Varaha Purana — Chapter 202
VrP 202.1
अथ नारकिदण्डनकर्मविपाकवर्णनम् ।। ऋषिरुवाच ।। विस्मयस्तु मया दृष्टस्तस्मिन्नद्भुतदर्शनः ।। चित्रगुप्तस्य सन्देशो धर्मराजेन धीमतः
atha nārakidaṇḍanakarmavipākavarṇanam || ṛṣiruvāca || vismayastu mayā dṛṣṭastasminnadbhutadarśanaḥ || citraguptasya sandeśo dharmarājena dhīmataḥ
Now the description of the punishment of the denizens of hell and the ripening of their deeds. The seer said: Astonishment indeed was seen by me there, of wondrous appearance: the instruction of Citragupta by the wise King of Dharma.
AI translation rendered from the Sanskrit, not a published edition — the model flagged this verse as uncertain
VrP 202.2
प्राप्नुवन्ति फलं ते वै ये च क्षिप्ताः पुरा जनाः ।। अग्निना वै प्रतप्तास्ते बद्धा बन्धैः सुदारुणैः
prāpnuvanti phalaṃ te vai ye ca kṣiptāḥ purā janāḥ || agninā vai prataptāste baddhā bandhaiḥ sudāruṇaiḥ
They obtain their fruit indeed, those people who were cast (into hell) formerly; they are scorched by fire and bound with most terrible bonds.
AI translation rendered from the Sanskrit, not a published edition
VrP 202.3
सन्तप्ता बहवो ये ते तैस्तैः कर्मभिरुल्बणैः ।। श्यामाश्च दशनाभिर्ये त्विमं शीघ्रं प्रमापय
santaptā bahavo ye te taistaiḥ karmabhirulbaṇaiḥ || śyāmāśca daśanābhirye tvimaṃ śīghraṃ pramāpaya
Many are those who have been scorched by those various fierce deeds; and (as for) those who are black with their teeth — kill this one quickly!
AI translation rendered from the Sanskrit, not a published edition — the model flagged this verse as uncertain
VrP 202.4
दुराचारं पापरतं निर्घृणं पापचेतसम् ।। श्वानस्तु हिंसका ये च भक्षयन्तु दुरात्मकम्
durācāraṃ pāparataṃ nirghṛṇaṃ pāpacetasam || śvānastu hiṃsakā ye ca bhakṣayantu durātmakam
(This man of) evil conduct, devoted to sin, pitiless, of sinful mind — let the dogs that are killers devour the evil-souled one.
AI translation rendered from the Sanskrit, not a published edition
VrP 202.5
पितृघ्नो मातृगोघ्नस्तु सर्वदोषसमन्वितः ।। आरोप्य शाल्मलीं घोरां कण्टकैस्तैर्विपाटय
pitṛghno mātṛgoghnastu sarvadoṣasamanvitaḥ || āropya śālmalīṃ ghorāṃ kaṇṭakaistairvipāṭaya
The slayer of his father, the slayer of his mother and of cows, endowed with every fault: mount him on the terrible silk-cotton tree and tear him apart with its thorns.
AI translation rendered from the Sanskrit, not a published edition
VrP 202.6
एनं पाचय तैलस्य घृतक्षौद्रस्य वा पुनः ।। तप्तद्रोण्यां ततो मुंच ताम्रतप्तखले पुनः
enaṃ pācaya tailasya ghṛtakṣaudrasya vā punaḥ || taptadroṇyāṃ tato muṃca tāmrataptakhale punaḥ
Cook this one in oil, or again in ghee and honey; then release him into a heated trough, and again onto a heated copper floor.
AI translation rendered from the Sanskrit, not a published edition
VrP 202.7
!। नराधममिमं क्षिप्त्वा प्रदीप्ते हव्यवाहने ।। ततो मनुष्यतां प्राप्य ऋणैस्तत्र प्रदीप्यते
!| narādhamamimaṃ kṣiptvā pradīpte havyavāhane || tato manuṣyatāṃ prāpya ṛṇaistatra pradīpyate
Having thrown this lowest of men into the blazing fire — then, obtaining human birth again, he is burned there by debts.
AI translation rendered from the Sanskrit, not a published edition — the model flagged this verse as uncertain
VrP 202.8
शयनासनहर्त्तारमग्निदायी च यो नरः ।। वैतरण्यामयं चैव क्षिप्यतामचिरं पुनः
śayanāsanaharttāramagnidāyī ca yo naraḥ || vaitaraṇyāmayaṃ caiva kṣipyatāmaciraṃ punaḥ
The man who steals beds and seats and who sets fires — let this one too be thrown without delay into the Vaitaraṇī again.
AI translation rendered from the Sanskrit, not a published edition — the model flagged this verse as uncertain
VrP 202.9
पापकर्मायमत्यर्थं सर्व तीर्थविनाशकः ।। तस्य प्रदीप्तः कीलोऽयं वह्नितप्तोऽतिदुःस्पृशः
pāpakarmāyamatyarthaṃ sarva tīrthavināśakaḥ || tasya pradīptaḥ kīlo'yaṃ vahnitapto'tiduḥspṛśaḥ
This one is exceedingly evil in his deeds, a destroyer of all sacred fords; for him this blazing stake, heated in fire, most painful to touch (is ordained).
