Skanda Purana — Reva Khanda — Chapter 85
SkP-RK 85.1
मार्कण्डेय उवाच: शङ्खं चक्रं गदां पाशं संगृह्य परमेश्वरः । उत्थितः शयनात् तूर्णं देवानां च जयप्रदः
mārkaṇḍeya uvāca: śaṅkhaṃ cakraṃ gadāṃ pāśaṃ saṃgṛhya parameśvaraḥ / utthitaḥ śayanāt tūrṇaṃ devānāṃ ca jayapradaḥ
Mārkaṇḍeya said: Taking up the conch, the discus, the mace and the noose, the supreme lord rose swiftly from his couch, the giver of victory to the gods.
AI translation rendered from the Sanskrit, not a published edition
SkP-RK 85.2
केशव उवाच: पाताले यदि वा स्वर्गे मर्त्ये वा यदि वा सुराः । अन्धकं तं वधिष्यामि येन सन्तापितास् सुराः
keśava uvāca: pātāle yadi vā svarge martye vā yadi vā surāḥ / andhakaṃ taṃ vadhiṣyāmi yena santāpitās surāḥ
Keśava said: Whether in the netherworld or in heaven or in the mortal world, O gods, I shall slay that Andhaka by whom the gods have been tormented.
AI translation rendered from the Sanskrit, not a published edition
SkP-RK 85.3
गच्छन्तु स्वगृहं देवास् सन्तोषे भावितात्मनः । विष्णोस् तु वचनं श्रुत्वा ब्रह्माद्यास् तु सवासवाः
gacchantu svagṛhaṃ devās santoṣe bhāvitātmanaḥ / viṣṇos tu vacanaṃ śrutvā brahmādyās tu savāsavāḥ
"Let the gods go to their own homes, their minds set in contentment." And hearing Viṣṇu's words, Brahmā and the rest, together with Vāsava,
AI translation rendered from the Sanskrit, not a published edition
SkP-RK 85.4
स्वं स्वं यानं समारुह्य हृदि तुष्टा दिवं ययुः । ततो देवो माधवस् तु यत्र तिष्ठति चान्धकः
svaṃ svaṃ yānaṃ samāruhya hṛdi tuṣṭā divaṃ yayuḥ / tato devo mādhavas tu yatra tiṣṭhati cāndhakaḥ
each mounting his own vehicle, glad at heart, went to heaven. Then the god Mādhava (went) to where Andhaka was staying.
AI translation rendered from the Sanskrit, not a published edition
SkP-RK 85.5
तत्र गत्वा हृषीकेश आग्नेयास्त्रं मुमोच ह । दृष्ट्वा ज्वलन्तं चाग्नेयं केशवेन विसर्जितम्
tatra gatvā hṛṣīkeśa āgneyāstraṃ mumoca ha / dṛṣṭvā jvalantaṃ cāgneyaṃ keśavena visarjitam
Going there, Hṛṣīkeśa released the fire-weapon. Seeing the blazing fire-weapon discharged by Keśava,
AI translation rendered from the Sanskrit, not a published edition
SkP-RK 85.6
विसर्जयामास तदा वारुणं चास्त्रम् उत्तमम् । वारुणास्त्रेण बाणेन आग्नेय शोषितं तदा
visarjayāmāsa tadā vāruṇaṃ cāstram uttamam / vāruṇāstreṇa bāṇena āgneya śoṣitaṃ tadā
(Andhaka) then discharged the excellent weapon of Varuṇa; and then by the Varuṇa-weapon arrow the fire-weapon was dried up.
AI translation rendered from the Sanskrit, not a published edition
SkP-RK 85.7
अन्धकश् चिन्तयामास केन बाणो विसर्जितः । कस्येयं पौरुषी शक्तिः को यास्यति यमालयम्
andhakaś cintayāmāsa kena bāṇo visarjitaḥ / kasyeyaṃ pauruṣī śaktiḥ ko yāsyati yamālayam
Andhaka wondered: "By whom has the arrow been released? Whose is this manly power? Who is it that will go to Yama's abode?"
AI translation rendered from the Sanskrit, not a published edition
SkP-RK 85.8
ततो ऽन्धकः कोपयुक्तो बाणमार्गस्य संचरन् । दृष्ट्वा युद्धपथे प्राप्तं देवं तं चान्धको ऽब्रवीत्
tato 'ndhakaḥ kopayukto bāṇamārgasya saṃcaran / dṛṣṭvā yuddhapathe prāptaṃ devaṃ taṃ cāndhako 'bravīt
Then Andhaka, filled with anger, moving along the arrow's path, saw the god arrived on the field of battle, and Andhaka said:
AI translation rendered from the Sanskrit, not a published edition
SkP-RK 85.9
न शर्म प्राप्नुषे चात्र मम दृष्ट्या निरीक्षितः । तथा न शक्नुषे त्वं तु शार्दूलाद् गवयो हरे
na śarma prāpnuṣe cātra mama dṛṣṭyā nirīkṣitaḥ / tathā na śaknuṣe tvaṃ tu śārdūlād gavayo hare
"You will find no safety here, once looked upon by my eye; and just so you have no power (against me), Hari — (no more than) a gayal against a tiger."
AI translation rendered from the Sanskrit, not a published edition
SkP-RK 85.10
आगतं च यथाभक्षं मार्जारस्य च मूषकम् । तथा न शक्नुषे त्वं तु संस्थितो ऽपि ममाग्रतः
āgataṃ ca yathābhakṣaṃ mārjārasya ca mūṣakam / tathā na śaknuṣe tvaṃ tu saṃsthito 'pi mamāgrataḥ
"And as a mouse that has come within reach is food for a cat, so you have no power, though you stand before me."
