Shiva Purana — Vayaviya Samhita, Purva Bhaga — Chapter 1
SiP 7.1 1.1
इति श्रीशिवमहापुराणे प्रथमायां विद्येश्वरसंहितायां साध्यसाधनखण्डे रुद्राक्षमहात्म्यवर्णनोनाम पञ्चविंशो ऽध्यायः वायवीयसंहिता अथ श्रीशिवमहापुराणे सप्तमी वायवीयसंहिता प्रारभ्यते ॥ श्रीगणेशाय नमः ॥ श्रीगौरीशंकराभ्यां नमः ॥ अथ सप्तमी वायवीयसंहिता प्रारभ्यते ॥ छप्तेर् १ व्यास उवाच नमश्शिवाय सोमाय सगणाय ससूनवे प्रधानपुरुषेशाय सर्गस्थित्यंतहेतवे
iti śrīśivamahāpurāṇe prathamāyāṃ vidyeśvarasaṃhitāyāṃ sādhyasādhanakhaṇḍe rudrākṣamahātmyavarṇanonāma pañcaviṃśo 'dhyāyaḥ vāyavīyasaṃhitā atha śrīśivamahāpurāṇe saptamī vāyavīyasaṃhitā prārabhyate || śrīgaṇeśāya namaḥ || śrīgaurīśaṃkarābhyāṃ namaḥ || atha saptamī vāyavīyasaṃhitā prārabhyate || chapter 1 vyāsa uvāca namaśśivāya somāya sagaṇāya sasūnave pradhānapuruṣeśāya sargasthityaṃtahetave
Thus, in the glorious Śiva Mahāpurāṇa, in the first, the Vidyeśvara Saṃhitā, in the section on what is to be attained and the means of attaining it, the twenty-fifth chapter, called the Description of the Greatness of the Rudrākṣa. The Vāyavīya Saṃhitā. Now begins the seventh, the Vāyavīya Saṃhitā, of the glorious Śiva Mahāpurāṇa. Salutation to the glorious Gaṇeśa. Salutation to the glorious Gaurī and Śaṃkara. Now begins the seventh, the Vāyavīya Saṃhitā. Chapter 1. Vyāsa said: Salutation to Śiva, who is with Umā, with his hosts and with his son, the lord of pradhāna and puruṣa, the cause of creation, maintenance and dissolution.
AI translation rendered from the Sanskrit, not a published edition
SiP 7.1 1.2
शक्तिरप्रतिमा यस्य ह्यैश्वर्यं चापि सर्वगम् स्वामित्वं च विभुत्वं च स्वभावं संप्रचक्षते
śaktirapratimā yasya hyaiśvaryaṃ cāpi sarvagam svāmitvaṃ ca vibhutvaṃ ca svabhāvaṃ saṃpracakṣate
He whose power is beyond compare and whose sovereignty is all-pervading — (the wise) declare his lordship and his all-presence to be his very nature.
AI translation rendered from the Sanskrit, not a published edition
SiP 7.1 1.3
तमजं विश्वकर्माणं शाश्वतं शिवमव्ययम् महादेवं महात्मानं व्रजामि शरणं शिवम्
tamajaṃ viśvakarmāṇaṃ śāśvataṃ śivamavyayam mahādevaṃ mahātmānaṃ vrajāmi śaraṇaṃ śivam
To him, the unborn, the maker of all, the eternal, the auspicious, the imperishable, the great god, the great Self — to Śiva I go for refuge.
AI translation rendered from the Sanskrit, not a published edition
SiP 7.1 1.4
धर्मक्षेत्रे महातीर्थे गंगाकालिंदिसंगमे प्रयागे नैमिषारण्ये ब्रह्मलोकस्य वर्त्मनि
dharmakṣetre mahātīrthe gaṃgākāliṃdisaṃgame prayāge naimiṣāraṇye brahmalokasya vartmani
In the field of dharma, the great tīrtha, at the confluence of the Gaṅgā and the Yamunā, at Prayāga, in the Naimiṣa forest, on the path to Brahmā's world —
AI translation rendered from the Sanskrit, not a published edition
SiP 7.1 1.5
मुनयश्शंसितात्मानः सत्यव्रतपरायणाः महौजसो महाभागा महासत्रं वितेनिरे
munayaśśaṃsitātmānaḥ satyavrataparāyaṇāḥ mahaujaso mahābhāgā mahāsatraṃ vitenire
— sages of praised (i.e., disciplined) selves, devoted to the vow of truth, of great vigour and great fortune, performed a great sacrificial session.