AI translation rendered from the Sanskrit, not a published edition
VrP 202.11
ग्रामयाजनकं विप्रमध्रुवं दांभिकं शठम्।। बद्ध्वा तु बन्धने घोरे दीयतां तु न किंचन
grāmayājanakaṃ vipramadhruvaṃ dāṃbhikaṃ śaṭham|| baddhvā tu bandhane ghore dīyatāṃ tu na kiṃcana
(This) brahmin who sacrifices for the whole village, unsteady, hypocritical, a cheat — having bound (him) in dreadful fetters, let nothing at all be given (him).
AI translation rendered from the Sanskrit, not a published edition
VrP 202.12
जिह्वाऽस्य छिद्यतां शीघ्रं वाचा दुष्टस्य पापिनः ।। गम्यागम्यं पुरा येन विज्ञातं न दुरात्मना
jihvā'sya chidyatāṃ śīghraṃ vācā duṣṭasya pāpinaḥ || gamyāgamyaṃ purā yena vijñātaṃ na durātmanā
Let the tongue of this one be cut out at once — of (this) sinner, vicious in speech — by which wicked-souled man it was formerly not discerned what may be approached and what may not.
AI translation rendered from the Sanskrit, not a published edition
VrP 202.13
कृतं लोभाभिभूतेन कामसम्मोहितेन च ।। तस्य च्छित्वा ततो लिंगं क्षारमग्निं च दीपय
kṛtaṃ lobhābhibhūtena kāmasammohitena ca || tasya cchitvā tato liṃgaṃ kṣāramagniṃ ca dīpaya
(It was) done by one overpowered by greed and bewildered by lust; so cut off his organ and then set caustic lye and fire ablaze (on it).
AI translation rendered from the Sanskrit, not a published edition
VrP 202.14
इमं तु खलकं कृत्वा दुरात्मा पापकारिणम् ।। दायादा बहवो येन स्वार्थहेतोर्विनाशिताः
imaṃ tu khalakaṃ kṛtvā durātmā pāpakāriṇam || dāyādā bahavo yena svārthahetorvināśitāḥ
(Make) this wicked-souled evildoer a cheat, by whom many co-heirs were destroyed for the sake of his own gain.
AI translation rendered from the Sanskrit, not a published edition — the model flagged this verse as uncertain
VrP 202.15
इमं वार्धुषिकं विप्रं सर्वत्रांगेषु भेदय ।। तथायं यातनां यातु पापं बहु समाचरन्
imaṃ vārdhuṣikaṃ vipraṃ sarvatrāṃgeṣu bhedaya || tathāyaṃ yātanāṃ yātu pāpaṃ bahu samācaran
Split this usurious brahmin apart everywhere in his limbs; thus let this one undergo torment, having committed much sin.
AI translation rendered from the Sanskrit, not a published edition
VrP 202.16
सुवर्णस्तेयिनं पापं कृतघ्नं च तथा नरम् ।। क्रूरं पितृहणं चैनं ब्रह्मघ्नेषु समीकुरु
suvarṇasteyinaṃ pāpaṃ kṛtaghnaṃ ca tathā naram || krūraṃ pitṛhaṇaṃ cainaṃ brahmaghneṣu samīkuru
The stealer of gold, the sinner, and likewise the ungrateful man, and this cruel slayer of his father — make (them) equal to the killers of brahmins.
AI translation rendered from the Sanskrit, not a published edition
VrP 202.17
अस्थि च्छित्वा ततः क्षिप्रं क्षारमग्निं च दापय ।। इमं तु विप्रं खादन्तु तीक्ष्णदंष्ट्राः सुदारुणाः
asthi cchitvā tataḥ kṣipraṃ kṣāramagniṃ ca dāpaya || imaṃ tu vipraṃ khādantu tīkṣṇadaṃṣṭrāḥ sudāruṇāḥ
Then, having quickly broken his bones, have caustic lye and fire applied; and let (beasts) with sharp fangs, most terrible, devour this brahmin.
AI translation rendered from the Sanskrit, not a published edition
VrP 202.18
पिशुनं हि महाव्याघ्राः पंच घोराः सुदारुणाः ।। इमं पचत पाकेषु बहुधा मर्मभेदिनम्
piśunaṃ hi mahāvyāghrāḥ paṃca ghorāḥ sudāruṇāḥ || imaṃ pacata pākeṣu bahudhā marmabhedinam
Indeed, (let) five terrible, most dreadful great tigers (devour) the slanderer; cook this one in the cauldrons, piercing his vital parts in many ways.
AI translation rendered from the Sanskrit, not a published edition — the model flagged this verse as uncertain
VrP 202.19
येनाग्निरुज्झितः पूर्वं गृहीत्वा च न पूजितः ।। इमं पापसमाचारं वीरघ्नमतिपापिनम्
yenāgnirujjhitaḥ pūrvaṃ gṛhītvā ca na pūjitaḥ || imaṃ pāpasamācāraṃ vīraghnamatipāpinam
He by whom the (sacred) fire was formerly abandoned, and, once taken up, not honoured — this man of sinful conduct, slayer of heroes, exceedingly sinful...
AI translation rendered from the Sanskrit, not a published edition
VrP 202.21
सर्वेषां तु पशूनां यो नित्यं धारयते जलम् ।। न त्राता न च दाता च पापस्यास्य दुरात्मनः
sarveṣāṃ tu paśūnāṃ yo nityaṃ dhārayate jalam || na trātā na ca dātā ca pāpasyāsya durātmanaḥ
But he who constantly withholds water from all the animals — for this sinner, this wicked-souled man, there is no protector and no giver.
