Skanda Purana — Reva Khanda — Chapter 66

SkP-RK 66.1

मार्कण्डेय उवाच: एवं श्रुतं पुरा राज्ञा रविश्चन्द्रेण धीमता । उवाच वचनं श्रीमानगस्त्यो मुनिसत्तम

mārkaṇḍeya uvāca: evaṃ śrutaṃ purā rājñā raviścandreṇa dhīmatā / uvāca vacanaṃ śrīmānagastyo munisattama

Mārkaṇḍeya said: Thus was it heard formerly by the wise king Raviścandra; the illustrious Agastya, best of sages, spoke these words:

AI translation rendered from the Sanskrit, not a published edition

SkP-RK 66.2

सरस्वती न गङ्गा च यमुना वा न सागराः । न चैवान्यानि तीर्थानि प्रयागप्रमुखान्य् अपि

sarasvatī na gaṅgā ca yamunā vā na sāgarāḥ / na caivānyāni tīrthāni prayāgapramukhāny api

Not the Sarasvatī, nor the Gaṅgā, nor the Yamunā, nor the oceans, nor the other sacred fords either, even those headed by Prayāga—

AI translation rendered from the Sanskrit, not a published edition

SkP-RK 66.3

एकैव नर्मदा पुण्या सप्तकल्पवहा शुभा । लक्षयोजनपर्यन्तं जम्बूद्वीपं प्रकीर्तितम्

ekaiva narmadā puṇyā saptakalpavahā śubhā / lakṣayojanaparyantaṃ jambūdvīpaṃ prakīrtitam

the Narmadā alone is holy, auspicious, flowing through seven aeons. Jambūdvīpa is declared to extend a hundred thousand yojanas.

AI translation rendered from the Sanskrit, not a published edition

SkP-RK 66.4

नर्मदातोयपानेन लोकालोके चराचरे । तपोहीना नराश् चैव ते ऽपि यान्ति शिवालयम्

narmadātoyapānena lokāloke carācare / tapohīnā narāś caiva te 'pi yānti śivālayam

By drinking the water of the Narmadā, among the moving and unmoving in the world and beyond the world, even men devoid of austerity go to Śiva's abode.

AI translation rendered from the Sanskrit, not a published edition

SkP-RK 66.5

यो ऽयं कामयते कामं स तं प्राप्नोति पुष्कलम् । साधु साधु महाभाग पृष्टो ऽहं यत् त्वयानघ

yo 'yaṃ kāmayate kāmaṃ sa taṃ prāpnoti puṣkalam / sādhu sādhu mahābhāga pṛṣṭo 'haṃ yat tvayānagha

Whatever desire one desires, that he obtains in full measure. Well done, well done, greatly fortunate one, in that you have questioned me, sinless one!

AI translation rendered from the Sanskrit, not a published edition

SkP-RK 66.6

नर्मदा कथिता दिव्या हृद्या कस्य न रोचते । सन्ति तीर्थानि यावन्ति दक्षिणोत्तरकूलयोः

narmadā kathitā divyā hṛdyā kasya na rocate / santi tīrthāni yāvanti dakṣiṇottarakūlayoḥ

The divine, delightful Narmadā has been described—to whom is she not pleasing? However many sacred fords there are on the southern and northern banks,

AI translation rendered from the Sanskrit, not a published edition

SkP-RK 66.7

त्वत्प्रीतिदानि तावन्ति कथयामि नृपोत्तम । अन्यानि ग्रन्थलक्षेण न च कीर्तयितुं क्षमः

tvatprītidāni tāvanti kathayāmi nṛpottama / anyāni granthalakṣeṇa na ca kīrtayituṃ kṣamaḥ

so many that give you delight I shall relate, best of kings; the others I am not able to recount even in a hundred thousand verses.

