Vayu Purana — Uttarardha — Chapter 10
VaP 2 10.1
एतच्छ्रुत्वा वचस्तस्य सुतस्य विदितात्मनः। उत्तरं परिपप्रच्छुः सूतपुत्रं द्विजातयः
etacchrutvā vacastasya sutasya viditātmanaḥ| uttaraṃ paripapracchuḥ sūtaputraṃ dvijātayaḥ
Having heard this speech of his, of the Sūta's son who knew the Self, the twice-born asked further of what came next.
AI translation rendered from the Sanskrit, not a published edition
VaP 2 10.2
।।शांशपायन उवाच।। कथं द्वितीयमुत्पन्ना भवानी प्राक्सती तु या। आसीद्दाक्षायणी पूर्वमुमा कथम जायत
||śāṃśapāyana uvāca|| kathaṃ dvitīyamutpannā bhavānī prāksatī tu yā| āsīddākṣāyaṇī pūrvamumā kathama jāyata
Śāṃśapāyana said: How was Bhavānī, who before was Satī, born a second time? Formerly she was the daughter of Dakṣa; how was she born as Umā?
AI translation rendered from the Sanskrit, not a published edition
VaP 2 10.3
मेनायां पितृकन्यायां जनयामास शैलरुट्। केचैते पितरश्चैव येषां मेना तु मानसी
menāyāṃ pitṛkanyāyāṃ janayāmāsa śailaruṭ| kecaite pitaraścaiva yeṣāṃ menā tu mānasī
The mountain(-lord) begot (her) upon Menā, a daughter of the Pitṛs. And who are these Pitṛs, whose mind-born (daughter) Menā is?
AI translation rendered from the Sanskrit, not a published edition — the model flagged this verse as uncertain
VaP 2 10.4
मैनाकश्चैव दौहित्रो दौहित्री च तथा ह्युमा। एकपर्णा तथा चैव तथा या चैकपाटला
mainākaścaiva dauhitro dauhitrī ca tathā hyumā| ekaparṇā tathā caiva tathā yā caikapāṭalā
Maināka was (their) daughter's son, and likewise Umā the daughter's daughter, and so too Ekaparṇā and she who is Ekapāṭalā,
AI translation rendered from the Sanskrit, not a published edition
VaP 2 10.5
गङ्गा चैव सरिच्छ्रेष्ठा सर्वासां पूर्वजा तथा। पूर्वमेव मयोद्दिष्टं श्रृणुध्वं मम सर्वशः
gaṅgā caiva saricchreṣṭhā sarvāsāṃ pūrvajā tathā| pūrvameva mayoddiṣṭaṃ śrṛṇudhvaṃ mama sarvaśaḥ
and Gaṅgā, the best of rivers, the firstborn of them all. This has already been set forth by me before; hear it from me in full.
AI translation rendered from the Sanskrit, not a published edition
VaP 2 10.6
अनेके पितरश्चैव वर्त्तन्ते व्क च वा पुनः। श्रोतुमिच्छामि भद्रन्ते श्राद्धस्य च परं विधिम्
aneke pitaraścaiva varttante vka ca vā punaḥ| śrotumicchāmi bhadrante śrāddhasya ca paraṃ vidhim
"There exist many Fathers (pitṛs), and again (how many are they)? I wish to hear, good sir, the highest rule of the śrāddha rite."
AI translation rendered from the Sanskrit, not a published edition — the model flagged this verse as uncertain
VaP 2 10.7
पुत्राश्च ते स्मृताः केषां कथञ्च पितरस्तु ते । पितरः कथमुत्पन्नाः कस्य पुत्राः किमात्मकाः
putrāśca te smṛtāḥ keṣāṃ kathañca pitarastu te | pitaraḥ kathamutpannāḥ kasya putrāḥ kimātmakāḥ
"And whose sons are they said to be, and how are they Fathers? How did the Fathers come into being, whose sons are they, and of what nature?"
AI translation rendered from the Sanskrit, not a published edition
VaP 2 10.8
स्वर्गे तु पितरोऽन्ये ये देवानामपि देवताः। एवं वै श्रोतुमिच्छामि पितॄणां सर्गमुत्तमम्। यथावद्दत्तमस्माभिः श्राद्धं प्रीणाति वै पितॄन्
svarge tu pitaro'nye ye devānāmapi devatāḥ| evaṃ vai śrotumicchāmi pitṝṇāṃ sargamuttamam| yathāvaddattamasmābhiḥ śrāddhaṃ prīṇāti vai pitṝn
"But there are other Fathers in heaven, who are deities even of the gods; thus I wish to hear the excellent creation of the Fathers — (and how) the śrāddha given by us according to rule gratifies the Fathers."
AI translation rendered from the Sanskrit, not a published edition
VaP 2 10.9
यदर्थं तेन दृश्यन्ते तत्र किं कारणं स्मृतम्। स्वर्गे हि के तु वर्त्तन्ते पितरो नरके तु के
yadarthaṃ tena dṛśyante tatra kiṃ kāraṇaṃ smṛtam| svarge hi ke tu varttante pitaro narake tu ke
"For what purpose are they seen by him — what is held to be the cause in that matter? Which Fathers dwell in heaven, and which in hell?"
