Skanda Purana — Reva Khanda — Chapter 59
SkP-RK 59.1
युधिष्ठिर उवाच: दानधर्मविधानं च श्रोतुम् इच्छामि कल्पग । दरिद्रा भिक्षवो वापि कथं यान्ति शिवालयम्
yudhiṣṭhira uvāca: dānadharmavidhānaṃ ca śrotum icchāmi kalpaga / daridrā bhikṣavo vāpi kathaṃ yānti śivālayam
Yudhiṣṭhira said: I wish to hear also the rule of the religious duty of giving, O Kalpaga. How do the poor, or beggars, go to Śiva's abode?
AI translation rendered from the Sanskrit, not a published edition
SkP-RK 59.2
विधिना केन दानेन मुच्यते दुष्कृतं तथा । लोकानां च हितार्थाय कथयस्व महामुने
vidhinā kena dānena mucyate duṣkṛtaṃ tathā / lokānāṃ ca hitārthāya kathayasva mahāmune
By what procedure, by what gift, is evil-doing likewise removed? For the benefit of the worlds, tell (this), O great sage.
AI translation rendered from the Sanskrit, not a published edition
SkP-RK 59.3
मार्कण्डेय उवाच: शृणु राजन् यथा न्यायं कथयामि तवानघ । पुष्करं बिल्वपत्रं च कुशास्तोयं च नार्मदम्
mārkaṇḍeya uvāca: śṛṇu rājan yathā nyāyaṃ kathayāmi tavānagha / puṣkaraṃ bilvapatraṃ ca kuśāstoyaṃ ca nārmadam
Mārkaṇḍeya said: Listen, O king; I shall tell you according to rule, O sinless one: a lotus, a bilva leaf, kuśa grasses, and water of the Narmadā —
AI translation rendered from the Sanskrit, not a published edition
SkP-RK 59.4
स्वयम्भूर् भगवान् आह सामान्यं धर्मकारणम् । श्रद्धापूताः सर्वधर्माः पुराणं श्रुतयस् तथा
svayambhūr bhagavān āha sāmānyaṃ dharmakāraṇam / śraddhāpūtāḥ sarvadharmāḥ purāṇaṃ śrutayas tathā
The self-existent Lord (Brahmā) declared the general ground of dharma: all religious duties are purified by faith, and so too the Purāṇa and the Vedic scriptures.
AI translation rendered from the Sanskrit, not a published edition
SkP-RK 59.5
तस्योपदेशधर्मेण नरा यान्ति त्रिविष्टपम् । यस् तूलपूर्णविस्तीर्णं रक्तवस्त्रं ससूत्रकम्
tasyopadeśadharmeṇa narā yānti triviṣṭapam / yas tūlapūrṇavistīrṇaṃ raktavastraṃ sasūtrakam
By the dharma taught by him men go to the third heaven. He who (gives) a broad red cloth filled with cotton, together with thread,
AI translation rendered from the Sanskrit, not a published edition
SkP-RK 59.6
व्याघ्रचर्मकृतं वापि नववस्त्रावगुण्ठितम् । कृष्णाजिनोपवीतं च पुण्यधूपाधिवासितम्
vyāghracarmakṛtaṃ vāpi navavastrāvaguṇṭhitam / kṛṣṇājinopavītaṃ ca puṇyadhūpādhivāsitam
or (a seat) made of tiger-skin, covered over with new cloth, with a black antelope skin and a sacred thread, perfumed with holy incense —
AI translation rendered from the Sanskrit, not a published edition — the model flagged this verse as uncertain
SkP-RK 59.7
शिवध्यानाभियुक्ताय श्रद्धया विनिवेदयेत् । तत् तूलवस्त्रतन्तूनां रोमसंख्यास्ति यावती
śivadhyānābhiyuktāya śraddhayā vinivedayet / tat tūlavastratantūnāṃ romasaṃkhyāsti yāvatī
should present (it) with faith to one who is intent on meditation on Śiva: as great as is the number of the fibres of that cotton cloth,
AI translation rendered from the Sanskrit, not a published edition
SkP-RK 59.8
तावद् वर्षसहस्राणि शिवलोके महीयते । मोदते सर्वलोकेषु भुक्त्वा भोगान् अनेकशः
tāvad varṣasahasrāṇi śivaloke mahīyate / modate sarvalokeṣu bhuktvā bhogān anekaśaḥ
for that many thousands of years he is honoured in Śiva's world; he rejoices in all the worlds, having enjoyed pleasures many times over.
