Vamana Purana — Chapter 33
VamP 33.1
नारद उवाच । यो ऽसौ मन्त्रयतां प्राप्तो दैत्यानां शरताडितः । स केन वद निर्भिन्नः शरेण दितिजेश्वरः
nārada uvāca / yo 'sau mantrayatāṃ prāpto daityānāṃ śaratāḍitaḥ / sa kena vada nirbhinnaḥ śareṇa ditijeśvaraḥ
Nārada said: That lord of Diti's offspring who came, struck by an arrow, to the daityas as they were taking counsel — tell (me), by whom was he pierced with the arrow?
AI translation rendered from the Sanskrit, not a published edition
VamP 33.2
पुलस्त्य उवाच । आसीन्नृपो रघुकुले रिपुजिन्महर्षे तस्यात्मजो गुमगणैकनिर्धिर्महात्मा । सूरो ऽसैन्यदमनो बलवान् सुहृत्सु विप्रान्धदीनकृपणेषु समानभावः
pulastya uvāca / āsīnnṛpo raghukule ripujinmaharṣe tasyātmajo gumagaṇaikanirdhirmahātmā / sūro 'sainyadamano balavān suhṛtsu viprāndhadīnakṛpaṇeṣu samānabhāvaḥ
Pulastya said: There was a king in Raghu's line, Ripujit, O great sage; his son was a great-souled man, the sole treasury of the whole host of virtues, a hero, a subduer of (hostile) armies, mighty, and of equal regard toward friends, brahmins, the blind, the wretched, and the poor.
AI translation rendered from the Sanskrit, not a published edition — the model flagged this verse as uncertain
VamP 33.3
ऋतध्वजो नाम महान् महीयान् स गालवार्थे तुरगाधिपूढः । पातालकेतुं निजघान पृष्ठे बाणेन चन्द्रार्धनिभेन वेगात्
ṛtadhvajo nāma mahān mahīyān sa gālavārthe turagādhipūḍhaḥ / pātālaketuṃ nijaghāna pṛṣṭhe bāṇena candrārdhanibhena vegāt
He was great and greatly honoured, Ṛtadhvaja by name; for Gālava's sake, mounted on the best of horses, he swiftly struck down Pātālaketu on the back with an arrow resembling a half-moon.
AI translation rendered from the Sanskrit, not a published edition
VamP 33.4
नारद उवाच। । किमर्थं गालवस्यासौ साधयामास सत्तमः । येनासौ पत्रिणा दैत्यं निजघान नृपात्मजः
nārada uvāca/ / kimarthaṃ gālavasyāsau sādhayāmāsa sattamaḥ / yenāsau patriṇā daityaṃ nijaghāna nṛpātmajaḥ
Nārada said: For what purpose did that best of men accomplish (this) for Gālava, whereby that son of the king slew the daitya with a feathered shaft?
AI translation rendered from the Sanskrit, not a published edition
VamP 33.5
पुलस्त्य उवाच । पुरा तपस्तप्यति गालवर्षिर्महाश्रमे स्वे सततं निविष्टः । पपातालकेतुस्तपसो ऽस्य विघ्नं करोति मौढ्यात् स समाधिभङ्गम्
pulastya uvāca / purā tapastapyati gālavarṣirmahāśrame sve satataṃ niviṣṭaḥ / papātālaketustapaso 'sya vighnaṃ karoti mauḍhyāt sa samādhibhaṅgam
Pulastya said: Formerly, while the seer Gālava was practising austerity, constantly settled in his own great hermitage, Pātālaketu came and out of folly made an obstacle to his austerity, a breaking of his concentration.
AI translation rendered from the Sanskrit, not a published edition — the model flagged this verse as uncertain
VamP 33.6
न चेष्यतऽसौ तपसो व्ययं हि शक्तो ऽपि कर्त्तु त्वथ भस्मसात् तम् । आकाशमीक्ष्याथ स दीर्घमुष्णं मुमोच निःश्वासमनुत्तमं हि
na ceṣyata'sau tapaso vyayaṃ hi śakto 'pi karttu tvatha bhasmasāt tam / ākāśamīkṣyātha sa dīrghamuṣṇaṃ mumoca niḥśvāsamanuttamaṃ hi
And he did not wish for the loss of his austerity, though he was able to reduce him to ashes; so, looking at the sky, he let out a long, hot, most extraordinary sigh.
