Skanda Purana — Reva Khanda — Chapter 30

SkP-RK 30.1

मार्कण्डेय उवाच: ऋषीणामयुतं राजन् नैमिषारण्यवासिनाम् । गर्गश् च शौनको दक्षः सर्वेषां धर्मतः पिता

mārkaṇḍeya uvāca: ṛṣīṇāmayutaṃ rājan naimiṣāraṇyavāsinām / gargaś ca śaunako dakṣaḥ sarveṣāṃ dharmataḥ pitā

Mārkaṇḍeya said: There were ten thousand sages, O king, dwelling in the Naimiṣa forest, and Garga and Śaunaka and Dakṣa, the father of them all according to dharma.

AI translation rendered from the Sanskrit, not a published edition

SkP-RK 30.2

तेषां निवसतां तत्र आश्चर्यम् अभवत् नृप । हिरण्या नाम नगरी दृष्टा वा यदि वा श्रुता

teṣāṃ nivasatāṃ tatra āścaryam abhavat nṛpa / hiraṇyā nāma nagarī dṛṣṭā vā yadi vā śrutā

While they were dwelling there, O king, a marvel occurred: a city named Hiraṇyā, (such as had never been) seen or heard of.

AI translation rendered from the Sanskrit, not a published edition

SkP-RK 30.3

हिरण्यवेगा नाम्नी तु नदीपुष्पफलद्रुमा । धनदस्य पुरी रम्या धनाढ्या च यथा स्थिता

hiraṇyavegā nāmnī tu nadīpuṣpaphaladrumā / dhanadasya purī ramyā dhanāḍhyā ca yathā sthitā

And (there was) a river named Hiraṇyavegā, with trees bearing flowers and fruit; and the lovely city of the Giver of Wealth (Kubera), rich in riches, stood there as it (usually) is.

AI translation rendered from the Sanskrit, not a published edition — the model flagged this verse as uncertain

SkP-RK 30.4

साप्तभौमैर् गृहैर् रम्यैर् हेमप्राकारतोरणैः । वेणुवीणानिनादौघैर् गन्धर्वैर् नादितायुतैः

sāptabhaumair gṛhair ramyair hemaprākāratoraṇaiḥ / veṇuvīṇāninādaughair gandharvair nāditāyutaiḥ

With lovely seven-storeyed houses, with golden ramparts and archways, with floods of the sound of flutes and lutes, made to resound by myriads of gandharvas.

AI translation rendered from the Sanskrit, not a published edition

SkP-RK 30.5

नागराः पूजिताः सर्वे ऽत्राधिष्ठितधनान्विताः । अग्निहोत्रैश् च विद्वद्भिर् ब्राह्मणैर् वेदपारगैः

nāgarāḥ pūjitāḥ sarve 'trādhiṣṭhitadhanānvitāḥ / agnihotraiś ca vidvadbhir brāhmaṇair vedapāragaiḥ

All the townspeople there were held in honour, possessed of well-established wealth, and (the city was filled) with agnihotra fires and with learned brahmins who had gone to the far shore of the Vedas.

AI translation rendered from the Sanskrit, not a published edition

SkP-RK 30.6

एवं विधा पुरी रम्या सर्वोत्सवसमन्विता । अकाले म्रियते यस् तु स राज्ञा गृह्यते पुनः

evaṃ vidhā purī ramyā sarvotsavasamanvitā / akāle mriyate yas tu sa rājñā gṛhyate punaḥ

Such was that delightful city, furnished with festivals of every kind; but whoever dies there before his time is taken up again by the king.

AI translation rendered from the Sanskrit, not a published edition — the model flagged this verse as uncertain

SkP-RK 30.7

मुदा परमया युक्तो वित्तेशो धनदो यथा । प्रजापतिं संपप्रच्छ ब्रह्मणो मानसं सुतम्

mudā paramayā yukto vitteśo dhanado yathā / prajāpatiṃ saṃpapraccha brahmaṇo mānasaṃ sutam

Filled with the highest joy, like the lord of wealth, the wealth-giver (Kubera), he questioned Prajāpati, the mind-born son of Brahmā.

AI translation rendered from the Sanskrit, not a published edition

SkP-RK 30.8

प्रणिपत्य नमस्कृत्य दक्षं तं मुनिपुङ्गवम् । अनेकानि सहस्राणि मुनीनां ब्रह्मवर्चसाम्

praṇipatya namaskṛtya dakṣaṃ taṃ munipuṅgavam / anekāni sahasrāṇi munīnāṃ brahmavarcasām

Having bowed down and paid homage to Dakṣa, that bull among sages, and to many thousands of sages radiant with the splendour of brahman—

AI translation rendered from the Sanskrit, not a published edition

SkP-RK 30.9

सौत्रामणिः सोमसंस्था कस्मिन् देशे च सिद्ध्यति । आचक्ष्व मुनिशार्दूल यतः त्वं सर्वधर्मवित्

sautrāmaṇiḥ somasaṃsthā kasmin deśe ca siddhyati / ācakṣva muniśārdūla yataḥ tvaṃ sarvadharmavit

"In what region does the Sautrāmaṇī, whose completion is with soma, succeed? Tell (me), tiger among sages, since you know all the dharmas."