AI translation rendered from the Sanskrit, not a published edition — the model flagged this verse as uncertain
VaP 2 10.10
अभिसन्धाय पितरं पितुश्च पितरं तथा। पितुः पितामहञ्चैव त्रिषु पिण्डेषु नामतः
abhisandhāya pitaraṃ pituśca pitaraṃ tathā| pituḥ pitāmahañcaiva triṣu piṇḍeṣu nāmataḥ
"Having directed (the offering) to the father, and to the father's father, and to the father's grandfather, by name, in the three rice-balls —"
AI translation rendered from the Sanskrit, not a published edition
VaP 2 10.11
कानि श्राद्धानि देयानि कथं गच्छन्ति वै पितॄन् । कथञ्च शक्तास्ते दातुं नरकस्थाः फलं पुनः
kāni śrāddhāni deyāni kathaṃ gacchanti vai pitṝn | kathañca śaktāste dātuṃ narakasthāḥ phalaṃ punaḥ
"Which śrāddha offerings are to be given, and how do they reach the Fathers? And how are those situated in hell able, in turn, to bestow a reward?"
AI translation rendered from the Sanskrit, not a published edition
VaP 2 10.12
के चेह पितरो नाम कान् यजामो वयं पुनः । देवा अपि पुतॄन् स्वर्गे यजन्तीति हि नः श्रुतम्
ke ceha pitaro nāma kān yajāmo vayaṃ punaḥ | devā api putṝn svarge yajantīti hi naḥ śrutam
"And who here are called the Fathers, and whom, in turn, do we worship? For we have heard that even the gods worship the Fathers in heaven."
AI translation rendered from the Sanskrit, not a published edition
VaP 2 10.13
एतदिच्छामि वै श्रोतुं विस्तरेण बहुश्रुत। स्पष्टाभिधानमर्थं वै तद्भवान्वक्तुमर्हति
etadicchāmi vai śrotuṃ vistareṇa bahuśruta| spaṣṭābhidhānamarthaṃ vai tadbhavānvaktumarhati
"This I wish to hear at length, O you of much learning; that matter, with clear statement, you ought to tell."
AI translation rendered from the Sanskrit, not a published edition
VaP 2 10.14
ऋषीणान्तु वचः श्रुत्वा सूतस्तत्त्वार्थदर्शिवान्। आचचक्षे यथाप्रश्रं ऋषीणां मानसं ततः
ṛṣīṇāntu vacaḥ śrutvā sūtastattvārthadarśivān| ācacakṣe yathāpraśraṃ ṛṣīṇāṃ mānasaṃ tataḥ
Having heard the words of the sages, the Sūta, who saw the true meaning of things, then explained it in accordance with the question (and) the mind of the sages.
AI translation rendered from the Sanskrit, not a published edition
VaP 2 10.15
।।सूत उवाच।। अत्र वो वर्णयिष्यामि यथाप्रज्ञं यथाश्रुतम्। मन्वन्तरेषु जायन्ते पितरो देवसूनवः
||sūta uvāca|| atra vo varṇayiṣyāmi yathāprajñaṃ yathāśrutam| manvantareṣu jāyante pitaro devasūnavaḥ
Sūta said: Here I shall describe to you, according to my understanding and as I have heard: in the manvantaras the Fathers are born as the sons of the gods.
AI translation rendered from the Sanskrit, not a published edition
VaP 2 10.16
अतीतानागते ज्येष्ठाः कनिष्ठाः क्रमशस्तु ते। देवैः सार्द्धं पुरातीताः पितरो येऽन्तरेषु वै। वर्त्तन्ते साम्प्रतं ये तु तान्वै वक्ष्यामि निश्चयात्
atītānāgate jyeṣṭhāḥ kaniṣṭhāḥ kramaśastu te| devaiḥ sārddhaṃ purātītāḥ pitaro ye'ntareṣu vai| varttante sāmprataṃ ye tu tānvai vakṣyāmi niścayāt
In the past and the future they are, in order, the elder and the younger. Those Fathers who passed away formerly along with the gods in the (previous) intervals — but those who exist at present, them I shall declare with certainty.
AI translation rendered from the Sanskrit, not a published edition — the model flagged this verse as uncertain
VaP 2 10.17
श्राद्धञ्चैषां मनुष्याणां श्राद्धमेव प्रवर्त्तते। देवानसृजन् ब्रह्मा नायक्षन्निति वै पुनः । तमुत्सृज्य तदात्मानमसृजंस्ते फलार्थिनः
śrāddhañcaiṣāṃ manuṣyāṇāṃ śrāddhameva pravarttate| devānasṛjan brahmā nāyakṣanniti vai punaḥ | tamutsṛjya tadātmānamasṛjaṃste phalārthinaḥ
And the śrāddha of these (Fathers) among men — it is the śrāddha alone that proceeds. Brahmā created the gods, (but) again (they thought) "we shall not sacrifice"; abandoning him, they, seeking (their own) reward, created their own selves.
AI translation rendered from the Sanskrit, not a published edition — the model flagged this verse as uncertain
VaP 2 10.18
ते शप्ता ब्रह्मणा मूढा नष्टसंज्ञा भविष्यथ। न स्म किञ्चिद्विजानन्ति ततो लोके ह्यमुह्यत
te śaptā brahmaṇā mūḍhā naṣṭasaṃjñā bhaviṣyatha| na sma kiñcidvijānanti tato loke hyamuhyata
They were cursed by Brahmā: "Deluded, you shall become bereft of consciousness." They knew nothing at all, and thereupon were bewildered in the world.
AI translation rendered from the Sanskrit, not a published edition
VaP 2 10.19
ते भूयः प्रणताः सर्वे याचन्ति स्म पितामहम्। अनुग्रहाय लोकानां पुनस्तानब्रवीत्प्रभुः
te bhūyaḥ praṇatāḥ sarve yācanti sma pitāmaham| anugrahāya lokānāṃ punastānabravītprabhuḥ
They all, bowing down again, kept entreating the Grandfather; and for the sake of favouring the worlds the Lord spoke to them again.
