Shiva Purana — Uma Samhita — Chapter 27
SiP 5 27.1
देव्युवाच ।। वायोस्तु पदमाप्नोति योगाकाशसमुद्भवम् ।। तन्मे सर्वं समाचक्ष्व प्रसन्नस्त्वं यदि प्रभो
devyuvāca || vāyostu padamāpnoti yogākāśasamudbhavam || tanme sarvaṃ samācakṣva prasannastvaṃ yadi prabho
The Goddess said: (The yogin) attains the station of the wind, which arises from the ether of yoga. Tell me all that, if you are pleased, O Lord.
AI translation rendered from the Sanskrit, not a published edition — the model flagged this verse as uncertain
SiP 5 27.2
।। शंकर उवाच ।। पुरा मे सर्वमाख्यातं योगिनां हितकाम्यया ।। कालं जिगाय यस्सम्यग्वायोर्लिंगं यथा भवेत्
|| śaṃkara uvāca || purā me sarvamākhyātaṃ yogināṃ hitakāmyayā || kālaṃ jigāya yassamyagvāyorliṃgaṃ yathā bhavet
Śaṅkara said: Formerly all was declared by me out of desire for the welfare of yogins — (namely) how the sign of the wind comes about, by which one has fully conquered time.
AI translation rendered from the Sanskrit, not a published edition — the model flagged this verse as uncertain
SiP 5 27.3
तेन ज्ञात्वा दिनं योगी प्राणायामपरः स्थितः ।। स जयत्यागतं कालं मासार्द्धेनैव सुंदरि ।
tena jñātvā dinaṃ yogī prāṇāyāmaparaḥ sthitaḥ || sa jayatyāgataṃ kālaṃ māsārddhenaiva suṃdari |
Knowing the day by that (sign), the yogin, remaining intent on breath-control, conquers time when it has come, in but half a month, O beautiful one.
AI translation rendered from the Sanskrit, not a published edition — the model flagged this verse as uncertain
SiP 5 27.4
हृत्स्थो वायुस्सदा वह्नेर्दीपकस्सोऽनुपावकः ।। स बाह्याभ्यंतरो व्यापी वायुस्सर्वगतो महान्
hṛtstho vāyussadā vahnerdīpakasso'nupāvakaḥ || sa bāhyābhyaṃtaro vyāpī vāyussarvagato mahān
The wind seated in the heart is always the kindler of the fire; it (itself) is not fire. That wind is outer and inner, pervading, going everywhere, great.
AI translation rendered from the Sanskrit, not a published edition — the model flagged this verse as uncertain
SiP 5 27.5
ज्ञानविज्ञानमुत्साहः सर्वं वायोः प्रवर्तते ।। येनेह निर्जितो वायुस्तेन सर्वमिदं जगत् गतागता निवर्तंते चन्द्रसूर्यादयो ग्रहाः ।। अद्यापि न निवर्तंते योगध्यानपरायणाः भुवोर्मध्ये ललाटस्थं बालार्कसमतेजसम्।। तं विदित्वा तु कामांगी क्रीडते कामरूपधृक्
jñānavijñānamutsāhaḥ sarvaṃ vāyoḥ pravartate || yeneha nirjito vāyustena sarvamidaṃ jagat gatāgatā nivartaṃte candrasūryādayo grahāḥ || adyāpi na nivartaṃte yogadhyānaparāyaṇāḥ bhuvormadhye lalāṭasthaṃ bālārkasamatejasam|| taṃ viditvā tu kāmāṃgī krīḍate kāmarūpadhṛk
Knowledge, discernment, energy — all proceeds from the wind. By whom the wind is conquered here, by him (is conquered) this whole world. The moon, the sun and the other planets, having gone, return again; but those devoted to yoga and meditation do not return even now. (There is) that which stands on the forehead between the brows, with radiance like the newly risen sun; knowing it, one whose limbs are lovely sports, bearing whatever form he wishes.
