Shiva Purana — Uma Samhita — Chapter 23
SiP 5 23.1
सनत्कुमार उवाच ।। शृणु व्यास महाबुद्धे देहस्याशुचितां मुने ।। महत्त्वं च स्वभावस्य समासात्कथयाम्यहम्
sanatkumāra uvāca || śṛṇu vyāsa mahābuddhe dehasyāśucitāṃ mune || mahattvaṃ ca svabhāvasya samāsātkathayāmyaham
Sanatkumāra said: Listen, Vyāsa of great intellect, O sage, to the impurity of the body; and I shall tell you in brief the greatness of (its) nature.
AI translation rendered from the Sanskrit, not a published edition
SiP 5 23.2
शुक्रशोणितसंयोगाद्देहस्संजायते यतः।। नित्यं विण्मूत्रसंपूर्णस्तेनायमशुचिस्स्मृतः
śukraśoṇitasaṃyogāddehassaṃjāyate yataḥ|| nityaṃ viṇmūtrasaṃpūrṇastenāyamaśucissmṛtaḥ
Since the body comes into being from the union of semen and blood, and is always full of feces and urine, therefore it is held to be impure.
AI translation rendered from the Sanskrit, not a published edition
SiP 5 23.3
यथांतर्विष्ठया पूर्णश्शुचिमान्न बहिर्घटः ।। शोध्यमानो हि देहोऽयं तेनायमशुचिस्ततः
yathāṃtarviṣṭhayā pūrṇaśśucimānna bahirghaṭaḥ || śodhyamāno hi deho'yaṃ tenāyamaśucistataḥ
Just as a pot filled inside with excrement is not clean (merely) because it is (clean) outside, so this body, though being cleansed, is for that reason impure.
AI translation rendered from the Sanskrit, not a published edition
SiP 5 23.4
संप्राप्यातिपवित्राणि पंचगव्यहवींषि चा। अशुचित्वं क्षणाद्यांति किमन्यदशुचिस्ततः
saṃprāpyātipavitrāṇi paṃcagavyahavīṃṣi cā| aśucitvaṃ kṣaṇādyāṃti kimanyadaśucistataḥ
Even the most purifying things, the five products of the cow and the oblations, on reaching (this body) become impure in an instant — what else could be more impure than it?
AI translation rendered from the Sanskrit, not a published edition
SiP 5 23.5
हृद्यान्यप्यन्नपानानि यं प्राप्य सुरभीणि च ।। अशुचित्वं प्रयांत्याशु किमन्यदशुचिस्ततः सृष्ट्वात्मदेहस्रोतांसि मृत्तोयैः शोध्यते करः ।। तथाप्यशुचिभांडस्य न विभ्रश्यति किं करः अंतर्भावप्रदुष्टस्य विशतोऽपि हुताशनम् ।। न स्वर्गो नापवर्गश्च देहनिर्दहनं परम् ज्ञानामलांभसा पुंसां सद्वैराग्यमृदा पुनः ।। अविद्यारागविण्मूत्रलेपगंधविशोधनम् स्मृतिभ्रंशात्ततस्तस्य स्मृतिर्न्नोऽपूर्वकर्मणः।। रतिः संजायते तूर्णं जन्तोस्तत्रैव जन्मनि कौमारे कर्णपीडायां मातापित्रोश्च साधनः ।। अक्षराध्ययनाद्यैश्च नानादुःखं प्रवर्तते सम्माननावमानाभ्यां वियोगेनेष्टसंगमात् ।। यौवनं जरया ग्रस्तं क्व सौख्यमनुपद्रवम्
hṛdyānyapyannapānāni yaṃ prāpya surabhīṇi ca || aśucitvaṃ prayāṃtyāśu kimanyadaśucistataḥ sṛṣṭvātmadehasrotāṃsi mṛttoyaiḥ śodhyate karaḥ || tathāpyaśucibhāṃḍasya na vibhraśyati kiṃ karaḥ aṃtarbhāvapraduṣṭasya viśato'pi hutāśanam || na svargo nāpavargaśca dehanirdahanaṃ param jñānāmalāṃbhasā puṃsāṃ sadvairāgyamṛdā punaḥ || avidyārāgaviṇmūtralepagaṃdhaviśodhanam smṛtibhraṃśāttatastasya smṛtirnno'pūrvakarmaṇaḥ|| ratiḥ saṃjāyate tūrṇaṃ jantostatraiva janmani kaumāre karṇapīḍāyāṃ mātāpitrośca sādhanaḥ || akṣarādhyayanādyaiśca nānāduḥkhaṃ pravartate sammānanāvamānābhyāṃ viyogeneṣṭasaṃgamāt || yauvanaṃ jarayā grastaṃ kva saukhyamanupadravam
Even foods and drinks that are pleasing and fragrant, on reaching which they quickly become impure — what else could be more impure than it? Having made (i.e. emptied) the passages of one's own body, the hand is cleansed with earth and water; yet even so, does the hand of (this) vessel of impurity not lose (its taint)? For one whose inner disposition is corrupt, even entering the fire (brings) neither heaven nor release: it is nothing more than the burning up of the body. But by the pure water of knowledge and by the earth of true dispassion there is a thorough cleansing of the smell of the smeared-on feces and urine of ignorance and passion. Then, through the lapse of memory, that (creature) has no recollection of its former deeds, and attachment quickly arises in the creature in that very birth. In childhood there is the piercing of the ears and the discipline (imposed) by mother and father, and through learning letters and the like manifold suffering arises. Through honor and dishonor, through separation and through union with what is desired — (and finally) youth is swallowed by old age: where is there happiness free of affliction?