AI translation rendered from the Sanskrit, not a published edition — the model flagged this verse as uncertain
VrP 202.22
अदानव्रतिनो विप्रा वेदविक्रयिणस्तथा ।। सर्वकर्माणि कुर्युर्ये दीयते न च किंचन
adānavratino viprā vedavikrayiṇastathā || sarvakarmāṇi kuryurye dīyate na ca kiṃcana
Brahmins vowed to giving nothing, and likewise sellers of the Veda, who would perform all the rites and yet nothing is given (by them)...
AI translation rendered from the Sanskrit, not a published edition — the model flagged this verse as uncertain
VrP 202.23
तोयभाजनहर्त्तारं भोजनं योऽनिवारयन् ।। हन्यतां सुदृढैर्दण्डैर्यमदूतैर्महाबलैः
toyabhājanaharttāraṃ bhojanaṃ yo'nivārayan || hanyatāṃ sudṛḍhairdaṇḍairyamadūtairmahābalaiḥ
The one who carries off a water-vessel, who does not keep back (his own) food — let him be struck with very hard clubs by Yama's messengers of great strength.
AI translation rendered from the Sanskrit, not a published edition — the model flagged this verse as uncertain
VrP 202.24
वेणुदण्डकशाभिश्च लोहदण्डैस्तथैव च ।। जलमस्मै न दातव्यं भोजनं च कथंचन
veṇudaṇḍakaśābhiśca lohadaṇḍaistathaiva ca || jalamasmai na dātavyaṃ bhojanaṃ ca kathaṃcana
and with bamboo staves and whips, and likewise with iron rods; water is not to be given to this one, nor food in any way.
AI translation rendered from the Sanskrit, not a published edition
VrP 202.25
तस्मा अन्नं च पानं च न दातव्यं कदाचन ।। हत विश्वास्य हन्तारं वह्नौ शीघ्रं प्रपाचय
tasmā annaṃ ca pānaṃ ca na dātavyaṃ kadācana || hata viśvāsya hantāraṃ vahnau śīghraṃ prapācaya
To him food and drink are never to be given; strike down the killer of one who trusted (him), quickly have (him) cooked in the fire.
AI translation rendered from the Sanskrit, not a published edition
VrP 202.26
ब्रह्मदेयं हृतं येन तं वै शीघ्रं विपाचय ।। बहुवर्षसहस्राणि पातये कर्म विस्तरे
brahmadeyaṃ hṛtaṃ yena taṃ vai śīghraṃ vipācaya || bahuvarṣasahasrāṇi pātaye karma vistare
He by whom what was to be given to a brahmin has been stolen — cook him quickly; for many thousands of years I cast (him) down in the unfolding of (his) deed.
AI translation rendered from the Sanskrit, not a published edition — the model flagged this verse as uncertain
VrP 202.27
समुत्तीर्णं ततः पश्चात्तिर्यग्योनौ प्रपातये ।। सूक्ष्मदेहविपाकेषु कीटपक्षिविजातिषु
samuttīrṇaṃ tataḥ paścāttiryagyonau prapātaye || sūkṣmadehavipākeṣu kīṭapakṣivijātiṣu
Then afterwards, when he has crossed through (that), I cast (him) into an animal womb, into ripenings in subtle bodies, among the various kinds of insects and birds.
AI translation rendered from the Sanskrit, not a published edition
VrP 202.28
क्लिष्टो जातिसहस्रैस्तु जायते मानुषस्ततः ।। तत्र जातो दुरात्मा च कुलेषु विविधेषु च
kliṣṭo jātisahasraistu jāyate mānuṣastataḥ || tatra jāto durātmā ca kuleṣu vividheṣu ca
Tormented through thousands of births, he is then born as a human; and born there, wicked-souled, in families of various sorts.
AI translation rendered from the Sanskrit, not a published edition
VrP 202.29
हिंसारूपेण घोरेण ब्रह्मवध्यां प्रदापयेत् ।। राज्ञस्तु मारकं घोरं ब्रह्मघ्नं दुष्कृतं तथा
hiṃsārūpeṇa ghoreṇa brahmavadhyāṃ pradāpayet || rājñastu mārakaṃ ghoraṃ brahmaghnaṃ duṣkṛtaṃ tathā
By a dreadful form of violence one should impose (on him) the guilt of brahmin-slaying; and (likewise on) the dreadful assassin of a king, the brahmin-killer, and the evildoer.
AI translation rendered from the Sanskrit, not a published edition — the model flagged this verse as uncertain
VrP 202.31
गोघातको ह्ययं पापः कूटशाल्मलिमारुहेत् ।। कृष्यते विविधैर्घोरै राक्षसैर्घोरदर्शनैः
goghātako hyayaṃ pāpaḥ kūṭaśālmalimāruhet || kṛṣyate vividhairghorai rākṣasairghoradarśanaiḥ
For this sinful cow-slayer shall climb the spiked silk-cotton tree; he is dragged about by various dreadful demons of dreadful aspect.
AI translation rendered from the Sanskrit, not a published edition — the model flagged this verse as uncertain
VrP 202.32
पूतिपाकेषु पच्येत जन्तुभिः संप्रयोजितः ।। ब्रह्मवध्याच्चतुर्भागैर्मृगत्वं पशुतां गतः
pūtipākeṣu pacyeta jantubhiḥ saṃprayojitaḥ || brahmavadhyāccaturbhāgairmṛgatvaṃ paśutāṃ gataḥ
He would be cooked in the putrid cauldrons, set upon by worms; by a fourth part of the brahmin-slaying (guilt) he goes to the state of a wild animal, of a beast.