AI translation rendered from the Sanskrit, not a published edition

SkP-RK 30.10

हिरण्यबाहुं प्रोवाच दक्षो वैवस्वतं तदा । तीर्थं हि पुष्करं नाम त्रिषु लोकेषु विश्रुतम्

hiraṇyabāhuṃ provāca dakṣo vaivasvataṃ tadā / tīrthaṃ hi puṣkaraṃ nāma triṣu lokeṣu viśrutam

Then Dakṣa said to Hiraṇyabāhu, the son of Vivasvat: "There is indeed a holy place called Puṣkara, famed in the three worlds."

AI translation rendered from the Sanskrit, not a published edition

SkP-RK 30.11

तस्मिन्न् इष्टं हुतं राजन् सर्वं कोटिगुणं भवेत् । ब्राह्मणानां प्रसादेन ना ऽत्र कार्या विचारणा

tasminn iṣṭaṃ hutaṃ rājan sarvaṃ koṭiguṇaṃ bhavet / brāhmaṇānāṃ prasādena nā 'tra kāryā vicāraṇā

"Whatever is sacrificed and offered there, O king, all becomes ten-million-fold, by the favour of the brahmins; no doubt is to be entertained here."

AI translation rendered from the Sanskrit, not a published edition

SkP-RK 30.12

तस्य तद् वचनं श्रुत्वा राजा प्रोवाच तं मुनिम् । निष्पाद्यतां च यज्ञो मे भगवन् पुष्करे शुभे

tasya tad vacanaṃ śrutvā rājā provāca taṃ munim / niṣpādyatāṃ ca yajño me bhagavan puṣkare śubhe

Hearing that speech of his, the king said to that sage: "Let my sacrifice be carried out, lord, at auspicious Puṣkara."

AI translation rendered from the Sanskrit, not a published edition

SkP-RK 30.13

मानसं ब्रह्मणः पुत्रं सर्ववेदविशारदम् । त्वामृते दीक्षितुं कस्य शक्तिर् अस्मिन् महीतले

mānasaṃ brahmaṇaḥ putraṃ sarvavedaviśāradam / tvāmṛte dīkṣituṃ kasya śaktir asmin mahītale

"Apart from you—the mind-born son of Brahmā, skilled in all the Vedas—who on this earth has the power to consecrate (me)?"

AI translation rendered from the Sanskrit, not a published edition

SkP-RK 30.14

एवम् अस्त्व् इति तं प्राह दक्षो राजर्षिसत्तमम् । ततो जगाम राजर्षिः पुष्करं सर्वसम्भृतः

evam astv iti taṃ prāha dakṣo rājarṣisattamam / tato jagāma rājarṣiḥ puṣkaraṃ sarvasambhṛtaḥ

Dakṣa said to that best of royal sages, "So be it"; then the royal sage went to Puṣkara with everything assembled.

AI translation rendered from the Sanskrit, not a published edition

SkP-RK 30.15

गवां च दशलक्षाणि सार्द्धं लक्षं तु वाजिनाम् । द्विपञ्चाशत् सहस्राणि गजेन्द्राणां रथायुतम्

gavāṃ ca daśalakṣāṇi sārddhaṃ lakṣaṃ tu vājinām / dvipañcāśat sahasrāṇi gajendrāṇāṃ rathāyutam

And ten hundred thousand cows, and a hundred and fifty thousand horses, fifty-two thousand lordly elephants, ten thousand chariots;

AI translation rendered from the Sanskrit, not a published edition

SkP-RK 30.16

मणिमाणिक्यरत्नानि वस्त्राण्य् आभरणानि च । तेषां संख्या न विद्येत कुबेरस्य धनं यथा

maṇimāṇikyaratnāni vastrāṇy ābharaṇāni ca / teṣāṃ saṃkhyā na vidyeta kuberasya dhanaṃ yathā

gems, rubies and jewels, garments and ornaments—their number could not be known, like the wealth of Kubera.

AI translation rendered from the Sanskrit, not a published edition

SkP-RK 30.17

ततो भक्षाणि भोज्यानि पानानि विविधानि च । एवं प्रवर्तितो यज्ञः पवित्रे श्रेष्ठपुष्करे

tato bhakṣāṇi bhojyāni pānāni vividhāni ca / evaṃ pravartito yajñaḥ pavitre śreṣṭhapuṣkare

Then foods to chew, foods to eat, and drinks of many kinds. Thus the sacrifice was set in motion at pure, excellent Puṣkara.

