Vayu Purana — Uttarardha — Chapter 45
VaP 2 45.1
।।नारद उवाच।। कथं शिला समुत्पन्ना ययाक्रान्तो गयासुरः । किं रूपं किं च माहात्म्यं तस्याः किं वद नाम च
||nārada uvāca|| kathaṃ śilā samutpannā yayākrānto gayāsuraḥ | kiṃ rūpaṃ kiṃ ca māhātmyaṃ tasyāḥ kiṃ vada nāma ca
Nārada said: How did the rock arise by which Gayāsura was pressed down? What is its form, and what its greatness? Tell also what its name is.
AI translation rendered from the Sanskrit, not a published edition
VaP 2 45.2
।.सनत्कुमार उवाच।। आसीद्धर्म्मो महातेजाः सर्व्वविज्ञानपारगः। विश्वरुपा च तत्पत्नी भर्त्तृव्रतपरायणा
|.sanatkumāra uvāca|| āsīddharmmo mahātejāḥ sarvvavijñānapāragaḥ| viśvarupā ca tatpatnī bharttṛvrataparāyaṇā
Sanatkumāra said: There was Dharma, of great splendour, who had mastered all knowledge; and his wife was Viśvarūpā, devoted to the vow (of service) to her husband.
AI translation rendered from the Sanskrit, not a published edition
VaP 2 45.3
तस्यां धर्म्मव्रतायास्तु कन्या धर्म्मव्रता सती। सर्व्व लक्षणसम्पन्ना लक्ष्मीरिव गुणाधिका
tasyāṃ dharmmavratāyāstu kanyā dharmmavratā satī| sarvva lakṣaṇasampannā lakṣmīriva guṇādhikā
By her, devoted to dharma, there was a daughter, the virtuous Dharmavratā, endowed with all auspicious marks, abounding in virtues like Lakṣmī.
AI translation rendered from the Sanskrit, not a published edition
VaP 2 45.4
तस्यां ये तु गुणा ह्यासंस्ते तिष्ठन्ति जगत्र्त्रये। धर्म्मो धर्म्मव्रतायास्तु त्रिषु लोकेषु मार्गयन्
tasyāṃ ye tu guṇā hyāsaṃste tiṣṭhanti jagatrtraye| dharmmo dharmmavratāyāstu triṣu lokeṣu mārgayan
The virtues that were in her—they stand (unequalled) in the three worlds. Dharma, searching through the three worlds for Dharmavratā,
AI translation rendered from the Sanskrit, not a published edition — the model flagged this verse as uncertain
VaP 2 45.5
नानु रूपं वरं लेभे धर्म्मोऽथ वरसिद्धये। तपः कुरु वरार्थं त्वं तथेत्युक्त्वा वनं ययौ
nānu rūpaṃ varaṃ lebhe dharmmo'tha varasiddhaye| tapaḥ kuru varārthaṃ tvaṃ tathetyuktvā vanaṃ yayau
did not indeed obtain a suitable bridegroom. Then Dharma (said), "For the attainment of a husband, do you practise austerity for the sake of a bridegroom." Saying "So be it," she went to the forest.
AI translation rendered from the Sanskrit, not a published edition — the model flagged this verse as uncertain
VaP 2 45.6
कन्या सा च तपस्तेपे सर्व्वेषां दुष्करञ्च यत्। वायुभक्षा श्वेतकल्पे युगानामयुतं पुरा
kanyā sā ca tapastepe sarvveṣāṃ duṣkarañca yat| vāyubhakṣā śvetakalpe yugānāmayutaṃ purā
And that maiden practised austerity, such as was hard for all to do: feeding on air, in the Śveta kalpa, for ten thousand ages of old.
AI translation rendered from the Sanskrit, not a published edition
VaP 2 45.7
ब्रह्मणो मानसः पुत्रो मरीचिर्नाम विश्रुतः । पर्य्यटन्पृथिवीं सर्व्वां कन्यारत्नं ददर्श सः
brahmaṇo mānasaḥ putro marīcirnāma viśrutaḥ | paryyaṭanpṛthivīṃ sarvvāṃ kanyāratnaṃ dadarśa saḥ
Brahmā's mind-born son, renowned by the name Marīci, roaming over the whole earth, saw that jewel of a maiden.
AI translation rendered from the Sanskrit, not a published edition
VaP 2 45.8
रूपयौवनसम्पन्नां परमे तपसि स्थिताम्। पप्रच्छाथ मरीचिस्तां का त्वं कस्यापि तद्वद
rūpayauvanasampannāṃ parame tapasi sthitām| papracchātha marīcistāṃ kā tvaṃ kasyāpi tadvada
(He saw her) endowed with beauty and youth, established in the highest austerity; then Marīci asked her: "Who are you, and whose? Tell that."
