Shiva Purana — Rudra Samhita — Chapter 153
SiP 2 153.1
।। सनत्कुमार उवाच ।। एकदा वारिधिसुतो वृन्दापति रुदारधीः।। सभार्य्यस्संस्थितो वीरोऽसुरैस्सर्वैः समन्वितः
|| sanatkumāra uvāca || ekadā vāridhisuto vṛndāpati rudāradhīḥ|| sabhāryyassaṃsthito vīro'suraissarvaiḥ samanvitaḥ
Sanatkumāra said: Once the son of the Ocean, husband of Vṛndā, of noble mind, the hero, sat with his wife, attended by all the Asuras.
AI translation rendered from the Sanskrit, not a published edition
SiP 2 153.2
तत्राजगाम सुप्रीतस्सुवर्चास्त्वथ भार्गवः।। तेजः पुंजो मूर्त इव भासयन्सकला दिशः पुराभवद्बलिर्वीरो विरोचनसुतो बली ।। हिरण्यकशिपोश्चैव प्रपौत्रो धर्मवित्तमः अथ दूतं समाहूय घस्मराभिधमुत्तमम् ।। सर्वं शशंस चरितं यदाह गुरुरात्मवान् सनत्कुमार उवाच ।। इति दूतवचः श्रुत्वा विस्मितस्त्रिदशाधिपः ।। उवाच तं स्मरन्निन्द्रो भयरोषसमन्वितः अथ शुंभनिशुंभाद्यै बलाधिपतिकोटिभिः ।। निर्जगाम महावीरः सिन्धुपुत्रः प्रतापवान् जलंधर उवाच ।। मया देवा हता युद्धे उत्तिष्ठंति कथं पुनः ।। ततः संजीविनी विद्या नैवान्यत्रेति वै श्रुता जलंधरो महादैत्यो नायं जेतुं क्षमो यतः ।। रुद्रांशसंभवो ह्येष सर्वामरविमर्दनः
tatrājagāma suprītassuvarcāstvatha bhārgavaḥ|| tejaḥ puṃjo mūrta iva bhāsayansakalā diśaḥ purābhavadbalirvīro virocanasuto balī || hiraṇyakaśipoścaiva prapautro dharmavittamaḥ atha dūtaṃ samāhūya ghasmarābhidhamuttamam || sarvaṃ śaśaṃsa caritaṃ yadāha gururātmavān sanatkumāra uvāca || iti dūtavacaḥ śrutvā vismitastridaśādhipaḥ || uvāca taṃ smarannindro bhayaroṣasamanvitaḥ atha śuṃbhaniśuṃbhādyai balādhipatikoṭibhiḥ || nirjagāma mahāvīraḥ sindhuputraḥ pratāpavān jalaṃdhara uvāca || mayā devā hatā yuddhe uttiṣṭhaṃti kathaṃ punaḥ || tataḥ saṃjīvinī vidyā naivānyatreti vai śrutā jalaṃdharo mahādaityo nāyaṃ jetuṃ kṣamo yataḥ || rudrāṃśasaṃbhavo hyeṣa sarvāmaravimardanaḥ
There came, well pleased, the radiant descendant of Bhṛgu, like a mass of splendour embodied, illuminating all the quarters. — Formerly there was Bali, the hero, mighty son of Virocana, and great-grandson of Hiraṇyakaśipu, best of the knowers of dharma. — Then, summoning the excellent messenger named Ghasmara, he related the whole affair, all that the self-possessed preceptor had said. — Sanatkumāra said: Hearing thus the messenger's words, the lord of the thirty (gods) was astonished; and Indra, remembering him, spoke to him, filled with fear and rage. — Then, with crores of army-commanders headed by Śumbha and Niśumbha, the great hero, the mighty son of the sea, marched out. — Jalandhara said: The gods slain by me in battle—how do they rise up again? Then (it was) heard that the Saṃjīvinī science is nowhere else (but with him). — Jalandhara, the great Daitya—he is not able to be conquered, since he is born of a portion of Rudra and is the crusher of all the immortals.
