Vayu Purana — Uttarardha — Chapter 44
VaP 2 44.1
नारद उवाच।। गयासुरः कथं जातः किंप्रभावः किमात्मकः । तपस्तप्तं कथं तेन कथं देहपवित्रता
nārada uvāca|| gayāsuraḥ kathaṃ jātaḥ kiṃprabhāvaḥ kimātmakaḥ | tapastaptaṃ kathaṃ tena kathaṃ dehapavitratā
Nārada said: How was Gayāsura born? What was his power, what his nature? How was austerity practised by him? How (came) the purity of his body?
AI translation rendered from the Sanskrit, not a published edition
VaP 2 44.2
सनत्कुमार उवाच।। विष्णोर्नाभ्यम्बुजाज्जातो ब्रह्मा लोकपितामहः। प्रजाः ससर्ज संप्रोक्तः पूर्व्वं देवेन विष्णुना
sanatkumāra uvāca|| viṣṇornābhyambujājjāto brahmā lokapitāmahaḥ| prajāḥ sasarja saṃproktaḥ pūrvvaṃ devena viṣṇunā
Sanatkumāra said: Brahmā, the grandfather of the worlds, born from the lotus of Viṣṇu's navel, emitted creatures, being formerly instructed by the god Viṣṇu.
AI translation rendered from the Sanskrit, not a published edition
VaP 2 44.3
आसुरेणैव भावेन ह्यसुरानसृजत्पुरा। सौमनस्येन भावेन देवान्सुमनसोऽसृजत्
āsureṇaiva bhāvena hyasurānasṛjatpurā| saumanasyena bhāvena devānsumanaso'sṛjat
With a demonic disposition he formerly created the asuras; with a good-minded disposition he created the gods, who are of good mind.
AI translation rendered from the Sanskrit, not a published edition
VaP 2 44.4
गयासुरोऽसुराणाञ्च महाबलपराक्रमः। योजनानां सपादञ्च शतं तस्योच्छ्रयः स्मृतः
gayāsuro'surāṇāñca mahābalaparākramaḥ| yojanānāṃ sapādañca śataṃ tasyocchrayaḥ smṛtaḥ
And among the asuras (there was) Gayāsura, of great strength and valour; his height is said to have been a hundred and a quarter yojanas.
AI translation rendered from the Sanskrit, not a published edition
VaP 2 44.5
स्थूलः षष्टिर्योजनानां श्रेष्ठोऽसौ वैष्णवः स्मृतः। कोलाहलगिरिवरे तपस्तेपे सुदारुणम्
sthūlaḥ ṣaṣṭiryojanānāṃ śreṣṭho'sau vaiṣṇavaḥ smṛtaḥ| kolāhalagirivare tapastepe sudāruṇam
Sixty yojanas thick, he is remembered as excellent, a devotee of Viṣṇu; on the best of mountains, Kolāhala, he practised most terrible austerity.
AI translation rendered from the Sanskrit, not a published edition
VaP 2 44.6
बहुवर्षसहस्राणि निरुच्छ्वासं स्थिरोऽभवत्। तत्तपस्तापिता देवाः संक्षोभं परमं गताः
bahuvarṣasahasrāṇi nirucchvāsaṃ sthiro'bhavat| tattapastāpitā devāḥ saṃkṣobhaṃ paramaṃ gatāḥ
For many thousands of years he remained motionless, without breathing; the gods, scorched by that austerity, fell into the utmost agitation.
AI translation rendered from the Sanskrit, not a published edition
VaP 2 44.7
ब्रह्मलोकं गता देवाः प्रोचुस्तेऽथ पितामहम्। गयासुराद्रक्ष देव ब्रह्मा देवांस्ततोऽब्रवीत्
brahmalokaṃ gatā devāḥ procuste'tha pitāmaham| gayāsurādrakṣa deva brahmā devāṃstato'bravīt
The gods went to Brahmā's world and then said to the grandfather, "Protect (us) from Gayāsura, O god!" Brahmā then said to the gods:
AI translation rendered from the Sanskrit, not a published edition
VaP 2 44.8
व्रजामः शङ्करं देवा ब्रह्माद्याश्च गताः शिवम्। कैलासे चाब्रुवन्नत्वा रक्ष देव महासुरात्
vrajāmaḥ śaṅkaraṃ devā brahmādyāśca gatāḥ śivam| kailāse cābruvannatvā rakṣa deva mahāsurāt
"Let us go to Śaṅkara"; and the gods with Brahmā at their head went to Śiva, and on Kailāsa, having bowed, they said, "Protect (us), O god, from the great asura."
AI translation rendered from the Sanskrit, not a published edition
VaP 2 44.9
ब्रह्माद्यानब्रवीच्छम्भुर्व्रजामः शरणं हरिम्। क्षीराब्धौ देवदेवेशः स नः श्रेयो विधास्यति। ब्रह्मा महेश्वरो देवा विष्णुं नत्वा प्रतुष्टुवुः
brahmādyānabravīcchambhurvrajāmaḥ śaraṇaṃ harim| kṣīrābdhau devadeveśaḥ sa naḥ śreyo vidhāsyati| brahmā maheśvaro devā viṣṇuṃ natvā pratuṣṭuvuḥ
Śambhu said to Brahmā and the others, "Let us go for refuge to Hari in the ocean of milk; he, the lord of the gods of gods, will bring about our welfare." Brahmā, Maheśvara and the gods, having bowed to Viṣṇu, praised him.
AI translation rendered from the Sanskrit, not a published edition
VaP 2 44.10
देवा ऊचुः ।। ॐ नमो विष्णवो भर्त्रे सर्व्वेषां प्रभविष्णवे। रोचिष्णवे जिष्णवे च राक्षसादिग्रसिष्णवे
devā ūcuḥ || oṃ namo viṣṇavo bhartre sarvveṣāṃ prabhaviṣṇave| rociṣṇave jiṣṇave ca rākṣasādigrasiṣṇave
The gods said: Om! Homage to Viṣṇu, the sustainer, the one who has power over all, the shining one, the victorious one, and the devourer of demons and the rest.
AI translation rendered from the Sanskrit, not a published edition
VaP 2 44.11
धरिष्णवेऽखिलस्यास्य योगिनां पारयिष्णवे । वर्द्धिष्णवे ह्यनन्ताय नमो भ्राज्ष्णिवे नमः
dhariṣṇave'khilasyāsya yogināṃ pārayiṣṇave | varddhiṣṇave hyanantāya namo bhrājṣṇive namaḥ
To the upholder of this whole (universe), to the one who carries yogins across, to the one who increases, to the endless one—homage; homage to the radiant one.