AI translation rendered from the Sanskrit, not a published edition
VaP 2 45.9
रूपेणानेन मां भीरु विमोहयसि सुव्रते । ब्रह्मात्मजोऽहं विख्यातो मरीचिर्व्वेदपारगः
rūpeṇānena māṃ bhīru vimohayasi suvrate | brahmātmajo'haṃ vikhyāto marīcirvvedapāragaḥ
"With this beauty you bewilder me, timid one, O you of good vows. I am Brahmā's own son, the renowned Marīci, who has gone to the far shore of the Vedas."
AI translation rendered from the Sanskrit, not a published edition
VaP 2 45.10
मरीचेर्व्वचनं श्रुत्वा कन्या प्रोवाच तं मुनिम्। अहं धर्म्मव्रता नाम धर्म्मपुत्री तपोऽन्विता
marīcervvacanaṃ śrutvā kanyā provāca taṃ munim| ahaṃ dharmmavratā nāma dharmmaputrī tapo'nvitā
Hearing Marīci's words, the maiden said to that sage: "I am named Dharmavratā, Dharma's daughter, engaged in austerity."
AI translation rendered from the Sanskrit, not a published edition
VaP 2 45.11
पतिव्रतार्थं विप्रेन्द्र चरामि परमं तपः। धर्म्मव्रतां मरीचिस्तामुवाच प्रीतिपूर्व्व्कम्
pativratārthaṃ viprendra carāmi paramaṃ tapaḥ| dharmmavratāṃ marīcistāmuvāca prītipūrvvkam
"For the sake of (becoming) a devoted wife, O best of brahmins, I practise the highest austerity." Marīci said to that Dharmavratā affectionately:
AI translation rendered from the Sanskrit, not a published edition
VaP 2 45.12
पतिव्रता दर्शनान्मे भविष्यसि शुभव्रते। पतिव्रतेच्छया पृथ्वीं विचरामि ह्यहर्निशम्
pativratā darśanānme bhaviṣyasi śubhavrate| pativratecchayā pṛthvīṃ vicarāmi hyaharniśam
"By the sight of me you will become a devoted wife, O you of auspicious vows; for out of a desire for a devoted wife I roam the earth day and night."
AI translation rendered from the Sanskrit, not a published edition
VaP 2 45.13
त्वञ्चेत्पतिव्रता जाता भजे त्वां भज मां वरम्। लोके न त्वादृशी कन्या मम तुल्यो न ते वरः
tvañcetpativratā jātā bhaje tvāṃ bhaja māṃ varam| loke na tvādṛśī kanyā mama tulyo na te varaḥ
"If you have become a devoted wife, I will take you (as wife); take me as husband. In the world there is no maiden like you, and no husband equal to me for you."
AI translation rendered from the Sanskrit, not a published edition
VaP 2 45.14
धर्म्मव्रते धर्म्मपत्नी तस्मात्त्वं भव मेऽधुना। धर्म्मव्रता मुनिं प्राह धर्म्मं याचय सुव्रत
dharmmavrate dharmmapatnī tasmāttvaṃ bhava me'dhunā| dharmmavratā muniṃ prāha dharmmaṃ yācaya suvrata
"Therefore, Dharmavratā, become now my lawful wife." Dharmavratā said to the sage: "Ask Dharma, O you of good vows."
AI translation rendered from the Sanskrit, not a published edition
VaP 2 45.15
तच्छ्रुत्वा धर्म्ममगमन्मुनिं धर्मो ददर्श ह। तेजःपुञ्जं वरं नत्वा आसनार्घ्यादिनार्च्चयत्
tacchrutvā dharmmamagamanmuniṃ dharmo dadarśa ha| tejaḥpuñjaṃ varaṃ natvā āsanārghyādinārccayat
Hearing that, the sage went to Dharma; Dharma indeed saw (him). Bowing to that excellent mass of splendour, he honoured (him) with a seat, water for guest-offering, and so on.
AI translation rendered from the Sanskrit, not a published edition
VaP 2 45.16
किमर्तमागतः पृष्टो मरीचिर्धर्म्ममब्रवीत्। कन्यार्थं भ्रमता पृथ्वी दृष्टा ते कन्यका वरा । मह्यं कन्याञ्च तां देहि श्रेयस्तव भविष्यति
kimartamāgataḥ pṛṣṭo marīcirdharmmamabravīt| kanyārthaṃ bhramatā pṛthvī dṛṣṭā te kanyakā varā | mahyaṃ kanyāñca tāṃ dehi śreyastava bhaviṣyati
Asked "For what purpose have you come?", Marīci said to Dharma: "By me, wandering the earth for the sake of a maiden, your excellent daughter has been seen. Give me that girl; it will be for your welfare."