AI translation rendered from the Sanskrit, not a published edition

SkP-RK 30.18

आहूतश् च ततो ब्रह्मा शक्रश् चापि सुरेश्वरः । अन्यदेवैश् च किं कार्यं ताभ्यां सर्वं प्रपूजितम्

āhūtaś ca tato brahmā śakraś cāpi sureśvaraḥ / anyadevaiś ca kiṃ kāryaṃ tābhyāṃ sarvaṃ prapūjitam

And then Brahmā was invited, and Śakra too, the lord of the gods. What need is there of other gods? By these two everything is fully honoured.

AI translation rendered from the Sanskrit, not a published edition

SkP-RK 30.19

न रुद्रो यज्ञभागार्हो वासुदेवः त्वयाजकः । न चादित्यो न वरुणो न देवा न च चन्द्रमाः

na rudro yajñabhāgārho vāsudevaḥ tvayājakaḥ / na cādityo na varuṇo na devā na ca candramāḥ

Rudra is not worthy of a share in the sacrifice, and Vāsudeva is no sacrificer; nor the Sun, nor Varuṇa, nor the gods, nor the Moon.

AI translation rendered from the Sanskrit, not a published edition

SkP-RK 30.20

वेदमूलो यतो यज्ञो राज्ञश् चामिततेजसः । वेदनिर्घोषशब्देन यज्ञधूमेन भारत

vedamūlo yato yajño rājñaś cāmitatejasaḥ / vedanirghoṣaśabdena yajñadhūmena bhārata

since the sacrifice of that king of measureless splendour is rooted in the Veda—with the sound of the Vedic chanting and with the smoke of the sacrifice, O Bhārata,

AI translation rendered from the Sanskrit, not a published edition

SkP-RK 30.21

रोदस्यनन्तरं राजन् सर्वम् एव प्रपूरितम् । एतस्मिन्न् अन्तरे यज्ञच्छिद्रान्वेषणतत्पराः

rodasyanantaraṃ rājan sarvam eva prapūritam / etasminn antare yajñacchidrānveṣaṇatatparāḥ

the whole space between heaven and earth, O king, was entirely filled. Meanwhile, those intent on searching out a flaw in the sacrifice

AI translation rendered from the Sanskrit, not a published edition

SkP-RK 30.22

सम्प्राप्ता राजशार्दूल बलेन बलवत्तराः । पराजयं च देवानाम् असुराणां जयं तथा

samprāptā rājaśārdūla balena balavattarāḥ / parājayaṃ ca devānām asurāṇāṃ jayaṃ tathā

arrived, O tiger among kings, exceedingly strong in force—(sent) to bring about the defeat of the gods and the victory of the asuras.

AI translation rendered from the Sanskrit, not a published edition

SkP-RK 30.23

कर्तुं प्रस्थापिताः सर्वे ह्य् असुरा देवकण्टकाः । तेभ्यो निकेतुना प्रोक्तं दैत्यानाम् ईश्वरेण हि

kartuṃ prasthāpitāḥ sarve hy asurā devakaṇṭakāḥ / tebhyo niketunā proktaṃ daityānām īśvareṇa hi

For all the asuras, those thorns of the gods, had been sent forth to do it; and by Niketu, the lord of the Daityas, it was said to them:

AI translation rendered from the Sanskrit, not a published edition — the model flagged this verse as uncertain

SkP-RK 30.24

न रुद्रो ऽस्ति न विष्णुर् वा ब्रह्मास्ते स तु पूजकः । न कर्तव्यं भयं तेषां ब्राह्मणा ज्ञानदुर्बलाः

na rudro 'sti na viṣṇur vā brahmāste sa tu pūjakaḥ / na kartavyaṃ bhayaṃ teṣāṃ brāhmaṇā jñānadurbalāḥ

"Rudra is not there, nor Viṣṇu; but Brahmā sits there as the worshipper. No fear of them need be had; the brahmins are weak in knowledge."

AI translation rendered from the Sanskrit, not a published edition

SkP-RK 30.25

गच्छन्तु दानवा दैत्या भूतवेतालराक्षसाः । पिबन्तु सोमं यज्ञाङ्गं भक्षयन्तु तथा द्विजान्

gacchantu dānavā daityā bhūtavetālarākṣasāḥ / pibantu somaṃ yajñāṅgaṃ bhakṣayantu tathā dvijān

"Let the Dānavas and Daityas, the spirits, vetālas and rākṣasas go; let them drink the soma, the portion of the sacrifice, and likewise devour the twice-born."

AI translation rendered from the Sanskrit, not a published edition

SkP-RK 30.26

विध्वंसितस् ततो यज्ञो ब्राह्मणाश् चैव भक्षिताः । अग्निर्विनाशितो यज्ञयूपश् च यज्ञमण्डपः

vidhvaṃsitas tato yajño brāhmaṇāś caiva bhakṣitāḥ / agnirvināśito yajñayūpaś ca yajñamaṇḍapaḥ

Then the sacrifice was wrecked and the brahmins were devoured; the fire was extinguished, and the sacrificial post and the sacrificial pavilion (destroyed).

