Skanda Purana — Reva Khanda — Chapter 6
SkP-RK 6.1
युधिष्ठिर उवाच: मुने मेकलकन्याया अवतारः श्रुतो मया । इदानीं श्रोतुम् इच्छामि तीर्थानि च यथाक्रमम्
yudhiṣṭhira uvāca: mune mekalakanyāyā avatāraḥ śruto mayā / idānīṃ śrotum icchāmi tīrthāni ca yathākramam
Yudhiṣṭhira said: Sage, I have heard the descent of the daughter of Mekala; now I wish to hear of the sacred fords in due order.
AI translation rendered from the Sanskrit, not a published edition
SkP-RK 6.2
मार्कण्डेय उवाच: शृणु राजन् महाभाग कथ्यमानं निबोध मे । वत्सगुल्मात् समारभ्य यावद् वै भृगुकच्छकः
mārkaṇḍeya uvāca: śṛṇu rājan mahābhāga kathyamānaṃ nibodha me / vatsagulmāt samārabhya yāvad vai bhṛgukacchakaḥ
Mārkaṇḍeya said: Listen, O king of great fortune, and mark what is told by me: beginning from Vatsagulma as far indeed as Bhṛgukaccha.
AI translation rendered from the Sanskrit, not a published edition
SkP-RK 6.3
अत्रान्तरे ऽपि तीर्थानां संख्या केन तु शक्यते । तथापि ते प्रवक्ष्यामि यथा वृष्टं विशाम्पते
atrāntare 'pi tīrthānāṃ saṃkhyā kena tu śakyate / tathāpi te pravakṣyāmi yathā vṛṣṭaṃ viśāmpate
Even within this stretch, by whom can the number of the sacred fords be (counted)? Nevertheless I shall declare (them) to you as it has been made known, O lord of peoples.
AI translation rendered from the Sanskrit, not a published edition — the model flagged this verse as uncertain
SkP-RK 6.4
नर्मदा सौम्यभागे तु अनन्तपुरमव्ययम् । अनन्तसिद्धिलिङ्गं च सर्वपापहरं परम्
narmadā saumyabhāge tu anantapuramavyayam / anantasiddhiliṅgaṃ ca sarvapāpaharaṃ param
On the pleasant (northern) side of the Narmadā is the imperishable Anantapura, and the Anantasiddhi liṅga, supreme, remover of all sins.
AI translation rendered from the Sanskrit, not a published edition
SkP-RK 6.5
तीर्थं वैश्रवणं नाम कौबेरं धनदं तथा । मणिभद्रं तथा यज्ञं तत् तीर्थस्य प्रभावतः
tīrthaṃ vaiśravaṇaṃ nāma kauberaṃ dhanadaṃ tathā / maṇibhadraṃ tathā yajñaṃ tat tīrthasya prabhāvataḥ
There is the ford named Vaiśravaṇa, and also Kaubera the wealth-giving, and Maṇibhadra, and the sacrifice too — that (comes about) from the power of the ford.
AI translation rendered from the Sanskrit, not a published edition — the model flagged this verse as uncertain
SkP-RK 6.6
मोक्षदं कामदं पुण्यं सर्वलोकव्यवस्थितम् । ऋषीणामाश्रमं पुण्यं सर्वदेवम् अयं शुभम्
mokṣadaṃ kāmadaṃ puṇyaṃ sarvalokavyavasthitam / ṛṣīṇāmāśramaṃ puṇyaṃ sarvadevam ayaṃ śubham
(It is) giver of release, giver of desires, meritorious, established for all the worlds; a holy hermitage of the seers, auspicious, containing all the gods.
