Skanda Purana — Reva Khanda — Chapter 11
SkP-RK 11.1
र्क्स् अध्याय ११ अथान्यत् परमं तीर्थं सुरासुरनमस्कृतम् । योगतीर्थम् इति ख्यातं सर्वपापप्रणाशनम्
rks adhyāya 11 athānyat paramaṃ tīrthaṃ surāsuranamaskṛtam / yogatīrtham iti khyātaṃ sarvapāpapraṇāśanam
Now (there is) another supreme tīrtha, saluted by gods and asuras, known as Yogatīrtha, destroyer of all sins.
AI translation rendered from the Sanskrit, not a published edition
SkP-RK 11.2
योगी स्नात्वा विधानेन योगान्ते त्रिदिवं गतः । तत्र स्नात्वा नरो राजंस् तिर्यग् योनौ न गच्छति
yogī snātvā vidhānena yogānte tridivaṃ gataḥ / tatra snātvā naro rājaṃs tiryag yonau na gacchati
A yogin, having bathed there according to rule, went to heaven at the end of his yoga. Bathing there, O king, a man does not go to an animal womb.
AI translation rendered from the Sanskrit, not a published edition
SkP-RK 11.3
सर्वपापविनिर्मुक्तो विष्णुलोके महीयते । अथान्यत् परमं तीर्थं ध्रुवो यत्र प्रकाशते
sarvapāpavinirmukto viṣṇuloke mahīyate / athānyat paramaṃ tīrthaṃ dhruvo yatra prakāśate
Freed from all sins, he is honoured in the world of Viṣṇu. Now (there is) another supreme tīrtha, where Dhruva shines forth.
AI translation rendered from the Sanskrit, not a published edition
SkP-RK 11.4
ध्रुवतीर्थे नरः स्नात्वा सर्वकामफलोदये । ध्रुवेश्वरं महादेवं भक्त्या यस् तु प्रपूजयेत्
dhruvatīrthe naraḥ snātvā sarvakāmaphalodaye / dhruveśvaraṃ mahādevaṃ bhaktyā yas tu prapūjayet
A man having bathed at the Dhruva tīrtha, which brings forth the fruit of all desires, and who worships with devotion Dhruveśvara, the great god —
AI translation rendered from the Sanskrit, not a published edition
SkP-RK 11.5
दशायुतानि राजा वै पुरे वैद्याधरे शुभे । नाक्षत्रं नाम तीर्थं तु नर्मदातीरम् आश्रितम्
daśāyutāni rājā vai pure vaidyādhare śubhe / nākṣatraṃ nāma tīrthaṃ tu narmadātīram āśritam
(dwells) as a king for ten myriads (of years) in the fair city of the Vidyādharas. And (there is) a tīrtha named Nākṣatra, resting on the bank of the Narmadā,
AI translation rendered from the Sanskrit, not a published edition — the model flagged this verse as uncertain
SkP-RK 11.6
यत्र ऋक्षेश्वरो देवः सर्वपापप्रणाशनः । सप्तविंशतिसंसिद्धिं नक्षत्राणि गतानि वै
yatra ṛkṣeśvaro devaḥ sarvapāpapraṇāśanaḥ / saptaviṃśatisaṃsiddhiṃ nakṣatrāṇi gatāni vai
where (dwells) the god Ṛkṣeśvara, destroyer of all sins; there indeed the lunar mansions attained the twenty-sevenfold perfection.