AI translation rendered from the Sanskrit, not a published edition

SkP-RK 30.27

ऋषीणां धर्षिताः पत्न्यो नग्नरूपैस् तथा बलात् । कुमारा ऋषयश् चैव भयार्ताः प्राणपीडिताः

ṛṣīṇāṃ dharṣitāḥ patnyo nagnarūpais tathā balāt / kumārā ṛṣayaś caiva bhayārtāḥ prāṇapīḍitāḥ

The wives of the sages were violated by force by (the demons) in naked forms; and the boys and the sages were stricken with fear, their lives afflicted.

AI translation rendered from the Sanskrit, not a published edition

SkP-RK 30.28

प्रणष्टश् च ततो ब्रह्मा शक्रो देवगणैः सह । एवं यज्ञे च विध्वस्ते चक्रवर्ती नृपोत्तमः

praṇaṣṭaś ca tato brahmā śakro devagaṇaiḥ saha / evaṃ yajñe ca vidhvaste cakravartī nṛpottamaḥ

Then Brahmā vanished, and Śakra along with the hosts of gods; thus, when the sacrifice had been wrecked, the emperor, best of kings—

AI translation rendered from the Sanskrit, not a published edition

SkP-RK 30.29

हिरण्यबाहुः कुपितो ब्राह्मणान् प्रति भारत । पापिष्ठाश् च दुराचारा गतास् ते भिक्षुका द्विजाः

hiraṇyabāhuḥ kupito brāhmaṇān prati bhārata / pāpiṣṭhāś ca durācārā gatās te bhikṣukā dvijāḥ

—Hiraṇyabāhu became enraged against the brahmins, O Bhārata: "Most sinful and evil in conduct, those beggarly brahmins have gone off;

AI translation rendered from the Sanskrit, not a published edition

SkP-RK 30.30

स्वस्थानं च गता दैत्या गृहीत्वा यज्ञसम्भृतिम् । एकाकी हयमारुह्य सह पत्न्या व्रजाम्य् अहम्

svasthānaṃ ca gatā daityā gṛhītvā yajñasambhṛtim / ekākī hayamāruhya saha patnyā vrajāmy aham

and the demons have gone to their own place, having seized the sacrificial provisions. Alone, mounting a horse, I depart together with my wife.

AI translation rendered from the Sanskrit, not a published edition

SkP-RK 30.31

न पौरुषस्य कालो ऽयं कोपस्य च कथंचन । शम्भुर्न देवता यत्र शङ्खचक्रगदाधरः

na pauruṣasya kālo 'yaṃ kopasya ca kathaṃcana / śambhurna devatā yatra śaṅkhacakragadādharaḥ

This is in no way a time for manliness, nor for anger, where Śambhu is not the deity, nor the bearer of conch, discus and mace.

AI translation rendered from the Sanskrit, not a published edition

SkP-RK 30.32

कथं सिद्ध्यति यज्ञौ ऽसौ न सूर्यो नैव चन्द्रमाः । लोलुपा ब्राह्मणाः पापाः त्वशक्ता यज्ञरक्षणे

kathaṃ siddhyati yajñau 'sau na sūryo naiva candramāḥ / lolupā brāhmaṇāḥ pāpāḥ tvaśaktā yajñarakṣaṇe

How can this sacrifice succeed? There is no sun, nor any moon. The brahmins are greedy and sinful, and powerless to protect the sacrifice.

AI translation rendered from the Sanskrit, not a published edition

SkP-RK 30.33

यदि मे विद्यते सत्यं भवन्तु ब्रह्मराक्षसाः । सकण्टके निरुदके प्रदेशे नष्टचेतनाः

yadi me vidyate satyaṃ bhavantu brahmarākṣasāḥ / sakaṇṭake nirudake pradeśe naṣṭacetanāḥ

If truth resides in me, let them become brahma-demons, senseless, in a thorny, waterless region."

AI translation rendered from the Sanskrit, not a published edition

SkP-RK 30.34

दक्षाद्यैर् ब्राह्मणैः सर्वैः सो ऽभिशप्तो महीपतिः । अरक्षिता त्वं यज्ञस्य क्षत्रियाणां तथा ऽधमः

dakṣādyair brāhmaṇaiḥ sarvaiḥ so 'bhiśapto mahīpatiḥ / arakṣitā tvaṃ yajñasya kṣatriyāṇāṃ tathā 'dhamaḥ

By Dakṣa and all the other brahmins that lord of the earth was cursed: "You have failed to protect the sacrifice, and (you are) the basest of the kṣatriyas;

AI translation rendered from the Sanskrit, not a published edition

SkP-RK 30.35

खरो द्वादशवर्षाणि भविष्यसि न संशयः । शापाद् बभूवुरन्यो ऽन्यं ते खरब्रह्मराक्षसाः

kharo dvādaśavarṣāṇi bhaviṣyasi na saṃśayaḥ / śāpād babhūvuranyo 'nyaṃ te kharabrahmarākṣasāḥ

you shall become an ass for twelve years—there is no doubt of it." By the (mutual) curse they became, each toward the other, asses and brahma-demons.

