Skanda Purana — Reva Khanda — Chapter 61
SkP-RK 61.1
युधिष्ठिर उवाच: श्रुत्वा नानाविधान् धर्मास्त्वत्प्रसादान् महामुने । नाहं तृप्तिं तु गच्छामि नर्मदाख्यानकीर्तनात्
yudhiṣṭhira uvāca: śrutvā nānāvidhān dharmāstvatprasādān mahāmune / nāhaṃ tṛptiṃ tu gacchāmi narmadākhyānakīrtanāt
Yudhiṣṭhira said: Having heard the manifold duties, great sage, by your grace, still I come to no satiety from the recitation of the Narmadā narrative.
AI translation rendered from the Sanskrit, not a published edition
SkP-RK 61.2
मार्कण्डेय उवाच: गावः पवित्रमतुलं गावः सर्वार्थसाधकाः । तस्माद्धि गोप्रदानेन शिवभक्त्या प्रमुच्यते
mārkaṇḍeya uvāca: gāvaḥ pavitramatulaṃ gāvaḥ sarvārthasādhakāḥ / tasmāddhi gopradānena śivabhaktyā pramucyate
Mārkaṇḍeya said: Cows are an incomparable purity; cows accomplish every aim. Therefore indeed, by the gift of a cow together with devotion to Śiva, one is released.
AI translation rendered from the Sanskrit, not a published edition
SkP-RK 61.3
यस्मिन् देशे भवेन् नित्यं शिवभक्तिसमन्वितः । सो ऽपि देशो भवेत् पूतः किं पुनश् च सबान्धवः
yasmin deśe bhaven nityaṃ śivabhaktisamanvitaḥ / so 'pi deśo bhavet pūtaḥ kiṃ punaś ca sabāndhavaḥ
In whatever region a man endowed with devotion to Śiva constantly dwells, that region too becomes purified — how much more (the man himself) along with his kinsmen.
AI translation rendered from the Sanskrit, not a published edition
SkP-RK 61.4
उक्तानि षट्सहस्राणि पुराणे मेकलातटे । इत्याह ज्ञानयोगस्य धर्मयोगस्य तत्त्ववित्
uktāni ṣaṭsahasrāṇi purāṇe mekalātaṭe / ityāha jñānayogasya dharmayogasya tattvavit
Six thousand (verses) have been spoken in the Purāṇa on the slope of Mekhalā; so said he who knows the truth of the yoga of knowledge and the yoga of duty.
AI translation rendered from the Sanskrit, not a published edition — the model flagged this verse as uncertain
SkP-RK 61.5
धर्माधर्मगतीनां च स्वरूपम् उपवर्णितम् । तीर्थाख्यानसमायुक्तं नर्मदाख्यानम् उत्तमम्
dharmādharmagatīnāṃ ca svarūpam upavarṇitam / tīrthākhyānasamāyuktaṃ narmadākhyānam uttamam
And the nature of the courses of merit and demerit has been described: the excellent narrative of the Narmadā, joined with the accounts of the sacred fords.
AI translation rendered from the Sanskrit, not a published edition
SkP-RK 61.6
कीर्तनाच् छ्रवणात् तस्य मुच्यते भवबन्धनात् । विद्यां सिंहासने दिव्ये वस्त्रपुष्पाधिवासिताम्
kīrtanāc chravaṇāt tasya mucyate bhavabandhanāt / vidyāṃ siṃhāsane divye vastrapuṣpādhivāsitām
By reciting and by hearing it one is freed from the bondage of existence. (Setting) the sacred lore upon a divine lion-throne perfumed with cloths and flowers,
AI translation rendered from the Sanskrit, not a published edition — the model flagged this verse as uncertain
SkP-RK 61.7
पूजयित्वा हरं विष्णुं शृणुयाद् वाचयेत् तथा । श्रीमत्सिंहासनं वापि कॢप्तं हैमं सुशोभनम्
pūjayitvā haraṃ viṣṇuṃ śṛṇuyād vācayet tathā / śrīmatsiṃhāsanaṃ vāpi kḷptaṃ haimaṃ suśobhanam
having worshipped Hara and Viṣṇu, one should hear it and likewise have it recited — or (upon) a splendid lion-throne, fashioned of gold, very beautiful,
AI translation rendered from the Sanskrit, not a published edition — the model flagged this verse as uncertain
SkP-RK 61.8
हेमवस्त्रोपरिच्छन्नं नानारत्नविभूषितम् । राजतं ताम्रकं कांस्यं ब्रह्मचारिविनिर्मितम्
hemavastroparicchannaṃ nānāratnavibhūṣitam / rājataṃ tāmrakaṃ kāṃsyaṃ brahmacārivinirmitam
covered over with golden cloth, adorned with various jewels; (or one) of silver, of copper, of bronze, made by a celibate student,
AI translation rendered from the Sanskrit, not a published edition
SkP-RK 61.9
