Shiva Purana — Kotirudra Samhita — Chapter 37
SiP 4 37.1
।। ऋषय ऊचुः ।। सूतसूत महाभाग ज्ञानवानसि सुव्रत ।। पुनरेव शिवस्य वै चरितं ब्रूहि विस्तरात्
|| ṛṣaya ūcuḥ || sūtasūta mahābhāga jñānavānasi suvrata || punareva śivasya vai caritaṃ brūhi vistarāt
The sages said: O Sūta, Sūta, greatly fortunate one, you are possessed of knowledge, O you of good vows; tell again in detail the deeds of Śiva.
AI translation rendered from the Sanskrit, not a published edition
SiP 4 37.2
पुरातनाश्च राजान ऋषयो देवतास्तथा।। आराधनञ्च तस्यैव चकुर्देववरस्य हि
purātanāśca rājāna ṛṣayo devatāstathā|| ārādhanañca tasyaiva cakurdevavarasya hi
And the ancient kings, the sages, and likewise the gods — they performed the worship of that very best of gods.
AI translation rendered from the Sanskrit, not a published edition
SiP 4 37.3
सूत उवाच।। साधु पृष्टमृषिश्रेष्ठाः श्रूयतां कथयामि वः ।। । चरित्रं शांकरं रम्यं शृण्वतां भुक्तिमुक्तिदम्
sūta uvāca|| sādhu pṛṣṭamṛṣiśreṣṭhāḥ śrūyatāṃ kathayāmi vaḥ || | caritraṃ śāṃkaraṃ ramyaṃ śṛṇvatāṃ bhuktimuktidam
Sūta said: Well asked, O best of sages; let it be heard — I shall tell you the delightful story of Śaṅkara, which grants enjoyment and liberation to those who hear it.
AI translation rendered from the Sanskrit, not a published edition
SiP 4 37.4
एतदेव पुरा पृष्टो नारदेन पितामहः ।। प्रत्युवाच प्रसन्नात्मा नारदं मुनिसत्तमम् । अरुंधती मदासाध्वी लोपामुद्रा तथैव च ।। अहल्या गौतमस्त्री च शिवपूजनकारिकाः शेषश्च वासुकिश्चैव तक्षकश्च तथा परे ।। शिवभक्ता महानागा गरुडाद्याश्च पक्षिणः अजश्शिवार्चकस्तस्य तनयो धर्मयुद्धकृत् ।। जातो दशरथो भूयो महाराजो विशेषतः सुद्युम्नश्च महाराजश्शैवो मुनिसुतो मुने ।। शिवशापात्प्रियाहेतोरभून्नारी ससेवकः प्रद्युम्नः तत्सुतस्तात शिवपूजाकरस्सदा ।। अन्ये च कार्ष्णिप्रवरास्साम्बाद्याश्शिवपूजकाः
etadeva purā pṛṣṭo nāradena pitāmahaḥ || pratyuvāca prasannātmā nāradaṃ munisattamam | aruṃdhatī madāsādhvī lopāmudrā tathaiva ca || ahalyā gautamastrī ca śivapūjanakārikāḥ śeṣaśca vāsukiścaiva takṣakaśca tathā pare || śivabhaktā mahānāgā garuḍādyāśca pakṣiṇaḥ ajaśśivārcakastasya tanayo dharmayuddhakṛt || jāto daśaratho bhūyo mahārājo viśeṣataḥ sudyumnaśca mahārājaśśaivo munisuto mune || śivaśāpātpriyāhetorabhūnnārī sasevakaḥ pradyumnaḥ tatsutastāta śivapūjākarassadā || anye ca kārṣṇipravarāssāmbādyāśśivapūjakāḥ
This very (question) was formerly asked of the Grandfather by Nārada, and with a gracious mind he answered Nārada, the best of sages. Arundhatī, my own chaste one, and Lopāmudrā likewise, and Ahalyā, Gautama's wife, were performers of Śiva's worship. Śeṣa and Vāsuki and Takṣaka and others too, the great serpents, were devotees of Śiva, and the birds beginning with Garuḍa. Aja was a worshipper of Śiva; his son who fought righteous battles, Daśaratha, was born, a great king, especially so. And the great king Sudyumna, a Śaiva, the son of a sage, O sage — by Śiva's curse, for the sake of his beloved, he became a woman together with his attendant. Pradyumna, his son, my dear, was always a performer of Śiva's worship; and others, the foremost of Kṛṣṇa's descendants, Sāmba and the rest, were worshippers of Śiva.
