Vayu Purana — Purvardha — Chapter 48
VaP 1 48.1
।।सूत उवाच।। दक्षिणेनापि वर्षस्य भारतस्य निबोधत। दशयोजनसाहस्रं समतीत्य महार्णवम्
||sūta uvāca|| dakṣiṇenāpi varṣasya bhāratasya nibodhata| daśayojanasāhasraṃ samatītya mahārṇavam
Sūta said: Learn also of what lies to the south of the land of Bhārata — having crossed ten thousand yojanas of the great ocean.
AI translation rendered from the Sanskrit, not a published edition
VaP 1 48.2
त्रीण्येव तु सहस्राणि योजनानां समायतम्। अतस्त्रिभागविस्तीर्णं नानापुष्पफलोदयम्
trīṇyeva tu sahasrāṇi yojanānāṃ samāyatam| atastribhāgavistīrṇaṃ nānāpuṣpaphalodayam
(There is an island) extending three thousand yojanas, and broad by a third of that, producing various flowers and fruits.
AI translation rendered from the Sanskrit, not a published edition
VaP 1 48.3
विद्युत्वन्तं महाशैलं तत्रैकं कुलपर्वतम्। येन कूटतटैर्नैकैस्तद्द्वीपं समलंकृतम्
vidyutvantaṃ mahāśailaṃ tatraikaṃ kulaparvatam| yena kūṭataṭairnaikaistaddvīpaṃ samalaṃkṛtam
There is there one great mountain, Vidyutvant, a chief mountain, by whose many peaks and slopes that island is adorned.
AI translation rendered from the Sanskrit, not a published edition
VaP 1 48.4
प्रसन्नस्वादुसलिलास्तत्र नद्यः सहस्रशः। वाप्यस्तस्य तु द्वीपस्य प्रवृत्ता विमलोदकाः
prasannasvādusalilāstatra nadyaḥ sahasraśaḥ| vāpyastasya tu dvīpasya pravṛttā vimalodakāḥ
There are there rivers by the thousands with clear, sweet water, and tanks of that island with pure water have come into being.
AI translation rendered from the Sanskrit, not a published edition
VaP 1 48.5
तस्य शैलस्य छिद्रेषु विस्तीर्णेष्वायतेषु च। अनेकेषु समृद्धानि नानाकाराणि सर्व्वशः
tasya śailasya chidreṣu vistīrṇeṣvāyateṣu ca| anekeṣu samṛddhāni nānākārāṇi sarvvaśaḥ
In the many wide and long clefts of that mountain there are prosperous (dwellings) of various shapes on all sides,
AI translation rendered from the Sanskrit, not a published edition
VaP 1 48.6
नरनारीसमाढ्यानि मुदितानि महान्ति च। तेषां तलप्रवेशानि सहस्राणि शतानि च
naranārīsamāḍhyāni muditāni mahānti ca| teṣāṃ talapraveśāni sahasrāṇi śatāni ca
filled with men and women, joyous and great; the entrances at their base are thousands and hundreds,
AI translation rendered from the Sanskrit, not a published edition — the model flagged this verse as uncertain
VaP 1 48.7
पुराणि सन्निविष्टानि पर्वतान्तर्गतानि च। सुसम्बद्धानि चान्योन्यमेकद्वाराणि चान्यथ
purāṇi sanniviṣṭāni parvatāntargatāni ca| susambaddhāni cānyonyamekadvārāṇi cānyatha
cities established and lying within the mountain, well connected with one another, and otherwise having a single gate.
AI translation rendered from the Sanskrit, not a published edition
VaP 1 48.8
दीर्घश्मश्रुधरात्मानो नीला मेघसमप्रभाः। जातमात्राः प्रजास्तत्र अशीतिपरमायुषः
dīrghaśmaśrudharātmāno nīlā meghasamaprabhāḥ| jātamātrāḥ prajāstatra aśītiparamāyuṣaḥ
Wearing long beards, dark, of a lustre like a cloud, the people there, as soon as born, have eighty (years) as their utmost life-span.