AI translation rendered from the Sanskrit, not a published edition — the model flagged this verse as uncertain
SiP 2 153.3
तं दृष्ट्वा गुरुमायान्तमसुरास्तेऽखिला द्रुतम् ।। प्रणेमुः प्रीतमनसस्सिंधुपुत्रोऽपि सादरम्
taṃ dṛṣṭvā gurumāyāntamasurāste'khilā drutam || praṇemuḥ prītamanasassiṃdhuputro'pi sādaram
Seeing the preceptor coming, all those Asuras quickly bowed to him with delighted minds, and the son of the sea too (bowed) respectfully.
AI translation rendered from the Sanskrit, not a published edition
SiP 2 153.4
दत्त्वाशीर्वचनं तेभ्यो भार्गवस्तेजसां निधिः ।। निषसादासने रम्ये संतस्थुस्तेऽपि पूर्ववत्
dattvāśīrvacanaṃ tebhyo bhārgavastejasāṃ nidhiḥ || niṣasādāsane ramye saṃtasthuste'pi pūrvavat
Having given them his blessing, the descendant of Bhṛgu, the treasury of splendours, sat down on a lovely seat, and they too took their places as before.
AI translation rendered from the Sanskrit, not a published edition
SiP 2 153.5
अथ सिंध्वात्मजो वीरो दृष्ट्वा प्रीत्या निजां सभाम् ।। जलंधरः प्रसन्नोऽभूदनष्टवरशासनः
atha siṃdhvātmajo vīro dṛṣṭvā prītyā nijāṃ sabhām || jalaṃdharaḥ prasanno'bhūdanaṣṭavaraśāsanaḥ
Then the hero, son of the sea, Jalandhara, seeing his own assembly with pleasure, became glad, his sovereign command unbroken.
AI translation rendered from the Sanskrit, not a published edition
SiP 2 153.6
तत्स्थितं छिन्नशिरसं दृष्ट्वा राहुं स दैत्यराट् ।। पप्रच्छ भार्गवं शीघ्रमिदं सागरनन्दनः
tatsthitaṃ chinnaśirasaṃ dṛṣṭvā rāhuṃ sa daityarāṭ || papraccha bhārgavaṃ śīghramidaṃ sāgaranandanaḥ
Seeing Rāhu, whose head had been cut off, standing there, that king of the Daityas, the son of the ocean, at once asked Bhārgava (Śukra) this:
AI translation rendered from the Sanskrit, not a published edition
SiP 2 153.7
जलंधर उवाच ।। केनेदं विहितं राहोश्शिरच्छेदनकं प्रभो ।। तद्ब्रूहि निखिलं वृत्तं यथावत्तत्त्वतो गुरो
jalaṃdhara uvāca || kenedaṃ vihitaṃ rāhośśiracchedanakaṃ prabho || tadbrūhi nikhilaṃ vṛttaṃ yathāvattattvato guro
Jalandhara said: By whom was this cutting off of Rāhu's head done, O lord? Tell me the whole event as it happened, according to the truth, O teacher.
AI translation rendered from the Sanskrit, not a published edition
SiP 2 153.8
सनत्कुमार उवाच ।। इत्याकर्ण्य वचस्तस्य सिन्धुपुत्रस्य भार्गवः ।। स्मृत्वा शिवपदांभोजं प्रत्युवाच यथार्थवत्
sanatkumāra uvāca || ityākarṇya vacastasya sindhuputrasya bhārgavaḥ || smṛtvā śivapadāṃbhojaṃ pratyuvāca yathārthavat
Sanatkumāra said: Having heard that speech of his, of the ocean's son, Bhārgava, recalling Śiva's lotus feet, replied in accordance with the facts.
AI translation rendered from the Sanskrit, not a published edition
SiP 2 153.9
शुक्र उवाच।। जलंधर महावीर सर्वासुरसहायक ।। शृणु वृत्तांतमखिलं यथावत्कथयामि ते
śukra uvāca|| jalaṃdhara mahāvīra sarvāsurasahāyaka || śṛṇu vṛttāṃtamakhilaṃ yathāvatkathayāmi te
Śukra said: O Jalandhara, great hero, helper of all the Asuras, hear the whole account; I shall tell it to you as it happened.