AI translation rendered from the Sanskrit, not a published edition
VaP 2 45.17
अर्घ्यादिना समभ्यर्च्य धर्म्मं प्रोचे तथेति तम्। धर्म्मव्रतां समानीय दत्तवांस्तां मरीचये
arghyādinā samabhyarcya dharmmaṃ proce tatheti tam| dharmmavratāṃ samānīya dattavāṃstāṃ marīcaye
Having duly honoured (him) with guest-water and the rest, he said to Dharma, "So be it"; and bringing Dharmavratā, he gave her to Marīci.
AI translation rendered from the Sanskrit, not a published edition
VaP 2 45.18
वरं च दत्तवांस्तस्मै तद्वाक्यं यत्तथा कृतम्। अग्निहोत्रेण सहितां स्वाश्रमं तां द्विजोऽनयत्
varaṃ ca dattavāṃstasmai tadvākyaṃ yattathā kṛtam| agnihotreṇa sahitāṃ svāśramaṃ tāṃ dvijo'nayat
And he gave him a boon: that his word which (was spoken) was thus fulfilled. Together with the sacrificial fire the brahmin led her to his own hermitage.
AI translation rendered from the Sanskrit, not a published edition — the model flagged this verse as uncertain
VaP 2 45.19
रेमे मुनिस्तया सार्द्धं यथा विष्णुः श्रिया सह। पार्व्वत्या च यथा शम्भुः सरस्वत्या यथा ह्यजः
reme munistayā sārddhaṃ yathā viṣṇuḥ śriyā saha| pārvvatyā ca yathā śambhuḥ sarasvatyā yathā hyajaḥ
The sage took pleasure with her, as Viṣṇu with Śrī, and as Śambhu with Pārvatī, and as the Unborn (Brahmā) with Sarasvatī.
AI translation rendered from the Sanskrit, not a published edition
VaP 2 45.20
जज्ञे पुत्रशतं तस्यां मरीचेर्विष्णुनोपमम्। मरीचिः फलपुष्पार्थं वनं गत्वा समागतः
jajñe putraśataṃ tasyāṃ marīcerviṣṇunopamam| marīciḥ phalapuṣpārthaṃ vanaṃ gatvā samāgataḥ
A hundred sons, like Viṣṇu (in splendour), were born to Marīci in her. Marīci went to the forest for fruits and flowers and returned.
AI translation rendered from the Sanskrit, not a published edition
VaP 2 45.21
श्रान्तः कदाचित्तां पत्नीमुवाचेति पतिव्रताम्। भुक्त्वा तु शयनस्थस्य पादसंवाहनं कुरु
śrāntaḥ kadācittāṃ patnīmuvāceti pativratām| bhuktvā tu śayanasthasya pādasaṃvāhanaṃ kuru
Once, tired, he said thus to that devoted wife: "When I have eaten and am lying on the bed, rub my feet."
AI translation rendered from the Sanskrit, not a published edition
VaP 2 45.22
धर्म्मव्रता तथेत्युक्त्वा शयनस्थस्य सा मुनेः। पादसंवाहनं चक्रे घृते नाभ्यज्य तत्परा
dharmmavratā tathetyuktvā śayanasthasya sā muneḥ| pādasaṃvāhanaṃ cakre ghṛte nābhyajya tatparā
Dharmavratā, saying "So be it," rubbed the feet of the sage as he lay on the bed, anointing them with ghee, devoted to that (task).
AI translation rendered from the Sanskrit, not a published edition
VaP 2 45.23
निद्रायमाणेऽथ मुनौ ब्रह्मा तं देशमागतः। इत्येष दृष्ट्वा ब्रह्माणं मनसार्च्चयितुं प्रभुम्
nidrāyamāṇe'tha munau brahmā taṃ deśamāgataḥ| ityeṣa dṛṣṭvā brahmāṇaṃ manasārccayituṃ prabhum
Then, while the sage was sleeping, Brahmā came to that place. Seeing Brahmā, she (thought) to honour the Lord in her mind:
AI translation rendered from the Sanskrit, not a published edition
VaP 2 45.24
पादसंवाहनं कुर्य्यां किं पूज्योऽयं जगद्गुरुः। इत्याकुला समुत्तस्थौ मत्वा सा तं गुरोर्गुरुम्
pādasaṃvāhanaṃ kuryyāṃ kiṃ pūjyo'yaṃ jagadguruḥ| ityākulā samuttasthau matvā sā taṃ gurorgurum
"Should I go on rubbing the feet, or is this world-teacher to be worshipped?" Thus agitated, she rose up, considering him the teacher of (her) teacher.