तत् तु तारसमुद्भूतं शृङ्गवद् रत्नभूषितम् । दिव्यं सिंहासनं वापि पूजां कृत्वा प्रयत्नतः
tat tu tārasamudbhūtaṃ śṛṅgavad ratnabhūṣitam / divyaṃ siṃhāsanaṃ vāpi pūjāṃ kṛtvā prayatnataḥ
or that one made of silver, peaked like a horn, adorned with jewels — or a divine lion-throne; having performed the worship with care,
AI translation rendered from the Sanskrit, not a published edition — the model flagged this verse as uncertain
SkP-RK 61.10
गन्धाधिवसितकरः श्रीमदासनसंस्थितः । शम्भ्वायतनतीर्थेषु नरेन्द्र भवनेषु च
gandhādhivasitakaraḥ śrīmadāsanasaṃsthitaḥ / śambhvāyatanatīrtheṣu narendra bhavaneṣu ca
his hands perfumed with fragrant substances, seated on the splendid seat, in Śambhu's temples and at the fords, O lord of men, and in dwellings,
AI translation rendered from the Sanskrit, not a published edition
SkP-RK 61.11
बोधयेत् परमं धर्मं गृहग्रामपुरेषु च । नर्मदाकीर्तनाच्छ्रोता शिवलोके महीयते
bodhayet paramaṃ dharmaṃ gṛhagrāmapureṣu ca / narmadākīrtanācchrotā śivaloke mahīyate
and in homes, villages and towns, he should proclaim the supreme dharma; from the recitation of the Narmadā (narrative) the hearer is honoured in Śiva's world.
AI translation rendered from the Sanskrit, not a published edition
SkP-RK 61.12
इदं तीर्थम् इदं तीर्थं पर्यटन् नेति वै नरः । नर्मदैव परं तीर्थम् इत्य् आह भगवान् छिवः
idaṃ tīrtham idaṃ tīrthaṃ paryaṭan neti vai naraḥ / narmadaiva paraṃ tīrtham ity āha bhagavān chivaḥ
A man should not go roaming about (saying) "this is a ford, this is a ford": the Narmadā alone is the supreme ford — so said the Lord Śiva.
AI translation rendered from the Sanskrit, not a published edition
SkP-RK 61.13
अस्मिंस्तीर्थे नरश्रेष्ठ श्राद्धं कार्यं विधानतः । स्वागतेन यमः प्रीतश् चासनेन शतक्रतुः
asmiṃstīrthe naraśreṣṭha śrāddhaṃ kāryaṃ vidhānataḥ / svāgatena yamaḥ prītaś cāsanena śatakratuḥ
At this ford, best of men, the śrāddha is to be performed according to the rule. Yama is pleased by the welcome, and Śatakratu by the offering of a seat,
AI translation rendered from the Sanskrit, not a published edition
SkP-RK 61.14
पितरः पादशौचेन अत्राद्येन प्रजापतिः । विप्रपादोदकक्लिन्ना यावत् तिष्ठति मेदिनी
pitaraḥ pādaśaucena atrādyena prajāpatiḥ / viprapādodakaklinnā yāvat tiṣṭhati medinī
the fathers by the washing of the feet, Prajāpati by the food here; as long as the earth stays moist with the water from the brahmins' feet,
AI translation rendered from the Sanskrit, not a published edition
SkP-RK 61.15
तावत् पुष्करपात्रेषु पिबन्ति पितरो जलम् । विद्यावते स्नातकाय भिक्षवे श्रोत्रियाय च
tāvat puṣkarapātreṣu pibanti pitaro jalam / vidyāvate snātakāya bhikṣave śrotriyāya ca
so long do the fathers drink water in lotus-leaf vessels. (Giving) to one possessed of learning, to a snātaka, to a mendicant, and to a śrotriya,
AI translation rendered from the Sanskrit, not a published edition
SkP-RK 61.16
तथा परमहंसाय विष्णुव्रतधराय च । सर्वोपस्करणं दत्त्वा शिवलोके महीयते
tathā paramahaṃsāya viṣṇuvratadharāya ca / sarvopaskaraṇaṃ dattvā śivaloke mahīyate
and likewise to a paramahaṃsa and to one who keeps the Viṣṇu vow — having given all the requisites, (a man) is honoured in Śiva's world.
AI translation rendered from the Sanskrit, not a published edition
SkP-RK 61.17
अनाहिताग्निं यो विप्रम् आहिताग्निं करोति च । ब्राह्मणः क्षत्रियो वैश्यः स्ववित्तेनैव कारयेत्
anāhitāgniṃ yo vipram āhitāgniṃ karoti ca / brāhmaṇaḥ kṣatriyo vaiśyaḥ svavittenaiva kārayet
He who makes a brahmin who has not established the sacred fires into one who has established them — whether brahmin, kṣatriya, or vaiśya, one should have it done with one's own wealth.