AI translation rendered from the Sanskrit, not a published edition
VaP 2 10.20
प्रायश्चित्तं चरध्वं वै व्यभिचारो हि यः कृतः । पुत्रान्स्वान्परिपृच्छध्वं ततो ज्ञानमवाप्स्यथ
prāyaścittaṃ caradhvaṃ vai vyabhicāro hi yaḥ kṛtaḥ | putrānsvānparipṛcchadhvaṃ tato jñānamavāpsyatha
"Perform expiation for the transgression that has been committed; ask your own sons, and thereby you will obtain knowledge."
AI translation rendered from the Sanskrit, not a published edition
VaP 2 10.21
ततस्ते स्वान्सुतांश्चैव प्रायश्चित्तजिघृक्षवः। अपृच्छन् संयतात्मानो विधिवच्च मिथो मिथः
tataste svānsutāṃścaiva prāyaścittajighṛkṣavaḥ| apṛcchan saṃyatātmāno vidhivacca mitho mithaḥ
Then they, with selves restrained and wishing to undertake expiation, asked their own sons, according to rule, each one another in turn.
AI translation rendered from the Sanskrit, not a published edition
VaP 2 10.22
तेभ्यस्ते नियतात्मानः पुत्राः शंसुरनेकधा। प्रायश्चित्तानि धर्मज्ञा वाङ्मनः कर्म्मजानि तु
tebhyaste niyatātmānaḥ putrāḥ śaṃsuranekadhā| prāyaścittāni dharmajñā vāṅmanaḥ karmmajāni tu
To them those sons, self-controlled and knowing dharma, declared in many ways the expiations arising from speech, mind, and action.
AI translation rendered from the Sanskrit, not a published edition
VaP 2 10.23
ते पुत्रानब्रुवन्प्रीता लब्धसंज्ञा दिवौकसः। यूयं वै पितरोऽस्माकं ये वयं प्रतिबोधिताः। धर्मज्ञानञ्च कामश्च को वरो वः प्रदीयताम्
te putrānabruvanprītā labdhasaṃjñā divaukasaḥ| yūyaṃ vai pitaro'smākaṃ ye vayaṃ pratibodhitāḥ| dharmajñānañca kāmaśca ko varo vaḥ pradīyatām
Those dwellers in heaven, pleased and having regained consciousness, said to their sons: "You indeed are our fathers, since we have been awakened (by you); knowledge of dharma and desire (are yours) — what boon should be granted to you?"
AI translation rendered from the Sanskrit, not a published edition — the model flagged this verse as uncertain
VaP 2 10.24
पुनस्तानब्रवीद्ब्रह्मा यूयं वै सत्यवादिनः। तस्माद्यदुक्तं युष्माभिस्तत्तथा न तदन्यथा
punastānabravīdbrahmā yūyaṃ vai satyavādinaḥ| tasmādyaduktaṃ yuṣmābhistattathā na tadanyathā
Brahmā spoke to them again: "You are indeed speakers of truth; therefore what has been said by you is just so, and not otherwise.
AI translation rendered from the Sanskrit, not a published edition
VaP 2 10.25
उक्तञ्च पितरोऽस्माकमिति वै तनयाः स्वकाः। पितरस्ते भविष्यन्ति तेभ्योऽयं दीयतां वरः
uktañca pitaro'smākamiti vai tanayāḥ svakāḥ| pitaraste bhaviṣyanti tebhyo'yaṃ dīyatāṃ varaḥ
And it was said (by you), 'They are our fathers' — indeed your own sons; they shall be the Fathers. Let this boon be granted to them."
AI translation rendered from the Sanskrit, not a published edition
VaP 2 10.26
तेनैव वचसा पुत्रा ब्रह्मणः परमेष्ठिनः। पुत्राः पितृत्त्वमाजग्मुः पुत्रत्वं पितरः पुनः
tenaiva vacasā putrā brahmaṇaḥ parameṣṭhinaḥ| putrāḥ pitṛttvamājagmuḥ putratvaṃ pitaraḥ punaḥ
By that very word (of Brahmā), the sons of Brahmā the Highest-Standing—the sons attained the state of fathers, and the fathers in turn the state of sons.
AI translation rendered from the Sanskrit, not a published edition
VaP 2 10.27
तस्मात्ते पितरः पुत्राः पितृत्वे तेषु तत्स्मृतम् । एवं स्मृत्वा पितॄन् पुत्रान्पुत्राश्च पितरस्तथा। व्याजहार पुनर्ब्रह्मा पिदॄनात्मविवृद्धये
tasmātte pitaraḥ putrāḥ pitṛtve teṣu tatsmṛtam | evaṃ smṛtvā pitṝn putrānputrāśca pitarastathā| vyājahāra punarbrahmā pidṝnātmavivṛddhaye
Therefore those fathers are sons, and that (state) of fatherhood is held to be in them. Having thus regarded the fathers as sons and the sons likewise as fathers, Brahmā again addressed the fathers for the increase of himself.
AI translation rendered from the Sanskrit, not a published edition — the model flagged this verse as uncertain
VaP 2 10.28
यो ह्यनिष्ट्वा पितॄञ्छ्राद्धे क्रियां काञिचित्करिष्यति। राक्षसा दानवाश्चैव फलं प्राप्स्यन्ति तस्य तत्
yo hyaniṣṭvā pitṝñchrāddhe kriyāṃ kāñicitkariṣyati| rākṣasā dānavāścaiva phalaṃ prāpsyanti tasya tat
For whoever, without having made offering to the fathers at a śrāddha, will perform any rite—rākṣasas and dānavas will obtain that fruit of his.