AI translation rendered from the Sanskrit, not a published edition — the model flagged this verse as uncertain
SkP-RK 6.7
सावर्णिः कौशिकश् चैव मुनिश् चैवाघमर्षणः । शाकल्यश्च कुशाकर्णिः शरभङ्गो ऽग्निर्भगः
sāvarṇiḥ kauśikaś caiva muniś caivāghamarṣaṇaḥ / śākalyaśca kuśākarṇiḥ śarabhaṅgo 'gnirbhagaḥ
Sāvarṇi, and Kauśika, and the sage Aghamarṣaṇa, and Śākalya, Kuśākarṇi, Śarabhaṅga, Agni, Bhaga —
AI translation rendered from the Sanskrit, not a published edition
SkP-RK 6.8
एते चान्ये च बहवो मुनयः शंसितव्रताः । अस्य तीर्थस्य माहात्म्यात् तपस् तप्त्वा दिवङ्गताः
ete cānye ca bahavo munayaḥ śaṃsitavratāḥ / asya tīrthasya māhātmyāt tapas taptvā divaṅgatāḥ
these and many other sages of praiseworthy vows, by the greatness of this ford, having performed austerity, went to heaven.
AI translation rendered from the Sanskrit, not a published edition
SkP-RK 6.9
वाल्मीकिर् ऋषिवर्यो वै नैषादीं योनिमाश्रितः । प्रभावात् तस्य तीर्थस्य ब्रह्मतेजो वपुर्धरः
vālmīkir ṛṣivaryo vai naiṣādīṃ yonimāśritaḥ / prabhāvāt tasya tīrthasya brahmatejo vapurdharaḥ
Vālmīki, best of seers, though he had taken birth in a Niṣāda womb, by the power of that ford came to bear a body of brahminical splendour.
AI translation rendered from the Sanskrit, not a published edition
SkP-RK 6.10
इक्ष्वाकुः कुवलयाश्वो दिलीपो नहुषस् तथा । वेणुर् ययाती राजा च अजपालस्म हैहयः
ikṣvākuḥ kuvalayāśvo dilīpo nahuṣas tathā / veṇur yayātī rājā ca ajapālasma haihayaḥ
Ikṣvāku, Kuvalayāśva, Dilīpa, and Nahuṣa, Veṇu, and King Yayāti, and Ajapāla the Haihaya —
AI translation rendered from the Sanskrit, not a published edition
SkP-RK 6.11
एते चान्ये च राजानो ह्य् अनन्तपुरवासिनः । अत्रान्तरे महेशानं मेकलातीरमाश्रितम्
ete cānye ca rājāno hy anantapuravāsinaḥ / atrāntare maheśānaṃ mekalātīramāśritam
these and other kings were indeed dwellers in Anantapura; and in this stretch is Maheśāna, resting on the bank of the Mekalā.
AI translation rendered from the Sanskrit, not a published edition
SkP-RK 6.12
तम् अभ्यर्च्य विधानेन सर्वे ते त्रिदिवङ्गताः । अखिलैर् अन्यतीर्थैश् च चिरकालफलप्रदैः
tam abhyarcya vidhānena sarve te tridivaṅgatāḥ / akhilair anyatīrthaiś ca cirakālaphalapradaiḥ
Having worshipped him according to the rule, all of them went to the third heaven — and (so too) by all the other fords, which grant their fruit (only) after a long time.
AI translation rendered from the Sanskrit, not a published edition — the model flagged this verse as uncertain
SkP-RK 6.13
अत्रास्ते स्वर्गदः श्रीमान् स्वयं देवो महेश्वरः । तीर्थं सप्तऋषिर् नाम सप्तसारस्वतं नृप
atrāste svargadaḥ śrīmān svayaṃ devo maheśvaraḥ / tīrthaṃ saptaṛṣir nāma saptasārasvataṃ nṛpa
Here abides the glorious giver of heaven, the god Maheśvara himself; and the ford named Saptaṛṣi, the Saptasārasvata, O king.
AI translation rendered from the Sanskrit, not a published edition
SkP-RK 6.14
अमर्त्यसम्भवं लिङ्गं तथैवारण्यकेश्वरम् । अघौघनाशनं तीर्थं तथान्यत् कल्मषापहम्
amartyasambhavaṃ liṅgaṃ tathaivāraṇyakeśvaram / aghaughanāśanaṃ tīrthaṃ tathānyat kalmaṣāpaham
The liṅga of immortal origin, and likewise Āraṇyakeśvara; the ford Aghaughanāśana ('destroyer of the flood of sin'), and another that takes away stain.