AI translation rendered from the Sanskrit, not a published edition
SiP 2 153.11
पराजितास्सुरास्तेन रमेशं शरणं ययुः ।। सवासवास्स्ववृत्तांतमाचख्युः स्वार्थसाधकाः
parājitāssurāstena rameśaṃ śaraṇaṃ yayuḥ || savāsavāssvavṛttāṃtamācakhyuḥ svārthasādhakāḥ
Defeated by him, the gods went for refuge to the lord of Ramā (Viṣṇu); together with Vāsava (Indra) they told their own story, they who work for their own ends.
AI translation rendered from the Sanskrit, not a published edition
SiP 2 153.12
तदाज्ञया सुरैः सार्द्धं चक्रुस्संधिमथो सुराः ।। स्वकार्यसिद्धये तातच्छलकर्मविचक्षणाः
tadājñayā suraiḥ sārddhaṃ cakrussaṃdhimatho surāḥ || svakāryasiddhaye tātacchalakarmavicakṣaṇāḥ
Then by his command the gods made a pact with the (demons? gods), for the accomplishment of their own purpose, my son, they being skilled in acts of deceit.
AI translation rendered from the Sanskrit, not a published edition — the model flagged this verse as uncertain
SiP 2 153.13
अथामृतार्थे सिंधोश्च मंथनं चक्रुरादरात् ।। विष्णोस्सहायिनस्ते हि सुरास्सर्वेऽसुरैस्सह
athāmṛtārthe siṃdhośca maṃthanaṃ cakrurādarāt || viṣṇossahāyinaste hi surāssarve'suraissaha
Then, for the sake of the nectar, they churned the ocean with care; for all those gods, along with the Asuras, were Viṣṇu's helpers.
AI translation rendered from the Sanskrit, not a published edition
SiP 2 153.14
ततो रत्नोपहरणमकार्षुर्दैत्यशत्रवः ।। जगृहुर्यत्नतो देवाः पपुरप्यमृतं छलात्
tato ratnopaharaṇamakārṣurdaityaśatravaḥ || jagṛhuryatnato devāḥ papurapyamṛtaṃ chalāt
Then the enemies of the Daityas carried off the jewels; the gods took them by effort, and drank the nectar too, by a trick.
AI translation rendered from the Sanskrit, not a published edition
SiP 2 153.15
ततः पराभवं चक्रुरसुराणां सहायतः ।। विष्णोस्सुरास्सचक्रास्तेऽमृतापानाद्बलान्विताः
tataḥ parābhavaṃ cakrurasurāṇāṃ sahāyataḥ || viṣṇossurāssacakrāste'mṛtāpānādbalānvitāḥ
Then, with Viṣṇu's help, the gods brought about the defeat of the Asuras — they, together with the discus(-bearer), made strong by drinking the nectar.
AI translation rendered from the Sanskrit, not a published edition
SiP 2 153.16
शिरश्छेदं चकारासौ पिबतश्चामृतं हरिः ।। राहोर्देवसभां हि पक्षपाती हरेस्सदा
śiraśchedaṃ cakārāsau pibataścāmṛtaṃ hariḥ || rāhordevasabhāṃ hi pakṣapātī haressadā
And Hari cut off the head of Rāhu as he was drinking the nectar; for Hari is always partial to the assembly of the gods.
AI translation rendered from the Sanskrit, not a published edition
SiP 2 153.17
सनत्कुम्रार उवाच ।। एवं कविस्तस्य शिरश्छेदं राहोश्शशंस च ।। अमृतार्थे समुद्रस्य मंथनं देवकारितम्
sanatkumrāra uvāca || evaṃ kavistasya śiraśchedaṃ rāhośśaśaṃsa ca || amṛtārthe samudrasya maṃthanaṃ devakāritam
Sanatkumāra said: Thus the seer (Śukra) related to him the cutting off of Rāhu's head, and the churning of the ocean for the sake of the nectar, brought about by the gods,
AI translation rendered from the Sanskrit, not a published edition
SiP 2 153.18
रत्नोपहरणं चैव दैत्यानां च पराभवम् ।। देवैरमृतपानं च कृतं सर्वं च विस्तरात्
ratnopaharaṇaṃ caiva daityānāṃ ca parābhavam || devairamṛtapānaṃ ca kṛtaṃ sarvaṃ ca vistarāt
and the carrying off of the jewels, and the defeat of the Daityas, and the drinking of the nectar by the gods — all that had been done, in detail.