AI translation rendered from the Sanskrit, not a published edition
VaP 2 44.12
सनत्कुमार उवाच।। एवं स्तुतो वासुदेवः सुराणां दर्शनं ददौ। किमर्थमागता देवा विष्णुनोक्तास्तमब्रुवन्
sanatkumāra uvāca|| evaṃ stuto vāsudevaḥ surāṇāṃ darśanaṃ dadau| kimarthamāgatā devā viṣṇunoktāstamabruvan
Sanatkumāra said: Thus praised, Vāsudeva granted the gods sight (of him). Addressed by Viṣṇu, "For what purpose have the gods come?", they said to him:
AI translation rendered from the Sanskrit, not a published edition
VaP 2 44.13
गयासुरभयाद्देव रक्षास्मानब्रवीद्धरिम्। ब्रह्माद्या यान्तु तं दैत्यमागमिष्याम्यहं ततः
gayāsurabhayāddeva rakṣāsmānabravīddharim| brahmādyā yāntu taṃ daityamāgamiṣyāmyahaṃ tataḥ
"Out of fear of Gayāsura, O god, protect us," they said to Hari. He said: "Let Brahmā and the others go; I shall then come to that Daitya."
AI translation rendered from the Sanskrit, not a published edition
VaP 2 44.14
केशवे गरुडारूढो वरं दातुं गयासुरे। सर्व्वे स्वं स्वं समास्थाय ययुर्वाहनमुत्तमम्
keśave garuḍārūḍho varaṃ dātuṃ gayāsure| sarvve svaṃ svaṃ samāsthāya yayurvāhanamuttamam
When Keśava, mounted on Garuḍa, (set out) to grant a boon to Gayāsura, all (the gods), each mounting his own excellent vehicle, went (there).
AI translation rendered from the Sanskrit, not a published edition — the model flagged this verse as uncertain
VaP 2 44.15
ऊचुस्तं वासुदेवाद्याः किमर्थं तप्यते त्वया। सन्तुष्टाः स्वागताः सर्वे वरं ब्रूहि गयासुर
ūcustaṃ vāsudevādyāḥ kimarthaṃ tapyate tvayā| santuṣṭāḥ svāgatāḥ sarve varaṃ brūhi gayāsura
Vāsudeva and the others said to him: "For what purpose is this asceticism performed by you? We are all pleased and have come gladly; ask for a boon, Gayāsura."
AI translation rendered from the Sanskrit, not a published edition
VaP 2 44.16
गयासुर उवाच।। यदितुष्टाः स्थ मे देवा ब्रह्मविष्णुमहेश्वराः। सर्व्वदेवद्विजातिभ्यो यज्ञतीर्थशिलोच्चयात्
gayāsura uvāca|| yadituṣṭāḥ stha me devā brahmaviṣṇumaheśvarāḥ| sarvvadevadvijātibhyo yajñatīrthaśiloccayāt
Gayāsura said: If you are pleased with me, O gods Brahmā, Viṣṇu and Maheśvara, (let me be more purifying) than all the gods and the twice-born, than sacrifice, than sacred fords, than heaps of stone,
AI translation rendered from the Sanskrit, not a published edition — the model flagged this verse as uncertain
VaP 2 44.17
देवेभ्योऽतिपवित्रोऽहमृषिभ्योऽपि शिवाव्ययात्। मन्त्रेभ्यो देवदेवेभ्यो योगिभ्यश्चापि सर्व्वशः
devebhyo'tipavitro'hamṛṣibhyo'pi śivāvyayāt| mantrebhyo devadevebhyo yogibhyaścāpi sarvvaśaḥ
let me be more pure than the gods, than the seers too, than the imperishable Śiva, than the mantras, than the gods of gods, and than the yogins in every way,
AI translation rendered from the Sanskrit, not a published edition
VaP 2 44.18
न्यासिभ्यश्चापि कर्म्मिभ्यो धर्म्मिभ्यश्च तथा पुनः। ज्ञातिभ्योऽतिपवित्रेभ्यः पवित्रः स्यां सदा सुराः
nyāsibhyaścāpi karmmibhyo dharmmibhyaśca tathā punaḥ| jñātibhyo'tipavitrebhyaḥ pavitraḥ syāṃ sadā surāḥ
and than the renouncers, than the performers of rites, and likewise than the followers of dharma, and than the most pure kinsmen — may I be pure always, O gods.
AI translation rendered from the Sanskrit, not a published edition — the model flagged this verse as uncertain
VaP 2 44.19
पवित्रमस्तु तं देवा दैत्यमुक्त्वा ययुर्दिवम्। दैत्यं दृष्ट्वा च स्पृष्ट्वा च सर्व्वे हरिपुरं ययुः
pavitramastu taṃ devā daityamuktvā yayurdivam| daityaṃ dṛṣṭvā ca spṛṣṭvā ca sarvve haripuraṃ yayuḥ
"Let him be pure" — so the gods said to the daitya and went to heaven. And having seen and touched the daitya, all (people) went to Hari's city.
AI translation rendered from the Sanskrit, not a published edition
VaP 2 44.20
शून्यं लोकत्रयं जातं शून्या यमपुरी ह्यभूत्। यम इन्द्रादिभिः सार्द्धं ब्रह्मलोकं ततोऽगमत्
śūnyaṃ lokatrayaṃ jātaṃ śūnyā yamapurī hyabhūt| yama indrādibhiḥ sārddhaṃ brahmalokaṃ tato'gamat
The three worlds became empty, and Yama's city too became empty; thereupon Yama, together with Indra and the others, went to Brahmā's world.
AI translation rendered from the Sanskrit, not a published edition
VaP 2 44.21
ब्रह्माणमूचिरे देवा गयासुरविलोपिताः। त्वया दत्तोऽधिकारो वै गृहाण त्वं पितामह
brahmāṇamūcire devā gayāsuravilopitāḥ| tvayā datto'dhikāro vai gṛhāṇa tvaṃ pitāmaha
The gods, ruined by Gayāsura, said to Brahmā: "The authority (over this) was granted by you; take it back yourself, Grandfather."
