Skanda Purana — Reva Khanda — Chapter 72
SkP-RK 72.1
मार्कण्डेय उवाच: नर्मदासङ्गमं पुण्यं सुरसिद्धनिषेवितम् । तत्र स्नात्वा दिवं यान्ति पूजयित्वा महेश्वरम्
mārkaṇḍeya uvāca: narmadāsaṅgamaṃ puṇyaṃ surasiddhaniṣevitam / tatra snātvā divaṃ yānti pūjayitvā maheśvaram
Mārkaṇḍeya said: The confluence of the Narmadā is holy, frequented by gods and siddhas; having bathed there and worshipped Maheśvara, (people) go to heaven.
AI translation rendered from the Sanskrit, not a published edition
SkP-RK 72.2
आगच्छन्ती पुरा लोके नर्मदा भरतर्षभ । स्तुता पूर्वं नमस्कृत्य देवैर् ब्रह्मर्षिभिस् तथा
āgacchantī purā loke narmadā bharatarṣabha / stutā pūrvaṃ namaskṛtya devair brahmarṣibhis tathā
Formerly, when the Narmadā was coming into the world, O bull of the Bharatas, she was first praised, with obeisance, by the gods and by the brahmin sages.
AI translation rendered from the Sanskrit, not a published edition
SkP-RK 72.3
त्वया पवित्रितं पुण्यं मर्त्यलोकं चराचरम् । अपां रूपगता रेवा हरस्य परमा कला
tvayā pavitritaṃ puṇyaṃ martyalokaṃ carācaram / apāṃ rūpagatā revā harasya paramā kalā
"By you the holy mortal world, moving and unmoving, has been purified; O Revā, you are the supreme portion of Hara, gone into the form of waters.
AI translation rendered from the Sanskrit, not a published edition
SkP-RK 72.4
उमा कात्यायनी गङ्गा यमुना च सरस्वती । चामुण्डा चर्चिका देवी रेवा त्वं सप्तकल्पगा
umā kātyāyanī gaṅgā yamunā ca sarasvatī / cāmuṇḍā carcikā devī revā tvaṃ saptakalpagā
Umā, Kātyāyanī, Gaṅgā, and Yamunā, and Sarasvatī, Cāmuṇḍā, the goddess Carcikā — you are Revā, who passes through seven aeons.
AI translation rendered from the Sanskrit, not a published edition
SkP-RK 72.5
शिवजा प्रवहा पुण्या मेकलाद्रिसुता स्तुता । यज्ञयूपा च मूर्धा च स्वर्गमोक्षप्रदा तथा
śivajā pravahā puṇyā mekalādrisutā stutā / yajñayūpā ca mūrdhā ca svargamokṣapradā tathā
Born of Śiva, flowing on, holy, daughter of the Mekala mountain, praised, the sacrificial post and the head, and likewise the giver of heaven and release,
AI translation rendered from the Sanskrit, not a published edition — the model flagged this verse as uncertain
SkP-RK 72.6
तारिणी सर्वभूतानां पापघ्नी च तरङ्गिणी । लक्ष्मीः स्वाहा स्वधा चैव पुरुहूता यशस्विनी
tāriṇī sarvabhūtānāṃ pāpaghnī ca taraṅgiṇī / lakṣmīḥ svāhā svadhā caiva puruhūtā yaśasvinī
the ferrier of all beings, destroyer of sin, the wave-bearing one, Lakṣmī, Svāhā, and Svadhā, invoked by many, glorious;
AI translation rendered from the Sanskrit, not a published edition
SkP-RK 72.7
त्वया व्याप्तं जगत्कृत्स्नम् अपां रूपेण सुव्रते । सङ्गमं सिद्धलिङ्गं च सुरासुरनमस्कृतम्
tvayā vyāptaṃ jagatkṛtsnam apāṃ rūpeṇa suvrate / saṅgamaṃ siddhaliṅgaṃ ca surāsuranamaskṛtam
by you, O you of good vows, the whole world is pervaded in the form of waters; and the confluence and the Siddha-liṅga are saluted by gods and demons.
AI translation rendered from the Sanskrit, not a published edition
SkP-RK 72.8
अत्र दत्तं हुतं सर्वम् एतद् भवति चाक्षयम् । अत्यद्भुतं महाराज नर्मदास्नानम् अर्चनम्
atra dattaṃ hutaṃ sarvam etad bhavati cākṣayam / atyadbhutaṃ mahārāja narmadāsnānam arcanam
Here all that is given and offered becomes imperishable; most wondrous, O great king, is bathing in the Narmadā and worship (there).
AI translation rendered from the Sanskrit, not a published edition
SkP-RK 72.9
अनेकानि सहस्राणि विमानानि युधिष्ठिर । नानारत्नप्रभाजालैः सूर्यकोटिसमानि च
anekāni sahasrāṇi vimānāni yudhiṣṭhira / nānāratnaprabhājālaiḥ sūryakoṭisamāni ca
Many thousands of celestial cars, O Yudhiṣṭhira, equal to ten million suns with their nets of radiance from various jewels,
AI translation rendered from the Sanskrit, not a published edition
SkP-RK 72.10
गतानि धर्मराजस्य पुरीं वीणादिनिः स्वनैः । नादयन्ति दिवं भूमिं वेदनिर्घोषणादिभिः
gatāni dharmarājasya purīṃ vīṇādiniḥ svanaiḥ / nādayanti divaṃ bhūmiṃ vedanirghoṣaṇādibhiḥ
have gone to the city of the king of dharma; with the sounds of lutes and the rest they make heaven and earth resound, with the chanting of the Vedas and so forth.