AI translation rendered from the Sanskrit, not a published edition
VaP 1 48.9
शाखामृगसधर्माणः फलमूलाशिनस्तथा। गोधर्माणो ह्यनिर्दिष्टाः शौचाचारविवर्जिताः
śākhāmṛgasadharmāṇaḥ phalamūlāśinastathā| godharmāṇo hyanirdiṣṭāḥ śaucācāravivarjitāḥ
They are like monkeys in their ways, eaters of fruits and roots, of the habits of cattle, without rule, devoid of purity and proper conduct.
AI translation rendered from the Sanskrit, not a published edition
VaP 1 48.10
तद्द्वीपं तादृशैः पूर्णं मनुजैः क्षुद्रमानुषैः । एवमेतेऽन्तरद्वीपा व्याख्याता आनुपूर्वशः
taddvīpaṃ tādṛśaiḥ pūrṇaṃ manujaiḥ kṣudramānuṣaiḥ | evamete'ntaradvīpā vyākhyātā ānupūrvaśaḥ
That island is full of such men, petty humans; thus these intermediate islands have been described in order.
AI translation rendered from the Sanskrit, not a published edition
VaP 1 48.11
विंशत्र्रिंशच्च पञ्चाशत् षष्ट्यशीतिः शतं तथा। सहस्रमपि चाप्युक्तं योजनानां समन्ततः
viṃśatrriṃśacca pañcāśat ṣaṣṭyaśītiḥ śataṃ tathā| sahasramapi cāpyuktaṃ yojanānāṃ samantataḥ
Twenty, thirty, fifty, sixty, eighty, and a hundred, and also a thousand yojanas is stated (as their extent) all round.
AI translation rendered from the Sanskrit, not a published edition
VaP 1 48.12
विस्तीर्णाश्चायताश्चैव नानासत्त्वसमाकुलाः। बर्हिणद्वीपपर्वाणि क्षुद्रद्वीपाः सहस्रशः
vistīrṇāścāyatāścaiva nānāsattvasamākulāḥ| barhiṇadvīpaparvāṇi kṣudradvīpāḥ sahasraśaḥ
They are broad and long, crowded with various creatures; (there are) peacock-island tracts, small islands by the thousands.
AI translation rendered from the Sanskrit, not a published edition — the model flagged this verse as uncertain
VaP 1 48.13
जम्बूद्वीपप्रदेशात्तु षडन्ये विविधाश्रयाः। अत्र द्वीपाः समाख्याता नानारत्नाकराः क्षितौ
jambūdvīpapradeśāttu ṣaḍanye vividhāśrayāḥ| atra dvīpāḥ samākhyātā nānāratnākarāḥ kṣitau
From the region of Jambūdvīpa, six others of various situation — here the islands on the earth are enumerated, mines of various gems.
AI translation rendered from the Sanskrit, not a published edition — the model flagged this verse as uncertain
VaP 1 48.14
अङ्गद्वीपं यमद्वीपं मलयद्वीपमेव च। शङ्खद्वीपं कुशद्वीपं वराहद्वीपमेव च
aṅgadvīpaṃ yamadvīpaṃ malayadvīpameva ca| śaṅkhadvīpaṃ kuśadvīpaṃ varāhadvīpameva ca
Aṅga-dvīpa, Yama-dvīpa, and Malaya-dvīpa, Śaṅkha-dvīpa, Kuśa-dvīpa, and Varāha-dvīpa.
AI translation rendered from the Sanskrit, not a published edition
VaP 1 48.15
अङ्गद्वीपं निबोध त्वं नानासङ्घसमाकुलम्। नानाम्लेच्छगणाकीर्णं तद्द्वीपं बहुविस्तरम्
aṅgadvīpaṃ nibodha tvaṃ nānāsaṅghasamākulam| nānāmlecchagaṇākīrṇaṃ taddvīpaṃ bahuvistaram
Learn now of Aṅga-dvīpa, crowded with many hosts (of people); that island, filled with the many tribes of barbarians, is of great extent.