AI translation rendered from the Sanskrit, not a published edition
SiP 7.1 1.6
तत्र सत्रं समाकर्ण्य तेषामक्लिष्टकर्मणाम् साक्षात्सत्यवतीसूनोर्वेदव्यासस्य धीमतः
tatra satraṃ samākarṇya teṣāmakliṣṭakarmaṇām sākṣātsatyavatīsūnorvedavyāsasya dhīmataḥ
There, having heard of the sacrificial session of those men of untiring deeds, (came) the very disciple of the wise Vedavyāsa, the son of Satyavatī —
AI translation rendered from the Sanskrit, not a published edition
SiP 7.1 1.7
शिष्यो महात्मा मेधावी त्रिषु लोकेषु विश्रुतः पञ्चावयवयुक्तस्य वाक्यस्य गुणदोषवित्
śiṣyo mahātmā medhāvī triṣu lokeṣu viśrutaḥ pañcāvayavayuktasya vākyasya guṇadoṣavit
— a great-souled, intelligent disciple, renowned in the three worlds, who knew the merits and faults of a statement furnished with its five members,
AI translation rendered from the Sanskrit, not a published edition
SiP 7.1 1.8
उत्तरोत्तरवक्ता च ब्रुवतो ऽपि बृहस्पतेः मधुरः श्रवणानां च मनोज्ञपदपर्वणाम्
uttarottaravaktā ca bruvato 'pi bṛhaspateḥ madhuraḥ śravaṇānāṃ ca manojñapadaparvaṇām
and one who could speak better and better (in reply) even to Bṛhaspati when he spoke; sweet to the ears with his charming joints of words —
AI translation rendered from the Sanskrit, not a published edition
SiP 7.1 1.9
कथानां निपुणो वक्ता कालविन्नयवित्कविः आजगाम स तं देशं सूतः पौराणिकोत्तमः
kathānāṃ nipuṇo vaktā kālavinnayavitkaviḥ ājagāma sa taṃ deśaṃ sūtaḥ paurāṇikottamaḥ
a skilled narrator of tales, knowing the times, knowing polity, a poet — that Sūta, the best of the purāṇa-reciters, came to that place.
AI translation rendered from the Sanskrit, not a published edition
SiP 7.1 1.10
तं दृष्ट्वा सूतमायांतं मुनयो हृष्टमानसाः तस्मै साम च पूजां च यथावत्प्रत्यपादयन्
taṃ dṛṣṭvā sūtamāyāṃtaṃ munayo hṛṣṭamānasāḥ tasmai sāma ca pūjāṃ ca yathāvatpratyapādayan
Seeing that Sūta coming, the sages, glad in mind, duly offered him kind words and honour.
AI translation rendered from the Sanskrit, not a published edition
SiP 7.1 1.11
प्रतिगृह्य सतां पूजां मुनिभिः प्रतिपादिताम् उद्दिष्टमानसं भेजे नियुक्तो युक्तमात्मनः
pratigṛhya satāṃ pūjāṃ munibhiḥ pratipāditām uddiṣṭamānasaṃ bheje niyukto yuktamātmanaḥ
Having accepted the honour of the good, offered by the sages, being invited he took the seat assigned and set his mind on what was fitting for him.
AI translation rendered from the Sanskrit, not a published edition — the model flagged this verse as uncertain
SiP 7.1 1.12
ततस्तत्संगमादेव मुनीनां भावितात्मनाम् सोत्कंठमभवच्चितं श्रोतुं पौराणिकीं कथाम्
tatastatsaṃgamādeva munīnāṃ bhāvitātmanām sotkaṃṭhamabhavaccitaṃ śrotuṃ paurāṇikīṃ kathām
Then, just from that association with the sages whose selves were purified, (his) mind became eager to hear the story of the Purāṇa.
AI translation rendered from the Sanskrit, not a published edition
SiP 7.1 1.13
तदा तमनुकूलाभिर्वाग्भिः पूज्य १ महर्षयः अतीवाभिमुखं कृत्वा वचनं चेदमब्रुवन्
tadā tamanukūlābhirvāgbhiḥ pūjya 1 maharṣayaḥ atīvābhimukhaṃ kṛtvā vacanaṃ cedamabruvan
Then the great seers, having honoured him with agreeable words and made him very well-disposed, spoke this speech:
AI translation rendered from the Sanskrit, not a published edition
SiP 7.1 1.14
ऋषय ऊचुः रोमहर्षण सर्वज्ञ भवान्नो भाग्यगौरवात् संप्राप्तोद्य महाभाग शैवराज महामते
ṛṣaya ūcuḥ romaharṣaṇa sarvajña bhavānno bhāgyagauravāt saṃprāptodya mahābhāga śaivarāja mahāmate
The seers said: O Romaharṣaṇa, all-knowing one, you have arrived here today through the weight of our good fortune, O greatly blessed one, king among Śaivas, O greatly wise one.
