Skanda Purana — Reva Khanda — Chapter 23

SkP-RK 23.1

मार्कण्डेय उवाच: हरिकेश इति ख्यातः शालग्रामे द्विजोत्तमः । शिलोञ्छवृत्तिर्धर्मात्मा सत्यव्रतपरायणः

mārkaṇḍeya uvāca: harikeśa iti khyātaḥ śālagrāme dvijottamaḥ / śiloñchavṛttirdharmātmā satyavrataparāyaṇaḥ

Mārkaṇḍeya said: There was a foremost brahmin known as Harikeśa in Śālagrāma, righteous in nature, living by gleaning ears and grains of corn, devoted to the vow of truth.

AI translation rendered from the Sanskrit, not a published edition

SkP-RK 23.2

ब्राह्मणी सुव्रता तस्य धर्मपत्नी यशस्विनी । पतिव्रता महाभागा पतिशुश्रूषणे रता

brāhmaṇī suvratā tasya dharmapatnī yaśasvinī / pativratā mahābhāgā patiśuśrūṣaṇe ratā

His brahmin wife was of good vows, a lawful wife, illustrious, devoted to her husband, greatly blessed, intent on serving her husband.

AI translation rendered from the Sanskrit, not a published edition

SkP-RK 23.3

काले ऋतुमती सा तु ऋतुगामी च स द्विजः । तस्य पुत्रशतं जज्ञे कपिलापुरम् आश्रितम्

kāle ṛtumatī sā tu ṛtugāmī ca sa dvijaḥ / tasya putraśataṃ jajñe kapilāpuram āśritam

In due time she became fertile, and that brahmin went to her in her season; a hundred sons were born to him, dwelling in the city of Kapilā.

AI translation rendered from the Sanskrit, not a published edition

SkP-RK 23.4

शिलोञ्छवृत्तियोगेन प्रस्थमेकमुपार्जयत् । क्षुत्क्षामाः ते च शिशवो रुदन्ति करुणं ततः

śiloñchavṛttiyogena prasthamekamupārjayat / kṣutkṣāmāḥ te ca śiśavo rudanti karuṇaṃ tataḥ

By the practice of gleaning he earned a single measure (prastha); and those children, gaunt with hunger, then wept pitifully.

AI translation rendered from the Sanskrit, not a published edition

SkP-RK 23.5

शिशून् बुभुक्षितान् दृष्ट्वा माता शोकार्तिविह्वला । गर्हयन्ती सुदुःखार्ता ब्राह्मणी पतिम् अब्रवीत्

śiśūn bubhukṣitān dṛṣṭvā mātā śokārtivihvalā / garhayantī suduḥkhārtā brāhmaṇī patim abravīt

Seeing the children hungry, the mother, overwhelmed by grief and pain, the brahmin woman, sorely afflicted, reproachfully spoke to her husband:

AI translation rendered from the Sanskrit, not a published edition

SkP-RK 23.6

वृद्धौ च मातापितरौ साध्वी भार्या सुतः शिशुः । भरणीयाः प्रयत्नेन एष धर्मः सनातनः

vṛddhau ca mātāpitarau sādhvī bhāryā sutaḥ śiśuḥ / bharaṇīyāḥ prayatnena eṣa dharmaḥ sanātanaḥ

"Aged mother and father, a virtuous wife, a young son — these must be maintained with effort; this is the eternal law.

AI translation rendered from the Sanskrit, not a published edition

SkP-RK 23.7

भरणं पोष्यवर्गस्य पुत्राणां च विशेषतः । एतच् छ्रुत्वा तु वचनं ब्राह्मण्याः शोकविह्वलः

bharaṇaṃ poṣyavargasya putrāṇāṃ ca viśeṣataḥ / etac chrutvā tu vacanaṃ brāhmaṇyāḥ śokavihvalaḥ

The maintenance of the group to be supported, and especially of one's sons." But having heard this speech of the brahmin woman, overwhelmed with sorrow,

AI translation rendered from the Sanskrit, not a published edition

SkP-RK 23.8

हरिकेशो ऽब्रवीद् वाक्यं ब्राह्मणीं प्रति भारत । न मया संचितं धान्यं न वित्तं गृहमेधिना

harikeśo 'bravīd vākyaṃ brāhmaṇīṃ prati bhārata / na mayā saṃcitaṃ dhānyaṃ na vittaṃ gṛhamedhinā

Harikeśa spoke words to the brahmin woman, O Bhārata: "No grain has been hoarded by me, nor wealth, as a householder.