AI translation rendered from the Sanskrit, not a published edition — the model flagged this verse as uncertain
SiP 5 23.6
हे जनाः किन्न पश्यंति यन्निर्याति दिनेदिने ।। स्वदेहात्कश्मलं पूतिस्तदाधारः कथं शुचिः
he janāḥ kinna paśyaṃti yanniryāti dinedine || svadehātkaśmalaṃ pūtistadādhāraḥ kathaṃ śuciḥ
O people, why do you not see the filth, the stench, that flows out day after day from your own body? How can its container be pure?
AI translation rendered from the Sanskrit, not a published edition
SiP 5 23.7
देहस्संशोध्यमानोऽपि पंचगव्यकुशांबुभिः ।। घृष्यमाण इवांगारो निर्मलत्वं न गच्छति
dehassaṃśodhyamāno'pi paṃcagavyakuśāṃbubhiḥ || ghṛṣyamāṇa ivāṃgāro nirmalatvaṃ na gacchati
The body, even when being cleansed with the five cow-products and with kuśa-grass and water, does not attain spotlessness, like a coal being scrubbed.
AI translation rendered from the Sanskrit, not a published edition
SiP 5 23.8
स्रोतांसि यस्य सततं प्रभवंति गिरेरिव ।। कफमूत्रपुरीषाद्यैस्स देहश्शुध्यते कथम्
srotāṃsi yasya satataṃ prabhavaṃti gireriva || kaphamūtrapurīṣādyaissa dehaśśudhyate katham
That body whose streams flow forth ceaselessly, as from a mountain, with phlegm, urine, feces and the rest — how can it be made clean?
AI translation rendered from the Sanskrit, not a published edition
SiP 5 23.9
सर्वाशुचिनिधानस्य शरीरस्य न विद्यते ।। शुचिरेकः प्रदेशोऽपि विण्मूत्रस्य दृतेरिव
sarvāśucinidhānasya śarīrasya na vidyate || śucirekaḥ pradeśo'pi viṇmūtrasya dṛteriva
In the body, that repository of all that is impure, there is not even one spot that is clean, as in a bag (of skin) of feces and urine.
AI translation rendered from the Sanskrit, not a published edition
SiP 5 23.11
कायस्सुगंधधूपाद्यैर्य न्नेनापि सुसंस्कृतः ।। न जहाति स्वभावं स श्वपुच्छमिव नामितम्
kāyassugaṃdhadhūpādyairya nnenāpi susaṃskṛtaḥ || na jahāti svabhāvaṃ sa śvapucchamiva nāmitam
The body, however well it is treated with sweet scents, incense and the like, does not abandon its own nature, like a dog's tail that has been bent (straight).
AI translation rendered from the Sanskrit, not a published edition
SiP 5 23.12
यथा जात्यैव कृष्णोर्थः शुक्लस्स्यान्न ह्युपायतः।। संशोद्ध्यमानापि तथा भवेन्मूर्तिर्न निर्मला
yathā jātyaiva kṛṣṇorthaḥ śuklassyānna hyupāyataḥ|| saṃśoddhyamānāpi tathā bhavenmūrtirna nirmalā
Just as a thing black by its very birth cannot become white by any means, so a body, even when being thoroughly cleansed, does not become spotless.