AI translation rendered from the Sanskrit, not a published edition
VaP 1 48.16
हेमविद्रुमपूर्णानां रत्नानामाकरं क्षितौ। नदीशैलवनैश्चित्रं सन्निभं लवणाम्भसा
hemavidrumapūrṇānāṃ ratnānāmākaraṃ kṣitau| nadīśailavanaiścitraṃ sannibhaṃ lavaṇāmbhasā
On its soil (it is) a mine of jewels full of gold and coral; it is varied with rivers, mountains and forests, and is bounded by the salt water.
AI translation rendered from the Sanskrit, not a published edition
VaP 1 48.17
तत्र चक्रगिरिर्नाम नैक निर्झरकन्दरः। तत्र सा तु दरी चास्य नानासत्वसमाश्रया
tatra cakragirirnāma naika nirjharakandaraḥ| tatra sā tu darī cāsya nānāsatvasamāśrayā
There is a mountain there named Cakragiri, with many waterfalls and caverns; and that cave of his there is the resort of many kinds of creatures.
AI translation rendered from the Sanskrit, not a published edition — the model flagged this verse as uncertain
VaP 1 48.18
स मध्ये नागदेशस्य नैकदेशो महागिरिः। कोटिभ्यां नागनिलयं प्राप्तो नदनदी पतिम्
sa madhye nāgadeśasya naikadeśo mahāgiriḥ| koṭibhyāṃ nāganilayaṃ prāpto nadanadī patim
In the midst of the Nāga country that great mountain, occupying more than one region, has with its two peaks reached the abode of the serpents and the lord of the rivers (the ocean).
AI translation rendered from the Sanskrit, not a published edition — the model flagged this verse as uncertain
VaP 1 48.19
यमद्वीपमिति प्रोक्तं नानारत्नाकराचितम् । तत्रापि द्युतिमान्नाम पर्वतो धातुमण्डितः। समुद्रगानां प्रभवः प्रभवः काञ्चनस्य तु
yamadvīpamiti proktaṃ nānāratnākarācitam | tatrāpi dyutimānnāma parvato dhātumaṇḍitaḥ| samudragānāṃ prabhavaḥ prabhavaḥ kāñcanasya tu
Yama-dvīpa, it is said, is studded with mines of many jewels; there too is a mountain named Dyutimān, adorned with ores, the source of streams that go to the sea, and a source of gold.
AI translation rendered from the Sanskrit, not a published edition
VaP 1 48.20
तथैव मलयद्वीपमेवमेव सुसंवृतम्। मणिरत्नाकरं स्फीतमाकरं कनकस्य च
tathaiva malayadvīpamevameva susaṃvṛtam| maṇiratnākaraṃ sphītamākaraṃ kanakasya ca
Just so Malaya-dvīpa is likewise well enclosed, a mine of gems and jewels, prosperous, and a mine of gold too.
AI translation rendered from the Sanskrit, not a published edition
VaP 1 48.21
आकरं चन्दनानाञ्च समुद्राणां तथाकरम्। नानाम्लेच्छगणाकीर्णं नदीपर्वतमण्डितम्
ākaraṃ candanānāñca samudrāṇāṃ tathākaram| nānāmlecchagaṇākīrṇaṃ nadīparvatamaṇḍitam
And a source of sandalwood trees, and likewise a source of samudra (trees?); filled with the many tribes of barbarians, adorned with rivers and mountains.