AI translation rendered from the Sanskrit, not a published edition
SkP-RK 59.9
पुनश् च क्षितिमासाद्य सिंहासनपतिर् भवेत् । तृणवल्कलपर्णानि शय्या प्रावरणादिकम्
punaś ca kṣitimāsādya siṃhāsanapatir bhavet / tṛṇavalkalaparṇāni śayyā prāvaraṇādikam
And again, reaching the earth, he becomes lord of a lion-throne. Grass, bark and leaves, a bed, coverings and the like —
AI translation rendered from the Sanskrit, not a published edition
SkP-RK 59.10
दत्त्वा तदर्थिने भूमौ शिवलोके महीयते । शिवमुद्दिश्य नैवेद्यं यो दद्याच् छिवदर्शिने
dattvā tadarthine bhūmau śivaloke mahīyate / śivamuddiśya naivedyaṃ yo dadyāc chivadarśine
having given (these) on earth to one who needs them, he is honoured in Śiva's world. He who, dedicating it to Śiva, would give a food-offering to one who beholds Śiva —
AI translation rendered from the Sanskrit, not a published edition
SkP-RK 59.11
शाकं मूलं फलं वापि तस्य पुण्यफलं शृणु । यावत् स्यात् तण्डुलादीनां संख्याफलदलेषु च
śākaṃ mūlaṃ phalaṃ vāpi tasya puṇyaphalaṃ śṛṇu / yāvat syāt taṇḍulādīnāṃ saṃkhyāphaladaleṣu ca
(If one gives) greens, a root, or even a fruit — hear the fruit of merit for that: as great as may be the number of the rice-grains and the rest, and of the fruits and leaves,
AI translation rendered from the Sanskrit, not a published edition
SkP-RK 59.12
तावद् वर्षसहस्राणि शिवलोके महीयते । भिक्षां सव्यञ्जनां दत्त्वा शिवभक्ताय भक्तितः
tāvad varṣasahasrāṇi śivaloke mahīyate / bhikṣāṃ savyañjanāṃ dattvā śivabhaktāya bhaktitaḥ
for that many thousands of years he is honoured in Śiva's world. Having given alms together with a side-dish to a devotee of Śiva with devotion,
AI translation rendered from the Sanskrit, not a published edition
SkP-RK 59.13
वर्षलक्षं महाभाग शिवलोके महीयते । दधिभक्तं सुसम्पूर्णं भिक्षापात्रं सुशोभनम्
varṣalakṣaṃ mahābhāga śivaloke mahīyate / dadhibhaktaṃ susampūrṇaṃ bhikṣāpātraṃ suśobhanam
he is honoured in Śiva's world for a hundred thousand years, O greatly fortunate one. A beautiful begging-bowl, quite full of curd-rice —
AI translation rendered from the Sanskrit, not a published edition
SkP-RK 59.14
दद्याद् यः शिवभक्ताय तस्य पुण्यफलं शृणु । वर्षकोटिसमं दिव्यं महाभोगैः समन्वितम्
dadyād yaḥ śivabhaktāya tasya puṇyaphalaṃ śṛṇu / varṣakoṭisamaṃ divyaṃ mahābhogaiḥ samanvitam
whoever should give (it) to a devotee of Śiva, hear the fruit of his merit: (a reward) equal to ten million years, divine, furnished with great enjoyments,
AI translation rendered from the Sanskrit, not a published edition
SkP-RK 59.15
स्थित्वा शिवपुरे दिव्ये तस्यान्ते च महीपतिः । सुशीतलेन तोयेन शिवभक्तं सितायुजा
sthitvā śivapure divye tasyānte ca mahīpatiḥ / suśītalena toyena śivabhaktaṃ sitāyujā
having dwelt in the divine city of Śiva; and at the end of that, (he becomes) a lord of the earth. Having satisfied a devotee of Śiva with very cool water mixed with sugar,