AI translation rendered from the Sanskrit, not a published edition

SkP-RK 23.9

ग्रामे ग्रामे भिक्षयित्वा सविभागं पृथक् पृथक् । ददामि परमं धान्यं नान्यां वृत्तिं तु कारये

grāme grāme bhikṣayitvā savibhāgaṃ pṛthak pṛthak / dadāmi paramaṃ dhānyaṃ nānyāṃ vṛttiṃ tu kāraye

Having begged in village after village, portion by portion, separately, I give out the best grain; but I practise no other livelihood."

AI translation rendered from the Sanskrit, not a published edition

SkP-RK 23.10

ब्राह्मण्य् उवाच: बालहत्यासमं पापं बाले वृद्धे क्षुधार्दिते । तस्मात् प्रतिग्रहं कृत्वा भर्तव्या मम पुत्रकाः

brāhmaṇy uvāca: bālahatyāsamaṃ pāpaṃ bāle vṛddhe kṣudhārdite / tasmāt pratigrahaṃ kṛtvā bhartavyā mama putrakāḥ

The brahmin woman said: "When a child or an aged person is tormented by hunger, the sin is equal to killing a child; therefore, by accepting gifts, my little sons must be maintained.

AI translation rendered from the Sanskrit, not a published edition

SkP-RK 23.11

पुत्रेण लोकं जयति पुत्रेण सुखमेधते । पुत्रेण स्वर्गम् आप्नोति पितॄणां परमा गतिः

putreṇa lokaṃ jayati putreṇa sukhamedhate / putreṇa svargam āpnoti pitṝṇāṃ paramā gatiḥ

Through a son one conquers the world, through a son one thrives in happiness, through a son one attains heaven — (a son is) the supreme resort of the ancestors.

AI translation rendered from the Sanskrit, not a published edition

SkP-RK 23.12

अम्बरीषस्य नृपतेर् अयोध्याधिपतेः किल । वर्तमाने महायज्ञे कुरुक्षेत्रे द्विजोत्तमाः

ambarīṣasya nṛpater ayodhyādhipateḥ kila / vartamāne mahāyajñe kurukṣetre dvijottamāḥ

Indeed, at the great sacrifice of King Ambarīṣa, lord of Ayodhyā, taking place at Kurukṣetra, the foremost brahmins —

AI translation rendered from the Sanskrit, not a published edition

SkP-RK 23.13

गताश् च ब्राह्मणास् तत्र प्रतिग्रहजिघृक्षया । गाः कांचनं धनं प्राप्य शालग्रामनिवासिनः

gatāś ca brāhmaṇās tatra pratigrahajighṛkṣayā / gāḥ kāṃcanaṃ dhanaṃ prāpya śālagrāmanivāsinaḥ

and the brahmins went there desiring to receive gifts; having obtained cows, gold, and wealth, those dwelling in Śālagrāma,

AI translation rendered from the Sanskrit, not a published edition

SkP-RK 23.14

नानाभरणशोभाढ्या आगताः समलंकृताः । याहि यत्र द्विजाः सर्वे शालग्रामनिवासिनः

nānābharaṇaśobhāḍhyā āgatāḥ samalaṃkṛtāḥ / yāhi yatra dvijāḥ sarve śālagrāmanivāsinaḥ

rich with the splendour of manifold ornaments, came back well adorned. Go where all those brahmins, the residents of Śālagrāma, (have gone).

AI translation rendered from the Sanskrit, not a published edition

SkP-RK 23.15

सुतार्थं हरिकेशो ऽथ रक्षिते कुरुजाङ्गले । अम्बरीषस्य नृपतेर् वर्तमाने महामखे

sutārthaṃ harikeśo 'tha rakṣite kurujāṅgale / ambarīṣasya nṛpater vartamāne mahāmakhe

Then Harikeśa, for the sake of his sons, (went) to the protected Kuru wilderness, while the great sacrifice of King Ambarīṣa was in progress.

