Shvetashvatara Upanishad — Chapter 3
SvetUp 3.1
य एको जालवान् ईशत ईशनीभिः सर्वांल् लोकान् ईशत ईशनीभिः य एवैक उद्भवे संभवे च य एतद् विदुर् अमृतास् ते भवन्ति
ya eko jālavān īśata īśanībhiḥ sarvāṃl lokān īśata īśanībhiḥ ya evaika udbhave saṃbhave ca ya etad vidur amṛtās te bhavanti
He who, being one and holding the net, rules by his ruling powers, rules all the worlds by his ruling powers, who alone (presides) over arising and coming to be — those who know this become immortal.
AI translation rendered from the Sanskrit, not a published edition — the model flagged this verse as uncertain
SvetUp 3.2
एको हि रुद्रो न द्वितीयाय तस्थे य इमांल् लोकान् ईशत ईशनीभिः प्रत्यङ् जनास् तिष्ठति संचुकोचान्तकाले संसृज्य विश्वा भुवनानि गोपाः
eko hi rudro na dvitīyāya tasthe ya imāṃl lokān īśata īśanībhiḥ pratyaṅ janās tiṣṭhati saṃcukocāntakāle saṃsṛjya viśvā bhuvanāni gopāḥ
For Rudra is one; (the seers) have not stood for a second, he who rules these worlds by his ruling powers. He stands facing people; having emitted all the worlds, he, the guardian, draws them together at the end of time.
AI translation rendered from the Sanskrit, not a published edition — the model flagged this verse as uncertain
SvetUp 3.3
विश्वतश्चक्षुर् उत विश्वतोमुखो विश्वतोबाहुर् उत विश्वतस्पात् सं बाहुभ्यां धमति सं पतत्रैर् द्यावाभूमी जनयन् देव एकः
viśvataścakṣur uta viśvatomukho viśvatobāhur uta viśvataspāt saṃ bāhubhyāṃ dhamati saṃ patatrair dyāvābhūmī janayan deva ekaḥ
Eyed on all sides and faced on all sides, armed on all sides and footed on all sides, the one god blows together with his arms, together with his wings, bringing heaven and earth to birth.
AI translation rendered from the Sanskrit, not a published edition
SvetUp 3.4
यो देवानां प्रभवश् चोद्भवश् च विश्वाधिपो रुद्रो महर्षिः हिरण्यगर्भं जनयामास पूर्वं स नो बुद्ध्या शुभया संयुनक्तु
yo devānāṃ prabhavaś codbhavaś ca viśvādhipo rudro maharṣiḥ hiraṇyagarbhaṃ janayāmāsa pūrvaṃ sa no buddhyā śubhayā saṃyunaktu
He who is the source and the origin of the gods, the overlord of all, Rudra, the great seer, who formerly brought forth the golden germ — may he join us with a good understanding.
AI translation rendered from the Sanskrit, not a published edition
SvetUp 3.5
या ते रुद्र शिवा तनूर् अघोरापापकाशिनी तया नस् तनुवा शंतमया गिरिशन्ताभिचाकशीहि
yā te rudra śivā tanūr aghorāpāpakāśinī tayā nas tanuvā śaṃtamayā giriśantābhicākaśīhi
That form of yours, Rudra, which is kindly, not terrible, not showing evil — with that most benign form look upon us, O dweller on the mountain.
AI translation rendered from the Sanskrit, not a published edition
SvetUp 3.6
याम् इषुं गिरिशन्त हस्ते बिभर्ष्य् अस्तवे शिवां गिरित्र तां कुरु मा हिंसीः पुरुषं जगत्
yām iṣuṃ giriśanta haste bibharṣy astave śivāṃ giritra tāṃ kuru mā hiṃsīḥ puruṣaṃ jagat
The arrow that you, dweller on the mountain, hold in your hand to shoot — make that benign, O protector of the mountain; do not harm man or beast.
AI translation rendered from the Sanskrit, not a published edition
SvetUp 3.7
ततः परं ब्रह्म परं बृहन्तं यथानिकायं सर्वभूतेषु गूढं विश्वस्यैकं परिवेष्टितारम् ईशं तं ज्ञात्वामृता भवन्ति
tataḥ paraṃ brahma paraṃ bṛhantaṃ yathānikāyaṃ sarvabhūteṣu gūḍhaṃ viśvasyaikaṃ pariveṣṭitāram īśaṃ taṃ jñātvāmṛtā bhavanti
Higher than that is brahman, supreme and vast, hidden in all beings according to their bodily frames, the one encompasser of the universe — knowing him as the Lord, (men) become immortal.
