Skanda Purana — Reva Khanda — Chapter 84

SkP-RK 84.1

मार्कण्डेय उवाच: तत्र स्नात्वा तु भक्त्या य उपवासपरायणः । क्षपाजागरणं कुर्याद् दद्याद् दानं च यत्नतः

mārkaṇḍeya uvāca: tatra snātvā tu bhaktyā ya upavāsaparāyaṇaḥ / kṣapājāgaraṇaṃ kuryād dadyād dānaṃ ca yatnataḥ

Mārkaṇḍeya said: Whoever, having bathed there with devotion, is devoted to fasting, should keep the night-long vigil and give gifts diligently.

AI translation rendered from the Sanskrit, not a published edition

SkP-RK 84.2

देवस्य स्नपनं कुर्याद् अमृतैः पञ्चभिस् तथा । समालभेद् यथाशक्त्या पूजां कृत्वा विधानतः

devasya snapanaṃ kuryād amṛtaiḥ pañcabhis tathā / samālabhed yathāśaktyā pūjāṃ kṛtvā vidhānataḥ

He should perform the bathing of the god with the five nectars (pañcāmṛta), and should anoint (him) according to his ability, having done the worship according to the prescribed rule.

AI translation rendered from the Sanskrit, not a published edition

SkP-RK 84.3

पात्रं परीक्ष्य दातव्यम् आत्मनः श्रेय इच्छता । पितरस् तस्य तृप्यन्ति द्वादशाब्दं न संशयः

pātraṃ parīkṣya dātavyam ātmanaḥ śreya icchatā / pitaras tasya tṛpyanti dvādaśābdaṃ na saṃśayaḥ

One who desires his own good should give (only) after examining the recipient; his ancestors are satisfied for twelve years — there is no doubt.

AI translation rendered from the Sanskrit, not a published edition

SkP-RK 84.4

गच्छति तत्र दाता च यत्र देवो निरञ्जनः । गृहमध्ये प्रविष्टस् तु स्मरन् नामास्य शक्तितः

gacchati tatra dātā ca yatra devo nirañjanaḥ / gṛhamadhye praviṣṭas tu smaran nāmāsya śaktitaḥ

And the giver goes there where the stainless god (dwells); and (so does he who), having entered inside the house, remembers his name as best he can.

AI translation rendered from the Sanskrit, not a published edition — the model flagged this verse as uncertain

SkP-RK 84.5

नीलाद्रौ तु च यत्पुण्यं तत् समस्तं लभेत सः । शूलभेदे च यः कुर्याच् छ्राद्धं पर्वणि पर्वणि

nīlādrau tu ca yatpuṇyaṃ tat samastaṃ labheta saḥ / śūlabhede ca yaḥ kuryāc chrāddhaṃ parvaṇi parvaṇi

Whatever merit (there is) on the Blue Mountain (Nīlādri), all of that he would obtain. And he who performs the śrāddha rite at Śūlabheda at each new/full-moon day —

AI translation rendered from the Sanskrit, not a published edition

SkP-RK 84.6

विशेषाच् चैव मासान्ते तस्य पुण्यफलं शृणु । केदारे चैव यत्पुण्यं कुब्जायां च तथा नृप

viśeṣāc caiva māsānte tasya puṇyaphalaṃ śṛṇu / kedāre caiva yatpuṇyaṃ kubjāyāṃ ca tathā nṛpa

— and especially at the end of the month: hear the fruit of his merit. Whatever merit (there is) at Kedāra, and likewise at Kubjā, O king,

AI translation rendered from the Sanskrit, not a published edition

SkP-RK 84.7

कनखले चैव यत् पुण्यं गङ्गासागरसङ्गमे । सितासिते तु यत् पुण्यम् अन्यतीर्थे विशेषतः

kanakhale caiva yat puṇyaṃ gaṅgāsāgarasaṅgame / sitāsite tu yat puṇyam anyatīrthe viśeṣataḥ

And the merit that is at Kanakhala, (and) at the confluence of the Ganges with the ocean; and the merit at Sitāsita, and especially at other sacred fords —

AI translation rendered from the Sanskrit, not a published edition

SkP-RK 84.8

अर्बुदे चैव यत्पुण्यं पुण्यम् चामरपर्वते । गङ्गाद्यैः सर्वतीर्थैश् च फलं प्राप्नोति मानवः

arbude caiva yatpuṇyaṃ puṇyam cāmaraparvate / gaṅgādyaiḥ sarvatīrthaiś ca phalaṃ prāpnoti mānavaḥ

And the merit that is at Arbuda, and the merit on Mount Cāmara — a man obtains (that) fruit, together with all the fords beginning with the Ganges.