AI translation rendered from the Sanskrit, not a published edition — the model flagged this verse as uncertain
VaP 1 48.22
तत्र श्रीमांस्तु मलयः पर्वतो रजताकरः। महामलय इत्येवं विख्यातो वरपर्वतः
tatra śrīmāṃstu malayaḥ parvato rajatākaraḥ| mahāmalaya ityevaṃ vikhyāto varaparvataḥ
There is the glorious mountain Malaya, a mine of silver, and the excellent mountain renowned thus as Mahāmalaya.
AI translation rendered from the Sanskrit, not a published edition
VaP 1 48.23
द्वितीयं मन्दरं नाम प्रथितञ्च सदा क्षितौ। आगस्त्यभवनं तत्र देवासुरनमस्कृतम्
dvitīyaṃ mandaraṃ nāma prathitañca sadā kṣitau| āgastyabhavanaṃ tatra devāsuranamaskṛtam
The second is named Mandara, ever famed upon the earth; there is Agastya's dwelling, saluted by gods and demons.
AI translation rendered from the Sanskrit, not a published edition
VaP 1 48.24
तथा काञ्चनपादस्य मलयस्यापरस्य हि। निकुञ्जैस्तृणसोमाङ्गैराश्रमं पुण्यसेवितम्
tathā kāñcanapādasya malayasyāparasya hi| nikuñjaistṛṇasomāṅgairāśramaṃ puṇyasevitam
So too, on the other Malaya, which has golden slopes, there is a hermitage frequented by the pious, with thickets of grass and soma plants.
AI translation rendered from the Sanskrit, not a published edition — the model flagged this verse as uncertain
VaP 1 48.25
नानापुष्पफलोपेतं स्वर्गादपि विशिष्यते। तत्रावतरते स्वर्गः सदा पर्वसु पर्वसु
nānāpuṣpaphalopetaṃ svargādapi viśiṣyate| tatrāvatarate svargaḥ sadā parvasu parvasu
Furnished with many flowers and fruits, it surpasses even heaven; heaven descends there ever at each festival juncture.
AI translation rendered from the Sanskrit, not a published edition
VaP 1 48.26
तथा त्रिकूटनिलये नानाधातुविभूषिते । अनेकयोजनोत्सेधे चित्रसानुदरीगृहे
tathā trikūṭanilaye nānādhātuvibhūṣite | anekayojanotsedhe citrasānudarīgṛhe
So also on Trikūṭa's site, adorned with various ores, many leagues high, with houses in its variegated ridges and caves —
AI translation rendered from the Sanskrit, not a published edition
VaP 1 48.27
तस्य कूटतटे रम्ये हेमप्राकारतोरणा। निर्यूहवलभीचित्रा हर्म्यप्रासादमालिनी
tasya kūṭataṭe ramye hemaprākāratoraṇā| niryūhavalabhīcitrā harmyaprāsādamālinī
On the lovely slope of its peak (is a city) with golden walls and archways, variegated with turrets and balconies, garlanded with mansions and palaces,
AI translation rendered from the Sanskrit, not a published edition
VaP 1 48.28
शतयोजनविस्तीर्णा त्रिंशदायामयोजना। नित्यप्रमुदिता स्फीता लङ्का नाम महापुरी
śatayojanavistīrṇā triṃśadāyāmayojanā| nityapramuditā sphītā laṅkā nāma mahāpurī
a hundred leagues broad and thirty leagues in length, ever joyous and prosperous — the great city named Laṅkā.
AI translation rendered from the Sanskrit, not a published edition
VaP 1 48.29
सा कामरूपिणां स्थानं राक्षसानां महात्मनाम् । आवासो बलदृप्तानां तद्विद्याद्देवविद्विषाम्। मानुषाणामसम्बाधा ह्यगम्या सा महापुरी
sā kāmarūpiṇāṃ sthānaṃ rākṣasānāṃ mahātmanām | āvāso baladṛptānāṃ tadvidyāddevavidviṣām| mānuṣāṇāmasambādhā hyagamyā sā mahāpurī
That is the place of the great-souled rākṣasas who take what form they wish; one should know it as the dwelling of those proud of their strength, the haters of the gods; that great city is not crowded with men, indeed it is unapproachable by them.