AI translation rendered from the Sanskrit, not a published edition
SkP-RK 6.15
पञ्चब्रह्मम् अयं तीर्थं सहस्रशिरसं हरम् । वाराहं वामनं तीर्थं यमतीर्थं महोत्कटम्
pañcabrahmam ayaṃ tīrthaṃ sahasraśirasaṃ haram / vārāhaṃ vāmanaṃ tīrthaṃ yamatīrthaṃ mahotkaṭam
This ford Pañcabrahma, and Hara of a thousand heads; the Vārāha ford, the Vāmana, the Yama ford, the greatly lofty one.
AI translation rendered from the Sanskrit, not a published edition — the model flagged this verse as uncertain
SkP-RK 6.16
सौरभङ्गं सहस्रं तु अश्वमेधं महामखम् । हिरण्यगर्भं सावित्र्यां चातुर्वेदं च पावनम्
saurabhaṅgaṃ sahasraṃ tu aśvamedhaṃ mahāmakham / hiraṇyagarbhaṃ sāvitryāṃ cāturvedaṃ ca pāvanam
Saurabhaṅga, and the thousandfold, the Aśvamedha the great sacrifice, Hiraṇyagarbha at Sāvitrī, and the purifying Cāturveda.
AI translation rendered from the Sanskrit, not a published edition — the model flagged this verse as uncertain
SkP-RK 6.17
एतत् सर्व विजानीहि लोकानां पावनं परम् । तथा ऽनन्तपुरं यावत् पर्यङ्कात् पश्चिमे शुभम्
etat sarva vijānīhi lokānāṃ pāvanaṃ param / tathā 'nantapuraṃ yāvat paryaṅkāt paścime śubham
Know all this to be the supreme purifier of the worlds; and likewise the auspicious Anantapura, as far as (the region) west of Paryaṅka.
AI translation rendered from the Sanskrit, not a published edition — the model flagged this verse as uncertain
SkP-RK 6.18
अत्रान्तरे मृता ये च दानधर्मविवर्जिताः । ते ऽपि स्वर्गे महीयन्ते यावद् इन्द्राश् चतुर्दश
atrāntare mṛtā ye ca dānadharmavivarjitāḥ / te 'pi svarge mahīyante yāvad indrāś caturdaśa
And those who die within this stretch, even if devoid of gift-giving and dharma, they too are honoured in heaven for as long as fourteen Indras (endure).
AI translation rendered from the Sanskrit, not a published edition
SkP-RK 6.19
ततो द्वीपेश्वरं नाम व्यासतीर्थमनुत्तमम् । तत्र स्नात्वा तु लभते हयमेधफलं नरः
tato dvīpeśvaraṃ nāma vyāsatīrthamanuttamam / tatra snātvā tu labhate hayamedhaphalaṃ naraḥ
Then (there is) the unsurpassed ford of Vyāsa named Dvīpeśvara; bathing there a man obtains the fruit of a horse sacrifice.
AI translation rendered from the Sanskrit, not a published edition
SkP-RK 6.20
कामिकं तत्परं तीर्थं न भूतं न भविष्यति । प्रदक्षिणां च यः कुर्याद् व्यासतीर्थस्य भारत
kāmikaṃ tatparaṃ tīrthaṃ na bhūtaṃ na bhaviṣyati / pradakṣiṇāṃ ca yaḥ kuryād vyāsatīrthasya bhārata
That is the supreme tīrtha, granting one's desires: (its like) has not been and will not be. And whoever performs a circumambulation of Vyāsa's tīrtha, O Bhārata—
AI translation rendered from the Sanskrit, not a published edition
SkP-RK 6.21
प्रदक्षिणीकृता तेन सप्तद्वीपा वसुन्धरा । नरो वा यदि वा नारी शिवलोके महीयते
pradakṣiṇīkṛtā tena saptadvīpā vasundharā / naro vā yadi vā nārī śivaloke mahīyate
by him the earth with its seven continents has been circumambulated; whether a man or a woman, that one is exalted in Śiva's world.