AI translation rendered from the Sanskrit, not a published edition — the model flagged this verse as uncertain
SkP-RK 11.9
तस्य तीर्थस्य माहात्म्याद् दिवि दीव्यन्तिदेवताः । तत्र स्नात्वा दिवं यान्ति ये मृता न पुनर्भवाः ॥ र्क्स्_११।७ ॥ अथान्यत् परमं तीर्थं वाराहं नाम विश्रुतम् ॥ र्क्स्_११।८ ॥ महाशूकररूपेण धात्री यत्र समुद्धृता । एकादश्यां नरः स्नात्वा कृत्वा चैव यथोदितम्
tasya tīrthasya māhātmyād divi dīvyantidevatāḥ / tatra snātvā divaṃ yānti ye mṛtā na punarbhavāḥ // rks_11.7 // athānyat paramaṃ tīrthaṃ vārāhaṃ nāma viśrutam // rks_11.8 // mahāśūkararūpeṇa dhātrī yatra samuddhṛtā / ekādaśyāṃ naraḥ snātvā kṛtvā caiva yathoditam
By the greatness of that tīrtha the gods shine in heaven. Having bathed there they go to heaven; those who die (there) are not born again. // 11.7 // Now (there is) another supreme tīrtha, renowned by the name Vārāha, // 11.8 // where the earth was lifted up by (him) in the form of the great boar. A man having bathed (there) on the eleventh day and having done as prescribed,
AI translation rendered from the Sanskrit, not a published edition
SkP-RK 11.10
उपवासपरो भूत्वा द्वादश्यां तु युधिष्ठिर । वैष्णवस् तु शुचिर् भूत्वा वाराहं च समर्चयेत्
upavāsaparo bhūtvā dvādaśyāṃ tu yudhiṣṭhira / vaiṣṇavas tu śucir bhūtvā vārāhaṃ ca samarcayet
intent on fasting, O Yudhiṣṭhira, and on the twelfth day, having become a Vaiṣṇava and pure, should worship the Boar
AI translation rendered from the Sanskrit, not a published edition
SkP-RK 11.11
पुष्पोपहारधूपैश् च गन्धदीपविलेपनैः । वर्षलक्षं तु साग्रं वै लोके क्रीडति वैष्णवे
puṣpopahāradhūpaiś ca gandhadīpavilepanaiḥ / varṣalakṣaṃ tu sāgraṃ vai loke krīḍati vaiṣṇave
with flowers, offerings and incense, with perfumes, lamps and unguents — he sports in the Vaiṣṇava world for a full hundred thousand years and more.
AI translation rendered from the Sanskrit, not a published edition
SkP-RK 11.12
ब्रह्मचारी जितक्रोधो विष्णुधर्मपरायणः । भक्त्या भोजयते यस् तु विप्रान् वैष्णवकांस् तथा
brahmacārī jitakrodho viṣṇudharmaparāyaṇaḥ / bhaktyā bhojayate yas tu viprān vaiṣṇavakāṃs tathā
He who, chaste, having conquered anger, devoted to the dharma of Viṣṇu, feeds with devotion brāhmaṇas and likewise Vaiṣṇavas;
AI translation rendered from the Sanskrit, not a published edition
SkP-RK 11.13
लेखयित्वा विष्णुधर्मान् वस्त्रालङ्कारभूषितान् । निवेदयेद् ब्राह्मणाय श्रोत्रियाय विशेषतः
lekhayitvā viṣṇudharmān vastrālaṅkārabhūṣitān / nivedayed brāhmaṇāya śrotriyāya viśeṣataḥ
and who, having had the Viṣṇudharmas written out, adorned with cloth and ornaments, should present (them) to a brāhmaṇa, especially to one learned in the Veda;
AI translation rendered from the Sanskrit, not a published edition
SkP-RK 11.14
पुराणं नर्मदाख्यानं श्रावयेच् च समाहितः । वरदाश् च त्रयो देवा ब्रह्मविष्णुमहेश्वराः
purāṇaṃ narmadākhyānaṃ śrāvayec ca samāhitaḥ / varadāś ca trayo devā brahmaviṣṇumaheśvarāḥ
and who, composed, should have the Purāṇa, the narrative of the Narmadā, recited — the three gods Brahmā, Viṣṇu and Maheśvara become
AI translation rendered from the Sanskrit, not a published edition
SkP-RK 11.15
भवन्ति तस्य सत्यं वै ना ऽत्र कार्य्या विचारणा । यावद् अक्षरसंख्यानं यावत् पत्रसमुच्चयः
bhavanti tasya satyaṃ vai nā 'tra kāryyā vicāraṇā / yāvad akṣarasaṃkhyānaṃ yāvat patrasamuccayaḥ
granters of boons to him: this is true, no doubt is to be entertained here. As many as the count of the syllables, as many as the collection of leaves,
AI translation rendered from the Sanskrit, not a published edition
SkP-RK 11.16
तावद् युगसहस्राणि स्वर्गलोके महीयते । विद्यादानात् परं दानं नान्य लोकेषु गीयते
tāvad yugasahasrāṇi svargaloke mahīyate / vidyādānāt paraṃ dānaṃ nānya lokeṣu gīyate
for that many thousands of ages he is honoured in the world of heaven. No gift higher than the gift of knowledge is sung of in the worlds.