AI translation rendered from the Sanskrit, not a published edition

SkP-RK 84.9

अस्मिंस् तीर्थे तथा पुण्यं लभते नात्र संशयः । विधिमन्त्रसमायुक्तं तर्पयेत् पितृदेवताः

asmiṃs tīrthe tathā puṇyaṃ labhate nātra saṃśayaḥ / vidhimantrasamāyuktaṃ tarpayet pitṛdevatāḥ

That same merit he gains at this ford — there is no doubt here. Joined with the prescribed rite and mantras, he should offer libations to the ancestors and the deities.

AI translation rendered from the Sanskrit, not a published edition

SkP-RK 84.10

कुलानि तारयत्येव दश पूर्वापराणि सः । दक्षिणां चैव मर्त्यश् च शुचिर् भूत्वा समाहितः

kulāni tārayatyeva daśa pūrvāparāṇi saḥ / dakṣiṇāṃ caiva martyaś ca śucir bhūtvā samāhitaḥ

He indeed carries across ten families, both earlier and later; and a mortal, having become pure and concentrated, (should give) the priest's fee.

AI translation rendered from the Sanskrit, not a published edition — the model flagged this verse as uncertain

SkP-RK 84.11

न्यासं कृत्वा तु पूर्वोक्तं प्रदद्याद् अष्टपुष्पकम् । शास्त्रोक्तैर् अष्टभिर् मन्त्रैर् मानसैः शृणु तांस् तथा

nyāsaṃ kṛtvā tu pūrvoktaṃ pradadyād aṣṭapuṣpakam / śāstroktair aṣṭabhir mantrair mānasaiḥ śṛṇu tāṃs tathā

Having made the aforesaid consecration (nyāsa), he should offer the set of eight flowers, with the eight mantras stated in the scriptures, (the flowers being) mental ones — hear them accordingly.

AI translation rendered from the Sanskrit, not a published edition — the model flagged this verse as uncertain

SkP-RK 84.12

वारिजं सौम्यम् आग्नेयं वायव्यं पार्थिवं पुनः । वानस्पत्यं भवेत् पुष्पं प्राजापत्यं तु सप्तमम्

vārijaṃ saumyam āgneyaṃ vāyavyaṃ pārthivaṃ punaḥ / vānaspatyaṃ bhavet puṣpaṃ prājāpatyaṃ tu saptamam

Water-born, lunar, fiery, airy, and again earthly; the flower may be of the trees, and the seventh is Prajāpati's.

AI translation rendered from the Sanskrit, not a published edition

SkP-RK 84.13

अष्टमं शिवपुष्पं च शृण्व् एतेषां विनिर्णयम् । वारिजं सलिलं ज्ञेयं सौम्यं मधुयुतं पयः

aṣṭamaṃ śivapuṣpaṃ ca śṛṇv eteṣāṃ vinirṇayam / vārijaṃ salilaṃ jñeyaṃ saumyaṃ madhuyutaṃ payaḥ

And the eighth is Śiva's flower — hear the determination of these. The water-born is to be known as water; the lunar is milk mixed with honey.

AI translation rendered from the Sanskrit, not a published edition

SkP-RK 84.14

आग्नेयं धूपदीपं च वायव्यं चन्दनादिकम् । पार्थिवं कन्दमूलाद्यं वानस्पत्यफलात्मकम्

āgneyaṃ dhūpadīpaṃ ca vāyavyaṃ candanādikam / pārthivaṃ kandamūlādyaṃ vānaspatyaphalātmakam

The fiery is incense and lamp; the airy is sandal paste and the like; the earthly is bulbs, roots and such; the arboreal consists of fruit.

