Vamana Purana — Chapter 51
VamP 51.1
पुलस्त्य उवाच । देवमातुः स्थिते उदरे वामनाकृतौ । निस्तेजसो ऽसुरा जाता यथोक्तं विश्वयोनिना
pulastya uvāca / devamātuḥ sthite udare vāmanākṛtau / nistejaso 'surā jātā yathoktaṃ viśvayoninā
Pulastya said: While he stood in the belly of the mother of the gods in the form of a dwarf, the Asuras became bereft of vigour, as had been said by the womb of the universe.
AI translation rendered from the Sanskrit, not a published edition
VamP 51.2
निस्तेजसो ऽसुरान् दृष्ट्वा प्रह्लादं दानवेश्वरम् । बलिर्दानवशार्दूल इदं वचनमब्रवीत्
nistejaso 'surān dṛṣṭvā prahlādaṃ dānaveśvaram / balirdānavaśārdūla idaṃ vacanamabravīt
Seeing the Asuras bereft of vigour, Bali, tiger among Dānavas, spoke these words to Prahlāda, lord of the Dānavas:
AI translation rendered from the Sanskrit, not a published edition
VamP 51.3
बलिरुवाच । तात निस्तेजसो दैत्याः केन जातास्तु हेतुना । कथ्यतां परमज्ञो ऽसि शुभाशुभविशारद
baliruvāca / tāta nistejaso daityāḥ kena jātāstu hetunā / kathyatāṃ paramajño 'si śubhāśubhaviśārada
Bali said: Father, for what reason have the Daityas become bereft of vigour? Let it be told — you know it best, you are skilled in what is auspicious and inauspicious.
AI translation rendered from the Sanskrit, not a published edition
VamP 51.4
पुलस्त्य उवाच । तत्पौत्रवचनं श्रुत्वा मुहूर्तं ध्यानमास्तितः । किमर्थं तेजसो हानिरिति कस्मादतीव च
pulastya uvāca / tatpautravacanaṃ śrutvā muhūrtaṃ dhyānamāstitaḥ / kimarthaṃ tejaso hāniriti kasmādatīva ca
Pulastya said: Having heard that speech of his grandson, he remained in meditation for a moment (thinking): "Why is there this loss of splendour, and from what cause is it so great?"
AI translation rendered from the Sanskrit, not a published edition
VamP 51.5
स ज्ञात्वा वासुदेवोत्थं भयं दैत्येष्वनुत्तमम् । चिन्तयामास योगात्मा क्व विष्णुः सांप्रतं स्थितः
sa jñātvā vāsudevotthaṃ bhayaṃ daityeṣvanuttamam / cintayāmāsa yogātmā kva viṣṇuḥ sāṃprataṃ sthitaḥ
Recognising that the unequalled fear among the Daityas arose from Vāsudeva, he whose self was yoga pondered: "Where is Viṣṇu stationed at present?"
AI translation rendered from the Sanskrit, not a published edition
VamP 51.6
अधो नाभेः स पातालान् सप्त संचिन्त्य नारद । नाबेरुपरि भूरादिल्लोकांश्चर्तुमियाद् वशी
adho nābheḥ sa pātālān sapta saṃcintya nārada / nāberupari bhūrādillokāṃścartumiyād vaśī
Below the navel, O Nārada, he surveyed in thought the seven Pātālas; and, self-controlled, he would go on to range over the worlds beginning with Bhūr above the navel.
AI translation rendered from the Sanskrit, not a published edition — the model flagged this verse as uncertain
VamP 51.7
भूमिं स पङ्कजाकारां तन्मध्ये पङ्कजाकृतिम् । मेरुं ददर्श शैलेन्द्रं शातकौम्भं महर्द्धिमत्
bhūmiṃ sa paṅkajākārāṃ tanmadhye paṅkajākṛtim / meruṃ dadarśa śailendraṃ śātakaumbhaṃ maharddhimat
He saw the earth shaped like a lotus, and in its middle, lotus-formed, Meru, lord of mountains, golden and of great abundance.