AI translation rendered from the Sanskrit, not a published edition
SkP-RK 85.11
ततस् तु देव देवेशं शङ्खचक्रगदाधरम् । चतुर्भुजावदात् तं च द्वन्द्वयुद्धप्रदायिनम्
tatas tu deva deveśaṃ śaṅkhacakragadādharam / caturbhujāvadāt taṃ ca dvandvayuddhapradāyinam
Then the four-armed one spoke to that god, the lord of gods, bearer of conch, discus and mace, the granter of single combat.
AI translation rendered from the Sanskrit, not a published edition — the model flagged this verse as uncertain
SkP-RK 85.12
अन्धक उवाच: जय कृष्ण परस्त्वं हि विष्णो जिष्णो नमो नमः
andhaka uvāca: jaya kṛṣṇa parastvaṃ hi viṣṇo jiṣṇo namo namaḥ
Andhaka said: Victory to you, Kṛṣṇa! You indeed are the highest, O Viṣṇu, O victorious one — homage, homage!
AI translation rendered from the Sanskrit, not a published edition
SkP-RK 85.13
हृषीकेशाय केशाय जगद्धात्रे ऽच्युताय च । नमः पङ्कजनाभाय नमः पङ्कजमालिने
hṛṣīkeśāya keśāya jagaddhātre 'cyutāya ca / namaḥ paṅkajanābhāya namaḥ paṅkajamāline
To Hṛṣīkeśa, to Keśa, to the maker of the world, to Acyuta; homage to him whose navel is a lotus, homage to him who wears a lotus garland.
AI translation rendered from the Sanskrit, not a published edition
SkP-RK 85.14
जनार्दनाय देवाय पीताम्बरधराय च । गोविन्दाय नमो नित्यं नमश्चोदधिशायिने
janārdanāya devāya pītāmbaradharāya ca / govindāya namo nityaṃ namaścodadhiśāyine
To Janārdana the god, and to him who wears the yellow garment; homage always to Govinda, and homage to him who lies upon the ocean.
AI translation rendered from the Sanskrit, not a published edition
SkP-RK 85.15
नमः करालवक्त्राय नृसिंहाय निनादिने । शार्ङ्गिणे स्मितवक्त्राय शङ्खचक्रगदाभृते
namaḥ karālavaktrāya nṛsiṃhāya ninādine / śārṅgiṇe smitavaktrāya śaṅkhacakragadābhṛte
Homage to him of the gaping mouth, to the roaring Man-Lion; to the bearer of the Śārṅga bow, to him of the smiling face, to him who holds conch, discus and mace.
AI translation rendered from the Sanskrit, not a published edition
SkP-RK 85.16
नमो वामनरूपाय क्रान्तलोकत्रयाय च । नमो वराहरूपाय यज्ञरूपाय ते नमः
namo vāmanarūpāya krāntalokatrayāya ca / namo varāharūpāya yajñarūpāya te namaḥ
Homage to him whose form is the Dwarf, and who strode across the three worlds; homage to him whose form is the Boar — homage to you whose form is sacrifice.
AI translation rendered from the Sanskrit, not a published edition
SkP-RK 85.17
वासुदेव नमस्तुभ्यं नमः कैटभनाशिने । वसुदेवसुतश्चेश नमस्ते सुरनायक
vāsudeva namastubhyaṃ namaḥ kaiṭabhanāśine / vasudevasutaśceśa namaste suranāyaka
Vāsudeva, homage to you; homage to the destroyer of Kaiṭabha; and you are the son of Vasudeva, O lord — homage to you, leader of the gods.
AI translation rendered from the Sanskrit, not a published edition
SkP-RK 85.18
विष्णो देवाधिदेवेश जगद्धातः प्रजापते । प्रणामं ये ऽपि कुर्वन्ति तेभ्यश् चापि नमो नमः
viṣṇo devādhideveśa jagaddhātaḥ prajāpate / praṇāmaṃ ye 'pi kurvanti tebhyaś cāpi namo namaḥ
O Viṣṇu, lord and god above the gods, maker of the world, lord of creatures — and to those too who make obeisance (to you), homage, homage!
AI translation rendered from the Sanskrit, not a published edition
SkP-RK 85.19
समस्तभूतदेवाय वासुदेवाय धीमते । तस्मै यज्ञवराहाय विष्णवे ऽमिततेजसे
samastabhūtadevāya vāsudevāya dhīmate / tasmai yajñavarāhāya viṣṇave 'mitatejase
(Homage) to the god of all beings, to the wise Vāsudeva, to him, the sacrificial Boar, to Viṣṇu of measureless splendour.
AI translation rendered from the Sanskrit, not a published edition
SkP-RK 85.20
देव उवाच: तुष्टो ह्य् अहं दानवेन्द्र वरं वृणु यथेप्सितम्
deva uvāca: tuṣṭo hy ahaṃ dānavendra varaṃ vṛṇu yathepsitam
The god said: I am pleased, O lord of the Dānavas; choose a boon as you desire.
AI translation rendered from the Sanskrit, not a published edition
SkP-RK 85.21
अन्धक उवाच: यदि तुष्टो ऽसि मे देव वरं दातुम् इहेच्छसि
andhaka uvāca: yadi tuṣṭo 'si me deva varaṃ dātum ihecchasi
Andhaka said: If you are pleased with me, O god, and wish to grant a boon here —
AI translation rendered from the Sanskrit, not a published edition
SkP-RK 85.22
श्रीभगवान् उवाच: कथं ददामि ते युद्धं तोषितो ऽहं त्वया पुनः
śrībhagavān uvāca: kathaṃ dadāmi te yuddhaṃ toṣito 'haṃ tvayā punaḥ
The Blessed Lord said: How am I to give you battle, when I have been pleased by you?