AI translation rendered from the Sanskrit, not a published edition
SkP-RK 59.16
तर्पयित्वा शम्भुलोके वर्षलक्षं च मोदते । कलशं शर्करोपेतं वस्त्रपूताम्बुपूरितम्
tarpayitvā śambhuloke varṣalakṣaṃ ca modate / kalaśaṃ śarkaropetaṃ vastrapūtāmbupūritam
he rejoices for a hundred thousand years in Śambhu's world. A water-jar supplied with sugar, filled with water strained through a cloth —
AI translation rendered from the Sanskrit, not a published edition
SkP-RK 59.17
दद्याद् यः शिवभक्ताय तस्य पुण्यफलं शृणु । शुद्धस्फटिकसंकाशं विमानं सर्वकामिकम्
dadyād yaḥ śivabhaktāya tasya puṇyaphalaṃ śṛṇu / śuddhasphaṭikasaṃkāśaṃ vimānaṃ sarvakāmikam
whoever should give (it) to a devotee of Śiva, hear the fruit of his merit: a celestial car resembling pure crystal, granting every desire,
AI translation rendered from the Sanskrit, not a published edition
SkP-RK 59.18
संप्राप्य शिवलोके तु वर्षकोटिं स मोदते । पलाशपर्णैः पत्रैर् वा यः कुर्यात् पुटकानि तु
saṃprāpya śivaloke tu varṣakoṭiṃ sa modate / palāśaparṇaiḥ patrair vā yaḥ kuryāt puṭakāni tu
and having obtained (it) in Śiva's world he rejoices for ten million years. Whoever makes leaf-cups out of palāśa leaves or (other) leaves
AI translation rendered from the Sanskrit, not a published edition
SkP-RK 59.19
प्रदद्याच्छिवयोगिभ्यस् ताम्रपात्रप्रदो हि सः । यस् ताम्रपात्रं सुकृतं प्रदद्याच् छिवयोगिने
pradadyācchivayogibhyas tāmrapātraprado hi saḥ / yas tāmrapātraṃ sukṛtaṃ pradadyāc chivayogine
and gives them to Śiva's yogins — he is indeed a giver of a copper vessel. Whoever gives a well-made copper vessel to a yogin of Śiva
AI translation rendered from the Sanskrit, not a published edition
SkP-RK 59.20
कोटिषट् कं स कल्पानां शिवलोके महीयते । शूलं वहति यः पाणौ शक्तिं पृष्ठे कमण्डलुम्
koṭiṣaṭ kaṃ sa kalpānāṃ śivaloke mahīyate / śūlaṃ vahati yaḥ pāṇau śaktiṃ pṛṣṭhe kamaṇḍalum
is honoured in Śiva's world for sixty million kalpas. He who carries a trident in his hand, a spear (śakti) and a water-pot on his back —
AI translation rendered from the Sanskrit, not a published edition
SkP-RK 59.21
तं भोजयित्वा यत्नेन शिवलोकम् अवाप्नुयात् । भोजयेच् च यथा शक्त्या यः शिवव्रतचारिणम्
taṃ bhojayitvā yatnena śivalokam avāpnuyāt / bhojayec ca yathā śaktyā yaḥ śivavratacāriṇam
having fed him with effort, one would attain Śiva's world. And whoever should feed, according to his ability, one who practises the vow of Śiva,
AI translation rendered from the Sanskrit, not a published edition
SkP-RK 59.22
भोगैः स क्रीडति श्रेष्ठैः शिवलोके व्यवस्थितः । यः शिवाश्रमधर्मं च गृहस्थं भोजयेद् बुधः
bhogaiḥ sa krīḍati śreṣṭhaiḥ śivaloke vyavasthitaḥ / yaḥ śivāśramadharmaṃ ca gṛhasthaṃ bhojayed budhaḥ
he sports with the finest enjoyments, established in Śiva's world. The wise man who feeds a householder (following) the religious duty of Śiva's āśrama