AI translation rendered from the Sanskrit, not a published edition
VaP 2 10.29
श्राद्धैराप्यायिताश्चैव पितरः सोममव्ययम्। आप्याय्यमाना युष्माभिर्वर्द्धयिष्यन्ति नित्यशः
śrāddhairāpyāyitāścaiva pitaraḥ somamavyayam| āpyāyyamānā yuṣmābhirvarddhayiṣyanti nityaśaḥ
And the fathers, replenished by śrāddhas, (will replenish) the imperishable Soma; being replenished by you, they will increase (it) perpetually.
AI translation rendered from the Sanskrit, not a published edition
VaP 2 10.30
श्राद्धैराप्यायितः सोमो लोकानाप्याययिष्यति । कृत्स्रं सपर्वतवनं जङ्गमाजङ्गमैर्वृतम्
śrāddhairāpyāyitaḥ somo lokānāpyāyayiṣyati | kṛtsraṃ saparvatavanaṃ jaṅgamājaṅgamairvṛtam
Soma, replenished by śrāddhas, will replenish the worlds—the whole of it with its mountains and forests, filled with what moves and what does not move.
AI translation rendered from the Sanskrit, not a published edition
VaP 2 10.31
श्राद्धानि पुष्टिकामाश्च ये करिष्यन्ति मानवाः। तेभ्यः पुष्टिं प्रजाश्चैव दास्यन्ति पितरः सदा
śrāddhāni puṣṭikāmāśca ye kariṣyanti mānavāḥ| tebhyaḥ puṣṭiṃ prajāścaiva dāsyanti pitaraḥ sadā
And to those men who, desiring prosperity, will perform śrāddhas, the fathers will always give prosperity and offspring.
AI translation rendered from the Sanskrit, not a published edition
VaP 2 10.32
श्राद्धे येभ्यः प्रदास्यन्ति त्रीन् पिण्डान् नामगोत्रतः। सर्वत्र वर्त्तमानास्ते पितरः प्रपितामहम्। तेषामाप्याययिष्यन्ति श्राद्धदानेन वै प्रजाः
śrāddhe yebhyaḥ pradāsyanti trīn piṇḍān nāmagotrataḥ| sarvatra varttamānāste pitaraḥ prapitāmaham| teṣāmāpyāyayiṣyanti śrāddhadānena vai prajāḥ
Those to whom (men) will offer at a śrāddha three balls of food, by name and lineage—the fathers, present everywhere, (up to) the great-grandfather—their offspring they will replenish by the giving of the śrāddha.
AI translation rendered from the Sanskrit, not a published edition — the model flagged this verse as uncertain
VaP 2 10.33
एवमाज्ञा कृता पूर्वं ब्रह्मणा परमेष्ठिना। तेनैतत्सर्वथा सिद्धं दानमध्ययनं तपः
evamājñā kṛtā pūrvaṃ brahmaṇā parameṣṭhinā| tenaitatsarvathā siddhaṃ dānamadhyayanaṃ tapaḥ
Thus was the command formerly made by Brahmā the Highest-Standing; by that, all this is accomplished—giving, study, and austerity.
AI translation rendered from the Sanskrit, not a published edition
VaP 2 10.34
ते तु ज्ञानप्रदातारः पितरो वो न संशयः। इत्येते पितरो देवा देवाश्च पितरः पुनः । अन्योन्यं पितरो ह्येते देवाश्च पितरश्च ह
te tu jñānapradātāraḥ pitaro vo na saṃśayaḥ| ityete pitaro devā devāśca pitaraḥ punaḥ | anyonyaṃ pitaro hyete devāśca pitaraśca ha
But they, the fathers, are the givers of knowledge to you—there is no doubt. Thus these fathers are gods, and the gods in turn are fathers; mutually indeed these are fathers and gods and fathers.
AI translation rendered from the Sanskrit, not a published edition
VaP 2 10.35
एतद्ब्रह्मवचः श्रुत्वा सूतस्य विहितात्मनः । पप्रच्छुर्मुनयो भूयः सूतं तस्माद्यदुत्तरम्
etadbrahmavacaḥ śrutvā sūtasya vihitātmanaḥ | papracchurmunayo bhūyaḥ sūtaṃ tasmādyaduttaram
Having heard this speech of Brahmā (recounted) by the composed Sūta, the sages asked the Sūta further what came after that.
AI translation rendered from the Sanskrit, not a published edition
VaP 2 10.36
।।ऋषय ऊचुः ।। कियन्तो वै पितृगणाः कस्मिन्काले च ते गणाः । वर्त्तन्ते देवप्रवरा देवानां सोमवर्द्धनाः
||ṛṣaya ūcuḥ || kiyanto vai pitṛgaṇāḥ kasminkāle ca te gaṇāḥ | varttante devapravarā devānāṃ somavarddhanāḥ
The sages said: How many are the hosts of the fathers, and at what time do those hosts, foremost among the gods, increasers of the gods' Soma, operate?
AI translation rendered from the Sanskrit, not a published edition
VaP 2 10.37
।।सूत उवाच।। एतद्वोऽहं प्रवक्ष्यामि पितृसर्गमनुत्तमम्। शंयुः पप्रच्छ यत्पूर्वं पितरं वै बृहस्पतिम्
||sūta uvāca|| etadvo'haṃ pravakṣyāmi pitṛsargamanuttamam| śaṃyuḥ papraccha yatpūrvaṃ pitaraṃ vai bṛhaspatim
Sūta said: I shall declare to you this most excellent creation of the fathers, which Śaṃyu formerly asked of his father Bṛhaspati.
AI translation rendered from the Sanskrit, not a published edition
VaP 2 10.38
बृहस्पतिमुपासीनं सर्वज्ञानार्थकोविदम्। पुत्रः शंयुरिमं प्रश्नं पप्रच्छ विनयान्वितः
bṛhaspatimupāsīnaṃ sarvajñānārthakovidam| putraḥ śaṃyurimaṃ praśnaṃ papraccha vinayānvitaḥ
To Bṛhaspati, seated (there), skilled in the meanings of all knowledge, his son Śaṃyu, endowed with modesty, put this question.
