Skanda Purana — Reva Khanda — Chapter 47
SkP-RK 47.1
युधिष्ठिर उवाच: ॐकारकीर्तनं विप्रदानं यज्ञस् तपस् तथा । सम्भवं पञ्चवक्त्राणां लिङ्गानां संभवं तथा
yudhiṣṭhira uvāca: oṃkārakīrtanaṃ vipradānaṃ yajñas tapas tathā / sambhavaṃ pañcavaktrāṇāṃ liṅgānāṃ saṃbhavaṃ tathā
Yudhiṣṭhira said: The proclaiming of the syllable Oṃ, gifts to brahmins, sacrifice and austerity, the origin of the five-faced (forms), and likewise the origin of the liṅgas —
AI translation rendered from the Sanskrit, not a published edition
SkP-RK 47.2
युगसंख्यां कलां चैव चरितं च महामुने । कथयस्व प्रसादेन यथोद्दिष्टं तु शंभुना
yugasaṃkhyāṃ kalāṃ caiva caritaṃ ca mahāmune / kathayasva prasādena yathoddiṣṭaṃ tu śaṃbhunā
and the number of the ages and the divisions (of time), and the (sacred) history, O great sage: tell (them) graciously, as they were set forth by Śambhu.
AI translation rendered from the Sanskrit, not a published edition
SkP-RK 47.3
मार्कण्डेय उवाच: श्रूयतां राजराजेन्द्र पुराणं स्कन्दकीर्तितम् । द्वात्रिंशतिसहस्राणि लक्षाण्यष्टादशैव च
mārkaṇḍeya uvāca: śrūyatāṃ rājarājendra purāṇaṃ skandakīrtitam / dvātriṃśatisahasrāṇi lakṣāṇyaṣṭādaśaiva ca
Mārkaṇḍeya said: Listen, O supreme lord of kings, to the Purāṇa proclaimed by Skanda: eighteen hundred thousand and thirty-two thousand (verses).
AI translation rendered from the Sanskrit, not a published edition — the model flagged this verse as uncertain
SkP-RK 47.4
एषा कृतयुगे संख्या सन्ध्यासन्ध्यांशमानतः । लक्ष्याण्य् अष्टौ तथा चाष्टौ सहस्राणि युधिष्ठिर
eṣā kṛtayuge saṃkhyā sandhyāsandhyāṃśamānataḥ / lakṣyāṇy aṣṭau tathā cāṣṭau sahasrāṇi yudhiṣṭhira
This is the reckoning for the Kṛta age, counted together with its twilight and twilight-portion; (in the Tretā age) eight hundred thousand and eight thousand, Yudhiṣṭhira.
AI translation rendered from the Sanskrit, not a published edition — the model flagged this verse as uncertain
SkP-RK 47.5
द्वापरे भानम् इच्छन्ति सन्ध्यासन्ध्यांशमानत । सहस्राणि च चत्वारि तथा लक्षचतुष्टयम्
dvāpare bhānam icchanti sandhyāsandhyāṃśamānata / sahasrāṇi ca catvāri tathā lakṣacatuṣṭayam
For the Dvāpara they hold the measure, counted with its twilight and twilight-portion, (to be) four thousand and four hundred thousand.
AI translation rendered from the Sanskrit, not a published edition — the model flagged this verse as uncertain
SkP-RK 47.6
मानं कलियुगस्यैतत् सन्ध्यासन्ध्यांशमानतः । अल्पक्षीरप्रदा गावो ह्य् अल्पसस्या च मेदिनी
mānaṃ kaliyugasyaitat sandhyāsandhyāṃśamānataḥ / alpakṣīrapradā gāvo hy alpasasyā ca medinī
This is the measure of the Kali age, counted with its twilight and twilight-portion: cows give little milk, and the earth (yields) little grain.
AI translation rendered from the Sanskrit, not a published edition
SkP-RK 47.7
अल्पोदकास् तथा मेघाः स्वल्पविद्यास् तथा द्विजाः । पूर्णे तु षोडशे वर्षे नराः पलितयौवनाः
alpodakās tathā meghāḥ svalpavidyās tathā dvijāḥ / pūrṇe tu ṣoḍaśe varṣe narāḥ palitayauvanāḥ
So too the clouds (hold) little water, and the twice-born have scant learning; and when the sixteenth year is complete men have grey hair (already) in their youth.
AI translation rendered from the Sanskrit, not a published edition
SkP-RK 47.8
दशमे द्वादशे वर्षे नारी गर्भधरा भवेत् । शूद्रा धर्मपरा नित्यं कलौ काले दिगम्बराः
daśame dvādaśe varṣe nārī garbhadharā bhavet / śūdrā dharmaparā nityaṃ kalau kāle digambarāḥ
In the tenth or twelfth year a woman becomes pregnant; the Śūdras are ever devoted to (their own) dharma, (and) in the Kali time (men go) naked, clad in the directions.
AI translation rendered from the Sanskrit, not a published edition
SkP-RK 47.9
एकवर्णाः प्रजाः सर्वा राजा म्लेच्छो भविष्यति । कलौ युगे तथा प्राप्ते कलिरूपे च माधवे
ekavarṇāḥ prajāḥ sarvā rājā mleccho bhaviṣyati / kalau yuge tathā prāpte kalirūpe ca mādhave
All the people will be of one class, and the king will be a barbarian; and when the Kali age has thus arrived, Mādhava (Viṣṇu) too being in the form of Kali—
AI translation rendered from the Sanskrit, not a published edition — the model flagged this verse as uncertain
SkP-RK 47.10
नाग्निहोत्रं न वेदाश् च न धर्मो न च याजनम् । न सत्यं न तपो दानं न सत्त्वं न च देवताः
nāgnihotraṃ na vedāś ca na dharmo na ca yājanam / na satyaṃ na tapo dānaṃ na sattvaṃ na ca devatāḥ
(There will be) no Agnihotra, no Vedas, no dharma and no performing of sacrifice; no truth, no austerity, no giving, no goodness, and no gods.