AI translation rendered from the Sanskrit, not a published edition

SkP-RK 84.15

प्राजापत्यम् अन्नाद्यं च शिवपुष्पम् उपासनम् । अहिंसा प्रथमं पुष्पं पुष्पमिन्द्रियनिग्रहः

prājāpatyam annādyaṃ ca śivapuṣpam upāsanam / ahiṃsā prathamaṃ puṣpaṃ puṣpamindriyanigrahaḥ

Prajāpati's is food and the like; Śiva's flower is worshipful service. Non-injury is the first flower; the restraint of the senses is a flower;

AI translation rendered from the Sanskrit, not a published edition

SkP-RK 84.16

तृतीयं च दयापुष्पमेभिस् तुष्यन्ति देवताः । तपसा चार्चयेद् भक्त्या अत्र तीर्थे नराधिप

tṛtīyaṃ ca dayāpuṣpamebhis tuṣyanti devatāḥ / tapasā cārcayed bhaktyā atra tīrthe narādhipa

And the third is the flower of compassion — by these the gods are pleased. And one should worship with austerity, with devotion, at this ford, O lord of men.

AI translation rendered from the Sanskrit, not a published edition

SkP-RK 84.17

छत्रं च चामरं दद्याच् छय्यां चोपानहौ तथा । तेन पूजनमात्रेण पूजिताः पुरुषास् त्रयः

chatraṃ ca cāmaraṃ dadyāc chayyāṃ copānahau tathā / tena pūjanamātreṇa pūjitāḥ puruṣās trayaḥ

He should give a parasol and a fly-whisk, and likewise a bed and a pair of sandals; by that mere act of worship, three persons are worshipped.

AI translation rendered from the Sanskrit, not a published edition

SkP-RK 84.18

स्वर्गलोके वसेत् तावद् यावद् आहुत संप्लवम् । शूलपाणेस् तु यो भक्त्या स्नपनं चैव कारयेत्

svargaloke vaset tāvad yāvad āhuta saṃplavam / śūlapāṇes tu yo bhaktyā snapanaṃ caiva kārayet

He would dwell in the world of heaven as long as (the world lasts) until the deluge. And whoever with devotion has the bathing of the Trident-bearer performed —

AI translation rendered from the Sanskrit, not a published edition — the model flagged this verse as uncertain

SkP-RK 84.19

पञ्चामृतेन यश्चैव यक्षकर्दमकुंकुमैः । समालभेच् च देवेशं श्रीखण्डैरगरादिभिः

pañcāmṛtena yaścaiva yakṣakardamakuṃkumaiḥ / samālabhec ca deveśaṃ śrīkhaṇḍairagarādibhiḥ

and whoever, with the five nectars and with yakṣa-paste and saffron, should anoint the Lord of gods with sandalwood, aloe-wood and the rest,

AI translation rendered from the Sanskrit, not a published edition

SkP-RK 84.20

नानाविधैश् च पुष्पैश् चार्चां कुर्वन्ति ये द्विजाः । रुद्रं पुरुषसूक्तं च लोके यः स्वस्वसूत्रकम्

nānāvidhaiś ca puṣpaiś cārcāṃ kurvanti ye dvijāḥ / rudraṃ puruṣasūktaṃ ca loke yaḥ svasvasūtrakam

and those twice-born who perform worship with flowers of many kinds, and who in the world (recite) the Rudra (hymn) and the Puruṣa-hymn, each according to his own school's text —

AI translation rendered from the Sanskrit, not a published edition — the model flagged this verse as uncertain

SkP-RK 84.21

इषे त्वादिकमन्त्रादि ज्योतिर् ब्राह्मणम् एव च । गायत्री च मधुश्चैव मण्डलब्राह्मणम् एव च

iṣe tvādikamantrādi jyotir brāhmaṇam eva ca / gāyatrī ca madhuścaiva maṇḍalabrāhmaṇam eva ca

the mantras beginning 'iṣe tvā' and the rest, and the Jyotir-brāhmaṇa, and the Gāyatrī, and the Madhu (section), and the Maṇḍala-brāhmaṇa,

AI translation rendered from the Sanskrit, not a published edition

SkP-RK 84.22

एतज् जपं तु ये भक्त्या यजुर्वेदसमुद्भवम् । देवव्रतं नाम दैव्यं पुरुषास् तत्पुरं ययुः

etaj japaṃ tu ye bhaktyā yajurvedasamudbhavam / devavrataṃ nāma daivyaṃ puruṣās tatpuraṃ yayuḥ

those men who with devotion (perform) this recitation arising from the Yajurveda, divine and called Devavrata, went to his city.

