Vayu Purana — Uttarardha — Chapter 22
VaP 2 22.1
ऋषयश्चैवमुक्तास्तु परं हर्षमुपागताः। परं शुश्रूषवो भूयः पप्रच्छुस्तदनन्तरम्
ṛṣayaścaivamuktāstu paraṃ harṣamupāgatāḥ| paraṃ śuśrūṣavo bhūyaḥ papracchustadanantaram
The seers, thus addressed, came to the highest delight, and, wishing exceedingly to hear, asked further immediately thereafter.
AI translation rendered from the Sanskrit, not a published edition
VaP 2 22.2
ऋषय ऊचुः ।। वंशानामानुपूर्व्येण राज्ञाञ्चामिततेजसाम्। स्थितिञ्चैषां प्रभावञ्च ब्रूहि नः परिपृच्छताम्
ṛṣaya ūcuḥ || vaṃśānāmānupūrvyeṇa rājñāñcāmitatejasām| sthitiñcaiṣāṃ prabhāvañca brūhi naḥ paripṛcchatām
The seers said: In due order, tell us, who ask you, of the lineages of the kings of measureless splendour, and of their standing and their power.
AI translation rendered from the Sanskrit, not a published edition
VaP 2 22.3
एवमुक्तस्ततः सूतस्तथाऽसौ लोमहर्षणः। शुश्रूषामुत्तराख्याने ऋषीणां वाक्यकोविदः
evamuktastataḥ sūtastathā'sau lomaharṣaṇaḥ| śuśrūṣāmuttarākhyāne ṛṣīṇāṃ vākyakovidaḥ
Thus addressed, that Sūta Lomaharṣaṇa, skilled in speech, (seeing) the seers' desire to hear the later narrative,
AI translation rendered from the Sanskrit, not a published edition — the model flagged this verse as uncertain
VaP 2 22.4
आख्यानकुशलो भूयः परं वाक्यमुवाच ह । ब्रुवतो मे निबोधस्व ऋषिराह यथा मम
ākhyānakuśalo bhūyaḥ paraṃ vākyamuvāca ha | bruvato me nibodhasva ṛṣirāha yathā mama
— being skilled in narration, spoke a further speech: "Learn from me as I speak, as the seer told it to me.
AI translation rendered from the Sanskrit, not a published edition
VaP 2 22.5
वंशानामानुपूर्व्येण राज्ञाञ्चामिततेजसाम्। स्थितिं चैषां प्रभावञ्च ब्रुवतो मे निबेधत
vaṃśānāmānupūrvyeṇa rājñāñcāmitatejasām| sthitiṃ caiṣāṃ prabhāvañca bruvato me nibedhata
Learn from me, as I speak in due order, of the lineages of the kings of measureless splendour, and of their standing and their power.
AI translation rendered from the Sanskrit, not a published edition
VaP 2 22.6
वरुणस्य पत्नी सामुद्री शुनोदेवीत्युदाहृता । तस्याः पुत्रौ कलिर्वैद्यः सुता च सुरसुन्दरी
varuṇasya patnī sāmudrī śunodevītyudāhṛtā | tasyāḥ putrau kalirvaidyaḥ sutā ca surasundarī
Varuṇa's wife, sprung from the ocean, is called Śunodevī; her two sons were Kali and Vaidya, and her daughter was Surasundarī.
AI translation rendered from the Sanskrit, not a published edition
VaP 2 22.7
कलि पुत्रौ महावीर्यौ जयश्च विजयश्च ह। वैद्यपुत्रौ घृणिश्चैव मुनिश्चैव महाबलौ
kali putrau mahāvīryau jayaśca vijayaśca ha| vaidyaputrau ghṛṇiścaiva muniścaiva mahābalau
Kali's two sons, of great valour, were Jaya and Vijaya; Vaidya's two sons were Ghṛṇi and Muni, of great strength.
AI translation rendered from the Sanskrit, not a published edition
VaP 2 22.8
प्रजानामत्तुकामानामन्योन्यस्य प्रभक्षिणौ। भक्षयित्वा तावन्योन्यं विनाशं समवापतुः
prajānāmattukāmānāmanyonyasya prabhakṣiṇau| bhakṣayitvā tāvanyonyaṃ vināśaṃ samavāpatuḥ
The two of them, wishing to devour the creatures, were devourers of each other; and having devoured each other, the two met with destruction.
AI translation rendered from the Sanskrit, not a published edition
VaP 2 22.9
कलिः सुरायां सञ्जज्ञे तस्य पुत्रो मदः स्मृतः । त्वाष्ट्री हिंसा कलेर्भार्य्या ज्येष्ठा या निकृतिः स्मृता
kaliḥ surāyāṃ sañjajñe tasya putro madaḥ smṛtaḥ | tvāṣṭrī hiṃsā kalerbhāryyā jyeṣṭhā yā nikṛtiḥ smṛtā
Kali was begotten upon Surā; his son is remembered as Mada. Kali's wife was Hiṃsā, daughter of Tvaṣṭṛ, the eldest, who is called Nikṛti.
AI translation rendered from the Sanskrit, not a published edition — the model flagged this verse as uncertain
VaP 2 22.10
असूतान्यान् कलेः पुत्रांश्चतुरः पुरुषादकान्। नाकं विघ्नं च विख्यातं सद्रमं विधमन्तथा
asūtānyān kaleḥ putrāṃścaturaḥ puruṣādakān| nākaṃ vighnaṃ ca vikhyātaṃ sadramaṃ vidhamantathā
She bore other sons of Kali, four man-eaters: Nāka, and the well-known Vighna, and Sadrama, and likewise Vidhama.
AI translation rendered from the Sanskrit, not a published edition
VaP 2 22.11
अशिरस्कस्तयोर्विघ्नो नाकश्चैवाशरीरवान्। सद्रमश्चैक हस्तोऽभूद्विधमश्चैकपात्स्मृतः
aśiraskastayorvighno nākaścaivāśarīravān| sadramaścaika hasto'bhūdvidhamaścaikapātsmṛtaḥ
Of those, Vighna was headless and Nāka was bodiless; Sadrama was one-handed, and Vidhama is remembered as one-footed.