AI translation rendered from the Sanskrit, not a published edition
SkP-RK 47.11
वेदविक्रयिणो विप्रा अन्त्यजानां गृहे गृहे । वेदादेशं करिष्यन्ति वेदविप्लवकारकाः
vedavikrayiṇo viprā antyajānāṃ gṛhe gṛhe / vedādeśaṃ kariṣyanti vedaviplavakārakāḥ
Brahmins (become) sellers of the Veda; in house after house of the lowest-born they will give instruction in the Veda, working the ruin of the Veda.
AI translation rendered from the Sanskrit, not a published edition
SkP-RK 47.12
कन्याविक्रयिणः पापास् तथा कन्योपजीविनः । सहस्रांशो न धर्मस्य कला चैका प्रवर्तिता
kanyāvikrayiṇaḥ pāpās tathā kanyopajīvinaḥ / sahasrāṃśo na dharmasya kalā caikā pravartitā
(Men become) sinful sellers of girls and likewise live off girls; not a thousandth part of dharma (remains), and (only) a single fraction is in operation.
AI translation rendered from the Sanskrit, not a published edition
SkP-RK 47.13
यत्र सिद्धस् तत्र तीर्थं जले स्नास्यन्ति मानवाः । शूद्रा पत्नी द्विजानां तु भविष्यति गृहे गृहे
yatra siddhas tatra tīrthaṃ jale snāsyanti mānavāḥ / śūdrā patnī dvijānāṃ tu bhaviṣyati gṛhe gṛhe
Wherever there is water (a saint?) there they (call) a sacred ford, and men will bathe in (any) water; and in house after house a Śūdra woman will be the wife of the twice-born.
AI translation rendered from the Sanskrit, not a published edition — the model flagged this verse as uncertain
SkP-RK 47.14
अधरोत्तरभावेन भविष्यन्ति कलौ नराः । बौद्धाः क्षपणकाः पापा नग्ना मलिनकश्मलाः
adharottarabhāvena bhaviṣyanti kalau narāḥ / bauddhāḥ kṣapaṇakāḥ pāpā nagnā malinakaśmalāḥ
In the Kali (age) men will exist with the lower uppermost; (there will be) Buddhists, Kṣapaṇaka ascetics, sinful, naked, filthy and foul.
AI translation rendered from the Sanskrit, not a published edition
SkP-RK 47.15
विडम्बयन्ति बालानां मोहिताः पापकर्मणाम् । न गुरुं मन्यते शिष्यः पुत्रश् च पितरं तथा
viḍambayanti bālānāṃ mohitāḥ pāpakarmaṇām / na guruṃ manyate śiṣyaḥ putraś ca pitaraṃ tathā
Deluded, they mock (the practices) of children, of men of sinful deeds; a pupil does not respect his teacher, nor a son his father.
AI translation rendered from the Sanskrit, not a published edition — the model flagged this verse as uncertain
SkP-RK 47.16
स्ववंशद्रव्यहर्तारः प्रव्रज्यावेषधारिणः । लिङ्गोपजीविनः पापास् तथा भस्मोपजीविनः
svavaṃśadravyahartāraḥ pravrajyāveṣadhāriṇaḥ / liṅgopajīvinaḥ pāpās tathā bhasmopajīvinaḥ
(There will be) plunderers of their own family's property, wearers of the garb of renunciation, sinners who live off the liṅga and likewise those who live off ashes.
AI translation rendered from the Sanskrit, not a published edition
SkP-RK 47.17
वैवस्वते ऽन्तरे प्राप्ते कलौ सर्वं भविष्यति । एतत् ते कथितं राजन् कलौ यद्यद् भविष्यति
vaivasvate 'ntare prāpte kalau sarvaṃ bhaviṣyati / etat te kathitaṃ rājan kalau yadyad bhaviṣyati
When the Vaivasvata interval has been reached, all this will come to pass in the Kali (age). This has been told to you, O king—whatever will happen in the Kali (age).
AI translation rendered from the Sanskrit, not a published edition
SkP-RK 47.18
ॐकारस्यैव चोत्पत्तिं विधानं विधिपूर्वकम् । कथयामि समासेन यत् पृष्टो ऽहं त्वया ऽनघ
oṃkārasyaiva cotpattiṃ vidhānaṃ vidhipūrvakam / kathayāmi samāsena yat pṛṣṭo 'haṃ tvayā 'nagha
And now the origin of the syllable Oṃ, and its ritual use according to rule, I shall tell in brief, since you have asked me, O sinless one.
AI translation rendered from the Sanskrit, not a published edition
SkP-RK 47.19
कीर्तनाद् अस्य देवस्य मुच्यते भवबन्धनात् । ॐ मित्येकाक्षर राजन् व्याहरन् समनुस्मरन्
kīrtanād asya devasya mucyate bhavabandhanāt / oṃ mityekākṣara rājan vyāharan samanusmaran
By the praising of this god one is freed from the bondage of existence. Uttering and constantly recalling the single syllable 'Oṃ', O king—
AI translation rendered from the Sanskrit, not a published edition
SkP-RK 47.20
यः प्रयाति त्यजन् देहं स याति परमां गतिम् । वेदमाता च गायत्री ॐकारप्रभवा तथा
yaḥ prayāti tyajan dehaṃ sa yāti paramāṃ gatim / vedamātā ca gāyatrī oṃkāraprabhavā tathā
—he who departs, leaving the body, goes to the highest goal. And Gāyatrī, the mother of the Vedas, likewise arises from Oṃ.
AI translation rendered from the Sanskrit, not a published edition
SkP-RK 47.21
ॐमित्येकाक्षरे तत्त्वे ब्रह्मविष्णुमहेश्वराः । ॐकारो वेदमूलं तु श्रुतिशाखः प्रतिष्ठितः
oṃmityekākṣare tattve brahmaviṣṇumaheśvarāḥ / oṃkāro vedamūlaṃ tu śrutiśākhaḥ pratiṣṭhitaḥ
In the single-syllabled reality 'Oṃ' are Brahmā, Viṣṇu and Maheśvara. Oṃ is the root of the Veda, established with the Śruti as its branches;
AI translation rendered from the Sanskrit, not a published edition
SkP-RK 47.22
फलं चैव तु पुष्पं च पर्णानि स्मृतिर् आगमः । यथादौ सर्वविद्यानाम् ॐकारः परिपठ्यते
phalaṃ caiva tu puṣpaṃ ca parṇāni smṛtir āgamaḥ / yathādau sarvavidyānām oṃkāraḥ paripaṭhyate
the Smṛti and the Āgama are its fruit, its flower and its leaves. As Oṃ is recited at the beginning of all branches of knowledge,
AI translation rendered from the Sanskrit, not a published edition
SkP-RK 47.23
तथादौ सर्वदेवानाम् आदिदेवो महेश्वरः । सन्ध्यात्रयं त्रिकालादि ॐकारे परिकीर्तितम्
tathādau sarvadevānām ādidevo maheśvaraḥ / sandhyātrayaṃ trikālādi oṃkāre parikīrtitam
so at the head of all the gods (stands) Maheśvara, the primal god. The three twilight-worships, the three times and the rest are declared to be in Oṃ.