AI translation rendered from the Sanskrit, not a published edition — the model flagged this verse as uncertain

SkP-RK 84.23

आसीत् पुरा महाराज अन्धको नाम दुर्जय । आराधयामास शिवं चिरकालम् उपस्थितः

āsīt purā mahārāja andhako nāma durjaya / ārādhayāmāsa śivaṃ cirakālam upasthitaḥ

Formerly, great king, there was a hard-to-conquer (demon) named Andhaka; he propitiated Śiva, standing in attendance for a long time.

AI translation rendered from the Sanskrit, not a published edition

SkP-RK 84.24

प्रसन्नो भगवान् देवो वरं याचस्व सुव्रत । वरं लब्ध्वा तदा दैत्यो ऽधावत् सहर्षतो ऽन्धकः

prasanno bhagavān devo varaṃ yācasva suvrata / varaṃ labdhvā tadā daityo 'dhāvat saharṣato 'ndhakaḥ

The Lord God, being pleased, (said): 'Ask a boon, you of good vows.' Then, having obtained the boon, the demon Andhaka ran off in delight.

AI translation rendered from the Sanskrit, not a published edition

SkP-RK 84.25

पुरे जनाश् च दृश्यन्ते भाजनैर् रत्नपूरितैः । साक्षतैर् भाजनैस् तस्य शतसाहस्रयोषितः

pure janāś ca dṛśyante bhājanair ratnapūritaiḥ / sākṣatair bhājanais tasya śatasāhasrayoṣitaḥ

And in the city people are seen with vessels filled with jewels; with vessels holding unhusked grain, his hundreds of thousands of women (are seen).

AI translation rendered from the Sanskrit, not a published edition — the model flagged this verse as uncertain

SkP-RK 84.26

मन्त्रान् पठन्ति विप्राश् च माङ्गल्यनिस्वनेन च । भूपं चामात्यभृत्यैश् च राज्याश्वरथदन्तिभिः

mantrān paṭhanti viprāś ca māṅgalyanisvanena ca / bhūpaṃ cāmātyabhṛtyaiś ca rājyāśvarathadantibhiḥ

And the brahmins recite mantras, and with the sound of auspicious (music) (they hail) the king together with ministers and servants, with the kingdom's horses, chariots and elephants —

AI translation rendered from the Sanskrit, not a published edition — the model flagged this verse as uncertain

SkP-RK 84.27

वर्धापयन्ति ते सर्वे ये केचित् पुरवासिनः । हृष्टः पुष्टो वसंस् तत्र स सुरैर् नाभिभूयते

vardhāpayanti te sarve ye kecit puravāsinaḥ / hṛṣṭaḥ puṣṭo vasaṃs tatra sa surair nābhibhūyate

All those who were city-dwellers offered him congratulations; dwelling there glad and thriving, he was not overcome by the gods.

AI translation rendered from the Sanskrit, not a published edition

SkP-RK 84.28

वरलब्धं तु तं ज्ञात्वा गीर्वाणाः शङ्कितास् तदा । एकीभूताश् च ते सर्वे शक्रस्य शरणं ययुः

varalabdhaṃ tu taṃ jñātvā gīrvāṇāḥ śaṅkitās tadā / ekībhūtāś ca te sarve śakrasya śaraṇaṃ yayuḥ

But learning that he had obtained the boon, the gods were then alarmed, and all of them, becoming united, went to Śakra for refuge.

