Skanda Purana — Reva Khanda — Chapter 43
SkP-RK 43.1
मार्कण्डेय उवाच: एरण्डीनर्मदायोगं ततो गच्छेद् युधिष्ठिर । तृतीया चण्डवेगा च स्वर्गसोपानपद्धतिः
mārkaṇḍeya uvāca: eraṇḍīnarmadāyogaṃ tato gacched yudhiṣṭhira / tṛtīyā caṇḍavegā ca svargasopānapaddhatiḥ
Mārkaṇḍeya said: Then, Yudhiṣṭhira, one should go to the junction of the Eraṇḍī and the Narmadā; and the third is the Caṇḍavegā, a stairway-path to heaven.
AI translation rendered from the Sanskrit, not a published edition
SkP-RK 43.2
तत्र स्नात्वा दिवं यान्ति ये मृता न पुनर्भवाः । तिलोदकप्रदानेन पिण्डपातेन भारत
tatra snātvā divaṃ yānti ye mṛtā na punarbhavāḥ / tilodakapradānena piṇḍapātena bhārata
Having bathed there, they go to heaven; those who die (there) are not born again. By the gift of sesame and water and by the offering of the piṇḍa, O Bhārata,
AI translation rendered from the Sanskrit, not a published edition
SkP-RK 43.3
अनेककालिका तृप्तिः पितॄणाम् उपजायते । अमासोमसमायोगे राहुग्रस्ते दिवाकरे
anekakālikā tṛptiḥ pitṝṇām upajāyate / amāsomasamāyoge rāhugraste divākare
a satisfaction lasting many ages arises for the ancestors — at the conjunction of the new moon with the moon, when the sun is seized by Rāhu.
AI translation rendered from the Sanskrit, not a published edition
SkP-RK 43.4
एरण्डीसङ्गमस्थाने पुण्यसंख्या न विद्यते । एरण्डीश्वरलिङ्गं तु सर्वपापप्रणाशनम्
eraṇḍīsaṅgamasthāne puṇyasaṃkhyā na vidyate / eraṇḍīśvaraliṅgaṃ tu sarvapāpapraṇāśanam
At the place of the confluence of the Eraṇḍī there is no counting of the merit; and the liṅga (called) Eraṇḍīśvara destroys all sins.
AI translation rendered from the Sanskrit, not a published edition
SkP-RK 43.5
कुङ्कुमेन समालिप्य गन्धधूपैः प्रपूजयेत् । दिव्यं वर्षसहस्रं तु मोदते शिवसन्निधौ
kuṅkumena samālipya gandhadhūpaiḥ prapūjayet / divyaṃ varṣasahasraṃ tu modate śivasannidhau
Having smeared (it) with saffron, one should worship (it) with perfumes and incense; (such a man) rejoices for a thousand divine years in the presence of Śiva.
AI translation rendered from the Sanskrit, not a published edition
SkP-RK 43.6
दर्शनात् तस्य लिङ्गस्य गाणपत्यम् अवाप्नुयात् । भद्ररुद्रेश्वरं नाम लिङ्गं परमसिद्धिदम्
darśanāt tasya liṅgasya gāṇapatyam avāpnuyāt / bhadrarudreśvaraṃ nāma liṅgaṃ paramasiddhidam
By the sight of that liṅga one would attain the rank of a Gaṇa-lord. The liṅga named Bhadrarudreśvara bestows the highest attainment.
AI translation rendered from the Sanskrit, not a published edition
SkP-RK 43.7
भद्ररुद्रौ पुराकल्पे गन्धर्वौ भ्रातरौ तथा । तम् अभ्यर्च्य विधानेन गतौ वैद्याधरं पुरम्
bhadrarudrau purākalpe gandharvau bhrātarau tathā / tam abhyarcya vidhānena gatau vaidyādharaṃ puram
In a former age Bhadra and Rudra were two gandharva brothers; having worshipped it according to rule, they went to the city of the Vidyādharas.