AI translation rendered from the Sanskrit, not a published edition
SkP-RK 61.18
अर्धार्धं सफलं तस्य यावज् जीवं न संशयः । विष्णुलोके ऽन्तकाले च भोगान् भुङ्क्ते च पुष्कलान्
ardhārdhaṃ saphalaṃ tasya yāvaj jīvaṃ na saṃśayaḥ / viṣṇuloke 'ntakāle ca bhogān bhuṅkte ca puṣkalān
Half of half of that is fruitful for him as long as he lives, without doubt; and at the end of his time he enjoys abundant pleasures in Viṣṇu's world.
AI translation rendered from the Sanskrit, not a published edition — the model flagged this verse as uncertain
SkP-RK 61.19
स्वद्रव्येण च यो यज्ञं करोति विधिवद् द्विजः । नर्मदातीरम् आसाद्य ब्रह्मलोके स मोदते
svadravyeṇa ca yo yajñaṃ karoti vidhivad dvijaḥ / narmadātīram āsādya brahmaloke sa modate
And the twice-born who performs a sacrifice with his own goods according to the rule, having reached the bank of the Narmadā, rejoices in Brahmā's world.
AI translation rendered from the Sanskrit, not a published edition
SkP-RK 61.20
धात्रीं हिरण्मयीं कृत्वा ब्राह्मणाय प्रकल्पयेत् । कल्पगा तीरम् आश्रित्य विष्णुलोके महीयते
dhātrīṃ hiraṇmayīṃ kṛtvā brāhmaṇāya prakalpayet / kalpagā tīram āśritya viṣṇuloke mahīyate
Having made an emblic myrobalan (dhātrī) of gold, one should present it to a brahmin; resorting to the bank of the Kalpagā, he is honoured in Viṣṇu's world.
AI translation rendered from the Sanskrit, not a published edition — the model flagged this verse as uncertain
SkP-RK 61.21
तिलतण्डुलकर्पूरसुसम्भोज्यविमिश्रितैः । कुङ्कुमैर् वस्त्रधान्यैश् च निर्मितं शिवसन्निधौ
tilataṇḍulakarpūrasusambhojyavimiśritaiḥ / kuṅkumair vastradhānyaiś ca nirmitaṃ śivasannidhau
(An offering) fashioned in the presence of Śiva, mixed with sesame, rice, camphor and good food, and with saffron, cloth and grain —
AI translation rendered from the Sanskrit, not a published edition — the model flagged this verse as uncertain
SkP-RK 61.22
पर्वकाले च यो दद्यात् पर्वते मेकलातटे । वसेत् विष्णुलोकेषु नरः स्वर्गे न संशयः
parvakāle ca yo dadyāt parvate mekalātaṭe / vaset viṣṇulokeṣu naraḥ svarge na saṃśayaḥ
and whoever gives (it) at the time of a parvan on the mountain, on the slope of the Mekalā, that man dwells in Viṣṇu's worlds, in heaven, without doubt.
AI translation rendered from the Sanskrit, not a published edition
SkP-RK 61.23
प्रत्यक्षधेनुं यो दद्यात् हेमरत्नविभूषिताम् । घृतधेनुं गुडधेनुं शर्कराधेनुम् एव च
pratyakṣadhenuṃ yo dadyāt hemaratnavibhūṣitām / ghṛtadhenuṃ guḍadhenuṃ śarkarādhenum eva ca
He who gives an actual cow adorned with gold and jewels, and a cow of ghee, a cow of molasses, and a cow of sugar as well —
AI translation rendered from the Sanskrit, not a published edition
SkP-RK 61.24
रेवाकपिलयोर् योगे दत्त्वैतान् नरसत्तमः । सर्वपापविनिर्मुक्तो लोके क्रीडति वैष्णवे
revākapilayor yoge dattvaitān narasattamaḥ / sarvapāpavinirmukto loke krīḍati vaiṣṇave
having given these at the junction of the Revā and the Kapilā, that best of men, freed from all sins, plays in Viṣṇu's world.
AI translation rendered from the Sanskrit, not a published edition
SkP-RK 61.25
यदि तत्र महाराज भिक्षान्नं च निवेदितम् । तस्य संख्या न विद्येत स यावत् संगमो नृप
yadi tatra mahārāja bhikṣānnaṃ ca niveditam / tasya saṃkhyā na vidyeta sa yāvat saṃgamo nṛpa
If, great king, alms-food is offered there, its reckoning cannot be known — as long as the confluence (endures), O king.
AI translation rendered from the Sanskrit, not a published edition — the model flagged this verse as uncertain
SkP-RK 61.26
एतत् सर्वं यथान्यायं कथितं तव सुव्रत । वैवस्वते ऽन्तरे ऽथान्यच् छृणु त्वं नृपसत्तम
etat sarvaṃ yathānyāyaṃ kathitaṃ tava suvrata / vaivasvate 'ntare 'thānyac chṛṇu tvaṃ nṛpasattama
All this has been told to you as it should be, O you of good vows; now hear something else, in the Vaivasvata interval, O best of kings.