AI translation rendered from the Sanskrit, not a published edition — the model flagged this verse as uncertain
SiP 4 37.5
ब्रह्मोवाच ।। शृणु नारद सुप्रीत्या शांकरं चरितं वरम्।। प्रवक्ष्यामि भवत्स्नेहान्महापातकनाशनम्
brahmovāca || śṛṇu nārada suprītyā śāṃkaraṃ caritaṃ varam|| pravakṣyāmi bhavatsnehānmahāpātakanāśanam
Brahmā said: Listen, Nārada, with great gladness, to the excellent story of Śaṅkara; out of affection for you I shall declare it — it destroys great sins.
AI translation rendered from the Sanskrit, not a published edition
SiP 4 37.6
रमया सहितो विष्णुश्शिवपूजां चकार ह ।। कृपया परमेशस्य सर्वान्कामानवाप हि
ramayā sahito viṣṇuśśivapūjāṃ cakāra ha || kṛpayā parameśasya sarvānkāmānavāpa hi
Viṣṇu, together with Ramā, indeed performed the worship of Śiva, and by the grace of the Supreme Lord he obtained all his desires.
AI translation rendered from the Sanskrit, not a published edition
SiP 4 37.7
अहं पितामहश्चापि शिवपूजनकारकः ।। तस्यैव कृपया तात विश्वसृष्टिकरस्सदा
ahaṃ pitāmahaścāpi śivapūjanakārakaḥ || tasyaiva kṛpayā tāta viśvasṛṣṭikarassadā
And I, the Grandfather, am also a performer of Śiva's worship; by his grace alone, my dear, I am ever the maker of the creation of the universe.
AI translation rendered from the Sanskrit, not a published edition
SiP 4 37.8
शिवपूजाकरा नित्यं मत्पुत्राः परमर्षयः ।। अन्ये च ऋषयो ये ते शिवपूजनकारकाः
śivapūjākarā nityaṃ matputrāḥ paramarṣayaḥ || anye ca ṛṣayo ye te śivapūjanakārakāḥ
My sons, the supreme sages, are constantly performers of Śiva's worship; and the other sages, whoever they are, are performers of Śiva's worship.
AI translation rendered from the Sanskrit, not a published edition
SiP 4 37.9
नारद त्वं विशेषेण शिवपूजनकारकः ।। सप्तर्षयो वसिष्ठाद्याः शिवपूजनकारकाः
nārada tvaṃ viśeṣeṇa śivapūjanakārakaḥ || saptarṣayo vasiṣṭhādyāḥ śivapūjanakārakāḥ
Nārada, you especially are a performer of Śiva's worship; the seven sages, Vasiṣṭha and the rest, are performers of Śiva's worship.
AI translation rendered from the Sanskrit, not a published edition
SiP 4 37.11
दुर्वासाः कौशिकश्शक्तिर्दधीचो गौतमस्तथा ।। कणादो भार्गवो जीवो वैशंपायन एव च
durvāsāḥ kauśikaśśaktirdadhīco gautamastathā || kaṇādo bhārgavo jīvo vaiśaṃpāyana eva ca
Durvāsas, Kauśika, Śakti, Dadhīca, and Gautama, Kaṇāda, Bhārgava, Jīva (Bṛhaspati), and Vaiśaṃpāyana too,
AI translation rendered from the Sanskrit, not a published edition
SiP 4 37.12
एते च मुनयस्सर्वे शिवपूजाकरा मताः।। तथा पराशरो व्यासश्शिवपूजारतस्सदा
ete ca munayassarve śivapūjākarā matāḥ|| tathā parāśaro vyāsaśśivapūjāratassadā
all these sages are held to be performers of Śiva's worship; so too Parāśara and Vyāsa, ever devoted to the worship of Śiva.