AI translation rendered from the Sanskrit, not a published edition
VamP 51.8
तस्योपरि महापुर्यस्त्वष्टौ लोकपतीस्तथा । तेषामातुः स ददृशे मृगपक्षिगणैर्वृतम्
tasyopari mahāpuryastvaṣṭau lokapatīstathā / teṣāmātuḥ sa dadṛśe mṛgapakṣigaṇairvṛtam
Above it (he saw) the eight great cities and likewise the lords of the worlds; ... of them he saw, surrounded by herds of beasts and flocks of birds.
AI translation rendered from the Sanskrit, not a published edition — the model flagged this verse as uncertain
VamP 51.9
तदधस्तान्महापुण्यमाश्रमं सुरपूजितम् । देवमातुः स ददृशे मृगपक्षिगणैर्वृतम्
tadadhastānmahāpuṇyamāśramaṃ surapūjitam / devamātuḥ sa dadṛśe mṛgapakṣigaṇairvṛtam
Below that he saw the greatly holy hermitage of the mother of the gods, honoured by the gods, surrounded by herds of beasts and flocks of birds.
AI translation rendered from the Sanskrit, not a published edition
VamP 51.10
तां दृष्ट्वा देवजननीं सर्वतेजोधिकां मुने । विवेश दानवपतिरन्वेष्टुं मधुसूदनम्
tāṃ dṛṣṭvā devajananīṃ sarvatejodhikāṃ mune / viveśa dānavapatiranveṣṭuṃ madhusūdanam
Seeing her, the mother of the gods, surpassing all in splendour, O sage, the lord of the Dānavas entered (there) to search out the slayer of Madhu.
AI translation rendered from the Sanskrit, not a published edition
VamP 51.11
स दृष्टवाञ्जगन्नाथं माधवं वामनाकृतिम् । सर्वभीतवरेण्यं तं देवमातुरथोदरे
sa dṛṣṭavāñjagannāthaṃ mādhavaṃ vāmanākṛtim / sarvabhītavareṇyaṃ taṃ devamāturathodare
He saw the Lord of the world, Mādhava, of dwarf form, him whom all the frightened choose as their refuge, there in the womb of the mother of the gods.
AI translation rendered from the Sanskrit, not a published edition
VamP 51.12
तं दृष्ट्वा पुण्डरीकाक्षं शङ्खचक्रगदाधरम् । सुरासुरगणैः सर्वैः सर्वतो व्याप्तविग्रहम्
taṃ dṛṣṭvā puṇḍarīkākṣaṃ śaṅkhacakragadādharam / surāsuragaṇaiḥ sarvaiḥ sarvato vyāptavigraham
Seeing him, the lotus-eyed, bearer of conch, discus and mace, his body pervaded on all sides by all the hosts of gods and Asuras —
AI translation rendered from the Sanskrit, not a published edition
VamP 51.13
तेनैव क्रमयोगेन दृष्ट्वा वामनतां गतम् । दैत्यतेजोहरं विष्णुं प्रकृतिस्थो ऽभवत् ततः
tenaiva kramayogena dṛṣṭvā vāmanatāṃ gatam / daityatejoharaṃ viṣṇuṃ prakṛtistho 'bhavat tataḥ
— and by that very sequence of stages seeing (him) reduced to dwarfishness, Viṣṇu the remover of the Daityas' splendour, he then became his natural self again.
AI translation rendered from the Sanskrit, not a published edition — the model flagged this verse as uncertain
VamP 51.14
अथोवाच महाबुद्धिर्विरोजनसुतं बलिम् । प्रह्लादो मधुरं वाक्यं प्रणम्य मधुसूदनम्
athovāca mahābuddhirvirojanasutaṃ balim / prahlādo madhuraṃ vākyaṃ praṇamya madhusūdanam
Then the greatly wise Prahlāda, having bowed to the slayer of Madhu, spoke sweet words to Bali, the son of Virocana.
