Vayu Purana — Purvardha — Chapter 18

VaP 1 18.1

।। वायुरुवाच ।। अत ऊर्द्ध्वं प्रवक्ष्यामि यतीनामिह निश्चयम्। प्रायश्चित्तानि तत्त्वेन यान्यकामकृतानि तु। अथ कामकृतेप्याहुः सूक्ष्मधर्मविदो जनाः

|| vāyuruvāca || ata ūrddhvaṃ pravakṣyāmi yatīnāmiha niścayam| prāyaścittāni tattvena yānyakāmakṛtāni tu| atha kāmakṛtepyāhuḥ sūkṣmadharmavido janāḥ

Vāyu said: Beyond this I shall declare the settled rule here for ascetics — the expiations, in truth, for what is done unintentionally; and then people who know the subtle law speak of (expiations) even for what is done intentionally.

AI translation rendered from the Sanskrit, not a published edition

VaP 1 18.2

पापञ्च त्रिविधं प्रोक्तं वाङ्मनःकायसम्भवम्। सततं हिदिवा रात्रौ येनेदं बध्यते जगत्

pāpañca trividhaṃ proktaṃ vāṅmanaḥkāyasambhavam| satataṃ hidivā rātrau yenedaṃ badhyate jagat

And sin is said to be of three kinds, arising from speech, mind and body, by which this world is constantly bound, by day and by night.

AI translation rendered from the Sanskrit, not a published edition

VaP 1 18.3

न कर्माणि न चाप्येष तिष्ठ तीतिपरा श्रुतिः। क्षणमेव प्रयोज्यन्तु आयुषस्तु विधारणात्

na karmāṇi na cāpyeṣa tiṣṭha tītiparā śrutiḥ| kṣaṇameva prayojyantu āyuṣastu vidhāraṇāt

"Not deeds, and not this one either — stand fast!" — such is the highest revealed word; but a moment only should be employed, for the sake of sustaining life.

AI translation rendered from the Sanskrit, not a published edition — the model flagged this verse as uncertain

VaP 1 18.4

भवेद्धीरोऽप्रमत्तस्तु योगो हि परमं बलम्। न हि योगात्परं किञ्चिन्नराणामिह दृश्यते। तस्माद्योगं प्रशंसन्ति धर्मयुक्ता मनीषिणः

bhaveddhīro'pramattastu yogo hi paramaṃ balam| na hi yogātparaṃ kiñcinnarāṇāmiha dṛśyate| tasmādyogaṃ praśaṃsanti dharmayuktā manīṣiṇaḥ

One should be firm and not heedless, for yoga is the highest strength; nothing higher than yoga is seen here among men. Therefore wise men joined to dharma praise yoga.

AI translation rendered from the Sanskrit, not a published edition

VaP 1 18.5

अविद्यां विद्यया तीर्त्वा प्राप्यैश्वयर्मनुत्तमम्। दृष्ट्वा परापरं धीराः परं गच्छन्ति तत्पदम्

avidyāṃ vidyayā tīrtvā prāpyaiśvayarmanuttamam| dṛṣṭvā parāparaṃ dhīrāḥ paraṃ gacchanti tatpadam

Having crossed over ignorance by knowledge and attained the unsurpassed lordship, the firm ones, having seen the higher and the lower, go to that supreme state.

AI translation rendered from the Sanskrit, not a published edition

VaP 1 18.6

व्रतानि यानि भिक्षूणां तथैवोपव्रतानि च। एकैकापक्रमे तेषां प्रायश्चित्तं विधीयते

vratāni yāni bhikṣūṇāṃ tathaivopavratāni ca| ekaikāpakrame teṣāṃ prāyaścittaṃ vidhīyate

Whatever vows belong to mendicants, and likewise the subsidiary vows — for the transgression of each single one of them an expiation is prescribed.

AI translation rendered from the Sanskrit, not a published edition

VaP 1 18.7

उपेत्य तु स्त्रियं कामात् प्रायश्चित्तं विनिर्दिशेत् । प्राणायामसमायुक्तं कुर्यात्सान्तपनं तथा

upetya tu striyaṃ kāmāt prāyaścittaṃ vinirdiśet | prāṇāyāmasamāyuktaṃ kuryātsāntapanaṃ tathā

But if he approaches a woman out of desire, one should prescribe an expiation: he should perform the sāntapana penance joined with breath-control.