AI translation rendered from the Sanskrit, not a published edition
VamP 33.7
ततो ऽम्बराद् वाजिवरः पपात बभूव वाणी त्वशरीरिणी च । असौ तुरङ्गो बलवान् क्रमेत अह्ना सहस्राणि तु योजनानाम्
tato 'mbarād vājivaraḥ papāta babhūva vāṇī tvaśarīriṇī ca / asau turaṅgo balavān krameta ahnā sahasrāṇi tu yojanānām
Then from the sky an excellent horse fell down, and there came a bodiless voice: "This steed is strong; he can cover thousands of yojanas in a day."
AI translation rendered from the Sanskrit, not a published edition
VamP 33.8
स तं प्रगृह्यश्ववरं नरेन्द्रं ऋतध्वजं योज्य तदात्तशस्त्रम् । स्थितस्तपस्येव ततो महर्षिर्दैत्यं समेत्य विशिखैर्नृपजो बिभेद
sa taṃ pragṛhyaśvavaraṃ narendraṃ ṛtadhvajaṃ yojya tadāttaśastram / sthitastapasyeva tato maharṣirdaityaṃ sametya viśikhairnṛpajo bibheda
Taking that best of horses, the great sage yoked it for the king Ṛtadhvaja, who then took up his weapons, and (himself) remained as before in austerity; thereupon the king's son met the daitya and pierced him with arrows.
AI translation rendered from the Sanskrit, not a published edition — the model flagged this verse as uncertain
VamP 33.9
केनाम्बरतलाद् वाजी निसृष्टो वद सुव्रत । वाक् कस्यादेहिनी जाता परं कौतूहलं मम
kenāmbaratalād vājī nisṛṣṭo vada suvrata / vāk kasyādehinī jātā paraṃ kautūhalaṃ mama
By whom was the horse sent down from the vault of the sky? Tell (me), O you of good vows. Whose was the voice that had no body? My curiosity is great.
AI translation rendered from the Sanskrit, not a published edition
VamP 33.10
पुलस्त्य उवाच । विश्ववसुर्नाम महेन्द्रगायनो गन्धर्वराजो बलवान् यशस्वी । निसृष्टवान् भूवलये तुरङ्गं ऋतध्वजस्यैव सुतार्थमाशु
pulastya uvāca / viśvavasurnāma mahendragāyano gandharvarājo balavān yaśasvī / nisṛṣṭavān bhūvalaye turaṅgaṃ ṛtadhvajasyaiva sutārthamāśu
Pulastya said: A gandharva king named Viśvāvasu, the singer of great Indra, mighty and glorious, quickly sent the horse down to the circle of the earth precisely for the sake of Ṛtadhvaja's son.
AI translation rendered from the Sanskrit, not a published edition — the model flagged this verse as uncertain
VamP 33.11
नारद उवाच । कोर्ऽथो गन्धर्वराजस्य येनाप्रैषीन्महाजवम् । राज्ञः कुवलयाश्वस्य कोर्ऽथो नृपसुतस्य च
nārada uvāca / kor'tho gandharvarājasya yenāpraiṣīnmahājavam / rājñaḥ kuvalayāśvasya kor'tho nṛpasutasya ca
Nārada said: What purpose had the Gandharva king, that he sent that swift-running (horse)? And what purpose had king Kuvalayāśva, and what the king's son?
AI translation rendered from the Sanskrit, not a published edition
VamP 33.12
पुलस्त्य उवाच । विश्ववसोः शीलगुणोपपन्ना आसीत्पुरन्ध्रीषु वरा त्रिलोके । लावण्यराशिः शशिकान्तितुल्या मदालसा नाम मदालसैव
pulastya uvāca / viśvavasoḥ śīlaguṇopapannā āsītpurandhrīṣu varā triloke / lāvaṇyarāśiḥ śaśikāntitulyā madālasā nāma madālasaiva
Pulastya said: Viśvavasu had a daughter endowed with character and good qualities, the best among women in the three worlds, a mass of loveliness, equal to the moon's beauty, languid with passion — Madālasā by name, and indeed languid with passion (madālasā).