AI translation rendered from the Sanskrit, not a published edition — the model flagged this verse as uncertain
SiP 5 27.6
धारणायां सदा तिष्ठेज्जरामृत्युजिघांसया ।। योगी योगरतः सम्यग्धारणाध्यानतत्परः
dhāraṇāyāṃ sadā tiṣṭhejjarāmṛtyujighāṃsayā || yogī yogarataḥ samyagdhāraṇādhyānatatparaḥ
He should abide always in concentration, with the wish to destroy old age and death — the yogin devoted to yoga, wholly intent on concentration and meditation.
AI translation rendered from the Sanskrit, not a published edition
SiP 5 27.7
लोहकारो यथा भस्त्रामापूर्य्य मुखतो मुने ।। साधयेद्वायुना कर्म तद्वद्योगी समभ्यसेत्
lohakāro yathā bhastrāmāpūryya mukhato mune || sādhayedvāyunā karma tadvadyogī samabhyaset
As a blacksmith, O sage, having filled the bellows from its mouth, accomplishes his work with the air, so should the yogin practise.
AI translation rendered from the Sanskrit, not a published edition
SiP 5 27.8
देवस्सहस्रके नेत्रपादहस्तसहस्रकः ।। ग्रंथीन्हि सर्वमावृत्य सोऽग्रे तिष्ठेद्दशांगुलम्
devassahasrake netrapādahastasahasrakaḥ || graṃthīnhi sarvamāvṛtya so'gre tiṣṭheddaśāṃgulam
The god has a thousand (heads), a thousand eyes, feet and hands; having covered over all the knots, he stands ten fingers in front.
AI translation rendered from the Sanskrit, not a published edition — the model flagged this verse as uncertain
SiP 5 27.9
गायत्रीं शिरसा सार्द्धं जपेद्व्याहृतिपूर्विकाम् ।। त्रिवारमायतप्राणाः प्राणायामस्स उच्यते
gāyatrīṃ śirasā sārddhaṃ japedvyāhṛtipūrvikām || trivāramāyataprāṇāḥ prāṇāyāmassa ucyate
One should recite the Gāyatrī together with the 'head' (śiras) formula, preceded by the vyāhṛtis, three times with the breaths extended: that is called prāṇāyāma.
AI translation rendered from the Sanskrit, not a published edition
SiP 5 27.11
शतमब्दं तपस्तप्त्वा कुशाग्रापः पिबेद्द्विजः ।। तदाप्नोति फलं देवि विप्राणां धारणैकया
śatamabdaṃ tapastaptvā kuśāgrāpaḥ pibeddvijaḥ || tadāpnoti phalaṃ devi viprāṇāṃ dhāraṇaikayā
A twice-born who, having practised austerity for a hundred years, drinks water from the tips of kuśa grass — that fruit, O Goddess, brahmins obtain by a single concentration (of breath).
AI translation rendered from the Sanskrit, not a published edition
SiP 5 27.12
यो द्विजः कल्यमुत्थाय प्राणायामैकमाचरेत् ।। सर्वं पापं निहंत्याशु ब्रह्मलोकं स गच्छति
yo dvijaḥ kalyamutthāya prāṇāyāmaikamācaret || sarvaṃ pāpaṃ nihaṃtyāśu brahmalokaṃ sa gacchati
The twice-born who, rising at dawn, performs a single prāṇāyāma, quickly destroys all sin and goes to the world of Brahmā.
AI translation rendered from the Sanskrit, not a published edition
SiP 5 27.13
योऽतंद्रितस्सदैकांते प्रणायामपरो भवेत् ।। जरां मृत्युं विनिर्जित्य वायुगः खेचरीति सः
yo'taṃdritassadaikāṃte praṇāyāmaparo bhavet || jarāṃ mṛtyuṃ vinirjitya vāyugaḥ khecarīti saḥ
He who, unwearied, is always intent on breath-control in solitude, having wholly conquered old age and death, moves with the wind — he is a sky-goer.