AI translation rendered from the Sanskrit, not a published edition
SiP 4 37.13
उपमन्युर्महाभक्तश्शिवस्य परमात्मनः ।। याज्ञवल्क्यो महाशैवो जैमिनिर्गर्ग एव च
upamanyurmahābhaktaśśivasya paramātmanaḥ || yājñavalkyo mahāśaivo jaiminirgarga eva ca
Upamanyu was a great devotee of Śiva, the Supreme Self; and Yājñavalkya, a great Śaiva, and Jaimini and Garga as well.
AI translation rendered from the Sanskrit, not a published edition
SiP 4 37.14
शुकश्च शौनकाद्याश्च शङ्करस्य प्रपूजकाः ।। अन्येऽपि बहवस्सन्ति मुनयो मुनिसत्तमाः
śukaśca śaunakādyāśca śaṅkarasya prapūjakāḥ || anye'pi bahavassanti munayo munisattamāḥ
And Śuka and Śaunaka and the rest are worshippers of Śaṅkara; and there are many other sages too, the best of sages.
AI translation rendered from the Sanskrit, not a published edition
SiP 4 37.15
अदितिर्देवमाता च नित्यं प्रीत्या चकार ह ।। पार्थिवीं शैवपूजां वै सवधूः प्रेमतत्परा
aditirdevamātā ca nityaṃ prītyā cakāra ha || pārthivīṃ śaivapūjāṃ vai savadhūḥ prematatparā
And Aditi, the mother of the gods, together with her daughters-in-law, intent on love, performed daily with affection the worship of Śiva in an earthen image.
AI translation rendered from the Sanskrit, not a published edition
SiP 4 37.16
शक्रादयो लोकपाला वसवश्च सुरास्तथा ।। महाराजिकदेवाश्च साध्याश्च शिवपूजकाः
śakrādayo lokapālā vasavaśca surāstathā || mahārājikadevāśca sādhyāśca śivapūjakāḥ
Śakra and the others, the guardians of the worlds, and the Vasus and the gods, and the Mahārājika gods and the Sādhyas, are worshippers of Śiva.
AI translation rendered from the Sanskrit, not a published edition
SiP 4 37.17
गन्धर्वा किन्नराद्याश्चोपसुराश्शिवपूजकाः ।। तथाऽसुरा महात्मानश्शिवपूजाकरा मताः
gandharvā kinnarādyāścopasurāśśivapūjakāḥ || tathā'surā mahātmānaśśivapūjākarā matāḥ
The Gandharvas, the Kinnaras and the rest, and the lesser gods are worshippers of Śiva; and likewise the great-souled Asuras are held to be performers of Śiva's worship.
AI translation rendered from the Sanskrit, not a published edition
SiP 4 37.18
हिरण्यकशिपुर्देत्यस्सानुजत्ससुतो मुने।। शिवपूजाकरो नित्यं विरोचनबली तथा
hiraṇyakaśipurdetyassānujatsasuto mune|| śivapūjākaro nityaṃ virocanabalī tathā
Hiraṇyakaśipu the Daitya, together with his younger brothers and his sons, O sage, was a constant performer of Śiva's worship, and so were Virocana and Bali.
AI translation rendered from the Sanskrit, not a published edition
SiP 4 37.19
महाशैव स्मृतो बाणो हिरण्याक्षसुतास्तथा।। वृषपर्वा दनुस्तात दानवाः शिवपूजकाः
mahāśaiva smṛto bāṇo hiraṇyākṣasutāstathā|| vṛṣaparvā danustāta dānavāḥ śivapūjakāḥ
Bāṇa is remembered as a great Śaiva, and so are the sons of Hiraṇyākṣa; Vṛṣaparvan and Danu, my dear, and the Dānavas are worshippers of Śiva.
AI translation rendered from the Sanskrit, not a published edition
SiP 4 37.21
सूर्यचन्द्रावुभौ देवौ पृथ्व्यां वंशप्रवर्त्तकौ।। शिवसेवारतौ नित्यं सवंश्यौ तौ मुनीश्वर
sūryacandrāvubhau devau pṛthvyāṃ vaṃśapravarttakau|| śivasevāratau nityaṃ savaṃśyau tau munīśvara
The Sun and the Moon, both gods, the founders of the (two) lineages on earth, are ever devoted to the service of Śiva, they together with their lineages, O lord of sages.