AI translation rendered from the Sanskrit, not a published edition
SkP-RK 61.27
वीरणस्य तु राजर्षेर् मैत्रेयो ऽभूत् पुरोहितः । तेन चायतनं विष्णोः कारितं नर्मदातटे
vīraṇasya tu rājarṣer maitreyo 'bhūt purohitaḥ / tena cāyatanaṃ viṣṇoḥ kāritaṃ narmadātaṭe
Maitreya was the house-priest of the royal sage Vīraṇa; and by him a temple of Viṣṇu was built on the bank of the Narmadā,
AI translation rendered from the Sanskrit, not a published edition
SkP-RK 61.28
पुर्याश् चैवामरावत्या दिशि याम्यां व्यवस्थितम् । तदायतनमाहात्म्यान् नर्मदायाः प्रभावतः
puryāś caivāmarāvatyā diśi yāmyāṃ vyavasthitam / tadāyatanamāhātmyān narmadāyāḥ prabhāvataḥ
situated in the southern direction from the city Amarāvatī. Through the greatness of that temple, through the power of the Narmadā,
AI translation rendered from the Sanskrit, not a published edition
SkP-RK 61.29
मोदते वैष्णवे लोके युगस्यार्द्धं द्विजोत्तमः । शृणु त्वं यानि तीर्थानि रेवायाः पश्चिमोत्तरे
modate vaiṣṇave loke yugasyārddhaṃ dvijottamaḥ / śṛṇu tvaṃ yāni tīrthāni revāyāḥ paścimottare
that best of the twice-born rejoices in Viṣṇu's world for half a yuga. Hear now what the sacred fords are on the north-west of the Revā.
AI translation rendered from the Sanskrit, not a published edition
SkP-RK 61.30
वनं मेघवनं नाम यज्ञपर्वतम् आश्रितम् । रन्तिदेवः पुरा तत्र चक्रवर्ती युधिष्ठिर
vanaṃ meghavanaṃ nāma yajñaparvatam āśritam / rantidevaḥ purā tatra cakravartī yudhiṣṭhira
There is a forest named Meghavana, resting against the Yajña mountain. There formerly was Rantideva, the universal emperor, O Yudhiṣṭhira,
AI translation rendered from the Sanskrit, not a published edition
SkP-RK 61.31
गवि नीतं कुलं येन स देवासुरमानुषम् । पितरो मोचिता येन गोभिर् विनिहताः पुरा
gavi nītaṃ kulaṃ yena sa devāsuramānuṣam / pitaro mocitā yena gobhir vinihatāḥ purā
by whom the whole family of gods, asuras and men was brought to (depend on) the cow; by whom the fathers, formerly slain, were released by means of cows.
AI translation rendered from the Sanskrit, not a published edition — the model flagged this verse as uncertain
SkP-RK 61.32
चाण्डालैश् च हता ये च प्राप्नुवन्ति परां गतिम् । चाण्डालाद् उदकात् सर्पाद् विद्युतो ब्राह्मणाद् अपि
cāṇḍālaiś ca hatā ye ca prāpnuvanti parāṃ gatim / cāṇḍālād udakāt sarpād vidyuto brāhmaṇād api
And those who are killed by caṇḍālas attain the highest goal; (death) from a caṇḍāla, from water, from a snake, from lightning, and even from a brahmin,
AI translation rendered from the Sanskrit, not a published edition — the model flagged this verse as uncertain
SkP-RK 61.33
दन्तिभ्यश् च पशुभ्यश् च मरणं पापशालिनाम् । विष्णोर् बलिप्रदानेन क्रियाणां करणेन च
dantibhyaś ca paśubhyaś ca maraṇaṃ pāpaśālinām / viṣṇor balipradānena kriyāṇāṃ karaṇena ca
and from tusked beasts and from cattle — such death of those full of sin — by the offering of an oblation to Viṣṇu and by the performance of the rites,
AI translation rendered from the Sanskrit, not a published edition — the model flagged this verse as uncertain
SkP-RK 61.34
तीर्थपिण्डप्रदानेन ते यान्ति परमां गतिम् । दधीचिर् नाम राजर्षिर् अवन्त्यधिपतिस् तथा
tīrthapiṇḍapradānena te yānti paramāṃ gatim / dadhīcir nāma rājarṣir avantyadhipatis tathā
and by the giving of piṇḍas at the sacred ford, they go to the supreme goal. There was a royal sage named Dadhīci, lord of Avanti,
AI translation rendered from the Sanskrit, not a published edition
SkP-RK 61.35
सर्वधर्मभृतां श्रेष्ठः शक्रतुल्यपराक्रमः । पुरा देवासुरे युद्धे दैत्यैर् देवा विनिर्जिताः
sarvadharmabhṛtāṃ śreṣṭhaḥ śakratulyaparākramaḥ / purā devāsure yuddhe daityair devā vinirjitāḥ
(He was) the best of all upholders of dharma, equal to Śakra in valor. Formerly, in the war of the gods and the asuras, the gods were utterly defeated by the daityas.