AI translation rendered from the Sanskrit, not a published edition
SiP 2 153.19
तदाकर्ण्य महावीरोम्बुधिबालः प्रतापवान् ।। चुक्रोध क्रोधरक्ताक्षस्स्वपितुर्मंथनं तदा
tadākarṇya mahāvīrombudhibālaḥ pratāpavān || cukrodha krodharaktākṣassvapiturmaṃthanaṃ tadā
Hearing that, the great hero, the mighty son of the ocean, grew angry, his eyes red with rage at the churning of his own father.
AI translation rendered from the Sanskrit, not a published edition
SiP 2 153.21
अथ तं प्रेषयामास स्वदूतं शक्रसन्निधौ।। संमान्य बहुशः प्रीत्याऽभयं दत्त्वा विशारदम्
atha taṃ preṣayāmāsa svadūtaṃ śakrasannidhau|| saṃmānya bahuśaḥ prītyā'bhayaṃ dattvā viśāradam
Then he sent that messenger of his, the skilled one, into Śakra's presence, having honoured him much with affection and granted him assurance of safety.
AI translation rendered from the Sanskrit, not a published edition
SiP 2 153.22
दूतस्त्रिविष्टपं तस्य जगामारमलं सुधीः ।। घस्मरोंऽबुधिबालस्य सर्वदेवसमन्वितम्
dūtastriviṣṭapaṃ tasya jagāmāramalaṃ sudhīḥ || ghasmaroṃ'budhibālasya sarvadevasamanvitam
The messenger of his, the wise Ghasmara, (messenger) of the son of the ocean, went to that spotless heaven, filled with all the gods.
AI translation rendered from the Sanskrit, not a published edition
SiP 2 153.23
तत्र गत्वा स दूतस्तु सुधर्मां प्राप्य सत्वरम् ।। गर्वादखर्वमौलिर्हि देवेन्द्रं वाक्यमब्रवीत्
tatra gatvā sa dūtastu sudharmāṃ prāpya satvaram || garvādakharvamaulirhi devendraṃ vākyamabravīt
Having gone there, that messenger quickly reached the Sudharmā (hall) and, out of pride, with head unbowed, spoke these words to the lord of the gods.
AI translation rendered from the Sanskrit, not a published edition
SiP 2 153.24
घस्मर उवाच ।। जलंधरोऽब्धि तनयस्सर्वदैत्यजनेश्वरः ।। सुप्रतापी महावीरस्स्वयं कविसहायवान्
ghasmara uvāca || jalaṃdharo'bdhi tanayassarvadaityajaneśvaraḥ || supratāpī mahāvīrassvayaṃ kavisahāyavān
Ghasmara said: Jalandhara, the son of the ocean, lord of all the Daitya folk, exceedingly mighty, a great hero, himself having the seer (Śukra) as his helper —
AI translation rendered from the Sanskrit, not a published edition
SiP 2 153.25
दूतोऽहं तस्य वीरस्य घस्मराख्यो न घस्मरः ।। प्रेषितस्तेन वीरेण त्वत्सकाशमिहागतः
dūto'haṃ tasya vīrasya ghasmarākhyo na ghasmaraḥ || preṣitastena vīreṇa tvatsakāśamihāgataḥ
I am the messenger of that hero, named Ghasmara though not a glutton; sent by that hero I have come here into your presence.
AI translation rendered from the Sanskrit, not a published edition
SiP 2 153.26
अव्याहताज्ञस्वर्वत्र जलंधर उदग्रधीः ।। निर्जिताखिलदैत्यारिस्स यदाह शृणुष्व तत्
avyāhatājñasvarvatra jalaṃdhara udagradhīḥ || nirjitākhiladaityārissa yadāha śṛṇuṣva tat
Jalandhara, whose command is unopposed everywhere, of lofty mind, who has conquered all the enemies of the Daityas — hear what he says.