AI translation rendered from the Sanskrit, not a published edition
VaP 2 45.25
अर्घ्यपाद्यादिकं दत्त्वा ब्रह्माणं समपूजयत्। सत्कृतायान्तु शय्यायां विश्राममकरोदजः
arghyapādyādikaṃ dattvā brahmāṇaṃ samapūjayat| satkṛtāyāntu śayyāyāṃ viśrāmamakarodajaḥ
Giving guest-water, water for the feet and the rest, she worshipped Brahmā; and the Unborn one, being honoured, took his rest upon the bed.
AI translation rendered from the Sanskrit, not a published edition
VaP 2 45.26
एतस्मिन्नन्तरे भर्त्ता समुत्तस्थौ च तल्पतः। धर्म्मव्रतामपश्यन्स विप्रः क्रुद्धः शशाप ताम्
etasminnantare bharttā samuttasthau ca talpataḥ| dharmmavratāmapaśyansa vipraḥ kruddhaḥ śaśāpa tām
Meanwhile the husband too rose up from the couch; not seeing Dharmavratā, that brahmin, angered, cursed her:
AI translation rendered from the Sanskrit, not a published edition
VaP 2 45.27
पादसंवाहनं त्यक्त्वायस्मादाज्ञां विहाय मे । गतान्यत्र ततः पापाच्छापदग्धा शिला भव
pādasaṃvāhanaṃ tyaktvāyasmādājñāṃ vihāya me | gatānyatra tataḥ pāpācchāpadagdhā śilā bhava
"Since, abandoning the rubbing of the feet and disregarding my command, you went elsewhere, therefore, O wicked one, burnt by the curse, become a stone!"
AI translation rendered from the Sanskrit, not a published edition
VaP 2 45.28
भर्त्रा धर्म्मव्रता शप्ता मरीचिं प्राह सा रुषा। शयाने त्वयि संप्राप्ते ब्रह्मा त्वज्जनको गुरुः
bhartrā dharmmavratā śaptā marīciṃ prāha sā ruṣā| śayāne tvayi saṃprāpte brahmā tvajjanako guruḥ
Cursed by her husband, Dharmavratā said to Marīci in anger: "When Brahmā, your father and guru, arrived while you lay asleep,
AI translation rendered from the Sanskrit, not a published edition
VaP 2 45.29
त्वयोत्थाय हि कर्त्तव्यं स्वगुरोः पूजनं सदा। मया तु धर्म्मचारिण्या तव कार्य्ये कृते मुने
tvayotthāya hi karttavyaṃ svaguroḥ pūjanaṃ sadā| mayā tu dharmmacāriṇyā tava kāryye kṛte mune
you ought to have risen and always paid honour to your own guru; but since I, who follow dharma, was engaged in your service, O sage,
AI translation rendered from the Sanskrit, not a published edition
VaP 2 45.30
अदोषाहं यतः शप्ता तस्माच्छापं ददामि ते। त्वञ्च शापं महादेवाद्भर्त्तः प्राप्स्यस्यसंशयम्
adoṣāhaṃ yataḥ śaptā tasmācchāpaṃ dadāmi te| tvañca śāpaṃ mahādevādbharttaḥ prāpsyasyasaṃśayam
since I, though blameless, have been cursed, therefore I give you a curse: you too, husband, shall receive a curse from Mahādeva, without doubt."
AI translation rendered from the Sanskrit, not a published edition
VaP 2 45.31
व्याकुलं तं पतिं दृष्ट्वा व्याकुलागात्प्रजापतिम्। नत्वा शयानं ब्रह्माणमग्निं प्रज्वाल्य चेन्धनैः
vyākulaṃ taṃ patiṃ dṛṣṭvā vyākulāgātprajāpatim| natvā śayānaṃ brahmāṇamagniṃ prajvālya cendhanaiḥ
Seeing her husband distraught, she went distraught to Prajāpati; and having bowed to Brahmā, who was asleep, and kindled the fire with fuel,
AI translation rendered from the Sanskrit, not a published edition
VaP 2 45.32
गार्हपत्ये स्थिता चक्रे तपः परमदुष्करम्। तथा शप्तो मरीचिश्च तपस्तेपे सुदारुणम्
gārhapatye sthitā cakre tapaḥ paramaduṣkaram| tathā śapto marīciśca tapastepe sudāruṇam
standing in the householder's fire she performed extremely arduous austerity; and Marīci, thus cursed, also practised most terrible austerity.
AI translation rendered from the Sanskrit, not a published edition
VaP 2 45.33
पतिव्रतायास्तपसा मरीचेस्तपसा यथा। इन्द्रादयश्च सन्तप्ता गतास्ते शरणं हरिम्
pativratāyāstapasā marīcestapasā yathā| indrādayaśca santaptā gatāste śaraṇaṃ harim
By the austerity of the devoted wife, as by the austerity of Marīci, Indra and the others too were scorched, and they went to Hari for refuge.