AI translation rendered from the Sanskrit, not a published edition
SkP-RK 61.36
देवानां ब्राह्मणानां च हन्तारो दैत्यकण्टकाः । नष्टाः स्वपापदोषेण सभृत्यकुलबान्धवाः
devānāṃ brāhmaṇānāṃ ca hantāro daityakaṇṭakāḥ / naṣṭāḥ svapāpadoṣeṇa sabhṛtyakulabāndhavāḥ
The slayers of gods and brahmins, those thorns (that were) the daityas, perished through the fault of their own sins, together with their servants, families, and kinsmen.
AI translation rendered from the Sanskrit, not a published edition
SkP-RK 61.37
देवाः समुदिताः सर्वे लोकपालाः सवासवाः । निर्विघ्नं पृथिवीं कृत्वा लोकं चैव चराचरम्
devāḥ samuditāḥ sarve lokapālāḥ savāsavāḥ / nirvighnaṃ pṛthivīṃ kṛtvā lokaṃ caiva carācaram
All the gods assembled, the world-guardians together with Vāsava, having made the earth free of obstruction, and the world too, moving and unmoving,
AI translation rendered from the Sanskrit, not a published edition
SkP-RK 61.38
विन्ध्यं गिरिं गतास् ते तु यस्मिन् वहति कल्पगा । समर्थं भूपतिं ज्ञात्वा दधीचिं कुरुसत्तम
vindhyaṃ giriṃ gatās te tu yasmin vahati kalpagā / samarthaṃ bhūpatiṃ jñātvā dadhīciṃ kurusattama
they went to the Vindhya mountain, on which the Kalpagā (river) flows, having recognized the king Dadhīci to be capable, O best of the Kurus.
AI translation rendered from the Sanskrit, not a published edition
SkP-RK 61.39
दत्तान्य् अस्त्राणि रक्षार्थं तस्य राज्ञः सुरोत्तमैः । वज्रं शक्तिं तथा पाशं दण्डं खड्गं ध्वजं गदाम्
dattāny astrāṇi rakṣārthaṃ tasya rājñaḥ surottamaiḥ / vajraṃ śaktiṃ tathā pāśaṃ daṇḍaṃ khaḍgaṃ dhvajaṃ gadām
Weapons were given by the foremost gods for safekeeping to that king: the thunderbolt, the spear, and the noose, the staff, the sword, the banner, the mace,
AI translation rendered from the Sanskrit, not a published edition
SkP-RK 61.40
त्रिशूलं चेति देवानाम् आयुधानि प्रचक्षते । तानि दत्त्वा यथा न्यायं नाकपृष्ठं मुदा ययुः
triśūlaṃ ceti devānām āyudhāni pracakṣate / tāni dattvā yathā nyāyaṃ nākapṛṣṭhaṃ mudā yayuḥ
and the trident — these they declare to be the weapons of the gods. Having given them over duly, they went joyfully to the vault of heaven.
AI translation rendered from the Sanskrit, not a published edition
SkP-RK 61.41
पुराणमतमाज्ञाय दधीचिः सत्यविक्रमः । शापस्यैव भयाद् भीतो नमस्कृत्य प्रगृह्य च
purāṇamatamājñāya dadhīciḥ satyavikramaḥ / śāpasyaiva bhayād bhīto namaskṛtya pragṛhya ca
Knowing the ancient teaching, Dadhīci, of true valor, afraid out of fear of a curse alone, having bowed and taken (them) up,
AI translation rendered from the Sanskrit, not a published edition
SkP-RK 61.42
प्रभावात् तोयतां नीत्वा शरीरान्तर् न्यवेशयत् । ततः कालान्तरे प्राप्ते दानवा बलदर्पिताः
prabhāvāt toyatāṃ nītvā śarīrāntar nyaveśayat / tataḥ kālāntare prāpte dānavā baladarpitāḥ
by his power he reduced them to a watery state and placed them within his body. Then, when another time had come, the dānavas, proud of their strength,
AI translation rendered from the Sanskrit, not a published edition
SkP-RK 61.43
जम्भकुम्भहयग्रीवप्रमुखाः पुनरुत्थिताः । दानवानां बलं ज्ञात्वा त्रस्ता देवाः सवासवाः
jambhakumbhahayagrīvapramukhāḥ punarutthitāḥ / dānavānāṃ balaṃ jñātvā trastā devāḥ savāsavāḥ
headed by Jambha, Kumbha, and Hayagrīva, rose up again. Knowing the strength of the dānavas, the gods with Vāsava were terrified.
AI translation rendered from the Sanskrit, not a published edition
SkP-RK 61.44
कार्यकाले समुत्पन्ने संस्मृत्यास्त्रायुधानि च । नारद प्रेषयामासुः दधीचिं प्रति भारत
kāryakāle samutpanne saṃsmṛtyāstrāyudhāni ca / nārada preṣayāmāsuḥ dadhīciṃ prati bhārata
When the time for action had arisen, remembering the missiles and weapons, they sent Nārada to Dadhīci, O Bhārata.