AI translation rendered from the Sanskrit, not a published edition
VamP 33.13
तां नन्दने देवरिपुस्तरस्वी संक्रीडतीं रूपवतीं ददर्श । पातालकेतुस्तु जहार तन्वीं तस्यार्थतः सो ऽश्ववरः प्रदत्तः
tāṃ nandane devaripustarasvī saṃkrīḍatīṃ rūpavatīṃ dadarśa / pātālaketustu jahāra tanvīṃ tasyārthataḥ so 'śvavaraḥ pradattaḥ
The swift enemy of the gods saw her, beautiful of form, playing in the Nandana grove; and Pātālaketu carried off the slender girl. For her sake that excellent horse was given.
AI translation rendered from the Sanskrit, not a published edition
VamP 33.14
हत्वा च दैत्यं नृपतेस्तनूजो लब्ध्वा वरोरूमपि संस्थितो ऽभूत् । दृष्टो यथा देवपतिर्महेन्द्रः शच्या तथा राजसुतो मृगाक्ष्या
hatvā ca daityaṃ nṛpatestanūjo labdhvā varorūmapi saṃsthito 'bhūt / dṛṣṭo yathā devapatirmahendraḥ śacyā tathā rājasuto mṛgākṣyā
And having slain the Daitya, the king's son, having won the fair-thighed woman too, settled down (there). As Mahendra, lord of the gods, is seen with Śacī, so was the king's son (seen) with the doe-eyed girl.
AI translation rendered from the Sanskrit, not a published edition
VamP 33.15
नारद उवाच । एवं निरस्ते महिषे तारके च महासुरे । हिरण्याक्षसुतो धीमान् किमचेष्टत वै पुनः
nārada uvāca / evaṃ niraste mahiṣe tārake ca mahāsure / hiraṇyākṣasuto dhīmān kimaceṣṭata vai punaḥ
Nārada said: When the Mahiṣa and the great Asura Tāraka had thus been driven off, what did the wise son of Hiraṇyākṣa do next?
AI translation rendered from the Sanskrit, not a published edition
VamP 33.16
पुलस्त्य उवाच । तारकं निहतं दृष्ट्वा महिषं च रणे ऽन्धकः । क्रोधं चक्रे सुदुर्बुद्धिर्देवानां देवसैन्यहा
pulastya uvāca / tārakaṃ nihataṃ dṛṣṭvā mahiṣaṃ ca raṇe 'ndhakaḥ / krodhaṃ cakre sudurbuddhirdevānāṃ devasainyahā
Pulastya said: Seeing Tāraka slain in battle, and Mahiṣa too, Andhaka, that very evil-minded destroyer of the gods' army, grew angry at the gods.
AI translation rendered from the Sanskrit, not a published edition
VamP 33.17
ततः स्वल्पपरीवारः प्रगृह्य परिघं करे । निर्जगामाथ पातालाद् विचचार च मेदिनीम
tataḥ svalpaparīvāraḥ pragṛhya parighaṃ kare / nirjagāmātha pātālād vicacāra ca medinīma
Then, with a small retinue, taking an iron club in his hand, he went forth from Pātāla and roamed over the earth.
AI translation rendered from the Sanskrit, not a published edition
VamP 33.18
ततो विचरता तेन मन्दरे चारुकन्दरे । दृष्टा गौरी च गिरिजा सखीमध्ये स्थिताशुभा
tato vicaratā tena mandare cārukandare / dṛṣṭā gaurī ca girijā sakhīmadhye sthitāśubhā
Then, as he roamed about on Mandara with its lovely caves, he saw Gaurī, the mountain's daughter, the auspicious one, standing amid her companions.