AI translation rendered from the Sanskrit, not a published edition — the model flagged this verse as uncertain
VrP 202.33
उद्विग्नवासं पतितं यत्र यत्रोपपद्यते ।। पापकर्मसमुद्विग्नो जातो जातः पुनःपुनः
udvignavāsaṃ patitaṃ yatra yatropapadyate || pāpakarmasamudvigno jāto jātaḥ punaḥpunaḥ
Wherever he is reborn, (his) is a life of terror, a fallen (life); agitated by (his) evil deeds, he is born again and again.
AI translation rendered from the Sanskrit, not a published edition
VrP 202.34
अयं तिष्ठति किं पापः पितृघाती दुरात्मवान् ।। ते तु वर्षशतं साग्रं भक्षयन्तु विचेतसः
ayaṃ tiṣṭhati kiṃ pāpaḥ pitṛghātī durātmavān || te tu varṣaśataṃ sāgraṃ bhakṣayantu vicetasaḥ
Why does this sinner stand here, this evil-souled slayer of his father? Let them, the senseless ones, devour him for a full hundred years.
AI translation rendered from the Sanskrit, not a published edition — the model flagged this verse as uncertain
VrP 202.35
ततः पाकेषु घोरेषु पच्यतां च नराधमः ।। ततो मानुषतां प्राप्य गर्भस्थो प्रियतां पुनः
tataḥ pākeṣu ghoreṣu pacyatāṃ ca narādhamaḥ || tato mānuṣatāṃ prāpya garbhastho priyatāṃ punaḥ
Then let this lowest of men be cooked in the dreadful cookings (hells); then, having attained human birth, let him die again while still in the womb.
AI translation rendered from the Sanskrit, not a published edition — the model flagged this verse as uncertain
VrP 202.36
व्यापन्नो दशगर्भेषु ततः पश्चाद्विमुच्यताम् ।। तत्रापि लब्ध्वा मानुष्यं क्लेशभागी च जायताम्
vyāpanno daśagarbheṣu tataḥ paścādvimucyatām || tatrāpi labdhvā mānuṣyaṃ kleśabhāgī ca jāyatām
Having perished in ten wombs, let him afterwards be released; and even there, having obtained human birth, let him be born a sharer in misery.
AI translation rendered from the Sanskrit, not a published edition
VrP 202.37
बुभुक्षारुग्विकारैश्च सततं तत्र पीड्यताम् ।। पापाचारमिमं घोरं मित्रविश्वासघातकम्
bubhukṣārugvikāraiśca satataṃ tatra pīḍyatām || pāpācāramimaṃ ghoraṃ mitraviśvāsaghātakam
Let him be constantly tormented there by hunger and the disorders of disease. This one of evil conduct, dreadful, a betrayer of a friend's trust —
AI translation rendered from the Sanskrit, not a published edition
VrP 202.38
यन्त्रेण पीड्यतां क्षिप्रं ततः पश्चाद्विमुच्यताम् ।। दीप्यतां ज्वलने घोरे वर्षाणां च शतद्वयम्
yantreṇa pīḍyatāṃ kṣipraṃ tataḥ paścādvimucyatām || dīpyatāṃ jvalane ghore varṣāṇāṃ ca śatadvayam
let him be crushed at once by the machine (press), and then afterwards be released; let him burn in a dreadful fire for two hundred years.
AI translation rendered from the Sanskrit, not a published edition
VrP 202.39
जायतां च ततः पश्चाच्छूनां योनौ दुरात्मवान् ।। भ्रष्टोऽपि जायतां तस्मान्मानुषः क्लेश भाजनः
jāyatāṃ ca tataḥ paścācchūnāṃ yonau durātmavān || bhraṣṭo'pi jāyatāṃ tasmānmānuṣaḥ kleśa bhājanaḥ
And after that let the evil-souled one be born in the womb of a dog; and fallen even from that, let him be born a man, a vessel of suffering.
AI translation rendered from the Sanskrit, not a published edition
VrP 202.41
वर्षाणां तु शतं पंच तत्र क्लिष्टो दुरात्मवान् ।। कृमिको जायते पश्चाद्विष्ठायां कृमिकोऽपरः
varṣāṇāṃ tu śataṃ paṃca tatra kliṣṭo durātmavān || kṛmiko jāyate paścādviṣṭhāyāṃ kṛmiko'paraḥ
Afflicted there for five hundred years, the evil-souled one is afterwards born a worm, and again another worm in excrement.
AI translation rendered from the Sanskrit, not a published edition
VrP 202.42
शकुन्तो जायते घोरस्तत्र पश्चाद्वृको भवेत् ।। इममग्निप्रदं घोरं काष्ठाग्नौ सम्प्रतापय
śakunto jāyate ghorastatra paścādvṛko bhavet || imamagnipradaṃ ghoraṃ kāṣṭhāgnau sampratāpaya
He is born a dreadful bird, and after that becomes a wolf. Scorch thoroughly in a wood-fire this dreadful setter of fires!
AI translation rendered from the Sanskrit, not a published edition
VrP 202.43
स्वकर्मसु विहीनेषु पश्चाल्लब्धगतिस्तथा ।। ततश्चाथ मृगो वापि ततो मानुषतां व्रजेत्
svakarmasu vihīneṣu paścāllabdhagatistathā || tataścātha mṛgo vāpi tato mānuṣatāṃ vrajet
When his own (evil) deeds are exhausted, he afterwards obtains a (better) course; and then he may become a deer, and from that pass to human birth.