AI translation rendered from the Sanskrit, not a published edition
SkP-RK 72.11
एकस्मिन् समये दृष्ट्वाश्चर्यं वैवस्वतो नृपः । अत्रिश् चैव वशिष्ठश् च पुलस्त्यः पुलहः क्रतुः
ekasmin samaye dṛṣṭvāścaryaṃ vaivasvato nṛpaḥ / atriś caiva vaśiṣṭhaś ca pulastyaḥ pulahaḥ kratuḥ
On one occasion, having seen the marvel, Vaivasvata the king, and Atri and Vasiṣṭha, Pulastya, Pulaha, Kratu —
AI translation rendered from the Sanskrit, not a published edition
SkP-RK 72.12
इत्याद्याः सप्त मुनयो धर्माधर्मविचारकाः । शिवेन स्थापिताः पूर्वं हरिणा ब्रह्मणा तथा
ityādyāḥ sapta munayo dharmādharmavicārakāḥ / śivena sthāpitāḥ pūrvaṃ hariṇā brahmaṇā tathā
these and the rest, the seven sages, judges of dharma and non-dharma, were formerly appointed by Śiva, and by Hari and by Brahmā.
AI translation rendered from the Sanskrit, not a published edition
SkP-RK 72.13
युधिष्ठिर उवाच: अक्षीणकर्मबन्धुस् तु पुरुषो मुनिसत्तम । परं पदम् अवाप्नोति तन् मे कथय कल्पग
yudhiṣṭhira uvāca: akṣīṇakarmabandhus tu puruṣo munisattama / paraṃ padam avāpnoti tan me kathaya kalpaga
Yudhiṣṭhira said: But how does a man whose bondage of karma is not worn away attain the highest state, O best of sages? Tell me that, O you who pass through aeons.
AI translation rendered from the Sanskrit, not a published edition
SkP-RK 72.14
मार्कण्डेय उवाच: विष्णुना कथितं पूर्वं ब्रह्मणे च महात्मने । प्रपद्ये पुण्डरीकाक्षं देवं नारायणं हरिम्
mārkaṇḍeya uvāca: viṣṇunā kathitaṃ pūrvaṃ brahmaṇe ca mahātmane / prapadye puṇḍarīkākṣaṃ devaṃ nārāyaṇaṃ harim
Mārkaṇḍeya said: It was formerly told by Viṣṇu to the great-souled Brahmā: "I take refuge in the lotus-eyed god Nārāyaṇa, Hari,
AI translation rendered from the Sanskrit, not a published edition
SkP-RK 72.15
लोकनाथं सहस्राक्षम् अक्षरं परमं पदम् । भगवन्तं प्रपद्ये ऽहं भूतभव्यभवत्प्रभुम्
lokanāthaṃ sahasrākṣam akṣaraṃ paramaṃ padam / bhagavantaṃ prapadye 'haṃ bhūtabhavyabhavatprabhum
the lord of the worlds, the thousand-eyed, the imperishable, the highest state; I take refuge in the Blessed One, the lord of what was, what will be, and what is.
AI translation rendered from the Sanskrit, not a published edition
SkP-RK 72.16
स्रष्टारं सर्वभूतानाम् अनन्तबलपौरुषम् । पद्मनाभं हृषीकेशं प्रपद्ये सत्यम् अव्ययम्
sraṣṭāraṃ sarvabhūtānām anantabalapauruṣam / padmanābhaṃ hṛṣīkeśaṃ prapadye satyam avyayam
The creator of all beings, of endless strength and valour, the lotus-naveled, the lord of the senses — to him I go for refuge, the true, the imperishable.
AI translation rendered from the Sanskrit, not a published edition
SkP-RK 72.17
हिरण्यगर्भं भूगर्भम् अमृतं विश्वतोमुखम् । अनश्वरमनाथं च प्रपद्ये भास्करद्युतिम्
hiraṇyagarbhaṃ bhūgarbham amṛtaṃ viśvatomukham / anaśvaramanāthaṃ ca prapadye bhāskaradyutim
The golden-wombed, the earth-wombed, the deathless, the one whose faces are turned everywhere, the undecaying and the masterless — to him I go for refuge, whose radiance is the sun's.
AI translation rendered from the Sanskrit, not a published edition
SkP-RK 72.18
सहस्रशिरसं देवं वैकुण्ठं तार्क्ष्यवाहनम् । प्रपद्ये सूक्ष्मम् अचलं वरेण्यम् अभयप्रदम्
sahasraśirasaṃ devaṃ vaikuṇṭhaṃ tārkṣyavāhanam / prapadye sūkṣmam acalaṃ vareṇyam abhayapradam
The thousand-headed god, Vaikuṇṭha, borne by Tārkṣya (Garuḍa) — to him I go for refuge, the subtle, the unmoving, the most excellent, the giver of fearlessness.
AI translation rendered from the Sanskrit, not a published edition
SkP-RK 72.19
नारायणं हरिं चैव योगात्मानं सनातनम् । शरण्यं सर्वलोकानां प्रपद्ये ध्रुवमीश्वरम्
nārāyaṇaṃ hariṃ caiva yogātmānaṃ sanātanam / śaraṇyaṃ sarvalokānāṃ prapadye dhruvamīśvaram
Nārāyaṇa and Hari, whose self is yoga, the eternal, the refuge of all the worlds — to him I go for refuge, the steadfast lord.
AI translation rendered from the Sanskrit, not a published edition
SkP-RK 72.20
यः प्रभुः सर्वभूतानां येन सर्वम् इदं ततम् । यः संहारकरो देवः स मे विष्णुः प्रसीदतु
yaḥ prabhuḥ sarvabhūtānāṃ yena sarvam idaṃ tatam / yaḥ saṃhārakaro devaḥ sa me viṣṇuḥ prasīdatu
He who is the master of all beings, by whom all this is pervaded, the god who brings about the dissolution — may that Viṣṇu be gracious to me.
