Skanda Purana — Reva Khanda — Chapter 94
SkP-RK 94.1
मार्कण्डेय उवाच: तीर्थस्यास्य च यत्पुण्यं तच् छृणुष्व नराधिप । पण्डितो वृद्धभावेन भक्त्या त्रातो नरेश्वर
mārkaṇḍeya uvāca: tīrthasyāsya ca yatpuṇyaṃ tac chṛṇuṣva narādhipa / paṇḍito vṛddhabhāvena bhaktyā trāto nareśvara
Mārkaṇḍeya said: Hear, O ruler of men, what the merit of this tīrtha is: a learned man was rescued by devotion through (his) old age, O lord of men.
AI translation rendered from the Sanskrit, not a published edition — the model flagged this verse as uncertain
SkP-RK 94.2
उद्देशं कथयिष्यामि दृष्ट्वा वान्तरम् एव च । कुरुक्षेत्रं यथापूतं रवितीर्थं श्रुतं तथा
uddeśaṃ kathayiṣyāmi dṛṣṭvā vāntaram eva ca / kurukṣetraṃ yathāpūtaṃ ravitīrthaṃ śrutaṃ tathā
I shall tell of the place, and also of the difference (between them), having seen it: just as Kurukṣetra is purifying, so has the Ravitīrtha been heard of.
AI translation rendered from the Sanskrit, not a published edition — the model flagged this verse as uncertain
SkP-RK 94.3
ईश्वरेण पुराख्यातं षण्मुखस्य युधिष्ठिर । श्रुतं रुद्रगणैः सर्वैर् अहं तत्र समीपगः
īśvareṇa purākhyātaṃ ṣaṇmukhasya yudhiṣṭhira / śrutaṃ rudragaṇaiḥ sarvair ahaṃ tatra samīpagaḥ
It was declared long ago by Īśvara to the six-faced one, O Yudhiṣṭhira; it was heard by all the hosts of Rudra, and I was there nearby.
AI translation rendered from the Sanskrit, not a published edition
SkP-RK 94.4
मार्तण्डग्रहणे प्राप्ते ये व्रजन्ति षडानन । रवितीर्थे कुरुक्षेत्रे तुल्यम् एव फलं भवेत्
mārtaṇḍagrahaṇe prāpte ye vrajanti ṣaḍānana / ravitīrthe kurukṣetre tulyam eva phalaṃ bhavet
"Those who go, O six-faced one, when an eclipse of the sun has arrived, to the Ravitīrtha or to Kurukṣetra—the fruit is exactly equal.
AI translation rendered from the Sanskrit, not a published edition
SkP-RK 94.5
स्नाने दाने तथा जाप्ये होमे चैव विशेषतः । कुरुक्षेत्रे तथा पुण्यं नात्र कार्या विचारणा
snāne dāne tathā jāpye home caiva viśeṣataḥ / kurukṣetre tathā puṇyaṃ nātra kāryā vicāraṇā
In bathing, in giving, and in muttering prayers, and especially in the fire-offering, the merit is the same as at Kurukṣetra; no doubt is to be entertained about this.
AI translation rendered from the Sanskrit, not a published edition
SkP-RK 94.6
ग्रामे वा यदि वारण्ये पुण्या सर्वत्र नर्मदा । रवितीर्थे विशेषेण रविपर्वणि भूमिप
grāme vā yadi vāraṇye puṇyā sarvatra narmadā / ravitīrthe viśeṣeṇa raviparvaṇi bhūmipa
Whether in a village or in the forest, the Narmadā is holy everywhere; especially at the Ravitīrtha, on the sun's festival day, O lord of the earth.