AI translation rendered from the Sanskrit, not a published edition — the model flagged this verse as uncertain
VrP 202.44
तत्रापि दारुणं दुःखमुपभुंक्ते दुरात्मवान् ।। सर्वदुष्कृतकार्येषु सह संघातचिन्तकैः
tatrāpi dāruṇaṃ duḥkhamupabhuṃkte durātmavān || sarvaduṣkṛtakāryeṣu saha saṃghātacintakaiḥ
There too the evil-souled one undergoes terrible suffering, in all his evil undertakings together with those who plot murder.
AI translation rendered from the Sanskrit, not a published edition — the model flagged this verse as uncertain
VrP 202.45
एवं कर्मसमायुक्तास्ते भवन्तु सहस्रशः ।। परद्रव्यापहाराश्च रौरवे पतितास्तथा
evaṃ karmasamāyuktāste bhavantu sahasraśaḥ || paradravyāpahārāśca raurave patitāstathā
Thus let them, bound to (such) deeds, become so by the thousands. And those who seize others' property are likewise fallen into Raurava.
AI translation rendered from the Sanskrit, not a published edition
VrP 202.46
कुम्भीपाकेषु निर्दग्धः पश्चाद्गर्दभतां गतः ।। ततो जातस्त्वसौ पापः शूकरो मलभुक्तथा
kumbhīpākeṣu nirdagdhaḥ paścādgardabhatāṃ gataḥ || tato jātastvasau pāpaḥ śūkaro malabhuktathā
Burnt up in the Kumbhīpāka hells, he then goes to the state of a donkey; then that sinner is born a pig, an eater of filth.
AI translation rendered from the Sanskrit, not a published edition
VrP 202.47
प्राप्नोतु विविधांस्तापान्यथा हृतधनश्च सन् ।। क्षुधातृष्णापराक्रान्तो गर्दभो दशजन्मसु
prāpnotu vividhāṃstāpānyathā hṛtadhanaśca san || kṣudhātṛṣṇāparākrānto gardabho daśajanmasu
Let him obtain torments of many kinds, just as he stole wealth; overcome by hunger and thirst, (let him be) a donkey for ten births.
AI translation rendered from the Sanskrit, not a published edition
VrP 202.48
मानुष्यं समनुप्राप्य चौरो भवति पापकृत् ।। परोपघाती निर्लज्जः सर्वेदोषसमन्वितः
mānuṣyaṃ samanuprāpya cauro bhavati pāpakṛt || paropaghātī nirlajjaḥ sarvedoṣasamanvitaḥ
Having attained human birth, he becomes a thief, a doer of evil, an injurer of others, shameless, endowed with every fault.
AI translation rendered from the Sanskrit, not a published edition
VrP 202.49
वृक्षशाखावलम्बोऽत्र ह्यधःशीर्षः प्रजायते ।। अग्निना पच्यतां पश्चाल्लुब्धो वै पुरुषाधमः
vṛkṣaśākhāvalambo'tra hyadhaḥśīrṣaḥ prajāyate || agninā pacyatāṃ paścāllubdho vai puruṣādhamaḥ
Here he is born hanging from a tree-branch, head downward; afterwards let that greedy lowest of men be cooked by fire.
AI translation rendered from the Sanskrit, not a published edition
VrP 202.51
पूर्वैश्च सूकरो भूत्वा नकुलो जायते पुनः ।। विमुक्तश्च ततः पश्चान्मानुष्यं लभते चिरात्
pūrvaiśca sūkaro bhūtvā nakulo jāyate punaḥ || vimuktaśca tataḥ paścānmānuṣyaṃ labhate cirāt
Having first been a pig, he is born again a mongoose; and released from that, he afterwards obtains human birth after a long time.
AI translation rendered from the Sanskrit, not a published edition
VrP 202.52
धिक्कृतः सर्वलोकेन कूटसाक्ष्यनृतव्रतः ।। न शर्म लभते क्वापि कर्मणा स्वेन गर्हितः
dhikkṛtaḥ sarvalokena kūṭasākṣyanṛtavrataḥ || na śarma labhate kvāpi karmaṇā svena garhitaḥ
Reviled by all the world, given to false witness and untruth, he finds no comfort anywhere, condemned by his own deed.
AI translation rendered from the Sanskrit, not a published edition
VrP 202.53
इमं ह्यानृतिकं दुष्टं क्षेत्रहारकमेव च ।। स्वकर्म दुष्कृतं यावत्तावदुःखं भुनक्त्वसौ
imaṃ hyānṛtikaṃ duṣṭaṃ kṣetrahārakameva ca || svakarma duṣkṛtaṃ yāvattāvaduḥkhaṃ bhunaktvasau
This liar, this wicked man, this stealer of fields — let him consume suffering to the full extent of the evil he himself has done.
AI translation rendered from the Sanskrit, not a published edition
VrP 202.54
कर्मण्येकैकशश्चायं स तु तिष्ठत्वयं पुनः ।। वर्षलक्षं न सन्देहस्ततस्तिष्ठत्वयं पुनः
karmaṇyekaikaśaścāyaṃ sa tu tiṣṭhatvayaṃ punaḥ || varṣalakṣaṃ na sandehastatastiṣṭhatvayaṃ punaḥ
And (let him suffer) for each single deed one by one; and let him remain again — a hundred thousand years, without doubt — and then let him remain again.
AI translation rendered from the Sanskrit, not a published edition — the model flagged this verse as uncertain
VrP 202.55
ततो जातीः स्मरेत्सर्वास्तिर्यग्योनिं समाश्रितः ।। जायतां मानुषः पश्चात्क्षुधया परिपीडितः
tato jātīḥ smaretsarvāstiryagyoniṃ samāśritaḥ || jāyatāṃ mānuṣaḥ paścātkṣudhayā paripīḍitaḥ
Then, having entered an animal womb, let him remember all his (former) births; afterwards let him be born a man, tormented by hunger.