AI translation rendered from the Sanskrit, not a published edition
SiP 7.1 1.15
पुराणविद्यामखिलां व्यासात्प्रत्यक्षमीयिवान् तस्मादाश्चर्यभूतानां कथानां त्वं हि भाजनम्
purāṇavidyāmakhilāṃ vyāsātpratyakṣamīyivān tasmādāścaryabhūtānāṃ kathānāṃ tvaṃ hi bhājanam
You have received the whole science of the Purāṇas directly from Vyāsa; therefore you indeed are the vessel of stories that are wondrous,
AI translation rendered from the Sanskrit, not a published edition
SiP 7.1 1.16
रत्नानामुरुसाराणां रत्नाकर इवार्णवः यच्च भूतं यच्च भव्यं यच्चान्यद्वस्तु वर्तते
ratnānāmurusārāṇāṃ ratnākara ivārṇavaḥ yacca bhūtaṃ yacca bhavyaṃ yaccānyadvastu vartate
as the ocean is a mine of jewels of great worth. Whatever has been, whatever will be, and whatever other thing exists —
AI translation rendered from the Sanskrit, not a published edition
SiP 7.1 1.17
न तवाविदितं किञ्चित्त्रिषु लोकेषु विद्यते त्वमदृष्टवशादस्मद्दर्शनार्थमिहागतः अकुर्वन्किमपि श्रेयो न वृथा गन्तुमर्हसि
na tavāviditaṃ kiñcittriṣu lokeṣu vidyate tvamadṛṣṭavaśādasmaddarśanārthamihāgataḥ akurvankimapi śreyo na vṛthā gantumarhasi
there is nothing unknown to you in the three worlds. By the force of the unseen (fate) you have come here to be seen by us; you ought not to go away in vain without doing some good (for us).
AI translation rendered from the Sanskrit, not a published edition
SiP 7.1 1.18
तस्माच्छ्राव्यतरं पुण्यं सत्कथाज्ञानसंहितम् वेदांतसारसर्वस्वं पुराणं श्रावयाशु नः
tasmācchrāvyataraṃ puṇyaṃ satkathājñānasaṃhitam vedāṃtasārasarvasvaṃ purāṇaṃ śrāvayāśu naḥ
Therefore quickly recite to us the Purāṇa, most worth hearing, meritorious, containing the knowledge of good stories, the whole essence of the Vedānta's core.
AI translation rendered from the Sanskrit, not a published edition
SiP 7.1 1.19
एवमभ्यर्थितस्सूतो मुनिभिर्वेदवादिभिः श्लक्ष्णां च न्यायसंयुक्तां प्रत्युवाच शुभां गिरम्
evamabhyarthitassūto munibhirvedavādibhiḥ ślakṣṇāṃ ca nyāyasaṃyuktāṃ pratyuvāca śubhāṃ giram
Thus entreated by the sages who expound the Veda, the Sūta replied with a smooth, reasoned, and auspicious speech.
AI translation rendered from the Sanskrit, not a published edition
SiP 7.1 1.20
५०२अ सूत उवाच पूजितो ऽनुगृहीतश्च भवद्भिरिति चोदितः कस्मात्सम्यङ्न विब्रूयां पुराणमृषिपूजितम्
502a sūta uvāca pūjito 'nugṛhītaśca bhavadbhiriti coditaḥ kasmātsamyaṅna vibrūyāṃ purāṇamṛṣipūjitam
The Sūta said: Honoured and favoured by you, and thus urged, why should I not properly expound the Purāṇa that is honoured by the seers?
AI translation rendered from the Sanskrit, not a published edition
SiP 7.1 1.21
अभिवंद्य महादेवं देवीं स्कंदं विनायकम् नंदिनं च तथा व्यासं साक्षात्सत्यवतीसुतम्
abhivaṃdya mahādevaṃ devīṃ skaṃdaṃ vināyakam naṃdinaṃ ca tathā vyāsaṃ sākṣātsatyavatīsutam
Having paid homage to Mahādeva, to the Goddess, to Skanda, to Vināyaka, to Nandin, and likewise to Vyāsa, who is directly the son of Satyavatī,
AI translation rendered from the Sanskrit, not a published edition
SiP 7.1 1.22
वक्ष्यामि परमं पुण्यं पुराणं वेदसंमितम् शिवज्ञानार्णवं साक्षाद्भक्तिमुक्तिफलप्रदम्
vakṣyāmi paramaṃ puṇyaṃ purāṇaṃ vedasaṃmitam śivajñānārṇavaṃ sākṣādbhaktimuktiphalapradam
I shall declare the supremely meritorious Purāṇa, equal to the Veda, an ocean of the knowledge of Śiva, directly bestowing the fruits of devotion and liberation,
AI translation rendered from the Sanskrit, not a published edition
SiP 7.1 1.23
शब्दार्थन्यायसंयुक्तै रागमार्थैर्विभूषितम् श्वेतकल्पप्रसंगेन वायुना कथितं पुरा
śabdārthanyāyasaṃyuktai rāgamārthairvibhūṣitam śvetakalpaprasaṃgena vāyunā kathitaṃ purā
adorned with scriptural meanings joined to word, sense, and reasoning, told long ago by Vāyu on the occasion of the Śveta-kalpa.