AI translation rendered from the Sanskrit, not a published edition

SkP-RK 84.31

समागतान् सुरान् दृष्ट्वा शक्रो वचनम् अब्रवीत् । कथं समागतास् सर्वे यूयं च त्रिदिवौकसः ॥ र्क्स्_८४।२९ ॥ कथं च भयम् उत्पन्नं कथयध्वं महासुराः ॥ र्क्स्_८४।३० ॥ देवा ऊचुः: मृत्युलोके ऽभवत् पापस् त्व् अन्धको नाम दुर्मदः

samāgatān surān dṛṣṭvā śakro vacanam abravīt / kathaṃ samāgatās sarve yūyaṃ ca tridivaukasaḥ // rks_84.29 // kathaṃ ca bhayam utpannaṃ kathayadhvaṃ mahāsurāḥ // rks_84.30 // devā ūcuḥ: mṛtyuloke 'bhavat pāpas tv andhako nāma durmadaḥ

Seeing the gods assembled, Śakra spoke these words: "How is it that all of you dwellers in heaven have come together? (29) And how has this fear arisen? Tell (me), great ones." (30) The gods said: "In the world of mortals there has been born a wicked one named Andhaka, insolent with pride."

AI translation rendered from the Sanskrit, not a published edition

SkP-RK 84.32

तस्माच् च भयमापन्ना भवच् छरणम् आगताः । एतस्मिन्न् अन्तरे रौद्रो दानवो बलदार्पितः

tasmāc ca bhayamāpannā bhavac charaṇam āgatāḥ / etasminn antare raudro dānavo baladārpitaḥ

"And out of fear of him we, stricken with fear, have come to you for refuge." Meanwhile that terrible Dānava, proud of his strength—

AI translation rendered from the Sanskrit, not a published edition

SkP-RK 84.33

एकाकी स्यन्दनारूढ आयुधैर् विविधैर् युतः । अन्धको राजशार्दूल ययौ शक्रपुरीं ततः

ekākī syandanārūḍha āyudhair vividhair yutaḥ / andhako rājaśārdūla yayau śakrapurīṃ tataḥ

alone, mounted on his chariot, equipped with various weapons—Andhaka, O tiger among kings, then went to Śakra's city:

AI translation rendered from the Sanskrit, not a published edition

SkP-RK 84.34

स्वर्णप्राकारसंयुक्तां शोभितां विविधैर् गृहैः । दुर्गमां शत्रुवर्गस्य सदा पार्थिवसत्तम

svarṇaprākārasaṃyuktāṃ śobhitāṃ vividhair gṛhaiḥ / durgamāṃ śatruvargasya sadā pārthivasattama

(the city) surrounded by golden ramparts, adorned with many kinds of houses, always unapproachable to the host of enemies, O best of kings.

AI translation rendered from the Sanskrit, not a published edition

SkP-RK 84.35

प्रविवेशासुरस् तत्र लीलया स्वगृहं यथा । समुत्थाय ततः शक्रः स्वकीयंचासनं ददौ

praviveśāsuras tatra līlayā svagṛhaṃ yathā / samutthāya tataḥ śakraḥ svakīyaṃcāsanaṃ dadau

The asura entered there at his ease, as (one enters) his own house; then Śakra rose up and gave (him) his own seat.

AI translation rendered from the Sanskrit, not a published edition

SkP-RK 84.36

शक्र उवाच: किं वो ह्य् आगमनं चात्र किं कार्यं कथयस्व मे

śakra uvāca: kiṃ vo hy āgamanaṃ cātra kiṃ kāryaṃ kathayasva me

Śakra said: "What is your coming here for? Tell me, what is (your) business?"

AI translation rendered from the Sanskrit, not a published edition

SkP-RK 84.37

अन्धक उवाच: न चाहं कामये वित्तं न गजान् न तुरंगमान्

andhaka uvāca: na cāhaṃ kāmaye vittaṃ na gajān na turaṃgamān

Andhaka said: "I desire neither wealth, nor elephants, nor horses.

AI translation rendered from the Sanskrit, not a published edition

SkP-RK 84.38

स्वकीयं दर्शयस्वाद्य स्वर्गशृङ्गारभूमिकम् । ऐरावतं महानागं सैन्धवोच्चैः श्रवोहयम्

svakīyaṃ darśayasvādya svargaśṛṅgārabhūmikam / airāvataṃ mahānāgaṃ saindhavoccaiḥ śravohayam

Show me today your own heaven's realm of splendour: the great elephant Airāvata, the horse Uccaiḥśravas of Sindhu breed,

AI translation rendered from the Sanskrit, not a published edition

SkP-RK 84.39

उर्वश्यादीनि सर्वाणि वादित्रत्रितयानि च । अन्याः स्वीया विभूतीश् च दर्शयस्व शचीपते

urvaśyādīni sarvāṇi vāditratritayāni ca / anyāḥ svīyā vibhūtīś ca darśayasva śacīpate

Urvaśī and all the rest, and the three kinds of instrumental music, and your other splendours—show them, O lord of Śacī."