AI translation rendered from the Sanskrit, not a published edition
VaP 2 45.34
ऊचुः क्षीराम्बूदौ सुप्तं सन्तप्तास्तपसा हरे। पतिव्रतायाश्च मुनेस्त्रैलोक्यं रक्ष केशव
ūcuḥ kṣīrāmbūdau suptaṃ santaptāstapasā hare| pativratāyāśca munestrailokyaṃ rakṣa keśava
They spoke to (him) who slept upon the ocean of milk: "We are scorched, O Hari, by the austerity of the devoted wife and of the sage; protect the three worlds, O Keśava."
AI translation rendered from the Sanskrit, not a published edition
VaP 2 45.35
इन्द्रादीनां वचः श्रुत्वा विष्णुर्धर्म्मव्रतां ययौ। एतस्मिन्नेव काले तु प्रबुद्धो भगवानजः। ऊचुर्धर्म्मर्वतां देवा अग्निस्थां तां सकेशवाः
indrādīnāṃ vacaḥ śrutvā viṣṇurdharmmavratāṃ yayau| etasminneva kāle tu prabuddho bhagavānajaḥ| ūcurdharmmarvatāṃ devā agnisthāṃ tāṃ sakeśavāḥ
Hearing the words of Indra and the others, Viṣṇu went to Dharmavratā; and at that very time the lord, the Unborn, awoke. The gods, together with Keśava, said to Dharmavratā, who stood in the fire:
AI translation rendered from the Sanskrit, not a published edition
VaP 2 45.36
अग्निमध्ये तपः कर्त्तुं कस्य शक्तिः पतिव्रते। त्वया कृतं तत्परमं सर्व्वलोकभयङ्करम्
agnimadhye tapaḥ karttuṃ kasya śaktiḥ pativrate| tvayā kṛtaṃ tatparamaṃ sarvvalokabhayaṅkaram
"Who has the power to perform austerity in the midst of fire, O faithful wife? That supreme (deed) done by you terrifies all the worlds.
AI translation rendered from the Sanskrit, not a published edition
VaP 2 45.37
वरं वरय धर्म्मज्ञे अस्मत्तो यदभीप्सितम्। विष्ण्वादीनां वचः श्रुत्वा देवान्धर्म्मव्रताब्रवीत्
varaṃ varaya dharmmajñe asmatto yadabhīpsitam| viṣṇvādīnāṃ vacaḥ śrutvā devāndharmmavratābravīt
Choose a boon from us, O knower of dharma, whatever is desired." Hearing the words of Viṣṇu and the others, Dharmavratā said to the gods:
AI translation rendered from the Sanskrit, not a published edition
VaP 2 45.38
भर्तृशापमशक्ताहं निवर्त्तयितुमोजसा। दत्तो मरीचिना शापो मह्यं स ह्यपगच्छतु
bhartṛśāpamaśaktāhaṃ nivarttayitumojasā| datto marīcinā śāpo mahyaṃ sa hyapagacchatu
"I am not able by (my own) strength to turn back my husband's curse; let that curse which was given to me by Marīci depart."
AI translation rendered from the Sanskrit, not a published edition
VaP 2 45.39
धर्म्मव्रतावचः श्रुत्वा प्रोचुरेतां सुराः पुनः । धर्म्मव्रते धर्म्मपुत्रि शापोऽयं परमर्षिणा
dharmmavratāvacaḥ śrutvā procuretāṃ surāḥ punaḥ | dharmmavrate dharmmaputri śāpo'yaṃ paramarṣiṇā
Hearing Dharmavratā's words, the gods spoke to her again: "O Dharmavratā, daughter of Dharma, this curse (given) by the supreme sage
AI translation rendered from the Sanskrit, not a published edition
VaP 2 45.40
दत्तस्ते न निराकर्त्तुं शक्यो देवद्विजातिभिः। तस्मादन्यं वरं ब्रूहि यतो धर्म्मस्य संस्थितिः
dattaste na nirākarttuṃ śakyo devadvijātibhiḥ| tasmādanyaṃ varaṃ brūhi yato dharmmasya saṃsthitiḥ
and laid upon you cannot be annulled by gods or by the twice-born; therefore ask another boon, by which there may be the firm establishment of dharma
AI translation rendered from the Sanskrit, not a published edition
VaP 2 45.41
भवेद्वै त्रिषु लोकेषु वेदोक्तस्य शुभव्रते। देवानां वचनं श्रुत्वा देवान्धर्म्मव्रताब्रवीत्
bhavedvai triṣu lokeṣu vedoktasya śubhavrate| devānāṃ vacanaṃ śrutvā devāndharmmavratābravīt