AI translation rendered from the Sanskrit, not a published edition
SkP-RK 59.23
विपुलैः स महाभोगैः शिवलोके महीयते । शिवाश्रमव्रतस्थं यः कन्दाद्यैर् भोजयेत् नरः
vipulaiḥ sa mahābhogaiḥ śivaloke mahīyate / śivāśramavratasthaṃ yaḥ kandādyair bhojayet naraḥ
is honoured with abundant great enjoyments in Śiva's world. The man who feeds one settled in the vow of Śiva's āśrama with bulbs and the like
AI translation rendered from the Sanskrit, not a published edition
SkP-RK 59.24
स दिव्यानाप्नुयाद् भोगान् ईश्वरस्य पुरे स्थितः । एवं पाशुपतं भक्तं भोजयित्वा प्रणम्य च
sa divyānāpnuyād bhogān īśvarasya pure sthitaḥ / evaṃ pāśupataṃ bhaktaṃ bhojayitvā praṇamya ca
would obtain divine enjoyments, dwelling in the city of the Lord. Thus, having fed a Pāśupata devotee and bowed to him,
AI translation rendered from the Sanskrit, not a published edition
SkP-RK 59.25
नानाविधैर् महाभोगैः शिवलोके महीयते । महाव्रतधरायैव भिक्षां यः प्रतिपादयेत्
nānāvidhair mahābhogaiḥ śivaloke mahīyate / mahāvratadharāyaiva bhikṣāṃ yaḥ pratipādayet
(one) is honoured in Śiva's world with manifold great enjoyments. Whoever presents alms to one who bears the Great Vow (mahāvrata)
AI translation rendered from the Sanskrit, not a published edition
SkP-RK 59.26
स दिव्यैः शोभनैर् भोगैः शिवलोके महीयते । सयमनियम् आचारं शिवभक्तिपरं नरम्
sa divyaiḥ śobhanair bhogaiḥ śivaloke mahīyate / sayamaniyam ācāraṃ śivabhaktiparaṃ naram
is honoured in Śiva's world with divine, beautiful enjoyments. A man whose conduct includes restraints and observances, devoted to Śiva —
AI translation rendered from the Sanskrit, not a published edition
SkP-RK 59.27
भोजयित्वा यथाशक्त्या शिवलोके महीयते । ज्ञानयोगबहिःस्था ये लोकसामान्यधर्मिणः
bhojayitvā yathāśaktyā śivaloke mahīyate / jñānayogabahiḥsthā ye lokasāmānyadharmiṇaḥ
having fed (him) according to one's ability, one is honoured in Śiva's world. Those who stand outside knowledge and yoga, following the common religion of the world,
AI translation rendered from the Sanskrit, not a published edition
SkP-RK 59.28
पूजयन्ति शिवं भक्त्या शिवलोकं व्रजन्ति ते । अनाशिकेनापि करीषवह्णिना पयः प्रदानेन तपोभिर् उग्रैः
pūjayanti śivaṃ bhaktyā śivalokaṃ vrajanti te / anāśikenāpi karīṣavahṇinā payaḥ pradānena tapobhir ugraiḥ
(yet) worship Śiva with devotion — they go to Śiva's world. Even by fasting, by the fire of dried cow-dung, by the offering of milk, by fierce austerities,
AI translation rendered from the Sanskrit, not a published edition
SkP-RK 59.29
प्रयान्ति यज्ञैश् च न तां गतिं नरा । नीचो ऽपि यां याति हि रुद्रभक्तः
prayānti yajñaiś ca na tāṃ gatiṃ narā / nīco 'pi yāṃ yāti hi rudrabhaktaḥ
and by sacrifices, men do not reach that state which even a lowly man goes to, if he is a devotee of Rudra.