AI translation rendered from the Sanskrit, not a published edition

SkP-RK 84.40

तस्यैतद् वचनं श्रुत्वा शक्रो ऽपि भयविह्वलः । सर्वाणि च पदार्थानि दर्शयामास चान्धकम्

tasyaitad vacanaṃ śrutvā śakro 'pi bhayavihvalaḥ / sarvāṇi ca padārthāni darśayāmāsa cāndhakam

Hearing this speech of his, Śakra too, overwhelmed with fear, showed Andhaka all these things.

AI translation rendered from the Sanskrit, not a published edition

SkP-RK 84.41

तदागत्य सुरैः सार्धं यक्षगन्धर्वकिन्नरैः । नृत्यन्त्य् अप्सरसस् तत्र वादित्रैर् विविधैर् नृप

tadāgatya suraiḥ sārdhaṃ yakṣagandharvakinnaraiḥ / nṛtyanty apsarasas tatra vāditrair vividhair nṛpa

Then, having come with the gods, the yakṣas, gandharvas and kinnaras, the apsarases danced there with various instruments, O king.

AI translation rendered from the Sanskrit, not a published edition

SkP-RK 84.42

तत् तस्य विभ्रमच् चित्तं दृष्ट्वाप्य् अप्सरसस् तदा । तेन देवगणास् सर्वे त्रस्ताः पार्थिवसत्तम

tat tasya vibhramac cittaṃ dṛṣṭvāpy apsarasas tadā / tena devagaṇās sarve trastāḥ pārthivasattama

His mind then wandered (with desire) on seeing those apsarases; by him all the hosts of gods were terrified, O best of kings.

AI translation rendered from the Sanskrit, not a published edition

SkP-RK 84.43

संग्रामैर् विविधैस् तत्र चक्रवज्रारिभीषणैः । सन्तापिताः सुरास् सर्वे क्षयं नीता ह्य् अनेकशः

saṃgrāmair vividhais tatra cakravajrāribhīṣaṇaiḥ / santāpitāḥ surās sarve kṣayaṃ nītā hy anekaśaḥ

In various battles there, terrifying with discus, thunderbolt and other weapons, all the gods were tormented and again and again brought to destruction.

AI translation rendered from the Sanskrit, not a published edition

SkP-RK 84.44

आदित्य मरुताद् याश् च भग्नास् संग्राममण्डले । यथा सिंहकराक्रान्ताः श्वापदा व्यचरन् वने

āditya marutād yāś ca bhagnās saṃgrāmamaṇḍale / yathā siṃhakarākrāntāḥ śvāpadā vyacaran vane

Āditya, the Maruts and the others were broken on the field of battle; as beasts of prey, assailed by a lion's paw, scatter about in the forest,

AI translation rendered from the Sanskrit, not a published edition

SkP-RK 84.45

तद् वद् एकेन ते देवाः कृतास् सर्वे पराङ्मुखाः । बलाद् देशेषु ग्रामेषु प्रजाः पीडयते ऽनिशम्

tad vad ekena te devāḥ kṛtās sarve parāṅmukhāḥ / balād deśeṣu grāmeṣu prajāḥ pīḍayate 'niśam

so by him alone all those gods were made to turn their faces away; by force, in the lands and villages, he oppresses the people ceaselessly.

AI translation rendered from the Sanskrit, not a published edition

SkP-RK 84.46

आकम्प्य गृह्यते क्षीरं शाकं वासस् तथैव च । न सम्माने वचस् तेषां प्रजासन्तापने रतः

ākampya gṛhyate kṣīraṃ śākaṃ vāsas tathaiva ca / na sammāne vacas teṣāṃ prajāsantāpane rataḥ

By terrorising (them) milk is seized, and vegetables and clothing likewise; there is no regard for their words—he delights in tormenting the people.