AI translation rendered from the Sanskrit, not a published edition
SiP 5 27.14
सिद्धस्य भजते रूपं कांतिं मेधां पराक्रमम् ।। शौर्यं वायुसमो गत्या सौख्यं श्लाघ्यं परं सुखम्
siddhasya bhajate rūpaṃ kāṃtiṃ medhāṃ parākramam || śauryaṃ vāyusamo gatyā saukhyaṃ ślāghyaṃ paraṃ sukham
He attains the form of a Siddha, radiance, intelligence, prowess, valor, motion equal to the wind, ease, praiseworthy and supreme happiness.
AI translation rendered from the Sanskrit, not a published edition
SiP 5 27.15
एतत्कथितमशेषं वायोस्सिद्धिं यदाप्नुते योगी ।। यत्तेजसोऽपि लभते तत्ते वक्ष्यामि देवेशि
etatkathitamaśeṣaṃ vāyossiddhiṃ yadāpnute yogī || yattejaso'pi labhate tatte vakṣyāmi deveśi
All this has been told—the mastery of wind which the yogī attains; what he gains from fire (tejas) too, that I shall declare to you, O mistress of the gods.
AI translation rendered from the Sanskrit, not a published edition
SiP 5 27.16
स्थित्वा सुखासने स्वे शेते जनवचनहीने तु ।। शशिरवियुतया तेजः प्रकाशयन्मध्यमे देशे
sthitvā sukhāsane sve śete janavacanahīne tu || śaśiraviyutayā tejaḥ prakāśayanmadhyame deśe
Seated in his comfortable posture, he lies down in a place free of people and talk, and with (the channels of) moon and sun joined, making the light shine in the middle region.
AI translation rendered from the Sanskrit, not a published edition — the model flagged this verse as uncertain
SiP 5 27.17
वह्निगतं भ्रूमध्ये प्रकाशते यस्त्वतंद्रितो योगी ।। दीपहीनध्वांत पश्येन्न्यूनमसंशयं लोके
vahnigataṃ bhrūmadhye prakāśate yastvataṃdrito yogī || dīpahīnadhvāṃta paśyennyūnamasaṃśayaṃ loke
The yogī who, unwearied, makes the fire shine between the brows will surely see, at the least, in darkness without a lamp, in this world.
AI translation rendered from the Sanskrit, not a published edition — the model flagged this verse as uncertain
SiP 5 27.18
नेत्रे करशाखाभिः किंचित्संपीड्य यत्नतो योगी ।। तारं पश्यन्ध्यायेन्मुहूर्तमर्द्धं तमेकभावोऽपि
netre karaśākhābhiḥ kiṃcitsaṃpīḍya yatnato yogī || tāraṃ paśyandhyāyenmuhūrtamarddhaṃ tamekabhāvo'pi
The yogī, pressing the eyes a little with his fingers with effort, gazing at the pupil, should meditate for half a muhūrta, he too being of single intent.
AI translation rendered from the Sanskrit, not a published edition — the model flagged this verse as uncertain
SiP 5 27.19
ततस्तु तमसि ध्यायन्पश्यते ज्योतिरैश्वरम्।। श्वेतं रक्तं तथा पीतं कृष्णमिन्द्रधनुष्प्रभम्
tatastu tamasi dhyāyanpaśyate jyotiraiśvaram|| śvetaṃ raktaṃ tathā pītaṃ kṛṣṇamindradhanuṣprabham
Then, meditating in the darkness, he sees the lordly light: white, red, and yellow, black, and with the sheen of a rainbow.
AI translation rendered from the Sanskrit, not a published edition
SiP 5 27.21
कारणप्रशमावेशं परकायप्रवेशनम् ।। अणिमादिगुणावाप्तिर्मनसा चावलोकनम्
kāraṇapraśamāveśaṃ parakāyapraveśanam || aṇimādiguṇāvāptirmanasā cāvalokanam
Entry into the quiescence of the cause, entering into another's body, the attainment of the qualities beginning with minuteness, and beholding (things) by the mind alone;
AI translation rendered from the Sanskrit, not a published edition — the model flagged this verse as uncertain
SiP 5 27.22
दूरश्रवण विज्ञानमदृश्यं बहुरूपधृक् ।। सतताभ्यासयोगेन खेचरत्वं प्रजायते
dūraśravaṇa vijñānamadṛśyaṃ bahurūpadhṛk || satatābhyāsayogena khecaratvaṃ prajāyate
hearing from afar, knowledge, invisibility, assuming many forms—by the practice of constant discipline, the state of moving through the sky arises.