AI translation rendered from the Sanskrit, not a published edition
SkP-RK 6.22
द्वीपेश्वरे ततस् स्नात्वा वृषभं यः प्रयच्छति । काञ्चनेन विमानेन रुद्रलोके महीयते
dvīpeśvare tatas snātvā vṛṣabhaṃ yaḥ prayacchati / kāñcanena vimānena rudraloke mahīyate
Then, having bathed at Dvīpeśvara, whoever presents a bull is exalted in Rudra's world with a golden aerial car.
AI translation rendered from the Sanskrit, not a published edition
SkP-RK 6.23
कार्तिकस्य चतुर्दश्यां कृष्णपक्षे जितेन्द्रियः । स्नापयेद् यः शिवं तत्र ह्य् उपवासपरायणः
kārtikasya caturdaśyāṃ kṛṣṇapakṣe jitendriyaḥ / snāpayed yaḥ śivaṃ tatra hy upavāsaparāyaṇaḥ
Whoever, with his senses subdued and devoted to fasting, bathes Śiva there on the fourteenth of Kārtika in the dark fortnight,
AI translation rendered from the Sanskrit, not a published edition
SkP-RK 6.24
सर्वपापविनिर्मुक्तो रुद्रलोके महीयते । व्यासतीर्थं तु वै गत्वा सर्वे ब्रह्मादयः सुराः
sarvapāpavinirmukto rudraloke mahīyate / vyāsatīrthaṃ tu vai gatvā sarve brahmādayaḥ surāḥ
he, freed from all sins, is exalted in Rudra's world. Indeed, having gone to Vyāsa's tīrtha, all the gods headed by Brahmā,
AI translation rendered from the Sanskrit, not a published edition
SkP-RK 6.25
स्तुवन्ति भावितात्मानं ऋषयश् च तपोधनाः । ये चान्ये सिद्धगन्धर्वकिन्नरोरगराक्षसाः
stuvanti bhāvitātmānaṃ ṛṣayaś ca tapodhanāḥ / ye cānye siddhagandharvakinnaroragarākṣasāḥ
and the seers whose wealth is austerity, praise him whose self is (fully) realized; and whatever others there are—siddhas, gandharvas, kinnaras, serpents, rākṣasas—
AI translation rendered from the Sanskrit, not a published edition
SkP-RK 6.26
नर्मदातटमाश्रित्य मोदन्ते गतकल्मषाः । स्तुवन्ति विविधैः स्तोत्रैर् माङ्गल्यस्तुति संस्कृतैः
narmadātaṭamāśritya modante gatakalmaṣāḥ / stuvanti vividhaiḥ stotrair māṅgalyastuti saṃskṛtaiḥ
resorting to the bank of the Narmadā, they rejoice, their stains gone; they praise (him) with various hymns composed of auspicious eulogy.
AI translation rendered from the Sanskrit, not a published edition
SkP-RK 6.27
यस्यास्ति शक्तिरसशक्तिर् इह प्रवीरः प्रोर्ध्वी करोतु यदि वा ऽवनतिं करोतु । यः पूजितः सुरवरः शशिशेखरेण ना ऽराधितः सपदि भूतपति सुरैर् वा
yasyāsti śaktirasaśaktir iha pravīraḥ prordhvī karotu yadi vā 'vanatiṃ karotu / yaḥ pūjitaḥ suravaraḥ śaśiśekhareṇa nā 'rādhitaḥ sapadi bhūtapati surair vā
Whoever here has the power—let the great hero exert himself upward, or else let him bow down. He who is the best of gods, worshipped by the moon-crested one—was the Lord of beings not at once worshipped by the gods?