AI translation rendered from the Sanskrit, not a published edition
SkP-RK 94.7
तत्र सूर्यदिने भक्त्या व्यतीपाते च वैधृतौ । संक्रमणे ग्रहणे वा ऽपि ये व्रजन्ति जितेन्द्रियाः
tatra sūryadine bhaktyā vyatīpāte ca vaidhṛtau / saṃkramaṇe grahaṇe vā 'pi ye vrajanti jitendriyāḥ
Those who, with their senses subdued, go there with devotion on a Sunday, or at a Vyatīpāta or a Vaidhṛti (conjunction), or at a solstitial/zodiacal transit, or at an eclipse,
AI translation rendered from the Sanskrit, not a published edition
SkP-RK 94.8
कामक्रोधविनिर्मुक्ता रागद्वेषैस् तथैव च । कथां च वैष्णवीं पार्थ वेदाध्ययनम् एव च
kāmakrodhavinirmuktā rāgadveṣais tathaiva ca / kathāṃ ca vaiṣṇavīṃ pārtha vedādhyayanam eva ca
released from desire and anger, and likewise from attraction and aversion, (and who recite) a Vaiṣṇava tale, O son of Pṛthā, and the study of the Veda—
AI translation rendered from the Sanskrit, not a published edition
SkP-RK 94.9
ऋग्वेदं वा यजुर्वेदं सामवेदम् अथर्वणम् । ऋचम् एकां तु जप्त्वैव समस्तफलम् आप्नुयुः
ṛgvedaṃ vā yajurvedaṃ sāmavedam atharvaṇam / ṛcam ekāṃ tu japtvaiva samastaphalam āpnuyuḥ
the Ṛgveda, or the Yajurveda, the Sāmaveda, the Atharvan—by muttering even a single verse they would obtain the entire fruit.
AI translation rendered from the Sanskrit, not a published edition
SkP-RK 94.10
गायत्र्या च चतुर्वेदफलम् आप्नोति मानवः । प्रभाते पूजयेद् देवम् अन्नदानहिरण्मयैः
gāyatryā ca caturvedaphalam āpnoti mānavaḥ / prabhāte pūjayed devam annadānahiraṇmayaiḥ
And with the Gāyatrī a man obtains the fruit of the four Vedas. At dawn he should worship the god with gifts of food and things of gold.
AI translation rendered from the Sanskrit, not a published edition
SkP-RK 94.11
तत्र स्नात्वा द्विजे योग्ये कपिलां यः प्रयच्छति । पृथिवी तेन वै दत्ता सशैलवनकानना
tatra snātvā dvije yogye kapilāṃ yaḥ prayacchati / pṛthivī tena vai dattā saśailavanakānanā
He who, having bathed there, presents a tawny cow to a worthy brahmin—by him indeed the earth, with its mountains, woods and forests, has been given.
AI translation rendered from the Sanskrit, not a published edition
SkP-RK 94.12
भूर्लोकश् च भुवर्लोको महर्लोको जनस् तथा । तपः सत्य तथा लोकं पातालान्य् एकविंशतिः
bhūrlokaś ca bhuvarloko maharloko janas tathā / tapaḥ satya tathā lokaṃ pātālāny ekaviṃśatiḥ
Bhūrloka and Bhuvarloka, Maharloka and likewise Janas, Tapas and Satya, that world too, and the twenty-one nether regions—
AI translation rendered from the Sanskrit, not a published edition
SkP-RK 94.13
तेन दत्तं भवेत् सर्वं गोदानं येन वै कृतम् । तेषाम् अब्दकृतं पापं नश्येद् वै नात्र संशयः
tena dattaṃ bhavet sarvaṃ godānaṃ yena vai kṛtam / teṣām abdakṛtaṃ pāpaṃ naśyed vai nātra saṃśayaḥ
all that has been given by him who has indeed made the gift of a cow; and the sin they committed in a year is destroyed—there is no doubt in this.
AI translation rendered from the Sanskrit, not a published edition
SkP-RK 94.14
मार्कण्डेय उवाच: पुरा कृतयुगस्यादौ ब्रह्मालोकपितामहः
mārkaṇḍeya uvāca: purā kṛtayugasyādau brahmālokapitāmahaḥ
Mārkaṇḍeya said: Long ago, at the beginning of the Kṛta age, Brahmā, the grandfather of the worlds,
AI translation rendered from the Sanskrit, not a published edition
SkP-RK 94.15
उत्पाद्य तथा सकलं भूतग्रामं चतुर्विधम् । आकुला पृथिवी तेन संजाता पाण्डुनन्दन
utpādya tathā sakalaṃ bhūtagrāmaṃ caturvidham / ākulā pṛthivī tena saṃjātā pāṇḍunandana
Having thus produced the whole assemblage of beings of four kinds, the earth became crowded by it, O son of Pāṇḍu.