AI translation rendered from the Sanskrit, not a published edition
SkP-RK 85.23
न त्वां प्रति भवेत् कोपः कथं युध्ये ऽहम् अन्धक । यदि ते वर्तते बुद्धिर् युद्धं प्रति न संशयः
na tvāṃ prati bhavet kopaḥ kathaṃ yudhye 'ham andhaka / yadi te vartate buddhir yuddhaṃ prati na saṃśayaḥ
No anger toward you could arise; how then should I fight, Andhaka? Yet if your mind is set on battle, there is no doubt (of it).
AI translation rendered from the Sanskrit, not a published edition
SkP-RK 85.24
अन्धक उवाच: प्रसादात् तस्य देवस्य विजयी भुवनत्रये
andhaka uvāca: prasādāt tasya devasya vijayī bhuvanatraye
Andhaka said: By the favour of that god I am victorious in the three worlds.
AI translation rendered from the Sanskrit, not a published edition
SkP-RK 85.25
कथं युद्धं चरे तेन शङ्करेण वदस्व नः । एतच् छ्रुत्वा दानवस्य भगवान् अब्रवीद् इदम्
kathaṃ yuddhaṃ care tena śaṅkareṇa vadasva naḥ / etac chrutvā dānavasya bhagavān abravīd idam
How may I wage war with that Śaṅkara? Tell us. Hearing this from the Dānava, the Blessed Lord said this:
AI translation rendered from the Sanskrit, not a published edition
SkP-RK 85.26
अहं ते कथयिष्यामि येन युद्धं त्वया सह । कैलासशिखरं गत्वा धुनु तं च पुनः पुनः
ahaṃ te kathayiṣyāmi yena yuddhaṃ tvayā saha / kailāsaśikharaṃ gatvā dhunu taṃ ca punaḥ punaḥ
I shall tell you the means by which he will fight with you: go to the peak of Kailāsa and shake it again and again.
AI translation rendered from the Sanskrit, not a published edition
SkP-RK 85.27
धुनिते पर्वते तस्मिन् कम्पितं भुवनत्रयम् । पतन्ति शिखराग्राणि शीर्यमाणान्यनेकशः
dhunite parvate tasmin kampitaṃ bhuvanatrayam / patanti śikharāgrāṇi śīryamāṇānyanekaśaḥ
When that mountain is shaken, the three worlds are made to tremble; the tips of the peaks fall, shattering in many pieces.
AI translation rendered from the Sanskrit, not a published edition
SkP-RK 85.28
चत्वारः सागरा राजन्नेकीभूताः समन्ततः । उमया सहितो रुद्रो विषयासक्तचेतनः
catvāraḥ sāgarā rājannekībhūtāḥ samantataḥ / umayā sahito rudro viṣayāsaktacetanaḥ
The four oceans, O king, become one on every side; and Rudra, together with Umā, his mind fixed on pleasure —
AI translation rendered from the Sanskrit, not a published edition
SkP-RK 85.29
कम्पमानश् च पतितः पार्वत्या सह शङ्करः । गाढमालिङ्ग्य देवेशम् उमा वचनम् अब्रवीत्
kampamānaś ca patitaḥ pārvatyā saha śaṅkaraḥ / gāḍhamāliṅgya deveśam umā vacanam abravīt
And Śaṅkara, trembling, fell down together with Pārvatī; embracing the lord of the gods tightly, Umā spoke these words:
AI translation rendered from the Sanskrit, not a published edition
SkP-RK 85.30
किमर्थं कम्पते शैलः कथं वै कम्पते धरा । पातालानि तु सप्तैव कम्पते स्वर्गसप्तकम्
kimarthaṃ kampate śailaḥ kathaṃ vai kampate dharā / pātālāni tu saptaiva kampate svargasaptakam
"Why does the mountain quake? How indeed does the earth shake? The seven netherworlds quake, and the sevenfold heaven (too)."
AI translation rendered from the Sanskrit, not a published edition
SkP-RK 85.31
महेश्वर उवाच: कस्यैषा दुर्मतिर् जाता ऽपि पार्श्वचरस्य नु
maheśvara uvāca: kasyaiṣā durmatir jātā 'pi pārśvacarasya nu
Maheśvara said: "Whose is this evil-mindedness that has arisen — even of one who walks at (my) side?
AI translation rendered from the Sanskrit, not a published edition
SkP-RK 85.32
ललाटे चेद् अयं भग्नः प्रयास्यति यमालयम् । कैलासे संस्थितो ध्याने सुप्तो ऽहं प्रतिबोधितः
lalāṭe ced ayaṃ bhagnaḥ prayāsyati yamālayam / kailāse saṃsthito dhyāne supto 'haṃ pratibodhitaḥ
If this one is broken on the forehead, he will go to Yama's abode. Established on Kailāsa in meditation, I was asleep and have been woken up.
AI translation rendered from the Sanskrit, not a published edition
SkP-RK 85.33
वधिष्ये तं न सन्देहः षण्मुखो वा भवेद् यदि । ततः स चिन्तयामास जानातीत्यन्धको ऽप्य् अयम्
vadhiṣye taṃ na sandehaḥ ṣaṇmukho vā bhaved yadi / tataḥ sa cintayāmāsa jānātītyandhako 'py ayam
I shall slay him, there is no doubt, even if he were six-faced." Then he reflected: "This Andhaka too knows (this)."
AI translation rendered from the Sanskrit, not a published edition
SkP-RK 85.34
उपायं चिन्तयामास येनासौ वध्यते क्षणात् । ततस् समागता देवा इन्द्रब्रह्मपुरोगमाः
upāyaṃ cintayāmāsa yenāsau vadhyate kṣaṇāt / tatas samāgatā devā indrabrahmapurogamāḥ
He pondered a means by which that one might be slain in an instant. Then the gods came together, led by Indra and Brahmā.