AI translation rendered from the Sanskrit, not a published edition
VaP 2 22.12
सद्रमस्य तथा पत्नी तामसी पूतना स्मृता । रेवती विधमस्यापि तयोः पुत्राः सहस्रशः
sadramasya tathā patnī tāmasī pūtanā smṛtā | revatī vidhamasyāpi tayoḥ putrāḥ sahasraśaḥ
And Sadrama's wife is called Pūtanā, of the dark (tāmasa) nature, and Vidhama's was Revatī; the sons of those two were by the thousand.
AI translation rendered from the Sanskrit, not a published edition
VaP 2 22.13
नाकस्य शकुनिः पत्नी विघ्नस्य च अयोमुखी। राक्षसास्तु महाशीर्षाः सन्ध्याद्वयविचारिणः
nākasya śakuniḥ patnī vighnasya ca ayomukhī| rākṣasāstu mahāśīrṣāḥ sandhyādvayavicāriṇaḥ
Śakuni was Nāka's wife, and Ayomukhī was Vighna's; their (offspring) are the great-headed rākṣasas who roam about at the two twilights.
AI translation rendered from the Sanskrit, not a published edition
VaP 2 22.14
रेवतीपूतनापुत्रा नैऋता नामतः स्मृताः। ग्रहास्ते राक्षसाः सर्वे बालानान्तु विशेषतः। स्कन्दस्तेषामधिपतिर्ब्रह्मणोऽनुमते प्रभुः
revatīpūtanāputrā naiṛtā nāmataḥ smṛtāḥ| grahāste rākṣasāḥ sarve bālānāntu viśeṣataḥ| skandasteṣāmadhipatirbrahmaṇo'numate prabhuḥ
The sons of Revatī and Pūtanā are known by name as the Naiṛtas. All those rākṣasas are seizers (grahas), especially of children. Skanda is their overlord, lord by Brahmā's consent.
AI translation rendered from the Sanskrit, not a published edition
VaP 2 22.15
बृहस्पतेर्या भगिनी वरस्त्री ब्रह्मचारिणी। योगसिद्धा जगत्कृत्स्नमसक्ता चरते सदा
bṛhaspateryā bhaginī varastrī brahmacāriṇī| yogasiddhā jagatkṛtsnamasaktā carate sadā
She who is Bṛhaspati's sister, an excellent woman, a celibate, perfected in yoga, unattached, roams the whole world always.
AI translation rendered from the Sanskrit, not a published edition
VaP 2 22.16
प्रभासस्य तु सा भार्या वसूनामष्टमस्य तु। विश्वकर्मा सुतस्तस्या जातः शिल्पिप्रजापतिः
prabhāsasya tu sā bhāryā vasūnāmaṣṭamasya tu| viśvakarmā sutastasyā jātaḥ śilpiprajāpatiḥ
She was the wife of Prabhāsa, the eighth of the Vasus; her son Viśvakarman was born, the Prajāpati of craftsmen.
AI translation rendered from the Sanskrit, not a published edition
VaP 2 22.17
त्वष्टा विराजो रूपाणां धर्म्मपौत्र उदारधीः। कर्त्ता शिल्पसहस्राणां त्रिदशानाञ्च वास्तुकृत्
tvaṣṭā virājo rūpāṇāṃ dharmmapautra udāradhīḥ| karttā śilpasahasrāṇāṃ tridaśānāñca vāstukṛt
(He is) Tvaṣṭṛ, (fashioner) of the forms of Virāj, the grandson of Dharma, of noble mind, the maker of thousands of crafts and the builder for the thirty (gods).
AI translation rendered from the Sanskrit, not a published edition — the model flagged this verse as uncertain
VaP 2 22.18
यः सर्वेषां विमानानि देवतानाञ्चकार ह। मानुषाश्चोपजीवन्ति यस्य शिल्पं महात्मनः
yaḥ sarveṣāṃ vimānāni devatānāñcakāra ha| mānuṣāścopajīvanti yasya śilpaṃ mahātmanaḥ
He indeed made the aerial cars of all the deities, and men live by the craft of that great-souled one.
AI translation rendered from the Sanskrit, not a published edition
VaP 2 22.19
प्रह्लादी विश्रुता तस्य त्वष्टुः पत्नी विरोचना। विरोचनस्य भगिनी माता त्रिशिरसस्तु सा
prahlādī viśrutā tasya tvaṣṭuḥ patnī virocanā| virocanasya bhaginī mātā triśirasastu sā
That Tvaṣṭṛ's wife was the renowned Virocanā, called Prahlādī; she was the sister of Virocana and the mother of Triśiras.
AI translation rendered from the Sanskrit, not a published edition
VaP 2 22.20
देवाचार्यस्य महतो विश्वकर्मस्य धीमतः। विश्वकर्मात्मजश्चैव विश्वकर्ममयः स्मृतः
devācāryasya mahato viśvakarmasya dhīmataḥ| viśvakarmātmajaścaiva viśvakarmamayaḥ smṛtaḥ
Of the great Viśvakarman, teacher of the gods, the wise one, the son too was known as Viśvakarman, made up of (his) all-craft.
AI translation rendered from the Sanskrit, not a published edition — the model flagged this verse as uncertain
VaP 2 22.21
सुरेणुरिति विख्याता स्वसा तस्य यवीयसी। त्वाष्ट्री सा सवितुर्भार्य्या पुनः संज्ञेति विश्रुता
sureṇuriti vikhyātā svasā tasya yavīyasī| tvāṣṭrī sā saviturbhāryyā punaḥ saṃjñeti viśrutā
His younger sister was famed as Sureṇu; she, Tvaṣṭṛ's daughter, was the wife of Savitṛ, also renowned as Saṃjñā.
AI translation rendered from the Sanskrit, not a published edition
VaP 2 22.22
असूत तपसा सा तु मनुं ज्येष्ठं विवस्वतः। यमौ पुनरसूतासौ यमञ्च यमुनाञ्च ह
asūta tapasā sā tu manuṃ jyeṣṭhaṃ vivasvataḥ| yamau punarasūtāsau yamañca yamunāñca ha
By her austerity she bore Manu, the eldest (son) of Vivasvat; and again she bore twins, Yama and Yamunā.