AI translation rendered from the Sanskrit, not a published edition

SkP-RK 66.8

त्रयो वेदास्त्रयो लोकास् तिस्रः सन्ध्यास्त्रयो ऽग्नयः । सिद्धगन्धर्वयक्षाश् च सकिन्नरमहोरगाः

trayo vedāstrayo lokās tisraḥ sandhyāstrayo 'gnayaḥ / siddhagandharvayakṣāś ca sakinnaramahoragāḥ

The three Vedas, the three worlds, the three twilights, the three fires, and the Siddhas, Gandharvas and Yakṣas together with the Kinnaras and the great serpents,

AI translation rendered from the Sanskrit, not a published edition

SkP-RK 66.9

विद्याधरश् चाप्सरसः कल्पगातटमाश्रिताः । ॐकारादीनि लिङ्गानि वैदूर्यादिनगाः पुरा

vidyādharaś cāpsarasaḥ kalpagātaṭamāśritāḥ / oṃkārādīni liṅgāni vaidūryādinagāḥ purā

And Vidyādharas and apsarases who dwell on the bank of the Kalpagā; the liṅgas beginning with Oṃkāra, and the mountains beginning with Vaidūrya, of old —

AI translation rendered from the Sanskrit, not a published edition — the model flagged this verse as uncertain

SkP-RK 66.10

द्वापरे च कलिं प्राप्य पावनत्वम् अवाप्नुयुः । ब्रह्मविष्ण्वादिदेवानां मर्यादा कथ्यते ऽधुना

dvāpare ca kaliṃ prāpya pāvanatvam avāpnuyuḥ / brahmaviṣṇvādidevānāṃ maryādā kathyate 'dhunā

— and in the Dvāpara age, on reaching the Kali age, they would attain the state of purifying (others). Now the bounds (of the domains) of the gods Brahmā, Viṣṇu and the rest are told.

AI translation rendered from the Sanskrit, not a published edition — the model flagged this verse as uncertain

SkP-RK 66.11

प्रभाभिर्द्योतमानाया रेवाया दक्षिणोत्तरे । यज्ञभूमिरियं ख्याता सुरासुरनमस्कृता

prabhābhirdyotamānāyā revāyā dakṣiṇottare / yajñabhūmiriyaṃ khyātā surāsuranamaskṛtā

To the south and north of the Revā, who shines with her radiances, this is renowned as the sacrificial ground, saluted by gods and asuras.

AI translation rendered from the Sanskrit, not a published edition

SkP-RK 66.12

अशोकवनिका तत्र तस्या देवो महेश्वरः । तत्र सिद्ध्यति निर्विघ्नो यज्ञ इत्य् आह शङ्करः

aśokavanikā tatra tasyā devo maheśvaraḥ / tatra siddhyati nirvighno yajña ity āha śaṅkaraḥ

There is the Aśoka grove there; its god is Maheśvara. There a sacrifice succeeds without hindrance — so said Śaṅkara.

AI translation rendered from the Sanskrit, not a published edition

SkP-RK 66.13

उवाच वचनं राजा अगस्त्यं मुनिसत्तमम् । स्वस्ति वो ऽस्तु गमिष्यामि त्वया सह महामुने

uvāca vacanaṃ rājā agastyaṃ munisattamam / svasti vo 'stu gamiṣyāmi tvayā saha mahāmune

The king spoke these words to Agastya, best of sages: "Welfare be to you (all); I shall go with you, great sage."

AI translation rendered from the Sanskrit, not a published edition

SkP-RK 66.14

अशोकवनिकां प्राप्तः स राजा मुनिभिर्वृतः । रेवाया दक्षिणे कूले पुण्यतीर्थेसु शोभने

aśokavanikāṃ prāptaḥ sa rājā munibhirvṛtaḥ / revāyā dakṣiṇe kūle puṇyatīrthesu śobhane

That king, surrounded by sages, reached the Aśoka grove on the southern bank of the Revā, in a lovely place among holy fords.