AI translation rendered from the Sanskrit, not a published edition
SiP 5 23.13
जिघ्रन्नपि स्वदुर्गंधं पश्यन्नपि स्वकं मलम् ।। न विरज्येत लोकोऽयं पीडयन्नपि नासिकाम्
jighrannapi svadurgaṃdhaṃ paśyannapi svakaṃ malam || na virajyeta loko'yaṃ pīḍayannapi nāsikām
Though smelling its own foul odor, though seeing its own filth, though it (even) pains the nose, these people would not become dispassionate.
AI translation rendered from the Sanskrit, not a published edition
SiP 5 23.14
अहो मोहस्य माहात्म्यं येनेदं छादितं जगत् ।। शीघ्रं पश्यन्स्वकं दोषं कायस्य न विरज्यते
aho mohasya māhātmyaṃ yenedaṃ chāditaṃ jagat || śīghraṃ paśyansvakaṃ doṣaṃ kāyasya na virajyate
Ah, the greatness of delusion, by which this world is covered over! Though he plainly sees the defect of his own body, he does not become dispassionate.
AI translation rendered from the Sanskrit, not a published edition
SiP 5 23.15
स्वदेहस्य विगंधेन न विरज्येत यो नरः ।। विरागकारणं तस्य किमेतदुपदिश्यते
svadehasya vigaṃdhena na virajyeta yo naraḥ || virāgakāraṇaṃ tasya kimetadupadiśyate
The man who would not become dispassionate at the stench of his own body — why is this cause of dispassion being taught to him (at all)?
AI translation rendered from the Sanskrit, not a published edition
SiP 5 23.16
सर्वस्यैव जगन्मध्ये देह एवाशुचिर्भवेत् ।। तन्मलावयवस्पर्शाच्छुचिरप्यशुचिर्भवेत्
sarvasyaiva jaganmadhye deha evāśucirbhavet || tanmalāvayavasparśācchucirapyaśucirbhavet
In the whole world it is the body alone that is impure; by contact with a part of its filth even what is clean becomes unclean.
AI translation rendered from the Sanskrit, not a published edition
SiP 5 23.17
गंधलेपापनोदार्थ शौचं देहस्य कीर्तितम् ।। द्वयस्यापगमाच्छुद्धिश्शुद्धस्पर्शाद्विशुध्यति
gaṃdhalepāpanodārtha śaucaṃ dehasya kīrtitam || dvayasyāpagamācchuddhiśśuddhasparśādviśudhyati
The cleansing of the body is declared to be for the purpose of removing the smell and the smear; purity comes from the removal of both, and one is purified by contact with what is pure.
AI translation rendered from the Sanskrit, not a published edition
SiP 5 23.18
गंगातोयेन सर्वेण मृद्भारैः पर्वतोपमैः ।। आमृत्योराचरेच्छौचं भावदुष्टो न शुध्यति
gaṃgātoyena sarveṇa mṛdbhāraiḥ parvatopamaiḥ || āmṛtyorācarecchaucaṃ bhāvaduṣṭo na śudhyati
Though one performed cleansing until death with all the water of the Ganges and with loads of earth as great as mountains, one whose disposition is corrupt is not purified.
AI translation rendered from the Sanskrit, not a published edition
SiP 5 23.19
तीर्थस्नानैस्तपोभिर्वा दुष्टात्मा नैव शुध्यति ।। श्वदृतिः क्षालिता तीर्थे किं शुद्धिमधिगच्छति
tīrthasnānaistapobhirvā duṣṭātmā naiva śudhyati || śvadṛtiḥ kṣālitā tīrthe kiṃ śuddhimadhigacchati
By bathing at holy fords or by austerities an evil-natured man is not purified at all: does a dog-skin bag, washed at a sacred ford, attain purity?
AI translation rendered from the Sanskrit, not a published edition
SiP 5 23.21
सर्वेण गांगेन जलेन सम्यङ् मृत्पर्वतेनाप्यथ भावदुष्टः ।। आजन्मनः स्नानपरो मनुष्यो न शुध्यतीत्येव वयं वदामः
sarveṇa gāṃgena jalena samyaṅ mṛtparvatenāpyatha bhāvaduṣṭaḥ || ājanmanaḥ snānaparo manuṣyo na śudhyatītyeva vayaṃ vadāmaḥ
Even with all the water of the Ganges and with a mountain of earth, a man corrupt in disposition, devoted to bathing from birth onward, is not purified — just this we declare.