AI translation rendered from the Sanskrit, not a published edition
VaP 2 22.23
सा तु गत्वा कुरून् देवी वडवारूपधारिणी। सवितुश्चाश्वरूपस्य नासिकाभ्यां तु तौ स्मृतौ
sā tu gatvā kurūn devī vaḍavārūpadhāriṇī| savituścāśvarūpasya nāsikābhyāṃ tu tau smṛtau
But that goddess, going to the Kurus, took on the form of a mare; and those two (Aśvins) are said (to have come) from the nostrils of Savitṛ, who had the form of a horse.
AI translation rendered from the Sanskrit, not a published edition
VaP 2 22.24
असूत सा महाभागा त्वन्तरिक्षेऽश्विनौ किल। नासत्यञ्चैव दस्रञ्च मार्त्तण्डस्यात्मजावुभौ
asūta sā mahābhāgā tvantarikṣe'śvinau kila| nāsatyañcaiva dasrañca mārttaṇḍasyātmajāvubhau
That greatly blessed one bore the two Aśvins in mid-air, so it is said — Nāsatya and Dasra, both sons of Mārtaṇḍa.
AI translation rendered from the Sanskrit, not a published edition
VaP 2 22.25
ऋषय ऊचुः।। कस्मान्मार्त्तण्ड इत्येष विवस्वानुच्यते बुधैः। किमर्थं साऽश्वरूपा वै नासिकाभ्यामसूयत। एतद्वेदितुमिच्छामस्तत्त्वं विब्रूहि पृच्छताम्
ṛṣaya ūcuḥ|| kasmānmārttaṇḍa ityeṣa vivasvānucyate budhaiḥ| kimarthaṃ sā'śvarūpā vai nāsikābhyāmasūyata| etadveditumicchāmastattvaṃ vibrūhi pṛcchatām
The sages said: Why is this Vivasvat called Mārtaṇḍa by the wise? For what reason did she, in the form of a mare, give birth from the nostrils? We wish to know this; tell the truth to us who ask.
AI translation rendered from the Sanskrit, not a published edition
VaP 2 22.26
सूत उवाच।। चिरोत्पन्नमतिर्भिन्नमण्डं त्वष्ट्रा विदारितम्। दृष्ट्वा गर्भवधाद्भीतः कश्यपो दुःशितोऽभवत्
sūta uvāca|| cirotpannamatirbhinnamaṇḍaṃ tvaṣṭrā vidāritam| dṛṣṭvā garbhavadhādbhītaḥ kaśyapo duḥśito'bhavat
Sūta said: The egg, whose mind (i.e. life) had arisen long since, was split, torn open by Tvaṣṭṛ; seeing (it), Kaśyapa, afraid of the killing of the embryo, became grieved.
AI translation rendered from the Sanskrit, not a published edition — the model flagged this verse as uncertain
VaP 2 22.27
अण्डे द्विधाकृते त्वण्डं दृष्ट्वा त्वष्टारमब्रवीत्। नैतदण्डं भवान्नूनं मार्त्तण्डस्त्वं भवानघ
aṇḍe dvidhākṛte tvaṇḍaṃ dṛṣṭvā tvaṣṭāramabravīt| naitadaṇḍaṃ bhavānnūnaṃ mārttaṇḍastvaṃ bhavānagha
When the egg had been made twofold, seeing the egg he said to Tvaṣṭṛ: "This egg of yours is surely not (dead); you, sinless one, are Mārtaṇḍa (dead-egg)."
AI translation rendered from the Sanskrit, not a published edition — the model flagged this verse as uncertain
VaP 2 22.28
न खल्वयं मृतोऽण्डे च इति स्नेहात् पिताऽब्रवीत्। तस्य तद्वचनं श्रुत्वा नामान्वर्थमुदाहरत्
na khalvayaṃ mṛto'ṇḍe ca iti snehāt pitā'bravīt| tasya tadvacanaṃ śrutvā nāmānvarthamudāharat
"Surely this one is not dead in the egg" — so the father said out of affection; hearing that speech of his, he uttered a name fitting the sense.
AI translation rendered from the Sanskrit, not a published edition
VaP 2 22.29
यन्मार्त्तण्डो भवेत्युक्तः पित्राऽण्डे वै द्विधा कृते। तस्माद्विवस्वान्मार्त्तण्डः पुराणज्ञैर्विभाष्यते
yanmārttaṇḍo bhavetyuktaḥ pitrā'ṇḍe vai dvidhā kṛte| tasmādvivasvānmārttaṇḍaḥ purāṇajñairvibhāṣyate
Since, when the egg was made twofold, he was addressed by his father as "Be Mārtaṇḍa", therefore Vivasvat is spoken of as Mārtaṇḍa by those who know the Purāṇas.
AI translation rendered from the Sanskrit, not a published edition
VaP 2 22.30
ततः प्रजाः प्रवक्ष्यामि मार्त्तण्डस्य विवस्वतः। विजज्ञे सवितुः संज्ञाभार्यायान्तु त्रयं पुरा
tataḥ prajāḥ pravakṣyāmi mārttaṇḍasya vivasvataḥ| vijajñe savituḥ saṃjñābhāryāyāntu trayaṃ purā
Next I shall declare the offspring of Mārtaṇḍa Vivasvat. Formerly a triad was begotten of Savitṛ in his wife Saṃjñā.
AI translation rendered from the Sanskrit, not a published edition
VaP 2 22.31
मनुर्यवीयान् सावर्णिः संज्ञायाञ्च तथाश्विनौ। शनैश्चरश्च सप्तैते मार्त्तण्डस्यात्मजाः स्मृताः
manuryavīyān sāvarṇiḥ saṃjñāyāñca tathāśvinau| śanaiścaraśca saptaite mārttaṇḍasyātmajāḥ smṛtāḥ
The younger Manu Sāvarṇi, and likewise the two Aśvins in Saṃjñā, and Śanaiścara — these seven are known as the sons of Mārtaṇḍa.