in the three worlds, of what is declared in the Veda, O you of auspicious vows." Hearing the speech of the gods, Dharmavratā said to the gods:
AI translation rendered from the Sanskrit, not a published edition
VaP 2 45.42
भर्त्तुः शापान्मोचयितुं न शक्ताश्च यदामराः। मह्यं वरं प्रयच्छध्वमेवंविधमनुत्तमम्
bharttuḥ śāpānmocayituṃ na śaktāśca yadāmarāḥ| mahyaṃ varaṃ prayacchadhvamevaṃvidhamanuttamam
"Since the immortals are unable to release (me) from my husband's curse, grant me an unsurpassed boon of this kind:
AI translation rendered from the Sanskrit, not a published edition
VaP 2 45.43
शिलाहं हि भविष्यामि ब्रह्माण्डे पावनी शुभा। नदीनदसरस्तीर्थदेवादिभ्योऽतिपावनी
śilāhaṃ hi bhaviṣyāmi brahmāṇḍe pāvanī śubhā| nadīnadasarastīrthadevādibhyo'tipāvanī
I shall become a stone in the Brahmā-egg, purifying and auspicious, more purifying than rivers, streams, lakes, tīrthas, gods and the rest,
AI translation rendered from the Sanskrit, not a published edition
VaP 2 45.44
ऋष्यादिभ्यो मुनुभ्यश्च मुख्यदेवेभ्य एव च। त्रैलोक्ये यानि लिङ्गानि व्यक्ताव्यक्तात्मकान्यपि। तानि तिष्ठन्तु मद्देहे तीर्थरूपेण सर्व्वदा
ṛṣyādibhyo munubhyaśca mukhyadevebhya eva ca| trailokye yāni liṅgāni vyaktāvyaktātmakānyapi| tāni tiṣṭhantu maddehe tīrtharūpeṇa sarvvadā
than seers and the rest, and munis, and even than the chief gods. Whatever liṅgas there are in the three worlds, whether manifest or unmanifest in nature, let them abide in my body always in the form of tīrthas.
AI translation rendered from the Sanskrit, not a published edition
VaP 2 45.45
तीर्थान्यपि च सर्व्वाणि नक्षत्रप्रमुखास्तथा। तिष्ठन्तु देवाः सकला देव्यश्च मुनयस्तथा
tīrthānyapi ca sarvvāṇi nakṣatrapramukhāstathā| tiṣṭhantu devāḥ sakalā devyaśca munayastathā
And let all the tīrthas too, and likewise those headed by the lunar mansions, abide (there), and all the gods, and the goddesses, and the sages as well.
AI translation rendered from the Sanskrit, not a published edition
VaP 2 45.46
ब्रह्मा विष्णुश्च रुद्रश्च लक्षयित्वा पदं मयि। पञ्चाग्नयः कुमाराद्या बहुरुपेण संस्थिताः
brahmā viṣṇuśca rudraśca lakṣayitvā padaṃ mayi| pañcāgnayaḥ kumārādyā bahurupeṇa saṃsthitāḥ
Brahmā and Viṣṇu and Rudra, having set their footprint upon me — the five fires, Kumāra and the rest, established in many forms —
AI translation rendered from the Sanskrit, not a published edition
VaP 2 45.47
मूर्त्तामूर्त्तस्वरूपेण पदरूपेण देवताः। शिलायां क्रोशमात्रेण मूर्त्तिरूपाः स्थिता भुवि
mūrttāmūrttasvarūpeṇa padarūpeṇa devatāḥ| śilāyāṃ krośamātreṇa mūrttirūpāḥ sthitā bhuvi
the deities, in embodied and unembodied form and in the form of footprints, stand on the earth in embodied forms within the stone, over the extent of a krośa.
AI translation rendered from the Sanskrit, not a published edition — the model flagged this verse as uncertain
VaP 2 45.48
तां दृष्ट्वा सर्व्वलोकश्च महापातकनाशिनीम्। पूतो धर्म्माधिकारी च श्राद्धकृद्ब्रह्मलोकभाक्
tāṃ dṛṣṭvā sarvvalokaśca mahāpātakanāśinīm| pūto dharmmādhikārī ca śrāddhakṛdbrahmalokabhāk
And every person who sees her, the destroyer of the great sins, (becomes) purified and entitled to dharma; and one who performs the śrāddha (there) obtains the world of Brahmā.