AI translation rendered from the Sanskrit, not a published edition
VamP 33.19
ततो ऽभूत् कामबाणार्त्तः सहसैवान्धको ऽसुरः । तां दृष्ट्वा चारुसर्वाङ्गीं गिरिराजसुतां वने
tato 'bhūt kāmabāṇārttaḥ sahasaivāndhako 'suraḥ / tāṃ dṛṣṭvā cārusarvāṅgīṃ girirājasutāṃ vane
Then at once the Asura Andhaka was stricken by the arrows of Kāma, on seeing her, fair in every limb, the daughter of the mountain-king, in the forest.
AI translation rendered from the Sanskrit, not a published edition
VamP 33.20
अथोवाचासुरो मूढो वचनं मन्मथान्धकः । कस्येयं चारुसर्वाङ्गी वने चरति सुन्दरी
athovācāsuro mūḍho vacanaṃ manmathāndhakaḥ / kasyeyaṃ cārusarvāṅgī vane carati sundarī
Then the foolish Asura, blinded by love, spoke these words: "Whose is this woman, fair in every limb, this beauty who walks in the forest?"
AI translation rendered from the Sanskrit, not a published edition
VamP 33.21
इयं यदि भवेन्नैव ममान्तःपुरवासिनि । तन्मदीयेन जीवेन क्रियते निष्फलेन किम्
iyaṃ yadi bhavennaiva mamāntaḥpuravāsini / tanmadīyena jīvena kriyate niṣphalena kim
"If she does not come to dwell in my inner apartments, then what use is made of this fruitless life of mine?"
AI translation rendered from the Sanskrit, not a published edition
VamP 33.22
यदस्यास्तनुमध्याया न पिरष्वङ्गवानहम् । अतो धिङ् मम रूपेण किं स्थिरेण प्रयोजनम्
yadasyāstanumadhyāyā na piraṣvaṅgavānaham / ato dhiṅ mama rūpeṇa kiṃ sthireṇa prayojanam
"Since I do not have the embrace of her, the slender-waisted one, then fie upon my beauty — what use is there in its lasting?"
AI translation rendered from the Sanskrit, not a published edition
VamP 33.23
स मे बन्धुः स सचिवः स भ्राता साम्परायिकः । यो मामसितकेशां तां योजयेन् मृगलोचनाम्
sa me bandhuḥ sa sacivaḥ sa bhrātā sāmparāyikaḥ / yo māmasitakeśāṃ tāṃ yojayen mṛgalocanām
"He is my kinsman, he my counsellor, he my brother for the world to come, who would unite that dark-haired, doe-eyed woman with me."
AI translation rendered from the Sanskrit, not a published edition
VamP 33.24
इत्थं वदति दैत्येन्द्रे प्रह्लादो बुद्धिसागरः । पिधाय कर्णो हस्ताभ्यां शिरःकम्पं वचो ऽब्रवीत्
itthaṃ vadati daityendre prahlādo buddhisāgaraḥ / pidhāya karṇo hastābhyāṃ śiraḥkampaṃ vaco 'bravīt
While the lord of the Daityas was speaking thus, Prahlāda, an ocean of wisdom, covering his ears with both hands and shaking his head, spoke these words:
AI translation rendered from the Sanskrit, not a published edition
VamP 33.25
मा मैवं वद दैत्येन्द्र जगतो जननी त्वियम् । लोकनाथस्य भार्योयं शङ्करस्य त्रिशूलिनः
mā maivaṃ vada daityendra jagato jananī tviyam / lokanāthasya bhāryoyaṃ śaṅkarasya triśūlinaḥ
"Do not, do not speak so, lord of Daityas! She is the mother of the world; she is the wife of the lord of the worlds, of Śaṅkara who bears the trident.
AI translation rendered from the Sanskrit, not a published edition
VamP 33.26
मा कुरुष्व सुदुर्बुद्धिं सद्यः कुलविनाशिनीम् । भवतः परदारोयं मा निमज्ज रसातले
mā kuruṣva sudurbuddhiṃ sadyaḥ kulavināśinīm / bhavataḥ paradāroyaṃ mā nimajja rasātale
Do not form this most evil intention, which destroys a family at once. She is another's wife for you — do not sink into the nether world.