AI translation rendered from the Sanskrit, not a published edition
VaP 2 10.39
क एते पितरो नाम कियन्तः के च नामतः। समुद्भूताः कथञ्चैते पितृत्वं समुपागताः
ka ete pitaro nāma kiyantaḥ ke ca nāmataḥ| samudbhūtāḥ kathañcaite pitṛtvaṃ samupāgatāḥ
Who are these called the fathers? How many are they, and who by name? How did they come into being, and how did they attain the state of fatherhood?
AI translation rendered from the Sanskrit, not a published edition
VaP 2 10.40
कस्माच्च पितरं पूर्वं यज्ञे युज्यन्ति नित्यशः। क्रियाश्च सर्वा वर्त्तन्ते श्राद्धपूर्वा महात्मनाम्
kasmācca pitaraṃ pūrvaṃ yajñe yujyanti nityaśaḥ| kriyāśca sarvā varttante śrāddhapūrvā mahātmanām
And why is it that they join the father first in the sacrifice, always, and (why) do all the rites of great-souled men proceed with the śrāddha first?
AI translation rendered from the Sanskrit, not a published edition — the model flagged this verse as uncertain
VaP 2 10.41
कस्मै श्राद्धानि देयानि किञ्च दत्तं महाफलम्। केषु वाप्यक्षयं श्राद्धं तीर्थेषु च नदीषु च
kasmai śrāddhāni deyāni kiñca dattaṃ mahāphalam| keṣu vāpyakṣayaṃ śrāddhaṃ tīrtheṣu ca nadīṣu ca
To whom are śrāddhas to be given, and what, when given, has great fruit? And in which sacred fords and rivers is the śrāddha imperishable?
AI translation rendered from the Sanskrit, not a published edition
VaP 2 10.42
केषु वै सर्वमाप्नोति श्राद्धं कृत्वा द्विजोत्तमः। कश्च कालो भवेच्च्राद्धे विधिः कश्चानुवर्त्तते
keṣu vai sarvamāpnoti śrāddhaṃ kṛtvā dvijottamaḥ| kaśca kālo bhaveccrāddhe vidhiḥ kaścānuvarttate
In which (places) does the best of twice-born, having performed a śrāddha, obtain everything? And what should be the time for the śrāddha, and what rule applies?
AI translation rendered from the Sanskrit, not a published edition
VaP 2 10.43
एतदिच्छामि भगवन् विस्तरेण यथातथम्। व्याख्यातुमानुपूर्व्येण यत्र चोदाहृतं मया
etadicchāmi bhagavan vistareṇa yathātatham| vyākhyātumānupūrvyeṇa yatra codāhṛtaṃ mayā
This I wish, O lord, (for you) to explain in detail, exactly as it is, in due order, in the matter I have set forth.
AI translation rendered from the Sanskrit, not a published edition
VaP 2 10.44
बृहस्पतिरिदं सम्यगेवं पृष्टो महामतिः। व्याजहारानुपूर्व्येण प्रश्नं प्रश्नविदां वरः
bṛhaspatiridaṃ samyagevaṃ pṛṣṭo mahāmatiḥ| vyājahārānupūrvyeṇa praśnaṃ praśnavidāṃ varaḥ
Bṛhaspati of great intellect, thus rightly questioned, best of those who know questions, answered the question in due order.
AI translation rendered from the Sanskrit, not a published edition
VaP 2 10.45
।।बृहस्पतिरुवाच।। कथयिष्यामि ते तात यन्मां त्वं परिपृच्छसि। विनयेन यथान्यायं गम्भीरं प्रश्नमुत्तमम्
||bṛhaspatiruvāca|| kathayiṣyāmi te tāta yanmāṃ tvaṃ paripṛcchasi| vinayena yathānyāyaṃ gambhīraṃ praśnamuttamam
Bṛhaspati said: I shall tell you, my son, what you ask of me with modesty—a deep and excellent question—as is proper.
AI translation rendered from the Sanskrit, not a published edition
VaP 2 10.46
द्यौरन्तरिक्षं पृथिवी नक्षत्राणि दिशस्तथा। सूर्याचन्द्रमसौ चैव तथाहोरात्रमेव च
dyaurantarikṣaṃ pṛthivī nakṣatrāṇi diśastathā| sūryācandramasau caiva tathāhorātrameva ca
Sky, the mid-region, the earth, the constellations and the directions, the sun and moon, and likewise day and night —
AI translation rendered from the Sanskrit, not a published edition
VaP 2 10.47
न बभूवुस्तदा तात तमोभूतमिदं जगत्। ब्रह्मैको दुश्चरं तत्र चचार परमं तपः
na babhūvustadā tāta tamobhūtamidaṃ jagat| brahmaiko duścaraṃ tatra cacāra paramaṃ tapaḥ
— (all these) did not exist then, my son; this world had become darkness. There Brahmā alone practised the highest, hard-to-perform austerity.