AI translation rendered from the Sanskrit, not a published edition
SkP-RK 43.8
गायन्ति पितरो गाथां तथैव च पितामहाः । तिलोदकप्रदानेन पिण्डपातेन भारत
gāyanti pitaro gāthāṃ tathaiva ca pitāmahāḥ / tilodakapradānena piṇḍapātena bhārata
The fathers sing a song, and so too the grandfathers: "By the gift of sesame and water and by the offering of the piṇḍa, O Bhārata,
AI translation rendered from the Sanskrit, not a published edition
SkP-RK 43.9
वसेत् मन्वन्तराणीह रुद्रलोके चतुर्दश । अस्त्रेण तु हता ये वै दैवात् पापमृता नराः
vaset manvantarāṇīha rudraloke caturdaśa / astreṇa tu hatā ye vai daivāt pāpamṛtā narāḥ
one would dwell here in the world of Rudra for fourteen manvantaras." And those men who are slain by a weapon, or who by fate have died an evil death —
AI translation rendered from the Sanskrit, not a published edition
SkP-RK 43.10
चतुर्दश्यां तु श्राद्धेन वृषोत्सर्गेण भारत । वीरलोकम् अवाप्यैव तत्र क्रीडन्ति मानवाः
caturdaśyāṃ tu śrāddhena vṛṣotsargeṇa bhārata / vīralokam avāpyaiva tatra krīḍanti mānavāḥ
by a śrāddha on the fourteenth day and by the release of a bull, O Bhārata, those men, having reached the world of heroes, sport there.
AI translation rendered from the Sanskrit, not a published edition
SkP-RK 43.11
तत्र यस् त्यजति प्राणान् अवशः स्ववशो ऽपि वा । तीर्थस्यास्य प्रभावेण स भवे न पुनर् भवेत्
tatra yas tyajati prāṇān avaśaḥ svavaśo 'pi vā / tīrthasyāsya prabhāveṇa sa bhave na punar bhavet
Whoever gives up his life-breaths there, whether against his will or of his own will, by the power of this tīrtha he would not come into existence again.
AI translation rendered from the Sanskrit, not a published edition
SkP-RK 43.12
चतुर्युगसहस्राणि राजा वैद्याधरे पुरे । आख्यानं कथयिष्यामि यथादृष्टं पुरा ऽनघ
caturyugasahasrāṇi rājā vaidyādhare pure / ākhyānaṃ kathayiṣyāmi yathādṛṣṭaṃ purā 'nagha
(He lives) four thousand yugas as king in the city of the Vidyādharas. I shall tell a story, as it was formerly seen, O sinless one.
AI translation rendered from the Sanskrit, not a published edition — the model flagged this verse as uncertain
SkP-RK 43.13
चाक्षुषे चान्तरे प्राप्ते आदिकल्पे कृते युगे । निमिर्नाम पुरा राजा चक्रवर्ती विशाम्पते
cākṣuṣe cāntare prāpte ādikalpe kṛte yuge / nimirnāma purā rājā cakravartī viśāmpate
When the Cākṣuṣa (manvantara) interval had come, in the first kalpa, in the Kṛta age, there was formerly a king named Nimi, an emperor, O lord of peoples.
AI translation rendered from the Sanskrit, not a published edition
SkP-RK 43.14
पक्षियोनौ च संप्राप्तः कोपाद् वै ब्राह्मणस्य च । अस्य तीर्थस्य माहात्म्याद् दर्शसोमसमागमे
pakṣiyonau ca saṃprāptaḥ kopād vai brāhmaṇasya ca / asya tīrthasya māhātmyād darśasomasamāgame
And he came into a bird's birth through the anger of a brahmin; (he was freed) by the greatness of this tīrtha at the conjunction of the new moon and the moon.
AI translation rendered from the Sanskrit, not a published edition — the model flagged this verse as uncertain
SkP-RK 43.15
युधिष्ठिर उवाच: कथं स राजा संप्राप्तो मानुषीं च तनुं पुनः
yudhiṣṭhira uvāca: kathaṃ sa rājā saṃprāpto mānuṣīṃ ca tanuṃ punaḥ
Yudhiṣṭhira said: How did that king again obtain a human body?
AI translation rendered from the Sanskrit, not a published edition
SkP-RK 43.16
मार्कण्डेय उवाच: सुकन्यां नाम कन्यां वै ययाचे च्यवनो नृपम्
mārkaṇḍeya uvāca: sukanyāṃ nāma kanyāṃ vai yayāce cyavano nṛpam
Mārkaṇḍeya said: Cyavana asked the king for the girl named Sukanyā.
AI translation rendered from the Sanskrit, not a published edition
SkP-RK 43.17
राज्ञी चन्द्रवती नाम निमेरासीत् पतिव्रता । सा पुत्रीं जनयामास प्राणेभ्यो ऽपि गरीयसीम्
rājñī candravatī nāma nimerāsīt pativratā / sā putrīṃ janayāmāsa prāṇebhyo 'pi garīyasīm
Nimi had a queen named Candravatī, devoted to her husband; she gave birth to a daughter dearer (to them) than their own life-breaths.