AI translation rendered from the Sanskrit, not a published edition
VaP 2 44.22
ब्रह्माब्रवीत्ततो देवान्व्रजामो विष्णुमव्ययम्। ब्रह्मादयोऽब्रुवन्विष्णुं त्वया दत्तवरेऽसुरे
brahmābravīttato devānvrajāmo viṣṇumavyayam| brahmādayo'bruvanviṣṇuṃ tvayā dattavare'sure
Then Brahmā said to the gods, "Let us go to the imperishable Viṣṇu." Brahmā and the others said to Viṣṇu: "Since the boon was granted by you to the asura,
AI translation rendered from the Sanskrit, not a published edition
VaP 2 44.23
तद्दर्शनाद्ययुः स्वर्गं शून्यं लोक त्रयं ह्यभूत्। देवैरुक्तो वासुदेवो ब्रह्माणं स वचोऽब्रवीत्
taddarśanādyayuḥ svargaṃ śūnyaṃ loka trayaṃ hyabhūt| devairukto vāsudevo brahmāṇaṃ sa vaco'bravīt
by the mere sight of him (all) have gone to heaven, and the three worlds have become empty." Vāsudeva, thus addressed by the gods, spoke this word to Brahmā:
AI translation rendered from the Sanskrit, not a published edition
VaP 2 44.24
गत्वासुरं प्रार्थयस्व यज्ञार्थं देहि देहकम्। विष्णूक्तः ससुरो ब्रह्मा गत्वाऽपश्यन्महासुरम्
gatvāsuraṃ prārthayasva yajñārthaṃ dehi dehakam| viṣṇūktaḥ sasuro brahmā gatvā'paśyanmahāsuram
"Go and beg the asura: 'Give (me) your body for the sake of a sacrifice.'" Thus told by Viṣṇu, Brahmā went with the gods and saw the great asura.
AI translation rendered from the Sanskrit, not a published edition
VaP 2 44.25
गयासुरोऽब्रवीद्दृष्ट्वा ब्रह्माणं त्रिदशैः सहः। संपूज्योत्थाय विधिवत्प्रण्तः श्रद्धयान्वितः
gayāsuro'bravīddṛṣṭvā brahmāṇaṃ tridaśaiḥ sahaḥ| saṃpūjyotthāya vidhivatpraṇtaḥ śraddhayānvitaḥ
Gayāsura, seeing Brahmā together with the thirty (gods), having risen and worshipped (him) according to rule, bowing and filled with faith, spoke:
AI translation rendered from the Sanskrit, not a published edition
VaP 2 44.26
।।गयासुर उवाच।। अद्य मे सफलं जन्म अद्य मे सफलं तपः। यदागतोऽतिथिर्ब्रह्मा सर्व्वं प्राप्तं मयाद्य वै
||gayāsura uvāca|| adya me saphalaṃ janma adya me saphalaṃ tapaḥ| yadāgato'tithirbrahmā sarvvaṃ prāptaṃ mayādya vai
Gayāsura said: Today my birth has borne fruit, today my asceticism has borne fruit, since Brahmā has come as my guest; truly today I have obtained everything.
AI translation rendered from the Sanskrit, not a published edition
VaP 2 44.27
योगिन्योगाङ्गवित्सर्व्वलोकस्वामिन्पितर्गुरो। यदर्थमा गतो ब्रह्मन्स्तत्कार्य्यं करवाण्यहम्
yoginyogāṅgavitsarvvalokasvāminpitarguro| yadarthamā gato brahmanstatkāryyaṃ karavāṇyaham
O yogin, knower of the limbs of yoga, lord of all worlds, father, teacher — for whatever purpose you have come, Brahmā, that task let me perform.
AI translation rendered from the Sanskrit, not a published edition
VaP 2 44.28
।।ब्रह्मोवाच।। पृथिव्यां यानि तीर्थानि दृष्टानि भ्रमता मया। यज्ञार्थं न तु ते तानि पवित्राणि शरीरतः
||brahmovāca|| pṛthivyāṃ yāni tīrthāni dṛṣṭāni bhramatā mayā| yajñārthaṃ na tu te tāni pavitrāṇi śarīrataḥ
Brahmā said: Whatever sacred fords on earth I have seen in my wandering — those are not pure enough in their substance for a sacrifice.
AI translation rendered from the Sanskrit, not a published edition — the model flagged this verse as uncertain
VaP 2 44.29
त्वया देहे पवित्रत्वं प्राप्तं विष्णुप्रसादतः। अतः पवित्रं देहं त्वं यज्ञार्थं देहिमेऽसुर
tvayā dehe pavitratvaṃ prāptaṃ viṣṇuprasādataḥ| ataḥ pavitraṃ dehaṃ tvaṃ yajñārthaṃ dehime'sura
By you purity in the body has been obtained through Viṣṇu's grace; therefore give me your pure body for the sacrifice, O asura.
AI translation rendered from the Sanskrit, not a published edition
VaP 2 44.30
।।गयासुर उवाच।। धन्योऽहं देव देवेश यद्देहं प्रार्थ्यते त्वया। पितृवंशः कृतार्थो मे देहे यागं करोषि चेत्
||gayāsura uvāca|| dhanyo'haṃ deva deveśa yaddehaṃ prārthyate tvayā| pitṛvaṃśaḥ kṛtārtho me dehe yāgaṃ karoṣi cet
Gayāsura said: I am blessed, O god, lord of gods, in that my body is asked for by you. My line of ancestors will have attained its aim if you perform the sacrifice in my body.
AI translation rendered from the Sanskrit, not a published edition
VaP 2 44.31
त्वयैवोत्पादितो देहः पवित्रस्तु त्वया कृतः। सर्व्वेषामुपकाराय यागोऽवश्यं भवत्विति
tvayaivotpādito dehaḥ pavitrastu tvayā kṛtaḥ| sarvveṣāmupakārāya yāgo'vaśyaṃ bhavatviti
This body was produced by you alone, and it was made pure by you; for the benefit of all, let the sacrifice certainly take place.
AI translation rendered from the Sanskrit, not a published edition
VaP 2 44.32
इत्युक्त्वा सोऽपतद्भूमौ श्वेतकल्पे गयासुरः। नैऋतीं दिशमाश्रित्य तदा कोलाहले गिरौ
ityuktvā so'patadbhūmau śvetakalpe gayāsuraḥ| naiṛtīṃ diśamāśritya tadā kolāhale girau
Having said this, Gayāsura fell to the ground in the White Kalpa, taking to the south-western quarter, there on Mount Kolāhala.
AI translation rendered from the Sanskrit, not a published edition
VaP 2 44.33
शिरः कृत्वोत्तरे दैत्यः पादौ कृत्वा तु दक्षिणे। ब्रह्मा सम्भृतसम्भारो मानसानृत्विजोऽसृजत्
śiraḥ kṛtvottare daityaḥ pādau kṛtvā tu dakṣiṇe| brahmā sambhṛtasambhāro mānasānṛtvijo'sṛjat
The daitya, placing his head to the north and his feet to the south — Brahmā, with the materials assembled, created mind-born officiating priests.