AI translation rendered from the Sanskrit, not a published edition
VaP 2 10.48
शंयुस्तमब्रवीद्भूयः पितरं ब्रह्मवित्तमम्। सर्वदैव व्रतस्नातं सर्वज्ञानविदांवरम्
śaṃyustamabravīdbhūyaḥ pitaraṃ brahmavittamam| sarvadaiva vratasnātaṃ sarvajñānavidāṃvaram
Śaṃyu spoke again to him, his father, best of the knowers of brahman, who was ever consecrated by vows, foremost among all who know all knowledge:
AI translation rendered from the Sanskrit, not a published edition
VaP 2 10.49
कीदृशं सर्वभूते शस्तपस्तेपे प्रजापतिः। एवमुक्तो बृहत्तेजा बृहस्पतिरुवाच तम्
kīdṛśaṃ sarvabhūte śastapastepe prajāpatiḥ| evamukto bṛhattejā bṛhaspatiruvāca tam
"What sort of austerity did Prajāpati practise, (he who is) praised among all beings?" Thus addressed, Bṛhaspati of great splendour said to him:
AI translation rendered from the Sanskrit, not a published edition — the model flagged this verse as uncertain
VaP 2 10.50
सर्वेषां तपसां युक्तिस्तपोयोगमनुत्तमम्। ध्यायंस्तदा तद्भगवांस्तेन लोकनवासृजत्
sarveṣāṃ tapasāṃ yuktistapoyogamanuttamam| dhyāyaṃstadā tadbhagavāṃstena lokanavāsṛjat
The application of all austerities is the unsurpassed yoga of austerity; meditating on that then, the Lord created the worlds by that means.
AI translation rendered from the Sanskrit, not a published edition
VaP 2 10.51
भूतभव्यानि ज्ञानानि लोकान्वेदांश्च कृत्स्नशः। योगमाविश्य तत्सृष्टं ब्रह्मणा योगचक्षुषा
bhūtabhavyāni jñānāni lokānvedāṃśca kṛtsnaśaḥ| yogamāviśya tatsṛṣṭaṃ brahmaṇā yogacakṣuṣā
The knowledges of past and future, the worlds and the Vedas entirely — that was created by Brahmā, who had entered into yoga, with the eye of yoga.
AI translation rendered from the Sanskrit, not a published edition
VaP 2 10.52
लोकाः सान्तानिका नाम यत्र तिष्ठन्ति भास्वराः। ते वैराजा इति ख्याता देवानां दिवि देवताः
lokāḥ sāntānikā nāma yatra tiṣṭhanti bhāsvarāḥ| te vairājā iti khyātā devānāṃ divi devatāḥ
There are worlds named Sāntānika, where shining ones abide; they are known as the Vairājas, deities among the gods in heaven.
AI translation rendered from the Sanskrit, not a published edition
VaP 2 10.53
योगेन तपसा युक्तः पूर्वमेव तदा प्रभुः। देवानसृजत ब्रह्मा योगं युक्त्वा सनातनम्
yogena tapasā yuktaḥ pūrvameva tadā prabhuḥ| devānasṛjata brahmā yogaṃ yuktvā sanātanam
Joined with yoga and austerity, then the Lord Brahmā, even before (that), applying eternal yoga, created the gods.
AI translation rendered from the Sanskrit, not a published edition
VaP 2 10.54
आदिदेवा इति ख्याता महासत्त्वा महौजसः। सर्वकामप्रदाः पूज्या देवदानवमानवैः
ādidevā iti khyātā mahāsattvā mahaujasaḥ| sarvakāmapradāḥ pūjyā devadānavamānavaiḥ
They are known as the primal gods, of great being and great power, granters of all desires, to be honoured by gods, dānavas and men.
AI translation rendered from the Sanskrit, not a published edition
VaP 2 10.55
तेषां सप्त समाख्याता गणास्त्रैलोक्यपूजिताः । अमूर्त्तयस्त्रयस्तेषां चत्वारस्तु सुमूर्त्तयः
teṣāṃ sapta samākhyātā gaṇāstrailokyapūjitāḥ | amūrttayastrayasteṣāṃ catvārastu sumūrttayaḥ
Of them seven groups are declared, honoured in the three worlds; three of them are without form, but four have fine forms.
AI translation rendered from the Sanskrit, not a published edition
VaP 2 10.56
उपरिष्टात्रयस्तेषां वर्त्तन्ते भावमूर्त्तयः। तेषामधस्ताद्वर्त्तन्ते चत्वारः सूक्षममूर्त्तयः
upariṣṭātrayasteṣāṃ varttante bhāvamūrttayaḥ| teṣāmadhastādvarttante catvāraḥ sūkṣamamūrttayaḥ
Three of them exist above, having forms of (mere) being; below them exist the four, whose forms are subtle.
AI translation rendered from the Sanskrit, not a published edition
VaP 2 10.57
ततो देवास्ततो भूमिरेषा लोकपरम्परा। लोके वर्त्तन्ति ते ह्यस्मिंस्तेभ्यः पर्जन्यसम्भवः । वृष्टिर्भवति तैर्वृष्ट्या लोकानां सम्भवः पुनः
tato devāstato bhūmireṣā lokaparamparā| loke varttanti te hyasmiṃstebhyaḥ parjanyasambhavaḥ | vṛṣṭirbhavati tairvṛṣṭyā lokānāṃ sambhavaḥ punaḥ
From that (come) the gods, from that this earth — such is the succession of worlds. They abide in this world, and from them arises the rain-cloud; rain comes to be, and by them, through rain, worlds again come into being.
AI translation rendered from the Sanskrit, not a published edition
VaP 2 10.58
आप्याययन्ति ते यस्मात्सोमञ्चान्नञ्च योगतः। ऊचुस्तान्वै पितॄंस्तस्माल्लोकानां लोकसत्तमाः
āpyāyayanti te yasmātsomañcānnañca yogataḥ| ūcustānvai pitṝṃstasmāllokānāṃ lokasattamāḥ
Because they swell soma and food by yoga, therefore the best of the worlds' beings called them the Fathers of the worlds.