AI translation rendered from the Sanskrit, not a published edition
VaP 1 48.30
तस्य द्वीपस्य वै पूर्वे तीरे नदनदीपतेः। गोकर्णनामधेयस्य शङ्करस्यालयं महत्
tasya dvīpasya vai pūrve tīre nadanadīpateḥ| gokarṇanāmadheyasya śaṅkarasyālayaṃ mahat
On the eastern shore of that island, (by) the lord of the rivers, is the great abode of Śaṅkara who bears the name Gokarṇa.
AI translation rendered from the Sanskrit, not a published edition
VaP 1 48.31
तथैकराज्यं विज्ञेयं शङ्खद्वीपसमास्थितम्। शतयोजनविस्तीर्णं नानाम्लेच्छगणालयम्
tathaikarājyaṃ vijñeyaṃ śaṅkhadvīpasamāsthitam| śatayojanavistīrṇaṃ nānāmlecchagaṇālayam
So too Ekarājya is to be known, situated on Śaṅkha-dvīpa, a hundred leagues broad, the dwelling of many barbarian tribes.
AI translation rendered from the Sanskrit, not a published edition
VaP 1 48.32
तत्र शङ्खगिरिर्नाम धौतशङ्खदलप्रभः। नानारत्नाकरः पुण्यः पुण्यकृद्भिर्निषेवितः
tatra śaṅkhagirirnāma dhautaśaṅkhadalaprabhaḥ| nānāratnākaraḥ puṇyaḥ puṇyakṛdbhirniṣevitaḥ
There is a mountain there named Śaṅkhagiri, shining like the flakes of a polished conch, a mine of many jewels, holy, frequented by doers of holy deeds.
AI translation rendered from the Sanskrit, not a published edition
VaP 1 48.33
शङ्ख नागा महापुण्या यस्मात् प्रभवते नदी। यत्र शङ्खमुखो नाम नागराजः कृतालयः
śaṅkha nāgā mahāpuṇyā yasmāt prabhavate nadī| yatra śaṅkhamukho nāma nāgarājaḥ kṛtālayaḥ
(There are) the greatly holy Śaṅkha serpents, from which the river arises, where the serpent-king named Śaṅkhamukha has made his abode.
AI translation rendered from the Sanskrit, not a published edition — the model flagged this verse as uncertain
VaP 1 48.34
तथैव कुमुदद्वीपं नानापुण्योपशोभितम्। नानाग्रामसमा कीर्णं नानारत्नाकरं शिवम्
tathaiva kumudadvīpaṃ nānāpuṇyopaśobhitam| nānāgrāmasamā kīrṇaṃ nānāratnākaraṃ śivam
In the same way, (there is) the Kumuda island, adorned with many sacred places, strewn with many villages, a mine of many jewels, auspicious.
AI translation rendered from the Sanskrit, not a published edition
VaP 1 48.35
कुमुदाख्या महाभागा दुष्टचित्तनिबर्हणी। महादेवस्य भगिनी प्रभाभिस्ताभिरिज्यते
kumudākhyā mahābhāgā duṣṭacittanibarhaṇī| mahādevasya bhaginī prabhābhistābhirijyate
(There) the greatly blessed (goddess) named Kumudā, destroyer of evil-minded (beings), the sister of Mahādeva, is worshipped with those radiances.