AI translation rendered from the Sanskrit, not a published edition — the model flagged this verse as uncertain
SkP-RK 6.28
किं वा न वृष्टं हि पितामहेन न वा सुरैर् वा मधुसूदनेन । क्षीरोदमन्थोद्भवकालकूटं कण्ठे वृतं केन हरं विहाय
kiṃ vā na vṛṣṭaṃ hi pitāmahena na vā surair vā madhusūdanena / kṣīrodamanthodbhavakālakūṭaṃ kaṇṭhe vṛtaṃ kena haraṃ vihāya
What has Brahmā (the Grandfather) not rained down, nor the gods, nor Madhusūdana? But the deadly poison arisen from the churning of the ocean of milk — by whom was it held in the throat, save by Hara?
AI translation rendered from the Sanskrit, not a published edition
SkP-RK 6.29
एकेन दग्धं त्रिपुरं शरेण कामो ललाटाक्षिनिरीक्षणेन । भिन्नो ऽन्धकः शूलवरेण येन कस् तेन सार्द्धं कुरुते विरोधम्
ekena dagdhaṃ tripuraṃ śareṇa kāmo lalāṭākṣinirīkṣaṇena / bhinno 'ndhakaḥ śūlavareṇa yena kas tena sārddhaṃ kurute virodham
By whom Tripura was burnt with a single arrow, and Kāma by a glance of the eye on his forehead, and Andhaka was split by his excellent trident — who picks a quarrel with him?
AI translation rendered from the Sanskrit, not a published edition
SkP-RK 6.30
जलौघकल्लोलतरङ्गभङ्गा गङ्गा धृता येन जटाग्रभागे पादाम्बुजाङ्गुष्ठनिपीडनेन पपात लङ्काधिपतिर् विसंज्ञः
jalaughakallolataraṅgabhaṅgā gaṅgā dhṛtā yena jaṭāgrabhāge pādāmbujāṅguṣṭhanipīḍanena papāta laṅkādhipatir visaṃjñaḥ
By whom the Gaṅgā, with her breaking waves and surging billows of flooding water, was held on the tip of his matted hair, and by the pressing of the big toe of his lotus foot the lord of Laṅkā fell senseless.
AI translation rendered from the Sanskrit, not a published edition
SkP-RK 6.31
सुरासुराणामिह यत् समक्षं विध्वंसितो दक्षमखः क्षणेन प्रणम्य दक्षः क्षयकारकस्य लेभे वरं तारकमारकस्य
surāsurāṇāmiha yat samakṣaṃ vidhvaṃsito dakṣamakhaḥ kṣaṇena praṇamya dakṣaḥ kṣayakārakasya lebhe varaṃ tārakamārakasya
He by whom, here before the eyes of gods and demons, Dakṣa's sacrifice was destroyed in an instant — and Dakṣa, bowing down, obtained a boon from that destroyer, the slayer of Tāraka.
AI translation rendered from the Sanskrit, not a published edition
SkP-RK 6.32
सर्वस्य पूज्यं हि वरोत्तमाङ्गं सम्पूज्यते लिङ्गवरं हरस्य अनेन पर्याप्तम् अतीव मूढः प्राप्तुं पदं यच्छति यत् करोति
sarvasya pūjyaṃ hi varottamāṅgaṃ sampūjyate liṅgavaraṃ harasya anena paryāptam atīva mūḍhaḥ prāptuṃ padaṃ yacchati yat karoti
Indeed the highest and best member, worthy of worship by all — the excellent liṅga of Hara — is fully worshipped; by this it is quite enough. The utter fool, whatever he does, gives (only) the attaining of (his own) station.
AI translation rendered from the Sanskrit, not a published edition — the model flagged this verse as uncertain
SkP-RK 6.33
ब्रह्मात्र वृद्धो हरिर् अत्र लिङ्गं सुरा ऽसुराश् चैव समर्चयन्ति तथापि नूनं सुविचारयान्ति को वा ऽधिको वा ऽस्ति समो हरेण
brahmātra vṛddho harir atra liṅgaṃ surā 'surāś caiva samarcayanti tathāpi nūnaṃ suvicārayānti ko vā 'dhiko vā 'sti samo hareṇa
Here is the aged Brahmā, here is Hari; the liṅga both gods and demons worship together. Even so, surely, let them reflect well: who is greater than Hara, or even equal to him?