AI translation rendered from the Sanskrit, not a published edition
VaP 2 22.32
विवस्वान् कश्यपाज्जज्ञे दाक्षायण्यां महायशाः। तस्य भार्याऽभवत्त्वाष्ट्री महादेवी विवस्वतः। सुरेणुरिति विख्याता पुनः संज्ञेति विश्रुता
vivasvān kaśyapājjajñe dākṣāyaṇyāṃ mahāyaśāḥ| tasya bhāryā'bhavattvāṣṭrī mahādevī vivasvataḥ| sureṇuriti vikhyātā punaḥ saṃjñeti viśrutā
The greatly renowned Vivasvat was born of Kaśyapa in Dākṣāyaṇī. The wife of that Vivasvat was Tvaṣṭṛ's daughter, the great goddess, famed as Sureṇu and also renowned as Saṃjñā.
AI translation rendered from the Sanskrit, not a published edition
VaP 2 22.33
सा तु भार्या भगवतो मार्त्तण्डस्यातितेजसः। नातुष्यद्भर्तृरूपेण रूपयौवनशालिनी
sā tu bhāryā bhagavato mārttaṇḍasyātitejasaḥ| nātuṣyadbhartṛrūpeṇa rūpayauvanaśālinī
She, the wife of the lord Mārtaṇḍa of surpassing fiery energy, endowed with beauty and youth, was not pleased with her husband's form.
AI translation rendered from the Sanskrit, not a published edition
VaP 2 22.34
आदित्यस्य हि तद्रूपं मार्त्तण्डस्य हि तेजसा। गोत्रेषु प्रतिरुद्धं वै नाति कान्तमिवाभवत्
ādityasya hi tadrūpaṃ mārttaṇḍasya hi tejasā| gotreṣu pratiruddhaṃ vai nāti kāntamivābhavat
For that form of the Āditya, of Mārtaṇḍa, being blocked in the gotras by (his own) fiery heat, was as it were not very lovely.
AI translation rendered from the Sanskrit, not a published edition — the model flagged this verse as uncertain
VaP 2 22.35
न खल्वयं मृतो ह्यण्डे इति स्नेहात्तमब्रवीत् । अज्ञानः कश्यपः स्नेहान्मार्त्तण्ड इति चोच्यते
na khalvayaṃ mṛto hyaṇḍe iti snehāttamabravīt | ajñānaḥ kaśyapaḥ snehānmārttaṇḍa iti cocyate
"Surely this one is not dead in the egg" — thus out of affection he (Kaśyapa) spoke of him; Kaśyapa, not knowing, out of affection (called him so), and he is called Mārtaṇḍa.
AI translation rendered from the Sanskrit, not a published edition — the model flagged this verse as uncertain
VaP 2 22.36
तेजस्त्वभ्यधिकं तस्य नित्यमेव विवस्वतः। येनापि तापयामास त्रील्लोँकान् कश्यपात्मजः
tejastvabhyadhikaṃ tasya nityameva vivasvataḥ| yenāpi tāpayāmāsa trīllo~kān kaśyapātmajaḥ
But the fiery energy of that Vivasvat was always excessive, whereby the son of Kaśyapa scorched the three worlds.
AI translation rendered from the Sanskrit, not a published edition
VaP 2 22.37
त्रीण्यपत्यानि संज्ञायां जनयामास वै रविः । द्वौ सुतौ तु महावीर्यौ कन्यां कालिन्दिमेव च
trīṇyapatyāni saṃjñāyāṃ janayāmāsa vai raviḥ | dvau sutau tu mahāvīryau kanyāṃ kālindimeva ca
The Sun begot three children in Saṃjñā: two sons of great valour, and a daughter, Kālindī.
AI translation rendered from the Sanskrit, not a published edition
VaP 2 22.38
मनुर्विवस्वतो ज्येष्ठः श्राद्धदेवः प्रजापतिः। ततो यमो यमी चैव यमजौ संबभूवतुः
manurvivasvato jyeṣṭhaḥ śrāddhadevaḥ prajāpatiḥ| tato yamo yamī caiva yamajau saṃbabhūvatuḥ
Manu, called Śrāddhadeva, the Prajāpati, was Vivasvat's eldest; then Yama and Yamī were born as twins.
AI translation rendered from the Sanskrit, not a published edition
VaP 2 22.39
शान्तवर्णन्तु तद्रूपं दृष्ट्वा संज्ञा विवस्वतः। असहन्ती स्वकां जायां सवर्णां निर्ममे पुनः
śāntavarṇantu tadrūpaṃ dṛṣṭvā saṃjñā vivasvataḥ| asahantī svakāṃ jāyāṃ savarṇāṃ nirmame punaḥ
But Saṃjñā, seeing that form of Vivasvat to be of a faded colour, unable to bear (it), fashioned a woman of her own colour (Savarṇā) as (his) wife.
AI translation rendered from the Sanskrit, not a published edition — the model flagged this verse as uncertain
VaP 2 22.40
महीमयी तु सा नारी तस्याश्छायासमुद्गता। प्राञ्जलिः प्रयता भूत्वा पुनः संज्ञामभाषत
mahīmayī tu sā nārī tasyāśchāyāsamudgatā| prāñjaliḥ prayatā bhūtvā punaḥ saṃjñāmabhāṣata
And that woman, made of earth, arisen from her shadow, becoming reverent with joined palms, then addressed Saṃjñā.
AI translation rendered from the Sanskrit, not a published edition
VaP 2 22.41
वदस्व किं मया कार्यं सा संज्ञा तामथाब्रवीत्। अहं यास्यामि भद्रन्ते स्वमेव भवनं पितुः
vadasva kiṃ mayā kāryaṃ sā saṃjñā tāmathābravīt| ahaṃ yāsyāmi bhadrante svameva bhavanaṃ pituḥ
"Tell (me) what is to be done by me." Then Saṃjñā said to her: "Blessings on you; I shall go to my own father's house.
AI translation rendered from the Sanskrit, not a published edition
VaP 2 22.42
त्वयेह भवने मह्यं वस्तव्यं निर्विशङ्कया। इमौ च बालकौ मह्यं कन्या च वरवर्णिनी
tvayeha bhavane mahyaṃ vastavyaṃ nirviśaṅkayā| imau ca bālakau mahyaṃ kanyā ca varavarṇinī
"You must dwell here in the house for me, without any misgiving; and these two boys are mine, and the daughter of lovely colour.