AI translation rendered from the Sanskrit, not a published edition

SkP-RK 66.15

दशयोजनपर्यन्तं यज्ञयूपाश् च मण्डपम् । मणिमाणिक्यरत्नौघैः सर्वद्वारेषु शोभिताः

daśayojanaparyantaṃ yajñayūpāś ca maṇḍapam / maṇimāṇikyaratnaughaiḥ sarvadvāreṣu śobhitāḥ

Extending for ten yojanas were the sacrificial posts and the pavilion, adorned at all their gateways with masses of gems, rubies and jewels,

AI translation rendered from the Sanskrit, not a published edition

SkP-RK 66.16

पताकाध्वजशोभाड्या नानावस्त्रावगुण्ठिताः । विश्वामित्रो भरद्वाजः कश्यपो भार्गवस् तथा

patākādhvajaśobhāḍyā nānāvastrāvaguṇṭhitāḥ / viśvāmitro bharadvājaḥ kaśyapo bhārgavas tathā

rich in the splendour of pennants and banners, draped over with cloths of many kinds. Viśvāmitra, Bharadvāja, Kaśyapa, and Bhārgava too,

AI translation rendered from the Sanskrit, not a published edition

SkP-RK 66.17

ब्रह्मदृश्यो लोमशश् च तथान्ये मुनिसत्तमाः । वालखिल्या महाभागा मानसा ब्रह्मणः सुताः

brahmadṛśyo lomaśaś ca tathānye munisattamāḥ / vālakhilyā mahābhāgā mānasā brahmaṇaḥ sutāḥ

Brahmadṛśya and Lomaśa, and likewise other foremost sages, the greatly blessed Vālakhilyas, the mind-born sons of Brahmā —

AI translation rendered from the Sanskrit, not a published edition

SkP-RK 66.18

एते चान्ये च बहवो मुनयः शंसितव्रताः । ततः प्रवर्तितो यज्ञो ब्राह्मणैर् आप्तदक्षिणैः

ete cānye ca bahavo munayaḥ śaṃsitavratāḥ / tataḥ pravartito yajño brāhmaṇair āptadakṣiṇaiḥ

these and many other sages of praised vows (were there). Then the sacrifice was set in motion by brahmins who had received their fees.

AI translation rendered from the Sanskrit, not a published edition

SkP-RK 66.19

तृप्ताश् च देवताः सर्वाः प्रतिजग्मुस् त्रिविष्टपम् । जग्मुः सर्वे च मुदिता मुनयः स्वाश्रमं प्रति

tṛptāś ca devatāḥ sarvāḥ pratijagmus triviṣṭapam / jagmuḥ sarve ca muditā munayaḥ svāśramaṃ prati

And all the deities, satisfied, went back to heaven; and all the sages, gladdened, went off to their own hermitages.

AI translation rendered from the Sanskrit, not a published edition

SkP-RK 66.20

ततो निवर्तितो यज्ञो दुर्वासाः कुपितो गतः । नात्र वैवस्वतो नाहं नारदः पर्वतस् तथा

tato nivartito yajño durvāsāḥ kupito gataḥ / nātra vaivasvato nāhaṃ nāradaḥ parvatas tathā

Then the sacrifice was brought to a close. Durvāsas went off angry: "Here there was neither Vaivasvata (Yama) nor I, nor Nārada, nor Parvata.

AI translation rendered from the Sanskrit, not a published edition

SkP-RK 66.21

कथं निवर्तितो यज्ञः पापर्कर्मिनराधमैः । आगतस् तु यमस् तत्र नारदः पर्वतस् तथा

kathaṃ nivartito yajñaḥ pāparkarminarādhamaiḥ / āgatas tu yamas tatra nāradaḥ parvatas tathā

How was the sacrifice brought to a close by these vilest of men, doers of evil deeds?" But Yama came there, and Nārada and Parvata as well,

AI translation rendered from the Sanskrit, not a published edition — the model flagged this verse as uncertain

SkP-RK 66.22

लेखकश्चित्रगुप्तश् च कालो मृत्युस् तथैव च । एते च कुपिताः सर्वे यज्ञभागं विना नृप

lekhakaścitraguptaś ca kālo mṛtyus tathaiva ca / ete ca kupitāḥ sarve yajñabhāgaṃ vinā nṛpa

and the scribe Citragupta, and Kāla and Mṛtyu likewise; and all these were angry, being without a share of the sacrifice, O king.