AI translation rendered from the Sanskrit, not a published edition
SiP 5 23.22
प्रज्वाल्य वह्निं घृततैलसिक्तं प्रदक्षिणावर्तशिखं महांतम् ।। प्रविश्य दग्धस्त्वपि भावदुष्टो न धर्ममाप्नोति फलं न चान्यत
prajvālya vahniṃ ghṛtatailasiktaṃ pradakṣiṇāvartaśikhaṃ mahāṃtam || praviśya dagdhastvapi bhāvaduṣṭo na dharmamāpnoti phalaṃ na cānyata
Having kindled a great fire soaked with ghee and oil, its flames whirling to the right, even if he enters it and is burned, one corrupt in disposition gains neither merit nor any other fruit.
AI translation rendered from the Sanskrit, not a published edition
SiP 5 23.23
गंगादितीर्थेषु वसंति मत्स्या देवालये पक्षिगणाश्च नित्यम् ।। भावोज्झितास्ते न फलं लभंते तीर्थावगाहाच्च तथैव दानात्
gaṃgāditīrtheṣu vasaṃti matsyā devālaye pakṣigaṇāśca nityam || bhāvojjhitāste na phalaṃ labhaṃte tīrthāvagāhācca tathaiva dānāt
Fish dwell in the sacred fords such as the Ganges, and flocks of birds dwell always in temples; devoid of (right) feeling, they gain no fruit — and just so (there is none) from bathing at fords or from giving.
AI translation rendered from the Sanskrit, not a published edition
SiP 5 23.24
भावशुद्धिः परं शौचं प्रमाणे सर्वकर्मसु ।। अन्यथाऽऽलिंग्यते कांता भावेन दुहितान्यथा
bhāvaśuddhiḥ paraṃ śaucaṃ pramāṇe sarvakarmasu || anyathā''liṃgyate kāṃtā bhāvena duhitānyathā
Purity of feeling is the highest purity, the measure in all actions; for with one feeling a wife is embraced, with another a daughter.
AI translation rendered from the Sanskrit, not a published edition
SiP 5 23.25
मनसो भिद्यते वृत्तिरभिन्नेष्वपि वस्तुषु ।। अन्यथैव सुतं नारी चिन्तयत्यन्यथा पतिम्
manaso bhidyate vṛttirabhinneṣvapi vastuṣu || anyathaiva sutaṃ nārī cintayatyanyathā patim
The mind's activity is divided even when the objects are not different: a woman thinks of her son in one way, of her husband in another.
AI translation rendered from the Sanskrit, not a published edition
SiP 5 23.26
पश्यध्वमस्य भावस्य महाभाग्यमशेषतः ।। परिष्वक्तोपि यन्नार्य्या भावहीनं न कामयेत्
paśyadhvamasya bhāvasya mahābhāgyamaśeṣataḥ || pariṣvaktopi yannāryyā bhāvahīnaṃ na kāmayet
Behold in full the great power of this feeling: that even when embraced by a woman, one does not desire her who is without (that) feeling.
AI translation rendered from the Sanskrit, not a published edition — the model flagged this verse as uncertain
SiP 5 23.27
नाद्याद्विविधमन्नाद्यं भक्ष्याणि सुरभीणि च ।। यदि चिंतां समाधत्ते चित्ते कामादिषु त्रिषु
nādyādvividhamannādyaṃ bhakṣyāṇi surabhīṇi ca || yadi ciṃtāṃ samādhatte citte kāmādiṣu triṣu
He would not eat food and drink of many kinds, nor fragrant delicacies, if he fixes his thought upon the three, desire and the rest.
AI translation rendered from the Sanskrit, not a published edition
SiP 5 23.28
गृह्यते तेन भावेन नरो भावाद्विमुच्यते ।। भावतश्शुचि शुद्धात्मा स्वर्गं मोक्षं च विंदति
gṛhyate tena bhāvena naro bhāvādvimucyate || bhāvataśśuci śuddhātmā svargaṃ mokṣaṃ ca viṃdati
By that feeling a man is caught, and by feeling he is released; pure through feeling, cleansed in self, he attains heaven and liberation.
AI translation rendered from the Sanskrit, not a published edition
SiP 5 23.29
भावेनैकात्मशुद्धात्मा दहञ्जुह्वन्स्तुवन्मृतः ।। ज्ञानावाप्तेरवाप्याशु लोकान्सुबहुयाजिनाम्
bhāvenaikātmaśuddhātmā dahañjuhvanstuvanmṛtaḥ || jñānāvāpteravāpyāśu lokānsubahuyājinām
He whose self is one and purified by feeling — burning (offerings), pouring oblations, praising — when dead, by the attainment of knowledge quickly reaches the worlds of those who sacrifice abundantly.