AI translation rendered from the Sanskrit, not a published edition
SiP 2 153.27
जलंधर उवाच ।। कस्मात्त्वया मम पिता मथितस्सागरोऽद्रिणा ।। नीतानि सर्वरत्नानि पितुर्मे देवताधम
jalaṃdhara uvāca || kasmāttvayā mama pitā mathitassāgaro'driṇā || nītāni sarvaratnāni piturme devatādhama
Jalandhara said: Why was my father the ocean churned by you with a mountain? All my father's jewels were taken away, O basest of gods!
AI translation rendered from the Sanskrit, not a published edition
SiP 2 153.28
उचितं न कृतं तेऽद्य तानि शीघ्रं प्रयच्छ मे ।। ममायाहि विचार्येत्थं शरणं दैवतैस्सह
ucitaṃ na kṛtaṃ te'dya tāni śīghraṃ prayaccha me || mamāyāhi vicāryetthaṃ śaraṇaṃ daivataissaha
You have not acted rightly today; give those (jewels) back to me quickly. Consider thus and come to me for refuge, together with the gods.
AI translation rendered from the Sanskrit, not a published edition
SiP 2 153.29
अन्यथा ते भयं भूरि भविष्यति सुराधम ।। राज्यविध्वंसनं चैव सत्यमेतद्ब्रवीम्यहम्
anyathā te bhayaṃ bhūri bhaviṣyati surādhama || rājyavidhvaṃsanaṃ caiva satyametadbravīmyaham
Otherwise great fear will come upon you, O basest of gods, and the destruction of your kingdom as well — this I speak as truth.
AI translation rendered from the Sanskrit, not a published edition
SiP 2 153.31
अद्रयो मद्भयात्त्रस्तास्स्वकुक्षिस्था यतः कृताः ।। अन्येऽपि मद्द्विषस्तेन रक्षिता दितिजाः पुरा
adrayo madbhayāttrastāssvakukṣisthā yataḥ kṛtāḥ || anye'pi maddviṣastena rakṣitā ditijāḥ purā
Since the mountains, terrified through fear of me, were made to dwell in his (the ocean's) belly, and by him other Diti-born enemies of mine were also protected of old —
AI translation rendered from the Sanskrit, not a published edition
SiP 2 153.32
तस्मात्तद्रत्नजातं तु मया सर्वं हृतं किल ।। न तिष्ठति मम द्रोही सुखं सत्यं ब्रवीम्यहम्
tasmāttadratnajātaṃ tu mayā sarvaṃ hṛtaṃ kila || na tiṣṭhati mama drohī sukhaṃ satyaṃ bravīmyaham
therefore all that mass of jewels was indeed carried off by me; one who wrongs me does not remain at ease — I speak the truth.
AI translation rendered from the Sanskrit, not a published edition
SiP 2 153.33
शंखोप्येव पुरा दैत्यो मां द्विषन्सागरात्मजः ।। अभवन्मूढचित्तस्तु साधुसंगात्समुज्झित
śaṃkhopyeva purā daityo māṃ dviṣansāgarātmajaḥ || abhavanmūḍhacittastu sādhusaṃgātsamujjhita
Formerly the demon Śaṅkha too, the son of the ocean, hating me, became deluded in mind and was abandoned by the company of the good.
AI translation rendered from the Sanskrit, not a published edition — the model flagged this verse as uncertain
SiP 2 153.34
ममानुजेन हरिणा निहतस्य हि पापधीः ।। हिंसकस्साधुसंधस्य पापिष्ठस्सागरोदरे
mamānujena hariṇā nihatasya hi pāpadhīḥ || hiṃsakassādhusaṃdhasya pāpiṣṭhassāgarodare
For (he was) slain by my younger brother Hari — evil-minded, a harmer, most wicked, in the ocean's belly, (though) allied with the good.