AI translation rendered from the Sanskrit, not a published edition
SkP-RK 43.18
एकदा तु नृपश्रेष्ठः सुखासीनो यदृच्छया । आगतं च्यवनं दृष्ट्वा अर्घपाद्यैर् अपूजयत्
ekadā tu nṛpaśreṣṭhaḥ sukhāsīno yadṛcchayā / āgataṃ cyavanaṃ dṛṣṭvā arghapādyair apūjayat
But once the best of kings, sitting at ease, by chance saw Cyavana arrive, and honoured him with (offerings of) water for guest and feet.
AI translation rendered from the Sanskrit, not a published edition
SkP-RK 43.19
अद्य मे सफलं जन्म त्वत्पादाम्बुजदर्शनात् । अनुग्रहम् इमं मन्ये भोजनं कर्तुम् अर्हसि
adya me saphalaṃ janma tvatpādāmbujadarśanāt / anugraham imaṃ manye bhojanaṃ kartum arhasi
"Today my birth has borne fruit, from seeing your lotus-feet. I consider this a favour: you should take a meal (here)."
AI translation rendered from the Sanskrit, not a published edition
SkP-RK 43.20
तस्य तद्वचनं श्रुत्वा प्रोवाच च्यवनो मुनिः । कन्यां ददासि चेत् मह्यं भार्यार्थं धर्मतत्पराम्
tasya tadvacanaṃ śrutvā provāca cyavano muniḥ / kanyāṃ dadāsi cet mahyaṃ bhāryārthaṃ dharmatatparām
Hearing that speech of his, the sage Cyavana said: "If you give me your daughter, devoted to dharma, as a wife —"
AI translation rendered from the Sanskrit, not a published edition
SkP-RK 43.21
राजोवाच: एका मे दुहिता ब्रह्मन् राज्ञीं याचस्व वर्णिनीम्
rājovāca: ekā me duhitā brahman rājñīṃ yācasva varṇinīm
The king said: "I have only one daughter, brahmin; ask (instead) for the queen, of good complexion."
AI translation rendered from the Sanskrit, not a published edition — the model flagged this verse as uncertain
SkP-RK 43.22
कन्यादाने न शक्तो ऽहं सत्यम् एतत् तवोदितम् । ततः श्रुत्वा वचो राज्ञीं मुनिर् वचनम् अब्रवीत्
kanyādāne na śakto 'haṃ satyam etat tavoditam / tataḥ śrutvā vaco rājñīṃ munir vacanam abravīt
"I have no power to give the girl away; this that has been told to you is the truth." Then, having heard (this) speech, the sage spoke a word to the queen.
AI translation rendered from the Sanskrit, not a published edition
SkP-RK 43.23
कन्यां देहि च मे राज्ञि गृहिणः पुत्रकारणात् । प्रहस्य चाब्रवीद् राज्ञी न ते योग्या द्विजोत्तम
kanyāṃ dehi ca me rājñi gṛhiṇaḥ putrakāraṇāt / prahasya cābravīd rājñī na te yogyā dvijottama
"Give me the girl, O queen, for the sake of a son for a householder." And the queen, laughing, said: "She is not fit for you, best of the twice-born.
AI translation rendered from the Sanskrit, not a published edition
SkP-RK 43.24
अन्यदाचक्ष्व ब्रह्मर्षे तद् ददामि न संशयः । ततः कोपाच्छशापैनां पक्षियोनिं तु गच्छसि
anyadācakṣva brahmarṣe tad dadāmi na saṃśayaḥ / tataḥ kopācchaśāpaināṃ pakṣiyoniṃ tu gacchasi
Ask for something else, brahmin sage; that I shall give, without doubt." Then in anger he cursed her: "You shall go to the birth-condition of a bird!"