AI translation rendered from the Sanskrit, not a published edition
SkP-RK 6.34
तेनैव चक्राङ्कसरोरुहाङ्कौ लिङ्गाङ्कितं यस्य जगद् भगाङ्कम् हस्ते प्रबद्धे नवकङ्कणे वै पश्यन्ति मूढाः खलु दर्पणेन
tenaiva cakrāṅkasaroruhāṅkau liṅgāṅkitaṃ yasya jagad bhagāṅkam haste prabaddhe navakaṅkaṇe vai paśyanti mūḍhāḥ khalu darpaṇena
By him alone (were made) the discus-mark and the lotus-mark; his is the world marked with the liṅga and marked with the bhaga; while a new bracelet is bound fast on their hand, fools indeed look for it in a mirror.
AI translation rendered from the Sanskrit, not a published edition — the model flagged this verse as uncertain
SkP-RK 6.35
पुण्यं पवित्रं स्तवनं व्यासेनोक्तं महात्मना । कृतं देवाधिनाथस्य सर्वकल्मषनाशनम्
puṇyaṃ pavitraṃ stavanaṃ vyāsenoktaṃ mahātmanā / kṛtaṃ devādhināthasya sarvakalmaṣanāśanam
This hymn, meritorious and purifying, was spoken by the great-souled Vyāsa — composed for the supreme lord of the gods, destroying all defilement.
AI translation rendered from the Sanskrit, not a published edition
SkP-RK 6.36
प्रतिपूज्य यथा न्यायम् अर्घपाद्यैर् अनुक्रमात् । उवाच मधुरं वाक्यं प्रसादः क्रियतां मयि
pratipūjya yathā nyāyam arghapādyair anukramāt / uvāca madhuraṃ vākyaṃ prasādaḥ kriyatāṃ mayi
Having duly honoured (him) with offerings of water and water for the feet, in order, he spoke sweet words: "Let grace be shown to me."
AI translation rendered from the Sanskrit, not a published edition
SkP-RK 6.37
देयं तस्य फलं देव यः पुमान् छ्रद्धया ऽर्चति । इति स्तुत्वा महेशानं ऋषयः शंसितव्रताः
deyaṃ tasya phalaṃ deva yaḥ pumān chraddhayā 'rcati / iti stutvā maheśānaṃ ṛṣayaḥ śaṃsitavratāḥ
"O god, let the fruit of it be granted to whatever man worships with faith." Having thus praised Maheśāna, the sages of praiseworthy vows...
AI translation rendered from the Sanskrit, not a published edition
SkP-RK 6.38
नर्मदादक्षिणे कूले प्रयातास् ते यथातथम् । अन्ये च ऋषयो देवा द्वैपायनम् अथाब्रुवन्
narmadādakṣiṇe kūle prayātās te yathātatham / anye ca ṛṣayo devā dvaipāyanam athābruvan
...went, just as it was proper, to the southern bank of the Narmadā; and other sages and the gods then said to Dvaipāyana:
AI translation rendered from the Sanskrit, not a published edition
SkP-RK 6.39
आश्रमस् ते महाभाग वायसैर् आकुलीकृतः । यथा न वायसाः के ऽपि प्रविशन्ति तपोवनम्
āśramas te mahābhāga vāyasair ākulīkṛtaḥ / yathā na vāyasāḥ ke 'pi praviśanti tapovanam
"Your hermitage, greatly fortunate one, has been thrown into disorder by crows. (Do) so that no crows at all enter the penance-grove."
AI translation rendered from the Sanskrit, not a published edition
SkP-RK 6.40
म्रियन्ते ते सदा सर्वे मूर्धा तेषां विशीर्यते । व्यासेन शप्तास् ते सर्वे वायसा महतो भयात्
mriyante te sadā sarve mūrdhā teṣāṃ viśīryate / vyāsena śaptās te sarve vāyasā mahato bhayāt
“They all die constantly, and their heads split apart. All those crows were cursed by Vyāsa out of (his) great alarm.”