AI translation rendered from the Sanskrit, not a published edition
SkP-RK 94.16
ततः पश्चाद् विचिन्त्येदं कथं लोको भविष्यति । कथं स्वर्गं प्रयास्यन्ति मानवा भक्तिसंयुताः
tataḥ paścād vicintyedaṃ kathaṃ loko bhaviṣyati / kathaṃ svargaṃ prayāsyanti mānavā bhaktisaṃyutāḥ
Then afterwards he thought this: "How will the world fare? How will men endowed with devotion go to heaven?"
AI translation rendered from the Sanskrit, not a published edition
SkP-RK 94.17
भानुश् चैव कथं प्रीतो लोकानां जायते भृशम् । विरञ्चेश्चिन्त्यमानस्य अग्निकुण्डात् समुत्थिता
bhānuś caiva kathaṃ prīto lokānāṃ jāyate bhṛśam / virañceścintyamānasya agnikuṇḍāt samutthitā
"And how does the sun become greatly pleased with the worlds?" While Virañca (Brahmā) was thinking thus, there rose up from the fire-pit—
AI translation rendered from the Sanskrit, not a published edition
SkP-RK 94.18
ज्वलन्ती तेजसा पूर्णा घण्टा लुलितनिःस्वना । दृष्ट्वा तां तु महाभागां कपिलां कुण्डमध्यगाम्
jvalantī tejasā pūrṇā ghaṇṭā lulitaniḥsvanā / dṛṣṭvā tāṃ tu mahābhāgāṃ kapilāṃ kuṇḍamadhyagām
—blazing, full of splendour, with a sound like the swinging of a bell. But seeing her, the greatly fortunate tawny (cow) standing in the midst of the pit,
AI translation rendered from the Sanskrit, not a published edition
SkP-RK 94.19
ब्रह्मालोकगुरुस्तां तु प्रणम्येदम् उवाच ह । नमस्ते कापिले पुण्ये सर्वलोकेष्व् अनुत्तमे
brahmālokagurustāṃ tu praṇamyedam uvāca ha / namaste kāpile puṇye sarvalokeṣv anuttame
Brahmā, the teacher of the world, bowing to her, said this: "Homage to you, O tawny one, O holy one, unsurpassed among all the worlds.
AI translation rendered from the Sanskrit, not a published edition
SkP-RK 94.20
माङ्गल्ये मङ्गले देवि त्रिषु लोकेषु वन्दिते । त्वं लक्ष्मीस् त्वं धृतिर्मेधा पवित्रा तु वरानने
māṅgalye maṅgale devi triṣu lokeṣu vandite / tvaṃ lakṣmīs tvaṃ dhṛtirmedhā pavitrā tu varānane
O auspicious one, O blessing, O goddess, praised in the three worlds—you are Lakṣmī, you are Constancy and Wisdom, and you are the purifying one, O fair-faced one.
AI translation rendered from the Sanskrit, not a published edition
SkP-RK 94.21
उमादेवीति विख्याता त्वं शची नात्र संशयः । वैष्णवी त्वं महादेवी ब्रह्माणी त्वं वरानने
umādevīti vikhyātā tvaṃ śacī nātra saṃśayaḥ / vaiṣṇavī tvaṃ mahādevī brahmāṇī tvaṃ varānane
You are renowned as the goddess Umā, you are Śacī, there is no doubt of this; you are Vaiṣṇavī, the great goddess, you are Brahmāṇī, O fair-faced one.
AI translation rendered from the Sanskrit, not a published edition
SkP-RK 94.22
कुमारी त्वं महाभागे भक्तिः श्रद्धा तथैव च । कालरात्री तु भूतानां कुमारी परमेश्वरी
kumārī tvaṃ mahābhāge bhaktiḥ śraddhā tathaiva ca / kālarātrī tu bhūtānāṃ kumārī parameśvarī
You are the maiden, O greatly fortunate one, and likewise devotion and faith; you are the Night of Doom for beings, the maiden, the supreme mistress.