AI translation rendered from the Sanskrit, not a published edition
SkP-RK 43.25
शापं श्रुत्वा ततो राज्ञी शशापाथ महामुनिम् । यदि मे विद्यते सत्यं भर्तृभक्तिश् च निश्चला
śāpaṃ śrutvā tato rājñī śaśāpātha mahāmunim / yadi me vidyate satyaṃ bhartṛbhaktiś ca niścalā
Then, hearing the curse, the queen in turn cursed the great sage: "If truth is found in me, and unwavering devotion to my husband,
AI translation rendered from the Sanskrit, not a published edition
SkP-RK 43.26
शप्ता निरपराधाहं नेत्रहीनो भविष्यसि । परस्परं च तौ शप्तौ नर्मदातीरमागतौ
śaptā niraparādhāhaṃ netrahīno bhaviṣyasi / parasparaṃ ca tau śaptau narmadātīramāgatau
(then, since) I, guiltless, have been cursed, you shall become deprived of your eyes." And the two, having cursed each other, came to the bank of the Narmadā.
AI translation rendered from the Sanskrit, not a published edition
SkP-RK 43.27
चचार च्यवनश् चोग्रमेरण्डीसङ्गमे तपः । दिव्यं वर्षसहस्रं तु वल्मीकेन तु पूरितः
cacāra cyavanaś cogrameraṇḍīsaṅgame tapaḥ / divyaṃ varṣasahasraṃ tu valmīkena tu pūritaḥ
And Cyavana practised fierce austerity at the confluence of the Eraṇḍī, for a divine thousand years, and he was covered over by an anthill.
AI translation rendered from the Sanskrit, not a published edition
SkP-RK 43.28
गिरेर् वै पूर्वभागे तु मध्यारण्यम् इति स्मृतम् । कदम्बवृक्षम् आसाद्य वने तस्मिंश् च दम्पती
girer vai pūrvabhāge tu madhyāraṇyam iti smṛtam / kadambavṛkṣam āsādya vane tasmiṃś ca dampatī
On the eastern side of the mountain is what is known as Madhyāraṇya; and in that forest the wedded pair, having reached a kadamba tree—
AI translation rendered from the Sanskrit, not a published edition
SkP-RK 43.29
पुष्पिते फलिते रम्ये संजातौ पक्षिरूपिणौ । अन्ये ऽपि पक्षिणस् तत्र समुद्भूताः सहस्रशः
puṣpite phalite ramye saṃjātau pakṣirūpiṇau / anye 'pi pakṣiṇas tatra samudbhūtāḥ sahasraśaḥ
a delightful (tree) in flower and in fruit—were born (there) in the form of birds; and other birds too came into being there by the thousands,
AI translation rendered from the Sanskrit, not a published edition
SkP-RK 43.30
जातिस्मरा व्याहरन्तो मानुषीं गिरमुत्तमाम् । सारङ्गाः पक्षिणस् ते तु सर्वदा हृष्टमानसाः
jātismarā vyāharanto mānuṣīṃ giramuttamām / sāraṅgāḥ pakṣiṇas te tu sarvadā hṛṣṭamānasāḥ
remembering their former births, uttering excellent human speech; those sāraṅga birds were always joyful in mind.
AI translation rendered from the Sanskrit, not a published edition
SkP-RK 43.31
ज्येष्ठे मासे तु संप्राप्ते दावाग्निर् अदहद् वनम् । प्रणष्टाश् चाण्डजाः सर्वे ज्वालामालाकुलीकृताः
jyeṣṭhe māse tu saṃprāpte dāvāgnir adahad vanam / praṇaṣṭāś cāṇḍajāḥ sarve jvālāmālākulīkṛtāḥ
But when the month of Jyeṣṭha arrived, a forest fire burned the wood, and all the egg-born perished, engulfed by garlands of flame.
AI translation rendered from the Sanskrit, not a published edition
SkP-RK 43.32
कोटरे तु समालम्ब्य पुत्रैः सह यथा सुखम् । एकदा गर्भिणी जाता पक्षिणी तत्र भारत
koṭare tu samālambya putraiḥ saha yathā sukham / ekadā garbhiṇī jātā pakṣiṇī tatra bhārata
Holding on in a hollow (of the tree), together with (their) sons, comfortably (they stayed); once the female bird became pregnant there, O Bhārata.
AI translation rendered from the Sanskrit, not a published edition
SkP-RK 43.33
भर्तारं पक्षिणी प्राह किं त्वं तिष्ठसि निर्भयम् । गताश् च पक्षिणः सर्वे किं त्वं संहारयिष्यसि
bhartāraṃ pakṣiṇī prāha kiṃ tvaṃ tiṣṭhasi nirbhayam / gatāś ca pakṣiṇaḥ sarve kiṃ tvaṃ saṃhārayiṣyasi
The female bird said to her husband: "Why do you sit here without fear? All the birds have gone; will you bring about (your own) destruction?"