AI translation rendered from the Sanskrit, not a published edition
SiP 5 27.23
श्रुताध्ययनसंपन्ना नानाशास्त्रविशारदाः।। ज्ञानिनोऽपि विमुह्यंते पूर्वकर्मवशानुगाः
śrutādhyayanasaṃpannā nānāśāstraviśāradāḥ|| jñānino'pi vimuhyaṃte pūrvakarmavaśānugāḥ
Endowed with hearing and study, expert in many treatises, even the wise are deluded, following in the power of former deeds.
AI translation rendered from the Sanskrit, not a published edition
SiP 5 27.24
पश्यंतोऽपि न पश्यंति शृण्वाना बधिरा यथा ।। यथांधा मानुषा लोके मूढाः पापविमोहिताः
paśyaṃto'pi na paśyaṃti śṛṇvānā badhirā yathā || yathāṃdhā mānuṣā loke mūḍhāḥ pāpavimohitāḥ
Though seeing they do not see, though hearing they are as the deaf; like blind men are people in this world, dull, bewildered by sin.
AI translation rendered from the Sanskrit, not a published edition
SiP 5 27.25
वेदाहमेतं पुरुषं महांतमादित्यवर्णं तमसः परस्तात् ।। तमेव विदित्वातिमृत्युमेति नान्यः पंथा विद्यते प्रायणायः
vedāhametaṃ puruṣaṃ mahāṃtamādityavarṇaṃ tamasaḥ parastāt || tameva viditvātimṛtyumeti nānyaḥ paṃthā vidyate prāyaṇāyaḥ
I know this great Person, sun-colored, beyond the darkness; knowing him alone one passes beyond death—no other path is found for going.
AI translation rendered from the Sanskrit, not a published edition
SiP 5 27.26
एष ते कथितः सम्यक्तेजसो विधिरुत्तमः ।। कालं जित्वा यथा योगी चामरत्वं प्रपद्यते
eṣa te kathitaḥ samyaktejaso vidhiruttamaḥ || kālaṃ jitvā yathā yogī cāmaratvaṃ prapadyate
This excellent rule concerning fire (tejas) has been rightly told to you—how the yogī, conquering time, attains immortality.
AI translation rendered from the Sanskrit, not a published edition
SiP 5 27.27
पुनः परतरं वक्ष्ये यथा मृत्युर्न जायते ।। सावधानतया देवि शृणुष्वैकाग्रमानसा
punaḥ parataraṃ vakṣye yathā mṛtyurna jāyate || sāvadhānatayā devi śṛṇuṣvaikāgramānasā
Again I shall declare something higher, by which death does not come to be; with care, O Goddess, listen with a one-pointed mind.
AI translation rendered from the Sanskrit, not a published edition
SiP 5 27.28
तुरीया देवि भूतानां योगिनां ध्यानिनां तथा ।। सुखासने यथास्थानं योगी नियतमानसः
turīyā devi bhūtānāṃ yogināṃ dhyānināṃ tathā || sukhāsane yathāsthānaṃ yogī niyatamānasaḥ
The fourth (state), O Goddess, of beings, and likewise of yogīs and meditators: the yogī, with restrained mind, in his place on a comfortable seat,
AI translation rendered from the Sanskrit, not a published edition — the model flagged this verse as uncertain
SiP 5 27.29
समुन्नतशरीरोऽपि स बद्ध्वा करसंपुटम् ।। चञ्च्वाकारेण वक्त्रेण पिबन्वायुं शनैश्शनैः
samunnataśarīro'pi sa baddhvā karasaṃpuṭam || cañcvākāreṇa vaktreṇa pibanvāyuṃ śanaiśśanaiḥ
with body held erect, having formed a cupped hollow of the hands, drinking the air little by little with the mouth shaped like a beak—
AI translation rendered from the Sanskrit, not a published edition
SiP 5 27.31
पिबन्ननुदिनं योगी न मृत्युवशगो भवेत् ।। दिव्यकायो महातेजाः पिपासा क्षुद्विवर्जितः
pibannanudinaṃ yogī na mṛtyuvaśago bhavet || divyakāyo mahātejāḥ pipāsā kṣudvivarjitaḥ
the yogī, drinking daily, does not fall under the power of death: with a divine body, of great splendor, free from thirst and hunger.