AI translation rendered from the Sanskrit, not a published edition
VamP 51.15
प्रह्लाद उवाच । श्रूयतां सर्वमाख्यास्ये यतो वो भयमागतम् । येन निस्तेजसो दैत्या जाता दैत्येन्द्र हेतुना
prahlāda uvāca / śrūyatāṃ sarvamākhyāsye yato vo bhayamāgatam / yena nistejaso daityā jātā daityendra hetunā
Prahlāda said: Listen, I shall tell it all — whence this fear has come upon you, and by what cause, O lord of the Daityas, the Daityas have become bereft of splendour.
AI translation rendered from the Sanskrit, not a published edition
VamP 51.16
भवता निर्जिता देवाः सेन्द्ररुद्रार्कपावकाः । प्रयाताः शरणं देवं हरिं त्रिभुवनेश्वरम्
bhavatā nirjitā devāḥ sendrarudrārkapāvakāḥ / prayātāḥ śaraṇaṃ devaṃ hariṃ tribhuvaneśvaram
The gods, conquered by you together with Indra, Rudra, the Sun and Fire, have gone for refuge to the god Hari, the lord of the three worlds.
AI translation rendered from the Sanskrit, not a published edition
VamP 51.17
स तेषामभयं दत्त्वा शक्रादिनां जगद्गुरुः । अवतीर्णो महाबाहुरदित्या जठरे हरिः
sa teṣāmabhayaṃ dattvā śakrādināṃ jagadguruḥ / avatīrṇo mahābāhuradityā jaṭhare hariḥ
He, the teacher of the world, the mighty-armed Hari, having granted them — Śakra and the rest — safety, has descended into the womb of Aditi.
AI translation rendered from the Sanskrit, not a published edition
VamP 51.18
हृतानि वस्तेन बले तेजांसीति मतिर्मम । नालं तमो विषहितुं स्थातुं सूर्योदयं बले
hṛtāni vastena bale tejāṃsīti matirmama / nālaṃ tamo viṣahituṃ sthātuṃ sūryodayaṃ bale
Your splendours have been carried off by him, Bali — such is my judgement; darkness cannot bear to stand against the rising of the sun, O Bali.
AI translation rendered from the Sanskrit, not a published edition
VamP 51.19
पुलस्त्य उवाच । प्रह्लादवचनं श्रुत्वा क्रोधप्रस्फुरिताधरः । प्रह्लादमाहाथ बलिर्भाविकर्मप्रचोदितः
pulastya uvāca / prahlādavacanaṃ śrutvā krodhaprasphuritādharaḥ / prahlādamāhātha balirbhāvikarmapracoditaḥ
Pulastya said: Having heard Prahlāda's words, Bali, his lip quivering with anger, driven by the deed that was to be, then said to Prahlāda:
AI translation rendered from the Sanskrit, not a published edition
VamP 51.20
बलिरुवाच । तात को ऽय हरिर्नाम यतो नो भयमागतम् । सन्ति मे शतशो दैत्या वासुदेवबलाधिकाः
baliruvāca / tāta ko 'ya harirnāma yato no bhayamāgatam / santi me śataśo daityā vāsudevabalādhikāḥ
Bali said: Father, who is this so-called Hari, from whom fear has come to us? I have hundreds of Daityas exceeding Vāsudeva in strength,
AI translation rendered from the Sanskrit, not a published edition
VamP 51.21
सहस्रशो यैरमराः सेन्द्ररुद्राग्निमारुताः । निर्जित्य त्याजिताः स्वर्गं भग्नदर्पा रणाजिरे
sahasraśo yairamarāḥ sendrarudrāgnimārutāḥ / nirjitya tyājitāḥ svargaṃ bhagnadarpā raṇājire
by whom the immortals in their thousands, with Indra, Rudra, Agni and the Wind, were conquered and made to give up heaven, their pride broken on the field of battle.