AI translation rendered from the Sanskrit, not a published edition
SkP-RK 94.23
त्वं त्रुटिस्त्वं घटी चैव मुहूर्तक्षणम् एव च । संवत्सरर्तवो मासास् त्वं कालः पुरुषः सदा
tvaṃ truṭistvaṃ ghaṭī caiva muhūrtakṣaṇam eva ca / saṃvatsarartavo māsās tvaṃ kālaḥ puruṣaḥ sadā
You are the truṭi, and you are the ghaṭī, and the muhūrta and the moment; you are the year, the seasons, the months, ever Time and the Person.
AI translation rendered from the Sanskrit, not a published edition
SkP-RK 94.24
नास्ति किंचित् त्वया हीनं त्रैलोक्ये सचराचरे । एवं स्तुता तु सा तेन कपिला परमेष्ठिना
nāsti kiṃcit tvayā hīnaṃ trailokye sacarācare / evaṃ stutā tu sā tena kapilā parameṣṭhinā
There is nothing in the three worlds, with its moving and unmoving beings, that is devoid of you." Thus praised by him, the supreme one, that tawny (cow)—
AI translation rendered from the Sanskrit, not a published edition
SkP-RK 94.25
तम् उवाच महाभागा प्रहृष्टा परमेष्ठिनम् । प्रसन्ना तव वाक्येन देवदेव जगद्गुरो
tam uvāca mahābhāgā prahṛṣṭā parameṣṭhinam / prasannā tava vākyena devadeva jagadguro
—the greatly fortunate one, delighted, said to him, to Parameṣṭhin: "I am pleased by your words, O god of gods, O teacher of the world."
AI translation rendered from the Sanskrit, not a published edition
SkP-RK 94.26
ब्रह्मोवाच: जगद्धिताय जनिता मया त्वं परमेश्वरि । स्वर्गान् मर्त्यमितो याहि लोकानां हितकाम्यया
brahmovāca: jagaddhitāya janitā mayā tvaṃ parameśvari / svargān martyamito yāhi lokānāṃ hitakāmyayā
Brahmā said: "You were begotten by me for the world's good, O supreme goddess; go from here, from heaven, to the mortal realm, out of a desire for the welfare of the worlds.
AI translation rendered from the Sanskrit, not a published edition
SkP-RK 94.27
सर्वदेवमयीं त्वां तु सर्वलोकमयीं तथा । विधिना ये प्रदास्यन्ति तेषां वासस् त्रिविष्टपे
sarvadevamayīṃ tvāṃ tu sarvalokamayīṃ tathā / vidhinā ye pradāsyanti teṣāṃ vāsas triviṣṭape
Those who, according to the rule, give you away—you who consist of all the gods and likewise of all the worlds—for them there is a dwelling in heaven."
AI translation rendered from the Sanskrit, not a published edition
SkP-RK 94.28
एवमुक्ता ततः पुण्या कपिला परमेष्ठिना । आजगाम भुवः पृष्ठे वन्द्यमाना सुरोत्तमैः
evamuktā tataḥ puṇyā kapilā parameṣṭhinā / ājagāma bhuvaḥ pṛṣṭhe vandyamānā surottamaiḥ
Thus addressed by Parameṣṭhin, the holy tawny (cow) then came to the surface of the earth, saluted by the foremost gods.
AI translation rendered from the Sanskrit, not a published edition
SkP-RK 94.29
पवित्रा वसुधा तेन संजाता पाण्डुनन्दन । तस्या अङ्गेषु ये देवास् तान् मे निगदतः शृणु
pavitrā vasudhā tena saṃjātā pāṇḍunandana / tasyā aṅgeṣu ye devās tān me nigadataḥ śṛṇu
By that the earth became purified, O son of Pāṇḍu. Hear from me as I tell which gods (dwell) in her limbs.
AI translation rendered from the Sanskrit, not a published edition
SkP-RK 94.30
मुखे ह्य् अग्निः स्थितो देवो दन्तेषु च भुजङ्गमाः । धाता विधाता चोष्ठौ च अश्विनौ कर्णसंस्थितौ
mukhe hy agniḥ sthito devo danteṣu ca bhujaṅgamāḥ / dhātā vidhātā coṣṭhau ca aśvinau karṇasaṃsthitau
In her mouth stands the god Agni, and in her teeth the serpents; Dhātṛ and Vidhātṛ are the two lips, and the Aśvins are seated in the ears.