AI translation rendered from the Sanskrit, not a published edition
SiP 7.1 1.24
विद्यास्थानानि सर्वाणि पुराणानुक्रमं तथा तत्पुराणस्य चोत्पत्तिं ब्रुवतो मे निबोधत
vidyāsthānāni sarvāṇi purāṇānukramaṃ tathā tatpurāṇasya cotpattiṃ bruvato me nibodhata
Learn from me as I tell all the seats of learning, the order of the Purāṇas, and the origin of that Purāṇa.
AI translation rendered from the Sanskrit, not a published edition
SiP 7.1 1.25
अंगानि वेदाश्चत्वारो मीमांसान्यायविस्तरः पुराणं धर्मशास्त्रं च विद्याश्चेताश्चतुर्दश
aṃgāni vedāścatvāro mīmāṃsānyāyavistaraḥ purāṇaṃ dharmaśāstraṃ ca vidyāścetāścaturdaśa
The (six) auxiliary sciences, the four Vedas, Mīmāṃsā, and the extensive Nyāya, Purāṇa and Dharmaśāstra — these are the fourteen sciences.
AI translation rendered from the Sanskrit, not a published edition
SiP 7.1 1.26
आयुर्वेदो धनुर्वेदो गांधर्वश्चेत्यनुक्रमात् अर्थशास्त्रं परं तस्माद्विद्या ह्यष्टादश स्मृताः
āyurvedo dhanurvedo gāṃdharvaścetyanukramāt arthaśāstraṃ paraṃ tasmādvidyā hyaṣṭādaśa smṛtāḥ
Āyurveda, Dhanurveda, and the Gāndharva (science) in that order, and beyond that the Arthaśāstra: thus the sciences are held to be eighteen.
AI translation rendered from the Sanskrit, not a published edition
SiP 7.1 1.27
अष्टादशानां विद्यानामेतासां भिन्नवर्त्मनाम् आदिकर्ता कविस्साक्षाच्छूलपाणिरिति श्रुतिः
aṣṭādaśānāṃ vidyānāmetāsāṃ bhinnavartmanām ādikartā kavissākṣācchūlapāṇiriti śrutiḥ
Of these eighteen sciences, which follow different paths, the first maker is the seer-poet, the Trident-bearer himself: so says the scripture.
AI translation rendered from the Sanskrit, not a published edition
SiP 7.1 1.28
स हि सर्वजगन्नाथः सिसृक्षुरखिलं जगत् ब्रह्माणं विदधे साक्षात्पुत्रमग्रे सनातनम्
sa hi sarvajagannāthaḥ sisṛkṣurakhilaṃ jagat brahmāṇaṃ vidadhe sākṣātputramagre sanātanam
For he, the lord of all the world, wishing to create the entire world, first brought forth Brahmā as his very own eternal son.
AI translation rendered from the Sanskrit, not a published edition
SiP 7.1 1.29
तस्मै प्रथमपुत्राय ब्रह्मणे विश्वयोनये विद्याश्चेमा ददौ पूर्वं विश्वसृष्ट्यर्थमीश्वरः
tasmai prathamaputrāya brahmaṇe viśvayonaye vidyāścemā dadau pūrvaṃ viśvasṛṣṭyarthamīśvaraḥ
To him, his first son Brahmā, the womb of the universe, the Lord formerly gave these sciences for the sake of creating the universe.
AI translation rendered from the Sanskrit, not a published edition
SiP 7.1 1.30
पालनाय हरिं देवं रक्षाशक्तिं ददौ ततः मध्यमं तनयं विष्णुं पातारं ब्रह्मणो ऽपि हि
pālanāya hariṃ devaṃ rakṣāśaktiṃ dadau tataḥ madhyamaṃ tanayaṃ viṣṇuṃ pātāraṃ brahmaṇo 'pi hi
Then, for protection, he gave the god Hari the power of guarding — Viṣṇu, (his) middle son, who is the protector even of Brahmā.
AI translation rendered from the Sanskrit, not a published edition
SiP 7.1 1.31
लब्धविद्येन विधिना प्रजासृष्टिं वितन्वता प्रथमं सर्वशास्त्राणां पुराणं ब्रह्मणा स्मृतम्
labdhavidyena vidhinā prajāsṛṣṭiṃ vitanvatā prathamaṃ sarvaśāstrāṇāṃ purāṇaṃ brahmaṇā smṛtam
By Brahmā, the ordainer, who had received the sciences and was carrying out the creation of living beings, the Purāṇa was remembered as the first of all the scriptures.
AI translation rendered from the Sanskrit, not a published edition
SiP 7.1 1.32
अनंतरं तु वक्त्रेभ्यो वेदास्तस्य विनिर्गताः प्रवृत्तिस्सर्वशास्त्राणां तन्मुखादभवत्ततः
anaṃtaraṃ tu vaktrebhyo vedāstasya vinirgatāḥ pravṛttissarvaśāstrāṇāṃ tanmukhādabhavattataḥ
Then from his mouths the Vedas came forth, and thereafter the origination of all the sciences arose from his mouth.