AI translation rendered from the Sanskrit, not a published edition
SkP-RK 85.35
रथं देवमयं कृत्वा सर्वलक्षणसंयुतम् । केचिद् देवाः स्थिताश् चक्रे केचित् तुण्डाग्रसंस्थिताः
rathaṃ devamayaṃ kṛtvā sarvalakṣaṇasaṃyutam / kecid devāḥ sthitāś cakre kecit tuṇḍāgrasaṃsthitāḥ
Having made a chariot consisting of the gods, furnished with every (auspicious) mark — some gods stood in the wheel, some were placed at the tip of the pole,
AI translation rendered from the Sanskrit, not a published edition
SkP-RK 85.36
केचिदक्षे स्थिता राजन् युगरश्मिषु संस्थिताः । रथस्तम्भे ध्वजाग्रे तु केचिद् अन्यत्र संस्थिताः
kecidakṣe sthitā rājan yugaraśmiṣu saṃsthitāḥ / rathastambhe dhvajāgre tu kecid anyatra saṃsthitāḥ
some, O king, stood on the axle, (some) were stationed among the yoke and the reins; some stood at the chariot's post, at the tip of the banner, and others elsewhere.
AI translation rendered from the Sanskrit, not a published edition
SkP-RK 85.37
एवं देवमयं कृत्वा समारूढो जगत्प्रभुः । निर्ययौ दानवो यत्र क्रोधेना ऽपि महेश्वरः
evaṃ devamayaṃ kṛtvā samārūḍho jagatprabhuḥ / niryayau dānavo yatra krodhenā 'pi maheśvaraḥ
Having thus made (the chariot) of the gods, the lord of the world mounted it; and Maheśvara went forth in anger to where the demon was.
AI translation rendered from the Sanskrit, not a published edition
SkP-RK 85.38
दानवानर्दयामास आकाशं चाशुमान् इव । न तत्र दृश्यते सूर्यो न काष्ठा न च चन्द्रमाः
dānavānardayāmāsa ākāśaṃ cāśumān iva / na tatra dṛśyate sūryo na kāṣṭhā na ca candramāḥ
He crushed the demons and the sky as well, like the swift(-rayed) one; there neither the sun was seen, nor the quarters, nor the moon.
AI translation rendered from the Sanskrit, not a published edition — the model flagged this verse as uncertain
SkP-RK 85.39
ततो दानवराजेन आग्नेयास्त्रं सुयोजितम् । दह्यमानं शरैस् तत्र सर्वं गीर्वाणमण्डलम्
tato dānavarājena āgneyāstraṃ suyojitam / dahyamānaṃ śarais tatra sarvaṃ gīrvāṇamaṇḍalam
Then the fire-weapon was well fitted (to the bow) by the king of the demons, and there the whole circle of the gods was burned by (its) arrows.
AI translation rendered from the Sanskrit, not a published edition
SkP-RK 85.40
दह्यमानाः शरैश् चैवं देवं शरणमाययुः । ततो देवाधिदेवेन वारुणास्त्रं विसर्जितम्
dahyamānāḥ śaraiś caivaṃ devaṃ śaraṇamāyayuḥ / tato devādhidevena vāruṇāstraṃ visarjitam
Thus being burned by the arrows, they went to the god for refuge; then the water-weapon was released by the god of gods.
AI translation rendered from the Sanskrit, not a published edition
SkP-RK 85.41
वारुणास्त्रेण तेनैव आग्नेयास्त्रं प्रशामितम् । दानवेन ततो मुक्तं वायव्यास्त्रं नृपोत्तम
vāruṇāstreṇa tenaiva āgneyāstraṃ praśāmitam / dānavena tato muktaṃ vāyavyāstraṃ nṛpottama
By that very water-weapon the fire-weapon was quenched; then the wind-weapon was loosed by the demon, O best of kings.
AI translation rendered from the Sanskrit, not a published edition
SkP-RK 85.42
पन्नगास्त्रं च देवो ऽपि कोपाविष्टः प्रमुक्तवान् । मारुतो भक्षितः सर्पैः क्रोधाविष्टैर् न संशयः
pannagāstraṃ ca devo 'pi kopāviṣṭaḥ pramuktavān / māruto bhakṣitaḥ sarpaiḥ krodhāviṣṭair na saṃśayaḥ
And the god too, possessed by wrath, let loose the serpent-weapon; the wind was devoured by the serpents, possessed by anger — there is no doubt.
AI translation rendered from the Sanskrit, not a published edition
SkP-RK 85.43
दानवेन तदा मुक्तं गरुडास्त्रं बलीयसा । तेन तच् छतधा नीतं पन्नगास्त्रं न दृश्यते
dānavena tadā muktaṃ garuḍāstraṃ balīyasā / tena tac chatadhā nītaṃ pannagāstraṃ na dṛśyate
Then the mighty demon released the Garuḍa-weapon; by it that serpent-weapon was reduced to a hundred pieces and was seen no more.
AI translation rendered from the Sanskrit, not a published edition
SkP-RK 85.44
ततो देवाधिदेवेन नारसिंहं विसर्जितम् । अस्त्रैरस्त्राणि संवार्य युध्येते च परस्परम्
tato devādhidevena nārasiṃhaṃ visarjitam / astrairastrāṇi saṃvārya yudhyete ca parasparam
Then the god of gods discharged the Man-Lion (weapon); warding off weapons with weapons, the two fought each other.