AI translation rendered from the Sanskrit, not a published edition
SkP-RK 94.31
वज्रपाणिः स्थितः शृङ्गे शृङ्गमध्ये पितामहः । कालो मध्यगतस् तात पाशभृद् वरुणस् तथा
vajrapāṇiḥ sthitaḥ śṛṅge śṛṅgamadhye pitāmahaḥ / kālo madhyagatas tāta pāśabhṛd varuṇas tathā
The wielder of the thunderbolt stands in a horn, the Grandfather between the horns; Time is placed in the middle, dear one, and likewise Varuṇa the noose-bearer.
AI translation rendered from the Sanskrit, not a published edition
SkP-RK 94.32
यमश् च भगवान् देव आस्यस्योपरि संस्थितः । नाभिमध्ये स्थितश् छन्दो देवा जङ्घासु भारत
yamaś ca bhagavān deva āsyasyopari saṃsthitaḥ / nābhimadhye sthitaś chando devā jaṅghāsu bhārata
And the lord god Yama is stationed above the mouth; metre stands in the middle of the navel, and the gods in the shanks, O Bhārata.
AI translation rendered from the Sanskrit, not a published edition
SkP-RK 94.33
वसुन्धरा स्थिता नाभ्यां पर्वताः सन्धिषु स्थिताः । वृक्षा गुल्मानि वल्ल्यश् च सन्धिमार्गे व्यवस्थिताः
vasundharā sthitā nābhyāṃ parvatāḥ sandhiṣu sthitāḥ / vṛkṣā gulmāni vallyaś ca sandhimārge vyavasthitāḥ
The earth stands in the navel, the mountains are placed in the joints; trees, shrubs and creepers are set in the course of the joints.
AI translation rendered from the Sanskrit, not a published edition
SkP-RK 94.34
ऋषयो रोमकूपेषु संस्थिताः पाण्डुनन्दन । स्नायुस्थाः पितरः सर्वे प्रस्रवं सर्वतीर्थजम्
ṛṣayo romakūpeṣu saṃsthitāḥ pāṇḍunandana / snāyusthāḥ pitaraḥ sarve prasravaṃ sarvatīrthajam
The seers are stationed in the hair-pores, O son of Pāṇḍu; all the ancestors abide in the sinews; her flow (of urine) is born of all sacred fords.
AI translation rendered from the Sanskrit, not a published edition — the model flagged this verse as uncertain
SkP-RK 94.35
सर्वेषां गोमयं श्रेष्ठं पवित्रं पापनाशनम् । खुरेषु पन्नगाः सर्वे पुच्छाग्रे सूर्यरश्मयः
sarveṣāṃ gomayaṃ śreṣṭhaṃ pavitraṃ pāpanāśanam / khureṣu pannagāḥ sarve pucchāgre sūryaraśmayaḥ
Of all (things) cow-dung is the best, purifying, destroyer of sin; in her hooves are all the serpents, at the tip of her tail the rays of the sun.
AI translation rendered from the Sanskrit, not a published edition
SkP-RK 94.36
एवं भूता तु कपिला सर्वदेवमयी किल । ये ध्यायन्ति गृहे भक्त्या ते मुक्ता नात्र संशयः
evaṃ bhūtā tu kapilā sarvadevamayī kila / ye dhyāyanti gṛhe bhaktyā te muktā nātra saṃśayaḥ
Such indeed is the tawny cow, made up of all the gods; those who meditate (on her) in the house with devotion are liberated — there is no doubt of it.
AI translation rendered from the Sanskrit, not a published edition
SkP-RK 94.37
प्रातरुत्थाय यो भक्त्या नित्यं कुर्यात् प्रदक्षिणम् । प्रदक्षिणीकृता तेन सप्तद्वीपा वसुन्धरा
prātarutthāya yo bhaktyā nityaṃ kuryāt pradakṣiṇam / pradakṣiṇīkṛtā tena saptadvīpā vasundharā
He who, rising at dawn, would with devotion daily circumambulate (her) — by him the earth with its seven continents has been circumambulated.