AI translation rendered from the Sanskrit, not a published edition
VaP 2 22.43
भर्त्रे वै नैवमाख्येयमिदं भगवते त्वया। एवमुक्ताब्रवीत् संज्ञां संज्ञायाः पार्थिवी तु सा
bhartre vai naivamākhyeyamidaṃ bhagavate tvayā| evamuktābravīt saṃjñāṃ saṃjñāyāḥ pārthivī tu sā
"And this must not be told by you thus to (my) husband, the lord." Being so addressed, that earthen (woman) of Saṃjñā said to Saṃjñā:
AI translation rendered from the Sanskrit, not a published edition
VaP 2 22.44
आकाशग्रहणाद्देवि आशयं नैव कर्हिचित्। आख्यास्यामि मतं तुभ्यं गच्छ देवि स्वमालयम्
ākāśagrahaṇāddevi āśayaṃ naiva karhicit| ākhyāsyāmi mataṃ tubhyaṃ gaccha devi svamālayam
"O goddess, even if (I am) seized by the hair, I shall never at any time disclose the intention; (this is) my resolve for you. Go, goddess, to your own dwelling."
AI translation rendered from the Sanskrit, not a published edition — the model flagged this verse as uncertain
VaP 2 22.45
समाधाय च तां संज्ञा तथेत्युक्ता तया च सा। त्वष्टुः समीपमगमद्व्रीडितेव तपस्विनी
samādhāya ca tāṃ saṃjñā tathetyuktā tayā ca sā| tvaṣṭuḥ samīpamagamadvrīḍiteva tapasvinī
And having reassured her, and being told "so be it" by her, Saṃjñā, the ascetic woman, went to Tvaṣṭṛ's presence as if ashamed.
AI translation rendered from the Sanskrit, not a published edition
VaP 2 22.46
पिता तामागतां दृष्ट्वा क्रुद्धः संज्ञामथाब्रवीत्। भर्तुः समीपं गच्छ त्वं मा जुगुप्स दिवाकरम्
pitā tāmāgatāṃ dṛṣṭvā kruddhaḥ saṃjñāmathābravīt| bhartuḥ samīpaṃ gaccha tvaṃ mā jugupsa divākaram
Her father, seeing her come, angry, then said to Saṃjñā: "Go to your husband's presence; do not despise the Maker of Day."
AI translation rendered from the Sanskrit, not a published edition
VaP 2 22.47
सैवमुक्ता तदा पित्रा नियुक्ता च पुनः पुनः। वर्षाणान्तु सहस्रं वै वसति स्म पितुर्गृहे
saivamuktā tadā pitrā niyuktā ca punaḥ punaḥ| varṣāṇāntu sahasraṃ vai vasati sma piturgṛhe
She, thus addressed by her father and directed again and again, yet dwelt in her father's house for a thousand years.
AI translation rendered from the Sanskrit, not a published edition
VaP 2 22.48
भर्तुः समीपं गच्छ त्वं नियुक्ता च पुनः पुनः। अगमद्वडवा भूत्वाच्छाद्य रूपमनिन्दिता। उत्तरान् सा कुरून् गत्वा तृणान्यथ चचार सा
bhartuḥ samīpaṃ gaccha tvaṃ niyuktā ca punaḥ punaḥ| agamadvaḍavā bhūtvācchādya rūpamaninditā| uttarān sā kurūn gatvā tṛṇānyatha cacāra sā
"Go to your husband's presence" — being directed again and again, the blameless one, having concealed her form, becoming a mare, went; and having gone to the Northern Kurus, she grazed on the grasses there.
AI translation rendered from the Sanskrit, not a published edition
VaP 2 22.49
द्वितीयायान्तु संज्ञायां संज्ञेयमिति चिन्त्यताम्। आदित्यो जनयामास पुत्रावादित्यवर्चसौ
dvitīyāyāntu saṃjñāyāṃ saṃjñeyamiti cintyatām| ādityo janayāmāsa putrāvādityavarcasau
But in the second Saṃjñā — who was to be thought of as "this is Saṃjñā" — the Āditya begot two sons with the splendour of the sun,
AI translation rendered from the Sanskrit, not a published edition
VaP 2 22.50
पूर्वजस्य मनोस्तुल्यौ सादृश्येन तु तौ प्रभू । श्रुतश्रवं तु धर्म्मज्ञं श्रुतकर्म्माणमेव च
pūrvajasya manostulyau sādṛśyena tu tau prabhū | śrutaśravaṃ tu dharmmajñaṃ śrutakarmmāṇameva ca
the two lords equal in likeness to the earlier-born Manu: Śrutaśravas, the knower of dharma, and Śrutakarman as well.
AI translation rendered from the Sanskrit, not a published edition
VaP 2 22.51
श्रुतश्रवा मनुः सोऽपि सावर्णिर्वैभविष्यति। श्रुतकर्म्मा तु विज्ञेयो ग्रहो वै यः शनैश्चरः
śrutaśravā manuḥ so'pi sāvarṇirvaibhaviṣyati| śrutakarmmā tu vijñeyo graho vai yaḥ śanaiścaraḥ
Śrutaśravas too shall be the Manu Sāvarṇi; but Śrutakarman is to be known as that planet which is Śanaiścara (Saturn).
AI translation rendered from the Sanskrit, not a published edition
VaP 2 22.52
मनुरेवाभवत्सो वै सावर्ण्य इति बुध्यते। संज्ञा तु पार्थिवी सा वै स्वस्य पुत्रस्य वै तदा
manurevābhavatso vai sāvarṇya iti budhyate| saṃjñā tu pārthivī sā vai svasya putrasya vai tadā
He indeed became Manu, and is known as Sāvarṇya. But that earthen Saṃjñā then, for her own son,
AI translation rendered from the Sanskrit, not a published edition
VaP 2 22.53
चकाराभ्यधिकं स्नेहं न तथा पूर्वजेषु वै। मनुस्तच्चाक्षमत्सर्वं यमस्तद्वै न चाक्षमत्
cakārābhyadhikaṃ snehaṃ na tathā pūrvajeṣu vai| manustaccākṣamatsarvaṃ yamastadvai na cākṣamat
She showed excessive affection (to that one), but not so toward the elder-born; Manu bore all that, but Yama did not bear it.