AI translation rendered from the Sanskrit, not a published edition

SkP-RK 23.16

गृहीत्वा ब्राह्मणीं पुत्रान् कुरुक्षेत्रं जगाम ह । प्रविष्टश्चाध्वरे तस्मिन् यत्र ते सन्ति ऋत्विजः

gṛhītvā brāhmaṇīṃ putrān kurukṣetraṃ jagāma ha / praviṣṭaścādhvare tasmin yatra te santi ṛtvijaḥ

Taking his wife and sons, he went to Kurukṣetra, and he entered that sacrifice where the officiating priests were.

AI translation rendered from the Sanskrit, not a published edition

SkP-RK 23.17

ब्रह्मघोषस्वरेणैव स दृष्ट्वा दिवि देवताः । यमो ऽङ्गिरामुनिर् विष्णुर्वशिष्ठो दक्ष एव च

brahmaghoṣasvareṇaiva sa dṛṣṭvā divi devatāḥ / yamo 'ṅgirāmunir viṣṇurvaśiṣṭho dakṣa eva ca

By the very sound of the Vedic chanting he saw the deities in heaven: Yama, the sage Aṅgiras, Viṣṇu, Vasiṣṭha, and Dakṣa too,

AI translation rendered from the Sanskrit, not a published edition

SkP-RK 23.18

बृहद्विष्णुः प्रसन्नात्मा शातातपपराशरौ । आपस्तम्बोशनोव्यासाः कात्यायनबृहस्पती

bṛhadviṣṇuḥ prasannātmā śātātapaparāśarau / āpastambośanovyāsāḥ kātyāyanabṛhaspatī

Bṛhadviṣṇu of serene mind, Śātātapa and Parāśara, Āpastamba, Uśanas and Vyāsa, Kātyāyana and Bṛhaspati,

AI translation rendered from the Sanskrit, not a published edition

SkP-RK 23.19

हारीतः शङ्खलिखितौ याज्ञवल्क्यो ऽथ गौतमः । दुर्वासाः काश्यपो गर्गो भारद्वाजो ऽत्रिरेव च

hārītaḥ śaṅkhalikhitau yājñavalkyo 'tha gautamaḥ / durvāsāḥ kāśyapo gargo bhāradvājo 'trireva ca

Hārīta, Śaṅkha and Likhita, Yājñavalkya, and Gautama, Durvāsas, Kāśyapa, Garga, Bhāradvāja, and Atri too,

AI translation rendered from the Sanskrit, not a published edition

SkP-RK 23.20

नारदः पर्वतश् चैव पुलस्त्यः पुलहः क्रतुः । विभाण्डको भृगुश् चैव शाकटो बादरायणः

nāradaḥ parvataś caiva pulastyaḥ pulahaḥ kratuḥ / vibhāṇḍako bhṛguś caiva śākaṭo bādarāyaṇaḥ

Nārada and Parvata, Pulastya, Pulaha, Kratu, Vibhāṇḍaka and Bhṛgu, Śākaṭa, Bādarāyaṇa,

AI translation rendered from the Sanskrit, not a published edition

SkP-RK 23.21

बालखिल्या ब्रह्मपुत्रा ब्रह्मतेजो वपुर्धराः । अष्टाशीतिसहस्राणि ब्रह्मदण्डं समारुहन्

bālakhilyā brahmaputrā brahmatejo vapurdharāḥ / aṣṭāśītisahasrāṇi brahmadaṇḍaṃ samāruhan

The Bālakhilyas, sons of Brahmā, bearing bodies (made) of Brahmā's radiance — eighty-eight thousand (of them) — mounted the staff of Brahmā.

AI translation rendered from the Sanskrit, not a published edition — the model flagged this verse as uncertain

SkP-RK 23.22

अम्बरीषो महाराज दृष्ट्वा ब्राह्मणपुङ्गवम् । ब्रह्मर्षींस् तान् नमस्कृत्य अर्घपाद्यैर् अपूजयत्

ambarīṣo mahārāja dṛṣṭvā brāhmaṇapuṅgavam / brahmarṣīṃs tān namaskṛtya arghapādyair apūjayat

The great king Ambarīṣa, seeing the foremost of brahmins, bowed to those brahmin sages and honoured them with (offerings of) water for the hands and the feet.