AI translation rendered from the Sanskrit, not a published edition — the model flagged this verse as uncertain
SiP 5 23.31
एवमेतच्छरीरं हि निसर्गादशुचि स्मृतम् ।। त्वङ्मात्रसारं निःसारं कदलीसारसन्निभम्
evametaccharīraṃ hi nisargādaśuci smṛtam || tvaṅmātrasāraṃ niḥsāraṃ kadalīsārasannibham
Thus indeed this body is held to be impure by its very nature, its only substance being skin, without substance, like the pith of a plantain.
AI translation rendered from the Sanskrit, not a published edition
SiP 5 23.32
ज्ञात्वैवं दोषवद्देहं यः प्राज्ञश्शिथिलो भवेत् ।। देह भोगोद्भवाद्भावाच्छमचित्तः प्रसन्नधीः
jñātvaivaṃ doṣavaddehaṃ yaḥ prājñaśśithilo bhavet || deha bhogodbhavādbhāvācchamacittaḥ prasannadhīḥ
Knowing the body thus to be full of defect, the wise man who becomes slack (in attachment), his mind quieted as regards the feeling that arises from bodily enjoyment, his understanding serene —
AI translation rendered from the Sanskrit, not a published edition
SiP 5 23.33
सोऽतिक्रामति संसारं जीवन्मुक्तः प्रजायते ।। संसारं कदलीसारदृढग्राह्यवतिष्ठते ।।
so'tikrāmati saṃsāraṃ jīvanmuktaḥ prajāyate || saṃsāraṃ kadalīsāradṛḍhagrāhyavatiṣṭhate ||
he passes beyond the round of rebirth, he is born as one liberated while living; (otherwise) the round of rebirth stands as if firmly to be grasped, like the pith of a plantain.
AI translation rendered from the Sanskrit, not a published edition — the model flagged this verse as uncertain
SiP 5 23.34
एवमेतन्महाकष्टं जन्म दुःखं प्रकीर्तितम् ।। पुंसामज्ञानदोषेण नानाकार्मवशेन च
evametanmahākaṣṭaṃ janma duḥkhaṃ prakīrtitam || puṃsāmajñānadoṣeṇa nānākārmavaśena ca
Thus this birth, of great hardship, has been declared to be suffering for men, through the fault of ignorance and by the force of their various deeds.
AI translation rendered from the Sanskrit, not a published edition
SiP 5 23.35
श्लोकार्धेन तु वक्ष्यामि यदुक्तं ग्रन्थकोटिभिः ।। ममेति परमं दुःखं न ममेति परं सुखम्
ślokārdhena tu vakṣyāmi yaduktaṃ granthakoṭibhiḥ || mameti paramaṃ duḥkhaṃ na mameti paraṃ sukham
But in half a verse I shall state what has been said in crores of books: "mine" is the supreme suffering, "not mine" the supreme happiness.
AI translation rendered from the Sanskrit, not a published edition
SiP 5 23.36
बहवोपीह राजानः परं लोक मितो गताः ।। निर्ममत्वसमेतास्तु बद्धाश्शतसहस्रशः
bahavopīha rājānaḥ paraṃ loka mito gatāḥ || nirmamatvasametāstu baddhāśśatasahasraśaḥ
Many kings here have gone to the other world; but those possessed of freedom from the sense of "mine" (are) bound by hundreds of thousands.
AI translation rendered from the Sanskrit, not a published edition — the model flagged this verse as uncertain
SiP 5 23.37
गर्भस्थस्य स्मृतिर्यासीत्सा च तस्य प्रणश्यति ।। संमूर्छितेन दुःखेन योनियन्त्रनिपीडनात्
garbhasthasya smṛtiryāsītsā ca tasya praṇaśyati || saṃmūrchitena duḥkhena yoniyantranipīḍanāt
Whatever memory he had while in the womb, that too perishes for him, through the pain that stuns him from being crushed in the machine of the birth-passage.
AI translation rendered from the Sanskrit, not a published edition
SiP 5 23.38
बाह्येन वायुना वास्य मोहसङ्गेन देहिनः ।। स्पृष्टमात्रेण घोरेण ज्वरस्समुपजायते
bāhyena vāyunā vāsya mohasaṅgena dehinaḥ || spṛṣṭamātreṇa ghoreṇa jvarassamupajāyate
Or else, from the outer air, by the touch alone of this embodied one, joined with delusion, a terrible fever arises.