AI translation rendered from the Sanskrit, not a published edition
VaP 2 44.34
अग्निशर्माणम्मृतं शौनकं याञ्जलिं मृदुम्। कुमुथिं वेद कौण्डिल्यं हारीतं काश्यपं कृपम्
agniśarmāṇammṛtaṃ śaunakaṃ yāñjaliṃ mṛdum| kumuthiṃ veda kauṇḍilyaṃ hārītaṃ kāśyapaṃ kṛpam
Agniśarman, Amṛta, Śaunaka, Yāñjali, Mṛdu, Kumuthi, Veda, Kauṇḍilya, Hārīta, Kāśyapa, Kṛpa,
AI translation rendered from the Sanskrit, not a published edition — the model flagged this verse as uncertain
VaP 2 44.35
गर्गं कौशिकवासिष्ठौ मुनिं भार्गवमव्ययम्। वृद्धं पाराशरं कण्वं माण्डव्यं श्रुतिकेवलम्
gargaṃ kauśikavāsiṣṭhau muniṃ bhārgavamavyayam| vṛddhaṃ pārāśaraṃ kaṇvaṃ māṇḍavyaṃ śrutikevalam
Garga, Kauśika and Vāsiṣṭha, the sage Bhārgava the imperishable, the aged Pārāśara, Kaṇva, Māṇḍavya who relies on scripture alone,
AI translation rendered from the Sanskrit, not a published edition — the model flagged this verse as uncertain
VaP 2 44.36
श्वेतं सुतालं दमनं सुहोत्रं कङ्कमेव च। लौकाक्षिञ्च महाबाहुं जैगीषव्यं तथैव च
śvetaṃ sutālaṃ damanaṃ suhotraṃ kaṅkameva ca| laukākṣiñca mahābāhuṃ jaigīṣavyaṃ tathaiva ca
Śveta, Sutāla, Damana, Suhotra, and Kaṅka, and Laukākṣi, Mahābāhu, and likewise Jaigīṣavya,
AI translation rendered from the Sanskrit, not a published edition — the model flagged this verse as uncertain
VaP 2 44.37
दधिपञ्चमुखं विप्रमृषभं कर्कमेव च। कात्यायनं गोभिलञ्च मुनिमुग्रमगाव्रतम्
dadhipañcamukhaṃ vipramṛṣabhaṃ karkameva ca| kātyāyanaṃ gobhilañca munimugramagāvratam
Dadhipañcamukha, the brahmin Ṛṣabha, and Karka, Kātyāyana and Gobhila, and the sage Ugra whose vow is to take no cattle(?),
AI translation rendered from the Sanskrit, not a published edition — the model flagged this verse as uncertain
VaP 2 44.38
सुपालकं गौतमञ्च तथा वेदशिरोव्रतम्। जटामालिनमव्यग्रं चाटुहासञ्च दारुणम्
supālakaṃ gautamañca tathā vedaśirovratam| jaṭāmālinamavyagraṃ cāṭuhāsañca dāruṇam
Supālaka and Gautama, and likewise (him) whose vow is the Vedaśiras, Jaṭāmālin the unperturbed, and Cāṭuhāsa the fierce,
AI translation rendered from the Sanskrit, not a published edition — the model flagged this verse as uncertain
VaP 2 44.39
आत्रेयं चाप्यङ्गिरसमौपमन्युं महा व्रतम्। गोकर्णञ्च गुहावासं शिखण्डिनमुमाव्रतम्
ātreyaṃ cāpyaṅgirasamaupamanyuṃ mahā vratam| gokarṇañca guhāvāsaṃ śikhaṇḍinamumāvratam
Ātreya and Āṅgirasa, Aupamanyu of the great vow, and Gokarṇa, Guhāvāsa, Śikhaṇḍin whose vow is (devotion to) Umā —
AI translation rendered from the Sanskrit, not a published edition — the model flagged this verse as uncertain
VaP 2 44.40
एतानन्यांश्च विप्रेन्द्रान्वेधा लोकपितामहः । परिकल्प्याकरोद्यागं गयासुरशरीरके
etānanyāṃśca viprendrānvedhā lokapitāmahaḥ | parikalpyākarodyāgaṃ gayāsuraśarīrake
having appointed these and other chief brahmins, Brahmā, the creator and grandfather of the worlds, performed the sacrifice upon the body of Gayāsura.
AI translation rendered from the Sanskrit, not a published edition
VaP 2 44.41
अग्निशर्मापि पञ्चाग्नीन्मुखादेतानथासृजत्। दक्षिणाग्निं गार्हपत्याहवनीयौ तपोऽव्ययः
agniśarmāpi pañcāgnīnmukhādetānathāsṛjat| dakṣiṇāgniṃ gārhapatyāhavanīyau tapo'vyayaḥ
And Agniśarman too, the imperishable ascetic, then emitted from his mouth these five fires: the southern fire, the household fire, the oblation fire,
AI translation rendered from the Sanskrit, not a published edition
VaP 2 44.42
सत्यावसथ्यौ देवर्षे येषु यज्ञाः प्रतिष्ठिताः। यज्ञस्य च प्रतिष्ठार्थं विप्रेभ्यो दक्षिणां ददौ
satyāvasathyau devarṣe yeṣu yajñāḥ pratiṣṭhitāḥ| yajñasya ca pratiṣṭhārthaṃ viprebhyo dakṣiṇāṃ dadau
and the Satya and Āvasathya (fires), O divine sage, in which sacrifices are established; and for the sake of establishing the sacrifice he gave a gift to the brahmins.
AI translation rendered from the Sanskrit, not a published edition
VaP 2 44.43
हुत्वा पूर्णाहुतिं ब्रह्ना स्नात्वा चावभृथेन तु। यज्ञयूपं सुरैः सार्द्धं समानीय व्यरोपयत्
hutvā pūrṇāhutiṃ brahnā snātvā cāvabhṛthena tu| yajñayūpaṃ suraiḥ sārddhaṃ samānīya vyaropayat
Having offered the full oblation and having bathed with the concluding (avabhṛtha) bath, Brahmā, together with the gods, brought the sacrificial post and set it up.
AI translation rendered from the Sanskrit, not a published edition
VaP 2 44.44
ब्रह्मणः सहसा श्रेष्ठे सरस्येवाश्रितं शुभम्। चलितश्चकितो ब्रह्मा धर्म्मराजमभाषत
brahmaṇaḥ sahasā śreṣṭhe sarasyevāśritaṃ śubham| calitaścakito brahmā dharmmarājamabhāṣata
Suddenly, in Brahmā's chief (place?), an auspicious (stone) resting as if in a lake — Brahmā, shaken and alarmed, spoke to the king of dharma (Yama).