AI translation rendered from the Sanskrit, not a published edition

SkP-RK 23.23

किमर्थमागतो विप्रसभार्यः सहपुत्रकैः । अनुग्रहम् इमं मन्ये यन्मां वदसि सुव्रत

kimarthamāgato viprasabhāryaḥ sahaputrakaiḥ / anugraham imaṃ manye yanmāṃ vadasi suvrata

"For what purpose have you come, O brahmin, with your wife and with your sons? I consider it a favour that you speak to me, O you of good vows."

AI translation rendered from the Sanskrit, not a published edition

SkP-RK 23.24

ब्राह्मण उवाच: वित्तं वर्षशतं यावदेकैकाय सुताय मे

brāhmaṇa uvāca: vittaṃ varṣaśataṃ yāvadekaikāya sutāya me

The brahmin said: "Wealth for a hundred years for each single son of mine—

AI translation rendered from the Sanskrit, not a published edition

SkP-RK 23.25

त्वं देहि जीवनायाश होमधेनुं तथोत्तमाम् । अयुतं तु गवां भूप हेमभारपरिष्कृतम्

tvaṃ dehi jīvanāyāśa homadhenuṃ tathottamām / ayutaṃ tu gavāṃ bhūpa hemabhārapariṣkṛtam

that you should give for (their) livelihood, and likewise an excellent cow for the oblation, and ten thousand cows, O king, adorned with a load of gold,

AI translation rendered from the Sanskrit, not a published edition — the model flagged this verse as uncertain

SkP-RK 23.26

कोटिमेकां हिरण्यस्य वस्त्रभूषणमुत्तमम् । इति तस्य वचः श्रुत्वा द्विजस्य पृथिवीपतिः

koṭimekāṃ hiraṇyasya vastrabhūṣaṇamuttamam / iti tasya vacaḥ śrutvā dvijasya pṛthivīpatiḥ

and one crore of gold, and the finest garments and ornaments." Having heard that speech of the brahmin, the lord of the earth,

AI translation rendered from the Sanskrit, not a published edition

SkP-RK 23.27

श्रद्धया परया युक्तः सर्वं दत्त्वा यथोदितम् । शालग्रामपदं यानैः शीघ्रं प्रावेशयत् ततः

śraddhayā parayā yuktaḥ sarvaṃ dattvā yathoditam / śālagrāmapadaṃ yānaiḥ śīghraṃ prāveśayat tataḥ

filled with the highest faith, gave everything as had been stated, and then quickly had (them) conveyed by vehicles to the place of Śālagrāma.

AI translation rendered from the Sanskrit, not a published edition

SkP-RK 23.28

क्रतुम् इष्ट्वा स राजर्षिर् मुमुदे देववच् चिरम् । नानाविधान् स भुक्त्वा ऽथ भोगान् पत्नीसुतैः सह

kratum iṣṭvā sa rājarṣir mumude devavac ciram / nānāvidhān sa bhuktvā 'tha bhogān patnīsutaiḥ saha

Having performed the sacrifice, that royal sage rejoiced long like a god; and he, having enjoyed manifold pleasures together with his wives and sons—

AI translation rendered from the Sanskrit, not a published edition

SkP-RK 23.29

कालान्तरे ततः प्राप्ते ऋषिर् मृत्युवशं गतः । मरुदेशे निरुदके ब्रह्मरक्षस्त्वमागतः

kālāntare tataḥ prāpte ṛṣir mṛtyuvaśaṃ gataḥ / marudeśe nirudake brahmarakṣastvamāgataḥ

Then, when a further time had come, the sage went under the sway of death, and in the desert land, waterless, he came to the state of a brahmin-demon.

AI translation rendered from the Sanskrit, not a published edition

SkP-RK 23.30

राजप्रतिग्रहाद् दुष्टात् पुनर्जन्म न विद्यते । ब्राह्मण्यं यः परित्यज्य द्रव्यलोभेन मोहितः

rājapratigrahād duṣṭāt punarjanma na vidyate / brāhmaṇyaṃ yaḥ parityajya dravyalobhena mohitaḥ

From an evil acceptance of gifts from a king there is no rebirth (as a brahmin). He who, deluded by greed for property, abandons his brahminhood

AI translation rendered from the Sanskrit, not a published edition — the model flagged this verse as uncertain

SkP-RK 23.31

विषयामिषलुब्धस् तु कुर्याद् राज प्रतिग्रहम् । नरके रौरवे घोरे तस्येह पतनं ध्रुवम्

viṣayāmiṣalubdhas tu kuryād rāja pratigraham / narake raurave ghore tasyeha patanaṃ dhruvam

and, greedy for the flesh-bait of sense-objects, accepts gifts from a king — for him a fall into the dreadful hell Raurava is certain here.