AI translation rendered from the Sanskrit, not a published edition
VaP 2 22.54
बहुशो यस्यमानस्तु सापत्न्यादतिदुःखितः। तां वै रोषाच्च बाल्याच्च भाविनोऽर्थस्य वै बलात्
bahuśo yasyamānastu sāpatnyādatiduḥkhitaḥ| tāṃ vai roṣācca bālyācca bhāvino'rthasya vai balāt
Being restrained again and again, and greatly pained by the co-wife situation, (he turned) upon her, out of anger and out of childishness, and by the force of what was destined to be—
AI translation rendered from the Sanskrit, not a published edition — the model flagged this verse as uncertain
VaP 2 22.55
पदा सन्तर्जयामास संज्ञां चैव स्वतो यमः। सा शशाव ततः क्रोधात् सवर्णा जननी यमम्
padā santarjayāmāsa saṃjñāṃ caiva svato yamaḥ| sā śaśāva tataḥ krodhāt savarṇā jananī yamam
—Yama threatened Saṃjñā with his foot, of his own accord; then, out of anger, she, Savarṇā, the mother, cursed Yama:
AI translation rendered from the Sanskrit, not a published edition
VaP 2 22.56
पदा तर्जयसे यस्मात् पितृभार्यां यशस्विनीम्। तस्मात्तवैष चरणः पतिष्यति न संशयः
padā tarjayase yasmāt pitṛbhāryāṃ yaśasvinīm| tasmāttavaiṣa caraṇaḥ patiṣyati na saṃśayaḥ
"Since you threaten with your foot your father's illustrious wife, therefore this foot of yours shall fall off—there is no doubt."
AI translation rendered from the Sanskrit, not a published edition
VaP 2 22.57
यमस्तु तेन शापेन भृशं पीडितमानसः। मनुना सह धर्म्मात्मा पितुः सर्व्वं न्यवेदयत्
yamastu tena śāpena bhṛśaṃ pīḍitamānasaḥ| manunā saha dharmmātmā pituḥ sarvvaṃ nyavedayat
But Yama, his mind sorely afflicted by that curse, righteous in nature, together with Manu reported everything to his father,
AI translation rendered from the Sanskrit, not a published edition
VaP 2 22.58
भृशं शापभयोद्विग्नः संज्ञावाक्यैर्विनिर्जितः। बाल्याद्वा यदि वा मोहान्मां भवांस्त्रातुमर्हति
bhṛśaṃ śāpabhayodvignaḥ saṃjñāvākyairvinirjitaḥ| bālyādvā yadi vā mohānmāṃ bhavāṃstrātumarhati
—greatly agitated by fear of the curse, overwhelmed by Saṃjñā's words: "Whether it was from childishness or from delusion, you ought to protect me.
AI translation rendered from the Sanskrit, not a published edition
VaP 2 22.59
शप्तोऽहमस्मिँल्लोकेश जनन्या तपतां वर। तव प्रसादो नस्त्रातुं ह्येतस्मान्महतो भयात्
śapto'hamasmi~llokeśa jananyā tapatāṃ vara| tava prasādo nastrātuṃ hyetasmānmahato bhayāt
I have been cursed, O lord of the world, by my mother, O best of those that burn; let your favour save us from this great terror."
AI translation rendered from the Sanskrit, not a published edition
VaP 2 22.60
विवस्वानेवमुक्तस्तु यमं प्रोवाच वै प्रभुः। असंशयं पुत्र महद्भविष्यं तत्र कारणम्
vivasvānevamuktastu yamaṃ provāca vai prabhuḥ| asaṃśayaṃ putra mahadbhaviṣyaṃ tatra kāraṇam
Thus addressed, Vivasvān the mighty one said to Yama: "Doubtless, son, some great thing to come is the cause of this,
AI translation rendered from the Sanskrit, not a published edition
VaP 2 22.61
येन त्वामाविशत्क्रोधो धर्म्मज्ञं सत्यवादिनम्। न शक्यमेतन्मिथ्या तु कर्त्तुं मातुर्वचस्तव
yena tvāmāviśatkrodho dharmmajñaṃ satyavādinam| na śakyametanmithyā tu karttuṃ māturvacastava
whereby anger entered you, who know dharma and speak the truth; but this word of your mother cannot be made false.
AI translation rendered from the Sanskrit, not a published edition
VaP 2 22.62
कृमयो मांसमादाय यास्यन्ति तु महीं तव। ततः पादं महाप्राज्ञ पुनः संप्राप्स्यसे सुखम्
kṛmayo māṃsamādāya yāsyanti tu mahīṃ tava| tataḥ pādaṃ mahāprājña punaḥ saṃprāpsyase sukham
Worms will take the flesh (of your foot) and go into the earth—your (foot's flesh will thus fall); then, O greatly wise one, you will get your foot back again in comfort.
AI translation rendered from the Sanskrit, not a published edition — the model flagged this verse as uncertain
VaP 2 22.63
कृतमेवं वचः सत्यं मातुस्तव भविष्यति। शापस्य परिहारेण त्वं च त्राता भविष्यसि
kṛtamevaṃ vacaḥ satyaṃ mātustava bhaviṣyati| śāpasya parihāreṇa tvaṃ ca trātā bhaviṣyasi
Thus your mother's word will have been made true, and by the averting of the curse you too will become a saviour."
AI translation rendered from the Sanskrit, not a published edition
VaP 2 22.64
आदित्यस्त्वब्रवीत् संज्ञां किमर्थं तनयेषु वै। तुल्येष्वप्यधिकः स्नेह एकस्मिन् क्रियते त्वया
ādityastvabravīt saṃjñāṃ kimarthaṃ tanayeṣu vai| tulyeṣvapyadhikaḥ sneha ekasmin kriyate tvayā
But the Sun said to Saṃjñā: "Why is it that, though the sons are equal, greater affection is shown by you to one alone?"
AI translation rendered from the Sanskrit, not a published edition
VaP 2 22.65
सा तत्परिहरन्ती वै नाचचक्षे विवस्वतः। आत्मना स समाधाय योगन्तथ्यमपश्यत
sā tatpariharantī vai nācacakṣe vivasvataḥ| ātmanā sa samādhāya yogantathyamapaśyata
She, evading that, did not tell Vivasvat; but he, concentrating by himself, saw the truth through yoga.