AI translation rendered from the Sanskrit, not a published edition
SkP-RK 72.21
यस्माज् जातः पुरा ब्रह्मा पद्मयोनिः प्रजापतिः । प्रसीदतु स मे विष्णुः पितामहपरः प्रभुः
yasmāj jātaḥ purā brahmā padmayoniḥ prajāpatiḥ / prasīdatu sa me viṣṇuḥ pitāmahaparaḥ prabhuḥ
He from whom Brahmā, born of the lotus, the lord of creatures, arose of old — may that Viṣṇu be gracious to me, the lord higher than the Grandfather.
AI translation rendered from the Sanskrit, not a published edition
SkP-RK 72.22
पुरा लये तु संप्राप्ते नष्टे लोके चराचरे । एकस् तिष्ठति योगात्मा स मे विष्णुः प्रसीदतु
purā laye tu saṃprāpte naṣṭe loke carācare / ekas tiṣṭhati yogātmā sa me viṣṇuḥ prasīdatu
When of old the dissolution has come and the world with its moving and unmoving things has perished, he whose self is yoga remains alone — may that Viṣṇu be gracious to me.
AI translation rendered from the Sanskrit, not a published edition
SkP-RK 72.23
जयेद् यः पृथिवीं सत्यं कालो धर्मः क्रियाफलम् । गणाकारः स तां वाचो वासुदेवः प्रसीदतु
jayed yaḥ pṛthivīṃ satyaṃ kālo dharmaḥ kriyāphalam / gaṇākāraḥ sa tāṃ vāco vāsudevaḥ prasīdatu
He who would conquer the earth; truth, time, dharma, the fruit of action; he whose form is the hosts — may that Vāsudeva of speech be gracious.
AI translation rendered from the Sanskrit, not a published edition — the model flagged this verse as uncertain
SkP-RK 72.24
योगावास नमस्तुभ्यं सर्वावास वरप्रद । यज्ञभोगिन् पञ्चभोगिन् नारायण नमो ऽस्तु ते
yogāvāsa namastubhyaṃ sarvāvāsa varaprada / yajñabhogin pañcabhogin nārāyaṇa namo 'stu te
O you who dwell in yoga, homage to you; O dweller in all, giver of boons; O enjoyer of the sacrifice, enjoyer of the five (offerings), Nārāyaṇa, homage be to you.
AI translation rendered from the Sanskrit, not a published edition
SkP-RK 72.25
चतुर्मूर्ते जगद्धाम लक्ष्मीवास वरप्रद । विश्वावास नमस्ते ऽस्तु साक्षीभूत जगत्पते
caturmūrte jagaddhāma lakṣmīvāsa varaprada / viśvāvāsa namaste 'stu sākṣībhūta jagatpate
O you of fourfold form, abode of the world, dwelling-place of Lakṣmī, giver of boons; O dweller in the universe, homage be to you, O witness, lord of the world.
AI translation rendered from the Sanskrit, not a published edition
SkP-RK 72.26
अजेयः षड्विभागैकविश्वमूर्तिर् वृषाकपिः । मृगाधिपश् च कालश् च नमस् ते ज्ञानसागर
ajeyaḥ ṣaḍvibhāgaikaviśvamūrtir vṛṣākapiḥ / mṛgādhipaś ca kālaś ca namas te jñānasāgara
Unconquerable, the one universal form of the six divisions, Vṛṣākapi, lord of beasts, and Time — homage to you, ocean of knowledge.
AI translation rendered from the Sanskrit, not a published edition — the model flagged this verse as uncertain
SkP-RK 72.27
अव्यक्तादण्डम् उत्पन्नम् अव्यक्ताद् अपरः प्रभुः । यस्मात् परतरं नास्ति तम् अस्मि शरणं गतः
avyaktādaṇḍam utpannam avyaktād aparaḥ prabhuḥ / yasmāt parataraṃ nāsti tam asmi śaraṇaṃ gataḥ
From the unmanifest the egg arose; beyond the unmanifest is the lord; than whom there is nothing higher — to him have I gone for refuge.
AI translation rendered from the Sanskrit, not a published edition
SkP-RK 72.28
चिन्तयन्तो हि यं नित्यं ब्रह्मेशानादयः प्रभुम् । एकांशेन जगत्सर्वं यो विष्टभ्य विभुः स्थितः
cintayanto hi yaṃ nityaṃ brahmeśānādayaḥ prabhum / ekāṃśena jagatsarvaṃ yo viṣṭabhya vibhuḥ sthitaḥ
The lord whom Brahmā, Īśāna and the rest constantly contemplate, who, all-pervading, stands supporting this whole world with a single portion (of himself),
AI translation rendered from the Sanskrit, not a published edition
SkP-RK 72.29
अग्राह्यो निर्गुणः शास्ता तम् अस्मि शरणं गतः । दिवाकरस्य सोमस्य मध्ये ज्योतिर् इव स्थितम्
agrāhyo nirguṇaḥ śāstā tam asmi śaraṇaṃ gataḥ / divākarasya somasya madhye jyotir iva sthitam
who cannot be grasped, is without qualities, is the ruler — to him have I gone for refuge; (he) who stands like the light within the sun and the moon,
AI translation rendered from the Sanskrit, not a published edition
SkP-RK 72.30
क्षेत्रज्ञ इति यं प्राहुः स महात्मा प्रसीदतु । सांख्ययोगेन ये चान्ये सिद्धाश् चैव महर्षयः
kṣetrajña iti yaṃ prāhuḥ sa mahātmā prasīdatu / sāṃkhyayogena ye cānye siddhāś caiva maharṣayaḥ
whom they call the knower of the field — may that great self be gracious. And those others, the perfected ones and the great seers, by Sāṃkhya and Yoga,
AI translation rendered from the Sanskrit, not a published edition
SkP-RK 72.31
यं विदित्वा विमुच्यन्ते स महात्मा प्रसीदतु । नमस्ते सर्वतोभद्र सर्वतो ऽक्षिशिरोमुख
yaṃ viditvā vimucyante sa mahātmā prasīdatu / namaste sarvatobhadra sarvato 'kṣiśiromukha
knowing whom they are set free — may that great self be gracious. Homage to you, auspicious on every side, with eyes, heads and faces on every side.