AI translation rendered from the Sanskrit, not a published edition
SkP-RK 43.34
तस्यास् तद् वचनं श्रुत्वा खेचरो वाक्यम् अब्रवीत् । भार्यां त्यक्त्वा सुतांश् चैव याम्येकाकी कथं प्रिये
tasyās tad vacanaṃ śrutvā khecaro vākyam abravīt / bhāryāṃ tyaktvā sutāṃś caiva yāmyekākī kathaṃ priye
Hearing that speech of hers, the sky-goer (the male bird) spoke these words: "Abandoning wife and sons too, how shall I go alone, my dear?
AI translation rendered from the Sanskrit, not a published edition
SkP-RK 43.35
इति लोके न वेदे च दृष्टं केनापि कुत्रचित् । पाणिग्रहेण या भार्या सुशीला धर्मचारिणी
iti loke na vede ca dṛṣṭaṃ kenāpi kutracit / pāṇigraheṇa yā bhāryā suśīlā dharmacāriṇī
Such a thing has not been seen by anyone anywhere, either in the world or in the Veda—(abandoning) a wife who, (taken) by the joining of hands, is of good conduct and follows the dharma."
AI translation rendered from the Sanskrit, not a published edition
SkP-RK 43.36
पक्षिण्य् उवाच: आत्मानं रक्ष जीवेश मूलभूतं कुलस्य तु
pakṣiṇy uvāca: ātmānaṃ rakṣa jīveśa mūlabhūtaṃ kulasya tu
The female bird said: "Protect yourself, lord of my life, for you are the root of the family.
AI translation rendered from the Sanskrit, not a published edition
SkP-RK 43.37
भूयो ऽन्यास्ते भविष्यन्ति भार्याः शतसहस्रशः । जीवमाने तु या पत्यावन्यं कामयते वरम्
bhūyo 'nyāste bhaviṣyanti bhāryāḥ śatasahasraśaḥ / jīvamāne tu yā patyāvanyaṃ kāmayate varam
Other wives will come to you again, by hundreds and thousands. But the woman who, while her husband is alive, desires another man—
AI translation rendered from the Sanskrit, not a published edition
SkP-RK 43.38
सा पापिष्ठा दुराचारा विष्ठायां जायते कृमिः । विधवा भर्तृहीना या ऽनुगता न स्वकं पतिम्
sā pāpiṣṭhā durācārā viṣṭhāyāṃ jāyate kṛmiḥ / vidhavā bhartṛhīnā yā 'nugatā na svakaṃ patim
she, most sinful, of evil conduct, is born as a worm in excrement. And the widow who, bereft of her husband, does not follow her own husband—
AI translation rendered from the Sanskrit, not a published edition
SkP-RK 43.39
जीवेद् वर्षशतं यावत् सा पापिष्ठा प्रकीर्तिता । पत्यौ जीवति या नारी म्रियते भर्तुरग्रतः
jīved varṣaśataṃ yāvat sā pāpiṣṭhā prakīrtitā / patyau jīvati yā nārī mriyate bharturagrataḥ
though she live a hundred years, she is declared most sinful. But the woman who, while her husband lives, dies before her husband,
AI translation rendered from the Sanskrit, not a published edition
SkP-RK 43.40
भर्तृदत्तोदकश्राद्धैः सा याति परमां गतिम् । प्रसादाद् यस्य लभ्येत पुत्रालङ्कारकीर्तयः
bhartṛdattodakaśrāddhaiḥ sā yāti paramāṃ gatim / prasādād yasya labhyeta putrālaṅkārakīrtayaḥ
she goes to the highest state through the water-offerings and śrāddhas given by her husband. He by whose favour are obtained sons, ornaments and renown—
AI translation rendered from the Sanskrit, not a published edition
SkP-RK 43.41
को ऽन्यः प्रियतरस् तस्माद् इह लोके परत्र च । स्वयं प्राप्तस् तु दावाग्निः शीघ्रं गच्छ कथं सुतान्
ko 'nyaḥ priyataras tasmād iha loke paratra ca / svayaṃ prāptas tu dāvāgniḥ śīghraṃ gaccha kathaṃ sutān
who else is dearer than him, in this world and the next? The forest fire has come of itself—go quickly! How (could I) the sons—
AI translation rendered from the Sanskrit, not a published edition
SkP-RK 43.42
त्यक्त्वा गच्छामि जीवेश संहारो वर्तते ऽधुना । हस्तौ पादौ न विद्येते पावको नैव शाम्यति
tyaktvā gacchāmi jīveśa saṃhāro vartate 'dhunā / hastau pādau na vidyete pāvako naiva śāmyati
"Shall I abandon (them) and go, O lord of my life? Now there is destruction. There are no hands, no feet, and the fire does not go out at all."