AI translation rendered from the Sanskrit, not a published edition

SkP-RK 66.23

तान् सर्वान् कुपितान् दृष्ट्वा रविश्चन्द्रो ऽब्रवीद् वचः । अशोकेश्वरदेवस्य नर्मदायाः प्रसादतः

tān sarvān kupitān dṛṣṭvā raviścandro 'bravīd vacaḥ / aśokeśvaradevasya narmadāyāḥ prasādataḥ

Seeing them all angry, Raviścandra spoke these words: "By the favour of the god Aśokeśvara and of the Narmadā,

AI translation rendered from the Sanskrit, not a published edition

SkP-RK 66.24

को मे समर्थो विघ्नाय सुरासुरगणेष्व् अपि । तथैव को ऽन्यो जन्तूनां यज्ञविघ्नस्य हेतवे

ko me samartho vighnāya surāsuragaṇeṣv api / tathaiva ko 'nyo jantūnāṃ yajñavighnasya hetave

who, even among the hosts of gods and asuras, is able to obstruct me? And likewise who else among living beings could be the cause of obstruction to the sacrifice?

AI translation rendered from the Sanskrit, not a published edition

SkP-RK 66.25

यज्ञकाले च संप्राप्तो य कश्चिद् अपि मानवः । पूजनीयस् तथार्च्यश् च यथा देवश्चतुर्भुजः

yajñakāle ca saṃprāpto ya kaścid api mānavaḥ / pūjanīyas tathārcyaś ca yathā devaścaturbhujaḥ

And whatever man has arrived at the time of the sacrifice is to be worshipped and honoured just as the four-armed god is.

AI translation rendered from the Sanskrit, not a published edition

SkP-RK 66.26

यथायाता महाभागा ब्रह्मपुत्रा महौजसः । ददामि वो न सन्देहो मनसा यदभीप्सितम्

yathāyātā mahābhāgā brahmaputrā mahaujasaḥ / dadāmi vo na sandeho manasā yadabhīpsitam

Since you have come, greatly blessed sons of Brahmā of great might, I give you — there is no doubt of it — whatever is desired in your mind."

AI translation rendered from the Sanskrit, not a published edition

SkP-RK 66.27

दुर्वासा उवाच: परिपूज्यश् च नः पुत्रो नारदः पर्वतस् तथा । एकाकी प्रार्थये नाहं मिलित्वा प्रार्थयामहे

durvāsā uvāca: paripūjyaś ca naḥ putro nāradaḥ parvatas tathā / ekākī prārthaye nāhaṃ militvā prārthayāmahe

Durvāsas said: "Our son is to be fully honoured, and Nārada and Parvata too. I do not make the request alone; having joined together, we make the request."

AI translation rendered from the Sanskrit, not a published edition

SkP-RK 66.28

रविश्चन्द्र उवाच: यो यं कामयते कामं तं तस्मै प्रददाम्य् अहम् । इति सर्वे ऽपि तेनैव प्रस्तुता मुनिपुङ्गवाः

raviścandra uvāca: yo yaṃ kāmayate kāmaṃ taṃ tasmai pradadāmy aham / iti sarve 'pi tenaiva prastutā munipuṅgavāḥ

Raviścandra said: "Whoever desires whatever object of desire, that I bestow upon him." Thus all those bulls among sages were addressed by him.

AI translation rendered from the Sanskrit, not a published edition — the model flagged this verse as uncertain

SkP-RK 66.29

युधिष्ठिर उवाच: मुनयः केन कार्येण पाटलीपुत्रवासिनः

yudhiṣṭhira uvāca: munayaḥ kena kāryeṇa pāṭalīputravāsinaḥ

Yudhiṣṭhira said: For what reason are the sages dwellers in Pāṭalīputra?

AI translation rendered from the Sanskrit, not a published edition

SkP-RK 66.30

मार्कण्डेय उवाच: पुरा तपोधनाः सर्वे जटावल्कलधारिणः

mārkaṇḍeya uvāca: purā tapodhanāḥ sarve jaṭāvalkaladhāriṇaḥ

Mārkaṇḍeya said: Formerly all (of them were) rich in ascetic power, wearing matted hair and bark garments.