AI translation rendered from the Sanskrit, not a published edition

SkP-RK 30.36

एतत् ते कथितं वृत्तं न हरो न हरिः प्रभुः । न यज्ञो न च तद् दानं न तपो ऽध्ययनं न च

etat te kathitaṃ vṛttaṃ na haro na hariḥ prabhuḥ / na yajño na ca tad dānaṃ na tapo 'dhyayanaṃ na ca

This event has been told to you: there was no Hara, no lord Hari, no sacrifice, and no gift, no austerity and no recitation,

AI translation rendered from the Sanskrit, not a published edition

SkP-RK 30.37

वेदोक्तं कर्म न ब्राह्म्यं न धर्मं न त्रिविष्टपम् । न व्रतं वषट्कारः सर्वपापप्रणाशनः

vedoktaṃ karma na brāhmyaṃ na dharmaṃ na triviṣṭapam / na vrataṃ vaṣaṭkāraḥ sarvapāpapraṇāśanaḥ

no rite enjoined by the Veda, nothing of Brahmā, no dharma, no heaven, no vow, (and no) utterance of "vaṣaṭ" that destroys all sins.

AI translation rendered from the Sanskrit, not a published edition — the model flagged this verse as uncertain

SkP-RK 30.38

एतस्मिन्न् अन्तरे राजन् देवर्षिर् नारदस् तदा । आजगाम क्रतुं द्रष्टुं पुष्करं प्रति भारत

etasminn antare rājan devarṣir nāradas tadā / ājagāma kratuṃ draṣṭuṃ puṣkaraṃ prati bhārata

In this interval, O king, the divine sage Nārada then came to Puṣkara to see the sacrifice, O Bhārata.

AI translation rendered from the Sanskrit, not a published edition

SkP-RK 30.39

ततो विप्लाविते यज्ञे दैत्यैर् दुष्कृतिकारिभिः । हिरण्यबाहुश् च परं ब्राह्मणं ब्रह्मपारगम्

tato viplāvite yajñe daityair duṣkṛtikāribhiḥ / hiraṇyabāhuś ca paraṃ brāhmaṇaṃ brahmapāragam

Then, when the sacrifice had been ruined by the evil-doing demons, Hiraṇyabāhu (addressed) that supreme brahmin who had gone to the far shore of the Veda—

AI translation rendered from the Sanskrit, not a published edition

SkP-RK 30.40

उवाच वचनं राजा देवर्षिर् नारदं तदा । नाशितो ब्राह्मणैर् यज्ञः क्षुद्रैर् मे मुनिपुङ्गव

uvāca vacanaṃ rājā devarṣir nāradaṃ tadā / nāśito brāhmaṇair yajñaḥ kṣudrair me munipuṅgava

the king then spoke these words to the divine sage Nārada: "My sacrifice has been destroyed by petty brahmins, O bull among sages.

AI translation rendered from the Sanskrit, not a published edition

SkP-RK 30.41

यज्ञधर्मविधौ शक्तो घातयाम्यध्वरान्तकम् । शक्तो ऽस्मि त्रिजगज् जेतुं किम् पुनर् दैत्य दानवान्

yajñadharmavidhau śakto ghātayāmyadhvarāntakam / śakto 'smi trijagaj jetuṃ kim punar daitya dānavān

Competent in the rule of sacrificial duty, I (would) have the destroyer of the rite slain; I am able to conquer the three worlds—how much more the Daityas and Dānavas!

AI translation rendered from the Sanskrit, not a published edition — the model flagged this verse as uncertain

SkP-RK 30.42

मया चापि कृतो यज्ञो हरिशङ्करवर्जनात् । ब्रह्मशापवशाद् भीतो गार्दभं योनिमाश्रितः

mayā cāpi kṛto yajño hariśaṅkaravarjanāt / brahmaśāpavaśād bhīto gārdabhaṃ yonimāśritaḥ

And the sacrifice was performed by me with the exclusion of Hari and Śaṅkara; afraid, under the power of the brahmins' curse, I have taken on the birth of an ass.

AI translation rendered from the Sanskrit, not a published edition

SkP-RK 30.43

केनोपायेन देवर्षे त्रिकालज्ञ त्रिवेदवित् । स्वर्गलोकं गमिष्यामि ऋत्विग्भिर् ब्राह्मणैः सह

kenopāyena devarṣe trikālajña trivedavit / svargalokaṃ gamiṣyāmi ṛtvigbhir brāhmaṇaiḥ saha

By what means, O divine sage, knower of the three times, knower of the three Vedas, shall I go to the world of heaven together with the officiating priests and the brahmins?"