AI translation rendered from the Sanskrit, not a published edition — the model flagged this verse as uncertain
SkP-RK 43.43
अशक्ता नीयमाने तु पक्षिणश्चाण्डजीविनः । सुतांस् त्यक्त्वा तु या माता भयार्ता याति गर्हिता
aśaktā nīyamāne tu pakṣiṇaścāṇḍajīvinaḥ / sutāṃs tyaktvā tu yā mātā bhayārtā yāti garhitā
"Birds, living from eggs, are helpless while (their young) are being carried off. But the mother who, stricken with fear, abandons her offspring and goes away is blameworthy;
AI translation rendered from the Sanskrit, not a published edition — the model flagged this verse as uncertain
SkP-RK 43.44
सा सप्तजन्मपर्यन्तं सर्पिणी जायते ध्रुवम् । एवम् उक्त्वा तु तत्रैव पुत्राणां च परस्परम्
sā saptajanmaparyantaṃ sarpiṇī jāyate dhruvam / evam uktvā tu tatraiva putrāṇāṃ ca parasparam
she is surely born a serpent-female for seven births." Having spoken thus, right there, among the sons, and to one another,
AI translation rendered from the Sanskrit, not a published edition — the model flagged this verse as uncertain
SkP-RK 43.45
सा संगृह्य प्रयत्नेन युग्मं युग्मं दम्पती । संस्थाप्यैरण्डिकायोगे भर्ता भार्याम् उवाच ह
sā saṃgṛhya prayatnena yugmaṃ yugmaṃ dampatī / saṃsthāpyairaṇḍikāyoge bhartā bhāryām uvāca ha
she, gathering (them) up carefully, pair by pair as husband and wife, and having placed (them) at the joining of the castor-oil plant, the husband said to the wife:
AI translation rendered from the Sanskrit, not a published edition — the model flagged this verse as uncertain
SkP-RK 43.46
दंष्ट्रिभ्यश् च प्रयत्नेन रक्षणीयाः सुता मम । गच्छामि च सुतान् अन्यान् आनेतुं सांप्रतं प्रिये
daṃṣṭribhyaś ca prayatnena rakṣaṇīyāḥ sutā mama / gacchāmi ca sutān anyān ānetuṃ sāṃprataṃ priye
"My children must be carefully guarded from fanged creatures; and I am going now, my dear, to bring the other children."
AI translation rendered from the Sanskrit, not a published edition
SkP-RK 43.47
एवमुक्त्वा गतः पक्षी कदम्बाश्रितमन्दिरम् । सो ऽपश्यत् तदा तत्र मन्दिरं वह्निसंकुलम्
evamuktvā gataḥ pakṣī kadambāśritamandiram / so 'paśyat tadā tatra mandiraṃ vahnisaṃkulam
Having spoken thus the bird went to the nest set in the kadamba tree; and he then saw the nest there filled with fire.
AI translation rendered from the Sanskrit, not a published edition
SkP-RK 43.48
स्नेहात् प्रविष्टः पुत्रार्थी ज्वालामालावृतं गृहम् । तं ददाह तदा वह्णिः ससुतं स महीरुहम्
snehāt praviṣṭaḥ putrārthī jvālāmālāvṛtaṃ gṛham / taṃ dadāha tadā vahṇiḥ sasutaṃ sa mahīruham
Out of affection, seeking his sons, he entered the dwelling wrapped in garlands of flame; then the fire burned him along with his sons and that tree.
AI translation rendered from the Sanskrit, not a published edition
SkP-RK 43.49
दग्धस् तु वह्णिना तेन वह्निपुञ्ज इवाभवत् । भस्मीभूते वने तस्मिन् प्रावट् कालः समागतः
dagdhas tu vahṇinā tena vahnipuñja ivābhavat / bhasmībhūte vane tasmin prāvaṭ kālaḥ samāgataḥ
Burnt by that fire, he became like a heap of fire. When that forest had been reduced to ashes, the rainy season came on.