AI translation rendered from the Sanskrit, not a published edition
VamP 51.22
येन सूर्यरथाद् वेगात् चक्रं कृष्टं महाजवम् । स विप्रचित्तिर्बलवान् मम सैन्यपुरस्सरः
yena sūryarathād vegāt cakraṃ kṛṣṭaṃ mahājavam / sa vipracittirbalavān mama sainyapurassaraḥ
He who forcibly dragged the swift-moving wheel from the Sun's chariot — that mighty Vipracitti is the leader of my army.
AI translation rendered from the Sanskrit, not a published edition
VamP 51.23
अयःशुङ्कु शिवः शंभुरसिलोमा विलोमकृत् । त्रिशिरा मकराक्षश्च वृषपर्वा नतेक्षमः
ayaḥśuṅku śivaḥ śaṃbhurasilomā vilomakṛt / triśirā makarākṣaśca vṛṣaparvā natekṣamaḥ
Ayaḥśaṅku, Śiva, Śambhu, Asiloman, Vilomakṛt, Triśira and Makarākṣa, Vṛṣaparvan, Natekṣama —
AI translation rendered from the Sanskrit, not a published edition — the model flagged this verse as uncertain
VamP 51.24
एते चानये च बलिनो नानायुधविसारदाः । येषामेकैकशो विष्णुः कलां नार्हति षोडशीम्
ete cānaye ca balino nānāyudhavisāradāḥ / yeṣāmekaikaśo viṣṇuḥ kalāṃ nārhati ṣoḍaśīm
These and others too are mighty, skilled in weapons of many kinds, and Viṣṇu is not worth a sixteenth part of any one of them.
AI translation rendered from the Sanskrit, not a published edition
VamP 51.25
पुलस्त्य उवाच । पौत्रस्यैतद् वचः श्रुत्वा प्रह्लादः क्रोधमूर्छितः । धिग्धिगित्याह स बलिं वैकुण्ठाक्षेपवादिनम्
pulastya uvāca / pautrasyaitad vacaḥ śrutvā prahlādaḥ krodhamūrchitaḥ / dhigdhigityāha sa baliṃ vaikuṇṭhākṣepavādinam
Pulastya said: Hearing this speech of his grandson, Prahlāda, stupefied with anger, said "Shame, shame!" to Bali, who spoke abuse of Vaikuṇṭha.
AI translation rendered from the Sanskrit, not a published edition
VamP 51.26
धिक्त्वां पापसमारारं दुषुटबुद्धिं सुबालिशम् । हरिं निन्दयतो जिह्वा कथं न पतिता तव
dhiktvāṃ pāpasamārāraṃ duṣuṭabuddhiṃ subāliśam / hariṃ nindayato jihvā kathaṃ na patitā tava
Shame on you, sink of sin, evil-minded, utterly childish! How has your tongue not fallen out, since you revile Hari?
AI translation rendered from the Sanskrit, not a published edition
VamP 51.27
शोच्यस्त्वमसि दुर्बुद्धे निन्दनीयश् च साधुभिः । यत् त्रैलोक्यगुरुं विष्णुमभिनिन्दसि दुर्मते
śocyastvamasi durbuddhe nindanīyaś ca sādhubhiḥ / yat trailokyaguruṃ viṣṇumabhinindasi durmate
You are to be pitied, dull-witted one, and to be censured by the good, in that you revile Viṣṇu, the guru of the three worlds, O wicked-minded one.
AI translation rendered from the Sanskrit, not a published edition
VamP 51.28
शोच्यश्चास्मि न संदेहो येन जातः पिता तव । यस्य त्वं कर्कशः पुत्रो जातो देवावमान्यकः
śocyaścāsmi na saṃdeho yena jātaḥ pitā tava / yasya tvaṃ karkaśaḥ putro jāto devāvamānyakaḥ
And I too am to be pitied, no doubt, since your father was born from me, and you, a harsh son who slights the gods, were born to him.