AI translation rendered from the Sanskrit, not a published edition

SkP-RK 30.44

नारद उवाच: शृणु राजन् महाभाग कथ्यमानं निबोध मे

nārada uvāca: śṛṇu rājan mahābhāga kathyamānaṃ nibodha me

Nārada said: Listen, O king of great fortune; learn from me what is being told.

AI translation rendered from the Sanskrit, not a published edition

SkP-RK 30.45

रेवाचरुकसम्भेदं पञ्चलिङ्गानि भूमिप । तत्र स्नाता दिवं यान्ति ये मृता न पुनर्भवाः

revācarukasambhedaṃ pañcaliṅgāni bhūmipa / tatra snātā divaṃ yānti ye mṛtā na punarbhavāḥ

(There is) the confluence of the Revā and the Caruka, (and) the five liṅgas, O lord of the earth; those who bathe there go to heaven, and those who die (there) are not born again.

AI translation rendered from the Sanskrit, not a published edition — the model flagged this verse as uncertain

SkP-RK 30.46

तत्र गच्छ नरश्रेष्ठ ब्राह्मणैर् ब्रह्मराक्षसैः । न यज्ञो न तपोदानं शिवध्यानपरो भव

tatra gaccha naraśreṣṭha brāhmaṇair brahmarākṣasaiḥ / na yajño na tapodānaṃ śivadhyānaparo bhava

Go there, best of men, together with the brahmins who have become brahma-rākṣasas; (there is need of) no sacrifice, no austerity or gift—be intent on meditation on Śiva.

AI translation rendered from the Sanskrit, not a published edition — the model flagged this verse as uncertain

SkP-RK 30.47

सद्यः प्रमुच्यते पापाद् ब्राह्मणैः शापदूषितैः । यत्रासुरस् तु निहतो भैरवं रूपमाश्रितः

sadyaḥ pramucyate pāpād brāhmaṇaiḥ śāpadūṣitaiḥ / yatrāsuras tu nihato bhairavaṃ rūpamāśritaḥ

At once one is freed from sin, along with the brahmins defiled by the curse—(there) where the demon was slain (by Śiva) who had assumed the Bhairava form.

AI translation rendered from the Sanskrit, not a published edition — the model flagged this verse as uncertain

SkP-RK 30.48

पापप्रणाशनं लिङ्गं ऋणमोचनम् एव च । चतुष्केश्वरम् अपरं तथा सिद्धेश्वरं परम्

pāpapraṇāśanaṃ liṅgaṃ ṛṇamocanam eva ca / catuṣkeśvaram aparaṃ tathā siddheśvaraṃ param

The liṅga called Pāpapraṇāśana ('destroyer of sin'), and Ṛṇamocana ('releaser from debt'), another, Catuṣkeśvara, and likewise the supreme Siddheśvara;

AI translation rendered from the Sanskrit, not a published edition

SkP-RK 30.49

पञ्चमं वारुणं लिङ्गं सिद्धं तत्र प्रतिष्ठितम् । एवं तु नारदः प्राह भगवन्तं नृपोत्तमम्

pañcamaṃ vāruṇaṃ liṅgaṃ siddhaṃ tatra pratiṣṭhitam / evaṃ tu nāradaḥ prāha bhagavantaṃ nṛpottamam

the fifth, the Vāruṇa liṅga, perfected (siddha), is established there. Thus indeed Nārada spoke to the venerable, best of kings.

AI translation rendered from the Sanskrit, not a published edition — the model flagged this verse as uncertain

SkP-RK 30.50

युधिष्ठिर उवाच: भगवन् कीदृशं रूपं यदा नृत्यति भैरवः । एतद् आचक्ष्व मे सर्वं प्रसादः क्रियतां प्रभो

yudhiṣṭhira uvāca: bhagavan kīdṛśaṃ rūpaṃ yadā nṛtyati bhairavaḥ / etad ācakṣva me sarvaṃ prasādaḥ kriyatāṃ prabho

Yudhiṣṭhira said: Venerable one, what is the form (of Śiva) when Bhairava dances? Tell me all this; grant (me) your favour, lord.

AI translation rendered from the Sanskrit, not a published edition

SkP-RK 30.51

मार्कण्डेय उवाच: गौर्यापृष्टः पुरा राजन् कौतुकेन सुरेश्वरः । नृत्यरूपं समाख्याहि किम् अन्यैः कथितैर् मम

mārkaṇḍeya uvāca: gauryāpṛṣṭaḥ purā rājan kautukena sureśvaraḥ / nṛtyarūpaṃ samākhyāhi kim anyaiḥ kathitair mama

Mārkaṇḍeya said: Long ago, O king, the lord of the gods was asked by Gaurī out of curiosity: "Tell (me) the form of the dance; what use to me are other tales?"