AI translation rendered from the Sanskrit, not a published edition
SiP 7.1 1.33
यदास्य विस्तरं शक्ता नाधिगंतुं प्रजा भुवि तदा विद्यासमासार्थं विश्वेश्वरनियोगतः
yadāsya vistaraṃ śaktā nādhigaṃtuṃ prajā bhuvi tadā vidyāsamāsārthaṃ viśveśvaraniyogataḥ
When the people on earth were unable to master its full extent, then, for the sake of an abridgement of the knowledge, by the command of the Lord of the universe—
AI translation rendered from the Sanskrit, not a published edition
SiP 7.1 1.34
द्वापरांतेषु विश्वात्मा विष्णुर्विश्वंभरः प्रभुः व्यासनाम्ना चरत्यस्मिन्नवतीर्य महीतले
dvāparāṃteṣu viśvātmā viṣṇurviśvaṃbharaḥ prabhuḥ vyāsanāmnā caratyasminnavatīrya mahītale
—at the ends of the Dvāpara ages, Viṣṇu, the Self of all, the sustainer of the world, the Lord, descending to this earth, moves about under the name of Vyāsa.
AI translation rendered from the Sanskrit, not a published edition
SiP 7.1 1.35
एवं व्यस्ताश्च वेदाश्च द्वापरेद्वापरे द्विजाः निर्मितानि पुराणानि अन्यानि च ततः परम्
evaṃ vyastāśca vedāśca dvāparedvāpare dvijāḥ nirmitāni purāṇāni anyāni ca tataḥ param
Thus, O twice-born ones, the Vedas were divided in each Dvāpara age, and after that the Purāṇas and other (works) were composed.
AI translation rendered from the Sanskrit, not a published edition
SiP 7.1 1.36
स पुनर्द्वापरे चास्मिन्कृष्णद्वैपायनाख्यया अरण्यामिव हव्याशी सत्यवत्यामजायत
sa punardvāpare cāsminkṛṣṇadvaipāyanākhyayā araṇyāmiva havyāśī satyavatyāmajāyata
And again in this Dvāpara age he was born of Satyavatī under the name Kṛṣṇa Dvaipāyana, as fire (is born) in the kindling-wood.
AI translation rendered from the Sanskrit, not a published edition
SiP 7.1 1.37
संक्षिप्य स पुनर्वेदांश्चतुर्धा कृतवान्मुनिः व्यस्तवेदतया लोके वेदव्यास इति श्रुतः
saṃkṣipya sa punarvedāṃścaturdhā kṛtavānmuniḥ vyastavedatayā loke vedavyāsa iti śrutaḥ
Having condensed them, that sage again made the Vedas fourfold; because he divided the Vedas he is known in the world as Vedavyāsa.
AI translation rendered from the Sanskrit, not a published edition
SiP 7.1 1.38
पुराणानाञ्च संक्षिप्तं चतुर्लक्षप्रमाणतः अद्यापि देवलोके तच्छतकोटिप्रविस्तरम्
purāṇānāñca saṃkṣiptaṃ caturlakṣapramāṇataḥ adyāpi devaloke tacchatakoṭipravistaram
And of the Purāṇas an abridgement (was made) to the measure of four hundred thousand (verses); even today in the world of the gods it extends to a hundred crores.
AI translation rendered from the Sanskrit, not a published edition
SiP 7.1 1.39
यो विद्याच्चतुरो वेदान् सांगोपणिषदान्द्विजः न चेत्पुराणं संविद्यान्नैव स स्याद्विचक्षणः
yo vidyāccaturo vedān sāṃgopaṇiṣadāndvijaḥ na cetpurāṇaṃ saṃvidyānnaiva sa syādvicakṣaṇaḥ
A twice-born man who knows the four Vedas together with their limbs and Upaniṣads, if he does not also know the Purāṇa, is not truly learned.
AI translation rendered from the Sanskrit, not a published edition
SiP 7.1 1.40
इतिहासपुराणाभ्यां वेदं समुपबृंहयेत् बिभेत्यल्पश्रुताद्वेदो मामयं प्रतरिष्यति
itihāsapurāṇābhyāṃ vedaṃ samupabṛṃhayet bibhetyalpaśrutādvedo māmayaṃ pratariṣyati
One should supplement the Veda with the Itihāsa and the Purāṇa; the Veda is afraid of one of little learning: "This man will do violence to me."
AI translation rendered from the Sanskrit, not a published edition
SiP 7.1 1.41
सर्गश्च प्रतिसर्गश्च वंशो मन्वंतराणि च वंशानुचरितं चैव पुराणं पञ्चलक्षणम्
sargaśca pratisargaśca vaṃśo manvaṃtarāṇi ca vaṃśānucaritaṃ caiva purāṇaṃ pañcalakṣaṇam
Creation, re-creation, lineage, the Manu-periods, and the deeds of the lineages: the Purāṇa has these five marks.
