Varaha Purana — Chapter 59

VrP 59.59

अगस्त्य उवाच । अथाविघ्नकरं राजन् कथयामि श्रृणुष्व मे । येन सम्यक् कृतेनापि न विघ्नमुपजायते चतुर्थ्यां फाल्गुने मासि ग्रहीतव्यं व्रतं त्विदम् । नक्ताहारेण राजेन्द्र तिलान्नं पारणं स्मृतम् । तदेवाग्नौ तु होतव्यं ब्राह्मणाय च तद् भवेत् चातुर्मास्यं व्रतं चैतत् कृत्वा वै पञ्च मे तथा । सौवर्णं गजवक्त्रं तु कृत्वा विप्राय दापयेत् पायसैः पञ्चभिः पात्रैरुपेतं तु तिलैस्तथा । एवं कृत्वा व्रतं चैतत् सर्वविघ्नैर्विमुच्यते हयमेधस्य विघ्ने तु संजाते सगरः पुरा । तथा रुद्रेण देवेन त्रिपुरं निघ्नता पुरा । एतदेव कृतं तस्मात् त्रिपुरं तेन पातितम् । मया समुद्रं पिबता एतदेव कृतं व्रतम् अन्यैरपि महीपालैरेतदेव कृतं पुरा । तपोऽर्थिभिर्ज्ञानकृतैर्निर्विघ्नार्थे परंतप शूराय धीराय गजाननाय लम्बोदरायैकदंष्ट्राय चैव । एवं पूज्यस्तद्दिने तत् पुनश्च होमं कुर्याद् विघ्नविनाशहेतोः अनेन कृतमात्रेण सर्वविघ्नैर्विमुच्यते । विनायकस्य कृपया कृतकृत्यो नरो भवेत्

agastya uvāca | athāvighnakaraṃ rājan kathayāmi śrṛṇuṣva me | yena samyak kṛtenāpi na vighnamupajāyate caturthyāṃ phālgune māsi grahītavyaṃ vrataṃ tvidam | naktāhāreṇa rājendra tilānnaṃ pāraṇaṃ smṛtam | tadevāgnau tu hotavyaṃ brāhmaṇāya ca tad bhavet cāturmāsyaṃ vrataṃ caitat kṛtvā vai pañca me tathā | sauvarṇaṃ gajavaktraṃ tu kṛtvā viprāya dāpayet pāyasaiḥ pañcabhiḥ pātrairupetaṃ tu tilaistathā | evaṃ kṛtvā vrataṃ caitat sarvavighnairvimucyate hayamedhasya vighne tu saṃjāte sagaraḥ purā | tathā rudreṇa devena tripuraṃ nighnatā purā | etadeva kṛtaṃ tasmāt tripuraṃ tena pātitam | mayā samudraṃ pibatā etadeva kṛtaṃ vratam anyairapi mahīpālairetadeva kṛtaṃ purā | tapo'rthibhirjñānakṛtairnirvighnārthe paraṃtapa śūrāya dhīrāya gajānanāya lambodarāyaikadaṃṣṭrāya caiva | evaṃ pūjyastaddine tat punaśca homaṃ kuryād vighnavināśahetoḥ anena kṛtamātreṇa sarvavighnairvimucyate | vināyakasya kṛpayā kṛtakṛtyo naro bhavet

Agastya said: Now, O king, I shall tell (the vow) that removes obstacles; hear it from me — by which no obstacle arises even in what has been properly done. This vow is to be undertaken on the fourth day in the month of Phālguna, O best of kings, with a single night meal; sesame-food is prescribed as the breaking of the fast. That same is to be offered in the fire, and it should be (given) to a brahmin. Having performed this four-month vow five times, he should have a golden elephant-faced (image) made and given to a brahmin, together with five vessels of milk-rice and with sesame. Having thus performed this vow, one is freed from all obstacles. Formerly, when an obstacle arose in Sagara's horse sacrifice (this was done); and likewise by the god Rudra of old when he destroyed Tripura this very thing was done, and therefore Tripura was felled by him. By me too, when I drank up the ocean, this very vow was performed. By other kings also this same (vow) was performed formerly, and by those seeking austerity and versed in knowledge, for the sake of freedom from obstacles, O scorcher of foes. "To the hero, to the steadfast one, to the elephant-faced, to the pot-bellied, to the one-tusked" — thus he is to be worshipped on that day, and again one should make a fire offering for the destruction of obstacles. By the mere doing of this one is freed from all obstacles; by Vināyaka's grace a man becomes one who has accomplished his aim.

AI translation rendered from the Sanskrit, not a published edition — the model flagged this verse as uncertain