AI translation rendered from the Sanskrit, not a published edition

SkP-RK 30.52

शान्तरूपं ततस् त्यक्त्वा कृतं रूपं सुदारुणम् । स्थितश् चैकेन पादेन प्रपीड्य वसुधातलम्

śāntarūpaṃ tatas tyaktvā kṛtaṃ rūpaṃ sudāruṇam / sthitaś caikena pādena prapīḍya vasudhātalam

Then, abandoning the peaceful form, a most terrible form was made (by him); and he stood with one foot, pressing down the surface of the earth,

AI translation rendered from the Sanskrit, not a published edition

SkP-RK 30.53

द्वितीयेन च पादेन ब्रह्माण्डं सचराचरम् । ख्यातं दारुवनं नाम पञ्चलिङ्गसमन्वितम्

dvitīyena ca pādena brahmāṇḍaṃ sacarācaram / khyātaṃ dāruvanaṃ nāma pañcaliṅgasamanvitam

and with the second foot the egg of Brahmā with all that moves and does not move. (There is) the famed forest named Dāruvana, furnished with the five liṅgas.

AI translation rendered from the Sanskrit, not a published edition — the model flagged this verse as uncertain

SkP-RK 30.54

निहत्य चासुरं तत्र पुनर्नृत्यं मया प्रिये । तस्मिन् दारुवने चण्डि रुद्रं भुवनदारुणम्

nihatya cāsuraṃ tatra punarnṛtyaṃ mayā priye / tasmin dāruvane caṇḍi rudraṃ bhuvanadāruṇam

And having slain the demon there, the dance was performed by me again, dear one—in that Dāruvana, O Caṇḍī, the Rudra (form) terrifying to the worlds.

AI translation rendered from the Sanskrit, not a published edition — the model flagged this verse as uncertain

SkP-RK 30.55

एतत् ते कथितं राजन् पुराणं स्कन्दकीर्तितम् । शिवेन कथितं पूर्वं पार्वत्याः षण्मुखस्य च

etat te kathitaṃ rājan purāṇaṃ skandakīrtitam / śivena kathitaṃ pūrvaṃ pārvatyāḥ ṣaṇmukhasya ca

This ancient tale, proclaimed by Skanda, has been told to you, O king; it was told formerly by Śiva to Pārvatī and to the six-faced one.

AI translation rendered from the Sanskrit, not a published edition

SkP-RK 30.56

गच्छ गच्छ नृप स्थानं नर्मदाचारुसङ्गमम् । तत्र ते स्नातमात्रस्य शापस्यान्तो भविष्यति

gaccha gaccha nṛpa sthānaṃ narmadācārusaṅgamam / tatra te snātamātrasya śāpasyānto bhaviṣyati

Go, go, O king, to the place, the lovely confluence of the Narmadā; there, as soon as you have bathed, there will be an end to your curse.

AI translation rendered from the Sanskrit, not a published edition

SkP-RK 30.57

एवम् उक्त्वा ययौ राजन् देवर्षिर् नारदस् तदा । हिरण्यबाहुर् नृपतिः सान्तः पुरपरिच्छदः

evam uktvā yayau rājan devarṣir nāradas tadā / hiraṇyabāhur nṛpatiḥ sāntaḥ puraparicchadaḥ

Having spoken thus, O king, the divine sage Nārada then departed; and King Hiraṇyabāhu, with his harem and retinue,

AI translation rendered from the Sanskrit, not a published edition

SkP-RK 30.58

दक्षशौनकगर्गाद्यैः शापभ्रष्टैः समन्वितः । आजगाम ततः शीघ्रं नर्मदाचरुसङ्गमम्

dakṣaśaunakagargādyaiḥ śāpabhraṣṭaiḥ samanvitaḥ / ājagāma tataḥ śīghraṃ narmadācarusaṅgamam

accompanied by Dakṣa, Śaunaka, Garga and the others who had fallen through the curse, then came swiftly to the Caru-confluence of the Narmadā.

AI translation rendered from the Sanskrit, not a published edition

SkP-RK 30.59

तत्र स्नात्वा स राजर्षिर् दत्त्वा चैव तिलोदकम् । पञ्चलिङ्गानि चाभ्यर्च्य तस्मिन् दारुवने तदा

tatra snātvā sa rājarṣir dattvā caiva tilodakam / pañcaliṅgāni cābhyarcya tasmin dāruvane tadā

There that royal sage bathed and offered water with sesame, and worshipped the five liṅgas in that Dāruvana then—

AI translation rendered from the Sanskrit, not a published edition

SkP-RK 30.60

सिद्धेश्वरं चरुलिङ्गं ऋणमोचनम् एव च । पापप्रणाशनं चान्यच् चण्डिकेश्वरम् उत्तमम्

siddheśvaraṃ caruliṅgaṃ ṛṇamocanam eva ca / pāpapraṇāśanaṃ cānyac caṇḍikeśvaram uttamam

Siddheśvara, the Caru liṅga, and Ṛṇamocana, and the other, Pāpapraṇāśana, and the excellent Caṇḍikeśvara.