AI translation rendered from the Sanskrit, not a published edition
SkP-RK 85.45
समं युद्धम् अभूत् तात सुरासुरभयङ्करम् । चक्रेणालीकनाराचैस्तोमरैः खड्गमुद्गरैः
samaṃ yuddham abhūt tāta surāsurabhayaṅkaram / cakreṇālīkanārācaistomaraiḥ khaḍgamudgaraiḥ
The battle was even, my dear, terrifying to gods and demons — with discus, with alīka-arrows and nārāca-arrows, with lances, swords and mallets,
AI translation rendered from the Sanskrit, not a published edition
SkP-RK 85.46
वत्सदन्तैस् तथा भल्लैः कर्णिकारैश् च शोभनैः । एवं न शक्यते हन्तुं दानवैर् विविधायुधैः
vatsadantais tathā bhallaiḥ karṇikāraiś ca śobhanaiḥ / evaṃ na śakyate hantuṃ dānavair vividhāyudhaiḥ
with 'calf-tooth' shafts and with bhalla-arrows and with fine karṇikāra-arrows; thus he could not be killed by the demons with their various weapons.
AI translation rendered from the Sanskrit, not a published edition
SkP-RK 85.47
ततो दंष्ट्राकरालेन खड्गनाराचतोमरैः । श्वश्रून् दृष्ट्वा यथा याति लज्जमाना ह्य् अधोमुखी
tato daṃṣṭrākarālena khaḍganārācatomaraiḥ / śvaśrūn dṛṣṭvā yathā yāti lajjamānā hy adhomukhī
Then, by (the demon) grim with tusks, with swords, nārāca-arrows and lances — as a woman goes, ashamed and with face downcast, on seeing her mothers-in-law —
AI translation rendered from the Sanskrit, not a published edition — the model flagged this verse as uncertain
SkP-RK 85.48
न संस्पृशन्ति गात्राणि शस्ता गौडवधूर्यथा । आयुधानि ततस् त्यक्त्वा बाहुयुद्धम् उपस्थितौ
na saṃspṛśanti gātrāṇi śastā gauḍavadhūryathā / āyudhāni tatas tyaktvā bāhuyuddham upasthitau
(the weapons) hurled do not touch the limbs, like a Gauḍa bride. Then, abandoning their weapons, the two took to fighting with their arms.
AI translation rendered from the Sanskrit, not a published edition — the model flagged this verse as uncertain
SkP-RK 85.49
करैः करांस् तु संगृह्य प्रहरन्तौ हि मुष्टिभिः । बन्धैः करप्रहाराद्यैर् युध्येते स्म परस्परम्
karaiḥ karāṃs tu saṃgṛhya praharantau hi muṣṭibhiḥ / bandhaiḥ karaprahārādyair yudhyete sma parasparam
Seizing each other's hands with their hands, striking with fists, they fought each other with grapples, blows of the hand, and the like.
AI translation rendered from the Sanskrit, not a published edition
SkP-RK 85.50
दानवो ऽपि च तं देवं कक्षान्तरम् अपीडयत् । निश्चेष्टश् च तदा देवो मूर्छितस् तु महेश्वरः
dānavo 'pi ca taṃ devaṃ kakṣāntaram apīḍayat / niśceṣṭaś ca tadā devo mūrchitas tu maheśvaraḥ
And the Dānava squeezed that god in the region of his armpit; and then the god, Maheśvara, became motionless and fainted.
AI translation rendered from the Sanskrit, not a published edition
SkP-RK 85.51
मूर्च्छागतं तु तं ज्ञात्वा चिन्तयामास दानवः । हा हा कष्टं कृतं वाद्य पापेन च दुरात्मना
mūrcchāgataṃ tu taṃ jñātvā cintayāmāsa dānavaḥ / hā hā kaṣṭaṃ kṛtaṃ vādya pāpena ca durātmanā
But knowing him to have fallen into a faint, the Dānava reflected: "Alas, alas! A cruel thing has been done today by me, a sinner, an evil-souled one."
AI translation rendered from the Sanskrit, not a published edition
SkP-RK 85.52
किं नु कार्यं मया चात्र कथं वापि व्रजाम्य् अहम् । तं गृहीत्वाथ देवेशं गतः कैलासपर्वतम्
kiṃ nu kāryaṃ mayā cātra kathaṃ vāpi vrajāmy aham / taṃ gṛhītvātha deveśaṃ gataḥ kailāsaparvatam
"What then should be done by me here, and how am I to go?" Then, taking up the lord of gods, he went to Mount Kailāsa.
AI translation rendered from the Sanskrit, not a published edition
SkP-RK 85.53
मुक्त्वा शयानम्मुच्चेतम् अन्धको ऽपि ययौ क्षणात् । ततस् स चेतनो भूत्वा देवदेवो महेश्वरः
muktvā śayānammuccetam andhako 'pi yayau kṣaṇāt / tatas sa cetano bhūtvā devadevo maheśvaraḥ
And Andhaka, having released him as he lay unconscious, departed in an instant; then that god of gods, Maheśvara, regained consciousness.
AI translation rendered from the Sanskrit, not a published edition — the model flagged this verse as uncertain
SkP-RK 85.54
यावत् पश्यति चात्मानं स्वकीये भवने स्थितम् । तावत् स चिन्तयामास पराभूतो दुरात्मना
yāvat paśyati cātmānaṃ svakīye bhavane sthitam / tāvat sa cintayāmāsa parābhūto durātmanā
As soon as he saw himself situated in his own dwelling, he reflected that he had been defeated by that evil-souled one.
AI translation rendered from the Sanskrit, not a published edition
SkP-RK 85.55
क्रोधवेगसमाविष्टो निर्ययौ दानवं प्रति । आयसं लगुडं धृत्वा प्रभुर् भारसहस्रकम्
krodhavegasamāviṣṭo niryayau dānavaṃ prati / āyasaṃ laguḍaṃ dhṛtvā prabhur bhārasahasrakam
Overcome by a rush of anger, he went forth against the Dānava, the Lord having taken up an iron club weighing a thousand loads.