AI translation rendered from the Sanskrit, not a published edition — the model flagged this verse as uncertain
VaP 2 10.59
मनोजवाः स्वधाभक्षाः सर्वकामपरिच्छदाः। लोभमोहभयापेता निश्चिताः शोकवर्जिताः
manojavāḥ svadhābhakṣāḥ sarvakāmaparicchadāḥ| lobhamohabhayāpetā niścitāḥ śokavarjitāḥ
Swift as thought, feeding on the svadhā offering, having all desires as their equipment, free of greed, delusion and fear, resolute, devoid of sorrow —
AI translation rendered from the Sanskrit, not a published edition
VaP 2 10.60
एते योगं परित्यज्य प्राप्ता लोकान्सुदर्शनान्। दिव्याः पुण्या महात्मानो विपाप्मानो भवन्त्युत
ete yogaṃ parityajya prāptā lokānsudarśanān| divyāḥ puṇyā mahātmāno vipāpmāno bhavantyuta
These, having abandoned yoga, have reached the fair-seeming worlds; divine, meritorious, great of soul, they indeed become free of evil.
AI translation rendered from the Sanskrit, not a published edition
VaP 2 10.61
ततो युगसहस्रान्ते जायन्ते ब्रह्मवादिनः। प्रतिलभ्य पुनर्योगं मोक्षं गच्छन्त्यमूर्त्तयः
tato yugasahasrānte jāyante brahmavādinaḥ| pratilabhya punaryogaṃ mokṣaṃ gacchantyamūrttayaḥ
Then at the end of a thousand ages they are born as speakers of brahman; regaining yoga again, formless, they go to release.
AI translation rendered from the Sanskrit, not a published edition
VaP 2 10.62
व्यक्ताव्यक्तं परित्यज्य महायोगबलेन वा । नश्यन्त्युल्केव गगने क्षीणविद्युत्प्रभेव च
vyaktāvyaktaṃ parityajya mahāyogabalena vā | naśyantyulkeva gagane kṣīṇavidyutprabheva ca
Abandoning the manifest and the unmanifest by the power of great yoga, they vanish like a meteor in the sky, or like the faded flash of lightning.
AI translation rendered from the Sanskrit, not a published edition
VaP 2 10.63
उत्सृज्य देहजातानि महायोगबलेन च। निराख्योपाख्यतां यान्ति सरितः सागरे यथा
utsṛjya dehajātāni mahāyogabalena ca| nirākhyopākhyatāṃ yānti saritaḥ sāgare yathā
Casting off what is born of the body by the power of great yoga, they go to the state beyond name and mention, as rivers (go) into the ocean.
AI translation rendered from the Sanskrit, not a published edition
VaP 2 10.64
क्रियया गुरुपूजाभिर्ये च कुर्वन्ति नित्यशः। ताभिराप्याययन्त्येते पितरो योगवर्द्धनाः
kriyayā gurupūjābhirye ca kurvanti nityaśaḥ| tābhirāpyāyayantyete pitaro yogavarddhanāḥ
Those who constantly perform (rites) with ritual action and with honour to teachers — by these these Fathers, whose yoga thereby increases, are made to swell.
AI translation rendered from the Sanskrit, not a published edition — the model flagged this verse as uncertain
VaP 2 10.65
श्राद्धे प्रीताः पुनः सोमं पितरो योगमास्थिताः। आप्याययन्ति योगेन त्रैलोक्यं येन जीवति
śrāddhe prītāḥ punaḥ somaṃ pitaro yogamāsthitāḥ| āpyāyayanti yogena trailokyaṃ yena jīvati
Pleased at the śrāddha, the Fathers, established in yoga, again by yoga cause the soma to swell, (and) the three worlds, by which it lives.
AI translation rendered from the Sanskrit, not a published edition — the model flagged this verse as uncertain
VaP 2 10.66
तस्माच्छ्राद्धानि देयानि योगिभ्यो यत्नतः सदा। पितॄणां हि बलं योगो योगात्सोमः प्रवर्त्तते
tasmācchrāddhāni deyāni yogibhyo yatnataḥ sadā| pitṝṇāṃ hi balaṃ yogo yogātsomaḥ pravarttate
Therefore śrāddha offerings should always be given diligently to yogins; for yoga is the strength of the fathers, and from yoga the soma proceeds.
AI translation rendered from the Sanskrit, not a published edition
VaP 2 10.67
सहस्रशस्तु विप्रान्वै भोजयेद्यावदागतान् ।। एकस्तु योगवित्प्रीतः सर्वानर्हति तच्छृणु
sahasraśastu viprānvai bhojayedyāvadāgatān || ekastu yogavitprītaḥ sarvānarhati tacchṛṇu
One might feed brāhmaṇas by the thousand, as many as come; but a single knower of yoga, when pleased, is worth them all — hear that.
AI translation rendered from the Sanskrit, not a published edition
VaP 2 10.68
कल्पितानां सहस्रेण स्नातकानां शतेन च। योगाचार्येण यद्भुक्तं त्रायते महतो भयात्
kalpitānāṃ sahasreṇa snātakānāṃ śatena ca| yogācāryeṇa yadbhuktaṃ trāyate mahato bhayāt
What has been eaten by a teacher of yoga rescues (one) from great fear, more than (a feast) of a thousand ordinary (invited brāhmaṇas) and a hundred snātakas.
AI translation rendered from the Sanskrit, not a published edition — the model flagged this verse as uncertain
VaP 2 10.69
गृहस्थानां सहस्रेण वानप्रस्थशतेन च। ब्रह्मचारिसहस्रेण योगी ह्येको विशिष्यते
gṛhasthānāṃ sahasreṇa vānaprasthaśatena ca| brahmacārisahasreṇa yogī hyeko viśiṣyate
Over a thousand householders, over a hundred forest-dwellers, over a thousand celibate students, a single yogin is superior.