AI translation rendered from the Sanskrit, not a published edition

SkP-RK 66.31

नैपाले वै पशुपतिं देवदेवं महेश्वरम् । पूजयन्ति शिवं भक्त्या गौर्या विरहितं हरम्

naipāle vai paśupatiṃ devadevaṃ maheśvaram / pūjayanti śivaṃ bhaktyā gauryā virahitaṃ haram

In Nepal they worship with devotion Paśupati, the god of gods, Maheśvara, Śiva, Hara — (but) apart from Gaurī,

AI translation rendered from the Sanskrit, not a published edition

SkP-RK 66.32

अर्धनारीश्वरं देवं सुरासुरनमस्कृतम् । संशप्तास् तेन कार्येण पार्वत्या लिङ्गभेदिनः

ardhanārīśvaraṃ devaṃ surāsuranamaskṛtam / saṃśaptās tena kāryeṇa pārvatyā liṅgabhedinaḥ

(not) the god Ardhanārīśvara, who is saluted by gods and asuras; for that deed they were cursed by Pārvatī as splitters of the liṅga.

AI translation rendered from the Sanskrit, not a published edition — the model flagged this verse as uncertain

SkP-RK 66.33

वर्षं सहस्रं हि मितं श्वयोनिं च गमिष्यथ । निर्माल्यभक्षकाः पापाश्चण्डद्रव्यस्य भक्षकाः

varṣaṃ sahasraṃ hi mitaṃ śvayoniṃ ca gamiṣyatha / nirmālyabhakṣakāḥ pāpāścaṇḍadravyasya bhakṣakāḥ

"For a measured thousand years you shall go to the womb of a dog, you eaters of the offerings' remains, you sinners, eaters of what belongs to Caṇḍa!"

AI translation rendered from the Sanskrit, not a published edition

SkP-RK 66.34

तेषां कृते महाराज दुर्वासा नृपम् अब्रवीत् । श्वयोनिं समनुप्राप्तास् तत्र काले मुनीश्वराः

teṣāṃ kṛte mahārāja durvāsā nṛpam abravīt / śvayoniṃ samanuprāptās tatra kāle munīśvarāḥ

For their sake, great king, Durvāsas said to the king: "At that time the lords of sages entered the womb of a dog."

AI translation rendered from the Sanskrit, not a published edition

SkP-RK 66.35

मोचय त्वं ततो राजन्न् अस्मत् प्रियचिकीर्षया । पार्वत्या ते ऽभिशप्ताश् च नरके मज्जन्ति दारुणे

mocaya tvaṃ tato rājann asmat priyacikīrṣayā / pārvatyā te 'bhiśaptāś ca narake majjanti dāruṇe

"Therefore, O king, release them, out of a wish to do what is dear to us; cursed by Pārvatī, they are sinking in a dreadful hell."

AI translation rendered from the Sanskrit, not a published edition

SkP-RK 66.36

उवाच वचनं राजा मुनिं दुर्वाससं ततः । मोचयामि न सन्देहस् तस्मात् पापाद् द्विजोत्तमान्

uvāca vacanaṃ rājā muniṃ durvāsasaṃ tataḥ / mocayāmi na sandehas tasmāt pāpād dvijottamān

Then the king spoke these words to the sage Durvāsas: "I shall release those best of twice-born from that sin — there is no doubt."

AI translation rendered from the Sanskrit, not a published edition

SkP-RK 66.37

प्रेषिताः किङ्करास् तेन सीदन्तो यत्र ते वने । प्रणिपत्य च ते सर्वे तानूचुश् च वनेचरान्

preṣitāḥ kiṅkarās tena sīdanto yatra te vane / praṇipatya ca te sarve tānūcuś ca vanecarān

Servants were sent by him to where those (sages) were languishing in the forest; and they all, having bowed down, spoke to those forest-dwellers.

AI translation rendered from the Sanskrit, not a published edition

SkP-RK 66.38

स्मारयन्ति पूर्वजातिम् आदिष्टाः प्रभुणा यथा । ततस् तद् वचनात् प्राप्तास् ते ऽशोकवनिकां द्रुतम्

smārayanti pūrvajātim ādiṣṭāḥ prabhuṇā yathā / tatas tad vacanāt prāptās te 'śokavanikāṃ drutam

They remind (them) of their former birth, as they had been instructed by the lord; then, at that word, they (the sages) quickly reached the aśoka grove.