AI translation rendered from the Sanskrit, not a published edition
VamP 51.29
भवान् किल विजानाति तथा चामी महासुराः । यता नान्यः प्रियः कश्चिन्मम तस्माज्जनार्दनात्
bhavān kila vijānāti tathā cāmī mahāsurāḥ / yatā nānyaḥ priyaḥ kaścinmama tasmājjanārdanāt
Surely you know, and so do these great asuras, that no one else is dear to me apart from that Janārdana.
AI translation rendered from the Sanskrit, not a published edition
VamP 51.30
जानन्नपि प्रियतरं प्राणेभ्यो ऽपि हरिं मम् । सर्वेश्वरेश्वरं देवं कथं निन्दितवानसि
jānannapi priyataraṃ prāṇebhyo 'pi hariṃ mam / sarveśvareśvaraṃ devaṃ kathaṃ ninditavānasi
Though you know that Hari is dearer to me even than my life-breaths, how have you reviled the god, the lord of all lords?
AI translation rendered from the Sanskrit, not a published edition
VamP 51.31
गुरुः पूज्यस्तव पिता पूज्यस्तस्याप्यहं गुरुः । ममापि पूज्यो भगवान् गुरुर्लोकगुरुर्हरिः
guruḥ pūjyastava pitā pūjyastasyāpyahaṃ guruḥ / mamāpi pūjyo bhagavān gururlokagururhariḥ
Your father is a guru to be honoured; I am the guru of him too; and for me too the Lord Hari, the guru, the guru of the world, is to be honoured.
AI translation rendered from the Sanskrit, not a published edition
VamP 51.32
गुरोर्गुरुगुरुर्मूढ पूज्यः पज्यतमस्तव । पूज्यं निन्दयसे पाप कथं न पतितो ऽस्यधः
gurorgurugururmūḍha pūjyaḥ pajyatamastava / pūjyaṃ nindayase pāpa kathaṃ na patito 'syadhaḥ
He is the guru of the guru's guru, fool, and for you the most worthy of worship. You cause the worshipful one to be reviled, sinner — how have you not fallen down below?
AI translation rendered from the Sanskrit, not a published edition
VamP 51.33
शोचनीया दुराचारा दानवामी कृतास्त्वया । येषां त्वं कर्कशो राजा वासुदेवस्य निन्दकः
śocanīyā durācārā dānavāmī kṛtāstvayā / yeṣāṃ tvaṃ karkaśo rājā vāsudevasya nindakaḥ
These Dānavas have been made pitiable and evil in conduct by you, whose harsh king you are, a reviler of Vāsudeva.
AI translation rendered from the Sanskrit, not a published edition
VamP 51.34
यस्माद् पूज्योर्ऽचनीयश्च भवता निन्दितो हरिः । तस्मात् पापसमाचरा राज्यनाशमवाप्नुहि
yasmād pūjyor'canīyaśca bhavatā nindito hariḥ / tasmāt pāpasamācarā rājyanāśamavāpnuhi
Since Hari, who is to be honoured and worshipped, has been reviled by you, therefore, O you of sinful conduct, obtain the destruction of your kingdom.
AI translation rendered from the Sanskrit, not a published edition
VamP 51.35
यता नान्यत् प्रियतरं विद्यते मम केशवात् । मनसा कर्मणा वाचा राज्यभ्रष्टस्तथा पत
yatā nānyat priyataraṃ vidyate mama keśavāt / manasā karmaṇā vācā rājyabhraṣṭastathā pata
As nothing else dearer than Keśava exists for me in thought, deed and word, so may you fall, cast down from your kingdom.
AI translation rendered from the Sanskrit, not a published edition
VamP 51.36
यता न तस्मादपरं व्यतिरिक्तं हि विद्यते । चतुर्दशसु लोकेषु रपाज्यभ्रष्टस्तथा पत
yatā na tasmādaparaṃ vyatiriktaṃ hi vidyate / caturdaśasu lokeṣu rapājyabhraṣṭastathā pata
As there exists nothing other or separate from Him in the fourteen worlds, so may you fall, cast down from your kingdom.