AI translation rendered from the Sanskrit, not a published edition
SkP-RK 85.56
दानवं दृष्टवान् देवः प्राक्षिपत् तस्य मूर्धनि । खड्गेन ताडयामास दानवः प्रहसन् रणे
dānavaṃ dṛṣṭavān devaḥ prākṣipat tasya mūrdhani / khaḍgena tāḍayāmāsa dānavaḥ prahasan raṇe
The god saw the Dānava and hurled it at his head; the Dānava, laughing in the battle, struck (it away) with his sword.
AI translation rendered from the Sanskrit, not a published edition
SkP-RK 85.57
गृहीत्वा देव देवेशः कौवेरं बाणमुत्तमम् । हृदये ताडयामास ज्वलितेन च तत्क्षणात्
gṛhītvā deva deveśaḥ kauveraṃ bāṇamuttamam / hṛdaye tāḍayāmāsa jvalitena ca tatkṣaṇāt
Then the lord of gods, taking up the excellent arrow of Kubera, blazing, struck him at that very moment in the heart.
AI translation rendered from the Sanskrit, not a published edition
SkP-RK 85.58
ततस् स दानवस् तत्र रुधिरोद्गारमुद्गिरन् । अधोमुखस् ततो भूत्वा शूलेन विदलीकृतः
tatas sa dānavas tatra rudhirodgāramudgiran / adhomukhas tato bhūtvā śūlena vidalīkṛtaḥ
Thereupon that Dānava, vomiting forth a flow of blood there, then turned face-downward and was split open by the trident.
AI translation rendered from the Sanskrit, not a published edition
SkP-RK 85.59
शूलाग्रविक्षतः पापश् चक्रवद् भ्रमते तदा । ये तु भूमौ पतन्ति स्म देहतो रक्तबिन्दवः
śūlāgravikṣataḥ pāpaś cakravad bhramate tadā / ye tu bhūmau patanti sma dehato raktabindavaḥ
Wounded by the trident's point, the evil one then whirled about like a wheel; and the drops of blood that fell to the ground from his body—
AI translation rendered from the Sanskrit, not a published edition
SkP-RK 85.60
तेभ्य उदभवन् पापा दानवाः शस्त्रपाणयः । व्याकुलश् च ततो देवो दानवैश् च पुनः पुनः
tebhya udabhavan pāpā dānavāḥ śastrapāṇayaḥ / vyākulaś ca tato devo dānavaiś ca punaḥ punaḥ
—from them arose evil Dānavas with weapons in their hands; and then the god was harassed again and again by the Dānavas.
AI translation rendered from the Sanskrit, not a published edition
SkP-RK 85.61
देवेन संस्मृता दुर्गा चामुण्डा भीषणा तदा । आगता भीषणा देवी आयुधायुतसंयुता
devena saṃsmṛtā durgā cāmuṇḍā bhīṣaṇā tadā / āgatā bhīṣaṇā devī āyudhāyutasaṃyutā
Then Durgā Cāmuṇḍā, the terrible one, was called to mind by the god; the terrifying goddess came, equipped with ten thousand weapons,
AI translation rendered from the Sanskrit, not a published edition
SkP-RK 85.62
महादंष्ट्रा महाकाया पिङ्गाक्षी लम्बकर्णिका । उवाच देवी देवेशं समादिश महेश्वर
mahādaṃṣṭrā mahākāyā piṅgākṣī lambakarṇikā / uvāca devī deveśaṃ samādiśa maheśvara
with great tusks, of huge body, tawny-eyed, with hanging ears; the goddess said to the lord of gods: "Command me, Maheśvara!"
AI translation rendered from the Sanskrit, not a published edition
SkP-RK 85.63
देव उवाच: पिब त्वं रुधिरं भद्रे यथेष्टं दानवस्य च । पतितं च पृथिव्यां तु दुर्गे यत्नाद् गृहाण तत्
deva uvāca: piba tvaṃ rudhiraṃ bhadre yatheṣṭaṃ dānavasya ca / patitaṃ ca pṛthivyāṃ tu durge yatnād gṛhāṇa tat
The god said: "Drink the Dānava's blood, good lady, as much as you please; and what has fallen on the earth, Durgā, take that up with care.
AI translation rendered from the Sanskrit, not a published edition
SkP-RK 85.64
दानवस्य वधे चाद्य सहायं कर्तुम् अर्हसि । ततो हताश् च ते सर्वे खड्गेनापि सहस्रशः
dānavasya vadhe cādya sahāyaṃ kartum arhasi / tato hatāś ca te sarve khaḍgenāpi sahasraśaḥ
Today you should give help in the slaying of the Dānava." Then all those (Dānavas) too were slain by the thousand with the sword.
AI translation rendered from the Sanskrit, not a published edition
SkP-RK 85.65
अन्धको ऽपि च तान् दृष्ट्वा दानवान् निधनं गतान् । ततो वाग्भिः सुपुष्टाभिः स्तुवन् देवं महेश्वरम्
andhako 'pi ca tān dṛṣṭvā dānavān nidhanaṃ gatān / tato vāgbhiḥ supuṣṭābhiḥ stuvan devaṃ maheśvaram
And Andhaka, seeing those Dānavas gone to destruction, then, with well-nourished words, praising the god Maheśvara—
AI translation rendered from the Sanskrit, not a published edition — the model flagged this verse as uncertain
SkP-RK 85.66
तिष्ठ तिष्ठेति देवेशं चण्डीं प्रति महाबलः । शूलविक्षतरन्ध्रेण रक्तं वै स्रावयन् बहु
tiṣṭha tiṣṭheti deveśaṃ caṇḍīṃ prati mahābalaḥ / śūlavikṣatarandhreṇa raktaṃ vai srāvayan bahu
(saying) "Stand, stand!" to the lord of gods and to Caṇḍī, the mighty one, letting much blood flow from the hole torn open by the trident,
AI translation rendered from the Sanskrit, not a published edition
SkP-RK 85.67
पृथिवीं पूरयामास चतुः सागरमेखलाम् । अन्तरिक्षे स्थितेनापि शूलाग्रे संस्थितेन च
pṛthivīṃ pūrayāmāsa catuḥ sāgaramekhalām / antarikṣe sthitenāpi śūlāgre saṃsthitena ca
filled the earth girdled by the four oceans; and by him, stationed in mid-air, fixed on the trident's point,
AI translation rendered from the Sanskrit, not a published edition
SkP-RK 85.68
स्कन्धे धृतेन देवेन रुधिरौघप्रवर्षिणा । पृथिवी पूरिता तेन सशैलवनकानना
skandhe dhṛtena devena rudhiraughapravarṣiṇā / pṛthivī pūritā tena saśailavanakānanā
held on the shoulder by the god, raining down floods of blood—by him the earth with its mountains, woods and forests was filled.