AI translation rendered from the Sanskrit, not a published edition
SkP-RK 59.30
यथा रेवाजलस्पर्शाल् लभन्ते सद्गतिं नराः । न तथा यज्ञदानाद्यैर् उपायैर् भरतर्षभ
yathā revājalasparśāl labhante sadgatiṃ narāḥ / na tathā yajñadānādyair upāyair bharatarṣabha
As men obtain the good state through touching the water of the Revā, not so (do they) by sacrifices, gifts and other means, O bull of the Bharatas.
AI translation rendered from the Sanskrit, not a published edition
SkP-RK 59.31
इत्य् एष शिवलोकस् तु प्रसङ्गात् समुदाहृतः । गोलोकः कल्पगालोकः शिवभक्तैः समन्वितः
ity eṣa śivalokas tu prasaṅgāt samudāhṛtaḥ / golokaḥ kalpagālokaḥ śivabhaktaiḥ samanvitaḥ
Thus this world of Śiva has been declared (here) incidentally: the Goloka, the Kalpagāloka, filled with Śiva's devotees.
AI translation rendered from the Sanskrit, not a published edition — the model flagged this verse as uncertain
SkP-RK 59.32
ज्ञानयोगेन ये शान्ता जपन्ति परमं शिवम् । ते सर्वदुःखनिर्मुक्ता भवन्ति सुखिनः सदा
jñānayogena ye śāntā japanti paramaṃ śivam / te sarvaduḥkhanirmuktā bhavanti sukhinaḥ sadā
Those who, calmed by the yoga of knowledge, recite (the name of) the supreme Śiva—they, freed from all suffering, are always happy.
AI translation rendered from the Sanskrit, not a published edition
SkP-RK 59.33
शिवलोकश् च विज्ञेयो मण्डलावरणात्मकः । पञ्चभूतान्यहंकारः सत्त्वं प्रकृतिरष्टमी
śivalokaś ca vijñeyo maṇḍalāvaraṇātmakaḥ / pañcabhūtānyahaṃkāraḥ sattvaṃ prakṛtiraṣṭamī
And the world of Śiva is to be known as consisting of encircling spheres: the five elements, ego, sattva (i.e. intellect), and prakṛti as the eighth.
AI translation rendered from the Sanskrit, not a published edition — the model flagged this verse as uncertain
SkP-RK 59.34
ईदृशानां तु नागानां कोट्यो ज्ञेयाः सहस्रशः । सर्वाङ्गत्वात् प्रधानस्य तिर्यगूर्ध्वमधः स्थितम्
īdṛśānāṃ tu nāgānāṃ koṭyo jñeyāḥ sahasraśaḥ / sarvāṅgatvāt pradhānasya tiryagūrdhvamadhaḥ sthitam
Of such serpents crores are to be known, by thousands; since the primal principle (pradhāna) has all as its limbs, (this) stands sideways, above and below.
AI translation rendered from the Sanskrit, not a published edition — the model flagged this verse as uncertain
SkP-RK 59.35
विष्णुलोकात् परं स्थानं कुमारस्य महात्मनः । स्वच्छमौक्तिकसंकाशं परमा श्रीसमन्वितम्
viṣṇulokāt paraṃ sthānaṃ kumārasya mahātmanaḥ / svacchamauktikasaṃkāśaṃ paramā śrīsamanvitam
Beyond the world of Viṣṇu is the abode of the great-souled Kumāra, resembling a clear pearl, endowed with supreme splendour.