AI translation rendered from the Sanskrit, not a published edition
SiP 5 27.32
बलेन नागस्तुरगो जवेन दृष्ट्या सुपर्णस्सुश्रुतिस्तु दूरात् ।। आकुंचिताकुंडलिकृष्णकेशो गंधर्वविद्याधरतुल्यवर्णः
balena nāgasturago javena dṛṣṭyā suparṇassuśrutistu dūrāt || ākuṃcitākuṃḍalikṛṣṇakeśo gaṃdharvavidyādharatulyavarṇaḥ
In strength an elephant, in speed a horse, in sight an eagle, and in hearing (able to hear) from afar; with curling, coiling black hair, of a hue equal to a Gandharva or Vidyādhara.
AI translation rendered from the Sanskrit, not a published edition
SiP 5 27.33
जीवेन्नरो वर्षशतं सुराणां सुमेधसा वाक्पतिना समत्वम्।। एवं चरन् खेचरतां प्रयाति यथेष्टचारी सुखितस्सदैव
jīvennaro varṣaśataṃ surāṇāṃ sumedhasā vākpatinā samatvam|| evaṃ caran khecaratāṃ prayāti yatheṣṭacārī sukhitassadaiva
The man would live a hundred years of the gods, with an equality to the lord of speech in fine intelligence; faring thus he attains the state of moving through the sky, going where he wishes, ever happy.
AI translation rendered from the Sanskrit, not a published edition
SiP 5 27.34
पुनरन्यत्प्रवक्ष्णमि विधानं यत्सुरैरपि ।। गोपितं तु प्रयत्नेन तच्छृणुष्व वरानने
punaranyatpravakṣṇami vidhānaṃ yatsurairapi || gopitaṃ tu prayatnena tacchṛṇuṣva varānane
Again I shall declare another procedure, which is carefully kept hidden even by the gods; hear that, O fair-faced one.
AI translation rendered from the Sanskrit, not a published edition
SiP 5 27.35
समाकुंच्याभ्यसेद्योगी रसनां तालुकं प्रति ।। किंचित्कालांतरेणैव क्रमात्प्राप्नोति लंबिकाम्
samākuṃcyābhyasedyogī rasanāṃ tālukaṃ prati || kiṃcitkālāṃtareṇaiva kramātprāpnoti laṃbikām
Curling (the tongue) back, the yogī should practice (pressing) the tongue toward the palate; after only a little while he gradually reaches the uvula.
AI translation rendered from the Sanskrit, not a published edition
SiP 5 27.36
ततः प्रस्रवते सा तु संस्पृष्टा शीतलां सुधाम् ।। पिबन्नेव सदा योगी सोऽमरत्वं हि गच्छति
tataḥ prasravate sā tu saṃspṛṣṭā śītalāṃ sudhām || pibanneva sadā yogī so'maratvaṃ hi gacchati
Then, being touched, she streams forth cool nectar; the yogin, ever drinking it, goes indeed to immortality.