AI translation rendered from the Sanskrit, not a published edition
SvetUp 3.8
वेदाहम् एतं पुरुषं महान्तम् आदित्यवर्णं तमसः परस्तात् तम् एव विदित्वाति मृत्युम् एति नान्यः पन्था विद्यते ऽयनाय
vedāham etaṃ puruṣaṃ mahāntam ādityavarṇaṃ tamasaḥ parastāt tam eva viditvāti mṛtyum eti nānyaḥ panthā vidyate 'yanāya
I know this great Person, sun-coloured, beyond darkness; knowing him alone one passes beyond death; there is no other road for going.
AI translation rendered from the Sanskrit, not a published edition
SvetUp 3.9
यस्मात् परं नापरम् अस्ति किंचिद् यस्मान् नाणीयो न ज्यायो ऽस्ति किंचित् वृक्ष इव स्तब्धो दिवि तिष्ठत्य् एकस् तेनेदं पूर्णं पुरुषेण सर्वम्
yasmāt paraṃ nāparam asti kiṃcid yasmān nāṇīyo na jyāyo 'sti kiṃcit vṛkṣa iva stabdho divi tiṣṭhaty ekas tenedaṃ pūrṇaṃ puruṣeṇa sarvam
Than whom there is nothing higher, nor anything smaller or greater — he stands alone in the sky, fixed like a tree; by him, the Person, all this is filled.
AI translation rendered from the Sanskrit, not a published edition
SvetUp 3.10
ततो यद् उत्तरतरं यद् अरूपम् अनामयम् य एतद् विदुर् अमृतास् ते भवन्ति अथेतरे दुःखम् एवापियन्ति
tato yad uttarataraṃ yad arūpam anāmayam ya etad vidur amṛtās te bhavanti athetare duḥkham evāpiyanti
What is higher than that, what is formless and free of affliction — those who know this become immortal; but the others go only to suffering.
AI translation rendered from the Sanskrit, not a published edition
SvetUp 3.11
सर्वाननशिरोग्रीवः सर्वभूतगुहाशयः सर्वव्यापी स भगवांस् तस्मात् सर्वगतः शिवः
sarvānanaśirogrīvaḥ sarvabhūtaguhāśayaḥ sarvavyāpī sa bhagavāṃs tasmāt sarvagataḥ śivaḥ
With faces, heads and necks on all sides, lying in the cave (of the heart) of all beings, all-pervading — he is the Lord; therefore he is omnipresent and benign.
AI translation rendered from the Sanskrit, not a published edition
SvetUp 3.12
महान् प्रभुर् वै पुरुषः सत्त्वस्यैष प्रवर्तकः सुनिर्मलाम् इमां प्राप्तिम् ईशानो ज्योतिर् अव्ययः
mahān prabhur vai puruṣaḥ sattvasyaiṣa pravartakaḥ sunirmalām imāṃ prāptim īśāno jyotir avyayaḥ
The Person is indeed the great lord; he is the impeller of existence (sattva), the ruler of this attainment, which is utterly pure, the imperishable light.
AI translation rendered from the Sanskrit, not a published edition — the model flagged this verse as uncertain
SvetUp 3.13
अङ्गुष्ठमात्रः पुरुषो ऽन्तरात्मा सदा जनानां हृदये संनिविष्टः हृदा मनीषा मनसाभिकॢप्तो य एतद् विदुर् अमृतास् ते भवन्ति
aṅguṣṭhamātraḥ puruṣo 'ntarātmā sadā janānāṃ hṛdaye saṃniviṣṭaḥ hṛdā manīṣā manasābhikḷpto ya etad vidur amṛtās te bhavanti
The Person, of the size of a thumb, the inner self, is always seated in the heart of people; he is grasped by the heart, by insight, by the mind. Those who know this become immortal.
AI translation rendered from the Sanskrit, not a published edition
SvetUp 3.14
सहस्रशीर्षा पुरुषः सहस्राक्षः सहस्रपात् स भूमिं विश्वतो वृत्वा अत्यतिष्ठद् दशाङ्गुलम्
sahasraśīrṣā puruṣaḥ sahasrākṣaḥ sahasrapāt sa bhūmiṃ viśvato vṛtvā atyatiṣṭhad daśāṅgulam
The Person has a thousand heads, a thousand eyes, a thousand feet; having covered the earth on all sides, he extended beyond it by ten fingers' breadth.