AI translation rendered from the Sanskrit, not a published edition
VaP 2 22.66
तां शप्तुकामो भगवान् नाशाय कुपितः प्रभुः । सा तत्सर्वं यथातत्त्वमाचचक्षे विवस्वतः
tāṃ śaptukāmo bhagavān nāśāya kupitaḥ prabhuḥ | sā tatsarvaṃ yathātattvamācacakṣe vivasvataḥ
The lord, angered, wished to curse her to destruction; (then) she told all that to Vivasvat just as it truly was.
AI translation rendered from the Sanskrit, not a published edition
VaP 2 22.67
विवस्वानथ तच्छ्रुत्वा क्रुद्धस्त्वष्टारमभ्ययात्। त्वष्टा तु तं यथान्यायमर्चयित्वा विभावसुम्
vivasvānatha tacchrutvā kruddhastvaṣṭāramabhyayāt| tvaṣṭā tu taṃ yathānyāyamarcayitvā vibhāvasum
Then Vivasvān, hearing that, went in anger to Tvaṣṭā; but Tvaṣṭā, having honoured the radiant one as was fitting,
AI translation rendered from the Sanskrit, not a published edition
VaP 2 22.68
निर्द्दग्धुकामं रोषेण सान्त्वयामास वै शनैः। तवातितेजसा युक्तमिदं रूपं न शोभते
nirddagdhukāmaṃ roṣeṇa sāntvayāmāsa vai śanaiḥ| tavātitejasā yuktamidaṃ rūpaṃ na śobhate
gently appeased him who wished to burn (all) up in his rage: "This form of yours, joined with excessive heat, is not beautiful.
AI translation rendered from the Sanskrit, not a published edition
VaP 2 22.69
असहन्ती तु तत् संज्ञा वने चरति शाद्वले। द्रक्ष्यते तां भवानद्य स्वां भार्यां शुभचारिणीम्
asahantī tu tat saṃjñā vane carati śādvale| drakṣyate tāṃ bhavānadya svāṃ bhāryāṃ śubhacāriṇīm
Unable to bear it, Saṃjñā roams in the grassy forest; you shall see her today, your own wife of fair conduct,
AI translation rendered from the Sanskrit, not a published edition
VaP 2 22.70
श्लाघ्यां यौवनसम्पन्नां योगमास्थाय गोपते। अनुकूलं भवेदेवं यदि स्यात् समयो मतः
ślāghyāṃ yauvanasampannāṃ yogamāsthāya gopate| anukūlaṃ bhavedevaṃ yadi syāt samayo mataḥ
praiseworthy, endowed with youth, having taken to yoga, O lord of rays; things would thus become favourable, if the arrangement be approved.
AI translation rendered from the Sanskrit, not a published edition — the model flagged this verse as uncertain
VaP 2 22.71
रूपं विवर्त्तयेदन्ते आद्यं श्रेष्ठमरिन्दम। रूपं विवस्वतस्त्वासीत्तिर्यगूर्ध्वमधस्तथा
rūpaṃ vivarttayedante ādyaṃ śreṣṭhamarindama| rūpaṃ vivasvatastvāsīttiryagūrdhvamadhastathā
In the end one should transform the form—the original, the best one, O subduer of foes." Now the form of Vivasvat was (blazing) sideways, upward, and downward as well.
AI translation rendered from the Sanskrit, not a published edition — the model flagged this verse as uncertain
VaP 2 22.72
तेनासौ व्रीडितो देवो रूपेण तु दिवस्पतिः। तस्मात्त्वष्टा स चक्रं तु बहुमेने महातपाः
tenāsau vrīḍito devo rūpeṇa tu divaspatiḥ| tasmāttvaṣṭā sa cakraṃ tu bahumene mahātapāḥ
By that form the god, the lord of heaven, was put to shame; therefore Tvaṣṭā of great austerity held the disc in high regard.
AI translation rendered from the Sanskrit, not a published edition — the model flagged this verse as uncertain
VaP 2 22.73
अनुज्ञातस्ततस्त्वष्टा रूपनिर्वर्त्तनाय तु। ततोऽभ्युपगमात्त्वष्टा मार्त्तण्डस्य विवस्वतः
anujñātastatastvaṣṭā rūpanirvarttanāya tu| tato'bhyupagamāttvaṣṭā mārttaṇḍasya vivasvataḥ
Then Tvaṣṭā, having been given leave, (set about) the reshaping of the form; then, by the consent of Mārtaṇḍa Vivasvat, Tvaṣṭā—
AI translation rendered from the Sanskrit, not a published edition — the model flagged this verse as uncertain
VaP 2 22.74
भ्रमिमारोप्य तत्तेजः शातयामास तस्य वै। तत्तु निर्भासितन्तेजस्तेजसापहृतेन तु
bhramimāropya tattejaḥ śātayāmāsa tasya vai| tattu nirbhāsitantejastejasāpahṛtena tu
—having mounted that radiance upon the lathe, he pared it down; and that radiance, its brilliance dimmed, with (part of) its light taken away,
AI translation rendered from the Sanskrit, not a published edition — the model flagged this verse as uncertain
VaP 2 22.75
कान्तात् कान्ततरं द्रष्टुमशुभं शुशुभे ततः। ददर्श योगमास्थाय स्वाम्भार्यां वडवां तथा
kāntāt kāntataraṃ draṣṭumaśubhaṃ śuśubhe tataḥ| dadarśa yogamāsthāya svāmbhāryāṃ vaḍavāṃ tathā
then shone, that which had been unlovely, more lovely than the lovely to behold. And resorting to yoga he saw his own wife in the form of a mare,
AI translation rendered from the Sanskrit, not a published edition — the model flagged this verse as uncertain
VaP 2 22.76
अदृश्यां सर्वभूतानां तेजसा नियमेन च। अश्वरूपेण मार्त्तण्डस्तां मुखे समभावयत्
adṛśyāṃ sarvabhūtānāṃ tejasā niyamena ca| aśvarūpeṇa mārttaṇḍastāṃ mukhe samabhāvayat
invisible to all beings by (her) radiance and by (her) vow; and Mārtaṇḍa, in the form of a horse, joined with her at the mouth.