AI translation rendered from the Sanskrit, not a published edition

VaP 1 18.8

तत श्चरति निर्द्देशं कृच्छ्रस्यान्ते समाहितः। पुनराश्रममागम्य चरेद्भिक्षुरतन्द्रितः । न मर्मयुक्तं वचनं हिनस्तीति मनीषिणः

tata ścarati nirddeśaṃ kṛcchrasyānte samāhitaḥ| punarāśramamāgamya caredbhikṣuratandritaḥ | na marmayuktaṃ vacanaṃ hinastīti manīṣiṇaḥ

Then, at the end of the hard penance, collected in mind, he carries out what is prescribed; coming back again to his stage of life, the mendicant should wander unwearied. "Speech that strikes the vital points does not kill," say the wise.

AI translation rendered from the Sanskrit, not a published edition — the model flagged this verse as uncertain

VaP 1 18.9

तथापि च न कर्त्तव्यः प्रसङ्गो ह्येष दारुणः। अहोरात्राधिकः कश्चिन्नास्त्यधर्म इति श्रुतिः

tathāpi ca na karttavyaḥ prasaṅgo hyeṣa dāruṇaḥ| ahorātrādhikaḥ kaścinnāstyadharma iti śrutiḥ

Even so, this indulgence is not to be practised, for it is terrible; there is no unrighteousness greater than (that of) a day and a night — so says the revealed word.

AI translation rendered from the Sanskrit, not a published edition — the model flagged this verse as uncertain

VaP 1 18.10

हिंसा ह्येषा परा सृष्टा दैवतैर्मुनिभिस्तथा। यदेत[https://puranastudy.freeoda.com/pur_index14/dravina.htm द्द्रविणं] नाम प्राणा ह्येते बहिश्चराः। स तस्य हरति प्राणान् यो यस्य हरते धनम्

hiṃsā hyeṣā parā sṛṣṭā daivatairmunibhistathā| yadeta[https://puranastudy.freeoda.com/pur_index14/dravina.htm ddraviṇaṃ] nāma prāṇā hyete bahiścarāḥ| sa tasya harati prāṇān yo yasya harate dhanam

For this has been ordained by the gods and by the sages as the supreme violence: that this which is called wealth — these are indeed the breaths of life moving outside (the body); he who takes away another's wealth takes away his breaths.

AI translation rendered from the Sanskrit, not a published edition

VaP 1 18.11

एवं कृत्वा स दुष्टात्मा भिन्नवृत्तो व्रताच्च्युतः। भूयो निर्वेदमापन्नश्चरेच्चान्द्रायणं व्रतम्

evaṃ kṛtvā sa duṣṭātmā bhinnavṛtto vratāccyutaḥ| bhūyo nirvedamāpannaścareccāndrāyaṇaṃ vratam

Having acted thus, that evil-souled one, his conduct broken, fallen from his vow, having again come to disgust (with the world), should perform the cāndrāyaṇa vow.

AI translation rendered from the Sanskrit, not a published edition

VaP 1 18.12

विधिना शास्त्रदृष्टेन संवत्सरमिति श्रुतिः। ततः संवत्सरस्यान्ते भूयः प्रक्षीणकल्मषः। भूयो निर्वेदमापन्नश्चरेच्चान्द्रायणं व्रतम्

vidhinā śāstradṛṣṭena saṃvatsaramiti śrutiḥ| tataḥ saṃvatsarasyānte bhūyaḥ prakṣīṇakalmaṣaḥ| bhūyo nirvedamāpannaścareccāndrāyaṇaṃ vratam

For a year, by the rule seen in the scriptures — so says the revealed word. Then at the end of the year, his sin further worn away, having again come to detachment, he should perform the cāndrāyaṇa vow.

AI translation rendered from the Sanskrit, not a published edition

VaP 1 18.13

अहिंसा सर्वभूतानां कर्मणा मनसा गिरा । अकामादपि हिंसेत यदि भिक्षुः पशून् मृगान्। कृच्छ्रातिकृच्छ्रं कुर्वीत चान्द्रायणमथीपि वा

ahiṃsā sarvabhūtānāṃ karmaṇā manasā girā | akāmādapi hiṃseta yadi bhikṣuḥ paśūn mṛgān| kṛcchrātikṛcchraṃ kurvīta cāndrāyaṇamathīpi vā

(There should be) non-injury to all beings in deed, in mind, and in speech. If a mendicant should injure cattle or wild animals even unintentionally, he should perform the kṛcchra and atikṛcchra penances, or else the cāndrāyaṇa.

