Varaha Purana — Chapter 30

VrP 30.30

महातपा उवाच । श्रृणु चान्यां वसुपतेरुत्पत्तिं पापनाशिनीम् । यथा वायुः शरीरस्थो धनदः संबभूव ह आद्यं शरीरं यत् तस्मिन् वायुरन्तः स्थितोऽभवत् । प्रयोजनान्मूर्त्तिमत्त्वमादिष्टं क्षेत्रदेवता तत्र मूर्त्तस्य वायोस्तु उत्पत्तिः कीर्त्त्यये मया । तां श्रृणुष्व महाभाग कथ्यमानां मयानघ ब्रह्मणः सृष्टिकामस्य मुखाद् वायुर्विनिर्ययौ । प्रचण्डशर्करावर्षी तं ब्रह्मा प्रत्यषेधयत् । मूर्त्तो भवस्व शान्तश्च तत्रोक्तो मूर्त्तिमान् भवत् सर्वेषां चैव देवानां यद् वित्तं फलमेव च । तत्सर्वं पाहि येनोक्तं तस्माद् धनपतिर्भवत् तस्य ब्रह्मा ददौ तुष्टस्तिथिमेकादशीं प्रभुः । तस्यामनग्निपक्वाशी यो भवेन्नियतः शुचिः तस्याशु धनदो देवस्तुष्टः सर्वं प्रयच्छति । एषा धनपतेर्मूर्तिः सर्वकिल्बिषनाशिनी य एतां श्रृणुयाद् भक्त्या पुरुषः पठतेऽपि वा । सर्वकाममवाप्नोति स्वर्गलोकं च गच्छति

mahātapā uvāca | śrṛṇu cānyāṃ vasupaterutpattiṃ pāpanāśinīm | yathā vāyuḥ śarīrastho dhanadaḥ saṃbabhūva ha ādyaṃ śarīraṃ yat tasmin vāyurantaḥ sthito'bhavat | prayojanānmūrttimattvamādiṣṭaṃ kṣetradevatā tatra mūrttasya vāyostu utpattiḥ kīrttyaye mayā | tāṃ śrṛṇuṣva mahābhāga kathyamānāṃ mayānagha brahmaṇaḥ sṛṣṭikāmasya mukhād vāyurviniryayau | pracaṇḍaśarkarāvarṣī taṃ brahmā pratyaṣedhayat | mūrtto bhavasva śāntaśca tatrokto mūrttimān bhavat sarveṣāṃ caiva devānāṃ yad vittaṃ phalameva ca | tatsarvaṃ pāhi yenoktaṃ tasmād dhanapatirbhavat tasya brahmā dadau tuṣṭastithimekādaśīṃ prabhuḥ | tasyāmanagnipakvāśī yo bhavenniyataḥ śuciḥ tasyāśu dhanado devastuṣṭaḥ sarvaṃ prayacchati | eṣā dhanapatermūrtiḥ sarvakilbiṣanāśinī ya etāṃ śrṛṇuyād bhaktyā puruṣaḥ paṭhate'pi vā | sarvakāmamavāpnoti svargalokaṃ ca gacchati

Mahātapas said: Hear also another, sin-destroying, account of the origin of the lord of wealth — how Vāyu, dwelling within the body, came to be the giver of wealth. In that first body Vāyu abode within; because of a purpose, embodiment was enjoined (upon him), (he being) the deity of the field. There I shall relate the origin of the embodied Vāyu; hear it as I tell it, greatly fortunate, sinless one. From the mouth of Brahmā, who desired to create, Vāyu issued forth, raining down fierce hail; Brahmā checked him: "Become embodied and calm!" — being so addressed there, he became embodied. "Whatever wealth and fruit belongs to all the gods, guard all that" — since he was told this, he became the lord of wealth. Pleased with him, the lord Brahmā gave him the eleventh lunar day: to whoever on that day eats what is not cooked on fire, being restrained and pure, to him the god Dhanada, pleased, swiftly grants everything. This is the embodiment of the lord of wealth, destroyer of all defilement. The man who hears this with devotion, or recites it, obtains every desire and goes to the world of heaven.

AI translation rendered from the Sanskrit, not a published edition