AI translation rendered from the Sanskrit, not a published edition
VamP 33.27
सत्सु कुत्सितमेवं हि असत्स्वपि हि कुत्सितम् । शत्रवस्ते प्रकुर्वन्तु परदारावगाहनम्
satsu kutsitamevaṃ hi asatsvapi hi kutsitam / śatravaste prakurvantu paradārāvagāhanam
For such a thing is condemned among the good, and condemned even among the bad. Let your enemies commit the invasion of another's wife!
AI translation rendered from the Sanskrit, not a published edition
VamP 33.28
किञ्चित् त्वया न श्रुतं दैत्यनाथ गीतं श्लोकं गाधिना पार्थिवेन । दृष्ट्वा सैन्यं विप्रधेनुप्रसक्तं तथ्यं पथ्यं सर्वलोके हितं च
kiñcit tvayā na śrutaṃ daityanātha gītaṃ ślokaṃ gādhinā pārthivena / dṛṣṭvā sainyaṃ vipradhenuprasaktaṃ tathyaṃ pathyaṃ sarvaloke hitaṃ ca
Have you not heard at all, lord of Daityas, the verse sung by king Gādhi, when he saw his army caught up with the brahmin's cow — a verse true, wholesome and beneficial to all the world?
AI translation rendered from the Sanskrit, not a published edition
VamP 33.29
वरं प्राणास्त्याज्या न च पिशुनवादेष्वभिरतिः वरं मौनं कार्यं न च वचनमुक्तं यदनृतम् । वरं क्लीबैर्भाव्यं न च परकगलत्राभिगमनं वरं भिक्षार्थित्वं न च परधनास्वादमसकृत्
varaṃ prāṇāstyājyā na ca piśunavādeṣvabhiratiḥ varaṃ maunaṃ kāryaṃ na ca vacanamuktaṃ yadanṛtam / varaṃ klībairbhāvyaṃ na ca parakagalatrābhigamanaṃ varaṃ bhikṣārthitvaṃ na ca paradhanāsvādamasakṛt
Better to give up one's life than to take pleasure in slanderous speech; better to keep silence than to utter a word that is false; better to be impotent than to approach another man's wife; better to live by begging than to taste another's wealth again and again.
AI translation rendered from the Sanskrit, not a published edition
VamP 33.30
स प्रह्लादवचः श्रुत्वा क्रोदान्धो मदनार्दितः । इयं सा शत्रुजननीत्येवमुक्त्वा प्रदुद्रुवे
sa prahlādavacaḥ śrutvā krodāndho madanārditaḥ / iyaṃ sā śatrujananītyevamuktvā pradudruve
Having heard Prahlāda's words, blind with rage and tormented by love, he said, "She is the very mother of my enemies!" — and so saying, he rushed forward.
AI translation rendered from the Sanskrit, not a published edition
VamP 33.31
ततो ऽन्वधावन् दैतेया यन्त्रमुक्ता इवोपलाः । तान् रुरोध बलान्नन्दी वज्रोद्यतकरो ऽव्ययः
tato 'nvadhāvan daiteyā yantramuktā ivopalāḥ / tān rurodha balānnandī vajrodyatakaro 'vyayaḥ
Then the Daityas ran after (him) like stones released from an engine; Nandin, undecaying, with his hand raised holding the thunderbolt, held them back by force.
AI translation rendered from the Sanskrit, not a published edition
VamP 33.32
मयतारपुरोगास्ते वारिता द्रावितास्तथा । कुलिशोनाहतास्तूर्णं जग्मुर्भीता दिशो दश
mayatārapurogāste vāritā drāvitāstathā / kuliśonāhatāstūrṇaṃ jagmurbhītā diśo daśa
Those (demons), led by Maya and Tāra, were checked and put to flight; struck by the thunderbolt they swiftly fled in terror to the ten directions.
AI translation rendered from the Sanskrit, not a published edition
VamP 33.33
तानर्दितान् रणे दृष्ट्वा नन्दिनान्धकदानवः । परिघेण समाहत्य पातयामास नन्दिनम्
tānarditān raṇe dṛṣṭvā nandināndhakadānavaḥ / parigheṇa samāhatya pātayāmāsa nandinam
Seeing them tormented in battle by Nandin, the demon Andhaka struck Nandin with an iron club and felled him.