AI translation rendered from the Sanskrit, not a published edition
SkP-RK 72.32
निर्विकार नमस्ते ऽस्तु आदिकल्प हृदि स्थित । अतीन्द्रिय नमस्तुभ्यं परमात्मन् नमो ऽस्तु ते
nirvikāra namaste 'stu ādikalpa hṛdi sthita / atīndriya namastubhyaṃ paramātman namo 'stu te
O changeless one, homage be to you; O you who are the first creation, seated in the heart; O you beyond the senses, homage to you; supreme self, homage be to you.
AI translation rendered from the Sanskrit, not a published edition
SkP-RK 72.33
ये च त्वाम् अभिजानन्ति संसारे न वसन्ति ते । रागद्वेषविनिर्मुक्ता लोभमोहविवार्जिताः
ye ca tvām abhijānanti saṃsāre na vasanti te / rāgadveṣavinirmuktā lobhamohavivārjitāḥ
And those who fully know you do not dwell in the round of rebirth; they are wholly freed from passion and hatred, rid of greed and delusion.
AI translation rendered from the Sanskrit, not a published edition
SkP-RK 72.34
अशरीरः सुगुप्तः सन् सर्वदेहेषु तन् मयः । अव्यक्तबुद्ध्य् अहंकारमहाभूतेन्द्रियाणि च
aśarīraḥ suguptaḥ san sarvadeheṣu tan mayaḥ / avyaktabuddhy ahaṃkāramahābhūtendriyāṇi ca
Bodiless, well concealed, you are in all bodies made of that; the unmanifest, intellect, ego, the great elements and the senses —
AI translation rendered from the Sanskrit, not a published edition — the model flagged this verse as uncertain
SkP-RK 72.35
त्वयि तानि न तेषु त्वं ते च तानि न तु स्वयम् । अव्यक्तो नातिकूटस्थो गुणानां प्रभुरीश्वरः
tvayi tāni na teṣu tvaṃ te ca tāni na tu svayam / avyakto nātikūṭastho guṇānāṃ prabhurīśvaraḥ
they are in you, you are not in them, and they are those (things) yet not of themselves; unmanifest, not wholly immovable, you are the master and lord of the qualities.
AI translation rendered from the Sanskrit, not a published edition — the model flagged this verse as uncertain
SkP-RK 72.36
आवर्तो हेतुर् अहितः प्रभुः स्वात्मव्यवस्थितः । नमस्ते पुण्डरीकाक्ष वासुदेव नमो ऽस्तु ते
āvarto hetur ahitaḥ prabhuḥ svātmavyavasthitaḥ / namaste puṇḍarīkākṣa vāsudeva namo 'stu te
(You are) the whirlpool, the cause, the unfriendly one, the lord established in your own self. Homage to you, lotus-eyed one; homage be to you, Vāsudeva.
AI translation rendered from the Sanskrit, not a published edition — the model flagged this verse as uncertain
SkP-RK 72.37
ईश्वरो ऽसि जगन्नाथ किम् अतः परमुच्यते । भक्तानां मुक्तिदस् त्वं च गुरुश् च त्रिदशेश्वरः
īśvaro 'si jagannātha kim ataḥ paramucyate / bhaktānāṃ muktidas tvaṃ ca guruś ca tridaśeśvaraḥ
You are the lord, master of the world; what more than this can be said? You are the giver of liberation to your devotees, and the teacher, and the lord of the thirty (gods).
AI translation rendered from the Sanskrit, not a published edition
SkP-RK 72.38
समे भूतपतिस् त्वं हि प्रभुर् जन्मनि जन्मनि । अहंकारेण बद्धो वा तथा सत्त्वादिभिर् गणैः
same bhūtapatis tvaṃ hi prabhur janmani janmani / ahaṃkāreṇa baddho vā tathā sattvādibhir gaṇaiḥ
You are indeed equal (to all), the lord of beings, the master, birth after birth — whether bound by the sense of 'I' or by the sets (of qualities) beginning with sattva.
AI translation rendered from the Sanskrit, not a published edition — the model flagged this verse as uncertain
SkP-RK 72.39
पृथिवीं यातु मे घ्राणं यातु मे रसनाजलम् । चक्षुर्हुताशनं यातु स्पर्शो मे यातु मारुतम्
pṛthivīṃ yātu me ghrāṇaṃ yātu me rasanājalam / cakṣurhutāśanaṃ yātu sparśo me yātu mārutam
Let my (sense of) smell go to earth, my taste go to water, my sight go to fire, my touch go to wind;
AI translation rendered from the Sanskrit, not a published edition
SkP-RK 72.40
शब्दश् चाकाशम् आयातु मनो वै कारणं तथा । अहंकारश् च मे बुद्धिं त्वयि बुद्धिर् ममास्त्व् इति
śabdaś cākāśam āyātu mano vai kāraṇaṃ tathā / ahaṃkāraś ca me buddhiṃ tvayi buddhir mamāstv iti
and let sound go to space, and the mind to its cause; and let my sense of 'I' (go) to intellect, and let my intellect be in you.
AI translation rendered from the Sanskrit, not a published edition
SkP-RK 72.41
वियोगः सर्वकरणैर् गुणैर् भूतैस् तथा ऽस्तु मे । सत्त्वं रजस्तमश् चैव प्रकृतिं स्वां विशन्तु मे
viyogaḥ sarvakaraṇair guṇair bhūtais tathā 'stu me / sattvaṃ rajastamaś caiva prakṛtiṃ svāṃ viśantu me
Let me thus have separation from all the organs, the qualities and the elements; let sattva, rajas and tamas enter into their own source (prakṛti) in me.