AI translation rendered from the Sanskrit, not a published edition
SkP-RK 61.45
अवन्तीं स पुरीं प्राप्य देवर्षिर् नारदस् तथा । विवेश भवनं राज्ञो मणिकाञ्चनवेदिकम्
avantīṃ sa purīṃ prāpya devarṣir nāradas tathā / viveśa bhavanaṃ rājño maṇikāñcanavedikam
Reaching that city of Avantī, the divine sage Nārada then entered the king's palace, which had platforms of gems and gold.
AI translation rendered from the Sanskrit, not a published edition
SkP-RK 61.46
उत्थितो नृपशार्दूलो मुनिं दृष्ट्वा सुतेजसम् । पूजयित्वा यथा न्यायं हेमकासनसंस्थितम्
utthito nṛpaśārdūlo muniṃ dṛṣṭvā sutejasam / pūjayitvā yathā nyāyaṃ hemakāsanasaṃsthitam
The tiger among kings rose up on seeing the sage of great splendor, and having honored him duly, (the sage) was seated on a golden seat.
AI translation rendered from the Sanskrit, not a published edition
SkP-RK 61.47
तं तु दृष्ट्वा सुखासीनं राजा वचनम् अब्रवीत् । किम् अर्थं मानुषे लोके देवलोकात् समागतः
taṃ tu dṛṣṭvā sukhāsīnaṃ rājā vacanam abravīt / kim arthaṃ mānuṣe loke devalokāt samāgataḥ
Seeing him comfortably seated, the king spoke these words: "For what purpose have you come from the world of the gods to the world of men?"
AI translation rendered from the Sanskrit, not a published edition
SkP-RK 61.48
नारद उवाच: युद्धं महत् समुत्पन्नं देवानां दानवैः सह । समर्पय त्वं शस्त्राणि क्षीयन्ते दानवा यथा
nārada uvāca: yuddhaṃ mahat samutpannaṃ devānāṃ dānavaiḥ saha / samarpaya tvaṃ śastrāṇi kṣīyante dānavā yathā
Nārada said: A great war has broken out of the gods with the dānavas. Hand over the weapons, so that the dānavas may be destroyed.
AI translation rendered from the Sanskrit, not a published edition
SkP-RK 61.49
दधीचिर् उवाच: शृणु कार्यं च देवर्षे देवानां हितकाम्यया
dadhīcir uvāca: śṛṇu kāryaṃ ca devarṣe devānāṃ hitakāmyayā
Dadhīci said: Hear the matter, O divine sage, out of desire for the good of the gods.
AI translation rendered from the Sanskrit, not a published edition
SkP-RK 61.50
अचिरेणैव कालेन क्षयं यास्यन्ति दानवाः । मया तान्य् एव शस्त्राणि रक्षणार्थं महामुने
acireṇaiva kālena kṣayaṃ yāsyanti dānavāḥ / mayā tāny eva śastrāṇi rakṣaṇārthaṃ mahāmune
In no long time the dānavas will go to destruction. Those very weapons (were kept) by me for safekeeping, O great sage;
AI translation rendered from the Sanskrit, not a published edition
SkP-RK 61.51
आपोभूतानि पीतानि शरीरे सन्ति तानि वै । उपायेन हि गृह्णन्तु दास्याम्य् एतानि वै पुनः
āpobhūtāni pītāni śarīre santi tāni vai / upāyena hi gṛhṇantu dāsyāmy etāni vai punaḥ
having become water they were drunk, and they are indeed in my body. Let them take (them) by some means — I will give these back again.
AI translation rendered from the Sanskrit, not a published edition
SkP-RK 61.52
इत्युक्त्वा च नृपश्रेष्ठ आजुहाव च गाः पुरा । मांसादिभक्षितं गोभिर् अस्थिवर्जं विशाम्पते
ityuktvā ca nṛpaśreṣṭha ājuhāva ca gāḥ purā / māṃsādibhakṣitaṃ gobhir asthivarjaṃ viśāmpate
Having said this, O best of kings, he then summoned cows; the flesh and the rest was eaten by the cows, except the bones, O lord of men.
AI translation rendered from the Sanskrit, not a published edition
SkP-RK 61.53
अस्त्रग्रामस् ततः प्राप्तो लोकपालैर् यथा तथा । गोनर्दं नाम नगरं तत् तु लोकेषु विश्रुतम्
astragrāmas tataḥ prāpto lokapālair yathā tathā / gonardaṃ nāma nagaraṃ tat tu lokeṣu viśrutam
Then the collection of weapons was obtained by the world-guardians as was proper. That city is famed in the worlds by the name Gonarda.