AI translation rendered from the Sanskrit, not a published edition
VrP 202.56
सर्वकामविमुक्तस्तु सर्वदोषसमन्वितः ।। क्वचिज्जात्यां भवेदन्धः क्वचिद्बधिर एव च
sarvakāmavimuktastu sarvadoṣasamanvitaḥ || kvacijjātyāṃ bhavedandhaḥ kvacidbadhira eva ca
Deprived of all desired things and afflicted with every defect, in one birth he shall be blind, and in another indeed deaf.
AI translation rendered from the Sanskrit, not a published edition
VrP 202.57
क्वचिन्मूकश्च काणश्च क्वचिद्व्याधिसमन्वितः ।। एवं हि प्राप्नुयाद्दुःखं न च सौख्यमवाप्नुयात्
kvacinmūkaśca kāṇaśca kvacidvyādhisamanvitaḥ || evaṃ hi prāpnuyādduḥkhaṃ na ca saukhyamavāpnuyāt
In one (birth) mute and one-eyed, in another beset with disease: thus indeed shall he obtain suffering, and shall not attain happiness.
AI translation rendered from the Sanskrit, not a published edition
VrP 202.59
तीव्रैरन्तर्गतैर्दुःखैर्भूमिहर्त्ता नराधमः ।। इमं बन्धैर्दृढैर्बद्ध्वा विपाचय तथाचिरम्
tīvrairantargatairduḥkhairbhūmiharttā narādhamaḥ || imaṃ bandhairdṛḍhairbaddhvā vipācaya tathāciram
(He is) the stealer of land, the lowest of men, with fierce inward sufferings; bind this one with firm bonds and cook him for a long time so.
AI translation rendered from the Sanskrit, not a published edition
VrP 202.61
तीव्रक्षुधापरिक्लिष्टो बद्धो बन्धनयन्त्रितः ।। दुःखान्यनुभवंस्तत्र पापकर्मा नराधमः
tīvrakṣudhāparikliṣṭo baddho bandhanayantritaḥ || duḥkhānyanubhavaṃstatra pāpakarmā narādhamaḥ
Sorely afflicted with fierce hunger, bound, fettered in shackles, there that evil-doer, lowest of men, experiences sufferings.
AI translation rendered from the Sanskrit, not a published edition
VrP 202.62
सप्तधा सप्त चैकां च जातिं गत्वा स पच्यते ।। इमं शाकुनिकं पापं श्वभिर्गृध्रैश्च घातय
saptadhā sapta caikāṃ ca jātiṃ gatvā sa pacyate || imaṃ śākunikaṃ pāpaṃ śvabhirgṛdhraiśca ghātaya
Having passed through seven times seven and one more birth, he is cooked (in torment). This sinful fowler—have him killed by dogs and vultures.
AI translation rendered from the Sanskrit, not a published edition
VrP 202.63
ततः कुक्कुटतां यातु विड्भक्षश्च दुरात्मवान् ।। दंशश्च मशकश्चैव ततः पश्चाद्भवेत्तु सः
tataḥ kukkuṭatāṃ yātu viḍbhakṣaśca durātmavān || daṃśaśca maśakaścaiva tataḥ paścādbhavettu saḥ
Then let that evil-souled one go to the state of a cock, and an eater of dung; and then afterwards let him become a gadfly and a mosquito.
AI translation rendered from the Sanskrit, not a published edition
VrP 202.64
जातिकर्म सहस्रं तु ततो मानुषतां व्रजेत् ।। इमं सौकरिकं पापं महिषा घातयन्तु तम्
jātikarma sahasraṃ tu tato mānuṣatāṃ vrajet || imaṃ saukarikaṃ pāpaṃ mahiṣā ghātayantu tam
After a thousand births and (their) deeds, then let him come to human state. This sinful pig-butcher—let buffaloes kill him.
AI translation rendered from the Sanskrit, not a published edition
VrP 202.65
वर्षाणां च सहस्रं तु धावमानं ततस्ततः।। विभिन्नं च प्रभिन्नं च शृंगाभ्यां पद्भिरेव च
varṣāṇāṃ ca sahasraṃ tu dhāvamānaṃ tatastataḥ|| vibhinnaṃ ca prabhinnaṃ ca śṛṃgābhyāṃ padbhireva ca
And for a thousand years (let him be) running here and there, torn and split apart by (their) two horns and by (their) feet.
AI translation rendered from the Sanskrit, not a published edition
VrP 202.66
तस्माद्देशात्ततो मुक्तस्ततः सूकरतां व्रजेत् ।। महिषः कुक्कुटश्चैव शशो जम्बूक एव च
tasmāddeśāttato muktastataḥ sūkaratāṃ vrajet || mahiṣaḥ kukkuṭaścaiva śaśo jambūka eva ca
Then, released from that place, let him go to the state of a boar; and (then) a buffalo, a cock, a hare, and a jackal.
AI translation rendered from the Sanskrit, not a published edition
VrP 202.67
यां यां याति पुनर्जातिं तत्र भक्ष्यो भवेत्तु सः ।। कर्मक्षयोऽन्यथा नास्ति मया पूर्वं विनिर्मितम्
yāṃ yāṃ yāti punarjātiṃ tatra bhakṣyo bhavettu saḥ || karmakṣayo'nyathā nāsti mayā pūrvaṃ vinirmitam
Whatever birth he goes to again, in that he shall be food (for others). Otherwise there is no exhaustion of karma—(so) it was ordained by me formerly.