AI translation rendered from the Sanskrit, not a published edition

VaP 1 18.14

स्कन्देदिन्द्रियदौर्बल्यात् स्त्रियं दृष्ट्वा यतिर्यदि। तेन धारयितव्या वै प्राणायामास्तु षोडश

skandedindriyadaurbalyāt striyaṃ dṛṣṭvā yatiryadi| tena dhārayitavyā vai prāṇāyāmāstu ṣoḍaśa

If an ascetic, from weakness of the senses, should emit his seed upon seeing a woman, sixteen breath-retentions are to be performed by him.

AI translation rendered from the Sanskrit, not a published edition

VaP 1 18.15

दिवा स्कन्नस्य विप्रस्य प्रायश्चित्तं विधीयते। त्रिरात्रमुपवासश्च प्राणायामशतं तथा

divā skannasya viprasya prāyaścittaṃ vidhīyate| trirātramupavāsaśca prāṇāyāmaśataṃ tathā

For a brahmin who has emitted (his seed) by day an expiation is prescribed: a fast of three nights, and likewise a hundred breath-controls.

AI translation rendered from the Sanskrit, not a published edition

VaP 1 18.16

रात्रौ स्कन्नः शुचिः स्रातोद्वादशैव तु धारणाः। प्राणायामेन शुद्धात्मा विरजा जायते द्विजः

rātrau skannaḥ śuciḥ srātodvādaśaiva tu dhāraṇāḥ| prāṇāyāmena śuddhātmā virajā jāyate dvijaḥ

One who has emitted by night is pure once he has bathed, with just twelve retentions; by breath-control the twice-born becomes pure in self and free of taint.

AI translation rendered from the Sanskrit, not a published edition

VaP 1 18.17

एकान्नं मधु मांसं वा ह्यामश्राद्धं तथैव च। अभोज्यानि यतीनाञ्च प्रत्यक्षलवणानि च

ekānnaṃ madhu māṃsaṃ vā hyāmaśrāddhaṃ tathaiva ca| abhojyāni yatīnāñca pratyakṣalavaṇāni ca

Food from a single (giver), honey, meat, and likewise the uncooked śrāddha offering, and things with salt evident (in them), are not to be eaten by ascetics.

AI translation rendered from the Sanskrit, not a published edition — the model flagged this verse as uncertain

VaP 1 18.18

एकैकातिक्रमे तेषां प्रायश्चित्तं विधीयते। प्राजापत्येन कृच्छ्रेण ततः पापात् प्रमुच्यते

ekaikātikrame teṣāṃ prāyaścittaṃ vidhīyate| prājāpatyena kṛcchreṇa tataḥ pāpāt pramucyate

For the transgression of each single one of these an expiation is prescribed: by the Prājāpatya kṛcchra penance he is then freed from the sin.

AI translation rendered from the Sanskrit, not a published edition

VaP 1 18.19

व्यतिक्रमाच्च ये केचिद्वाङ्मनःकायसम्भवम्। सद्भिः सह विनिश्चित्य यद्ब्रूयुस्तत्समाचरेत्

vyatikramācca ye kecidvāṅmanaḥkāyasambhavam| sadbhiḥ saha viniścitya yadbrūyustatsamācaret

And whatever (fault) arises from transgression, born of speech, mind, or body — having determined it together with good men, one should perform what they prescribe.

AI translation rendered from the Sanskrit, not a published edition

VaP 1 18.20

विशुद्धबुद्धिः समलोष्टकाञ्चनः समस्तभूतेषु चरन् स माहितः । स्थानं ध्रुवं शाश्वतमव्ययं सतां परं स गत्वा न पुनर्हि जायते

viśuddhabuddhiḥ samaloṣṭakāñcanaḥ samastabhūteṣu caran sa māhitaḥ | sthānaṃ dhruvaṃ śāśvatamavyayaṃ satāṃ paraṃ sa gatvā na punarhi jāyate

With purified understanding, regarding a lump of clay and gold as the same, moving among all beings, self-composed — having gone to that station of the good, fixed, everlasting, imperishable and supreme, he is not born again.

AI translation rendered from the Sanskrit, not a published edition