AI translation rendered from the Sanskrit, not a published edition
SkP-RK 61.54
दानवा निहता देवैः पुनः सृष्टिः प्रवर्तिता । अचिन्तयत् तदा तत्र रन्तिदेवो महीपतिः
dānavā nihatā devaiḥ punaḥ sṛṣṭiḥ pravartitā / acintayat tadā tatra rantidevo mahīpatiḥ
The dānavas were slain by the gods, and creation was set going again. Then and there Rantideva, the lord of the earth, reflected:
AI translation rendered from the Sanskrit, not a published edition
SkP-RK 61.55
गोविद्युत्पशुचाण्डालसर्पैर्विनिहता नराः । देवलोकं न ते यान्ति न तेषामुदकक्रिया
govidyutpaśucāṇḍālasarpairvinihatā narāḥ / devalokaṃ na te yānti na teṣāmudakakriyā
Men killed by cows, by lightning, by cattle, by caṇḍālas, or by snakes do not go to the world of the gods, nor is the water-offering (performed) for them.
AI translation rendered from the Sanskrit, not a published edition
SkP-RK 61.56
शोचयित्वा चिरं कालं सान्तःपुरपरिग्रहः । प्रक्षाल्य नर्मदातोये तदस्थीनि व्यसर्जयत्
śocayitvā ciraṃ kālaṃ sāntaḥpuraparigrahaḥ / prakṣālya narmadātoye tadasthīni vyasarjayat
Having mourned for a long time, together with his harem and his household, he washed those bones in the water of the Narmadā and let them go.
AI translation rendered from the Sanskrit, not a published edition
SkP-RK 61.57
लिङ्गं ब्रह्मेश्वरं तत्र यज्ञपर्वतसन्निधौ । धर्मसंशयम् आपन्नो रन्तिदेवो महीपतिः
liṅgaṃ brahmeśvaraṃ tatra yajñaparvatasannidhau / dharmasaṃśayam āpanno rantidevo mahīpatiḥ
There, near the sacrificial mountain, (was) the liṅga Brahmeśvara; King Rantideva, fallen into doubt about dharma,
AI translation rendered from the Sanskrit, not a published edition
SkP-RK 61.58
पप्रच्छ मुनिशार्दूलान् वशिष्ठप्रमुखान् द्विजान् । त्रिःप्रदक्षिणम् आवृत्य यथा न्यायम् इदं वचः
papraccha muniśārdūlān vaśiṣṭhapramukhān dvijān / triḥpradakṣiṇam āvṛtya yathā nyāyam idaṃ vacaḥ
asked the tigers among sages, the brahmins headed by Vasiṣṭha, circumambulating them three times, these words, as is proper:
AI translation rendered from the Sanskrit, not a published edition
SkP-RK 61.59
के देशाः पर्वताः पुण्या नद्यः काः कीर्तिताः शुभाः । नरकस्थान् पितॄन् यत्र तद्वदेयुः समुद्धरेत्
ke deśāḥ parvatāḥ puṇyā nadyaḥ kāḥ kīrtitāḥ śubhāḥ / narakasthān pitṝn yatra tadvadeyuḥ samuddharet
"Which regions and mountains are holy, which rivers are proclaimed auspicious, where one might rescue the fathers who dwell in hell — let them tell that."
AI translation rendered from the Sanskrit, not a published edition — the model flagged this verse as uncertain
SkP-RK 61.60
ऋषय ऊचुः: मार्कण्डेयाश्रमं गच्छ अस्माभिः सह भूपते
ṛṣaya ūcuḥ: mārkaṇḍeyāśramaṃ gaccha asmābhiḥ saha bhūpate
The sages said: Go, O lord of the earth, together with us to Mārkaṇḍeya's hermitage.
AI translation rendered from the Sanskrit, not a published edition
SkP-RK 61.61
सो ऽपि सर्वं विजानीयात् कल्पगा तीरमाश्रितः । तच् छ्रुत्वा रन्तिदेवो ऽपि मुनिभिः परिभाषितः
so 'pi sarvaṃ vijānīyāt kalpagā tīramāśritaḥ / tac chrutvā rantidevo 'pi munibhiḥ paribhāṣitaḥ
He, who dwells on the bank of the Kalpagā, would know all of this. Hearing that, Rantideva too, being thus addressed by the sages,
AI translation rendered from the Sanskrit, not a published edition
SkP-RK 61.62
जगाम मुनिभिः सार्द्धं कल्पगातीरवासिनम् । स राजा ब्राह्मणैः सार्द्धं प्रणिपत्य तथा ऽर्चयत्
jagāma munibhiḥ sārddhaṃ kalpagātīravāsinam / sa rājā brāhmaṇaiḥ sārddhaṃ praṇipatya tathā 'rcayat
went together with the sages to him who dwelt on the bank of the Kalpagā; and that king, together with the brahmins, bowed down and thus honoured (him).
AI translation rendered from the Sanskrit, not a published edition
SkP-RK 61.63
मार्कण्डेय उवाच: कान् न मोचयते घोरान् पितॄन् संसारसागरात्
mārkaṇḍeya uvāca: kān na mocayate ghorān pitṝn saṃsārasāgarāt
Mārkaṇḍeya said: Which dreadful fathers does it not release from the ocean of saṃsāra?