AI translation rendered from the Sanskrit, not a published edition

SkP-RK 66.39

रविश्चन्द्रश्चक्रवर्ती तान् विलोक्य तपोधनान् । मुदा परमया युक्तः प्राह तान् प्रहसन्न् इव

raviścandraścakravartī tān vilokya tapodhanān / mudā paramayā yuktaḥ prāha tān prahasann iva

The universal sovereign Raviścandra, seeing those rich in austerity, filled with the highest joy, spoke to them as if laughing:

AI translation rendered from the Sanskrit, not a published edition

SkP-RK 66.40

अशोकेश्वरदेवस्य मेकलायाः प्रभावतः । मम दानप्रभावेण महर्षीणां प्रसादतः

aśokeśvaradevasya mekalāyāḥ prabhāvataḥ / mama dānaprabhāveṇa maharṣīṇāṃ prasādataḥ

"By the power of the god Aśokeśvara, by the power of Mekalā, by the power of my giving, by the grace of the great seers,

AI translation rendered from the Sanskrit, not a published edition

SkP-RK 66.41

त्यक्त्वा श्वयोनिं मुनयः शिवलोकं प्रयान्तु वै । एतत् पापं महाघोरं मयि सर्वं निषीदतु

tyaktvā śvayoniṃ munayaḥ śivalokaṃ prayāntu vai / etat pāpaṃ mahāghoraṃ mayi sarvaṃ niṣīdatu

let the sages leave the dog's womb and go to Śiva's world; let all this most terrible sin settle upon me."

AI translation rendered from the Sanskrit, not a published edition

SkP-RK 66.42

तत्क्षणान् मुक्तशापास्ते कामिकं यानम् आस्थिताः । ऊचुर् महर्षयो वाक्यं रविश्चन्द्रं शतक्रतुम्

tatkṣaṇān muktaśāpāste kāmikaṃ yānam āsthitāḥ / ūcur maharṣayo vākyaṃ raviścandraṃ śatakratum

That very instant, freed from the curse, they mounted a chariot that goes at will; the great seers spoke these words to Raviścandra, (equal to) the performer of a hundred sacrifices:

AI translation rendered from the Sanskrit, not a published edition

SkP-RK 66.43

त्वं माता त्वं पितास्माकं गुरुर्मोक्षप्रदायकः । एवम् उक्त्वा ययुस् ते तु उमामाहेश्वरं परम्

tvaṃ mātā tvaṃ pitāsmākaṃ gururmokṣapradāyakaḥ / evam uktvā yayus te tu umāmāheśvaraṃ param

"You are our mother, you are our father, our teacher, the giver of liberation." Having spoken thus, they went to the supreme Umā-Maheśvara.

AI translation rendered from the Sanskrit, not a published edition

SkP-RK 66.44

साधु साधु महाभाग त्वं तु यज्ञतपोनिधिः । ना ऽन्यस्त्वया समः कश्चित् सोमवंशे महीपतिः

sādhu sādhu mahābhāga tvaṃ tu yajñataponidhiḥ / nā 'nyastvayā samaḥ kaścit somavaṃśe mahīpatiḥ

"Well done, well done, greatly fortunate one! You are a treasury of sacrifice and austerity. There is no other king equal to you in the lunar dynasty;

AI translation rendered from the Sanskrit, not a published edition

SkP-RK 66.45

त्वया हि निर्जितं सर्वं त्रैलोक्यं सचराचरम् । एवम् उक्त्वा सुरश्रेष्ठाः साधुवादैस् तम् आर्चयन्

tvayā hi nirjitaṃ sarvaṃ trailokyaṃ sacarācaram / evam uktvā suraśreṣṭhāḥ sādhuvādais tam ārcayan

indeed, by you the whole triple world with all that moves and does not move has been conquered." Having spoken thus, the foremost of the gods honoured him with cries of "well done!"

AI translation rendered from the Sanskrit, not a published edition

SkP-RK 66.46

दुर्वासा उवाच: क्षत्रियेषु त्वया तुल्यो न दृष्टो न श्रुतो मया

durvāsā uvāca: kṣatriyeṣu tvayā tulyo na dṛṣṭo na śruto mayā

Durvāsas said: Among kṣatriyas, no one equal to you has been seen or heard of by me.