AI translation rendered from the Sanskrit, not a published edition
SkP-RK 47.24
अग्नित्रयं त्रयो लोकास् त्रिवर्गश् च प्रतिष्ठितः । अष्टषष्टिं च तीर्थानां ब्रह्मणे शिवकीर्तितम्
agnitrayaṃ trayo lokās trivargaś ca pratiṣṭhitaḥ / aṣṭaṣaṣṭiṃ ca tīrthānāṃ brahmaṇe śivakīrtitam
The three fires, the three worlds, and the triad (of dharma, wealth and pleasure) are established (in it); and the sixty-eight sacred fords have been declared by Śiva to Brahmā.
AI translation rendered from the Sanskrit, not a published edition — the model flagged this verse as uncertain
SkP-RK 47.25
एकेन च शतं पूर्णं रुद्राणां परिकीर्तितम् । केदारे शतमेकं ॐकारैकोत्तरं शतम्
ekena ca śataṃ pūrṇaṃ rudrāṇāṃ parikīrtitam / kedāre śatamekaṃ oṃkāraikottaraṃ śatam
And with one more, a full hundred of Rudras is declared: at Kedāra a hundred and one, at Oṃkāra a hundred and one.
AI translation rendered from the Sanskrit, not a published edition — the model flagged this verse as uncertain
SkP-RK 47.26
पञ्चब्रह्म पञ्चवक्त्रम् ॐकारं लिङ्गमुत्तमम् । पृथिव्यां यानि लिङ्गानि आसमुद्रान्तगोचरे
pañcabrahma pañcavaktram oṃkāraṃ liṅgamuttamam / pṛthivyāṃ yāni liṅgāni āsamudrāntagocare
Five-Brahman, five-faced — Oṃkāra is the highest liṅga. Whatever liṅgas there are on earth, in the region extending to the ocean's end,
AI translation rendered from the Sanskrit, not a published edition — the model flagged this verse as uncertain
SkP-RK 47.27
न तेषां पञ्चवक्त्राणि त्यक्त्व्ॐकारं युधिष्ठिर । स्वायम्भुवे ऽन्तरे प्राप्ते आदिकल्पे कृते युगे
na teṣāṃ pañcavaktrāṇi tyaktvoṃkāraṃ yudhiṣṭhira / svāyambhuve 'ntare prāpte ādikalpe kṛte yuge
they do not have five faces, apart from Oṃkāra, Yudhiṣṭhira. When the Svāyambhuva interval had come, in the first kalpa, in the Kṛta age,
AI translation rendered from the Sanskrit, not a published edition
SkP-RK 47.28
दानवैर् निर्जिता देवा नर्मदातीरमाश्रिताः । अवद्रुताः कङ्कोलैस् तु कालिकेयैश् च कालकैः
dānavair nirjitā devā narmadātīramāśritāḥ / avadrutāḥ kaṅkolais tu kālikeyaiś ca kālakaiḥ
the gods, defeated by the Dānavas, took refuge on the bank of the Narmadā, harried by the Kaṅkolas, the Kālikeyas and the Kālakas.
AI translation rendered from the Sanskrit, not a published edition
SkP-RK 47.29
ते देवा ब्रह्मसहिता ईश्वरं शरणं गताः । बृहस्पतिस् ततः प्राह ब्रह्माणं प्रति भारत
te devā brahmasahitā īśvaraṃ śaraṇaṃ gatāḥ / bṛhaspatis tataḥ prāha brahmāṇaṃ prati bhārata
Those gods, together with Brahmā, went for refuge to Īśvara; then Bṛhaspati spoke to Brahmā, O Bhārata:
AI translation rendered from the Sanskrit, not a published edition
SkP-RK 47.30
इष्टिं कुरु महारौद्रीं दानवानां क्षयंकरीम् । उवाच वचनं ब्रह्मा तदा तं देवमन्त्रिणम्
iṣṭiṃ kuru mahāraudrīṃ dānavānāṃ kṣayaṃkarīm / uvāca vacanaṃ brahmā tadā taṃ devamantriṇam
"Perform a great Raudra sacrifice that will destroy the Dānavas." Then Brahmā spoke these words to that counsellor of the gods:
AI translation rendered from the Sanskrit, not a published edition
SkP-RK 47.31
ममैव विस्मृता मन्त्रा दानवानां भयेन च । एतस्मिन्न् अन्तरे भित्त्वा पातालानि च सप्त च
mamaiva vismṛtā mantrā dānavānāṃ bhayena ca / etasminn antare bhittvā pātālāni ca sapta ca
"My very mantras have been forgotten, out of fear of the Dānavas." At that moment, breaking through the seven nether worlds,
AI translation rendered from the Sanskrit, not a published edition
SkP-RK 47.32
ॐकारपूर्वकं राजन् भूर्भुवःस्वश् च कीर्तयन् । पर्वताद् उत्थितं लिङ्गं ज्वलत्कालानलप्रभम्
oṃkārapūrvakaṃ rājan bhūrbhuvaḥsvaś ca kīrtayan / parvatād utthitaṃ liṅgaṃ jvalatkālānalaprabham
— (Brahmā) reciting, O king, 'oṃ' first and then 'bhūr bhuvaḥ svaḥ' — a liṅga rose up from the mountain, with the radiance of the blazing fire of time,
AI translation rendered from the Sanskrit, not a published edition — the model flagged this verse as uncertain
SkP-RK 47.33
सूर्यकोटिसमप्रख्यं ज्वालामालासमाश्रितम् । आदिमध्यान्तहीनं च न दृष्टं परमं क्वचित्
sūryakoṭisamaprakhyaṃ jvālāmālāsamāśritam / ādimadhyāntahīnaṃ ca na dṛṣṭaṃ paramaṃ kvacit
appearing equal to ten million suns, wreathed in garlands of flame, without beginning, middle or end, and supreme, never seen anywhere (before),
AI translation rendered from the Sanskrit, not a published edition
SkP-RK 47.34
चतुर्वर्गैश् चतुर्वेदैर् वेदाङ्गनिगमैः स्वयम् । उवाच वचनं शम्भुर्ब्रह्माणं लोकभावनम्
caturvargaiś caturvedair vedāṅganigamaiḥ svayam / uvāca vacanaṃ śambhurbrahmāṇaṃ lokabhāvanam
(attended) by the four groups and the four Vedas, by the Vedic ancillary sciences and the sacred texts in person; and Śambhu spoke these words to Brahmā, the creator of the worlds:
AI translation rendered from the Sanskrit, not a published edition — the model flagged this verse as uncertain
SkP-RK 47.35
सौम्यां चैव तु भो ब्रह्मंल् लोकानां शान्तिकारिणीम् । मया समार्पिता वेदा इष्टिं कुरु यथेप्सया
saumyāṃ caiva tu bho brahmaṃl lokānāṃ śāntikāriṇīm / mayā samārpitā vedā iṣṭiṃ kuru yathepsayā
"And also a benign (sacrifice), O Brahmā, one that brings peace to the worlds. The Vedas have been given back by me: perform the sacrifice as you wish."