AI translation rendered from the Sanskrit, not a published edition
VamP 51.37
सर्वेषामंपि भूतानां नान्यल्लोके परायणम् । यथा तथानुपस्येयं भवन्तं राज्यविच्युतम्
sarveṣāmaṃpi bhūtānāṃ nānyalloke parāyaṇam / yathā tathānupasyeyaṃ bhavantaṃ rājyavicyutam
As for all beings there is no other refuge in the world (than He), so may I see you fallen from your kingdom.
AI translation rendered from the Sanskrit, not a published edition
VamP 51.38
पुलस्त्य उवाच । एवमुच्चारिते वाक्ये बलिः सत्वरितस्तदा । अवतीर्यासनाद् ब्रह्मन् कृताञ्जलिपुटो बली
pulastya uvāca / evamuccārite vākye baliḥ satvaritastadā / avatīryāsanād brahman kṛtāñjalipuṭo balī
Pulastya said: When this speech had been uttered, Bali then hastily, O brahman, the mighty one, descended from his seat with hands joined in añjali.
AI translation rendered from the Sanskrit, not a published edition
VamP 51.39
शिरसा प्रणिपत्याह प्रसादं यातु मे गुरुः । कृतापराधानपि हि क्षमन्ति गुरवः शिशून्
śirasā praṇipatyāha prasādaṃ yātu me guruḥ / kṛtāparādhānapi hi kṣamanti guravaḥ śiśūn
Bowing with his head, he said: "May my guru be gracious. For gurus forgive children even when they have committed a fault."
AI translation rendered from the Sanskrit, not a published edition
VamP 51.40
तत्साधु यदहं शप्तो भवता दानवेश्वर । न बिभेमि परेभ्यो ऽहं न च राज्यपरिक्षयात्
tatsādhu yadahaṃ śapto bhavatā dānaveśvara / na bibhemi parebhyo 'haṃ na ca rājyaparikṣayāt
"It is good that I have been cursed by you, O lord of the Dānavas. I do not fear enemies, nor the loss of my kingdom.
AI translation rendered from the Sanskrit, not a published edition
VamP 51.41
नैव दुःखं मम विभो यदहं राज्यविच्युतः । दुःखं कृतापराधत्वाद् भवतो मे महत्तरम्
naiva duḥkhaṃ mama vibho yadahaṃ rājyavicyutaḥ / duḥkhaṃ kṛtāparādhatvād bhavato me mahattaram
It is not at all grief to me, O mighty one, that I am fallen from kingship; greater is my grief at having committed an offence against you.
AI translation rendered from the Sanskrit, not a published edition
VamP 51.42
तत् क्षम्यतां तात ममापराधो बालो ऽस्मयनाथो ऽस्मि सुदुर्मतिश्च । कृते ऽपि दोषे गुरवः शिशूनां क्षमन्ति दैत्यं समुपागतानाम्
tat kṣamyatāṃ tāta mamāparādho bālo 'smayanātho 'smi sudurmatiśca / kṛte 'pi doṣe guravaḥ śiśūnāṃ kṣamanti daityaṃ samupāgatānām
So forgive my offence, father: I am a child, I am without protector, and very foolish. Even when a fault has been done, gurus forgive children who have come to them (in submission).
AI translation rendered from the Sanskrit, not a published edition
VamP 51.43
पुलस्त्य उवाच । स एवमुक्तो वचनं महात्मा विमुक्तमोहो हरिपादभक्तः । चिरं विचिन्त्याद्भुतमेतदित्थमुवाच पौत्रं मधुरं वचो ऽथ
pulastya uvāca / sa evamukto vacanaṃ mahātmā vimuktamoho haripādabhaktaḥ / ciraṃ vicintyādbhutametaditthamuvāca pautraṃ madhuraṃ vaco 'tha
Pulastya said: Thus addressed, that great soul, freed of delusion, devoted to Hari's feet, having pondered long on this wonder, then spoke this sweet speech to his grandson.