AI translation rendered from the Sanskrit, not a published edition — the model flagged this verse as uncertain
VaP 2 44.45
जाता गृहे तव शिला समानीयाविचारयन्। दैत्यस्य शीघ्रं शिरसि तां धारय ममाज्ञया
jātā gṛhe tava śilā samānīyāvicārayan| daityasya śīghraṃ śirasi tāṃ dhāraya mamājñayā
"A stone has appeared in your house; bring it without deliberating, and by my command hold it quickly upon the demon's head."
AI translation rendered from the Sanskrit, not a published edition — the model flagged this verse as uncertain
VaP 2 44.46
निश्चलार्थं यमः श्रुत्वा धारयन्मस्तके शिलाम्। शिलायां धारितायान्तु सशिलश्चासुरोऽचलत्
niścalārthaṃ yamaḥ śrutvā dhārayanmastake śilām| śilāyāṃ dhāritāyāntu saśilaścāsuro'calat
Hearing (this), Yama, for the sake of (the demon's) stillness, held the stone upon (his) head; but even when the stone was held, the demon moved along with the stone.
AI translation rendered from the Sanskrit, not a published edition
VaP 2 44.47
देवानूचेऽथ रुद्रादीञ्छिलायां निश्चलाः किल। तिष्ठन्तु देवाः सकलास्तथेत्युक्त्वा च ते स्थिताः
devānūce'tha rudrādīñchilāyāṃ niścalāḥ kila| tiṣṭhantu devāḥ sakalāstathetyuktvā ca te sthitāḥ
Then he said to the gods, Rudra and the rest: "Let all the gods stand motionless upon the stone"; and saying "so be it," they stood (there).
AI translation rendered from the Sanskrit, not a published edition
VaP 2 44.48
देवाः पादैर्लक्षयित्वा तथापि चलितोऽसुरः। ब्रह्माथ व्याकुलो विष्णुं गतः क्षीराब्धिशायिनम्। तुष्टाव प्रणतो भूत्वा नत्वा चादृत्य तं प्रभुम्
devāḥ pādairlakṣayitvā tathāpi calito'suraḥ| brahmātha vyākulo viṣṇuṃ gataḥ kṣīrābdhiśāyinam| tuṣṭāva praṇato bhūtvā natvā cādṛtya taṃ prabhum
Though the gods marked (him) down with their feet, still the demon moved. Then Brahmā, distraught, went to Viṣṇu who lies on the ocean of milk; bowing low he praised him, and saluting, he honoured that Lord.
AI translation rendered from the Sanskrit, not a published edition
VaP 2 44.49
।.ब्रह्मोवाच।। ब्रह्माण्डस्य पते नाथ नमामि जगतां पतिम्। कतिं कीर्त्तिमतां नॄणां बुक्तिमुक्तिप्रदायकम्
|.brahmovāca|| brahmāṇḍasya pate nātha namāmi jagatāṃ patim| katiṃ kīrttimatāṃ nṝṇāṃ buktimuktipradāyakam
Brahmā said: O lord of the cosmic egg, O master, I bow to the lord of the worlds, ... of glorious men, the giver of enjoyment and liberation.
AI translation rendered from the Sanskrit, not a published edition — the model flagged this verse as uncertain
VaP 2 44.50
विष्वक्सेनोऽब्रवीद्विष्णुं देव त्वां स्तौति पद्मजः। हरिराहानय त्वं तं विष्णूक्तः स तमानयत्। अजमूचे हरिः कस्मादागतोऽसि वदस्व तत्
viṣvakseno'bravīdviṣṇuṃ deva tvāṃ stauti padmajaḥ| harirāhānaya tvaṃ taṃ viṣṇūktaḥ sa tamānayat| ajamūce hariḥ kasmādāgato'si vadasva tat
Viṣvaksena said to Viṣṇu: "God, the lotus-born one is praising you." Hari said, "Bring him here"; thus told by Viṣṇu, he brought him. Hari said to the unborn one: "Why have you come? Tell me that."
AI translation rendered from the Sanskrit, not a published edition
VaP 2 44.51
।।ब्रह्मोवाच।। देवदेव कृते योगे प्रचचाल गयासुरः। शिलायां देवरूपिण्यां न्यस्तायां तस्य मस्तके
||brahmovāca|| devadeva kṛte yoge pracacāla gayāsuraḥ| śilāyāṃ devarūpiṇyāṃ nyastāyāṃ tasya mastake
Brahmā said: God of gods, when the rite (yoga) was performed, Gayāsura moved about, although the stone in the form of the gods had been placed upon his head,
AI translation rendered from the Sanskrit, not a published edition
VaP 2 44.52
रुद्रादिषु च देवेषु संस्थितेष्वसुरोऽचलत्। इदानीं निश्चलार्थं हि प्रसादं कुरु माधव
rudrādiṣu ca deveṣu saṃsthiteṣvasuro'calat| idānīṃ niścalārthaṃ hi prasādaṃ kuru mādhava
and although the gods, Rudra and the rest, were stationed (there), the demon moved. Now then, O Mādhava, grant your favour so that he may be still.
AI translation rendered from the Sanskrit, not a published edition
VaP 2 44.53
ब्रह्मणो वचनं श्रुत्वा ह्याकृष्य स्वशरीरतः । मूर्त्तिं ददौ निश्चलार्थं ब्रह्मणे भगवान्हरिः
brahmaṇo vacanaṃ śrutvā hyākṛṣya svaśarīrataḥ | mūrttiṃ dadau niścalārthaṃ brahmaṇe bhagavānhariḥ
Hearing Brahmā's words, the Lord Hari drew from his own body a form and gave it to Brahmā for the sake of (the demon's) stillness.
AI translation rendered from the Sanskrit, not a published edition
VaP 2 44.54
आनीय मूर्त्तिं ब्रह्मापि शिलायां समधारयत्। तथापि चलितं वीक्ष्य पुनर्देवमथाह्वयत्
ānīya mūrttiṃ brahmāpi śilāyāṃ samadhārayat| tathāpi calitaṃ vīkṣya punardevamathāhvayat
Brahmā too brought the image and set it firmly upon the rock; yet, seeing it move even so, he called upon the god again.