AI translation rendered from the Sanskrit, not a published edition
SiP 4 37.22
मनवश्च तथा चक्रुस्स्वायंभुवपुरस्सराः ।। शिवपूजां विशेषेण शिववेषधरा मुने
manavaśca tathā cakrussvāyaṃbhuvapurassarāḥ || śivapūjāṃ viśeṣeṇa śivaveṣadharā mune
And likewise the Manus, headed by Svāyaṃbhuva, performed the worship of Śiva in a special manner, wearing the garb of Śiva, O sage.
AI translation rendered from the Sanskrit, not a published edition
SiP 4 37.23
प्रियव्रतश्च तत्पुत्रास्तथा चोत्तानपात्सुतः ।। तद्वंशाश्चैव राजानश्शिवपूजनकारकाः
priyavrataśca tatputrāstathā cottānapātsutaḥ || tadvaṃśāścaiva rājānaśśivapūjanakārakāḥ
And Priyavrata and his sons, and likewise the son of Uttānapāda, and the kings of his line, were performers of Śiva's worship.
AI translation rendered from the Sanskrit, not a published edition
SiP 4 37.24
ध्रुवश्च ऋषभश्चैव भरतो नव योगिनः ।। तद्भ्रातरः परे चापि शिवपूजनकारकाः
dhruvaśca ṛṣabhaścaiva bharato nava yoginaḥ || tadbhrātaraḥ pare cāpi śivapūjanakārakāḥ
And Dhruva, and Ṛṣabha, and Bharata, the nine yogins, and his brothers, and others too, were performers of Śiva's worship.
AI translation rendered from the Sanskrit, not a published edition
SiP 4 37.25
वैवस्वतसुतास्तार्क्ष्य इक्ष्वाकुप्रमुखा नृपाः।। शिवपूजारतात्मानः सर्वदा सुखभोगिनः
vaivasvatasutāstārkṣya ikṣvākupramukhā nṛpāḥ|| śivapūjāratātmānaḥ sarvadā sukhabhoginaḥ
The sons of Vaivasvata, O Tārkṣya, the kings headed by Ikṣvāku, their selves devoted to the worship of Śiva, were always enjoyers of happiness.
AI translation rendered from the Sanskrit, not a published edition
SiP 4 37.26
ककुत्स्थश्चापि मांधाता सगरश्शैवसत्तमः।। मुचुकुन्दो हरिश्चन्द्रः कल्माषांघ्रिस्तथैव च
kakutsthaścāpi māṃdhātā sagaraśśaivasattamaḥ|| mucukundo hariścandraḥ kalmāṣāṃghristathaiva ca
And Kakutstha too, and Māndhātā, and Sagara the best of Śaivas, Mucukunda, Hariścandra, and Kalmāṣāṅghri (Kalmāṣapāda) likewise,
AI translation rendered from the Sanskrit, not a published edition
SiP 4 37.27
भगीरथादयो भूपा बहवो नृपसत्तमाः।। शिवपूजाकरा ज्ञेयाः शिववेषविधायिनः
bhagīrathādayo bhūpā bahavo nṛpasattamāḥ|| śivapūjākarā jñeyāḥ śivaveṣavidhāyinaḥ
Bhagīratha and the other kings, many best of rulers, are to be known as performers of Śiva's worship, adopting the garb of Śiva.
AI translation rendered from the Sanskrit, not a published edition
SiP 4 37.28
खट्वांगश्च महाराजो देवसाहाय्यकारकः ।। विधितः पार्थिवीम्मूर्तिं शिवस्यापूजयत्सदा
khaṭvāṃgaśca mahārājo devasāhāyyakārakaḥ || vidhitaḥ pārthivīmmūrtiṃ śivasyāpūjayatsadā
And the great king Khaṭvāṅga, who gave help to the gods, always worshipped, according to the prescribed rite, the earthen image of Śiva.
AI translation rendered from the Sanskrit, not a published edition
SiP 4 37.29
तत्पुत्रो हि दिलीपश्च शिवपूजनकृत्सदा ।। रघुस्तत्तनयः शैवः सुप्रीत्याः शिवपूजकः
tatputro hi dilīpaśca śivapūjanakṛtsadā || raghustattanayaḥ śaivaḥ suprītyāḥ śivapūjakaḥ
And indeed his son Dilīpa was ever a performer of Śiva's worship; his son Raghu was a Śaiva, a worshipper of Śiva with great affection.
