṇye kāmadhenupadeṣu ca| snātvā natvātha sampūjya brahmalokaṃ nayetpitṝn

One who gives the piṇḍa in the Dhenuka forest and at the sites of Kāmadhenu — having bathed, bowed, and duly worshipped — may lead the fathers to the world of Brahmā.

AI translation rendered from the Sanskrit, not a published edition

VaP 2 50.69

कर्द्दमाले गयानाभौ मुण्डपृष्ठसमीपतः। स्नात्वा श्राद्धादिकं कृत्वा पितॄणामनृणो भवेत्

karddamāle gayānābhau muṇḍapṛṣṭhasamīpataḥ| snātvā śrāddhādikaṃ kṛtvā pitṝṇāmanṛṇo bhavet

At Karddamāla, at Gayānābhi, near Muṇḍapṛṣṭha, having bathed and performed the śrāddha and the rest, one becomes free of debt to the fathers.

AI translation rendered from the Sanskrit, not a published edition

VaP 2 50.70

फल्गुचण्डीश्मशानाक्षीमङ्गलाद्याः समर्च्चयेत्। गयायाञ्च वृषोत्सर्गात्रिः सप्तकुलमुद्धरेत्

phalgucaṇḍīśmaśānākṣīmaṅgalādyāḥ samarccayet| gayāyāñca vṛṣotsargātriḥ saptakulamuddharet

He should duly worship Phalgu, Caṇḍī, Śmaśānākṣī, Maṅgalā and the rest; and at Gayā, by the release of a bull, he redeems thrice seven generations.

AI translation rendered from the Sanskrit, not a published edition

VaP 2 50.71

यत्र तत्र स्थिता देवा ऋषयोऽपि जितेन्द्रियाः । आद्यं गदाधरं ध्यायञ्छ्राद्धपिण्डादिदानतः

yatra tatra sthitā devā ṛṣayo'pi jitendriyāḥ | ādyaṃ gadādharaṃ dhyāyañchrāddhapiṇḍādidānataḥ

The gods who abide here and there, and the sages too, of conquered senses (are present there); meditating on the primal Gadādhara, by giving śrāddha, piṇḍas and the rest,

AI translation rendered from the Sanskrit, not a published edition — the model flagged this verse as uncertain

VaP 2 50.72

कुलानां शतमुद्धृत्य ब्रह्मलोकं नयेत् पितॄन्। गया गयो गया दित्यो गायत्री च गदाधरः

kulānāṃ śatamuddhṛtya brahmalokaṃ nayet pitṝn| gayā gayo gayā dityo gāyatrī ca gadādharaḥ

having raised up a hundred lineages, he leads the forefathers to the world of Brahmā. Gayā, Gaya, Gayāditya, Gāyatrī, and Gadādhara—

AI translation rendered from the Sanskrit, not a published edition — the model flagged this verse as uncertain

VaP 2 50.73

गया गयासुरश्चैव षङ्गया मुक्तिदायकाः। गयाख्यानमिदं पुण्यं यः पठेत्सततं नरः

gayā gayāsuraścaiva ṣaṅgayā muktidāyakāḥ| gayākhyānamidaṃ puṇyaṃ yaḥ paṭhetsatataṃ naraḥ

Gayā and Gayāsura too: (these) six Gayās are givers of liberation. Whatever man constantly recites this meritorious Gayā narrative,

AI translation rendered from the Sanskrit, not a published edition

VaP 2 50.74

श्रृणुयाच्छ्रद्धया यस्तु स याति परमां गतिम्। पाठयेद्वा गयाख्यानं विप्रेभ्यः पुण्यकृन्नरः

śrṛṇuyācchraddhayā yastu sa yāti paramāṃ gatim| pāṭhayedvā gayākhyānaṃ viprebhyaḥ puṇyakṛnnaraḥ

and whoever hears it with faith, he goes to the highest goal; or the merit-making man may have the Gayā narrative recited for brahmins.