AI translation rendered from the Sanskrit, not a published edition
SkP-RK 11.17
अदीपा च यथा रात्रिर् अनादित्यं यथा नभः । विद्याहीनं तथा सर्वमन्धे तमसि मज्जति
adīpā ca yathā rātrir anādityaṃ yathā nabhaḥ / vidyāhīnaṃ tathā sarvamandhe tamasi majjati
As night is without a lamp, as the sky is without the sun, so everything lacking knowledge sinks in blind darkness.
AI translation rendered from the Sanskrit, not a published edition
SkP-RK 11.18
एतत्ते कथितं सर्वं विद्यादानस्य यत् फलम् । सर्वदानफलं तस्य विद्यादानप्रभावतः
etatte kathitaṃ sarvaṃ vidyādānasya yat phalam / sarvadānaphalaṃ tasya vidyādānaprabhāvataḥ
All this has been told to you, which is the fruit of the gift of knowledge: his is the fruit of all gifts, by the power of the gift of knowledge.
AI translation rendered from the Sanskrit, not a published edition
SkP-RK 11.19
अथान्यत् परमं तीर्थं चान्द्रायणम् इति स्मृतम् । शशाङ्के रोहिणीयुक्ते पौर्णमास्यां महोत्सवे
athānyat paramaṃ tīrthaṃ cāndrāyaṇam iti smṛtam / śaśāṅke rohiṇīyukte paurṇamāsyāṃ mahotsave
Now (there is) another supreme tīrtha, known as Cāndrāyaṇa: when the moon is joined with Rohiṇī, on the full-moon day, at the great festival,
AI translation rendered from the Sanskrit, not a published edition
SkP-RK 11.20
शशाङ्कभूषणं देवं सर्वसिद्धिप्रदायकम् । अर्चयित्वा विधानेन स्वर्गलोके महीयते
śaśāṅkabhūṣaṇaṃ devaṃ sarvasiddhipradāyakam / arcayitvā vidhānena svargaloke mahīyate
having worshipped according to the rule the god who has the moon as his ornament, the giver of all attainments, one is honoured in the world of heaven.
AI translation rendered from the Sanskrit, not a published edition
SkP-RK 11.21
पौर्णमास्यां तु कुरुते राहुसूर्यसमागमे । तिलोदकं पिण्डदानं पुत्रः परमधार्मिकः
paurṇamāsyāṃ tu kurute rāhusūryasamāgame / tilodakaṃ piṇḍadānaṃ putraḥ paramadhārmikaḥ
And when a most righteous son makes, on the full-moon day at the conjunction of Rāhu and the sun, (an offering of) water with sesame and the giving of rice-balls,
AI translation rendered from the Sanskrit, not a published edition
SkP-RK 11.22
पितरस् तस्य तृप्यन्ति पापोपहतचेतसः । सर्वं पाखण्डयुक्तं च आवृतं कलिना तथा
pitaras tasya tṛpyanti pāpopahatacetasaḥ / sarvaṃ pākhaṇḍayuktaṃ ca āvṛtaṃ kalinā tathā
his forefathers, whose minds were afflicted by sin, are satisfied. And everything is beset with heresy and thus enveloped by the Kali (age):
AI translation rendered from the Sanskrit, not a published edition
SkP-RK 11.23
पुराणवेदधर्माश् च दानं यज्ञस् तपस् तथा । आच्छादितम् इदं पुण्यं हेतुकैः पापकर्मभिः
purāṇavedadharmāś ca dānaṃ yajñas tapas tathā / ācchāditam idaṃ puṇyaṃ hetukaiḥ pāpakarmabhiḥ
the Purāṇas, the Vedas and the dharmas, giving, sacrifice and likewise austerity — this merit has been covered over by sophists and by evil deeds,
AI translation rendered from the Sanskrit, not a published edition
SkP-RK 11.24
नग्नैर् मलिनदीनैश् च कलौ लोके दिगम्बरैः । तस्माद् धर्मपरैर् नित्यम् उपास्या नर्मदा नदी
nagnair malinadīnaiś ca kalau loke digambaraiḥ / tasmād dharmaparair nityam upāsyā narmadā nadī
by the naked, the filthy and wretched, by the sky-clad ones, in the world in the Kali age. Therefore the river Narmadā is always to be attended upon by those devoted to dharma.