AI translation rendered from the Sanskrit, not a published edition
SkP-RK 72.42
प्रभोः प्रभुमनवद्यं प्रपद्ये ऽहं नरः प्रभुम् । सहस्रशिरसं देवं महर्षिं भूतभावनम्
prabhoḥ prabhumanavadyaṃ prapadye 'haṃ naraḥ prabhum / sahasraśirasaṃ devaṃ maharṣiṃ bhūtabhāvanam
I, a man, take refuge in the faultless lord, the lord of the lord — the god with a thousand heads, the great seer, the bringer-into-being of creatures;
AI translation rendered from the Sanskrit, not a published edition — the model flagged this verse as uncertain
SkP-RK 72.43
ब्रह्मयोनिश् च विश्वस्य स मे विष्णुः प्रसीदतु । ब्रह्मपत्न्यां प्रलीयन्ते नष्टे स्थावरजङ्गमे
brahmayoniś ca viśvasya sa me viṣṇuḥ prasīdatu / brahmapatnyāṃ pralīyante naṣṭe sthāvarajaṅgame
and (he who is) the womb of Brahmā (or: the source of the Veda) of the universe — may that Viṣṇu be gracious to me. When the moving and unmoving (world) is destroyed, (all things) dissolve into Brahmā's consort.
AI translation rendered from the Sanskrit, not a published edition — the model flagged this verse as uncertain
SkP-RK 72.44
आहूतसंप्लवे चैव लीयते प्रकृतौ महत् । हूयते च पुनस् ताभ्यां स मे विष्णुः प्रसीदतु
āhūtasaṃplave caiva līyate prakṛtau mahat / hūyate ca punas tābhyāṃ sa me viṣṇuḥ prasīdatu
And at the flood (of dissolution), when it is called forth, the great (principle) dissolves into prakṛti, and is again poured forth from those two — may that Viṣṇu be gracious to me.
AI translation rendered from the Sanskrit, not a published edition — the model flagged this verse as uncertain
SkP-RK 72.45
अग्निसोमार्कदेवानां ब्रह्मरुद्रेन्द्रयोगिनाम् । यस्ते जयति तेजांसि स मे विष्णुः प्रसीदतु
agnisomārkadevānāṃ brahmarudrendrayoginām / yaste jayati tejāṃsi sa me viṣṇuḥ prasīdatu
He who conquers the radiances of the gods Fire, Soma and the Sun, and of Brahmā, Rudra, Indra and the yogins — may that Viṣṇu be gracious to me.
AI translation rendered from the Sanskrit, not a published edition
SkP-RK 72.46
अजस्त्वं जगतः पन्था अमूर्तिर्वीश्वमूर्तिजित् । नवं प्रधानं च महान् पुरुषश् चेतनो ऽलसः
ajastvaṃ jagataḥ panthā amūrtirvīśvamūrtijit / navaṃ pradhānaṃ ca mahān puruṣaś cetano 'lasaḥ
You are unborn, the path of the world, formless, conqueror of all forms; (you are) the new, the primordial matter, the great (principle), the person, the conscious and the inert.
AI translation rendered from the Sanskrit, not a published edition — the model flagged this verse as uncertain
SkP-RK 72.47
अगोप्यो यः परतरस् तम् एव शरणं गतः । सोमसूर्योपमस् तेजो यो ऽवतारयति स्वयम्
agopyo yaḥ parataras tam eva śaraṇaṃ gataḥ / somasūryopamas tejo yo 'vatārayati svayam
He who is not to be hidden, who is beyond — to him alone have I gone for refuge; he who himself sends down the radiance that is like moon and sun,
AI translation rendered from the Sanskrit, not a published edition — the model flagged this verse as uncertain
SkP-RK 72.48
विजायन्ते दिशो यस्मात् स महात्मा प्रसीदतु । गुणवान् निर्गुणश् चैव चेतनो ऽचेतनो स्वगः
vijāyante diśo yasmāt sa mahātmā prasīdatu / guṇavān nirguṇaś caiva cetano 'cetano svagaḥ
from whom the directions are born — may that great self be gracious. (He is) possessed of qualities and also without qualities, conscious and unconscious, going by himself.
AI translation rendered from the Sanskrit, not a published edition — the model flagged this verse as uncertain
SkP-RK 72.49
सूक्ष्मः सर्वगतो देहः स महात्मा प्रसीदतु । सूर्यमध्ये स्थितः सोमस् तस्य मध्ये तु संस्मृतः
sūkṣmaḥ sarvagato dehaḥ sa mahātmā prasīdatu / sūryamadhye sthitaḥ somas tasya madhye tu saṃsmṛtaḥ
Subtle, all-pervading, (himself) the body — may that great self be gracious. The moon is held to stand in the middle of the sun, and in the middle of that (moon) he is remembered (to abide);
AI translation rendered from the Sanskrit, not a published edition — the model flagged this verse as uncertain
SkP-RK 72.50
भूतत्वाद् यो ऽचलो दीप्तः स महात्मा प्रसीदतु । एकत्वात् तव नानात्वं ये विदुर्यान्ति ते परम्
bhūtatvād yo 'calo dīptaḥ sa mahātmā prasīdatu / ekatvāt tava nānātvaṃ ye viduryānti te param
he who, because he is being itself, is unmoving and blazing — may that great self be gracious. Those who know your manyness (as arising) from your oneness go to the highest.