AI translation rendered from the Sanskrit, not a published edition
VaP 2 44.55
आगत्य विष्णुः क्षीराब्धेः शिलायां संस्थितोऽभवत्। जनार्द्दनाभिधानेन पुण्डरीकेति नामतः। शिलायांनिश्चलार्थं हि स्वयमादिगदाधरः
āgatya viṣṇuḥ kṣīrābdheḥ śilāyāṃ saṃsthito'bhavat| janārddanābhidhānena puṇḍarīketi nāmataḥ| śilāyāṃniścalārthaṃ hi svayamādigadādharaḥ
Viṣṇu came from the Ocean of Milk and took his station upon the rock, under the name Janārdana and by the name Puṇḍarīka; indeed, for the sake of the rock's steadiness, (he came) himself as Ādigadādhara (bearer of the primal mace).
AI translation rendered from the Sanskrit, not a published edition
VaP 2 44.56
निश्चलार्थं पञ्चधासीच्छिलायां प्रपितापहः। पितामहोऽथ फल्ग्वीशः केदारः कनकेश्वरः
niścalārthaṃ pañcadhāsīcchilāyāṃ prapitāpahaḥ| pitāmaho'tha phalgvīśaḥ kedāraḥ kanakeśvaraḥ
For the sake of steadiness, upon the rock he became fivefold: Prapitāpaha, Pitāmaha, Phalgvīśa, Kedāra, and Kanakeśvara.
AI translation rendered from the Sanskrit, not a published edition
VaP 2 44.57
ब्रह्मा स्थितः स्वयं तत्र गजरूपी विनायकः। गयादित्यश्चोत्तरार्को दक्षिणार्कस्त्रिधा रविः
brahmā sthitaḥ svayaṃ tatra gajarūpī vināyakaḥ| gayādityaścottarārko dakṣiṇārkastridhā raviḥ
Brahmā himself stood there, and Vināyaka in elephant form; the sun (stood) threefold as Gayāditya, Uttarārka, and Dakṣiṇārka.
AI translation rendered from the Sanskrit, not a published edition
VaP 2 44.58
लक्ष्मीः सीताभिधानेन गौरी च मङ्गलाह्वया। गायत्री चैव सावित्री त्रिसन्ध्या च सरस्वती
lakṣmīḥ sītābhidhānena gaurī ca maṅgalāhvayā| gāyatrī caiva sāvitrī trisandhyā ca sarasvatī
Lakṣmī under the name Sītā, and Gaurī called Maṅgalā; and Gāyatrī, Sāvitrī, Trisandhyā, and Sarasvatī.
AI translation rendered from the Sanskrit, not a published edition
VaP 2 44.59
इन्द्रो बृहस्पतिः पूषा वसवोऽष्टौ महाबलाः। विश्वेदेवाश्चाश्विनेयौ मारुतो विश्वनायकः। सयक्षोरगगन्धर्व्वास्तस्थुर्देवाः स्वशाक्तिभिः
indro bṛhaspatiḥ pūṣā vasavo'ṣṭau mahābalāḥ| viśvedevāścāśvineyau māruto viśvanāyakaḥ| sayakṣoragagandharvvāstasthurdevāḥ svaśāktibhiḥ
Indra, Bṛhaspati, Pūṣan, the eight mighty Vasus, the Viśvedevas, the two Aśvins, the Wind, the lord of all — the gods, together with Yakṣas, serpents and Gandharvas, stood there with their own powers.
AI translation rendered from the Sanskrit, not a published edition
VaP 2 44.60
आद्यया गदया चासौ यस्माद्दैत्यः स्थिरीकृतः। स्थित इत्येव हरिणा तस्मादादिगदाधरः
ādyayā gadayā cāsau yasmāddaityaḥ sthirīkṛtaḥ| sthita ityeva hariṇā tasmādādigadādharaḥ
And because that demon was made firm by the primal mace — "he stands!" — by Hari, therefore (he is called) Ādigadādhara.
AI translation rendered from the Sanskrit, not a published edition
VaP 2 44.61
ऊचे गयासुरो देवान्किमर्थं वञ्चितो ह्यहम्। यज्ञार्थं ब्रह्मणे दत्तं शरीरममलं मया। विष्णोर्वचनमात्रेण किं न स्यां निश्चलो ह्यहम्
ūce gayāsuro devānkimarthaṃ vañcito hyaham| yajñārthaṃ brahmaṇe dattaṃ śarīramamalaṃ mayā| viṣṇorvacanamātreṇa kiṃ na syāṃ niścalo hyaham
Gayāsura said to the gods: "Why have I been deceived? My pure body was given by me to Brahmā for the sacrifice. By Viṣṇu's mere word, would I not have become motionless?"
AI translation rendered from the Sanskrit, not a published edition
VaP 2 44.62
यत्सुरैः पीडितोऽत्यर्थं गदया हरिणा तथा। पीडितो यद्यहं देवाः प्रसन्नाः सन्तु सर्वदा
yatsuraiḥ pīḍito'tyarthaṃ gadayā hariṇā tathā| pīḍito yadyahaṃ devāḥ prasannāḥ santu sarvadā
"Since I have been sorely oppressed by the gods, and likewise by Hari with the mace — if I have been (thus) oppressed, O gods, let (you) be gracious to me forever."
AI translation rendered from the Sanskrit, not a published edition
VaP 2 44.63
गदाधरादयस्तुष्टाः प्रोचुः सार्द्धं गयासुरम्। वरं ब्रूहि प्रसन्नाः स्मो देवानूचे गयासुरः
gadādharādayastuṣṭāḥ procuḥ sārddhaṃ gayāsuram| varaṃ brūhi prasannāḥ smo devānūce gayāsuraḥ
Pleased, Gadādhara and the others spoke together with Gayāsura: "Ask a boon; we are gracious." Gayāsura said to the gods:
AI translation rendered from the Sanskrit, not a published edition
VaP 2 44.64
यावत्पृथ्वी पर्वताश्च यावच्चन्द्रार्कतारकाः। तावच्छिलायां तिष्ठन्तु ब्रह्मविष्णुमहेश्वराः। अन्ये च सकला देवा मन्नाम्ना क्षेत्रमस्तु वै
yāvatpṛthvī parvatāśca yāvaccandrārkatārakāḥ| tāvacchilāyāṃ tiṣṭhantu brahmaviṣṇumaheśvarāḥ| anye ca sakalā devā mannāmnā kṣetramastu vai
"As long as the earth and the mountains, as long as the moon, sun and stars (endure), so long let Brahmā, Viṣṇu and Maheśvara abide upon this rock, and all the other gods too; and let the sacred field bear my name."