AI translation rendered from the Sanskrit, not a published edition
SkP-RK 47.36
ततो ब्रह्मा चकारेष्टिं रौद्रीं दैत्यक्षयंकरीम् । इष्टिं चैव तत सौम्यां लोकानां शान्तिकारिणीम्
tato brahmā cakāreṣṭiṃ raudrīṃ daityakṣayaṃkarīm / iṣṭiṃ caiva tata saumyāṃ lokānāṃ śāntikāriṇīm
Then Brahmā performed the Raudra sacrifice that destroys the Daityas, and then also the benign sacrifice that brings peace to the worlds.
AI translation rendered from the Sanskrit, not a published edition
SkP-RK 47.37
ततो ऽसुरा महाराज दृष्ट्वा चेष्टिं भयंकरीम् । ब्रह्मशापभयोद्विग्ना गतास् ते तु दिशो दश
tato 'surā mahārāja dṛṣṭvā ceṣṭiṃ bhayaṃkarīm / brahmaśāpabhayodvignā gatās te tu diśo daśa
Then, great king, the Asuras, seeing that terrifying sacrifice, agitated by fear of Brahmā's curse, fled to the ten directions.
AI translation rendered from the Sanskrit, not a published edition
SkP-RK 47.38
ॐकारस्य प्रभावेण सर्वे देवास् तु निर्भयाः । ततो ऽभ्यर्च्य सुरेशानं देवास् ते त्रिदिवं ययुः
oṃkārasya prabhāveṇa sarve devās tu nirbhayāḥ / tato 'bhyarcya sureśānaṃ devās te tridivaṃ yayuḥ
By the power of Oṃkāra all the gods became free of fear; then, having worshipped the lord of the gods, those gods went to heaven.
AI translation rendered from the Sanskrit, not a published edition
SkP-RK 47.39
कल्पान्तगं महालिङ्गं सुरासुरनमस्कृतम् । कामदं मोक्षदं चैव ॐकारं विद्धि पार्थिव
kalpāntagaṃ mahāliṅgaṃ surāsuranamaskṛtam / kāmadaṃ mokṣadaṃ caiva oṃkāraṃ viddhi pārthiva
Know Oṃkāra, O king, to be the great liṅga that endures to the end of the kalpa, saluted by gods and Asuras, granting desires and granting liberation.
AI translation rendered from the Sanskrit, not a published edition
SkP-RK 47.40
तस्मिंल् लिङ्गे तु लीयन्ते कल्पान्ते सर्वदेवताः । अमरं ब्रह्म वेत्याहुर् हरिं सिद्धेश्वरं तथा
tasmiṃl liṅge tu līyante kalpānte sarvadevatāḥ / amaraṃ brahma vetyāhur hariṃ siddheśvaraṃ tathā
In that liṅga all the deities dissolve at the end of the kalpa; they call it the deathless Brahman, and also Hari, and Siddheśvara,
AI translation rendered from the Sanskrit, not a published edition
SkP-RK 47.41
पिङ्गलेश्वरम् आदित्यं सोमं पित्रीश्वरं तथा । यत्र सिद्धास् त्रयो वेदाः सषडङ्गपदक्रमाः
piṅgaleśvaram ādityaṃ somaṃ pitrīśvaraṃ tathā / yatra siddhās trayo vedāḥ saṣaḍaṅgapadakramāḥ
and Piṅgaleśvara, Āditya, Soma, and Pitṛśvara — where the three Vedas, with their six ancillaries and their pada and krama recitations, became perfected.
AI translation rendered from the Sanskrit, not a published edition — the model flagged this verse as uncertain
SkP-RK 47.42
तेन सिद्धेश्वरं विद्धि सर्वसिद्धिप्रदायकम् । कथितं पर्वतस्याग्रे लिङ्गकोटिसमन्वितम्
tena siddheśvaraṃ viddhi sarvasiddhipradāyakam / kathitaṃ parvatasyāgre liṅgakoṭisamanvitam
Therefore know it as Siddheśvara, the giver of all attainments; it is said to be at the front of the mountain, accompanied by ten million liṅgas.