AI translation rendered from the Sanskrit, not a published edition
SkP-RK 43.50
एरण्ड्यन्तर्जले तत्र सर्वं तत्प्लावितं नृप । अमासोमसमायोगे पक्षिणस् तस्य चास्थि वै
eraṇḍyantarjale tatra sarvaṃ tatplāvitaṃ nṛpa / amāsomasamāyoge pakṣiṇas tasya cāsthi vai
There in the water within the Eraṇḍī, all that was flooded, O king; and at the conjunction of the new moon with the moon, that bird's bone indeed
AI translation rendered from the Sanskrit, not a published edition — the model flagged this verse as uncertain
SkP-RK 43.51
एरण्ड्याः सङ्गमे प्राप्तं दैवाद् वै नृपसत्तम । तत्क्षणाद् दिव्यदेहस् तु दिव्ययानं समाश्रितः
eraṇḍyāḥ saṅgame prāptaṃ daivād vai nṛpasattama / tatkṣaṇād divyadehas tu divyayānaṃ samāśritaḥ
came, by fate, to the confluence of the Eraṇḍī, O best of kings; and from that very moment, having a divine body, he mounted a divine vehicle,
AI translation rendered from the Sanskrit, not a published edition
SkP-RK 43.52
ध्रियमाणातपत्रस् तु वीज्यमानो ऽप्सरोगणैः । दिव्यवस्त्रपरीधानो दिव्यालङ्कारभूषितः
dhriyamāṇātapatras tu vījyamāno 'psarogaṇaiḥ / divyavastraparīdhāno divyālaṅkārabhūṣitaḥ
with a parasol held over him, fanned by troops of apsarases, clad in divine garments, adorned with divine ornaments.
AI translation rendered from the Sanskrit, not a published edition
SkP-RK 43.53
उपरिव्याहरन् भार्यां स जगामात्मनः पुरीम् । आगच्छ सुभगे शीघ्रं भार्या त्वं मे भविष्यसि
uparivyāharan bhāryāṃ sa jagāmātmanaḥ purīm / āgaccha subhage śīghraṃ bhāryā tvaṃ me bhaviṣyasi
Calling out to his wife from above, he went to his own city: "Come quickly, fortunate one, you shall be my wife."
AI translation rendered from the Sanskrit, not a published edition
SkP-RK 43.54
सिद्धविद्याधरैर् यक्षैः साधुवादेन पूजितः । पुष्पवृष्टिः पपातोच्चैर्देवराजोपकल्पिता
siddhavidyādharair yakṣaiḥ sādhuvādena pūjitaḥ / puṣpavṛṣṭiḥ papātoccairdevarājopakalpitā
He was honoured by siddhas, vidyādharas and yakṣas with cries of "well done!"; a rain of flowers arranged by the king of the gods fell from on high.
AI translation rendered from the Sanskrit, not a published edition
SkP-RK 43.55
एतस्मिन्न् अन्तरे राजन् पत्नीं भूयो ऽपि चाब्रवीत् । कन्यार्थं त्वं सुशप्तासि च्यवनेन महात्मना
etasminn antare rājan patnīṃ bhūyo 'pi cābravīt / kanyārthaṃ tvaṃ suśaptāsi cyavanena mahātmanā
In this interval, O king, he spoke to his wife once more: "For the sake of a maiden you were soundly cursed by the great-souled Cyavana.
AI translation rendered from the Sanskrit, not a published edition — the model flagged this verse as uncertain
SkP-RK 43.56
मुञ्चात्मानम् अवाप्य त्वं भवनं धर्मचारिणाम् । स्मारिताकाशवचसा नृपेणैवं पुरं गता
muñcātmānam avāpya tvaṃ bhavanaṃ dharmacāriṇām / smāritākāśavacasā nṛpeṇaivaṃ puraṃ gatā
Release yourself (from this body) and attain the abode of those who practise dharma." Reminded by the voice from the sky (and) by the king, she thus went to the city.
AI translation rendered from the Sanskrit, not a published edition — the model flagged this verse as uncertain
SkP-RK 43.57
सुतान् प्रगृह्य चागत्य भर्तारम् इदम् अब्रवीत् । या गतिर् मम भर्तुः स्यात् सा मे नित्यं भविष्यति
sutān pragṛhya cāgatya bhartāram idam abravīt / yā gatir mama bhartuḥ syāt sā me nityaṃ bhaviṣyati
And taking her sons and coming (to him), she said this to her husband: "Whatever goal shall be my husband's, that shall be mine forever."