AI translation rendered from the Sanskrit, not a published edition
VamP 33.34
शैलादिं पतितं दृष्ट्वा धावमानं तथान्धकम् । शतरूपाभवद् गौरी भयात् तस्य दुरात्मनः
śailādiṃ patitaṃ dṛṣṭvā dhāvamānaṃ tathāndhakam / śatarūpābhavad gaurī bhayāt tasya durātmanaḥ
Seeing Śailādi (Nandin) fallen and Andhaka rushing on, Gaurī, out of fear of that evil-souled one, became a hundred forms.
AI translation rendered from the Sanskrit, not a published edition
VamP 33.35
ततः स देवीगणमध्यसंस्थितः परिभ्रमन्न भाति महासुरेन्द्रः । यथा वने मत्तकरी परिभ्रमन् करेणुमध्ये मदलोलदृष्टिः
tataḥ sa devīgaṇamadhyasaṃsthitaḥ paribhramanna bhāti mahāsurendraḥ / yathā vane mattakarī paribhraman kareṇumadhye madaloladṛṣṭiḥ
Then that great lord of the Asuras, standing amid the throng of goddesses and roaming about, had no splendour — like a maddened elephant in the forest roaming among the cow-elephants, its glance rolling with rut.
AI translation rendered from the Sanskrit, not a published edition
VamP 33.36
न पिरज्ञातवांस्तत्र का तु सा गिरिकन्यका । नात्राश्चर्यं न पश्यन्ति चत्वारो ऽमी सदैव हि
na pirajñātavāṃstatra kā tu sā girikanyakā / nātrāścaryaṃ na paśyanti catvāro 'mī sadaiva hi
There he did not recognize which one was the daughter of the mountain. And in this there is no wonder, for these four never see:
AI translation rendered from the Sanskrit, not a published edition
VamP 33.37
न पश्यतीह जात्यन्धो रागान्धो ऽपि न पश्यति । न पश्यति मदोन्मत्तो लोभाक्तान्तो न पश्यति । सो ऽपश्यमानो गिरिजां पश्यन्नपि तदान्धकः
na paśyatīha jātyandho rāgāndho 'pi na paśyati / na paśyati madonmatto lobhāktānto na paśyati / so 'paśyamāno girijāṃ paśyannapi tadāndhakaḥ
one blind from birth does not see here, and one blinded by passion does not see; one crazed with intoxication does not see, and one overcome by greed does not see. So that Andhaka then, though seeing, did not see the mountain's daughter.
AI translation rendered from the Sanskrit, not a published edition
VamP 33.38
प्रहारं नाददत् तासां युवत्य इति चिन्तयन् । ततो देव्या स दुष्टात्मा शतवर्या निराकृतः
prahāraṃ nādadat tāsāṃ yuvatya iti cintayan / tato devyā sa duṣṭātmā śatavaryā nirākṛtaḥ
He struck no blow at them, thinking "they are young women"; then that evil-souled one was repulsed by the Goddess in her hundred forms.