AI translation rendered from the Sanskrit, not a published edition
SiP 4 37.31
पुत्रार्थे पार्थिवी मूर्त्ति शैवी दशरथो हि सः ।। समानर्च विशेषेण वसि ष्ठस्याज्ञया मुनेः
putrārthe pārthivī mūrtti śaivī daśaratho hi saḥ || samānarca viśeṣeṇa vasi ṣṭhasyājñayā muneḥ
For the sake of a son, that Daśaratha worshipped the earthen image of Śiva in a special manner, by the command of the sage Vasiṣṭha.
AI translation rendered from the Sanskrit, not a published edition
SiP 4 37.32
पुत्रेष्टिं च चकारासौ पार्थिवो भवभक्तिमान्।। ऋष्यशृङ्गमुनेराज्ञां संप्राप्य नृपसत्तमः
putreṣṭiṃ ca cakārāsau pārthivo bhavabhaktimān|| ṛṣyaśṛṅgamunerājñāṃ saṃprāpya nṛpasattamaḥ
And that ruler of the earth, devoted to Bhava (Śiva), the best of kings, performed the sacrifice for a son, having obtained the sanction of the sage Ṛṣyaśṛṅga.
AI translation rendered from the Sanskrit, not a published edition
SiP 4 37.33
कौसल्या तत्प्रिया मूर्त्ति पार्थिवीं शांकरीं मुदा ।। ऋष्यशृंगसमादिष्टा समानर्च सुताप्तये
kausalyā tatpriyā mūrtti pārthivīṃ śāṃkarīṃ mudā || ṛṣyaśṛṃgasamādiṣṭā samānarca sutāptaye
Kausalyā, his beloved (queen), instructed by Ṛṣyaśṛṅga, joyfully worshipped an earthen image of Śiva in order to obtain a son.
AI translation rendered from the Sanskrit, not a published edition
SiP 4 37.34
सुमित्रा च शिवं प्रीत्या कैकेयी नृपवल्लभा।। पूजयामास सत्पुत्रप्राप्तये मुनिसत्तम
sumitrā ca śivaṃ prītyā kaikeyī nṛpavallabhā|| pūjayāmāsa satputraprāptaye munisattama
And Sumitrā, and Kaikeyī the king's darling, worshipped Śiva with love in order to obtain good sons, O best of sages.
AI translation rendered from the Sanskrit, not a published edition
SiP 4 37.35
शिवप्रसादतस्ता वै पुत्रान्प्रापुश्शुभंकरान् ।। महाप्रतापिनो वीरान्सन्मार्गनिरतान्मुने
śivaprasādatastā vai putrānprāpuśśubhaṃkarān || mahāpratāpino vīrānsanmārganiratānmune
By Śiva's grace they indeed obtained sons who brought about good fortune, of great majesty, heroic, devoted to the right path, O sage.
AI translation rendered from the Sanskrit, not a published edition
SiP 4 37.36
ततः शिवाज्ञया तस्मात्तासु राज्ञस्स्वयं हरिः ।। चतुर्भिश्चैव रूपैश्चाविर्बभूव नृपात्मजः
tataḥ śivājñayā tasmāttāsu rājñassvayaṃ hariḥ || caturbhiścaiva rūpaiścāvirbabhūva nṛpātmajaḥ
Then, by Śiva's command, Hari himself became manifest among those queens of the king in four forms, as the king's sons.
AI translation rendered from the Sanskrit, not a published edition
SiP 4 37.37
कौसल्यायाः सुतो राम सुमित्रायाश्च लक्ष्मण ।। शत्रुघ्नश्चैव कैकेय्या भरतश्चेति सुव्रताः
kausalyāyāḥ suto rāma sumitrāyāśca lakṣmaṇa || śatrughnaścaiva kaikeyyā bharataśceti suvratāḥ
Kausalyā's son was Rāma, Sumitrā's was Lakṣmaṇa, and also Śatrughna, and Kaikeyī's was Bharata — thus (these were) the men of good vows.