AI translation rendered from the Sanskrit, not a published edition — the model flagged this verse as uncertain
SkP-RK 72.51
समः सर्वेषु भूतेषु प्रद्वेष्यात्मजनप्रियः । समं भजत्य् अनाकाङ्क्षी भजते नान्यचेतसः
samaḥ sarveṣu bhūteṣu pradveṣyātmajanapriyaḥ / samaṃ bhajaty anākāṅkṣī bhajate nānyacetasaḥ
(He is) the same in all beings, (equally) toward the hateful and toward his own dear people; he who is without craving worships (him) as the same, but those whose minds are elsewhere do not worship (thus).
AI translation rendered from the Sanskrit, not a published edition — the model flagged this verse as uncertain
SkP-RK 72.52
यो ऽयं सर्वात्मना ज्ञेयः स मे विष्णुः प्रसीदतु । चराचरम् इदं सर्वं भूतग्रामं चतुर्विधम्
yo 'yaṃ sarvātmanā jñeyaḥ sa me viṣṇuḥ prasīdatu / carācaram idaṃ sarvaṃ bhūtagrāmaṃ caturvidham
He who is to be known with one's whole self — may that Viṣṇu be gracious to me. All this moving and unmoving fourfold host of beings,
AI translation rendered from the Sanskrit, not a published edition
SkP-RK 72.53
त्वयि तं तन्तुवत् प्रोतं सूत्रे मणिगणा इव । न ते धर्मो ह्य् अधर्मो ऽस्ति न गर्भो जन्म वा पुनः
tvayi taṃ tantuvat protaṃ sūtre maṇigaṇā iva / na te dharmo hy adharmo 'sti na garbho janma vā punaḥ
that (host) is strung on you like threads, like a string of gems on a cord. For you there is no merit nor demerit, no womb nor birth again.
AI translation rendered from the Sanskrit, not a published edition
SkP-RK 72.54
जराजन्मविमोक्षार्थं तम् एव शरणं गतः । इन्द्रियाणि गुणश् चैव श्वासोच्छ्वासश् च योनिषु
jarājanmavimokṣārthaṃ tam eva śaraṇaṃ gataḥ / indriyāṇi guṇaś caiva śvāsocchvāsaś ca yoniṣu
For the sake of release from old age and birth I have gone to him alone for refuge. The senses and the qualities, and inbreath and outbreath, (exist) in the wombs (of birth);
AI translation rendered from the Sanskrit, not a published edition — the model flagged this verse as uncertain
SkP-RK 72.55
केवलं दारुवद् देहं नश्यं यत् परमापदम् । स्वयम् एकाकिभावो मे जन्मतो ऽत्र पुनर्भवः
kevalaṃ dāruvad dehaṃ naśyaṃ yat paramāpadam / svayam ekākibhāvo me janmato 'tra punarbhavaḥ
the body is merely like a log, perishable, which is the supreme calamity. Being alone by myself, for me there is rebirth here from birth (onward).
AI translation rendered from the Sanskrit, not a published edition — the model flagged this verse as uncertain
SkP-RK 72.56
त्वद् बुद्धिस् त्वद् गतप्राणा त्वद् भक्तस् त्वत् परायणः । त्वाम् एवाहं स्मरिष्यामि मरणे पर्युपस्थिते
tvad buddhis tvad gataprāṇā tvad bhaktas tvat parāyaṇaḥ / tvām evāhaṃ smariṣyāmi maraṇe paryupasthite
My mind is (fixed) on you, my life-breath has gone to you, I am devoted to you, you are my highest resort; you alone will I remember when death stands close at hand.
AI translation rendered from the Sanskrit, not a published edition
SkP-RK 72.57
पूर्वदेहे कृता ये तु व्याधयः प्रविशन्तु माम् । वातादयश् च दुःखानि ऋणं तन् मुञ्चतात् प्रभो
pūrvadehe kṛtā ye tu vyādhayaḥ praviśantu mām / vātādayaś ca duḥkhāni ṛṇaṃ tan muñcatāt prabho
But whatever diseases were caused (by deeds done) in a former body, let them enter me, and the winds (and other humours) and the sufferings; release that debt, O Lord.
AI translation rendered from the Sanskrit, not a published edition — the model flagged this verse as uncertain
SkP-RK 72.58
श्रेयसां च परं श्रेयस् त्व् अन्येषां च यशस्विनाम् । सर्वपापविशुद्ध्यर्थं पुण्यं यत्परमं पदम्
śreyasāṃ ca paraṃ śreyas tv anyeṣāṃ ca yaśasvinām / sarvapāpaviśuddhyarthaṃ puṇyaṃ yatparamaṃ padam
(This is) the highest good among goods, and (the good) of others who are renowned—for the sake of purifying every sin, the merit that is the supreme state.
AI translation rendered from the Sanskrit, not a published edition — the model flagged this verse as uncertain
SkP-RK 72.59
प्रातर् उत्थाय सततं मध्याह्ने च दिनक्षये । अजस्रं च तथा जप्यं सर्वपापोपशान्तिदम्
prātar utthāya satataṃ madhyāhne ca dinakṣaye / ajasraṃ ca tathā japyaṃ sarvapāpopaśāntidam
Rising at dawn constantly, and at midday and at the close of day, and likewise ceaselessly, (this) is to be recited; it grants the quieting of all sins.
AI translation rendered from the Sanskrit, not a published edition
SkP-RK 72.60
हरिं कृष्णं हृषीकेशं वासुदेवं जनार्दनम् । प्रणतो ऽस्मि जगन्नाथं स मे पापं व्यपोहतु
hariṃ kṛṣṇaṃ hṛṣīkeśaṃ vāsudevaṃ janārdanam / praṇato 'smi jagannāthaṃ sa me pāpaṃ vyapohatu
Hari, Kṛṣṇa, Hṛṣīkeśa, Vāsudeva, Janārdana—I have bowed to the Lord of the world; may he sweep away my sin.