AI translation rendered from the Sanskrit, not a published edition — the model flagged this verse as uncertain

SkP-RK 84.47

गृहीत्वा शक्रभार्यां च दानवो ऽपि गृहं गतः । ततः सुराश् च शक्रश् च ब्रह्माणं शरणं ययुः

gṛhītvā śakrabhāryāṃ ca dānavo 'pi gṛhaṃ gataḥ / tataḥ surāś ca śakraś ca brahmāṇaṃ śaraṇaṃ yayuḥ

And having seized Śakra's wife, the Dānava went to his own house; thereupon the gods and Śakra went to Brahmā for refuge—

AI translation rendered from the Sanskrit, not a published edition

SkP-RK 84.48

गजैश् च पर्वताकारैर् अश्वैश् चैव गजोपमैः । स्यन्दनैर् गगनाकारैः सिंहशार्दूलयोजितैः

gajaiś ca parvatākārair aśvaiś caiva gajopamaiḥ / syandanair gaganākāraiḥ siṃhaśārdūlayojitaiḥ

with elephants shaped like mountains, and horses like elephants, with chariots vast as the sky, yoked with lions and tigers,

AI translation rendered from the Sanskrit, not a published edition

SkP-RK 84.49

कच्छपैर् मकरैश् चापि मृगमेषैस् तथोरगैः । ब्रह्मलोकमनुप्राप्ता देवाश् चेन्द्रपुरोगमाः

kacchapair makaraiś cāpi mṛgameṣais tathoragaiḥ / brahmalokamanuprāptā devāś cendrapurogamāḥ

With tortoises, with sea-monsters, with deer and rams, and with serpents (as their mounts), the gods, headed by Indra, arrived at Brahmā's world.

AI translation rendered from the Sanskrit, not a published edition

SkP-RK 84.50

दृष्ट्वा पद्मोद्भवं देवं प्रणम्येशं प्रतुष्टुवुः । जयदेव जगन्नाथ जयसंभूति कारक

dṛṣṭvā padmodbhavaṃ devaṃ praṇamyeśaṃ pratuṣṭuvuḥ / jayadeva jagannātha jayasaṃbhūti kāraka

Seeing the god born from the lotus, they bowed to the lord and praised him: "Victory, O god, lord of the world! Victory, O maker of (all) that comes to be!"

AI translation rendered from the Sanskrit, not a published edition

SkP-RK 84.51

पद्मयोने सुरश्रेष्ठ त्वाम् एव शरणं गताः । सोद्वेगं भाषितं श्रुत्वा देवानां भावितात्मनाम्

padmayone suraśreṣṭha tvām eva śaraṇaṃ gatāḥ / sodvegaṃ bhāṣitaṃ śrutvā devānāṃ bhāvitātmanām

"O lotus-born one, best of the gods, it is to you alone that we have gone for refuge." Hearing the agitated speech of the gods, whose selves were composed,

AI translation rendered from the Sanskrit, not a published edition

SkP-RK 84.52

मेघगम्भीरया वाचा ब्रह्मा प्रोवाच वासवम् । किं वो ह्यागमनं देवास् सर्वेषां वै विवर्णता

meghagambhīrayā vācā brahmā provāca vāsavam / kiṃ vo hyāgamanaṃ devās sarveṣāṃ vai vivarṇatā

in a voice deep as a cloud Brahmā spoke to Vāsava: "What has brought you here, O gods? Indeed all of you are pale."

AI translation rendered from the Sanskrit, not a published edition

SkP-RK 84.53

देवा ऊचुः: अन्यको नाम नाम्नेति दानवो बलदर्पितः

devā ūcuḥ: anyako nāma nāmneti dānavo baladarpitaḥ

The gods said: There is a Dānava named Andhaka by name, made arrogant by his strength.