AI translation rendered from the Sanskrit, not a published edition
SiP 5 27.37
रेफाग्रं लंबकाग्रं करतलघटनं शुभ्रपद्मस्य बिन्दोस्तेनाकृष्टा सुधेयं पतति परपदे देवतानंदकारी ।। सारं संसारतारं कृतकलुषतरं कालतारं सतारं येनेदं प्लावितांगं स भवति न मृतः क्षुत्पिपासाविहीनः
rephāgraṃ laṃbakāgraṃ karatalaghaṭanaṃ śubhrapadmasya bindostenākṛṣṭā sudheyaṃ patati parapade devatānaṃdakārī || sāraṃ saṃsāratāraṃ kṛtakaluṣataraṃ kālatāraṃ satāraṃ yenedaṃ plāvitāṃgaṃ sa bhavati na mṛtaḥ kṣutpipāsāvihīnaḥ
The tip of the letter ra, the tip of the uvula, the joining of the palm, of the drop of the white lotus — drawn by that, this nectar falls into the supreme station, causing delight to the gods. It is the essence, the ferry across saṃsāra, that which makes (impurity) most impure, the ferry across Time, having the crossing-sound: he by whom this body is flooded (with it) does not die, and is free of hunger and thirst.
AI translation rendered from the Sanskrit, not a published edition — the model flagged this verse as uncertain
SiP 5 27.38
प्रस्रवंति क्षणादापस्तालुस्था जीवदायिकाः ।। ता जिघ्रेद्वायुनादायामृतं तच्छीतलं जलम् एभिर्युक्ता चतुर्भिः क्षितिधरतनये योगिभिर्वै धरैषा धैर्य्यान्नित्यं कुतोऽन्तं सकलमपि जगद्यत्सुखप्रापणाय।। स्वप्ने देही विधत्ते सकलमपि सदा मानयन्यच्च दुःखं स्वर्गे ह्येवं धरित्र्याः प्रभवति च ततो वा स किञ्चिच्चतुर्णाम्
prasravaṃti kṣaṇādāpastālusthā jīvadāyikāḥ || tā jighredvāyunādāyāmṛtaṃ tacchītalaṃ jalam ebhiryuktā caturbhiḥ kṣitidharatanaye yogibhirvai dharaiṣā dhairyyānnityaṃ kuto'ntaṃ sakalamapi jagadyatsukhaprāpaṇāya|| svapne dehī vidhatte sakalamapi sadā mānayanyacca duḥkhaṃ svarge hyevaṃ dharitryāḥ prabhavati ca tato vā sa kiñciccaturṇām
In an instant the waters, life-giving, situated in the palate, stream forth; taking them up with the breath, he should inhale that nectar, that cool water. O daughter of the mountain, this earth is held by yogins joined with these four, always through steadfastness — whence an end? — the whole world too, for the attainment of that happiness. In a dream the embodied one produces everything, ever honouring; and whatever pain there is in heaven, thus it arises from the earth, and thence he (obtains) something of the four.
AI translation rendered from the Sanskrit, not a published edition — the model flagged this verse as uncertain
SiP 5 27.39
तस्मान्मंत्रैस्तपोभिर्व्रतनियमयुतैरौषधैर्योगयुक्ता धात्री रक्ता मनुष्यैर्नयविनययुतैर्धर्मविद्भिः क्रमेण ।। भूतानामादि देवो न हि भवति चलः संयुतो वै चतुर्णां तस्मादेवं प्रवक्ष्ये विधिमनुगदितं छायिकं यच्छिवाख्यम्
tasmānmaṃtraistapobhirvrataniyamayutairauṣadhairyogayuktā dhātrī raktā manuṣyairnayavinayayutairdharmavidbhiḥ krameṇa || bhūtānāmādi devo na hi bhavati calaḥ saṃyuto vai caturṇāṃ tasmādevaṃ pravakṣye vidhimanugaditaṃ chāyikaṃ yacchivākhyam
Therefore the earth, joined with yoga, is made pleasing gradually by men who know dharma, who are endowed with policy and modesty, by means of mantras, austerities, vows and observances, and medicines; the primal god of beings does not become unsteady, being joined indeed with the four. Therefore I shall thus declare the rule as it has been handed down, the shadow-rule which is called Śiva's.
AI translation rendered from the Sanskrit, not a published edition — the model flagged this verse as uncertain