AI translation rendered from the Sanskrit, not a published edition
VaP 2 45.49
शिलास्थितेषु तीर्थषु स्नात्वा कृत्वाथ तर्पणम्। श्राद्धं सपिण्डकं येषां ब्रह्मलोकं प्रयान्तु ते
śilāsthiteṣu tīrthaṣu snātvā kṛtvātha tarpaṇam| śrāddhaṃ sapiṇḍakaṃ yeṣāṃ brahmalokaṃ prayāntu te
Those by whom, having bathed at the sacred fords situated on the rock and then having made the water-offering, the śrāddha with the piṇḍas (has been performed) — let them go to the world of Brahmā.
AI translation rendered from the Sanskrit, not a published edition
VaP 2 45.50
गदाधरो दृश्यतीर्थं सर्व्वतीर्थोत्तमोत्तमम्। स्थास्यन्ति च मरिष्यन्ति यान्तु ब्रह्मपुरीं नराः। वाराणसी प्रयागश्च पुरुषोत्तमसंज्ञकम्
gadādharo dṛśyatīrthaṃ sarvvatīrthottamottamam| sthāsyanti ca mariṣyanti yāntu brahmapurīṃ narāḥ| vārāṇasī prayāgaśca puruṣottamasaṃjñakam
Gadādhara (Viṣṇu the mace-bearer) is the visible sacred place, the best of the best of all sacred places; men who shall dwell (there) and shall die (there) — let them go to Brahmā's city. And Vārāṇasī, and Prayāga, and that named Puruṣottama,
AI translation rendered from the Sanskrit, not a published edition
VaP 2 45.51
गङ्गासागरसंज्ञञ्च नित्यं तिष्ठतु फल्गुनि। गदाधराधिष्ठितं तत्सर्व्वतीर्थोत्तमोत्तमम्। मुक्तिर्भवेत् पितॄणां च मृतानां श्राद्धतः सदा
gaṅgāsāgarasaṃjñañca nityaṃ tiṣṭhatu phalguni| gadādharādhiṣṭhitaṃ tatsarvvatīrthottamottamam| muktirbhavet pitṝṇāṃ ca mṛtānāṃ śrāddhataḥ sadā
and that named Gaṅgāsāgara — let (them) stand forever at the Phalgu. Presided over by Gadādhara, that is the best of the best of all sacred places; and there would always be release for the fathers and for the dead through the śrāddha.
AI translation rendered from the Sanskrit, not a published edition — the model flagged this verse as uncertain
VaP 2 45.52
जरायुजाण्डजा वापि स्वेदजा वापि चोद्भिदः। त्यक्त्वा देहं शिलायान्ते यान्तु विष्णुस्वरूपताम्
jarāyujāṇḍajā vāpi svedajā vāpi codbhidaḥ| tyaktvā dehaṃ śilāyānte yāntu viṣṇusvarūpatām
Whether born from a womb, or born from an egg, or born from sweat, or sprouting (from the ground) — having abandoned the body at the edge of the rock, let them attain the nature of Viṣṇu.
AI translation rendered from the Sanskrit, not a published edition
VaP 2 45.53
यथार्च्चिते हरौ सर्व्वे यज्ञाः पूर्णा भवन्ति हि। तथा श्राद्धं तर्पणञ्च स्नानं चाक्षयमस्त्विह
yathārccite harau sarvve yajñāḥ pūrṇā bhavanti hi| tathā śrāddhaṃ tarpaṇañca snānaṃ cākṣayamastviha
Just as, when Hari is worshipped, all sacrifices indeed become complete, so let the śrāddha, the water-offering, and the bathing be imperishable here.
AI translation rendered from the Sanskrit, not a published edition
VaP 2 45.54
मम देहे सुरेशानां ये जपन्ति श्रुतादिकम्। अचिरेणापि ते सिद्धाः सिद्धिभाजो भवन्तु वै
mama dehe sureśānāṃ ye japanti śrutādikam| acireṇāpi te siddhāḥ siddhibhājo bhavantu vai
Those who recite scripture and the rest upon my body, (the body) of the lords of the gods — let them, accomplished even in a short time, become possessors of (spiritual) attainment.
AI translation rendered from the Sanskrit, not a published edition — the model flagged this verse as uncertain
VaP 2 45.55
पितॄणां कुलसाहस्रमात्मना सहितं नरः। श्राद्धादिना समुद्धृत्य विष्णुलोकं नयेद्ध्रुवम्
pitṝṇāṃ kulasāhasramātmanā sahitaṃ naraḥ| śrāddhādinā samuddhṛtya viṣṇulokaṃ nayeddhruvam
Let a man, having raised up a thousand lines of the fathers together with himself by the śrāddha and the rest, surely lead (them) to Viṣṇu's world.