AI translation rendered from the Sanskrit, not a published edition

SkP-RK 84.54

तेन देवगणास् सर्वे धनरत्नैर् विवर्जिताः । हत्वा देवगणान् नाथ पर्शुचक्रासितोमरैः

tena devagaṇās sarve dhanaratnair vivarjitāḥ / hatvā devagaṇān nātha parśucakrāsitomaraiḥ

By him all the hosts of gods have been stripped of their wealth and jewels; having slain the hosts of gods, O lord, with axes, discuses, swords and lances,

AI translation rendered from the Sanskrit, not a published edition

SkP-RK 84.55

गृहीत्वा शक्रभार्यां वै दानवो विगतो बलात् । ततः श्रुत्वा वचस् तेषां ब्रह्मा लोकपितामहः

gṛhītvā śakrabhāryāṃ vai dānavo vigato balāt / tataḥ śrutvā vacas teṣāṃ brahmā lokapitāmahaḥ

the Dānava seized Śakra's wife and went off by force. Then, hearing their words, Brahmā, the grandfather of the world,

AI translation rendered from the Sanskrit, not a published edition

SkP-RK 84.56

चिन्तयामास भगवान् वधं तस्य तु रक्षसः । अवध्यो दानवः पापः सर्वैर् अपि सुरासुरैः

cintayāmāsa bhagavān vadhaṃ tasya tu rakṣasaḥ / avadhyo dānavaḥ pāpaḥ sarvair api surāsuraiḥ

the blessed one, pondered the slaying of that demon: "The evil Dānava cannot be slain by any of the gods or asuras."

AI translation rendered from the Sanskrit, not a published edition

SkP-RK 84.57

ततः प्रतुष्टुवुः सर्वे देवाः शक्रपुरोगमाः । जय त्वं देव देवेश लक्ष्म्या चार्धशरीरवान्

tataḥ pratuṣṭuvuḥ sarve devāḥ śakrapurogamāḥ / jaya tvaṃ deva deveśa lakṣmyā cārdhaśarīravān

Then all the gods, headed by Śakra, praised (Viṣṇu): "Victory to you, O god, lord of gods, you whose body is half Lakṣmī's!"

AI translation rendered from the Sanskrit, not a published edition

SkP-RK 84.58

जनार्दन उवाच: स्वागतं वो महाभागा ब्रुवतां चैव स्वागतम्

janārdana uvāca: svāgataṃ vo mahābhāgā bruvatāṃ caiva svāgatam

Janārdana said: Welcome to you, greatly fortunate ones; and welcome to you as you speak.

AI translation rendered from the Sanskrit, not a published edition

SkP-RK 84.59

किं कार्यं प्रोच्यतां सर्वं कारणं यन्मयेप्सितम् । पराभवः कृतो येन स गच्छतु यमालयम्

kiṃ kāryaṃ procyatāṃ sarvaṃ kāraṇaṃ yanmayepsitam / parābhavaḥ kṛto yena sa gacchatu yamālayam

"What is to be done? Let the whole matter be told—the reason, which is what I desire (to know). He by whom the defeat was inflicted, let him go to Yama's abode."

AI translation rendered from the Sanskrit, not a published edition — the model flagged this verse as uncertain

SkP-RK 84.62

एवमुक्तास् सुरास् सर्वे कथयन्ति स्म तत्त्वतः । प्रदर्शयन्ति चाङ्गानि वेपमानास् त्व् अधोमुखाः ॥ र्क्स्_८४।६० ॥ हृतराज्याः कृता नाथ अन्धकेन पराजिताः ॥ र्क्स्_८४।६१ ॥ पितेव पुत्रान् परिरक्ष देव जहीह शत्रुं सह पुत्रगोत्रैः । तथेति चोक्त्वा कमलासनं प्रभुः सुरासुरैर् वन्दितपादपीठः

evamuktās surās sarve kathayanti sma tattvataḥ / pradarśayanti cāṅgāni vepamānās tv adhomukhāḥ // rks_84.60 // hṛtarājyāḥ kṛtā nātha andhakena parājitāḥ // rks_84.61 // piteva putrān parirakṣa deva jahīha śatruṃ saha putragotraiḥ / tatheti coktvā kamalāsanaṃ prabhuḥ surāsurair vanditapādapīṭhaḥ

Addressed thus, all the gods told it as it was, and, trembling and with faces cast down, they displayed their limbs. // 60 // "We have been made to have our kingdom taken away, O lord, defeated by Andhaka. // 61 // Protect (us), O god, as a father protects his sons; strike down the enemy here together with his sons and kinsmen." And having said "So be it" to the lotus-seated one, the lord, whose footstool is worshipped by gods and asuras—

AI translation rendered from the Sanskrit, not a published edition