AI translation rendered from the Sanskrit, not a published edition
VrP 202.68
प्राप्य मानुषतां पश्चात्पुनर्व्याधो भविष्यति ।। अन्यथा निष्कृतिर्नास्ति जातिजन्मशतैरपि
prāpya mānuṣatāṃ paścātpunarvyādho bhaviṣyati || anyathā niṣkṛtirnāsti jātijanmaśatairapi
After attaining human state, he shall again become a hunter; otherwise there is no expiation even through hundreds of births in (many) species.
AI translation rendered from the Sanskrit, not a published edition
VrP 202.69
उच्छिष्टान्नप्रदातारं पापाचारमधार्मिकम् ।। अङ्गारैः पचतां चैनं त्रीणि वर्षशतानि च
ucchiṣṭānnapradātāraṃ pāpācāramadhārmikam || aṅgāraiḥ pacatāṃ cainaṃ trīṇi varṣaśatāni ca
The giver of leftover food, of evil conduct, unrighteous—let (them) roast him with coals for three hundred years.
AI translation rendered from the Sanskrit, not a published edition
VrP 202.71
ततः शुनी भवेत्पश्चात्सूकरी च ततः परम् ।। कर्मक्षये ततः पश्चान्मानुषी दुःखिता भवेत्
tataḥ śunī bhavetpaścātsūkarī ca tataḥ param || karmakṣaye tataḥ paścānmānuṣī duḥkhitā bhavet
Then afterwards let her become a bitch, and after that a sow; then, when the karma is exhausted, let her become a woman full of sorrow.
AI translation rendered from the Sanskrit, not a published edition
VrP 202.72
न च सौख्यमवाप्नोति तेन दुःखेन दुखिता ।। अनेन भृत्या बहवः श्रांताः शांताः प्रवाहिताः
na ca saukhyamavāpnoti tena duḥkhena dukhitā || anena bhṛtyā bahavaḥ śrāṃtāḥ śāṃtāḥ pravāhitāḥ
And she does not attain happiness, being pained by that pain. By this one many servants were wearied, worn out, and driven away.
AI translation rendered from the Sanskrit, not a published edition — the model flagged this verse as uncertain
VrP 202.73
भक्ष्यं भोज्यं च पानं च न तेषामुपपादितम् ।। अनुमोदे प्रजा दृष्ट्वा लिप्समानो दुरात्मवान्
bhakṣyaṃ bhojyaṃ ca pānaṃ ca na teṣāmupapāditam || anumode prajā dṛṣṭvā lipsamāno durātmavān
Food to chew, food to eat, and drink were not provided for them. "I approve," (said) the evil-souled one, greedy (for gain), seeing the people.
AI translation rendered from the Sanskrit, not a published edition — the model flagged this verse as uncertain
VrP 202.74
एवं कुरुत भद्रं वो मम पार्श्वे तु दुर्मतिः ।। रौरवे नरके घोरे सर्वदोषसमन्विते
evaṃ kuruta bhadraṃ vo mama pārśve tu durmatiḥ || raurave narake ghore sarvadoṣasamanvite
"Do thus, good fortune to you!"—but that ill-minded one (was) at my side. In the dreadful hell Raurava, filled with every fault,
AI translation rendered from the Sanskrit, not a published edition — the model flagged this verse as uncertain
VrP 202.75
सर्वकर्माणि कुर्वाणं क्षपयध्वं दुरासदम् ।। वर्षाणां तु सहस्राणि तैस्तैः कर्मभिरावृतम्
sarvakarmāṇi kurvāṇaṃ kṣapayadhvaṃ durāsadam || varṣāṇāṃ tu sahasrāṇi taistaiḥ karmabhirāvṛtam
waste away this hard-to-approach one who does all (such) deeds—for thousands of years (let him be) enveloped by those very deeds.
AI translation rendered from the Sanskrit, not a published edition
VrP 202.76
प्रक्षिप्यतामयं पश्चाद्दस्युजातौ दुरात्मवान् ।। जायतामुरगः पश्चात्ततः कर्म समाश्रयेत्
prakṣipyatāmayaṃ paścāddasyujātau durātmavān || jāyatāmuragaḥ paścāttataḥ karma samāśrayet
Afterwards let this evil-souled one be flung into the caste of robbers; then let him be born a serpent, and thereafter let him take up (further) karma.
AI translation rendered from the Sanskrit, not a published edition
VrP 202.77
ततः पश्चाद्भवेत्पापश्चेतरः सर्वपापकृत् ।। सूकरस्तु भवेत्पश्चान्मेषः संजायते पुनः
tataḥ paścādbhavetpāpaścetaraḥ sarvapāpakṛt || sūkarastu bhavetpaścānmeṣaḥ saṃjāyate punaḥ
Then afterwards he becomes a sinner, and next a doer of every sin; then he becomes a boar, and again is born a ram.
AI translation rendered from the Sanskrit, not a published edition
VrP 202.78
हस्त्यश्वश्च शृगालश्च सूकरो बक एव च ।। ततो जातस्तु सर्वेषु संसारेषु पुनः पुनः
hastyaśvaśca śṛgālaśca sūkaro baka eva ca || tato jātastu sarveṣu saṃsāreṣu punaḥ punaḥ
An elephant, a horse, a jackal, a boar, and a heron (as well) — thereafter he is born again and again in all the courses of transmigration.