AI translation rendered from the Sanskrit, not a published edition — the model flagged this verse as uncertain
SkP-RK 6.41
तस्मिंस् तीर्थे महाराज प्रविशन्ति न कर्हिचित् । ऋषयो वचनं श्रुत्वा व्यासस्य तु महात्मनः
tasmiṃs tīrthe mahārāja praviśanti na karhicit / ṛṣayo vacanaṃ śrutvā vyāsasya tu mahātmanaḥ
In that holy place, great king, they never enter. And the sages, having heard the word of the great-souled Vyāsa—
AI translation rendered from the Sanskrit, not a published edition
SkP-RK 6.42
नर्मदा दक्षिणे कूले सर्वमेव कृतं क्षणात् । तिष्ठन्ति मुनयः सर्वे देवस्याराधने रताः
narmadā dakṣiṇe kūle sarvameva kṛtaṃ kṣaṇāt / tiṣṭhanti munayaḥ sarve devasyārādhane ratāḥ
—on the southern bank of the Narmadā everything was done in an instant; all the sages remain there, intent upon the worship of the god.
AI translation rendered from the Sanskrit, not a published edition
SkP-RK 6.43
आराध्य विधिना देवम् अस्तुवन् परमेश्वरम् । यस्यास्ति शक्तिर् इत्यादि व्यासस्तुतिपरायणाः
ārādhya vidhinā devam astuvan parameśvaram / yasyāsti śaktir ityādi vyāsastutiparāyaṇāḥ
Having worshipped the god, the Supreme Lord, according to rule, they praised (him), devoted to Vyāsa's hymn beginning "He whose power is..."
AI translation rendered from the Sanskrit, not a published edition
SkP-RK 6.44
स्तोत्रं तद् एतत् त्रिदशेश्वरस्य व्यासेन भक्त्या कृतमीश्वरस्य । प्रातः पठेद् यः स्मरति प्रयत्नात् काले स जातो ऽनुचरो हरस्य
stotraṃ tad etat tridaśeśvarasya vyāsena bhaktyā kṛtamīśvarasya / prātaḥ paṭhed yaḥ smarati prayatnāt kāle sa jāto 'nucaro harasya
This hymn to the Lord of the thirty (gods), to the Lord, was composed by Vyāsa with devotion; whoever recites it at dawn, or recalls it diligently at the (proper) time, becomes an attendant of Hara.
AI translation rendered from the Sanskrit, not a published edition
SkP-RK 6.45
व्यासाष्टकम् इदं पुण्यं यः पठेच्छिवसन्निधौ । व्यासस् तस्य भवेत् प्रीतो नर्मदा च प्रसीदति
vyāsāṣṭakam idaṃ puṇyaṃ yaḥ paṭhecchivasannidhau / vyāsas tasya bhavet prīto narmadā ca prasīdati
Whoever recites this meritorious eight-versed hymn of Vyāsa in the presence of Śiva—Vyāsa becomes pleased with him, and the Narmadā too is favourable.
AI translation rendered from the Sanskrit, not a published edition
SkP-RK 6.46
एवं स्तुतो महादेवो व्यासेन तु महात्मना । शिवो व्यासस्य सन्तुष्ट इदं वचनमब्रवीत्
evaṃ stuto mahādevo vyāsena tu mahātmanā / śivo vyāsasya santuṣṭa idaṃ vacanamabravīt
Thus praised by the great-souled Vyāsa, Mahādeva, Śiva, being pleased with Vyāsa, spoke these words:
AI translation rendered from the Sanskrit, not a published edition
SkP-RK 6.47
किं करोमि स्थितो विप्र वरं ब्रूहि यथेप्सितम् । वरं ददामि ते प्रीतो येन त्वं सुखमेधसे
kiṃ karomi sthito vipra varaṃ brūhi yathepsitam / varaṃ dadāmi te prīto yena tvaṃ sukhamedhase
"What shall I do, standing (here), brahmin? Ask for a boon as you wish. Pleased, I grant you a boon by which you will prosper in happiness."