AI translation rendered from the Sanskrit, not a published edition
SkP-RK 47.43
अर्चनात् तस्य लिङ्गस्य विष्णुलोके महीयते । कल्पे कल्पे महाराज क्षीयन्ते सर्वदेवताः
arcanāt tasya liṅgasya viṣṇuloke mahīyate / kalpe kalpe mahārāja kṣīyante sarvadevatāḥ
By worship of that liṅga one is honoured in the world of Viṣṇu. In kalpa after kalpa, great king, all the deities perish,
AI translation rendered from the Sanskrit, not a published edition
SkP-RK 47.44
मुक्त्वा तु पञ्चलिङ्गानि मार्कण्डं नार्मदं नृप । अविमुक्तं च केदारम् ॐकारम् अमरेश्वरम्
muktvā tu pañcaliṅgāni mārkaṇḍaṃ nārmadaṃ nṛpa / avimuktaṃ ca kedāram oṃkāram amareśvaram
But excepting the five liṅgas, O king — the Mārkaṇḍa, the Nārmada, Avimukta, Kedāra, Oṃkāra, Amareśvara —
AI translation rendered from the Sanskrit, not a published edition
SkP-RK 47.45
तथैव च महाकालम् एवं लिङ्गं तु भारत । पुण्यानि पञ्चलिङ्गानि प्रातर् उत्थाय यः पठेत्
tathaiva ca mahākālam evaṃ liṅgaṃ tu bhārata / puṇyāni pañcaliṅgāni prātar utthāya yaḥ paṭhet
and likewise Mahākāla — such is the liṅga, O Bhārata. Whoever, rising at dawn, recites these five holy liṅgas,
AI translation rendered from the Sanskrit, not a published edition
SkP-RK 47.46
सर्वतीर्थफलं प्राप्य शिवलोके महीयते । एका काली महाकाले वसेद् वै व्यापिनी सदा
sarvatīrthaphalaṃ prāpya śivaloke mahīyate / ekā kālī mahākāle vased vai vyāpinī sadā
he obtains the fruit of all sacred fords and is honoured in Śiva's world. One Kālī, all-pervading, dwells forever at Mahākāla.
AI translation rendered from the Sanskrit, not a published edition
SkP-RK 47.47
सपादकोटिस्तीर्थानां महाकाले वसेत् नृप । शिवलोकेन कावेरी शिवक्षेत्रे स्थिता नृप
sapādakoṭistīrthānāṃ mahākāle vaset nṛpa / śivalokena kāverī śivakṣetre sthitā nṛpa
A crore and a quarter of sacred fords dwell at Mahākāla, O king; and the Kāverī, together with Śiva's world, is established in Śiva's field, O king.
AI translation rendered from the Sanskrit, not a published edition — the model flagged this verse as uncertain
SkP-RK 47.48
चतुः क्रोशाभ्यन्तरतो ब्रह्महत्या न सर्पति । आग्नेयं सिद्धलिङ्गं च तस्यास् तीरे समाश्रितम्
catuḥ krośābhyantarato brahmahatyā na sarpati / āgneyaṃ siddhaliṅgaṃ ca tasyās tīre samāśritam
Within four krośas the killing of a brahmin does not creep in; and the Āgneya Siddhaliṅga is stationed on its bank.
AI translation rendered from the Sanskrit, not a published edition
SkP-RK 47.49
शिवख्यातम् इति ख्यातं तीर्थे तु कुरुनन्दन । स्नातमात्रो नरस् तत्र स भवे न पुनर्भवेत्
śivakhyātam iti khyātaṃ tīrthe tu kurunandana / snātamātro naras tatra sa bhave na punarbhavet
It is renowned as 'Śivakhyāta' at that ford, O delight of the Kurus; a man merely by bathing there would not be born again into existence.
AI translation rendered from the Sanskrit, not a published edition
SkP-RK 47.50
कीटपक्षिपतङ्गादि तिर्यग् योनिगता नराः । मुच्यन्ते तत्र पापेन शिवस्य वचनं यथा
kīṭapakṣipataṅgādi tiryag yonigatā narāḥ / mucyante tatra pāpena śivasya vacanaṃ yathā
Worms, birds, moths and the rest, men fallen into animal births — they are freed there from sin, as is Śiva's word.
AI translation rendered from the Sanskrit, not a published edition
SkP-RK 47.51
तत्र यः कुरुते श्राद्धं पितॄणां च तिलोदकम् । युगकोटिसहस्रं तु पितरस् ते न तर्पिताः
tatra yaḥ kurute śrāddhaṃ pitṝṇāṃ ca tilodakam / yugakoṭisahasraṃ tu pitaras te na tarpitāḥ
Whoever performs there the śrāddha and (offers) sesame and water to the ancestors — his ancestors are (thereby) not (again) to be gratified for a thousand crore of ages.
AI translation rendered from the Sanskrit, not a published edition — the model flagged this verse as uncertain
SkP-RK 47.52
सर्वेषाम् एव लिङ्गानां दिव्यं वा ऽत्र प्रकीर्तितम् । तत्र स्नातो दिवं याति न विशेद् योनिसङ्कटे
sarveṣām eva liṅgānāṃ divyaṃ vā 'tra prakīrtitam / tatra snāto divaṃ yāti na viśed yonisaṅkaṭe
Of all liṅgas indeed the divine one is proclaimed to be here; one who has bathed there goes to heaven and would not enter the strait of the womb.
AI translation rendered from the Sanskrit, not a published edition — the model flagged this verse as uncertain
SkP-RK 47.53
कोटियज्ञफलं प्राप्य शिवलोके महीयते । अष्टकोटिस् तु तीर्थानां केदारे कथिता नृप
koṭiyajñaphalaṃ prāpya śivaloke mahīyate / aṣṭakoṭis tu tīrthānāṃ kedāre kathitā nṛpa
Having obtained the fruit of a crore of sacrifices, he is honoured in Śiva's world. But eight crores of sacred fords are declared to be at Kedāra, O king.
AI translation rendered from the Sanskrit, not a published edition
SkP-RK 47.54
दर्शनाद् अर्चनात् तस्य स्पर्शात् मोक्षफलं नृणाम् । केदारस्योदके पीते पुनर्जन्म न विद्यते
darśanād arcanāt tasya sparśāt mokṣaphalaṃ nṛṇām / kedārasyodake pīte punarjanma na vidyate
From seeing it, from worshipping it, from touching it, men have liberation as their fruit; when the water of Kedāra has been drunk, there is no rebirth.