AI translation rendered from the Sanskrit, not a published edition

SkP-RK 23.32

वृक्षादावाग्निना दग्धाः प्ररोहन्ति वनागमे । राजप्रतिग्रहाद् दग्धा न प्ररोहन्ति कर्हिचित्

vṛkṣādāvāgninā dagdhāḥ prarohanti vanāgame / rājapratigrahād dagdhā na prarohanti karhicit

Trees and the like, burnt by fire, sprout again at the coming of the forest-season; (but) those burnt by accepting gifts from a king never sprout again.

AI translation rendered from the Sanskrit, not a published edition

SkP-RK 23.33

शोचन्ति पूर्व जन्मानि अन्यजन्मकृतानि च । भार्यापुत्रकृतेनैव गतो ऽहं नरकार्णवम्

śocanti pūrva janmāni anyajanmakṛtāni ca / bhāryāputrakṛtenaiva gato 'haṃ narakārṇavam

They grieve over former births and over (deeds) done in other births: "It is just because of wife and sons that I have gone to the ocean of hell."

AI translation rendered from the Sanskrit, not a published edition — the model flagged this verse as uncertain

SkP-RK 23.34

एवम् उक्त्वा कुरुक्षेत्रं पुत्रदारादिभिः सह । तत्र द्वादशवर्षाणि उषित्वा सुबुभुक्षितः

evam uktvā kurukṣetraṃ putradārādibhiḥ saha / tatra dvādaśavarṣāṇi uṣitvā sububhukṣitaḥ

Having spoken thus, (he went) to Kurukṣetra with his sons, wife and the rest; having dwelt there twelve years, greatly famished,

AI translation rendered from the Sanskrit, not a published edition

SkP-RK 23.35

उच्छिष्टं कश्मलं भुङ्क्ते राक्षसीं योनिमाश्रितः । वाराणसीं प्रयागं तु पुष्करं नैमिषं तथा

ucchiṣṭaṃ kaśmalaṃ bhuṅkte rākṣasīṃ yonimāśritaḥ / vārāṇasīṃ prayāgaṃ tu puṣkaraṃ naimiṣaṃ tathā

he eats leftovers and filth, having entered a demonic womb. Vārāṇasī, Prayāga, Puṣkara and Naimiṣa likewise,

AI translation rendered from the Sanskrit, not a published edition

SkP-RK 23.36

गङ्गासागरसम् भेदं क्षेत्रं कनखलं तथा । केदारं च महापुण्यं प्रभासं शशिभूषणम्

gaṅgāsāgarasam bhedaṃ kṣetraṃ kanakhalaṃ tathā / kedāraṃ ca mahāpuṇyaṃ prabhāsaṃ śaśibhūṣaṇam

the confluence of the Ganges and the ocean, and the field of Kanakhala, and Kedāra of great merit, and Prabhāsa adorned by the moon —

AI translation rendered from the Sanskrit, not a published edition

SkP-RK 23.37

अटित्वा सर्वतीर्थानि पापयोनिरतो नृप । चिन्तयामास देहं मे न निवृत्तं कथंचन

aṭitvā sarvatīrthāni pāpayonirato nṛpa / cintayāmāsa dehaṃ me na nivṛttaṃ kathaṃcana

having wandered to all the sacred fords, still fixed in an evil birth, O king, he thought: "My body has in no way been turned back (from this state)."

AI translation rendered from the Sanskrit, not a published edition — the model flagged this verse as uncertain

SkP-RK 23.38

तस्मात् पापविशद्ध्यर्थं प्रविशामि हुताशनम् । भार्या तस्य सपुत्रा वै भर्तारं सुव्रता ऽब्रवीत्

tasmāt pāpaviśaddhyarthaṃ praviśāmi hutāśanam / bhāryā tasya saputrā vai bhartāraṃ suvratā 'bravīt

"Therefore, for the purpose of purifying my sin, I shall enter the fire." His wife, together with her sons, faithful to her vows, said to her husband:

AI translation rendered from the Sanskrit, not a published edition

SkP-RK 23.39

किंचिद् विज्ञापयामि त्वां यदि मां मन्यसे विभो । क्षणमात्रेण दुःखेन साधयामि सुखं बहु

kiṃcid vijñāpayāmi tvāṃ yadi māṃ manyase vibho / kṣaṇamātreṇa duḥkhena sādhayāmi sukhaṃ bahu

"I would submit something to you, if you regard me (well), O lord: by a moment's pain I shall accomplish much happiness.