AI translation rendered from the Sanskrit, not a published edition — the model flagged this verse as uncertain
SiP 5 23.39
तेन ज्वारेण महता सम्मोहश्च प्रजायते ।। सम्मूढस्य स्मृतिभ्रंशश्शीघ्रं संजायते पुनः
tena jvāreṇa mahatā sammohaśca prajāyate || sammūḍhasya smṛtibhraṃśaśśīghraṃ saṃjāyate punaḥ
By that great fever bewilderment too arises, and for the bewildered one loss of memory quickly comes about once more.
AI translation rendered from the Sanskrit, not a published edition
SiP 5 23.41
रक्तो मूढश्च लोकोऽयं न कार्य्ये सम्प्रवर्तते ।। न चात्मानं विजानाति न परं न च दैवतम्
rakto mūḍhaśca loko'yaṃ na kāryye sampravartate || na cātmānaṃ vijānāti na paraṃ na ca daivatam
Attached and bewildered, this world does not set about what should be done; it knows neither itself, nor another, nor a deity.
AI translation rendered from the Sanskrit, not a published edition
SiP 5 23.42
न शृणोति परं श्रेयस्सति कर्णेऽपि सन्मुने ।। न पश्यति परं श्रेयस्सति चक्षुषि तत्क्षमे
na śṛṇoti paraṃ śreyassati karṇe'pi sanmune || na paśyati paraṃ śreyassati cakṣuṣi tatkṣame
He does not hear the highest good, though the ear is there, O good sage; he does not see the highest good, though the eye is there and fit for it.
AI translation rendered from the Sanskrit, not a published edition
SiP 5 23.43
समे पथि शनैर्गच्छन् स्खलतीव पदेपदे ।। सत्यां बुद्धौ न जानाति बोध्यमानो बुधैरपि
same pathi śanairgacchan skhalatīva padepade || satyāṃ buddhau na jānāti bodhyamāno budhairapi
Walking slowly on level ground he stumbles, as it were, at every step; though understanding is there he does not understand, even when instructed by the wise.
AI translation rendered from the Sanskrit, not a published edition
SiP 5 23.44
संसारे क्लिश्यते तेन गर्भलोभवशानुगः ।। गर्भस्मृतेन पापेन समुज्झितमतिः पुमान्
saṃsāre kliśyate tena garbhalobhavaśānugaḥ || garbhasmṛtena pāpena samujjhitamatiḥ pumān
Thereby he is tormented in the round of rebirth, following the sway of craving for the womb — a man whose mind has been wholly cast away by the sin recollected from the womb.
AI translation rendered from the Sanskrit, not a published edition — the model flagged this verse as uncertain
SiP 5 23.45
इत्थं महत्परं दिव्यं शास्त्रमुक्तं शिवेन तु ।। तपसः कथनार्थाय स्वर्गमोक्षप्रसाधनम्
itthaṃ mahatparaṃ divyaṃ śāstramuktaṃ śivena tu || tapasaḥ kathanārthāya svargamokṣaprasādhanam
Thus this great, supreme, divine teaching has been declared by Śiva, for the sake of expounding ascetic practice, (a teaching) that accomplishes heaven and liberation.
AI translation rendered from the Sanskrit, not a published edition
SiP 5 23.46
ये सत्यस्मिच्छिवे ज्ञाने सर्वकामार्थ साधने ।। न कुर्वन्त्यात्मनः श्रेयस्तदत्र महदद्भुतम्
ye satyasmicchive jñāne sarvakāmārtha sādhane || na kurvantyātmanaḥ śreyastadatra mahadadbhutam
Those who, when this true and auspicious knowledge, which accomplishes every desire and aim, is (at hand), do not bring about their own welfare — that is a great wonder in this (world).
AI translation rendered from the Sanskrit, not a published edition — the model flagged this verse as uncertain
SiP 5 23.47
अव्यक्तेन्द्रियवृत्तित्वाद्बाल्ये दुःखं महत्पुनः ।। इच्छन्नपि न शक्नोति वक्तुं कर्त्तुं प्रतिक्रियाम्
avyaktendriyavṛttitvādbālye duḥkhaṃ mahatpunaḥ || icchannapi na śaknoti vaktuṃ karttuṃ pratikriyām
In childhood, again, (there is) great suffering, because the working of the senses is unmanifest; even though he wishes it, he is unable to speak or to take any counter-measure.