AI translation rendered from the Sanskrit, not a published edition — the model flagged this verse as uncertain
VaP 2 22.77
मैथुनाय विचेष्टन्ती परपुंसोपशङ्कया। सा तन्निरधमच्छुक्रं नासिकाभ्यां विवस्वतः
maithunāya viceṣṭantī parapuṃsopaśaṅkayā| sā tanniradhamacchukraṃ nāsikābhyāṃ vivasvataḥ
Struggling against the coupling out of the suspicion that it was another male, she blew out that seed of Vivasvat through her nostrils.
AI translation rendered from the Sanskrit, not a published edition
VaP 2 22.78
देवौ तस्मादजायेतामश्विनौ भिषजां वरौ । नासत्यश्चैव दस्रश्च स्मृतौ द्वावश्विनाविति
devau tasmādajāyetāmaśvinau bhiṣajāṃ varau | nāsatyaścaiva dasraśca smṛtau dvāvaśvināviti
From that were born the two gods, the Aśvins, the best of physicians; the two Aśvins are recorded as Nāsatya and Dasra.
AI translation rendered from the Sanskrit, not a published edition
VaP 2 22.79
मार्त्तण्डस्य सुतावेतावष्टमस्य प्रजापतेः। तान्तु रूपेण कान्तेन दर्शयामास भास्करः
mārttaṇḍasya sutāvetāvaṣṭamasya prajāpateḥ| tāntu rūpeṇa kāntena darśayāmāsa bhāskaraḥ
These two are the sons of Mārtaṇḍa, the eighth Prajāpati. And the Sun showed himself to her in his lovely form.
AI translation rendered from the Sanskrit, not a published edition
VaP 2 22.80
सा तं दृष्ट्वात्तदा भार्या तुतोष च मुमोह च। यमस्तु तेन शापेन भृशम्पीडितमानसः
sā taṃ dṛṣṭvāttadā bhāryā tutoṣa ca mumoha ca| yamastu tena śāpena bhṛśampīḍitamānasaḥ
She, his wife, seeing him then, was both delighted and bewildered. But Yama, his mind sorely afflicted by that curse,
AI translation rendered from the Sanskrit, not a published edition
VaP 2 22.81
धर्म्मेण रञ्जयामास धर्म्मराजस्ततस्तु सः । सोऽलभत् कर्मणा तेन शुभेन परमद्युतिः
dharmmeṇa rañjayāmāsa dharmmarājastatastu saḥ | so'labhat karmaṇā tena śubhena paramadyutiḥ
— he then, as Dharmarāja, gave delight by dharma; by that auspicious deed he of supreme splendour obtained
AI translation rendered from the Sanskrit, not a published edition — the model flagged this verse as uncertain
VaP 2 22.82
पितॄणामाधिपत्यञ्च लोकपालत्वमेव च। मनुः प्रजापतिश्चैव सावर्णिः स महायशाः
pitṝṇāmādhipatyañca lokapālatvameva ca| manuḥ prajāpatiścaiva sāvarṇiḥ sa mahāyaśāḥ
both the overlordship of the ancestors and the office of world-guardian. And (the other became) Manu and Prajāpati, Sāvarṇi of great fame.
AI translation rendered from the Sanskrit, not a published edition — the model flagged this verse as uncertain
VaP 2 22.83
भाव्यसौ नागते तस्मिन् मनुः सावर्णिकेऽन्तरे। मेरुपृष्ठे सुरम्ये वै अद्यापि चरते प्रभुः
bhāvyasau nāgate tasmin manuḥ sāvarṇike'ntare| merupṛṣṭhe suramye vai adyāpi carate prabhuḥ
He is to be Manu in that Sāvarṇika interval, which has not yet come; even now the lord roams on the delightful back of Meru.
AI translation rendered from the Sanskrit, not a published edition
VaP 2 22.84
भ्राता शनैश्चरस्तत्र ग्रहत्वं स तु लब्धवान्। त्वष्टाऽनु तेन रूपेण विष्णोश्चक्रमकल्पयत्। महाऽप्रतिहतं युद्धे दानव प्रतिवारणे
bhrātā śanaiścarastatra grahatvaṃ sa tu labdhavān| tvaṣṭā'nu tena rūpeṇa viṣṇoścakramakalpayat| mahā'pratihataṃ yuddhe dānava prativāraṇe
There his brother Śanaiścara obtained the state of a planet. Tvaṣṭā thereafter fashioned, on the model of that form, the discus of Viṣṇu, greatly unassailable in battle, for warding off the Dānavas.
AI translation rendered from the Sanskrit, not a published edition
VaP 2 22.85
यवीयसी तयोर्या तु यमुना च यशस्विनी। अभवत् सा सरिच्छ्रेष्ठा यमुना लोकभाविनी
yavīyasī tayoryā tu yamunā ca yaśasvinī| abhavat sā saricchreṣṭhā yamunā lokabhāvinī
And she who was the younger of those two, the glorious Yamunā—she became the best of rivers, the Yamunā, sustaining the world.
AI translation rendered from the Sanskrit, not a published edition
VaP 2 22.86
यस्तु ज्येष्ठो महातेजाः सर्गो यस्य तु साम्प्रतम्। विस्तरं तस्य वक्ष्यामि मनोर्वैवस्वतस्य ह
yastu jyeṣṭho mahātejāḥ sargo yasya tu sāmpratam| vistaraṃ tasya vakṣyāmi manorvaivasvatasya ha
But he who is the eldest, of great splendour, whose creation is the present one—I shall tell in full of him, of Manu Vaivasvata.
AI translation rendered from the Sanskrit, not a published edition
VaP 2 22.87
इदं तु जन्म देवानां श्रृणुयाद्वा पठेत वा। वैवस्वतस्य पुत्राणां सप्तानान्तु महौजसाम्। आपदं प्राप्य मुच्येत प्राप्नुयाच्च महद्यशः
idaṃ tu janma devānāṃ śrṛṇuyādvā paṭheta vā| vaivasvatasya putrāṇāṃ saptānāntu mahaujasām| āpadaṃ prāpya mucyeta prāpnuyācca mahadyaśaḥ
Whoever should hear or recite this birth of the gods, of the seven mighty sons of Vaivasvata, would be released when he meets with calamity, and would obtain great fame.
AI translation rendered from the Sanskrit, not a published edition