AI translation rendered from the Sanskrit, not a published edition
VamP 51.44
प्रह्लाद उवाच । तात मोहेन मे ज्ञानं विवेकश्च तिरस्कृतः । येन सर्वगतं विष्णुं जानंस्त्वां सप्तवानहम्
prahlāda uvāca / tāta mohena me jñānaṃ vivekaśca tiraskṛtaḥ / yena sarvagataṃ viṣṇuṃ jānaṃstvāṃ saptavānaham
Prahlāda said: Father, my knowledge and my discernment were overpowered by delusion, by which, though I knew that Viṣṇu is present in all things, I cursed you.
AI translation rendered from the Sanskrit, not a published edition
VamP 51.45
नूनमेतेन भाव्यं वै भवतो येन दानव । ममाविशन्महाबाहो विवेकप्रतिषेधकः
nūnametena bhāvyaṃ vai bhavato yena dānava / mamāviśanmahābāho vivekapratiṣedhakaḥ
Surely this was destined to befall you, O Dānava, whereby, O mighty-armed one, that which blocks discernment entered into me.
AI translation rendered from the Sanskrit, not a published edition
VamP 51.46
तस्माद् राज्यं प्रति विभो न ज्वरं कर्तुमर्हसि । अवश्यं भाविनो ह्यर्था न विनश्यन्ति कर्हिचित्
tasmād rājyaṃ prati vibho na jvaraṃ kartumarhasi / avaśyaṃ bhāvino hyarthā na vinaśyanti karhicit
Therefore, O lord, you ought not to be feverish about the kingdom; for things that must inevitably come to pass never perish.
AI translation rendered from the Sanskrit, not a published edition
VamP 51.47
पुत्रमित्रकलत्रार्थ राज्यभोगधनाय च । आगमे निर्गमे प्राज्ञो न विषादं समाचरेत्
putramitrakalatrārtha rājyabhogadhanāya ca / āgame nirgame prājño na viṣādaṃ samācaret
For the sake of son, friend and wife, and for kingdom, enjoyment and wealth, whether they come or go, a wise man should not give way to despondency.
AI translation rendered from the Sanskrit, not a published edition
VamP 51.48
यथा यथा समायान्ति पूर्वकर्मविधानतः । सुखदुःखानि दैत्येन्द्र नरस्तानि सहेत् तथा
yathā yathā samāyānti pūrvakarmavidhānataḥ / sukhaduḥkhāni daityendra narastāni sahet tathā
In whatever way pleasures and pains arrive, in accordance with the ordinance of former deeds, in that same way, O lord of the Daityas, let a man endure them.
AI translation rendered from the Sanskrit, not a published edition
VamP 51.49
आपदामागमं दृष्ट्वा न विष्ण्णो भवेद् वशी । संपदं च सुविस्तीर्णां प्राप्य नो ऽधृतिमान् भवेत्
āpadāmāgamaṃ dṛṣṭvā na viṣṇṇo bhaved vaśī / saṃpadaṃ ca suvistīrṇāṃ prāpya no 'dhṛtimān bhavet
Seeing calamities arrive, the self-controlled man should not become dejected; and having obtained very widespread prosperity, he should not lose his composure.
AI translation rendered from the Sanskrit, not a published edition
VamP 51.50
धनक्षये न मुह्यन्ति न हृष्यन्ति धनागमे । धीराः कार्येषु च सदा भवन्ति पुरुषोत्तमाः
dhanakṣaye na muhyanti na hṛṣyanti dhanāgame / dhīrāḥ kāryeṣu ca sadā bhavanti puruṣottamāḥ
They are not bewildered at the loss of wealth, nor do they rejoice at the coming of wealth: the steadfast, best of men, are always resolute in their undertakings.
AI translation rendered from the Sanskrit, not a published edition
VamP 51.51
एवं विदित्वा दैत्येन्द्र न विषादं कथञ्चन । कर्तुमर्हसि विद्वांस्त्वं पण्डितो नावसीदति
evaṃ viditvā daityendra na viṣādaṃ kathañcana / kartumarhasi vidvāṃstvaṃ paṇḍito nāvasīdati
Knowing this, O lord of the Daityas, you ought not in any way to despair; you are learned, and a learned man does not sink down.