AI translation rendered from the Sanskrit, not a published edition
SiP 7.1 1.42
दशधा चाष्टधा चैतत्पुराणमुपदिश्यते ५०२ब् बृहत्सूक्ष्मप्रभेदेन मुनिभिस्तत्त्ववित्तमैः
daśadhā cāṣṭadhā caitatpurāṇamupadiśyate 502b bṛhatsūkṣmaprabhedena munibhistattvavittamaiḥ
And this Purāṇa is taught as tenfold and eightfold by the sages who best know the truth, according to the division into the large and the subtle.
AI translation rendered from the Sanskrit, not a published edition
SiP 7.1 1.43
ब्राह्मं पाद्मं वैष्णवं च शैवं भागवतं तथा भविष्यं नारदीयं च मार्कंडेयमतः परम्
brāhmaṃ pādmaṃ vaiṣṇavaṃ ca śaivaṃ bhāgavataṃ tathā bhaviṣyaṃ nāradīyaṃ ca mārkaṃḍeyamataḥ param
The Brāhma, the Pādma, the Vaiṣṇava, the Śaiva, and likewise the Bhāgavata, the Bhaviṣya, the Nāradīya, and after that the Mārkaṇḍeya;
AI translation rendered from the Sanskrit, not a published edition
SiP 7.1 1.44
आग्नेयं ब्रह्मवैवर्तं लैंगं वाराहमेव च स्कान्दं च वामनं चैव कौर्म्यं मात्स्यं च गारुडम्
āgneyaṃ brahmavaivartaṃ laiṃgaṃ vārāhameva ca skāndaṃ ca vāmanaṃ caiva kaurmyaṃ mātsyaṃ ca gāruḍam
the Āgneya, the Brahmavaivarta, the Laiṅga, and the Vārāha, the Skānda, the Vāmana, the Kaurma, the Mātsya, and the Gāruḍa;
AI translation rendered from the Sanskrit, not a published edition
SiP 7.1 1.45
ब्रह्मांडं चेति पुण्यो ऽयं पुराणानामनुक्रमः तत्र शैवं तुरीयं यच्छार्वं सर्वार्थसाधकम्
brahmāṃḍaṃ ceti puṇyo 'yaṃ purāṇānāmanukramaḥ tatra śaivaṃ turīyaṃ yacchārvaṃ sarvārthasādhakam
and the Brahmāṇḍa—such is this holy enumeration of the Purāṇas. Among them the fourth is the Śaiva, which, belonging to Śarva, accomplishes every aim.
AI translation rendered from the Sanskrit, not a published edition
SiP 7.1 1.46
ग्रंथो लक्षप्रमाणं तद्व्यस्तं द्वादशसंहितम् निर्मितं तच्छिवेनैव तत्र धर्मः प्रतिष्ठितः
graṃtho lakṣapramāṇaṃ tadvyastaṃ dvādaśasaṃhitam nirmitaṃ tacchivenaiva tatra dharmaḥ pratiṣṭhitaḥ
That work is of the measure of a hundred thousand (verses), divided into twelve saṃhitās; it was composed by Śiva himself, and in it dharma is established.
AI translation rendered from the Sanskrit, not a published edition
SiP 7.1 1.47
तदुक्तेनैव धर्मेण शैवास्त्रैवर्णिका नराः तस्माद्विमुकुतिमन्विच्छञ्च्छिवमेव समाश्रयेत्
taduktenaiva dharmeṇa śaivāstraivarṇikā narāḥ tasmādvimukutimanvicchañcchivameva samāśrayet
By that very dharma declared in it, men of the three classes are Śaivas; therefore one who seeks liberation should take refuge in Śiva alone.
AI translation rendered from the Sanskrit, not a published edition
SiP 7.1 1.48
तमाश्रित्यैव देवानामपि मुक्तिर्न चान्यथा
tamāśrityaiva devānāmapi muktirna cānyathā
Only by taking refuge in him is there liberation even for the gods, and not otherwise.
AI translation rendered from the Sanskrit, not a published edition
SiP 7.1 1.49
यदिदं शैवमाख्यातं पुराणं वेदसंमितम् तस्य भेदान्समासेन ब्रुवतो मे निबोधत
yadidaṃ śaivamākhyātaṃ purāṇaṃ vedasaṃmitam tasya bhedānsamāsena bruvato me nibodhata
Learn from me, as I state them in brief, the divisions of this Śaiva Purāṇa that has been declared, equal in authority to the Veda.