AI translation rendered from the Sanskrit, not a published edition
SkP-RK 85.69
रुधिरेण कटिं यावद् वारितो ऽपि महेश्वरः । ततो हृदयपर्यन्तं देवस्य च समागमत्
rudhireṇa kaṭiṃ yāvad vārito 'pi maheśvaraḥ / tato hṛdayaparyantaṃ devasya ca samāgamat
Maheśvara too was hemmed in by the blood up to his hips; then it rose to the god's chest as well.
AI translation rendered from the Sanskrit, not a published edition — the model flagged this verse as uncertain
SkP-RK 85.70
व्याकुलाश् च ततो देवाः प्रणष्टाश् च दिशं गताः । स तु स्वस्य शरीरस्य अङ्गान्य् अष्टौ व्यमर्दयत्
vyākulāś ca tato devāḥ praṇaṣṭāś ca diśaṃ gatāḥ / sa tu svasya śarīrasya aṅgāny aṣṭau vyamardayat
Then the gods, distraught, vanished and fled to (every) direction; but he crushed eight limbs of his own body.
AI translation rendered from the Sanskrit, not a published edition
SkP-RK 85.71
अष्टौ भैरवरूपाश् च समुत्पन्ना महेश्वरात् । दंष्ट्राकरालिनः सर्वे हाहाकारं प्रकुर्वतः
aṣṭau bhairavarūpāś ca samutpannā maheśvarāt / daṃṣṭrākarālinaḥ sarve hāhākāraṃ prakurvataḥ
And eight forms of Bhairava arose from Maheśvara, all of them gaping with fangs, uttering cries of "hāhā!"
AI translation rendered from the Sanskrit, not a published edition
SkP-RK 85.72
खर्पराग्रकरास् सर्वे खड्गिनः कर्तिनस् तथा । पिबन्तु रुधिरं सर्वम् इत्याह परमेश्वर
kharparāgrakarās sarve khaḍginaḥ kartinas tathā / pibantu rudhiraṃ sarvam ityāha parameśvara
All of them with skull-bowls in their hands, with swords and likewise with knives — "Let them drink up all the blood," so said Parameśvara.
AI translation rendered from the Sanskrit, not a published edition
SkP-RK 85.73
पीतं तु तैश् च रुधिरं क्षीणं रक्तं स्थितं स्थलम् । शरीरं शोषितं तस्य अस्थिचर्मावशेषितम्
pītaṃ tu taiś ca rudhiraṃ kṣīṇaṃ raktaṃ sthitaṃ sthalam / śarīraṃ śoṣitaṃ tasya asthicarmāvaśeṣitam
The blood was drunk by them, the blood was used up, the ground stood (dry); his body was dried out, with only bones and skin left over.
AI translation rendered from the Sanskrit, not a published edition
SkP-RK 85.74
अन्धक उवाच: जयदेव जगन्नाथ उमाङ्गार्धशरीरभृत्
andhaka uvāca: jayadeva jagannātha umāṅgārdhaśarīrabhṛt
Andhaka said: Victory, O God, Lord of the world, bearing Umā as half of your body's frame!
AI translation rendered from the Sanskrit, not a published edition
SkP-RK 85.75
वृषभासनमारूढ शशाङ्ककृतशेखर । जयखट्वाङ्गहस्ताय गङ्गां शिरसि धारिणे
vṛṣabhāsanamārūḍha śaśāṅkakṛtaśekhara / jayakhaṭvāṅgahastāya gaṅgāṃ śirasi dhāriṇe
O you mounted on the seat of the bull, O you who have made the moon your crest — victory to him who holds the khaṭvāṅga in his hand, to him who bears the Gaṅgā on his head!
AI translation rendered from the Sanskrit, not a published edition
SkP-RK 85.76
स्मरप्रमथनायेह ईश्वराय नमो ऽस्तु ते । पूष्णोदन्तविनाशाय गणनाथ नमो नमः
smarapramathanāyeha īśvarāya namo 'stu te / pūṣṇodantavināśāya gaṇanātha namo namaḥ
Homage be to you here, to the Lord, the crusher of Kāma; homage, homage to the destroyer of Pūṣan's teeth, O lord of the hosts!
AI translation rendered from the Sanskrit, not a published edition
SkP-RK 85.77
जय सुरूपदेहाय अरूपाय नमो नमः । ब्रह्मोत्तमाङ्गनाशाय विश्वेश्वर सनातन
jaya surūpadehāya arūpāya namo namaḥ / brahmottamāṅganāśāya viśveśvara sanātana
Victory! Homage, homage to him whose body is fair of form, and to him who is without form; O destroyer of Brahmā's highest head, O eternal Lord of the universe!