AI translation rendered from the Sanskrit, not a published edition
SkP-RK 59.36
स्कन्दलोकात् परं स्थानम् उमादेव्याः प्रकीर्तितम् । तप्तचामीकरप्रख्यम् अशेषगुणसंयुतम्
skandalokāt paraṃ sthānam umādevyāḥ prakīrtitam / taptacāmīkaraprakhyam aśeṣaguṇasaṃyutam
Beyond Skanda's world is proclaimed the abode of the goddess Umā, like refined gold, endowed with every excellence.
AI translation rendered from the Sanskrit, not a published edition
SkP-RK 59.37
उमास्थानात् परं चैव हरस्थानं तदुत्तमम् । सूर्यकोटिप्रतीकाशं सर्वकाम् असमन्वितम्
umāsthānāt paraṃ caiva harasthānaṃ taduttamam / sūryakoṭipratīkāśaṃ sarvakām asamanvitam
And beyond Umā's abode is Hara's abode, the highest of them, shining like ten million suns, furnished with all that one could desire.
AI translation rendered from the Sanskrit, not a published edition
SkP-RK 59.38
गणैर् अध्युषितं सर्वैर् असंख्यैर् योगतत्परैः । हिरण्यगर्भकूर्माद्यैर् वसुरुद्रदिवाकरैः
gaṇair adhyuṣitaṃ sarvair asaṃkhyair yogatatparaiḥ / hiraṇyagarbhakūrmādyair vasurudradivākaraiḥ
It is inhabited by all the countless hosts intent on yoga, by Hiraṇyagarbha, Kūrma and the rest, by the Vasus, Rudras and Sun-gods.
AI translation rendered from the Sanskrit, not a published edition
SkP-RK 59.39
स्तूयते भगवान् नित्यं तस्यान्ति प्रतिकाङ्क्षिभिः । ज्ञानध्यानपरैः शान्तैर् भिक्षाहारैर् जितेन्द्रियैः
stūyate bhagavān nityaṃ tasyānti pratikāṅkṣibhiḥ / jñānadhyānaparaiḥ śāntair bhikṣāhārair jitendriyaiḥ
The Lord is praised there constantly by those who long for nearness to him, who are devoted to knowledge and meditation, calm, living on alms, their senses subdued.
AI translation rendered from the Sanskrit, not a published edition
SkP-RK 59.40
प्राप्यं तैश् च परं स्थानं सूर्यायुतसमप्रभम् । तत्सत्कर्मकरैर् नित्यं ब्राह्मणैर् दग्धकल्मषैः
prāpyaṃ taiś ca paraṃ sthānaṃ sūryāyutasamaprabham / tatsatkarmakarair nityaṃ brāhmaṇair dagdhakalmaṣaiḥ
And that supreme abode, bright as ten thousand suns, is to be attained by them, and ever by brahmins who perform those good works and have burnt away their sins.
AI translation rendered from the Sanskrit, not a published edition
SkP-RK 59.41
वसन्ति यदृतं सिद्धाशयास् तु क्लेशवर्जिताः । नर्मदा सेव्यमानाश् च लभन्ते तत्पदं नराः
vasanti yadṛtaṃ siddhāśayās tu kleśavarjitāḥ / narmadā sevyamānāś ca labhante tatpadaṃ narāḥ
There dwell those of accomplished intent, free from affliction; and men who serve the Narmadā also attain that state.
AI translation rendered from the Sanskrit, not a published edition — the model flagged this verse as uncertain
SkP-RK 59.42
एतत् ते कथितं पार्थ यथोद्दिष्टं तु शम्भुना । यन् मया कथितं दानं नर्मदातीरम् आश्रितम्
etat te kathitaṃ pārtha yathoddiṣṭaṃ tu śambhunā / yan mayā kathitaṃ dānaṃ narmadātīram āśritam
This has been told to you, son of Pṛthā, just as it was set forth by Śambhu—the gift which I have described, (made) on the bank of the Narmadā.