AI translation rendered from the Sanskrit, not a published edition
SkP-RK 94.38
कपिलापञ्चगव्येन यः स्नापयति शङ्करम् । विष्णुं वा जगदाधारं सूर्यं वा त्व् अन्यदैवतम्
kapilāpañcagavyena yaḥ snāpayati śaṅkaram / viṣṇuṃ vā jagadādhāraṃ sūryaṃ vā tv anyadaivatam
He who bathes Śaṅkara with the five products of the tawny cow, or Viṣṇu the support of the world, or the Sun, or some other deity —
AI translation rendered from the Sanskrit, not a published edition
SkP-RK 94.39
पञ्चामृतेन संस्नाप्य भक्त्या गव्येन पाण्डव । अब्दं वा श्रोत्रिये नित्यं कपिलां यः प्रयच्छति
pañcāmṛtena saṃsnāpya bhaktyā gavyena pāṇḍava / abdaṃ vā śrotriye nityaṃ kapilāṃ yaḥ prayacchati
having bathed (the deity) with the five nectars, with devotion, with the cow's products, O Pāṇḍava; or he who for a year daily gives a tawny cow to a Vedic scholar —
AI translation rendered from the Sanskrit, not a published edition
SkP-RK 94.40
तुल्यम् एतत् फलं प्रोक्तं शङ्करेण युधिष्ठिर । य प्रदास्यति विप्राय रवितीर्थे सुयन्त्रितः
tulyam etat phalaṃ proktaṃ śaṅkareṇa yudhiṣṭhira / ya pradāsyati viprāya ravitīrthe suyantritaḥ
this fruit is declared equal by Śaṅkara, O Yudhiṣṭhira, (for) him who, well self-controlled, will give to a brahmin at the Sun's ford —
AI translation rendered from the Sanskrit, not a published edition
SkP-RK 94.41
कपिलां वाथ कृष्णां वा श्वेतां रक्तां च पाटलाम् । क्षीरिणीं तरुणीं शुभ्रां सवत्सां वस्त्रसंयुताम्
kapilāṃ vātha kṛṣṇāṃ vā śvetāṃ raktāṃ ca pāṭalām / kṣīriṇīṃ taruṇīṃ śubhrāṃ savatsāṃ vastrasaṃyutām
a tawny cow, or a black one, or a white, a red, or a pale-pink one, giving milk, young, bright, with her calf, provided with cloth,
AI translation rendered from the Sanskrit, not a published edition
SkP-RK 94.42
स्वर्णशृङ्गीं रौप्यखुरीं विष्णुरूपं द्विजं स्मरन् । आत्मानं विष्णुरूपं च धेनुम् आदित्यरूपिणीम्
svarṇaśṛṅgīṃ raupyakhurīṃ viṣṇurūpaṃ dvijaṃ smaran / ātmānaṃ viṣṇurūpaṃ ca dhenum ādityarūpiṇīm
with golden horns and silver-clad hooves — remembering the brahmin as the form of Viṣṇu, and himself as the form of Viṣṇu, and the cow as having the form of the Sun —
AI translation rendered from the Sanskrit, not a published edition
SkP-RK 94.43
यो ददाति महाबाहो तस्य वासस् त्रिविष्टपो । ब्रह्महत्या विनिर्मुक्तः सुरापानं च दारुणम्
yo dadāti mahābāho tasya vāsas triviṣṭapo / brahmahatyā vinirmuktaḥ surāpānaṃ ca dāruṇam
he who gives (this), O mighty-armed one, his dwelling is heaven; he is wholly released from the killing of a brahmin and from the dreadful drinking of liquor,
AI translation rendered from the Sanskrit, not a published edition
SkP-RK 94.44
गुर्वङ्गनागमः स्तेयो स्वामिद्रोहो गवां वधः । मित्रविश्वासघातं च गुरुनिन्दासमुद्भवम्
gurvaṅganāgamaḥ steyo svāmidroho gavāṃ vadhaḥ / mitraviśvāsaghātaṃ ca gurunindāsamudbhavam
(from) approaching the teacher's wife, theft, treachery to one's master, the slaying of cows, the betrayal of a friend's trust, and (the sin) arising from reviling one's teacher,