AI translation rendered from the Sanskrit, not a published edition — the model flagged this verse as uncertain
SkP-RK 85.78
श्मशानवासिने नित्यं नित्यं भैरवरूपिणे । त्वं सर्वगश् च कर्ता त्वं त्वं हर्ता नान्य एव च
śmaśānavāsine nityaṃ nityaṃ bhairavarūpiṇe / tvaṃ sarvagaś ca kartā tvaṃ tvaṃ hartā nānya eva ca
To him who dwells forever in the cremation ground, forever having the form of Bhairava — you are the all-pervading one and the maker, you are the destroyer, and no other at all.
AI translation rendered from the Sanskrit, not a published edition
SkP-RK 85.79
त्वं भूमिस् त्वं दिशश् चैव ज्योतिस् त्वं तेजसस् तथा । त्वं वायुः सर्वभूतानां जन्तुरूपो महेश्वरः
tvaṃ bhūmis tvaṃ diśaś caiva jyotis tvaṃ tejasas tathā / tvaṃ vāyuḥ sarvabhūtānāṃ janturūpo maheśvaraḥ
You are the earth, you are the directions, you are the light and likewise of the fire; you are the wind, O Maheśvara, who take the form of every living creature among all beings.
AI translation rendered from the Sanskrit, not a published edition — the model flagged this verse as uncertain
SkP-RK 85.80
त्वं सोमस्त्वं बुधश् चैव त्वं गुरुर्भार्गवस् तथा । सौरिस्त्वं देवदेवेश भूमिपुत्रस् तथैव च
tvaṃ somastvaṃ budhaś caiva tvaṃ gururbhārgavas tathā / sauristvaṃ devadeveśa bhūmiputras tathaiva ca
You are the Moon and you are Mercury, you are Jupiter and likewise Venus; you are Saturn, O God of gods' Lord, and Mars as well.
AI translation rendered from the Sanskrit, not a published edition
SkP-RK 85.81
ऋक्षाणि यानि दृश्यन्ते गगने शशिभास्करौ । एतान्य् एव च सर्वाणि त्वत्प्रसादान् महेश्वर
ṛkṣāṇi yāni dṛśyante gagane śaśibhāskarau / etāny eva ca sarvāṇi tvatprasādān maheśvara
The stars that are seen in the sky, and the moon and the sun — all these exist by your grace, O Maheśvara.
AI translation rendered from the Sanskrit, not a published edition
SkP-RK 85.82
एवं बहुविधं स्तुत्वा देवदेवं स दानवः । संहताभ्यां च हस्ताभ्यां तं प्रणम्य महेश्वरम्
evaṃ bahuvidhaṃ stutvā devadevaṃ sa dānavaḥ / saṃhatābhyāṃ ca hastābhyāṃ taṃ praṇamya maheśvaram
Having thus praised the God of gods in many ways, that Dānava, with his hands joined together, bowed down to that Maheśvara.
AI translation rendered from the Sanskrit, not a published edition
SkP-RK 85.83
शङ्कर उवाच: साधु साधु महासत्त्व वरं याचस्व दानव । दाताहं याचकस् त्वं तु ददामीति यथेप्सितम्
śaṅkara uvāca: sādhu sādhu mahāsattva varaṃ yācasva dānava / dātāhaṃ yācakas tvaṃ tu dadāmīti yathepsitam
Śaṅkara said: Well done, well done, O greatly courageous one! Ask for a boon, O Dānava. I am the giver and you the asker; I give whatever you wish.
AI translation rendered from the Sanskrit, not a published edition
SkP-RK 85.84
अन्धक उवाच: यदि तुष्टो ऽसि देवेश यदि देयो वरो मम । तदात्मनः समीपे ऽहं स्थापितव्यो हि नान्यथा
andhaka uvāca: yadi tuṣṭo 'si deveśa yadi deyo varo mama / tadātmanaḥ samīpe 'haṃ sthāpitavyo hi nānyathā
Andhaka said: If you are pleased, O Lord of gods, if a boon is to be given to me, then I am to be placed near yourself, and not otherwise.
AI translation rendered from the Sanskrit, not a published edition
SkP-RK 85.85
भस्मी जटी त्रिशूली च त्रिनेत्री च चतुर्भुजः । व्याघ्रचर्मोत्तरीयश् च नागयज्ञोपवीतकः
bhasmī jaṭī triśūlī ca trinetrī ca caturbhujaḥ / vyāghracarmottarīyaś ca nāgayajñopavītakaḥ
(That I be) smeared with ash, with matted hair, bearing the trident, three-eyed and four-armed, with a tiger-skin as upper garment, with a serpent for a sacred thread;
AI translation rendered from the Sanskrit, not a published edition
SkP-RK 85.86
एतदिच्छाम्य् अहं सर्वं यदि दास्यसि शङ्कर । शूलाग्रस्थो वदद् यावत् तावत् तुष्टो महेश्वरः
etadicchāmy ahaṃ sarvaṃ yadi dāsyasi śaṅkara / śūlāgrastho vadad yāvat tāvat tuṣṭo maheśvaraḥ
All this I desire, if you will grant it, O Śaṅkara. While he, set on the tip of the trident, was speaking, Maheśvara became pleased.
AI translation rendered from the Sanskrit, not a published edition
SkP-RK 85.87
ईश्वर उवाच: ददामि ते वरं चाद्य यस् त्वया परिभाषितः । मया त्वम् उदितः पूर्वं भृङ्गिरीटिर् भविष्यसि
īśvara uvāca: dadāmi te varaṃ cādya yas tvayā paribhāṣitaḥ / mayā tvam uditaḥ pūrvaṃ bhṛṅgirīṭir bhaviṣyasi
The Lord said: I grant you today the boon that has been spoken by you. You were told by me before: you shall become Bhṛṅgirīṭi.
AI translation rendered from the Sanskrit, not a published edition