AI translation rendered from the Sanskrit, not a published edition

SkP-RK 66.47

प्राणत्यागो हि सुकरो धर्मत्यागो हि दुष्करः । वरं वृणीष्व भद्रं ते यत्ते मनसि वर्तते

prāṇatyāgo hi sukaro dharmatyāgo hi duṣkaraḥ / varaṃ vṛṇīṣva bhadraṃ te yatte manasi vartate

To give up life is easy, but to give up dharma is hard. Choose a boon — blessings on you — whatever is in your mind.

AI translation rendered from the Sanskrit, not a published edition

SkP-RK 66.48

प्रहसन्न् अब्रवीद् वाक्यं राजा दुर्वाससं मुनिम् । मम दानप्रभावेण नरा दुष्कृतबुद्धयः

prahasann abravīd vākyaṃ rājā durvāsasaṃ munim / mama dānaprabhāveṇa narā duṣkṛtabuddhayaḥ

Laughing, the king spoke these words to the sage Durvāsas: "By the power of my giving, may men whose minds are set on evil deeds

AI translation rendered from the Sanskrit, not a published edition

SkP-RK 66.49

प्राप्नुवन् तु परं लोकं वर एष मम प्रियः । एवमस्त्विति तस्याग्रे ऽभिधाय मुनिपुङ्गवः

prāpnuvan tu paraṃ lokaṃ vara eṣa mama priyaḥ / evamastviti tasyāgre 'bhidhāya munipuṅgavaḥ

"But let them attain the highest world — this is the boon dear to me." Having said "So be it" before him, that bull among sages,

AI translation rendered from the Sanskrit, not a published edition

SkP-RK 66.50

स मुदा परया युक्तस् तत्रैवान्तरधीयत । तद् दृष्ट्वा तादृशं कर्म राज्ञश् चामिततेजसः

sa mudā parayā yuktas tatraivāntaradhīyata / tad dṛṣṭvā tādṛśaṃ karma rājñaś cāmitatejasaḥ

filled with the utmost delight, vanished on that very spot. And seeing that such a deed of the king of immeasurable brilliance,

AI translation rendered from the Sanskrit, not a published edition

SkP-RK 66.51

शङ्कया परया युक्तो धर्मराजो ऽब्रवीद् इदम् । वरं ददामि भद्रं ते यज्ञभागबहिष्कृतः

śaṅkayā parayā yukto dharmarājo 'bravīd idam / varaṃ dadāmi bhadraṃ te yajñabhāgabahiṣkṛtaḥ

filled with the utmost misgiving, Dharmarāja (Yama) said this: "I grant (you) a boon, blessings upon you — (though) excluded from a share of the sacrifice.

AI translation rendered from the Sanskrit, not a published edition — the model flagged this verse as uncertain

SkP-RK 66.52

श्वयोनित्वं गता विप्रा मोचिताः कर्मबन्धनात् । ईदृशं तव सामर्थ्यं जानामि च नृपोत्तम

śvayonitvaṃ gatā viprā mocitāḥ karmabandhanāt / īdṛśaṃ tava sāmarthyaṃ jānāmi ca nṛpottama

The brahmins who had gone to birth as dogs were released from the bondage of (their) deeds. Such power of yours I do know, O best of kings.

AI translation rendered from the Sanskrit, not a published edition

SkP-RK 66.53

पृथिव्यां दुष्करं कर्म यज्ञश् चैव विशेषतः । यो ददाति महाभाग स्वकीयं पुण्यमुत्तमम्

pṛthivyāṃ duṣkaraṃ karma yajñaś caiva viśeṣataḥ / yo dadāti mahābhāga svakīyaṃ puṇyamuttamam

On earth (ritual) action is hard to perform, and sacrifice especially so; he who gives away, O greatly fortunate one, his own highest merit —

AI translation rendered from the Sanskrit, not a published edition

SkP-RK 66.54

यमलोको जितस् तेन देवलोको जितस् तथा । वरयोग्यो ऽसि राजेन्द्र सत्यम् एतत् मयोदितम्

yamaloko jitas tena devaloko jitas tathā / varayogyo 'si rājendra satyam etat mayoditam

by him Yama's world has been conquered, and likewise the world of the gods. You are worthy of a boon, O lord of kings; this that I have said is the truth."