AI translation rendered from the Sanskrit, not a published edition
VaP 2 44.65
पञ्चक्रोशं गयाक्षेत्रं क्रोशमेकं गयाशिरः । तन्मध्ये सर्वतीर्थानि प्रयच्छन्तु हितं नृणाम्
pañcakrośaṃ gayākṣetraṃ krośamekaṃ gayāśiraḥ | tanmadhye sarvatīrthāni prayacchantu hitaṃ nṛṇām
"Let the field of Gayā be five krośas, and Gayāśiras one krośa; within it let all the sacred fords grant benefit to men."
AI translation rendered from the Sanskrit, not a published edition
VaP 2 44.66
स्नानादितर्पणं कृत्वा पिण्डदानात्फलाधिकम्। महात्मा वै सहस्रञ्च कुलानां चोद्धरेन्नरः
snānāditarpaṇaṃ kṛtvā piṇḍadānātphalādhikam| mahātmā vai sahasrañca kulānāṃ coddharennaraḥ
"Having performed bathing and the rest, and the libation to the ancestors, (and) by the offering of rice-balls a still greater fruit — let a man, indeed great-souled, deliver a thousand of his lineages."
AI translation rendered from the Sanskrit, not a published edition — the model flagged this verse as uncertain
VaP 2 44.67
व्यक्ताव्यक्तस्वरूपेण यूयं तिष्ठत सर्वदा। गदाधरः स्वयं लोकाद्भूयात्सर्वाघनाशनात्
vyaktāvyaktasvarūpeṇa yūyaṃ tiṣṭhata sarvadā| gadādharaḥ svayaṃ lokādbhūyātsarvāghanāśanāt
"Abide always in manifest and unmanifest form. Let Gadādhara himself come to be (here) for the world, through the destruction of all sin."
AI translation rendered from the Sanskrit, not a published edition — the model flagged this verse as uncertain
VaP 2 44.68
श्राद्धं सपिण्डकं येषां ब्रह्मलोकं प्रयान्तु ते। ब्रह्महत्यादिकं पापं विनश्यतु च सेविनाम्
śrāddhaṃ sapiṇḍakaṃ yeṣāṃ brahmalokaṃ prayāntu te| brahmahatyādikaṃ pāpaṃ vinaśyatu ca sevinām
"Those for whom a śrāddha with rice-balls (is performed) — let them go to Brahmā's world; and let the sin of brahmin-killing and the rest be destroyed for those who serve (here)."
AI translation rendered from the Sanskrit, not a published edition
VaP 2 44.69
नैमिषं पुष्करं गङ्गा प्रयागश्चाविमुक्तिकम्। एतान्यन्यानि तीर्थानि दिवि भुव्यन्तरिक्षतः। समायान्तु सदा नॄणां प्रयच्छन्तु हितं सुराः
naimiṣaṃ puṣkaraṃ gaṅgā prayāgaścāvimuktikam| etānyanyāni tīrthāni divi bhuvyantarikṣataḥ| samāyāntu sadā nṝṇāṃ prayacchantu hitaṃ surāḥ
"Naimiṣa, Puṣkara, the Gaṅgā, Prayāga, and Avimukta — let these and other sacred fords, from heaven, earth and the middle region, come here always; let the gods grant benefit to men."
AI translation rendered from the Sanskrit, not a published edition
VaP 2 44.70
किं बहूक्त्या सुरगणा युष्मास्वेकापि देवता। चेन्न तिष्ठेदहं चापि समयः प्रतिपाल्यताम्
kiṃ bahūktyā suragaṇā yuṣmāsvekāpi devatā| cenna tiṣṭhedahaṃ cāpi samayaḥ pratipālyatām
"What need of much speaking, hosts of gods? If even one deity among you should not remain, then I too (shall not); let the agreement be kept."
AI translation rendered from the Sanskrit, not a published edition
VaP 2 44.71
गयासुरवचः श्रुत्वा प्रोचुर्विष्ण्वादयःसुराः। त्वया यत्प्रार्थितं सर्व्वं तद्भविष्यत्यसंशयम्
gayāsuravacaḥ śrutvā procurviṣṇvādayaḥsurāḥ| tvayā yatprārthitaṃ sarvvaṃ tadbhaviṣyatyasaṃśayam
Hearing Gayāsura's words, Viṣṇu and the other gods said: "All that you have asked for shall be, without doubt."
AI translation rendered from the Sanskrit, not a published edition
VaP 2 44.72
अस्मत्पादानर्च्चयित्वा यास्यन्ति परमां गतिम्। देवैर्दत्तवरो दैत्यो हर्षितो निश्चलोऽभवत्
asmatpādānarccayitvā yāsyanti paramāṃ gatim| devairdattavaro daityo harṣito niścalo'bhavat
"Having worshipped our feet, (men) shall go to the highest goal." The demon, granted his boon by the gods, was delighted and became motionless.
AI translation rendered from the Sanskrit, not a published edition
VaP 2 44.73
स्थितेषु चैव देवेषु ब्राह्मणेभ्यो ददावजः। ग्रामांश्च पञ्चपञ्चाशत्पञ्चक्रोशीं गयां तथा। गृहान्कृत्वा ददौ दिव्यान्सर्व्वोपस्करसंयुतान्
sthiteṣu caiva deveṣu brāhmaṇebhyo dadāvajaḥ| grāmāṃśca pañcapañcāśatpañcakrośīṃ gayāṃ tathā| gṛhānkṛtvā dadau divyānsarvvopaskarasaṃyutān
And when the gods had taken their stations, the Unborn (Brahmā) gave to the brahmins fifty-five villages and the five-krośa Gayā as well; and he made and gave them divine houses furnished with all appointments.
AI translation rendered from the Sanskrit, not a published edition
VaP 2 44.74
कामधेनुं कल्पवृक्षं पारिजातादिकांस्तरून्। महानदीं क्षीरवहां घृतकुल्यास्तथैव च
kāmadhenuṃ kalpavṛkṣaṃ pārijātādikāṃstarūn| mahānadīṃ kṣīravahāṃ ghṛtakulyāstathaiva ca
(He gave) the wish-granting cow, the wish-fulfilling tree, and trees such as the pārijāta, a great river flowing with milk, and likewise streams of ghee.
AI translation rendered from the Sanskrit, not a published edition
VaP 2 44.75
मधुश्रवां मधुकुल्यां दध्याद्याढ्यसरांसि च। सुवर्णदीर्घिकां चैव बहूनन्नादिपर्व्वतान्
madhuśravāṃ madhukulyāṃ dadhyādyāḍhyasarāṃsi ca| suvarṇadīrghikāṃ caiva bahūnannādiparvvatān
(He gave) a river dripping honey, a stream of honey, and lakes rich in curds and the like, a long tank of gold, and many mountains of food and other things.