AI translation rendered from the Sanskrit, not a published edition
SkP-RK 47.55
अहोरात्रोषितो भूत्वा पयः पानं करोति यः । तस्योदरे भवेल् लिङ्गं षण्मासाद् ब्रह्मचारिणः
ahorātroṣito bhūtvā payaḥ pānaṃ karoti yaḥ / tasyodare bhavel liṅgaṃ ṣaṇmāsād brahmacāriṇaḥ
Whoever, having fasted a day and a night, drinks (that) water — in his belly a liṅga would arise after six months of chastity.
AI translation rendered from the Sanskrit, not a published edition — the model flagged this verse as uncertain
SkP-RK 47.56
केदारदर्शनाद् एव शिवलोके महीयते । वाराणसी महापुण्या त्रिषु लोकेषु विश्रुता
kedāradarśanād eva śivaloke mahīyate / vārāṇasī mahāpuṇyā triṣu lokeṣu viśrutā
By the mere sight of Kedāra one is honoured in Śiva's world. Vārāṇasī is greatly holy, famed in the three worlds.
AI translation rendered from the Sanskrit, not a published edition
SkP-RK 47.57
अन्तरिक्षे पुरी सा तु मृत्युलोकस्य बाह्यतः । पञ्चक्रोशान्तरे यावद् ब्रह्महत्या न सर्पति
antarikṣe purī sā tu mṛtyulokasya bāhyataḥ / pañcakrośāntare yāvad brahmahatyā na sarpati
That city is in mid-air, outside the world of death; as far as within five krośas the killing of a brahmin does not creep in.
AI translation rendered from the Sanskrit, not a published edition
SkP-RK 47.58
अष्टाविंशतिकोट्यस् तु लिङ्गानां तत्र भारत । गङ्गावरुणयोर् मध्ये स्नानं कृत्वा यथोदितम्
aṣṭāviṃśatikoṭyas tu liṅgānāṃ tatra bhārata / gaṅgāvaruṇayor madhye snānaṃ kṛtvā yathoditam
Twenty-eight crores of liṅgas are there, O Bhārata; having performed the bath between the Gaṅgā and the Varuṇā as prescribed,
AI translation rendered from the Sanskrit, not a published edition
SkP-RK 47.59
सर्वपापविनिर्मुक्तो देववन् मोदते दिवि । तत्र यस् त्यजति प्राणान् छिवं ध्यात्वा तु मानवः
sarvapāpavinirmukto devavan modate divi / tatra yas tyajati prāṇān chivaṃ dhyātvā tu mānavaḥ
released from all sin, he rejoices in heaven like a god. And the man who gives up his breath there, meditating on Śiva,
AI translation rendered from the Sanskrit, not a published edition
SkP-RK 47.60
सहस्रकुलमुद्धृत्य शिवलोकं स गच्छति । तत्र यद् दीयते दानं तस्य संख्या न विद्यते
sahasrakulamuddhṛtya śivalokaṃ sa gacchati / tatra yad dīyate dānaṃ tasya saṃkhyā na vidyate
having raised up a thousand generations of his family, he goes to Śiva's world. Of the gift that is given there, no reckoning exists.
AI translation rendered from the Sanskrit, not a published edition
SkP-RK 47.61
तिलोदकप्रदानेन पितृणां प्रीतिरक्षया । तत्र यस् त्यजति प्राणान् अवशः स्ववशो ऽपि वा
tilodakapradānena pitṛṇāṃ prītirakṣayā / tatra yas tyajati prāṇān avaśaḥ svavaśo 'pi vā
By the giving of sesame and water the ancestors' pleasure is unfailing. Whoever gives up his breath there, whether helplessly or of his own will,
AI translation rendered from the Sanskrit, not a published edition
SkP-RK 47.62
त्रिनेत्रः शूलपाणिस् तु शिवस्यानुचरो भवेत् । अविमुक्तस्य लिङ्गस्य स्पर्शनात् मुक्तिर् आप्यते
trinetraḥ śūlapāṇis tu śivasyānucaro bhavet / avimuktasya liṅgasya sparśanāt muktir āpyate
he becomes three-eyed, trident in hand, an attendant of Śiva. By the touching of the Avimukta liṅga liberation is attained.
AI translation rendered from the Sanskrit, not a published edition
SkP-RK 47.63
कलात्रयं तु तत्रास्ते काशीपुर्यां न संशयः । गङ्गासागरसंभेदे चतस्रस्तु कलाः स्मृताः
kalātrayaṃ tu tatrāste kāśīpuryāṃ na saṃśayaḥ / gaṅgāsāgarasaṃbhede catasrastu kalāḥ smṛtāḥ
Three portions (of Śiva) abide there in the city of Kāśī — there is no doubt. But at the meeting of the Gaṅgā and the ocean four portions are held (to be present).
AI translation rendered from the Sanskrit, not a published edition
SkP-RK 47.64
गङ्गासहस्रवक्त्रेण प्रविष्टा यत्र सागरम् । स्नानावगाहनात् पानात् पिण्डदानाच् च तर्पणात्
gaṅgāsahasravaktreṇa praviṣṭā yatra sāgaram / snānāvagāhanāt pānāt piṇḍadānāc ca tarpaṇāt
(There) where the Gaṅgā entered the ocean by a thousand mouths — by bathing, immersion, drinking, the offering of piṇḍas and libation to the ancestors,
AI translation rendered from the Sanskrit, not a published edition
SkP-RK 47.65
गच्छेच् छिवपुरं तत्र पितृभिः सह मानवः । अपरं कालरुद्रं तु सप्तपातालवासिनम्
gacchec chivapuraṃ tatra pitṛbhiḥ saha mānavaḥ / aparaṃ kālarudraṃ tu saptapātālavāsinam
a man would go there to Śiva's city together with his forefathers. But the other (Rudra), Kālarudra, who dwells in the seven nether worlds —
AI translation rendered from the Sanskrit, not a published edition
SkP-RK 47.66
हाटकं विद्धि तं देवं न तु पश्यन्ति मानवाः । पूज्यते सुरदैत्यैश् च सुरसिद्धनिषेवितम्
hāṭakaṃ viddhi taṃ devaṃ na tu paśyanti mānavāḥ / pūjyate suradaityaiś ca surasiddhaniṣevitam
know that god as Hāṭaka; but men do not see him. He is worshipped by gods and demons, and attended by gods and siddhas.