AI translation rendered from the Sanskrit, not a published edition
SiP 4 37.38
रामस्ससहजो नित्यं पार्थिवं समपूजयत् ।। भस्म रुद्राक्षधारी च विरजागममास्थितः
rāmassasahajo nityaṃ pārthivaṃ samapūjayat || bhasma rudrākṣadhārī ca virajāgamamāsthitaḥ
Rāma, together with his brothers, constantly worshipped the earthen (liṅga), wearing ashes and rudrākṣa, abiding by the Virajā scripture.
AI translation rendered from the Sanskrit, not a published edition
SiP 4 37.39
तद्वंशे ये समुत्पन्ना राजानः सानुगा मुने ।। ते सर्वे पार्थिवं लिंगं शिवस्य समपूजयन्
tadvaṃśe ye samutpannā rājānaḥ sānugā mune || te sarve pārthivaṃ liṃgaṃ śivasya samapūjayan
Those kings who were born in his line, together with their followers, O sage — all of them worshipped the earthen liṅga of Śiva.
AI translation rendered from the Sanskrit, not a published edition
SiP 4 37.41
पार्थिवेशसमर्चातः पुनस्सोऽभूत्पुमान्वरः ।। मासं स्त्री पुरुषो मासमेवं स्त्रीत्वं न्यवर्त्तत
pārthiveśasamarcātaḥ punasso'bhūtpumānvaraḥ || māsaṃ strī puruṣo māsamevaṃ strītvaṃ nyavarttata
By worshipping the Lord (in the form) of earth he again became an excellent man; a woman for a month, a man for a month — thus his womanhood came to an end.
AI translation rendered from the Sanskrit, not a published edition — the model flagged this verse as uncertain
SiP 4 37.42
ततो राज्यं परित्यज्य शिवधर्मपरायणः ।। शिववेषधरो भक्त्या दुर्लभं मोक्षमाप्तवान्
tato rājyaṃ parityajya śivadharmaparāyaṇaḥ || śivaveṣadharo bhaktyā durlabhaṃ mokṣamāptavān
Then, abandoning the kingdom, wholly devoted to the religion of Śiva, wearing the garb of Śiva, he attained by devotion the liberation that is hard to win.
AI translation rendered from the Sanskrit, not a published edition
SiP 4 37.43
पुरूरवाश्च तत्पुत्रो महाराजस्तु पूजक ।। शिवस्य देवदेवस्य तत्सुतः शिवपूजकः
purūravāśca tatputro mahārājastu pūjaka || śivasya devadevasya tatsutaḥ śivapūjakaḥ
And his son Purūravas, the great king, was a worshipper of Śiva, the God of gods; and his son too was a worshipper of Śiva.
AI translation rendered from the Sanskrit, not a published edition
SiP 4 37.44
भरतस्तु महापूजां शिवस्यैव सदाकरोत् ।। नहुषश्च महा शैवः शिवपूजारतो ह्यभूत्
bharatastu mahāpūjāṃ śivasyaiva sadākarot || nahuṣaśca mahā śaivaḥ śivapūjārato hyabhūt
Bharata, however, always performed great worship of Śiva alone; and Nahuṣa was a great Śaiva, devoted to the worship of Śiva.
AI translation rendered from the Sanskrit, not a published edition
SiP 4 37.45
ययातिः शिवपूजातः सर्वान्कामानवाप्तवान् ।। अजीजनत्सुतान्पंच शिवधर्मपरायणान्
yayātiḥ śivapūjātaḥ sarvānkāmānavāptavān || ajījanatsutānpaṃca śivadharmaparāyaṇān
Yayāti obtained all his desires through the worship of Śiva, and begot five sons wholly devoted to the religion of Śiva.
AI translation rendered from the Sanskrit, not a published edition
SiP 4 37.46
तत्सुता यदुमुख्याश्च पंचापि शिवपूजकाः ।। शिवपूजाप्रभावेण सर्वान्कामांश्च लेभिरे
tatsutā yadumukhyāśca paṃcāpi śivapūjakāḥ || śivapūjāprabhāveṇa sarvānkāmāṃśca lebhire
His sons, of whom Yadu was the chief, all five were worshippers of Śiva, and by the power of Śiva's worship they gained all their desires.