AI translation rendered from the Sanskrit, not a published edition
SvetUp 3.15
पुरुष एवेदं सर्वं यद् भूतं यच् च भव्यम् उतामृतत्वस्येशानो यद् अन्नेनातिरोहति
puruṣa evedaṃ sarvaṃ yad bhūtaṃ yac ca bhavyam utāmṛtatvasyeśāno yad annenātirohati
The Person is all this: what has been and what is to be; and he is the ruler of immortality, and of that which grows by food.
AI translation rendered from the Sanskrit, not a published edition — the model flagged this verse as uncertain
SvetUp 3.16
सर्वतःपाणिपादं तत् सर्वतोऽक्षिशिरोमुखं सर्वतःश्रुतिमल् लोके सर्वम् आवृत्य तिष्ठति
sarvataḥpāṇipādaṃ tat sarvato'kṣiśiromukhaṃ sarvataḥśrutimal loke sarvam āvṛtya tiṣṭhati
It has hands and feet on all sides, eyes, heads and faces on all sides, hearing on all sides; it stands in the world, enveloping everything.
AI translation rendered from the Sanskrit, not a published edition
SvetUp 3.17
सर्वेन्द्रियगुणाभासं सर्वेन्द्रियविवर्जितं सर्वस्य प्रभुम् ईशानं सर्वस्य शरणं सुहृत्
sarvendriyaguṇābhāsaṃ sarvendriyavivarjitaṃ sarvasya prabhum īśānaṃ sarvasya śaraṇaṃ suhṛt
(It is) the shining-forth of the qualities of all the senses, yet devoid of all senses; the lord and ruler of all, the refuge of all, the good friend.
AI translation rendered from the Sanskrit, not a published edition
SvetUp 3.18
नवद्वारे पुरे देही हंसो लेलायते बहिः वशी सर्वस्य लोकस्य स्थावरस्य चरस्य च
navadvāre pure dehī haṃso lelāyate bahiḥ vaśī sarvasya lokasya sthāvarasya carasya ca
In the city of nine gates the embodied one, the swan, flutters outward — the controller of the whole world, of the still and the moving.
AI translation rendered from the Sanskrit, not a published edition
SvetUp 3.19
अपाणिपादो जवनो ग्रहीता पश्यत्य् अचक्षुः स शृणोत्य् अकर्णः स वेत्ति वेद्यं न च तस्यास्ति वेत्ता तम् आहुर् अग्र्यं पुरुषं महान्तम्
apāṇipādo javano grahītā paśyaty acakṣuḥ sa śṛṇoty akarṇaḥ sa vetti vedyaṃ na ca tasyāsti vettā tam āhur agryaṃ puruṣaṃ mahāntam
Without hands or feet, he is swift and a grasper; eyeless, he sees; earless, he hears; he knows what is to be known, and of him there is no knower. They call him the foremost, the great Person.
AI translation rendered from the Sanskrit, not a published edition
SvetUp 3.20
अणोर् अणीयान् महतो महीयान् आत्मा गुहायां निहितो ऽस्य जन्तोः तम् अक्रतुं पश्यति वीतशोको धातुप्रसादान् महिमानम् ईशम्
aṇor aṇīyān mahato mahīyān ātmā guhāyāṃ nihito 'sya jantoḥ tam akratuṃ paśyati vītaśoko dhātuprasādān mahimānam īśam
Smaller than the small, greater than the great, the self is set in the cave (of the heart) of this creature. One who is free of desire sees him, free of sorrow, by the grace of the elements — the majestic Lord.
AI translation rendered from the Sanskrit, not a published edition — the model flagged this verse as uncertain
SvetUp 3.21
वेदाहम् एतम् अजरं पुराणं सर्वात्मानं सर्वगतं विभुत्वात् जन्मनिरोधं प्रवदन्ति यस्य ब्रह्मवादिनो हि प्रवदन्ति नित्यम्
vedāham etam ajaraṃ purāṇaṃ sarvātmānaṃ sarvagataṃ vibhutvāt janmanirodhaṃ pravadanti yasya brahmavādino hi pravadanti nityam
I know this one, unaging, ancient, the self of all, all-pervading through his sovereignty — of whom the expounders of brahman declare the ceasing of birth, and whom they declare to be eternal.
AI translation rendered from the Sanskrit, not a published edition