AI translation rendered from the Sanskrit, not a published edition
VaP 2 10.70
नास्तिको वा विकर्मा वा सङ्कीर्णस्तस्करोऽपि वा। नान्यत्र कारणं दानं योगेष्वाह प्रजापतिः
nāstiko vā vikarmā vā saṅkīrṇastaskaro'pi vā| nānyatra kāraṇaṃ dānaṃ yogeṣvāha prajāpatiḥ
Whether he be an unbeliever, or one who does forbidden acts, or of mixed birth, or even a thief — in the case of yogins, the gift has no other ground, so said Prajāpati.
AI translation rendered from the Sanskrit, not a published edition — the model flagged this verse as uncertain
VaP 2 10.71
पितरस्तस्य तुष्यन्ति सुवृष्टेनेव कर्षकाः। पुत्रो वाप्यथ वा पौत्रो ध्यानिनं भोजयिष्यति
pitarastasya tuṣyanti suvṛṣṭeneva karṣakāḥ| putro vāpyatha vā pautro dhyāninaṃ bhojayiṣyati
His fathers are satisfied, like farmers by good rainfall — (if) a son or a grandson will feed a meditator.
AI translation rendered from the Sanskrit, not a published edition
VaP 2 10.72
अलाभे ध्यानिभिक्षूणां भोजयेद्ब्रह्मचारिणौ । तदलाभेप्युदासीनं गृहस्थमपि भोजयेत्
alābhe dhyānibhikṣūṇāṃ bhojayedbrahmacāriṇau | tadalābhepyudāsīnaṃ gṛhasthamapi bhojayet
In the absence of meditating mendicants, one should feed two brahmacārins; and if those too are unavailable, one should feed even an indifferent (i.e. unattached) householder.
AI translation rendered from the Sanskrit, not a published edition
VaP 2 10.73
यस्तिष्ठेदेकपादेन वायुभक्षः शतं समाः । ध्यानयोगी परस्तस्मादिति ब्रह्मानुशासनम्
yastiṣṭhedekapādena vāyubhakṣaḥ śataṃ samāḥ | dhyānayogī parastasmāditi brahmānuśāsanam
(Even better than) one who would stand on one foot for a hundred years living on air, a yogin of meditation is higher than he — such is the teaching of Brahmā.
AI translation rendered from the Sanskrit, not a published edition
VaP 2 10.74
सिद्धा हि विप्ररूपेण चरन्ति पृथिवीमिमाम्। तस्मादतिथिमायान्तमभिगच्छेत्कृताञ्जलिः
siddhā hi viprarūpeṇa caranti pṛthivīmimām| tasmādatithimāyāntamabhigacchetkṛtāñjaliḥ
For siddhas wander this earth in the form of brāhmaṇas; therefore one should go up to an arriving guest with joined palms.
AI translation rendered from the Sanskrit, not a published edition
VaP 2 10.75
पूजयेच्चार्घ्यपात्रेण वेश्मना भोजनेन च। ऊर्वोः सागरपर्यन्तां देवा योगेश्वराः सदा। नानारूपैश्चरन्त्येते प्रजा धर्मेण पालयन्
pūjayeccārghyapātreṇa veśmanā bhojanena ca| ūrvoḥ sāgaraparyantāṃ devā yogeśvarāḥ sadā| nānārūpaiścarantyete prajā dharmeṇa pālayan
And one should honour (him) with a vessel of water for offering, with lodging, and with food. The gods, lords of yoga, always (range) from the thighs (of the earth?) to the ocean's limit; these wander in various forms, protecting the people by dharma.
AI translation rendered from the Sanskrit, not a published edition — the model flagged this verse as uncertain
VaP 2 10.76
तस्माद्दद्याच्च वै दानं विप्रायातिथये नरः। प्रदानानि प्रवक्ष्यामि फलञ्चैषां तथैव च
tasmāddadyācca vai dānaṃ viprāyātithaye naraḥ| pradānāni pravakṣyāmi phalañcaiṣāṃ tathaiva ca
Therefore a man should indeed give a gift to a brāhmaṇa who is a guest. I shall declare the gifts and likewise their fruit.
AI translation rendered from the Sanskrit, not a published edition
VaP 2 10.77
अश्वमेधसहस्रेण राजसूयशतेन च। पुण्डरीकसहस्रेण योगिष्वावसथो वरम्
aśvamedhasahasreṇa rājasūyaśatena ca| puṇḍarīkasahasreṇa yogiṣvāvasatho varam
Better than a thousand horse-sacrifices, than a hundred rājasūyas, than a thousand puṇḍarīka sacrifices, is a dwelling place (given) to yogins.
AI translation rendered from the Sanskrit, not a published edition
VaP 2 10.78
आद्य एष गणः प्रोक्तः पितॄणाममितौजसाम्। भावयन्सप्तकालान्वै स्थित एष गणस्तदा
ādya eṣa gaṇaḥ proktaḥ pitṝṇāmamitaujasām| bhāvayansaptakālānvai sthita eṣa gaṇastadā
This has been declared the first group of the fathers of measureless might; that group then remained, sustaining (the world) through seven periods.
AI translation rendered from the Sanskrit, not a published edition
VaP 2 10.79
अत ऊरद्ध्वं प्रवक्ष्यामि सर्वान् पितृगणान्पुनः । सन्ततिं संस्थितिञ्चैव भावनाञ्च यथाक्रमम्
ata ūraddhvaṃ pravakṣyāmi sarvān pitṛgaṇānpunaḥ | santatiṃ saṃsthitiñcaiva bhāvanāñca yathākramam
Beyond this I shall again declare all the groups of the fathers — their lineage, their abiding, and their sustaining (of the world), in order.
AI translation rendered from the Sanskrit, not a published edition