AI translation rendered from the Sanskrit, not a published edition
SiP 5 23.48
दंतोत्थाने महद्दुःखमल्पेन व्याधिना तथा ।।। बालरोगैश्च विविधै पीडा बालग्रहैरपि
daṃtotthāne mahadduḥkhamalpena vyādhinā tathā ||| bālarogaiśca vividhai pīḍā bālagrahairapi
(There is) great pain at the coming of the teeth, and likewise from a slight illness, and affliction from the various diseases of children, and from the child-seizing spirits as well.
AI translation rendered from the Sanskrit, not a published edition
SiP 5 23.49
क्वचित्क्षुत्तृट्परीतांगः क्वचित्तिष्ठति संरटन् ।। विण्मूत्रभक्षणाद्यं च मोहाद्बालस्समाचरेत्
kvacitkṣuttṛṭparītāṃgaḥ kvacittiṣṭhati saṃraṭan || viṇmūtrabhakṣaṇādyaṃ ca mohādbālassamācaret
Sometimes his limbs are gripped by hunger and thirst; sometimes he stays screaming; and out of delusion the child does such things as eating faeces and urine.
AI translation rendered from the Sanskrit, not a published edition
SiP 5 23.51
बाल्ये दुःखमतीत्यैव पश्यन्नपि विमूढधीः।। न कुर्वीतात्मनः श्रेयस्तदत्र महदद्भुतम्
bālye duḥkhamatītyaiva paśyannapi vimūḍhadhīḥ|| na kurvītātmanaḥ śreyastadatra mahadadbhutam
Even though he sees that he has passed through the suffering of childhood, a man of thoroughly deluded mind would not bring about his own welfare — that is a great wonder in this (world).
AI translation rendered from the Sanskrit, not a published edition
SiP 5 23.52
प्रवृत्तेन्द्रियवृत्तित्वात्कामरोगप्रपीडनात्।। तदप्राप्ते तु सततं कुतस्सौख्यं तु यौवने
pravṛttendriyavṛttitvātkāmarogaprapīḍanāt|| tadaprāpte tu satataṃ kutassaukhyaṃ tu yauvane
Since the working of the senses is (now) active, and because of the torment of the disease of desire, and since that (desire) is constantly unattained — whence is there any happiness in youth?
AI translation rendered from the Sanskrit, not a published edition
SiP 5 23.53
ईर्ष्यया च महद्दुःखं मोहाद्रक्तस्य तस्य च ।। नेत्रस्य कुपितस्येव त्यागी दुःखाय केवलम्
īrṣyayā ca mahadduḥkhaṃ mohādraktasya tasya ca || netrasya kupitasyeva tyāgī duḥkhāya kevalam
And (there is) great suffering through jealousy, and from the infatuation of one who is attached to her; like an inflamed eye, the giving up (of it) leads only to pain.
AI translation rendered from the Sanskrit, not a published edition — the model flagged this verse as uncertain
SiP 5 23.54
न रात्रौ विंदते निद्रां कामाग्निपरिवेदितः ।। दिवापि च कुतस्सौख्यमर्थोपार्जनचिंतया
na rātrau viṃdate nidrāṃ kāmāgnipariveditaḥ || divāpi ca kutassaukhyamarthopārjanaciṃtayā
He does not find sleep at night, encircled by the fire of desire; and by day too, whence is happiness, with the worry of earning wealth?
AI translation rendered from the Sanskrit, not a published edition
SiP 5 23.55
स्त्रीष्वध्यासितचित्तस्य ये पुंसः शुक्रबिन्दवः ।। ते सुखाय न मन्यन्ते स्वेदजा इव ते तथा
strīṣvadhyāsitacittasya ye puṃsaḥ śukrabindavaḥ || te sukhāya na manyante svedajā iva te tathā
For a man whose mind is settled upon women, those drops of semen — they are not to be reckoned as (leading) to happiness; they are just like things born of sweat.
AI translation rendered from the Sanskrit, not a published edition
SiP 5 23.56
कृमिभिस्तुद्यमानस्य कुष्ठिनो वानरस्य च ।। कंडूयनाभितापेन यद्भवेत्स्त्रिषु तद्विदः
kṛmibhistudyamānasya kuṣṭhino vānarasya ca || kaṃḍūyanābhitāpena yadbhavetstriṣu tadvidaḥ
Whatever (pleasure) comes to a leper, or to a monkey, tormented by worms, from the relief of scratching, that is what those who know regard as (the pleasure) in women.