AI translation rendered from the Sanskrit, not a published edition
SkP-RK 47.67
गङ्गेश्वरद्वितीयं तु तृतीयं सागरेश्वरम् । चतुर्थं शूलपाणिं तु चतस्रश् च कला इति
gaṅgeśvaradvitīyaṃ tu tṛtīyaṃ sāgareśvaram / caturthaṃ śūlapāṇiṃ tu catasraś ca kalā iti
Gaṅgeśvara is the second, the third is Sāgareśvara, and the fourth is Śūlapāṇi — and (thus) the four portions.
AI translation rendered from the Sanskrit, not a published edition
SkP-RK 47.68
कलापञ्चात्मकं रुद्रम् आसमुद्रान्तगोचरे । वर्जयित्वा महेशानम् ॐकारं कामरूपिणम्
kalāpañcātmakaṃ rudram āsamudrāntagocare / varjayitvā maheśānam oṃkāraṃ kāmarūpiṇam
Rudra consists of five portions within the range extending as far as the ocean's end, excepting the great lord Oṃkāra, who takes what form he wishes.
AI translation rendered from the Sanskrit, not a published edition — the model flagged this verse as uncertain
SkP-RK 47.69
पञ्चब्रह्मपञ्चवक्त्रं नवशक्तिसमन्वितम् । ॐकारं कल्पगातीरे शिवेन कथितं पुरा
pañcabrahmapañcavaktraṃ navaśaktisamanvitam / oṃkāraṃ kalpagātīre śivena kathitaṃ purā
(Him,) the five brahmans, the five-faced one, endowed with the nine powers — Oṃkāra on the bank of the Kalpā (river) — was declared of old by Śiva.
AI translation rendered from the Sanskrit, not a published edition — the model flagged this verse as uncertain
SkP-RK 47.70
तेन पुण्यात्मके लोके लोकत्रितयपूजितम् । शङ्खकुन्देन्दुसंकाशं सद्योवक्त्रं तु पश्चिमम्
tena puṇyātmake loke lokatritayapūjitam / śaṅkhakundendusaṃkāśaṃ sadyovaktraṃ tu paścimam
Therefore in that world of merit (he is) worshipped by the three worlds. Resembling a conch, jasmine, or the moon is the Sadyojāta face, which is the western one,
AI translation rendered from the Sanskrit, not a published edition
SkP-RK 47.71
ऋग्वेदो निर्गतो यस्माद् ब्रह्मा तत्राधिदेवता । उत्तरं वामदेवं तु पीताभं सुमनोहरम्
ṛgvedo nirgato yasmād brahmā tatrādhidevatā / uttaraṃ vāmadevaṃ tu pītābhaṃ sumanoharam
from which the Ṛgveda came forth; Brahmā is the presiding deity there. The northern (face) is Vāmadeva, yellow in hue, most charming;
AI translation rendered from the Sanskrit, not a published edition
SkP-RK 47.72
यजुर्वेदोद्भवं विद्धि विष्णुस् तत्राधिदेवता । अघोर मेघवर्णाभं याम्यां च दिशि चास्थितम्
yajurvedodbhavaṃ viddhi viṣṇus tatrādhidevatā / aghora meghavarṇābhaṃ yāmyāṃ ca diśi cāsthitam
know it to be the origin of the Yajurveda; Viṣṇu is the presiding deity there. Aghora, cloud-coloured, stands in the southern direction;
AI translation rendered from the Sanskrit, not a published edition
SkP-RK 47.73
सामवेदोद्भवं विद्धि सूर्यकालाग्निदैवतम् । पूर्वे तत्पुरुषं ज्ञेयं कुङ्कुमारुणसन्निभम्
sāmavedodbhavaṃ viddhi sūryakālāgnidaivatam / pūrve tatpuruṣaṃ jñeyaṃ kuṅkumāruṇasannibham
know it to be the origin of the Sāmaveda, its deity being the sun and the fire of time. In the east Tatpuruṣa is to be known, resembling saffron-red,
AI translation rendered from the Sanskrit, not a published edition
SkP-RK 47.74
अथर्वं निर्गतं तुर्यम् आपस् तत्राधिदेवताः । ईशानस्तव वक्त्रं तु पञ्चवर्णं महातनुम्
atharvaṃ nirgataṃ turyam āpas tatrādhidevatāḥ / īśānastava vaktraṃ tu pañcavarṇaṃ mahātanum
the fourth, from which the Atharva(veda) came forth; the waters are the deities there. And Īśāna is your face, of five colours, of great body,
AI translation rendered from the Sanskrit, not a published edition
SkP-RK 47.75
श्रुतिसिद्धान्तसङ्गीतं सोमं तत्राधिदेवता । षष्ठं सदाशिवं नाम निर्भागं च निरामयम्
śrutisiddhāntasaṅgītaṃ somaṃ tatrādhidevatā / ṣaṣṭhaṃ sadāśivaṃ nāma nirbhāgaṃ ca nirāmayam
sung of in scripture and in the siddhānta texts; Soma is the presiding deity there. The sixth is named Sadāśiva, without parts and without affliction,
AI translation rendered from the Sanskrit, not a published edition
SkP-RK 47.76
निर्लक्षं लक्षहीनं तु ज्ञात्वा मोक्षे न संशयः । एतत् ते कथितं राजन्न् ॐकारस्य तु वर्णनम्
nirlakṣaṃ lakṣahīnaṃ tu jñātvā mokṣe na saṃśayaḥ / etat te kathitaṃ rājann oṃkārasya tu varṇanam
without mark and devoid of any characteristic — knowing (this), there is no doubt as to liberation. This account of Oṃkāra has been told to you, O king.
AI translation rendered from the Sanskrit, not a published edition
SkP-RK 47.77
सहस्रास् यस्य नो शक्तिर् एकवक्त्रस्य का कथा । स्नापयित्वोदकेनैव बिल्वपत्रेण पूजयेत्
sahasrās yasya no śaktir ekavaktrasya kā kathā / snāpayitvodakenaiva bilvapatreṇa pūjayet
We have no power (to describe) the thousand-faced one — what then to say of the one-faced? Having bathed (him) with water alone, one should worship (him) with a bilva leaf.