AI translation rendered from the Sanskrit, not a published edition
SkP-RK 59.43
गच्छन्ति ये ऽन्यत् तीर्थं तु सहस्रांशो विशिष्यते । सर्वज्ञाः सर्वगाः शुद्धाः परिपूर्णा भवन्ति ते
gacchanti ye 'nyat tīrthaṃ tu sahasrāṃśo viśiṣyate / sarvajñāḥ sarvagāḥ śuddhāḥ paripūrṇā bhavanti te
But (as for) those who go to another sacred place—(the Narmadā) surpasses (it) by a thousandfold; (those who resort to it) become omniscient, all-pervading, pure and complete.
AI translation rendered from the Sanskrit, not a published edition — the model flagged this verse as uncertain
SkP-RK 59.44
शुद्धकर्मकरा ये तु परमैश्वर्यसंयुताः । सदेहाश् च विदेहाश् च भवन्ति स्वेच्छया पुनः
śuddhakarmakarā ye tu paramaiśvaryasaṃyutāḥ / sadehāś ca videhāś ca bhavanti svecchayā punaḥ
And those who do pure deeds, endowed with supreme lordship, become at their own will again embodied or bodiless.
AI translation rendered from the Sanskrit, not a published edition
SkP-RK 59.45
इति नित्यं विशुद्धं च स्थानम् आद्यम् उमापतेः । दिव्यं श्रीकण्ठनाथस्य जगद्भर्तुः समंस्थितम्
iti nityaṃ viśuddhaṃ ca sthānam ādyam umāpateḥ / divyaṃ śrīkaṇṭhanāthasya jagadbhartuḥ samaṃsthitam
Thus the eternal and wholly pure primal abode of Umā's lord, the divine (abode) of the lord Śrīkaṇṭha, sustainer of the world, is established.
AI translation rendered from the Sanskrit, not a published edition — the model flagged this verse as uncertain
SkP-RK 59.46
स्थानं नवकमित्य् एवं निर्गता यत्र कल्पगा । परमाष्टगुणैश्वर्यनित्यम् अक्षयम् अव्ययम्
sthānaṃ navakamity evaṃ nirgatā yatra kalpagā / paramāṣṭaguṇaiśvaryanityam akṣayam avyayam
So the abode is ninefold, from which the Kalpagā (river) issued forth—eternal with the lordship of the supreme eight qualities, imperishable, undecaying.
AI translation rendered from the Sanskrit, not a published edition — the model flagged this verse as uncertain
SkP-RK 59.47
शश्वद्गुरुप्रणीतेन ध्यानयोगेन ये नराः । ध्यायन्ति देवतां नित्यं ते सिद्धा यान्ति तत्पदम्
śaśvadgurupraṇītena dhyānayogena ye narāḥ / dhyāyanti devatāṃ nityaṃ te siddhā yānti tatpadam
Those men who, by the yoga of meditation constantly imparted by a teacher, meditate on the deity daily—they, perfected, go to that state.
AI translation rendered from the Sanskrit, not a published edition
SkP-RK 59.48
ये ऽभ्यसन्ति शिवज्ञानं नर्मदातीरम् आश्रिताः । कामतृष्णाविनिर्मुक्तास् ते ऽपि यान्ति च तत्पुरम्
ye 'bhyasanti śivajñānaṃ narmadātīram āśritāḥ / kāmatṛṣṇāvinirmuktās te 'pi yānti ca tatpuram
Those who practise the knowledge of Śiva, dwelling on the bank of the Narmadā, freed from desire and thirst—they too go to that city.
AI translation rendered from the Sanskrit, not a published edition
SkP-RK 59.49
अप्य् एकदिवसं यावच् छिवध्यानपरायणः । शिवधर्मपरस् तस्य धर्मस्यान्तो न विद्यते
apy ekadivasaṃ yāvac chivadhyānaparāyaṇaḥ / śivadharmaparas tasya dharmasyānto na vidyate
Even for a single day, if one is devoted to meditation on Śiva and intent on the Śiva-dharma, there is no end to his merit.