AI translation rendered from the Sanskrit, not a published edition
SkP-RK 11.25
सौम्ये तु द्वादशादित्यं तीर्थं पुण्यविवर्धनम् । तत्र स्नात्वा नरो राजन्न् अर्चयित्वा तु भास्करम्
saumye tu dvādaśādityaṃ tīrthaṃ puṇyavivardhanam / tatra snātvā naro rājann arcayitvā tu bhāskaram
But in the northern quarter is the tīrtha called Dvādaśāditya, which increases merit; having bathed there, O king, and having worshipped the Sun,
AI translation rendered from the Sanskrit, not a published edition
SkP-RK 11.26
संक्रान्तौ विषुवे चैव सूर्यलोके महीयते । एकस्मिन् भोजिते विप्रे लक्षं भवति भोजितम्
saṃkrāntau viṣuve caiva sūryaloke mahīyate / ekasmin bhojite vipre lakṣaṃ bhavati bhojitam
at a saṃkrānti (the sun's passage into a new sign) and at an equinox, (such a man) is honoured in the world of the Sun. When a single brahmin is fed (there), it counts as a hundred thousand fed.
AI translation rendered from the Sanskrit, not a published edition
SkP-RK 11.27
तिलान्नं च हिरण्यं च यथा शक्त्या ददाति यः । शुक्लपक्षस्य माघस्य शुभा षष्ठी च सप्तमी
tilānnaṃ ca hiraṇyaṃ ca yathā śaktyā dadāti yaḥ / śuklapakṣasya māghasya śubhā ṣaṣṭhī ca saptamī
And whoever gives, according to his ability, sesame-food and gold — the auspicious sixth and seventh (days) of the bright fortnight of Māgha —
AI translation rendered from the Sanskrit, not a published edition
SkP-RK 11.28
तस्यां दानप्रभावेण ह्य् उपवासपरायणः । दशवर्षसहस्राणि सूर्यलोके महीयते
tasyāṃ dānaprabhāveṇa hy upavāsaparāyaṇaḥ / daśavarṣasahasrāṇi sūryaloke mahīyate
on that (day), by the power of his giving, being devoted to fasting, he is honoured in the world of the Sun for ten thousand years.
AI translation rendered from the Sanskrit, not a published edition
SkP-RK 11.29
तीर्थम् आप्सरसं नाम याम्यां दिशि समाश्रितम् । चम्पका सीमपा नामा केशिनी भामिनी तथा
tīrtham āpsarasaṃ nāma yāmyāṃ diśi samāśritam / campakā sīmapā nāmā keśinī bhāminī tathā
There is a tīrtha named Āpsarasa, situated in the southern quarter. Campakā, she named Sīmapā, Keśinī, and Bhāminī likewise,
AI translation rendered from the Sanskrit, not a published edition
SkP-RK 11.30
कौमुदी सुप्रभा चैव उत्पला च महोदया । निषादयोनिं संप्राप्ताः पूर्वजन्मनि भारत
kaumudī suprabhā caiva utpalā ca mahodayā / niṣādayoniṃ saṃprāptāḥ pūrvajanmani bhārata
Kaumudī, Suprabhā, Utpalā, and Mahodayā — they had reached birth in a Niṣāda womb in a former life, O Bhārata.
AI translation rendered from the Sanskrit, not a published edition
SkP-RK 11.31
एता आप्सरसं देवं गौरी चैव सुरेश्वरी । माघे मासि तृतीयायां निराहाराश् च निर्जलाः
etā āpsarasaṃ devaṃ gaurī caiva sureśvarī / māghe māsi tṛtīyāyāṃ nirāhārāś ca nirjalāḥ
These (women), and Gaurī the mistress of the gods, in the month of Māgha on the third (lunar day), taking no food and no water, (worshipped) the god Āpsarasa;
AI translation rendered from the Sanskrit, not a published edition — the model flagged this verse as uncertain
SkP-RK 11.32
उदकैः स्नापयित्वा तु बिल्वपत्रैर् अपूजयन् । दशवर्षसहस्राणि सावधानास् तु नार्मदैः
udakaiḥ snāpayitvā tu bilvapatrair apūjayan / daśavarṣasahasrāṇi sāvadhānās tu nārmadaiḥ
having bathed (him) with waters, they worshipped (him) with bilva leaves, attentive for ten thousand years, with (the waters) of the Narmadā.
