Varaha Purana — Chapter 60

VrP 60.60

अगस्त्य उवाच । शान्तिव्रतं प्रवक्ष्यामि तव राजन् श्रृणुष्व तत् । येन चीर्णेन शान्तिः स्यात् सर्वदा गृहमेधिनाम् पञ्चम्यां शुक्लपक्षस्य कार्त्तिके मासि सुव्रत । आरभेद् वर्षमेकं तु भुञ्जीयादम्लवर्जितम् नक्तं देवं तु संपूज्य हरिं शेषोपरि स्थितम् । अनन्तायेति पादौ तु वासुकायेति वै कटिम् तक्षकायेति जठरमुरः कर्कोटकाय च । पद्माय कण्ठं संपूज्य महापद्माय दोर्युगम् शङ्खपालाय वक्त्रं तु कुटिलायेति वै शिरः । एवं विष्णुगतं पूज्य पृथक्त्वेन च पूजयेत् क्षीरेण स्नपनं कुर्यात् तानुद्दिश्य हरेः पुनः । तदग्रे होमयेत् क्षीरं तिलैः सह विचक्षणः एवं संवत्सरस्यान्ते कुर्याद् ब्राह्मणभोजनम् । नागं तु काञ्चनं कुर्याद् ब्राह्मणाय निवेदयेत् एवं यः कुरुते भक्त्या व्रतमेतन्नराधिपः । तस्य शान्तिर्भवेन्नित्यं नागानां न भयं तथा

agastya uvāca | śāntivrataṃ pravakṣyāmi tava rājan śrṛṇuṣva tat | yena cīrṇena śāntiḥ syāt sarvadā gṛhamedhinām pañcamyāṃ śuklapakṣasya kārttike māsi suvrata | ārabhed varṣamekaṃ tu bhuñjīyādamlavarjitam naktaṃ devaṃ tu saṃpūjya hariṃ śeṣopari sthitam | anantāyeti pādau tu vāsukāyeti vai kaṭim takṣakāyeti jaṭharamuraḥ karkoṭakāya ca | padmāya kaṇṭhaṃ saṃpūjya mahāpadmāya doryugam śaṅkhapālāya vaktraṃ tu kuṭilāyeti vai śiraḥ | evaṃ viṣṇugataṃ pūjya pṛthaktvena ca pūjayet kṣīreṇa snapanaṃ kuryāt tānuddiśya hareḥ punaḥ | tadagre homayet kṣīraṃ tilaiḥ saha vicakṣaṇaḥ evaṃ saṃvatsarasyānte kuryād brāhmaṇabhojanam | nāgaṃ tu kāñcanaṃ kuryād brāhmaṇāya nivedayet evaṃ yaḥ kurute bhaktyā vratametannarādhipaḥ | tasya śāntirbhavennityaṃ nāgānāṃ na bhayaṃ tathā

Agastya said: I shall declare to you the vow of peace, O king; hear it — by whose practice there is always peace for householders. On the fifth of the bright fortnight in the month of Kārttika, O you of good vows, he should begin it for one full year, and should eat food free of anything sour. Worshipping the god at night — Hari seated upon Śeṣa — (he should worship) the feet with "to Ananta," the waist with "to Vāsuki," the belly with "to Takṣaka," the chest with "to Karkoṭaka," worshipping the throat with "to Padma," the pair of arms with "to Mahāpadma," the face with "to Śaṅkhapāla," and the head with "to Kuṭila." Having thus worshipped (them) as present in Viṣṇu, he should worship them separately as well. He should perform the bathing with milk designating them, and again (that) of Hari; before him the discerning man should offer milk with sesame in the fire. Thus at the end of the year he should feed brahmins; he should have a serpent made of gold and present it to a brahmin. The king who thus performs this vow with devotion has peace always, and likewise no fear from serpents.

AI translation rendered from the Sanskrit, not a published edition