AI translation rendered from the Sanskrit, not a published edition
SkP-RK 72.61
गोवर्धनधरं देवं गोब्राह्मणहिते रतम् । प्रणतो ऽस्मि गदापाणिं स मे पापं व्यपोहतु
govardhanadharaṃ devaṃ gobrāhmaṇahite ratam / praṇato 'smi gadāpāṇiṃ sa me pāpaṃ vyapohatu
The god who lifted Govardhana, who delights in the welfare of cows and brahmins—I have bowed to him who holds the mace; may he sweep away my sin.
AI translation rendered from the Sanskrit, not a published edition
SkP-RK 72.62
शङ्खिनं चक्रिणं विष्णुं शार्ङ्गिणं मधुसूदनम् । प्रणतो ऽस्मि पतिं लक्ष्म्याः स मे पापं व्यपोहतु
śaṅkhinaṃ cakriṇaṃ viṣṇuṃ śārṅgiṇaṃ madhusūdanam / praṇato 'smi patiṃ lakṣmyāḥ sa me pāpaṃ vyapohatu
Viṣṇu, bearer of the conch, the discus and the Śārṅga bow, the slayer of Madhu—I have bowed to the husband of Lakṣmī; may he sweep away my sin.
AI translation rendered from the Sanskrit, not a published edition
SkP-RK 72.63
दामोदरं मुदा युक्तं पुण्डरीकाक्षम् अव्ययम् । प्रणतो ऽस्मि स्थितं स्थित्यै स मे पापं व्यपोहतु
dāmodaraṃ mudā yuktaṃ puṇḍarīkākṣam avyayam / praṇato 'smi sthitaṃ sthityai sa me pāpaṃ vyapohatu
Dāmodara, joined with gladness, lotus-eyed, imperishable—I have bowed to him who abides for the sake of (the world's) stability; may he sweep away my sin.
AI translation rendered from the Sanskrit, not a published edition
SkP-RK 72.64
नारायणं नरं सौम्यं माधवं च जनार्दनम् । श्रीवत्सं श्रीवपुः श्रीमच् छ्रीधरं श्रीनिकेतनम्
nārāyaṇaṃ naraṃ saumyaṃ mādhavaṃ ca janārdanam / śrīvatsaṃ śrīvapuḥ śrīmac chrīdharaṃ śrīniketanam
Nārāyaṇa, Nara, the gentle one, Mādhava and Janārdana, marked with the śrīvatsa, whose body is splendour, possessed of splendour, bearer of Śrī, the abode of Śrī—
AI translation rendered from the Sanskrit, not a published edition
SkP-RK 72.65
प्रणतो ऽस्मि श्रियः कान्तं स मे पापं व्यपोहतु । यम् ईशं सर्वभूतानां ध्यायन्ति च तमक्षरम्
praṇato 'smi śriyaḥ kāntaṃ sa me pāpaṃ vyapohatu / yam īśaṃ sarvabhūtānāṃ dhyāyanti ca tamakṣaram
—I have bowed to the beloved of Śrī; may he sweep away my sin. Him whom (the wise) meditate upon as the Lord of all beings and as the imperishable one,
AI translation rendered from the Sanskrit, not a published edition
SkP-RK 72.66
वासुदेवमनिर्देश्यं तम् अस्मि शरणं गतः । सर्वबन्धविनिर्मुक्तो यं प्रविश्य पुनर्भवम्
vāsudevamanirdeśyaṃ tam asmi śaraṇaṃ gataḥ / sarvabandhavinirmukto yaṃ praviśya punarbhavam
Vāsudeva, who cannot be pointed out—to him I have gone for refuge; entering whom, one is freed from every bond, (and) rebirth—
AI translation rendered from the Sanskrit, not a published edition
SkP-RK 72.67
पुरुषो नैव प्राप्नोति तम् अस्मि शरणं गतः । कृत्वा ब्रह्मवपुः सर्वं सदेवासुरमानुषम्
puruṣo naiva prāpnoti tam asmi śaraṇaṃ gataḥ / kṛtvā brahmavapuḥ sarvaṃ sadevāsuramānuṣam
—a man does not attain at all: to him I have gone for refuge. Having made the whole (world), with its gods, demons and men, into the body of Brahmā,
AI translation rendered from the Sanskrit, not a published edition — the model flagged this verse as uncertain
SkP-RK 72.68
यः करोति पुनः सृष्टिं तम् अस्मि शरणं गतः । ब्रह्मरूपधरं देवं योनिरूपं जनार्दनम्
yaḥ karoti punaḥ sṛṣṭiṃ tam asmi śaraṇaṃ gataḥ / brahmarūpadharaṃ devaṃ yonirūpaṃ janārdanam
he who again performs creation—to him I have gone for refuge. The god who assumes the form of Brahmā, Janārdana who is the form of the womb (of creation),
AI translation rendered from the Sanskrit, not a published edition
SkP-RK 72.69
सृष्टित्वे संस्थितं नित्यं प्रणतो ऽस्मि जनार्दनम् । यस्मान् नान्यत् परं किंचिद् यस्मिन् सर्वम् इदं जगत्
sṛṣṭitve saṃsthitaṃ nityaṃ praṇato 'smi janārdanam / yasmān nānyat paraṃ kiṃcid yasmin sarvam idaṃ jagat
ever established in his creatorship—I have bowed to Janārdana. Than whom there is nothing else higher, in whom is all this world,
AI translation rendered from the Sanskrit, not a published edition
SkP-RK 72.70
यः सर्वमध्यगो ऽनन्तः सर्वगं तं नमाम्य् अहम् । यो ऽस्ति भूतेषु सर्वेषु स्थावरे जङ्गमेषु च
yaḥ sarvamadhyago 'nantaḥ sarvagaṃ taṃ namāmy aham / yo 'sti bhūteṣu sarveṣu sthāvare jaṅgameṣu ca
he who goes within all things, endless—him who goes everywhere I salute. He who exists in all beings, in the unmoving and in the moving,
AI translation rendered from the Sanskrit, not a published edition
SkP-RK 72.71
विष्णुर् एव स वै पापं ममाशेषं प्रणश्यतु । न वृत्तं निर्वृतं कर्म विष्णोर् यत्कर्म वा कृतम्
viṣṇur eva sa vai pāpaṃ mamāśeṣaṃ praṇaśyatu / na vṛttaṃ nirvṛtaṃ karma viṣṇor yatkarma vā kṛtam
he indeed is Viṣṇu; let my sin perish without remainder. No deed has occurred, no deed has ceased, nor is any deed done, of Viṣṇu's.