AI translation rendered from the Sanskrit, not a published edition
SkP-RK 94.45
स्थितिर्नष्टे च वंशे च निर्माल्यस्यावलङ्घनम् । कन्यागमागमश् चैव अभक्षस्य तु भक्षणम्
sthitirnaṣṭe ca vaṃśe ca nirmālyasyāvalaṅghanam / kanyāgamāgamaś caiva abhakṣasya tu bhakṣaṇam
and remaining (in a house) when the lineage has perished, the transgressing of what has been offered (nirmālya), and the approaching of a maiden, and the eating of what should not be eaten,
AI translation rendered from the Sanskrit, not a published edition — the model flagged this verse as uncertain
SkP-RK 94.46
वृषली गमनं रौद्रं कुरूपागमनोद्भवम् । अग्निदं गरदं चैव कूटसाक्ष्यसमुद्भवम्
vṛṣalī gamanaṃ raudraṃ kurūpāgamanodbhavam / agnidaṃ garadaṃ caiva kūṭasākṣyasamudbhavam
the terrible act of going to a śūdra woman, (the sin) arising from approaching an ugly woman, arson, poisoning, and (the sin) arising from false witness —
AI translation rendered from the Sanskrit, not a published edition
SkP-RK 94.47
तत्सर्वं नाशयेत् पापं धेनुर्दानेन पाण्डव । सुरभिसंगमे पुण्ये निष्ठुते पापनाशने
tatsarvaṃ nāśayet pāpaṃ dhenurdānena pāṇḍava / surabhisaṃgame puṇye niṣṭhute pāpanāśane
all that sin he would destroy by the gift of a cow, O Pāṇḍava, at the holy Surabhisaṃgama, where sin is destroyed by (mere) spitting.
AI translation rendered from the Sanskrit, not a published edition — the model flagged this verse as uncertain
SkP-RK 94.48
श्राद्धं प्रेतस्य यो भक्त्या दापयेत् कुन्तिनन्दन । तस्य प्रीतो भवेत् सूर्यः सुप्रीतो भव एव च
śrāddhaṃ pretasya yo bhaktyā dāpayet kuntinandana / tasya prīto bhavet sūryaḥ suprīto bhava eva ca
He who with devotion has the śrāddha performed for a departed one, O son of Kuntī — with him the Sun is pleased, and Bhava (Śiva) too is well pleased.
AI translation rendered from the Sanskrit, not a published edition
SkP-RK 94.49
दानं यद् दीयते तत्र सूर्यम् उद्दिश्य भक्तितः । मित्रलोके सुखं याति नर्मदायाः प्रसादतः
dānaṃ yad dīyate tatra sūryam uddiśya bhaktitaḥ / mitraloke sukhaṃ yāti narmadāyāḥ prasādataḥ
Whatever gift is given there out of devotion, designating it for the Sun, (the giver) goes happily to the world of Mitra by the grace of the Narmadā.
AI translation rendered from the Sanskrit, not a published edition
SkP-RK 94.50
दधिच्छन्दे मधुच्छन्दे देवयाने सुखप्रदे । भीमेश्वरे कुरुश्रेष्ठ समं पुण्यं प्रशस्यते
dadhicchande madhucchande devayāne sukhaprade / bhīmeśvare kuruśreṣṭha samaṃ puṇyaṃ praśasyate
At Dadhicchanda, at Madhucchanda, at Devayāna the bestower of happiness, and at Bhīmeśvara, O best of the Kurus, equal merit is extolled.
AI translation rendered from the Sanskrit, not a published edition
SkP-RK 94.51
पृथिव्यां सागरान्तायां प्रख्यातं तीर्थपञ्चकम् । ये न जानन्ति भूमिस्था ते मृता नात्र संशयः
pṛthivyāṃ sāgarāntāyāṃ prakhyātaṃ tīrthapañcakam / ye na jānanti bhūmisthā te mṛtā nātra saṃśayaḥ
On the earth bounded by the ocean, these five fords are renowned; those dwelling on the earth who do not know them are (as good as) dead — there is no doubt of it.