AI translation rendered from the Sanskrit, not a published edition

SkP-RK 23.40

ब्राह्मणस्य हि धर्मो ऽयं सर्वस् तद् वह्णिसाधनेन । तत्समाहृत्य दारूणि प्रदीप्य च हुताशनम्

brāhmaṇasya hi dharmo 'yaṃ sarvas tad vahṇisādhanena / tatsamāhṛtya dārūṇi pradīpya ca hutāśanam

For this is the whole duty of a brahmin, (accomplished) by that means of fire." Then, having gathered wood and kindled the fire,

AI translation rendered from the Sanskrit, not a published edition — the model flagged this verse as uncertain

SkP-RK 23.41

अहं विशाम्यविधवा भर्तारं प्रथमं द्रुतम् । न पश्यामि पतन्तं वै ज्वलने दारुणे भृशम्

ahaṃ viśāmyavidhavā bhartāraṃ prathamaṃ drutam / na paśyāmi patantaṃ vai jvalane dāruṇe bhṛśam

"I shall enter (the fire) not a widow, following my husband first, quickly; for I cannot bear to see (him) fall into the terrible, fiercely blazing fire."

AI translation rendered from the Sanskrit, not a published edition — the model flagged this verse as uncertain

SkP-RK 23.42

उक्ता सा ऽकाशवाण्या च मा ते मृत्युभयं शुभे । श्रूयतां मम वाक्यं हि यथा धर्मो न हीयते

uktā sā 'kāśavāṇyā ca mā te mṛtyubhayaṃ śubhe / śrūyatāṃ mama vākyaṃ hi yathā dharmo na hīyate

And she was addressed by a voice from the sky: "Let there be no fear of death for you, fair one. Hear my words, as to how the dharma is not lost."

AI translation rendered from the Sanskrit, not a published edition

SkP-RK 23.43

कुब्जारेवासमायोगे ब्रह्मरक्षोविमोक्षणम् । तत्र स्नात्वा दिवं याति बिल्वाम्रकम् अर्चनात्

kubjārevāsamāyoge brahmarakṣovimokṣaṇam / tatra snātvā divaṃ yāti bilvāmrakam arcanāt

"At the confluence of the Kubjā and the Revā there is release from being a brahma-demon; bathing there, one goes to heaven, (and so does one) from worshipping the Bilvāmraka."

AI translation rendered from the Sanskrit, not a published edition — the model flagged this verse as uncertain

SkP-RK 23.44

ब्रह्मराक्षस उवाच: का ऽसि त्वं च वरारोहे कस्य चासि यशस्विनि

brahmarākṣasa uvāca: kā 'si tvaṃ ca varārohe kasya cāsi yaśasvini

The brahma-demon said: "Who are you, fair-hipped one, and whose are you, glorious lady?"

AI translation rendered from the Sanskrit, not a published edition

SkP-RK 23.45

आकाशवाण्य् उवाच: धन्या ऽहं सर्वभूतानामव्यक्ताव्यक्तरूपिणी

ākāśavāṇy uvāca: dhanyā 'haṃ sarvabhūtānāmavyaktāvyaktarūpiṇī

The voice from the sky said: "I am the blessed one of all beings, having a form both unmanifest and manifest."