AI translation rendered from the Sanskrit, not a published edition
SkP-RK 6.48
व्यास उवाच: नर्मदादक्षिणे कूले तिष्ठ त्वं चोत्तरे शिव । आश्रमास् ते भविष्यन्ति सर्वे पुण्यतमाः स्मृताः
vyāsa uvāca: narmadādakṣiṇe kūle tiṣṭha tvaṃ cottare śiva / āśramās te bhaviṣyanti sarve puṇyatamāḥ smṛtāḥ
Vyāsa said: "Dwell you, Śiva, on the southern bank of the Narmadā, and (I) on the northern; your hermitages shall all be reckoned most holy."
AI translation rendered from the Sanskrit, not a published edition
SkP-RK 6.49
एवम् उक्त्वा ततो व्यासं तत्रैवान्तर धीयत । व्यासो ऽपि चात्र वत्स्यामि दक्षिणं नर्मदे व्रज
evam uktvā tato vyāsaṃ tatraivāntara dhīyata / vyāso 'pi cātra vatsyāmi dakṣiṇaṃ narmade vraja
Having spoken thus, he then vanished right there before Vyāsa; and Vyāsa (said), "I too shall dwell here—Narmadā, go to the south!"
AI translation rendered from the Sanskrit, not a published edition — the model flagged this verse as uncertain
SkP-RK 6.50
ततश् च दण्डकाष्ठेन चालयामास नर्मदाम् । नर्मदा चाब्रवीद् वाक्यं पूर्वमार्गेण सा गता
tataś ca daṇḍakāṣṭhena cālayāmāsa narmadām / narmadā cābravīd vākyaṃ pūrvamārgeṇa sā gatā
And then with his wooden staff he made the Narmadā move; but the Narmadā spoke a word, and she went by her former course.
AI translation rendered from the Sanskrit, not a published edition
SkP-RK 6.51
ततो व्यासस् तु संक्रुद्धो युगान्ताग्निर् इवाभवत् । व्यासस् तु कुपितो राजन् सन्तीर्णो द्विजसत्तमः
tato vyāsas tu saṃkruddho yugāntāgnir ivābhavat / vyāsas tu kupito rājan santīrṇo dvijasattamaḥ
Then Vyāsa, greatly enraged, became like the fire at the end of an age; and Vyāsa, angered, O king, that best of brahmins, crossed over.
AI translation rendered from the Sanskrit, not a published edition
SkP-RK 6.52
हुंकारिता च सा देवी नागता तत्र नर्मदा । नाहं कोपवत विप्र प्रलयं यामि कर्हिचित्
huṃkāritā ca sā devī nāgatā tatra narmadā / nāhaṃ kopavata vipra pralayaṃ yāmi karhicit
And though a "hum!" was uttered (at her), that goddess Narmadā did not come there: "I, O angry brahmin, shall never go to dissolution.
AI translation rendered from the Sanskrit, not a published edition — the model flagged this verse as uncertain
SkP-RK 6.53
सप्तकल्पक्षये वृत्ते न मृता ऽस्मीति नर्मदा । ततो द्विजस् तु संजातो दक्षिणेन ततो गता
saptakalpakṣaye vṛtte na mṛtā 'smīti narmadā / tato dvijas tu saṃjāto dakṣiṇena tato gatā
"When the destruction of seven aeons had come to pass, I did not die," said the Narmadā. Then the brahmin came to be (calmed?), and thereafter she went by the south.
AI translation rendered from the Sanskrit, not a published edition — the model flagged this verse as uncertain
SkP-RK 6.54
न वारिता च सा ऽनेन व्यासभीता महानदी । उत्तरे मुनयः सर्वे कूले तिष्ठन्त्य् अनेकशः
na vāritā ca sā 'nena vyāsabhītā mahānadī / uttare munayaḥ sarve kūle tiṣṭhanty anekaśaḥ
And that great river was not stopped by him; afraid of Vyāsa (she went), while on the northern bank all the sages dwell in great numbers.
AI translation rendered from the Sanskrit, not a published edition — the model flagged this verse as uncertain