AI translation rendered from the Sanskrit, not a published edition

VaP 2 50.75

गयाश्राद्धं कृतं तेन कृतं तेन सुनिश्चितम्। गयाया महिमानञ्च ह्यभ्यसेद्यः समाहितः

gayāśrāddhaṃ kṛtaṃ tena kṛtaṃ tena suniścitam| gayāyā mahimānañca hyabhyasedyaḥ samāhitaḥ

By him the Gayā śrāddha has been performed—performed, most assuredly. And whoever, with collected mind, studies the greatness of Gayā,

AI translation rendered from the Sanskrit, not a published edition

VaP 2 50.76

तेनेष्टं राजसूयेन अश्वमेधेन नारद। लिखेद्वा लेखयेद्वापि पूजयेद्वापि पुस्तकम्

teneṣṭaṃ rājasūyena aśvamedhena nārada| likhedvā lekhayedvāpi pūjayedvāpi pustakam

by him sacrifice has been made with the Rājasūya and with the Aśvamedha, O Nārada. Or he may write, or have (another) write, or worship the book:

AI translation rendered from the Sanskrit, not a published edition

VaP 2 50.77

तस्य गेहे स्थिरा लक्ष्मीः सुप्रसन्ना भविष्यति। उपाख्यानमिदं पुण्यं गृहे तिष्ठति पुस्तकम्

tasya gehe sthirā lakṣmīḥ suprasannā bhaviṣyati| upākhyānamidaṃ puṇyaṃ gṛhe tiṣṭhati pustakam

in his house Lakṣmī will be steady and well-pleased. (Where) this holy narrative-book stands in a house,

AI translation rendered from the Sanskrit, not a published edition

VaP 2 50.78

सर्पाग्निचौरजनितं भयं तत्र न विद्यते। श्राद्धकाले पठेद्यस्तु गयामाहात्म्यमुत्तमम्

sarpāgnicaurajanitaṃ bhayaṃ tatra na vidyate| śrāddhakāle paṭhedyastu gayāmāhātmyamuttamam

there no fear arising from snakes, fire, or thieves exists. And whoever recites the supreme Glorification of Gayā at the time of a śrāddha—

AI translation rendered from the Sanskrit, not a published edition

VaP 2 50.79

विधिहीनन्तु तत्सर्वं पितॄणान्तु गयासमम्। यानि तीर्थानि त्रैलोक्ये तानि दृष्टानि तत्र वै। येन ज्ञातं गयाख्यानं श्रुतं वा पठितं मुने

vidhihīnantu tatsarvaṃ pitṝṇāntu gayāsamam| yāni tīrthāni trailokye tāni dṛṣṭāni tatra vai| yena jñātaṃ gayākhyānaṃ śrutaṃ vā paṭhitaṃ mune

even if all that (rite) lacks the prescribed procedure, for the forefathers it is equal to Gayā. Whatever holy places there are in the three worlds, they have indeed been seen there by him who has understood the Gayā narrative, or heard it, or recited it, O sage.

AI translation rendered from the Sanskrit, not a published edition — the model flagged this verse as uncertain

VaP 2 50.80

।।सूत उवाच।। सनत्कुमारो मुनिपुङ्गवाय पुण्यां कथाञ्चाथ निवेद्य भक्त्या। स्वमाश्रमं पुण्यवनैरुपेतं विसृज्य संगीतगुरुं जगाम

||sūta uvāca|| sanatkumāro munipuṅgavāya puṇyāṃ kathāñcātha nivedya bhaktyā| svamāśramaṃ puṇyavanairupetaṃ visṛjya saṃgītaguruṃ jagāma

Sūta said: Sanatkumāra, having with devotion imparted the holy story to that bull among sages, then took leave of him and went to his own hermitage, set about with holy groves—(he) whose teaching is (thus) celebrated in song.

AI translation rendered from the Sanskrit, not a published edition — the model flagged this verse as uncertain