AI translation rendered from the Sanskrit, not a published edition
VaP 2 45.56
यावत्यो हि सरिच्छ्रेष्ठा गङ्गाद्याश्च ह्रदाः शुभाः। समुद्राद्याः सरोमुख्या मानसाद्याः सुरेश्वराः। नृणां श्राद्धं विदधतो मुक्तये निवसन्तु मे
yāvatyo hi saricchreṣṭhā gaṅgādyāśca hradāḥ śubhāḥ| samudrādyāḥ saromukhyā mānasādyāḥ sureśvarāḥ| nṛṇāṃ śrāddhaṃ vidadhato muktaye nivasantu me
However many best of rivers there are, the Gaṅgā and the rest, and the auspicious pools, the oceans and the rest, the chief lakes, the Mānasa and the rest, (and) the lords of the gods — let them dwell in me for the release of the men who perform the śrāddha.
AI translation rendered from the Sanskrit, not a published edition
VaP 2 45.57
शरीरेण समायान्तु क्वचिन्नो यान्तु देवताः। एको विष्णुस्त्रिधामूर्त्तिर्यावत्सङ्कीर्त्यते बुधैः
śarīreṇa samāyāntu kvacinno yāntu devatāḥ| eko viṣṇustridhāmūrttiryāvatsaṅkīrtyate budhaiḥ
Let the gods come (here) in bodily form and not go anywhere. As long as the one Viṣṇu of threefold form is celebrated by the wise,
AI translation rendered from the Sanskrit, not a published edition
VaP 2 45.58
तावच्छिलायां सर्व्वाणि तीर्थानि सह दैवतैः। सदा तिष्ठन्तु मुनयो गन्धर्व्वाणां गणाश्च ये
tāvacchilāyāṃ sarvvāṇi tīrthāni saha daivataiḥ| sadā tiṣṭhantu munayo gandharvvāṇāṃ gaṇāśca ye
so long let all the sacred fords, together with the deities, remain always upon the rock, and the sages, and those hosts of the gandharvas.
AI translation rendered from the Sanskrit, not a published edition
VaP 2 45.59
सर्व्वदेवस्वरूपा च नामेयं देवरूपिणी। यावत्तिष्ठति ब्रह्माण्डं तावत्तिष्ठतु वै शिला। मम देहेऽश्मरूपे च ये जपन्ति तपन्ति च
sarvvadevasvarūpā ca nāmeyaṃ devarūpiṇī| yāvattiṣṭhati brahmāṇḍaṃ tāvattiṣṭhatu vai śilā| mama dehe'śmarūpe ca ye japanti tapanti ca
And this (rock), having the nature of all the gods, is by name of divine form; as long as the cosmic egg endures, so long indeed let the rock endure. And those who recite and who practise austerity upon my body in the form of stone,
AI translation rendered from the Sanskrit, not a published edition
VaP 2 45.60
जुहोत्यग्नौ च तेषां वै तदक्षय्योपतिष्ठताम् । अक्षयन्तु भवेच्छ्राद्धं जपहोमतपांसि च। शिलापर्व्वतरूपेण मयि तिष्ठतु सर्व्वदा
juhotyagnau ca teṣāṃ vai tadakṣayyopatiṣṭhatām | akṣayantu bhavecchrāddhaṃ japahomatapāṃsi ca| śilāparvvatarūpeṇa mayi tiṣṭhatu sarvvadā
and (who) offer into the fire — for them let that stand as imperishable. Let the śrāddha be imperishable, and the recitations, the fire-offerings, and the austerities. Let (all this) abide in me always in the form of rock and mountain.
AI translation rendered from the Sanskrit, not a published edition
VaP 2 45.61
पतिव्रतावचः श्रुत्वा देवाः प्रोचुः पतिव्रताम्। त्वया यत्प्रार्थितं सर्व्वं तद्भविष्यत्यसंशयम्
pativratāvacaḥ śrutvā devāḥ procuḥ pativratām| tvayā yatprārthitaṃ sarvvaṃ tadbhaviṣyatyasaṃśayam
Having heard the words of the devoted wife, the gods said to the devoted wife: "All that has been requested by you shall come to pass, without doubt.
AI translation rendered from the Sanskrit, not a published edition
VaP 2 45.62
गयासुरस्य शिरसि भविष्यसि यदा स्थिरा। तदा पादादिरूपेण स्थास्यामस्त्वयि सुस्थिराः। वरं शिलायै दत्त्वैवं तत्रैवान्तर्द्दधुः सुराः
gayāsurasya śirasi bhaviṣyasi yadā sthirā| tadā pādādirūpeṇa sthāsyāmastvayi susthirāḥ| varaṃ śilāyai dattvaivaṃ tatraivāntarddadhuḥ surāḥ
When you shall be fixed upon the head of the demon Gayā, then we shall stand firmly upon you in the form of feet and the rest." Having thus given the boon to the rock, the gods vanished right there.
AI translation rendered from the Sanskrit, not a published edition