AI translation rendered from the Sanskrit, not a published edition
SiP 7.1 1.50
विद्येश्वरं तथा रौद्रं वैनायकमनुत्तमम् औमं मातृपुराणं च रुद्रैकादशकं तथा
vidyeśvaraṃ tathā raudraṃ vaināyakamanuttamam aumaṃ mātṛpurāṇaṃ ca rudraikādaśakaṃ tathā
The Vidyeśvara, the Raudra, the unsurpassed Vaināyaka, the Auma, the Mātṛ Purāṇa, and likewise the Rudraikādaśaka;
AI translation rendered from the Sanskrit, not a published edition
SiP 7.1 1.51
कैलासं शतरुद्रं च शतरुद्राख्यमेव च सहस्रकोटिरुद्राख्यं वायवीयं ततःपरम्
kailāsaṃ śatarudraṃ ca śatarudrākhyameva ca sahasrakoṭirudrākhyaṃ vāyavīyaṃ tataḥparam
the Kailāsa, the Śatarudra, and that called Śatarudra, that called Sahasrakoṭirudra, and after that the Vāyavīya;
AI translation rendered from the Sanskrit, not a published edition
SiP 7.1 1.52
धर्मसंज्ञं पुराणं चेत्येवं द्वादश संहिताः विद्येशं दशसाहस्रमुदितं ग्रंथसंख्यया
dharmasaṃjñaṃ purāṇaṃ cetyevaṃ dvādaśa saṃhitāḥ vidyeśaṃ daśasāhasramuditaṃ graṃthasaṃkhyayā
and the one called Dharma, and the Purāṇa — thus (there are) twelve saṃhitās. The Vidyeśa is said to be ten thousand by count of verses.
AI translation rendered from the Sanskrit, not a published edition
SiP 7.1 1.53
रौद्रं वैनायकं चौमं मातृकाख्यं ततः परम् प्रत्येकमष्टसाहस्रं त्रयोदशसहस्रकम्
raudraṃ vaināyakaṃ caumaṃ mātṛkākhyaṃ tataḥ param pratyekamaṣṭasāhasraṃ trayodaśasahasrakam
Then further, the Raudra, the Vaināyaka, the Auma, and the one named Mātṛkā — each of eight thousand, (and one) of thirteen thousand.
AI translation rendered from the Sanskrit, not a published edition — the model flagged this verse as uncertain
SiP 7.1 1.54
रौद्रकादशकाख्यं यत्कैलासं षट्सहस्रकम् शतरुद्रं त्रिसाहस्रं कोटिरुद्रं ततः परम्
raudrakādaśakākhyaṃ yatkailāsaṃ ṣaṭsahasrakam śatarudraṃ trisāhasraṃ koṭirudraṃ tataḥ param
That which is called the Raudra-eleven(-fold); the Kailāsa of six thousand; the Śatarudra of three thousand; then further the Koṭirudra —
AI translation rendered from the Sanskrit, not a published edition — the model flagged this verse as uncertain
SiP 7.1 1.55
सहस्रैर्नवभिर्युक्तं सर्वार्थज्ञानसंयुतम् सहस्रकोटिरुद्राख्यमेकादशसहस्रकम्
sahasrairnavabhiryuktaṃ sarvārthajñānasaṃyutam sahasrakoṭirudrākhyamekādaśasahasrakam
— furnished with nine thousand (verses), possessed of the knowledge of all matters; the one named Sahasrakoṭirudra of eleven thousand;
AI translation rendered from the Sanskrit, not a published edition
SiP 7.1 1.56
चतुस्सहस्रसंख्येयं वायवीयमनुत्तमम् धर्मसंज्ञं पुराणं यत्तद्द्वादशसहस्रकम्
catussahasrasaṃkhyeyaṃ vāyavīyamanuttamam dharmasaṃjñaṃ purāṇaṃ yattaddvādaśasahasrakam
the unsurpassed Vāyavīya, to be reckoned at four thousand; and that Purāṇa named Dharma, which is of twelve thousand.
AI translation rendered from the Sanskrit, not a published edition
SiP 7.1 1.57
तदेवं लक्षमुद्दिष्टं शैवं शाखाविभेदतः पुराणं वेदसारं तद्भुक्तिमुक्तिफलप्रदम्
tadevaṃ lakṣamuddiṣṭaṃ śaivaṃ śākhāvibhedataḥ purāṇaṃ vedasāraṃ tadbhuktimuktiphalapradam
Thus the Śaiva (Purāṇa) is declared to be a lakh, according to the division into branches; that Purāṇa is the essence of the Veda and bestows the fruit of enjoyment and of liberation.
AI translation rendered from the Sanskrit, not a published edition
SiP 7.1 1.58
व्यासेन तत्तु संक्षिप्तं चतुर्विंशत्सहस्रकम् शैवन्तत्र पुराणं वै चतुर्थं सप्तसंहितम्
vyāsena tattu saṃkṣiptaṃ caturviṃśatsahasrakam śaivantatra purāṇaṃ vai caturthaṃ saptasaṃhitam
But it was abridged by Vyāsa to twenty-four thousand; therein the Śaiva Purāṇa is indeed the fourth, consisting of seven saṃhitās.