AI translation rendered from the Sanskrit, not a published edition — the model flagged this verse as uncertain
SkP-RK 72.72
अनेकजन्मकर्मोत्थं पापं नश्यति मे तथा । निशायां च तथा प्रातर् मध्याह्णे चापराह्णयोः
anekajanmakarmotthaṃ pāpaṃ naśyati me tathā / niśāyāṃ ca tathā prātar madhyāhṇe cāparāhṇayoḥ
Thus the sin of mine that has arisen from deeds of many births perishes—(sin committed) by night and likewise at dawn, at midday and in the two afternoon watches,
AI translation rendered from the Sanskrit, not a published edition
SkP-RK 72.73
अज्ञानाच् च कृतं पापं कर्मणा मनसा गिरा । यत्कृतं चाशुभं किंचित् तत्सर्वं नश्यतु क्षणात्
ajñānāc ca kṛtaṃ pāpaṃ karmaṇā manasā girā / yatkṛtaṃ cāśubhaṃ kiṃcit tatsarvaṃ naśyatu kṣaṇāt
and the sin done out of ignorance by act, by mind, by speech—whatever ill has been done, let all that perish in an instant.
AI translation rendered from the Sanskrit, not a published edition
SkP-RK 72.74
तत्सर्वं विलयं यातु तोयेषु लवणं यथा । परपीडां च निन्दां च कुर्वतो जन्म नार्जितम्
tatsarvaṃ vilayaṃ yātu toyeṣu lavaṇaṃ yathā / parapīḍāṃ ca nindāṃ ca kurvato janma nārjitam
Let all that dissolve away, as salt in waters. For one who inflicts pain on others and slanders (them), birth has not been earned (to any purpose).
AI translation rendered from the Sanskrit, not a published edition — the model flagged this verse as uncertain
SkP-RK 72.75
परद्रव्यपरक्षेत्रवाञ्छा क्रोधोद्भवं च यत् । तत्सर्वं विलयं यातु तोयेषु लवणं यथा
paradravyaparakṣetravāñchā krodhodbhavaṃ ca yat / tatsarvaṃ vilayaṃ yātu toyeṣu lavaṇaṃ yathā
Whatever has arisen from craving for another's property or another's field, and from anger—let all that dissolve away, as salt in waters.
AI translation rendered from the Sanskrit, not a published edition
SkP-RK 72.76
विष्णवे वासुदेवाय हरये केशवाय च । जनार्दनाय कृष्णाय नमो भूयो नमो नमः
viṣṇave vāsudevāya haraye keśavāya ca / janārdanāya kṛṣṇāya namo bhūyo namo namaḥ
To Viṣṇu, to Vāsudeva, to Hari and to Keśava, to Janārdana, to Kṛṣṇa — homage, and again homage upon homage.
AI translation rendered from the Sanskrit, not a published edition
SkP-RK 72.77
नाभागो नाम राजर्षिर् नर्मदातीरसङ्गमे । चकार स्तोत्रम् अतुलं वैष्णवं तु प्रजापतिः
nābhāgo nāma rājarṣir narmadātīrasaṅgame / cakāra stotram atulaṃ vaiṣṇavaṃ tu prajāpatiḥ
A royal seer named Nābhāga, at the confluence on the bank of the Narmadā, made this incomparable hymn to Viṣṇu — (a hymn) of Prajāpati.
AI translation rendered from the Sanskrit, not a published edition
SkP-RK 72.78
ब्रह्मणो ऽङ्गिरसा प्राप्तं तस्माद् इन्द्रेण भारत । वशिष्ठः श्रावयामास नाभागं राजसत्तमम्
brahmaṇo 'ṅgirasā prāptaṃ tasmād indreṇa bhārata / vaśiṣṭhaḥ śrāvayāmāsa nābhāgaṃ rājasattamam
It was obtained from Brahmā by Aṅgiras, and from him by Indra, O Bhārata; Vasiṣṭha caused it to be heard by Nābhāga, the best of kings.
AI translation rendered from the Sanskrit, not a published edition
SkP-RK 72.79
स्नात्वा च नर्मदातोये दत्त्वा दानान्य् अनेकशः । कामिकं यानमारुह्य नाभागः स्वपुरीं ययौ
snātvā ca narmadātoye dattvā dānāny anekaśaḥ / kāmikaṃ yānamāruhya nābhāgaḥ svapurīṃ yayau
And having bathed in the water of the Narmadā and given gifts many times over, Nābhāga mounted a chariot that goes as one wishes and went to his own city.
AI translation rendered from the Sanskrit, not a published edition
SkP-RK 72.80
स्तौति नामसहस्रेण यः स्तवेन जनार्दनम् । न तस्य पुनरावृत्तिर्घोरे संसारसागरे
stauti nāmasahasreṇa yaḥ stavena janārdanam / na tasya punarāvṛttirghore saṃsārasāgare
He who praises Janārdana with this hymn of a thousand names — for him there is no return to the terrible ocean of transmigration.
AI translation rendered from the Sanskrit, not a published edition