AI translation rendered from the Sanskrit, not a published edition
SkP-RK 43.58
उवाच वचनं भर्ता शीघ्रं विश हुताशनम् । अमासोमसमायोगे एरण्डीतीर्थसङ्गमे
uvāca vacanaṃ bhartā śīghraṃ viśa hutāśanam / amāsomasamāyoge eraṇḍītīrthasaṅgame
The husband spoke these words: "Enter the fire quickly. At the conjunction of the new moon with the moon, at the confluence of the Eraṇḍī tīrtha,
AI translation rendered from the Sanskrit, not a published edition
SkP-RK 43.59
तत्र यत् पतितं चास्थि पापात् त्वां तारयिष्यति । एवम् अस्त्विति तं चोक्त्वा पक्षिणी सत्वरं तदा
tatra yat patitaṃ cāsthi pāpāt tvāṃ tārayiṣyati / evam astviti taṃ coktvā pakṣiṇī satvaraṃ tadā
whatever bone has fallen there will carry you across from sin." And saying to him "so be it," the female bird then quickly,
AI translation rendered from the Sanskrit, not a published edition
SkP-RK 43.60
आहृत्य तृणकाष्ठानि सम्प्रदीप्य हुताशनम् । ततो यानं समारूढा भर्तुः सा च सुतैः सह
āhṛtya tṛṇakāṣṭhāni sampradīpya hutāśanam / tato yānaṃ samārūḍhā bhartuḥ sā ca sutaiḥ saha
having brought grass and sticks and kindled a fire (entered it); then she mounted her husband's vehicle together with her sons.
AI translation rendered from the Sanskrit, not a published edition
SkP-RK 43.61
उमामहेश्वरं यद्वच् छ्रीपतिं च यथा रमा । तद्वच्चावाप भर्तारं तीर्थस्यास्य प्रभावतः
umāmaheśvaraṃ yadvac chrīpatiṃ ca yathā ramā / tadvaccāvāpa bhartāraṃ tīrthasyāsya prabhāvataḥ
As Umā (attained) Maheśvara and as Ramā (attained) the lord of Śrī, so she obtained her husband, by the power of this tīrtha.
AI translation rendered from the Sanskrit, not a published edition
SkP-RK 43.62
एवं यानं समारुह्य सभार्यस् तु तदा नृपः । चन्द्रसेनो देवसेनो यज्ञसेनस् तथापरः
evaṃ yānaṃ samāruhya sabhāryas tu tadā nṛpaḥ / candraseno devaseno yajñasenas tathāparaḥ
Thus having mounted the vehicle together with his wife, the king then (set out) — Candrasena, Devasena, and likewise the other, Yajñasena —
AI translation rendered from the Sanskrit, not a published edition
SkP-RK 43.63
त्रिभिः पुत्रैः परिवृतो धर्मवृत्तिपरायणः । विवेश नगरीं रम्याम् अयोध्यां देवनिर्मिताम्
tribhiḥ putraiḥ parivṛto dharmavṛttiparāyaṇaḥ / viveśa nagarīṃ ramyām ayodhyāṃ devanirmitām
surrounded by his three sons, devoted to righteous conduct, he entered the lovely city Ayodhyā, fashioned by the gods.
AI translation rendered from the Sanskrit, not a published edition
SkP-RK 43.64
मुदा परमया युक्तः सान्तः पुरपरिच्छदः । राज्यं कृत्वा वर्षलक्षं ततः प्राप्तः शिवालयम्
mudā paramayā yuktaḥ sāntaḥ puraparicchadaḥ / rājyaṃ kṛtvā varṣalakṣaṃ tataḥ prāptaḥ śivālayam
Filled with the highest joy, with his harem and retinue, having ruled the kingdom for a hundred thousand years, he thereafter attained Śiva's abode.
AI translation rendered from the Sanskrit, not a published edition
SkP-RK 43.65
एरण्डीश्वरम् अभ्यर्च्य एरण्ड्याः सङ्गमे नृप । पञ्चाशीतिसहस्राणि क्षत्रियाणां महात्मनाम्
eraṇḍīśvaram abhyarcya eraṇḍyāḥ saṅgame nṛpa / pañcāśītisahasrāṇi kṣatriyāṇāṃ mahātmanām
Having worshipped Eraṇḍīśvara at the confluence of the Eraṇḍī, O king, eighty-five thousand great-souled kṣatriyas (attained...)
AI translation rendered from the Sanskrit, not a published edition — the model flagged this verse as uncertain