AI translation rendered from the Sanskrit, not a published edition
SiP 7.1 1.59
विद्येश्वराख्या तत्राद्या द्वितीया रुद्रसंहिता तृतीया शतरुद्राख्या कोटिरुद्रा चतुर्थिका
vidyeśvarākhyā tatrādyā dvitīyā rudrasaṃhitā tṛtīyā śatarudrākhyā koṭirudrā caturthikā
There the first is the one named Vidyeśvara, the second the Rudra-saṃhitā, the third the one named Śatarudra, the fourth the Koṭirudrā,
AI translation rendered from the Sanskrit, not a published edition
SiP 7.1 1.60
पञ्चमी कथिता चोमा षष्ठी कैलाससंहिता सप्तमी वायवीयाख्या सप्तैवं संहिता इह
pañcamī kathitā comā ṣaṣṭhī kailāsasaṃhitā saptamī vāyavīyākhyā saptaivaṃ saṃhitā iha
the fifth is said to be the Aumā, the sixth the Kailāsa-saṃhitā, the seventh the one named Vāyavīya — thus there are seven saṃhitās here.
AI translation rendered from the Sanskrit, not a published edition
SiP 7.1 1.61
विद्येश्वरं द्विसाहस्रं रौद्रं पञ्चशतायुतम् त्रिंशत्तथा द्विसाहस्रं सार्धैकशतमीरितम्
vidyeśvaraṃ dvisāhasraṃ raudraṃ pañcaśatāyutam triṃśattathā dvisāhasraṃ sārdhaikaśatamīritam
The Vidyeśvara is two thousand; the Raudra is stated to be two thousand five hundred and thirty, and one hundred and fifty (more).
AI translation rendered from the Sanskrit, not a published edition — the model flagged this verse as uncertain
SiP 7.1 1.62
शतरुद्रन्तथा कोटिरुद्रं व्योमयुगाधिकम् द्विसाहस्रं च द्विशतं तथोमं भूसहस्रकम्
śatarudrantathā koṭirudraṃ vyomayugādhikam dvisāhasraṃ ca dviśataṃ tathomaṃ bhūsahasrakam
Then the Śatarudra and the Koṭirudra, exceeding by forty, and two thousand two hundred; and the Auma one thousand,
AI translation rendered from the Sanskrit, not a published edition — the model flagged this verse as uncertain
SiP 7.1 1.63
चत्वारिंशत्साष्टशतं कैलासं भूसहस्रकम् चत्वारिंशच्च द्विशतं वायवीयमतः परम्
catvāriṃśatsāṣṭaśataṃ kailāsaṃ bhūsahasrakam catvāriṃśacca dviśataṃ vāyavīyamataḥ param
one thousand one hundred and forty-eight for the Kailāsa; and thereafter the Vāyavīya, two hundred and forty,
AI translation rendered from the Sanskrit, not a published edition — the model flagged this verse as uncertain
SiP 7.1 1.64
चतुस्साहस्रसंख्याकमेवं संख्याविभेदतः श्रुतम्परमपुण्यन्तु पुराणं शिवसंज्ञकम्
catussāhasrasaṃkhyākamevaṃ saṃkhyāvibhedataḥ śrutamparamapuṇyantu purāṇaṃ śivasaṃjñakam
amounting to four thousand. Thus, according to the division of the counts, the supremely meritorious Purāṇa named Śiva has been heard.
AI translation rendered from the Sanskrit, not a published edition
SiP 7.1 1.65
चतुःसाहस्रकं यत्तु वायवीयमुदीरितम् तदिदं वर्तयिष्यामि भागद्वयसमन्वितम्
catuḥsāhasrakaṃ yattu vāyavīyamudīritam tadidaṃ vartayiṣyāmi bhāgadvayasamanvitam
And that Vāyavīya which has been declared to be of four thousand — this same I shall relate, together with its two parts.
AI translation rendered from the Sanskrit, not a published edition
SiP 7.1 1.66
नावेदविदुषे वाच्यमिदं शास्त्रमनुत्तमम् न चैवाश्रद्धधानाय नापुराणविदे तथा
nāvedaviduṣe vācyamidaṃ śāstramanuttamam na caivāśraddhadhānāya nāpurāṇavide tathā
This unsurpassed treatise is not to be told to one who does not know the Veda, nor to one lacking faith, nor likewise to one who does not know the Purāṇas.
AI translation rendered from the Sanskrit, not a published edition
SiP 7.1 1.67
परीक्षिताय शिष्याय धार्मिकायानसूयवे प्रदेयं शिवभक्ताय शिवधर्मानुसारिणे
parīkṣitāya śiṣyāya dhārmikāyānasūyave pradeyaṃ śivabhaktāya śivadharmānusāriṇe
It is to be given to a pupil who has been tested, who is righteous, free from envy, devoted to Śiva, and who follows the dharma of Śiva.
AI translation rendered from the Sanskrit, not a published edition
SiP 7.1 1.68
पुराणसंहिता यस्य प्रसादान्मयि वर्तते नमो भगवते तस्मै व्यासायामिततेजसे
purāṇasaṃhitā yasya prasādānmayi vartate namo bhagavate tasmai vyāsāyāmitatejase
Homage to that blessed Vyāsa of measureless splendour, by whose grace the collection of the Purāṇa abides in me.
AI translation rendered from the Sanskrit, not a published edition