AI translation rendered from the Sanskrit, not a published edition

SkP-RK 23.46

एवमुस्त्वा तु सा देवी तत्रैवान्तरधीयत । पुत्रदारान्वितो नत्वा हरिकेशः सुरेश्वरम्

evamustvā tu sā devī tatraivāntaradhīyata / putradārānvito natvā harikeśaḥ sureśvaram

Having spoken thus, that goddess vanished right there; and Harikeśa, together with his sons and wife, bowed to the lord of the gods,

AI translation rendered from the Sanskrit, not a published edition

SkP-RK 23.47

सम्प्राप्त सुमुदायुक्तः कुब्जारेवासमागमम् । तत्र स्नात्वा यथान्यायम् अर्चयित्वा महेश्वरम्

samprāpta sumudāyuktaḥ kubjārevāsamāgamam / tatra snātvā yathānyāyam arcayitvā maheśvaram

and, filled with great joy, he reached the meeting of the Kubjā and the Revā; there, having bathed according to rule and worshipped Maheśvara,

AI translation rendered from the Sanskrit, not a published edition

SkP-RK 23.48

हुताशनं प्रविविशुः स्मृत्वा देवं हारिं हरम् । स्वीयं गृहमिवाक्लेशाः कामक्रोधविवर्जिताः

hutāśanaṃ praviviśuḥ smṛtvā devaṃ hāriṃ haram / svīyaṃ gṛhamivākleśāḥ kāmakrodhavivarjitāḥ

they entered the fire, remembering the god Hari (and) Hara — free of distress, as if (entering) their own house, rid of desire and anger.

AI translation rendered from the Sanskrit, not a published edition

SkP-RK 23.49

तत्क्षणाद् दिव्यदेहास् तु ब्रह्मतेजोवपुर्धराः । दिव्ययानं समारुह्य ब्रह्मलोकम् अवाप्नुयुः

tatkṣaṇād divyadehās tu brahmatejovapurdharāḥ / divyayānaṃ samāruhya brahmalokam avāpnuyuḥ

That very instant, with divine bodies, bearing forms of brahman-splendour, they mounted a celestial vehicle and attained the world of Brahmā.

AI translation rendered from the Sanskrit, not a published edition

SkP-RK 23.50

पुत्रदारसमायुक्तो हरिकेशो नृपोत्तम । तस्य तीर्थस्य माहात्म्याद् दिवि दीव्यति देववत्

putradārasamāyukto harikeśo nṛpottama / tasya tīrthasya māhātmyād divi dīvyati devavat

Together with his sons and wife, Harikeśa, O best of kings, shines in heaven like a god, through the greatness of that holy place.

AI translation rendered from the Sanskrit, not a published edition

SkP-RK 23.51

शतमष्टोत्तरं तत्र लिङ्गानां पुण्यसङ्गमे । मार्कण्डेश्वरम् इत्येकं मधुरेश्वरम् एव च

śatamaṣṭottaraṃ tatra liṅgānāṃ puṇyasaṅgame / mārkaṇḍeśvaram ityekaṃ madhureśvaram eva ca

There at that meritorious confluence there are a hundred and eight liṅgas: one called Mārkaṇḍeśvara, and Madhureśvara too,

AI translation rendered from the Sanskrit, not a published edition

SkP-RK 23.52

शूलपाणिं तथैवान्यम् अगस्त्येश्वरम् एव च । एतान्य् अन्यानि चैवेह सिद्धलिङ्गानि सन्ति वै

śūlapāṇiṃ tathaivānyam agastyeśvaram eva ca / etāny anyāni caiveha siddhaliṅgāni santi vai

and likewise another, Śūlapāṇi, and Agastyeśvara as well; these and yet others — perfected liṅgas — are indeed here.

AI translation rendered from the Sanskrit, not a published edition

SkP-RK 23.53

एतत् सर्वं यथा न्यायं कथितं तव सुव्रत । कुब्जारेवासमायोगं सुरासुरनिषेवितम्

etat sarvaṃ yathā nyāyaṃ kathitaṃ tava suvrata / kubjārevāsamāyogaṃ surāsuraniṣevitam

All this has been told to you duly, O you of good vows — the confluence of the Kubjā and the Revā, frequented by gods and demons.

AI translation rendered from the Sanskrit, not a published edition

SkP-RK 23.54

प्रातर्यः कीर्तयेद् भक्त्या नर्मदां सप्तकल्पगाम् । सर्वपापविनिर्मुक्तः स शैवं लभते पुरम्

prātaryaḥ kīrtayed bhaktyā narmadāṃ saptakalpagām / sarvapāpavinirmuktaḥ sa śaivaṃ labhate puram

He who at dawn praises with devotion the Narmadā, who flows through seven kalpas, is freed from all sins and attains the city of Śiva.

AI translation rendered from the Sanskrit, not a published edition