AI translation rendered from the Sanskrit, not a published edition

SkP-RK 30.61

पूजयित्वा यथा न्यायं भुक्तिमुक्तिफलप्रदम् । स्तोत्रैस् तुष्टाव विविधैः शिवभक्तिपरायणः

pūjayitvā yathā nyāyaṃ bhuktimuktiphalapradam / stotrais tuṣṭāva vividhaiḥ śivabhaktiparāyaṇaḥ

Having worshipped as prescribed him who bestows the fruits of enjoyment and liberation, he praised (him) with various hymns, being wholly devoted to Śiva:

AI translation rendered from the Sanskrit, not a published edition

SkP-RK 30.62

त्वया विना तपोदानं न यज्ञं न च याजनम् । न स्वर्गं न च मोक्षं च कामयेय महेश्वर

tvayā vinā tapodānaṃ na yajñaṃ na ca yājanam / na svargaṃ na ca mokṣaṃ ca kāmayeya maheśvara

"Without you I would not desire austerity or gift, nor sacrifice, nor the performing of sacrifice, nor heaven, nor liberation, O Maheśvara.

AI translation rendered from the Sanskrit, not a published edition

SkP-RK 30.63

न हरो न हरिर् यत्र सर्व तन् निष्कलं भवेत् । ततस् तुष्टः सुरेशानो वरं वृण्वित्य् उवाच तम्

na haro na harir yatra sarva tan niṣkalaṃ bhavet / tatas tuṣṭaḥ sureśāno varaṃ vṛṇvity uvāca tam

"Wherever there is neither Hara nor Hari, all that becomes fruitless." Then the lord of the gods, pleased, said to him, "Choose a boon."

AI translation rendered from the Sanskrit, not a published edition

SkP-RK 30.64

हिरण्यबाहू राजर्षिः प्रसाद्य शिवम् अब्रवीत् । यदि तुष्टो ऽसि मे देव वरं दातुं त्वम् इच्छसि

hiraṇyabāhū rājarṣiḥ prasādya śivam abravīt / yadi tuṣṭo 'si me deva varaṃ dātuṃ tvam icchasi

The royal sage Hiraṇyabāhu, having propitiated Śiva, said: "If you are pleased with me, god, and wish to grant me a boon,

AI translation rendered from the Sanskrit, not a published edition

SkP-RK 30.65

तदास्याः खरयोनेर् मां महादेवविमोचय । त्यजन्ति चात्र ये प्राणान् पापा अपि नराधमाः

tadāsyāḥ kharayoner māṃ mahādevavimocaya / tyajanti cātra ye prāṇān pāpā api narādhamāḥ

"then, Mahādeva, release me from this donkey-womb (birth as an ass). And those lowest of men, even sinners, who give up their lives here—

AI translation rendered from the Sanskrit, not a published edition

SkP-RK 30.66

ते ऽपि यान्ति तव स्थानं सत्यम् एतद् वचो मम । निर्विघ्ना यज्ञसिद्धिश् च श्रेयो दानं तपस् तथा

te 'pi yānti tava sthānaṃ satyam etad vaco mama / nirvighnā yajñasiddhiś ca śreyo dānaṃ tapas tathā

"They too go to your abode — this word of mine is true; and the accomplishment of sacrifice, and welfare, gift and austerity (there) shall be without obstruction."

AI translation rendered from the Sanskrit, not a published edition

SkP-RK 30.67

एवम् अस्त्व् इति तं प्रोक्त्वा शिवस् त्व् अन्तरधीयत । शापान् मुक्तः स धर्मात्मा दिव्यकान्तिवपुर्धरः

evam astv iti taṃ proktvā śivas tv antaradhīyata / śāpān muktaḥ sa dharmātmā divyakāntivapurdharaḥ

Having said to him "So be it," Śiva vanished; and that righteous one, released from the curse, bore a body of divine radiance.

AI translation rendered from the Sanskrit, not a published edition

SkP-RK 30.68

कामिकं यानम् आरुह्य सान्तःपुरपरिच्छदः । ध्रियमाणातपत्रश् च स्तूयमानश् च मागधैः

kāmikaṃ yānam āruhya sāntaḥpuraparicchadaḥ / dhriyamāṇātapatraś ca stūyamānaś ca māgadhaiḥ

Mounting a chariot (that went) at his wish, together with his harem and retinue, with a parasol held (over him) and praised by the Māgadha bards (he went on).

AI translation rendered from the Sanskrit, not a published edition