AI translation rendered from the Sanskrit, not a published edition — the model flagged this verse as uncertain
SkP-RK 47.78
चतुर्वर्षसहस्राणि रुद्रलोके महीयते । ॐकारदक्षिणामूर्तौ प्राणत्याग करोति यः
caturvarṣasahasrāṇi rudraloke mahīyate / oṃkāradakṣiṇāmūrtau prāṇatyāga karoti yaḥ
He is honoured for four thousand years in the world of Rudra. Whoever gives up his life at the southward-facing image of Oṃkāra
AI translation rendered from the Sanskrit, not a published edition
SkP-RK 47.79
वर्षकोटिसहस्राणि वसेत् माहेश्वरे पुरे । प्रासादं च मठं चापि सुधयेष्टकसंयुतम्
varṣakoṭisahasrāṇi vaset māheśvare pure / prāsādaṃ ca maṭhaṃ cāpi sudhayeṣṭakasaṃyutam
would dwell for thousands of crores of years in the city of Maheśvara. And (whoever makes) a temple and also a monastery, furnished with plaster and bricks,
AI translation rendered from the Sanskrit, not a published edition
SkP-RK 47.80
चित्रमालेख्यमूले च पताकाध्वजशोभितम् । वितानां किङ्किणीयुक्तं नेत्रं वंशोद्भवं शुभम्
citramālekhyamūle ca patākādhvajaśobhitam / vitānāṃ kiṅkiṇīyuktaṃ netraṃ vaṃśodbhavaṃ śubham
and with paintings and garlands at the base, adorned with pennants and banners, a canopy fitted with little bells, and a fine cloth of bamboo origin,
AI translation rendered from the Sanskrit, not a published edition — the model flagged this verse as uncertain
SkP-RK 47.81
पञ्चवर्णकशोभाढ्यम् ॐकारस्य तु कारयेत् । पञ्चामृतैः स्नापयित्वा चन्दनागुरुकुंकमैः
pañcavarṇakaśobhāḍhyam oṃkārasya tu kārayet / pañcāmṛtaiḥ snāpayitvā candanāgurukuṃkamaiḥ
rich with the beauty of five colours — this one should have made for Oṃkāra. Having bathed (him) with the five nectars, with sandal, aloe-wood and saffron,
AI translation rendered from the Sanskrit, not a published edition
SkP-RK 47.82
समावेष्ट्य परीधानैर् नानावस्त्रैः सुशोभनैः । हेममौक्तिकरत्नैश् च सघृतं गुग्गुलुं दहेत्
samāveṣṭya parīdhānair nānāvastraiḥ suśobhanaiḥ / hemamauktikaratnaiś ca saghṛtaṃ gugguluṃ dahet
having wrapped (him) about with wrappers, with various beautiful cloths, and with gold, pearls and jewels, one should burn guggulu together with ghee,
AI translation rendered from the Sanskrit, not a published edition
SkP-RK 47.83
घण्टां च दीपकं चैव विधूमारार्तिकं च यत् । मृदङ्गान् पटहांश् चैव वेणुं वीणां च गीतकम्
ghaṇṭāṃ ca dīpakaṃ caiva vidhūmārārtikaṃ ca yat / mṛdaṅgān paṭahāṃś caiva veṇuṃ vīṇāṃ ca gītakam
and (offer) a bell and a lamp, and the smokeless waving of lights, and tabors and kettledrums, flute, lute and song,
AI translation rendered from the Sanskrit, not a published edition
SkP-RK 47.84
काहली शङ्खवाद्यानि कांस्यतालाद्यम् एव च । व्यजनं गेडुकं छत्रं चामरं ध्वजदण्डकम्
kāhalī śaṅkhavādyāni kāṃsyatālādyam eva ca / vyajanaṃ geḍukaṃ chatraṃ cāmaraṃ dhvajadaṇḍakam
The kāhalī (horn) and the blowing of conches, and cymbals and clappers and the like, a fan, a ball(?), a parasol, a yak-tail whisk, a flag-staff —
AI translation rendered from the Sanskrit, not a published edition — the model flagged this verse as uncertain
SkP-RK 47.85
हेम चान्नधरादीनि गृहांश् च ग्रामपत्तनम् । यद्वा तद्वा नृपश्रेष्ठ ॐकाराय निवेदयेत्
hema cānnadharādīni gṛhāṃś ca grāmapattanam / yadvā tadvā nṛpaśreṣṭha oṃkārāya nivedayet
gold, and grain-holders and the like, houses, and a village or a town — whatever it may be, O best of kings, let (one) offer it to Oṃkāra.
AI translation rendered from the Sanskrit, not a published edition
SkP-RK 47.86
तस्य दानफलस्येह संख्या कर्तुं न शक्यते । सिद्धेश्वरौंकारयोस् तु चन्द्रसूर्यग्रहग्रहे
tasya dānaphalasyeha saṃkhyā kartuṃ na śakyate / siddheśvarauṃkārayos tu candrasūryagrahagrahe
Of that gift's fruit no reckoning can be made here. But at Siddheśvara and Oṃkāra, at an eclipse of the moon or the sun,
AI translation rendered from the Sanskrit, not a published edition
SkP-RK 47.87
ध्वजमालाकुलं कुर्यात् तस्य पुण्यफलं शृणु । यावती तं तु संख्या ऽस्ति वायुनोद्धूयते पुनः
dhvajamālākulaṃ kuryāt tasya puṇyaphalaṃ śṛṇu / yāvatī taṃ tu saṃkhyā 'sti vāyunoddhūyate punaḥ
(if) one should make (the place) thick with rows of flags — hear the fruit of merit of that. However great the number of times it is blown about by the wind,
AI translation rendered from the Sanskrit, not a published edition — the model flagged this verse as uncertain
SkP-RK 47.88
तावद् युगसहस्राणि शिवलोके वसेन् नृप । युगकोटिसहस्राणि युगकोटिशतानि च
tāvad yugasahasrāṇi śivaloke vasen nṛpa / yugakoṭisahasrāṇi yugakoṭiśatāni ca
for that many thousands of ages he dwells in Śiva's world, O king — thousands of crores of ages, and hundreds of crores of ages.
AI translation rendered from the Sanskrit, not a published edition