AI translation rendered from the Sanskrit, not a published edition — the model flagged this verse as uncertain
VaP 1 48.36
तथा वराहद्वीपे च नानाम्लेच्छगणाकुले। नानाजालिसमाकीर्णे नानाधिष्ठानपत्तने
tathā varāhadvīpe ca nānāmlecchagaṇākule| nānājālisamākīrṇe nānādhiṣṭhānapattane
So too on the Varāha island, crowded with many hordes of barbarians, thickly covered with many nets (of settlements?), having many seats of authority and towns—
AI translation rendered from the Sanskrit, not a published edition — the model flagged this verse as uncertain
VaP 1 48.37
धनधान्ययुते स्फीते धर्म्मिष्ठजनसङ्कुले। नदीशैलवनैश्चित्रैर्बहुपुष्पफलोपगैः
dhanadhānyayute sphīte dharmmiṣṭhajanasaṅkule| nadīśailavanaiścitrairbahupuṣpaphalopagaiḥ
—rich in wealth and grain, prosperous, thronged with most righteous people, (varied) with rivers, mountains and forests of many kinds, furnished with abundant flowers and fruits—
AI translation rendered from the Sanskrit, not a published edition
VaP 1 48.38
वराहपर्व्वतो नाम तत्र रम्यः शिलोच्चयः। अनेककन्दरदरीगुहानिर्झरशोभितः
varāhaparvvato nāma tatra ramyaḥ śiloccayaḥ| anekakandaradarīguhānirjharaśobhitaḥ
There is a delightful heap of rock there called Varāha mountain, adorned with many chasms, clefts, caves and waterfalls.
AI translation rendered from the Sanskrit, not a published edition
VaP 1 48.39
तस्मात्सुरसपानीया पुण्यतीर्थतरङ्गिणी। वाराही नाम वरदा प्रवृत्तास्य महानदी
tasmātsurasapānīyā puṇyatīrthataraṅgiṇī| vārāhī nāma varadā pravṛttāsya mahānadī
From it a great river named Vārāhī has flowed forth, boon-granting, its water sweet-tasting, streaming with holy fords.
AI translation rendered from the Sanskrit, not a published edition
VaP 1 48.40
वाराहरूपिणे तत्र विष्णवे प्रभविष्णवे। अनन्यदेवतास्तस्मै नमस्कुर्वन्ति विप्रजाः
vārāharūpiṇe tatra viṣṇave prabhaviṣṇave| ananyadevatāstasmai namaskurvanti viprajāḥ
There the brahmin-born, having no other deity, make obeisance to that Viṣṇu of boar form, the mighty Viṣṇu.
AI translation rendered from the Sanskrit, not a published edition
VaP 1 48.41
एवं षडेते कथिता अनुद्वीपाः समन्ततः। भारतद्वीपदेशो वै दक्षिणे बहुविस्तरः
evaṃ ṣaḍete kathitā anudvīpāḥ samantataḥ| bhāratadvīpadeśo vai dakṣiṇe bahuvistaraḥ
Thus these six subsidiary islands (anudvīpas) have been described all around; the island-region of Bhārata in the south is of great extent.
AI translation rendered from the Sanskrit, not a published edition
VaP 1 48.42
एवमेकमिदं वर्षं बहुद्वीपमिहोच्यते। समुद्रजलसम्बिन्नं खण्डं खण्डीकृतं स्मृतम्
evamekamidaṃ varṣaṃ bahudvīpamihocyate| samudrajalasambinnaṃ khaṇḍaṃ khaṇḍīkṛtaṃ smṛtam
Thus this single continent (varṣa) is here spoken of as having many islands; divided up by the water of the ocean it is held to be a portion made into portions.
AI translation rendered from the Sanskrit, not a published edition
VaP 1 48.43
एवञ्चतुर्महाद्वीपः सान्तरद्वीपमण्डितः। सानुद्वीपः समाख्यातो जम्बूद्वीपस्य विस्तरः
evañcaturmahādvīpaḥ sāntaradvīpamaṇḍitaḥ| sānudvīpaḥ samākhyāto jambūdvīpasya vistaraḥ
Thus the extent of Jambūdvīpa, with its four great islands, ringed with intervening islands and together with its subsidiary islands, has been fully declared.
AI translation rendered from the Sanskrit, not a published edition