AI translation rendered from the Sanskrit, not a published edition
VamP 33.39
कुट्टितः प्रवरैः शस्त्रैर्निपपात महीतले । वीक्ष्यान्धकं निपतितं शतरूपा विभावरी
kuṭṭitaḥ pravaraiḥ śastrairnipapāta mahītale / vīkṣyāndhakaṃ nipatitaṃ śatarūpā vibhāvarī
Battered by (their) excellent weapons, he fell to the ground; seeing Andhaka fallen, the hundred-formed shining (Goddess)—
AI translation rendered from the Sanskrit, not a published edition
VamP 33.40
तस्मात् स्थानादपाक्रम्य गतान्तर्धानमम्बिका । पतितं चान्धकं दृष्ट्वा दैत्यदानवयूथपाः
tasmāt sthānādapākramya gatāntardhānamambikā / patitaṃ cāndhakaṃ dṛṣṭvā daityadānavayūthapāḥ
—Ambikā, withdrawing from that place, vanished. And seeing Andhaka fallen, the leaders of the Daityas and Dānavas,
AI translation rendered from the Sanskrit, not a published edition
VamP 33.43
कुर्वान्तः सुमहाशब्दं प्राद्रवन्त रणार्थिनः । तेषामापततां शब्दं श्रुत्वा तस्थौ गणेश्वरः ॥ वम्प्_३३।४१ ॥ आदाय वज्रं बलवान् मघवानिव गणेश्वरः ॥ वम्प्_३३।४२ ॥ सम्भ्येत्याम्बिकां दृष्ट्वा ववन्दे चरणौ शुभौ । देवी च ता निजा मूर्तिः प्राह गच्छध्वमिच्छया
kurvāntaḥ sumahāśabdaṃ prādravanta raṇārthinaḥ / teṣāmāpatatāṃ śabdaṃ śrutvā tasthau gaṇeśvaraḥ // vamp_33.41 // ādāya vajraṃ balavān maghavāniva gaṇeśvaraḥ // vamp_33.42 // sambhyetyāmbikāṃ dṛṣṭvā vavande caraṇau śubhau / devī ca tā nijā mūrtiḥ prāha gacchadhvamicchayā
making a very great noise, rushed forward seeking battle. Hearing the sound of them attacking, the lord of the Gaṇas stood firm (33.41), taking up his thunderbolt, mighty like Maghavan, the lord of the Gaṇas (33.42). Coming together and seeing Ambikā, he saluted her lovely feet; and the Goddess said to those forms of her own: "Go as you wish."
AI translation rendered from the Sanskrit, not a published edition
VamP 33.46
विहरध्वं महीपृष्ठे पूज्यमाना नरैरिह । वसतिर्भवतीनां च उद्यानेषु वनेषु च ॥ वम्प्_३३।४४ ॥ वनस्पतिषु वृक्षेषु गच्छध्वं प्रणिपत्याम्बिकां क्रमात् ॥ वम्प्_३३।४५ ॥ दक्षु सवासु जग्मुस्ताः स्तूयमानाश्च किन्नरैः । अन्धको ऽपि स्मृतिं लब्ध्वा अपश्यन्नद्रिनन्दिनीम् । स्वबलं निर्जितं दृष्ट्वा ततः पातालमाद्रवात्
viharadhvaṃ mahīpṛṣṭhe pūjyamānā narairiha / vasatirbhavatīnāṃ ca udyāneṣu vaneṣu ca // vamp_33.44 // vanaspatiṣu vṛkṣeṣu gacchadhvaṃ praṇipatyāmbikāṃ kramāt // vamp_33.45 // dakṣu savāsu jagmustāḥ stūyamānāśca kinnaraiḥ / andhako 'pi smṛtiṃ labdhvā apaśyannadrinandinīm / svabalaṃ nirjitaṃ dṛṣṭvā tataḥ pātālamādravāt
"Roam upon the face of the earth, worshipped here by men; and your dwelling shall be in gardens and forests (33.44), in great trees and (other) trees. Go, bowing to Ambikā in turn" (33.45). They went to the ten directions, praised by the Kinnaras. Andhaka too, regaining consciousness, did not see the mountain's daughter; and seeing his own army defeated, he then fled to Pātāla.
AI translation rendered from the Sanskrit, not a published edition — the model flagged this verse as uncertain
VamP 33.47
ततो दुरात्मा स तदान्धको मुने पातालमभ्येत्य दिवा न भुङ्क्ते । रात्रौ न शेते मदनेषुताडितो गौरीं स्मरन्कामबलाभिपन्नः
tato durātmā sa tadāndhako mune pātālamabhyetya divā na bhuṅkte / rātrau na śete madaneṣutāḍito gaurīṃ smarankāmabalābhipannaḥ
Then, O sage, that evil-souled Andhaka, having reached Pātāla, did not eat by day nor sleep by night; struck by the arrows of Kāma and overpowered by the force of desire, he kept remembering Gaurī.
AI translation rendered from the Sanskrit, not a published edition