AI translation rendered from the Sanskrit, not a published edition
SkP-RK 94.52
स्नानं देवार्चनं जाप्यं होमं ब्राह्मणपूजनम् । भूमिदानेन वस्त्रेण अन्नदानेन भक्तितः
snānaṃ devārcanaṃ jāpyaṃ homaṃ brāhmaṇapūjanam / bhūmidānena vastreṇa annadānena bhaktitaḥ
Bathing, worship of the gods, muttered prayer, oblation, honouring of brahmins; by the gift of land, by cloth, by the gift of food given with devotion,
AI translation rendered from the Sanskrit, not a published edition
SkP-RK 94.53
उपानच्छत्रशयाना गृहदानेन पाण्डव । ग्रामकन्याप्रदानेन गजदानहयेन च
upānacchatraśayānā gṛhadānena pāṇḍava / grāmakanyāpradānena gajadānahayena ca
by (the gift of) sandals, umbrella and bedding, by the gift of a house, O Pāṇḍava, by the bestowing of a village and of a maiden, and by the gift of an elephant and a horse,
AI translation rendered from the Sanskrit, not a published edition
SkP-RK 94.54
विद्याशकटदानेन सर्वेषाम् अभयप्रदः । स याति सर्वतीर्थानि रवितीर्थं युधिष्ठिर
vidyāśakaṭadānena sarveṣām abhayapradaḥ / sa yāti sarvatīrthāni ravitīrthaṃ yudhiṣṭhira
by the gift of learning and of a cart, (and by) being a giver of safety to all — he attains all the fords (by resorting to) the Sun's ford, O Yudhiṣṭhira.
AI translation rendered from the Sanskrit, not a published edition — the model flagged this verse as uncertain
SkP-RK 94.55
तीर्थयात्राप्रभावेण व्याधयो यान्ति संक्षयम् । शत्रवो मित्रतां यान्ति विषं वा ह्य् अमृतायते
tīrthayātrāprabhāveṇa vyādhayo yānti saṃkṣayam / śatravo mitratāṃ yānti viṣaṃ vā hy amṛtāyate
By the power of pilgrimage to holy fords diseases come to destruction; enemies turn into friends, and even poison becomes nectar.
AI translation rendered from the Sanskrit, not a published edition
SkP-RK 94.56
ग्रहाः सर्वे ऽभवन् प्रीताः प्रीतस् तस्य दिवाकरः । तीर्थस्यास्य पयः पीत्वा यत् पुण्यं जायते नृणाम्
grahāḥ sarve 'bhavan prītāḥ prītas tasya divākaraḥ / tīrthasyāsya payaḥ pītvā yat puṇyaṃ jāyate nṛṇām
All the planets became pleased, and the Sun was pleased with him. (Hear) what merit arises for men from drinking the water of this holy ford.
AI translation rendered from the Sanskrit, not a published edition — the model flagged this verse as uncertain
SkP-RK 94.57
अब्दम् अश्वत्थसेवायां कपिलायास् तु दानतः । तत्फलं कथयिष्यामि भक्त्या तव महीपते
abdam aśvatthasevāyāṃ kapilāyās tu dānataḥ / tatphalaṃ kathayiṣyāmi bhaktyā tava mahīpate
(Of) attending upon the aśvattha tree for a year, and of the gift of a tawny cow — that fruit I shall relate to you out of devotion, O lord of the earth.
AI translation rendered from the Sanskrit, not a published edition — the model flagged this verse as uncertain
SkP-RK 94.58
पापाः सर्वे विलीयन्ते भिन्नपात्रे जलं यथा । तीर्थस्याभिमुखं वृत्तं गच्छतां नात्र संशयः
pāpāḥ sarve vilīyante bhinnapātre jalaṃ yathā / tīrthasyābhimukhaṃ vṛttaṃ gacchatāṃ nātra saṃśayaḥ
All sins dissolve away, as water (does) in a broken vessel, for those who go, having set their course toward the holy ford — there is no doubt in this.
AI translation rendered from the Sanskrit, not a published edition