AI translation rendered from the Sanskrit, not a published edition
SkP-RK 11.33
सर्वकामसमृद्धास्ता अप्सरोभिः सुपूजिताः । सर्वालङ्कारशोभाढ्या नानावसनभूषिताः
sarvakāmasamṛddhāstā apsarobhiḥ supūjitāḥ / sarvālaṅkāraśobhāḍhyā nānāvasanabhūṣitāḥ
Rich in all their desires, well honoured by the apsarases, resplendent with every ornament and adorned with manifold garments,
AI translation rendered from the Sanskrit, not a published edition
SkP-RK 11.34
तस्य तीर्थस्य माहात्म्यात् संसिद्धिं परमां गताः । अथान्यत् कथयिष्यामि पुण्यतीर्थम् अनुत्तमम्
tasya tīrthasya māhātmyāt saṃsiddhiṃ paramāṃ gatāḥ / athānyat kathayiṣyāmi puṇyatīrtham anuttamam
through the greatness of that tīrtha they attained the highest perfection. Now I shall tell of another holy tīrtha, unsurpassed,
AI translation rendered from the Sanskrit, not a published edition
SkP-RK 11.35
यत्र स्नातस्य विधिवत् कन्यादानफलं भवेत् । शङ्करं नाम लिङ्गं तु उत्तरस्यां दिशि स्मृतम्
yatra snātasya vidhivat kanyādānaphalaṃ bhavet / śaṅkaraṃ nāma liṅgaṃ tu uttarasyāṃ diśi smṛtam
where for one who bathes according to the rule there is the fruit of giving away a daughter (in marriage). And a liṅga named Śaṅkara is recorded in the northern quarter.
AI translation rendered from the Sanskrit, not a published edition
SkP-RK 11.36
अर्चयित्वा तु तं देवं दर्शे चैव नराधिप । सर्वपापविनिर्मुक्तो ब्रह्मलोके महीयते
arcayitvā tu taṃ devaṃ darśe caiva narādhipa / sarvapāpavinirmukto brahmaloke mahīyate
Having worshipped that god on the new-moon day, O lord of men, one is freed from all sins and is honoured in the world of Brahmā.
AI translation rendered from the Sanskrit, not a published edition
SkP-RK 11.37
अथातः संप्रवक्ष्यामि सङ्गमं लोकविश्रुतम् । दत्तात्रेया नदी यत्र सङ्गता सह रेवया
athātaḥ saṃpravakṣyāmi saṅgamaṃ lokaviśrutam / dattātreyā nadī yatra saṅgatā saha revayā
Now next I shall proclaim the confluence famed in the world, where the river Dattātreyā has joined with the Revā.
AI translation rendered from the Sanskrit, not a published edition
SkP-RK 11.38
सौम्यभागे वरारोहासुरासुरनमस्कृता । तत्र स्नात्वा च दत्त्वा च अर्चयित्वा तु केशवम्
saumyabhāge varārohāsurāsuranamaskṛtā / tatra snātvā ca dattvā ca arcayitvā tu keśavam
In the northern part is Varārohā, saluted by gods and asuras. Having bathed there, and given (gifts), and worshipped Keśava —
AI translation rendered from the Sanskrit, not a published edition — the model flagged this verse as uncertain
SkP-RK 11.39
पापिष्ठा ये दुराचारा धर्मकर्मबहिष्कृताः । प्रभावात् तस्य तीर्थस्य ते ऽपि यान्ति हरेः पुरम्
pāpiṣṭhā ye durācārā dharmakarmabahiṣkṛtāḥ / prabhāvāt tasya tīrthasya te 'pi yānti hareḥ puram
those who are utter sinners, of evil conduct, cast out from righteous observance — even they, by the power of that tīrtha, go to the city of Hari.
AI translation rendered from the Sanskrit, not a published edition
SkP-RK 11.40
मेधातिथिः करः स्कन्दः सावर्णिः कौशिको मनुः । काश्यपो गालवश् चैव मैत्रेयस् तपसां निधिः
medhātithiḥ karaḥ skandaḥ sāvarṇiḥ kauśiko manuḥ / kāśyapo gālavaś caiva maitreyas tapasāṃ nidhiḥ
Medhātithi, Kara, Skanda, Sāvarṇi, Kauśika, Manu, Kāśyapa, and Gālava, and Maitreya the treasury of austerities —
AI translation rendered from the Sanskrit, not a published edition
SkP-RK 11.41
एते चान्ये ऽपि बहवो ऋषयः संशितव्रताः । तीर्थस्या ऽस्य प्रभावेण शंसिद्धिं परमां गताः
ete cānye 'pi bahavo ṛṣayaḥ saṃśitavratāḥ / tīrthasyā 'sya prabhāveṇa śaṃsiddhiṃ paramāṃ gatāḥ
these and many other seers of strict vows attained the highest perfection by the power of this tīrtha.
AI translation rendered from the Sanskrit, not a published edition