AI translation rendered from the Sanskrit, not a published edition — the model flagged this verse as uncertain
SkP-RK 61.64
शृण्वन्तु मम वाक्यानि मुनयो विदितात्मनः । सर्वतीर्थमयी रेवा सर्वार्थात्ममयी शुभा
śṛṇvantu mama vākyāni munayo viditātmanaḥ / sarvatīrthamayī revā sarvārthātmamayī śubhā
Let the sages who know the Self listen to my words: the Revā is auspicious, made of all sacred fords, made of all aims and of the Self.
AI translation rendered from the Sanskrit, not a published edition
SkP-RK 61.65
शिवेनैतत् निगदितं पुराणे स्कन्दकीर्तिते । कुब्जारेवासमायोगे विशेषात् सुरपूजिते
śivenaitat nigaditaṃ purāṇe skandakīrtite / kubjārevāsamāyoge viśeṣāt surapūjite
This was declared by Śiva in the Purāṇa proclaimed by Skanda, (concerning) the confluence of the Kubjā and the Revā, especially honoured by the gods.
AI translation rendered from the Sanskrit, not a published edition
SkP-RK 61.66
तत्र स्नाता दिवं यान्ति ये मृता न पुनर्भवाः । तत्र श्राद्धेन योगेन पितॄणां परमा गतिः
tatra snātā divaṃ yānti ye mṛtā na punarbhavāḥ / tatra śrāddhena yogena pitṝṇāṃ paramā gatiḥ
Those who bathe there go to heaven; those who die there are not born again; there, by means of the śrāddha rite, the fathers attain the highest course.
AI translation rendered from the Sanskrit, not a published edition
SkP-RK 61.67
इदं ते कथितं राजन् कुब्जारेवासमागमे । अर्चयित्वा महेशानं तत्र बिल्वाम्रकाह्वयम्
idaṃ te kathitaṃ rājan kubjārevāsamāgame / arcayitvā maheśānaṃ tatra bilvāmrakāhvayam
This has been told to you, O king, about the meeting of the Kubjā and the Revā. Having worshipped there the great lord called Bilvāmraka,
AI translation rendered from the Sanskrit, not a published edition
SkP-RK 61.68
सर्वपापविनिर्मुक्तो गाणपत्यम् अवाप्नुयात् । सार्धकोटिस् तु कन्यानां तत्र सिद्धिं परां गताः
sarvapāpavinirmukto gāṇapatyam avāpnuyāt / sārdhakoṭis tu kanyānāṃ tatra siddhiṃ parāṃ gatāḥ
freed from all sins one would attain the state of belonging to (Śiva's) hosts. And a crore and a half of maidens attained the highest perfection there,
AI translation rendered from the Sanskrit, not a published edition
SkP-RK 61.69
शप्तास्ताः पूर्वमुनिभिः कामदोषेण भारत । विद्याधराश् च यक्षाश् च गन्धर्वाः किन्नरास् तथा
śaptāstāḥ pūrvamunibhiḥ kāmadoṣeṇa bhārata / vidyādharāś ca yakṣāś ca gandharvāḥ kinnarās tathā
having been cursed formerly by the sages through the fault of desire, O Bhārata; and vidyādharas, yakṣas, gandharvas and kinnaras likewise,
AI translation rendered from the Sanskrit, not a published edition
SkP-RK 61.70
शप्तास्तेनैव दोषेण कुबेरपुरवासिनः । सर्वे ते सिद्धिम् आपन्नाः कुब्जारेवासमागमे
śaptāstenaiva doṣeṇa kuberapuravāsinaḥ / sarve te siddhim āpannāḥ kubjārevāsamāgame
dwellers in Kubera's city, were cursed by that very same fault; all of them attained perfection at the meeting of the Kubjā and the Revā.
AI translation rendered from the Sanskrit, not a published edition
SkP-RK 61.71
अमासोमसमायोगे कार्त्तिक्यां चैव पर्वणि । वाराणसी प्रयागश् च पुष्करं नैमिषं तथा
amāsomasamāyoge kārttikyāṃ caiva parvaṇi / vārāṇasī prayāgaś ca puṣkaraṃ naimiṣaṃ tathā
At the conjunction of the new moon (with the moon's day), and on the festival day of the full moon of Kārttika, Vārāṇasī, Prayāga, Puṣkara and Naimiṣa likewise —
AI translation rendered from the Sanskrit, not a published edition
SkP-RK 61.72
एते स्नातुं समायान्ति कुब्जारेवासमागमे । श्रवणात् कीर्तनाद् अस्य शिवलोके महीयते
ete snātuṃ samāyānti kubjārevāsamāgame / śravaṇāt kīrtanād asya śivaloke mahīyate
these come to bathe at the meeting of the Kubjā and the Revā; by hearing and by reciting of this one is honoured in the world of Śiva.
AI translation rendered from the Sanskrit, not a published edition