AI translation rendered from the Sanskrit, not a published edition
SiP 4 37.47
अन्येऽपि ये महाभागाः समानर्चुश्शिवं हि ते ।। तद्वंश्या अन्यवंश्याश्च भुक्तिमुक्तिप्रदं मुने
anye'pi ye mahābhāgāḥ samānarcuśśivaṃ hi te || tadvaṃśyā anyavaṃśyāśca bhuktimuktipradaṃ mune
And others too, greatly blessed, both those of his line and those of other lines, worshipped Śiva, the giver of enjoyment and liberation, O sage.
AI translation rendered from the Sanskrit, not a published edition
SiP 4 37.48
कृष्णेन च कृतं नित्यं बदरीपर्वतोत्तमे ।। पूजनं तु शिवस्यैव सप्तमासावधि स्वयम्
kṛṣṇena ca kṛtaṃ nityaṃ badarīparvatottame || pūjanaṃ tu śivasyaiva saptamāsāvadhi svayam
And by Kṛṣṇa, on the excellent mountain Badarī, worship of Śiva alone was performed daily, in person, for seven months.
AI translation rendered from the Sanskrit, not a published edition
SiP 4 37.49
प्रसन्नाद्भगवांस्तस्माद्वरान्दिव्यानने कशः।। सम्प्राप्य च जगत्सर्वं वशेऽनयत शङ्करात्
prasannādbhagavāṃstasmādvarāndivyānane kaśaḥ|| samprāpya ca jagatsarvaṃ vaśe'nayata śaṅkarāt
And the Lord, having obtained many divine boons from Śaṅkara, who was pleased (with him), brought the whole world under his control.
AI translation rendered from the Sanskrit, not a published edition — the model flagged this verse as uncertain
SiP 4 37.51
जरासंधो महाशैवस्तद्वंश्याश्च नृपास्तथा ।। निमिश्शैवश्च जनकस्तत्पुत्राश्शिवपूजकाः
jarāsaṃdho mahāśaivastadvaṃśyāśca nṛpāstathā || nimiśśaivaśca janakastatputrāśśivapūjakāḥ
Jarāsaṃdha was a great Śaiva, and so were the kings of his line; Nimi was a Śaiva, and Janaka, and his sons were worshippers of Śiva.
AI translation rendered from the Sanskrit, not a published edition
SiP 4 37.52
नलेन च कृता पूजा वीरसेनसुतेन वै ।। पूर्वजन्मनि यो भिल्लो वने पान्थसुरक्षकः
nalena ca kṛtā pūjā vīrasenasutena vai || pūrvajanmani yo bhillo vane pānthasurakṣakaḥ
And worship was performed by Nala, the son of Vīrasena, who in a former birth was a Bhilla in the forest, a protector of travellers.
AI translation rendered from the Sanskrit, not a published edition
SiP 4 37.53
यतिश्च रक्षितस्तेन पुरा हरसमीपतः ।। स्वयंव्याघ्रादिभी रात्रौ भक्षितश्च मृतो वृषात्
yatiśca rakṣitastena purā harasamīpataḥ || svayaṃvyāghrādibhī rātrau bhakṣitaśca mṛto vṛṣāt
And formerly an ascetic was protected by him near (the shrine of) Hara; he himself was devoured by tigers and the like in the night, and died on account of the bull.
AI translation rendered from the Sanskrit, not a published edition — the model flagged this verse as uncertain
SiP 4 37.54
तेन पुण्यप्रभावेण स भिल्लो हि नलोऽभवत् ।। चक्रवर्ती महाराजो दमयन्ती प्रियोऽभवत्
tena puṇyaprabhāveṇa sa bhillo hi nalo'bhavat || cakravartī mahārājo damayantī priyo'bhavat
By the power of that merit that Bhilla became Nala, an emperor and great king, and became the beloved of Damayantī.
AI translation rendered from the Sanskrit, not a published edition
SiP 4 37.55
इति ते कथितं तात यत्पृष्टं भवतानघ ।। शाङ्करं चरितं दिव्यं किमन्यत्प्रष्टुमिच्छसि
iti te kathitaṃ tāta yatpṛṣṭaṃ bhavatānagha || śāṅkaraṃ caritaṃ divyaṃ kimanyatpraṣṭumicchasi
Thus has been told to you, dear one, what was asked by you, O sinless one — the divine deeds of Śaṃkara. What else do you wish to ask?
AI translation rendered from the Sanskrit, not a published edition