AI translation rendered from the Sanskrit, not a published edition

SkP-RK 66.55

रविश्चन्द्र उवाच: यदि तुष्टः सूर्यपुत्र वरं दातुं ममेच्छसि । मम यज्ञशतेनैव दानेन तपसा तथा

raviścandra uvāca: yadi tuṣṭaḥ sūryaputra varaṃ dātuṃ mamecchasi / mama yajñaśatenaiva dānena tapasā tathā

Raviścandra said: If you are pleased, O son of the Sun, and wish to give me a boon, then by my hundred sacrifices, and by (my) giving and austerity,

AI translation rendered from the Sanskrit, not a published edition

SkP-RK 66.56

पापयोनिगता ये तु ये च दुष्कृतकारिणः । प्रयान्तु त्वत्प्रसादेन धर्मराज शिवालयम्

pāpayonigatā ye tu ye ca duṣkṛtakāriṇaḥ / prayāntu tvatprasādena dharmarāja śivālayam

let those who have gone to sinful births, and those who do evil deeds, proceed by your grace, O Dharmarāja, to the abode of Śiva.

AI translation rendered from the Sanskrit, not a published edition

SkP-RK 66.57

यम उवाच: एवं भवतु राजेन्द्र सत्यधर्मपरायण

yama uvāca: evaṃ bhavatu rājendra satyadharmaparāyaṇa

Yama said: So let it be, O lord of kings, devoted to truth and dharma.

AI translation rendered from the Sanskrit, not a published edition

SkP-RK 66.58

प्राप्नुहि त्वं परं लोकं सत्येनानेन सुव्रत । यतस् ते मोचिताः सर्वाः कश्मलात् पापयोनयः

prāpnuhi tvaṃ paraṃ lokaṃ satyenānena suvrata / yatas te mocitāḥ sarvāḥ kaśmalāt pāpayonayaḥ

Attain you the highest world by this truth (of yours), O man of good vows, since by you all those of sinful birth have been released from defilement.

AI translation rendered from the Sanskrit, not a published edition

SkP-RK 66.59

क्षत्रियाः शतशो राजन्न् अन्ये चैव सहस्रशः । पापात् समुद्धृता ये च तेषां संख्या न विद्यते

kṣatriyāḥ śataśo rājann anye caiva sahasraśaḥ / pāpāt samuddhṛtā ye ca teṣāṃ saṃkhyā na vidyate

Kshatriyas by the hundreds, O king, and others by the thousands; and of those who have been lifted up out of sin there is no counting.

AI translation rendered from the Sanskrit, not a published edition

SkP-RK 66.60

एवमुक्त्वा नृपश्रेष्ठं धर्मराजो महाभुजः । कामिकं यानमारुह्य सुरासुरनमस्कृतम्

evamuktvā nṛpaśreṣṭhaṃ dharmarājo mahābhujaḥ / kāmikaṃ yānamāruhya surāsuranamaskṛtam

Having spoken thus to the best of kings, Dharmarāja of mighty arms, mounting his vehicle that goes at will, saluted by gods and asuras,

AI translation rendered from the Sanskrit, not a published edition

SkP-RK 66.61

ययौ स्वभवनं राजन् नारदः पर्वतस् तथा । तस्याम् अशीतिलक्षाणि तीर्थानां नरसत्तम

yayau svabhavanaṃ rājan nāradaḥ parvatas tathā / tasyām aśītilakṣāṇi tīrthānāṃ narasattama

went to his own dwelling, O king, and so too did Nārada and Parvata. Eighty lakhs of tīrthas in that (place), O best of men,

AI translation rendered from the Sanskrit, not a published edition

SkP-RK 66.62

अशोकवनिकायां तु कीर्तितानि तवानघ । श्रवणात् कीर्तनात् तेषां गोसहस्रफलं भवेत्

aśokavanikāyāṃ tu kīrtitāni tavānagha / śravaṇāt kīrtanāt teṣāṃ gosahasraphalaṃ bhavet

in Aśokavanikā, have been recounted to you, O sinless one; from hearing and from reciting them the fruit of a thousand cows accrues.

AI translation rendered from the Sanskrit, not a published edition