AI translation rendered from the Sanskrit, not a published edition
VrP 202.79
वर्षाणामयुतं साग्रं ततो मानुषतां व्रजेत् ।। पंचगर्भेषु सापत्सु पंच जातो म्रियेत सः
varṣāṇāmayutaṃ sāgraṃ tato mānuṣatāṃ vrajet || paṃcagarbheṣu sāpatsu paṃca jāto mriyeta saḥ
For a full ten thousand years; thereafter he attains human status. Born five times in five wombs, amid calamities, he dies (each time).
AI translation rendered from the Sanskrit, not a published edition — the model flagged this verse as uncertain
VrP 202.81
पापस्य सुकृतस्याथ प्रजानां विनिपातने ।। भूतानां चाप्यसंमानं दुष्प्रहारश्च सर्वशः
pāpasya sukṛtasyātha prajānāṃ vinipātane || bhūtānāṃ cāpyasaṃmānaṃ duṣprahāraśca sarvaśaḥ
Now, in the matter of evil and of good deeds, in the destruction of creatures, and also the dishonouring of beings, and evil blows of every kind —
AI translation rendered from the Sanskrit, not a published edition — the model flagged this verse as uncertain
VrP 202.82
अतः स्वयम्भुवा पूर्वं कर्मपाको यथार्थवत्
ataḥ svayambhuvā pūrvaṃ karmapāko yathārthavat
Therefore the ripening of deeds (was ordained) of old by the Self-existent One, in accordance with the facts.
AI translation rendered from the Sanskrit, not a published edition — the model flagged this verse as uncertain
VrP 202.98
जात्यन्तरसहस्राणि प्रयुतान्यर्बुदानि च ।। शान्तिं न लभते चैव भूमे क्षेत्रहरो नरः
jātyantarasahasrāṇi prayutānyarbudāni ca || śāntiṃ na labhate caiva bhūme kṣetraharo naraḥ
Thousands, millions, and hundreds of millions of other births — and the man who steals another's field, O Earth, obtains no peace.
AI translation rendered from the Sanskrit, not a published edition
VrP 202.202
आदेश्य चोभयोरस्य कर्णयोः कूटसाक्षिकः ।। यो नरः पिशुनः कूटसाक्षी चालीकजल्पकः कर्कटस्य तु घोरस्य नित्यक्रुद्धस्य मोचय ।। इमं घोरे ह्रदे क्षिप्तं सर्वयाजनयाजकम् सुवर्णस्तेयिनं चैव सुरापं चैव कारयेत् ।। अनुभूय ततः काले ततो यक्ष्म प्रयोजयेत् प्राप्तवान्विविधान्रोगान्संसारे चैव दारुणान् ।। ब्रह्मस्वहारी पापोऽयं नरो लवणतस्करः ततो वर्षशते पूर्णे मुच्यते स पुनः पुनः ।। अजितात्मा तथा पापः पिशुनश्च दुरात्मवान् प्रबद्धः सुचिरं कालं मम लोकं गतो नरः ।। जायतां स चिरं पापो मार्जारस्तेन कर्मणा भिन्नचारित्रदुःशीला भर्त्तुर्व्यलीककारिणी ।। आयसान्पुरुषान्सप्त ह्यालिङ्गतु समन्ततः अपौगण्डो म्रियेत्पंच कर्मशेषक्षये तु सः ।। ततो मानुषतां याति चैष कर्माविनिर्णयः
ādeśya cobhayorasya karṇayoḥ kūṭasākṣikaḥ || yo naraḥ piśunaḥ kūṭasākṣī cālīkajalpakaḥ karkaṭasya tu ghorasya nityakruddhasya mocaya || imaṃ ghore hrade kṣiptaṃ sarvayājanayājakam suvarṇasteyinaṃ caiva surāpaṃ caiva kārayet || anubhūya tataḥ kāle tato yakṣma prayojayet prāptavānvividhānrogānsaṃsāre caiva dāruṇān || brahmasvahārī pāpo'yaṃ naro lavaṇataskaraḥ tato varṣaśate pūrṇe mucyate sa punaḥ punaḥ || ajitātmā tathā pāpaḥ piśunaśca durātmavān prabaddhaḥ suciraṃ kālaṃ mama lokaṃ gato naraḥ || jāyatāṃ sa ciraṃ pāpo mārjārastena karmaṇā bhinnacāritraduḥśīlā bhartturvyalīkakāriṇī || āyasānpuruṣānsapta hyāliṅgatu samantataḥ apaugaṇḍo mriyetpaṃca karmaśeṣakṣaye tu saḥ || tato mānuṣatāṃ yāti caiṣa karmāvinirṇayaḥ
And having pointed to both his ears (?), the false witness — the man who is a slanderer, a false witness, and a speaker of untruth: release him to the dreadful, ever-enraged crab; (release) this man, cast into a terrible pool, who sacrifices for anyone whatever. And one should so treat the stealer of gold and the drinker of liquor; then, when he has experienced (this) for a time, one should afflict him with consumption. He has obtained manifold and dreadful diseases in transmigration — this sinful man, a stealer of what belongs to brahmins, a thief of salt. Then, when a hundred years are full, he is released, again and again. Likewise the sinner of unsubdued self, the slanderer, the evil-souled man, bound for a very long time, the man who has come to my world — let that sinner be born for long as a cat by that deed. The woman of broken conduct and bad character, who deals falsely with her husband — let her embrace seven iron men on every side. Let him die five times before reaching (the age of) manhood, and when the remainder of his deeds is exhausted, then he goes to human status: and this is the determination of deeds.
AI translation rendered from the Sanskrit, not a published edition — the model flagged this verse as uncertain