AI translation rendered from the Sanskrit, not a published edition — the model flagged this verse as uncertain
SiP 5 23.57
यादृशं मन्यते सौख्यं गंडे पूतिविनिर्गमात् ।। तादृशं स्त्रीषु मन्तव्यं नाधिकं तासु विद्यते
yādṛśaṃ manyate saukhyaṃ gaṃḍe pūtivinirgamāt || tādṛśaṃ strīṣu mantavyaṃ nādhikaṃ tāsu vidyate
Whatever pleasure one feels at the discharge of pus from a boil, just such is to be reckoned (the pleasure) in women; nothing more than that is found in them.
AI translation rendered from the Sanskrit, not a published edition
SiP 5 23.58
विण्मूत्रस्य समुत्सर्गात्सुखं भवति यादृशम्।। तादृशं स्त्रीषु विज्ञेयं मूढैः कल्पितमन्यथा
viṇmūtrasya samutsargātsukhaṃ bhavati yādṛśam|| tādṛśaṃ strīṣu vijñeyaṃ mūḍhaiḥ kalpitamanyathā
Whatever pleasure arises from the voiding of faeces and urine, just such is to be understood (the pleasure) in women; fools imagine it otherwise.
AI translation rendered from the Sanskrit, not a published edition
SiP 5 23.59
नारीष्ववस्तुभूतासु सर्वदोषाश्रयासु वा। नाणुमात्रं सुखं तासु कथितं पंचचूडया
nārīṣvavastubhūtāsu sarvadoṣāśrayāsu vā| nāṇumātraṃ sukhaṃ tāsu kathitaṃ paṃcacūḍayā
In women, who are without substance and are the repository of all faults, there is not a particle of happiness — so was it declared by Pañcacūḍā.
AI translation rendered from the Sanskrit, not a published edition
SiP 5 23.61
वलीपलितखालित्यैश्शिथिलिकृतविग्रहम्।। सर्वक्रियास्वशक्तिं च जरया जर्जरीकृतम्
valīpalitakhālityaiśśithilikṛtavigraham|| sarvakriyāsvaśaktiṃ ca jarayā jarjarīkṛtam
(The body) is made slack by wrinkles, grey hair and baldness, and (a man is) incapable in all activities, worn out by old age.
AI translation rendered from the Sanskrit, not a published edition
SiP 5 23.62
स्त्रीपुंसयौवनं हृद्यमन्योऽन्यस्य प्रियं पुरा।। तदेव जरयाग्रस्तमनयोरपि न प्रियम्
strīpuṃsayauvanaṃ hṛdyamanyo'nyasya priyaṃ purā|| tadeva jarayāgrastamanayorapi na priyam
The youth of woman and man, which was charming and dear to each other before — that very (youth), once seized by old age, is dear to neither of the two.
AI translation rendered from the Sanskrit, not a published edition
SiP 5 23.63
अपूर्ववत्स्वमात्मानं जरया परिवर्तितम्।। यः पश्यन्नपि रज्येत कोऽन्यस्तस्मादचेतनः
apūrvavatsvamātmānaṃ jarayā parivartitam|| yaḥ paśyannapi rajyeta ko'nyastasmādacetanaḥ
Who is more devoid of understanding than the man who, even while seeing his own self transformed by old age into something unlike what it was, still takes delight (in it)?
AI translation rendered from the Sanskrit, not a published edition
SiP 5 23.64
जराभिभूतः पुरुषः पुत्रीपुत्रादिबांधवैः।। आसक्तत्वाद्दुराधर्षैर्भृत्यैश्च परिभूयते
jarābhibhūtaḥ puruṣaḥ putrīputrādibāṃdhavaiḥ|| āsaktatvāddurādharṣairbhṛtyaiśca paribhūyate
A man overcome by old age is despised by his kinsmen — daughters, sons and the rest — and, because of his dependence, by servants hard to control.
AI translation rendered from the Sanskrit, not a published edition
SiP 5 23.65
धर्ममर्थं च कामं वा मोक्षं वातिजरातुरः।। अशक्तस्साधितुं तस्माद्युवा धर्मं समाचरेत्
dharmamarthaṃ ca kāmaṃ vā mokṣaṃ vātijarāturaḥ|| aśaktassādhituṃ tasmādyuvā dharmaṃ samācaret
One afflicted by extreme old age is unable to accomplish dharma, wealth, pleasure, or liberation; therefore let a young man practise dharma.
AI translation rendered from the Sanskrit, not a published edition