AI translation rendered from the Sanskrit, not a published edition
SkP-RK 59.50
योगधर्मसु सारत्वादभेद्यं पापमुद्गरैः । वज्रतण्डुलवज् ज्ञेयं तस्मात् तस्य फलं महत्
yogadharmasu sāratvādabhedyaṃ pāpamudgaraiḥ / vajrataṇḍulavaj jñeyaṃ tasmāt tasya phalaṃ mahat
Because it is the essence among the yogic duties, it cannot be split by the hammers of sin; it is to be known as like a grain of adamant—therefore its fruit is great.
AI translation rendered from the Sanskrit, not a published edition — the model flagged this verse as uncertain
SkP-RK 59.51
देहान्तेनैव धर्मेण स्थानमाद्यं शिवालयम् । यत्रास्ते विपुलैर् भोगैः क्रीडन् कल्पायुतं नरः
dehāntenaiva dharmeṇa sthānamādyaṃ śivālayam / yatrāste vipulair bhogaiḥ krīḍan kalpāyutaṃ naraḥ
By that very observance, at the body's end, (one gains) the first abode, Śiva's dwelling, where a man remains for ten thousand kalpas, sporting with abundant enjoyments.
AI translation rendered from the Sanskrit, not a published edition
SkP-RK 59.52
ततः कल्पायुतस्यान्ते स्थानं कौमारम् आप्नुयात् । तत्रार्धसम्मितं कालं स क्रीडन् ससुखं वसेत्
tataḥ kalpāyutasyānte sthānaṃ kaumāram āpnuyāt / tatrārdhasammitaṃ kālaṃ sa krīḍan sasukhaṃ vaset
Then, at the end of ten thousand kalpas, he would attain the abode of Kumāra; there for half that measure of time he would dwell happily, sporting.
AI translation rendered from the Sanskrit, not a published edition
SkP-RK 59.53
तदन्ते विष्णुलोकं च संप्राप्य वसते पुनः । ब्रह्मलोकं गतश् चान्ते तत्रापि वसते नरः
tadante viṣṇulokaṃ ca saṃprāpya vasate punaḥ / brahmalokaṃ gataś cānte tatrāpi vasate naraḥ
At the end of that, having reached the world of Viṣṇu, he dwells (there) again; and at its end, having gone to the world of Brahmā, there too the man dwells.
AI translation rendered from the Sanskrit, not a published edition
SkP-RK 59.54
ब्रह्मलोकपरिभ्रष्टो वसेच् छिवपुरे सुखम् । तत् तस्माद् ब्रह्मविष्ण्वाद्यांल् लोकान् प्राप्नोत्य् अनुक्रमात्
brahmalokaparibhraṣṭo vasec chivapure sukham / tat tasmād brahmaviṣṇvādyāṃl lokān prāpnoty anukramāt
Fallen from Brahmā's world, he would dwell happily in Śiva's city; therefore from that (gift) he attains in succession the worlds of Brahmā, Viṣṇu and the rest.
AI translation rendered from the Sanskrit, not a published edition
SkP-RK 59.55
इत्य् एवं सर्वलोकेषु रमित्वा क्रमशस् ततः । मनुष्यलोकम् आसाद्य शिवं रेवां समाश्रयेत्
ity evaṃ sarvalokeṣu ramitvā kramaśas tataḥ / manuṣyalokam āsādya śivaṃ revāṃ samāśrayet
Thus, having taken pleasure in all the worlds in succession, then, reaching the world of men, he should resort to Śiva and to the Revā.
AI translation rendered from the Sanskrit, not a published edition
SkP-RK 59.56
मया ते कथिता ऽन्यत्र यानि दानानि भारत । तानि सर्वे प्रशंसन्ति पर्वते ऽमरकण्टके
mayā te kathitā 'nyatra yāni dānāni bhārata / tāni sarve praśaṃsanti parvate 'marakaṇṭake
Whatever gifts I have described to you elsewhere, Bhārata — all (people) praise those on the mountain Amarakaṇṭaka.
AI translation rendered from the Sanskrit, not a published edition