AI translation rendered from the Sanskrit, not a published edition
VaP 2 44.76
भक्ष्यभोज्यफलादींश्च सर्व्वं ब्रह्मा सृजन्ददौ। न याचयध्वं विप्रेन्द्रा अन्यानुक्त्वा ददावजः
bhakṣyabhojyaphalādīṃśca sarvvaṃ brahmā sṛjandadau| na yācayadhvaṃ viprendrā anyānuktvā dadāvajaḥ
Brahmā created and gave all things—foods to chew, foods to eat, fruits and the rest; and having said, "Do not beg, O best of brahmins," the Unborn gave still other things.
AI translation rendered from the Sanskrit, not a published edition — the model flagged this verse as uncertain
VaP 2 44.77
दत्त्वा ययौ ब्रह्मलोकं नत्वा ह्यादिगदाधरम् । धर्म्मारण्ये तत्र धर्म्मं याजयित्वा ययाचिरे
dattvā yayau brahmalokaṃ natvā hyādigadādharam | dharmmāraṇye tatra dharmmaṃ yājayitvā yayācire
Having given, he bowed to the primal bearer of the mace and went to Brahmā's world. There, in the Dharma forest, having conducted the sacrifice for Dharma, they (the brahmins) begged.
AI translation rendered from the Sanskrit, not a published edition — the model flagged this verse as uncertain
VaP 2 44.78
धर्म्मयागे च लोभाद्वै प्रतिगृह्य धनादिकम्। ततो ब्रह्मा समागत्य ब्राह्मणांस्ताञ्छशाप ह
dharmmayāge ca lobhādvai pratigṛhya dhanādikam| tato brahmā samāgatya brāhmaṇāṃstāñchaśāpa ha
And at Dharma's sacrifice, out of greed, they accepted wealth and other gifts; then Brahmā came and cursed those brahmins.
AI translation rendered from the Sanskrit, not a published edition
VaP 2 44.79
कृतवन्तो यतो लोभं मद्दत्तेष्वखिलेष्वपि। तस्मादृणाधिका यूयं भविष्यन्ति सदा द्विजः
kṛtavanto yato lobhaṃ maddatteṣvakhileṣvapi| tasmādṛṇādhikā yūyaṃ bhaviṣyanti sadā dvijaḥ
"Since you showed greed even amid all that I had given, therefore you, twice-born, shall always be laden with debt.
AI translation rendered from the Sanskrit, not a published edition
VaP 2 44.80
युष्माकं स्याद्वारिवहा नदी पाषाणपर्व्वताः। नद्यादयो वारिवहा मृन्मयाश्च यथा गृहाः
yuṣmākaṃ syādvārivahā nadī pāṣāṇaparvvatāḥ| nadyādayo vārivahā mṛnmayāśca yathā gṛhāḥ
For you the river shall be one that flows with water, and the mountains shall be of stone; the rivers and the rest shall carry (only) water, and the houses shall be as (they are), made of clay.
AI translation rendered from the Sanskrit, not a published edition
VaP 2 44.81
कामधेनुः कल्पवृक्षो मल्लोकमुपतिष्ठताम्। एवं शप्ता ब्रह्मणा ते प्रार्थयन्तोऽब्रुवन्नजम्
kāmadhenuḥ kalpavṛkṣo mallokamupatiṣṭhatām| evaṃ śaptā brahmaṇā te prārthayanto'bruvannajam
Let the wish-granting cow and the wish-fulfilling tree abide in my world." Thus cursed by Brahmā, they entreated him and spoke to the Unborn:
AI translation rendered from the Sanskrit, not a published edition
VaP 2 44.82
त्वया यद्दत्तमखिलं तत्सर्वं शापतो गतम्। जीवनार्थं प्रसादं नो भगवान्कर्त्तुमर्हसि
tvayā yaddattamakhilaṃ tatsarvaṃ śāpato gatam| jīvanārthaṃ prasādaṃ no bhagavānkarttumarhasi
"All that was given by you has gone away through the curse. Lord, you ought to show us favour for the sake of our livelihood."
AI translation rendered from the Sanskrit, not a published edition
VaP 2 44.83
तच्छ्रुत्वा ब्राह्मणान्ब्रह्मा प्रोवाचेदं दयान्वितः। तीर्थोपजीविका यूयमाचन्द्रार्कं भविष्यथ
tacchrutvā brāhmaṇānbrahmā provācedaṃ dayānvitaḥ| tīrthopajīvikā yūyamācandrārkaṃ bhaviṣyatha
Hearing that, Brahmā, filled with compassion, said this to the brahmins: "You shall live off the sacred place as long as moon and sun endure.
AI translation rendered from the Sanskrit, not a published edition
VaP 2 44.84
लोकाः पुण्या गयायां ये श्राद्धिनो ब्रह्मलोकगाः। युष्मान्ये पूजयिष्यन्ति तैरहं पूजितः सदा
lokāḥ puṇyā gayāyāṃ ye śrāddhino brahmalokagāḥ| yuṣmānye pūjayiṣyanti tairahaṃ pūjitaḥ sadā
Those meritorious people who at Gayā perform the śrāddha go to Brahmā's world; and those who honour you—by them I am always honoured."
AI translation rendered from the Sanskrit, not a published edition
VaP 2 44.85
आक्रान्तं दैत्यजठरं धर्म्मेण विरजाद्रिणा। नाभिकूपसमीपे तु देवी या विरजा स्थिता। तत्र पिण्डादिकं कृत्वा त्रिःसप्तकुलमुद्धरेत्
ākrāntaṃ daityajaṭharaṃ dharmmeṇa virajādriṇā| nābhikūpasamīpe tu devī yā virajā sthitā| tatra piṇḍādikaṃ kṛtvā triḥsaptakulamuddharet
The demon's belly was pressed down by Dharma with the Virajā mountain. Near the navel-well stands the goddess Virajā; having performed the piṇḍa offering and the rest there, one would rescue thrice seven generations.
AI translation rendered from the Sanskrit, not a published edition
VaP 2 44.86
महेन्द्रगिरिणा तस्य कृतौ पादौ सुनिश्चलौ। iतत्र पिण्डादिकृत्सप्त कुलान्युद्धरते नरः
mahendragiriṇā tasya kṛtau pādau suniścalau| itatra piṇḍādikṛtsapta kulānyuddharate naraḥ
By the Mahendra mountain his feet were made quite immovable. Here a man who performs the piṇḍa offering and the rest rescues seven generations.
AI translation rendered from the Sanskrit, not a published edition