AI translation rendered from the Sanskrit, not a published edition
VamP 51.52
तथान्यच्च महाबाहो हितं शृणु महार्थकम् । भवतो ऽथ तथान्येषां श्रुत्वा तच्च समाचर
tathānyacca mahābāho hitaṃ śṛṇu mahārthakam / bhavato 'tha tathānyeṣāṃ śrutvā tacca samācara
And hear too, O mighty-armed one, another counsel of great import, for your good and for that of others as well; and having heard it, act on it.
AI translation rendered from the Sanskrit, not a published edition
VamP 51.53
शरण्यं शरणं गच्छ तमेव पुरुषोत्त्मम् । स ते त्राता भयादस्माद् दानवेन्द्र भविष्यति
śaraṇyaṃ śaraṇaṃ gaccha tameva puruṣottmam / sa te trātā bhayādasmād dānavendra bhaviṣyati
Go for refuge to him who is the giver of refuge, to that very Puruṣottama; he will be your protector from this fear, O lord of the Dānavas.
AI translation rendered from the Sanskrit, not a published edition
VamP 51.54
ये संश्रिता हरिमनन्तमनादिमध्यं विष्णुं चराचरगुरुं हरिमीशितारम् । संसारगर्तपतितस्य करावलम्बं नूनं न ते भुवि नरा ज्वरिणो भवन्ति
ye saṃśritā harimanantamanādimadhyaṃ viṣṇuṃ carācaraguruṃ harimīśitāram / saṃsāragartapatitasya karāvalambaṃ nūnaṃ na te bhuvi narā jvariṇo bhavanti
Those who have taken refuge in Hari, the endless one, without beginning or middle, Viṣṇu, the teacher of all that moves and does not move, Hari the ruler, the supporting hand for one fallen into the pit of saṃsāra — surely those men on earth do not become fevered.
AI translation rendered from the Sanskrit, not a published edition
VamP 51.55
तन्मना दानवश्रेष्ठ तद्भक्तश्च भवाधुना । स एष भवतः श्रेयो विधास्यति जनार्धनः
tanmanā dānavaśreṣṭha tadbhaktaśca bhavādhunā / sa eṣa bhavataḥ śreyo vidhāsyati janārdhanaḥ
With your mind on him, O best of Dānavas, become now his devotee; this same Janārdana will bring about your welfare.
AI translation rendered from the Sanskrit, not a published edition
VamP 51.56
अहं च पापोपशमार्थमीशमाराध्य यास्ये प्रतितीर्थयात्राम् । विमुक्तपापश्च ततो गमिष्ये यत्राच्युतो लोकपतिर्नृसिंहः
ahaṃ ca pāpopaśamārthamīśamārādhya yāsye pratitīrthayātrām / vimuktapāpaśca tato gamiṣye yatrācyuto lokapatirnṛsiṃhaḥ
And I, for the quelling of my sin, having worshipped the Lord, shall go on a pilgrimage from holy place to holy place; and then, freed of sin, I shall go where Acyuta, the lord of the worlds, the Man-Lion, is.
AI translation rendered from the Sanskrit, not a published edition
VamP 51.57
पुलस्त्य उवाच । इत्येवमाश्वास्य बलिं महात्मा संस्मृत्य योगाधिपतिं च विष्णुम् । आमन्त्र्य सर्वान् दनुयूथपालान् जगाम कर्तुं त्वथ तीर्थयात्राम्
pulastya uvāca / ityevamāśvāsya baliṃ mahātmā saṃsmṛtya yogādhipatiṃ ca viṣṇum / āmantrya sarvān danuyūthapālān jagāma kartuṃ tvatha tīrthayātrām
Pulastya said: Having thus consoled Bali, the great-souled one, calling to mind Viṣṇu the lord of yoga, and taking leave of all the troop-leaders of the Dānavas, went then to make his pilgrimage to the holy places.
AI translation rendered from the Sanskrit, not a published edition