AI translation rendered from the Sanskrit, not a published edition — the model flagged this verse as uncertain
SiP 2 153.35
तद्गच्छ दूत शीघ्रं त्वं कथयस्वास्य तत्त्वतः ।। अब्धिपुत्रस्य सर्वं हि सिंधोर्मंथनकारणम्
tadgaccha dūta śīghraṃ tvaṃ kathayasvāsya tattvataḥ || abdhiputrasya sarvaṃ hi siṃdhormaṃthanakāraṇam
So go quickly, O messenger, and tell him truly — the son of the ocean — all of it, the reason for the churning of the sea.
AI translation rendered from the Sanskrit, not a published edition
SiP 2 153.36
सनत्कुमार उवाच ।। इत्थं विसर्जितो दूतो घस्मराख्यस्सुबुद्धिमान् ।। तदेन्द्रेणागमत्तूर्ण्णं यत्र वीरो जलंधरः
sanatkumāra uvāca || itthaṃ visarjito dūto ghasmarākhyassubuddhimān || tadendreṇāgamattūrṇṇaṃ yatra vīro jalaṃdharaḥ
Sanatkumāra said: Thus dismissed by Indra, the very intelligent messenger named Ghasmara went swiftly to where the hero Jalandhara was.
AI translation rendered from the Sanskrit, not a published edition
SiP 2 153.37
तदिदं वचनं दैत्यराजो हि तेन धीमता ।। कथितो निखिलं शक्रप्रोक्तं दूतेन वै तदा
tadidaṃ vacanaṃ daityarājo hi tena dhīmatā || kathito nikhilaṃ śakraproktaṃ dūtena vai tadā
Then that speech, all of it, as spoken by Śakra, was told to the demon king by that wise messenger.
AI translation rendered from the Sanskrit, not a published edition
SiP 2 153.38
तन्निशम्य ततो दैत्यो रोषात्प्रस्फुरिताधरः ।। उद्योगमकरोत्तूर्णं सर्वदेवजिगीषया
tanniśamya tato daityo roṣātprasphuritādharaḥ || udyogamakarottūrṇaṃ sarvadevajigīṣayā
Having heard that, the demon, his lip quivering with rage, quickly made preparations, wishing to conquer all the gods.
AI translation rendered from the Sanskrit, not a published edition
SiP 2 153.39
तदोद्योगेऽसुरेन्द्रस्य दिग्भ्यः पातालतस्तथा ।। दितिजाः प्रत्यपद्यंत कोटिशःकोटिशस्तथा
tadodyoge'surendrasya digbhyaḥ pātālatastathā || ditijāḥ pratyapadyaṃta koṭiśaḥkoṭiśastathā
Then, at the demon lord's mobilization, the sons of Diti came forth from the (four) directions and from the netherworld by the tens of millions.
AI translation rendered from the Sanskrit, not a published edition
SiP 2 153.41
प्राप त्रिविष्टपं सद्यः सर्वसैन्यसमावृतः ।। दध्मौ शंखं जलधिजो नेदुर्वीराश्च सर्वतः
prāpa triviṣṭapaṃ sadyaḥ sarvasainyasamāvṛtaḥ || dadhmau śaṃkhaṃ jaladhijo nedurvīrāśca sarvataḥ
At once the ocean-born one reached heaven, surrounded by his whole army; he blew his conch, and the heroes roared on every side.
AI translation rendered from the Sanskrit, not a published edition
SiP 2 153.42
गत्वा त्रिविष्टपं दैत्यो नन्दनाधिष्ठितोऽभवत् ।। सर्व सैन्यं समावृत्य कुर्वाणः सिंहवद्रवम्
gatvā triviṣṭapaṃ daityo nandanādhiṣṭhito'bhavat || sarva sainyaṃ samāvṛtya kurvāṇaḥ siṃhavadravam
Having gone to heaven, the demon took his station in the Nandana grove, surrounding it with his whole army and making a roar like a lion's.
AI translation rendered from the Sanskrit, not a published edition
SiP 2 153.43
पुरमावृत्य तिष्ठत्तद्दृष्ट्वा सैन्यबलं महत्।। निर्ययुस्त्वमरावत्या देवा युद्धाय दंशिताः ।।
puramāvṛtya tiṣṭhattaddṛṣṭvā sainyabalaṃ mahat|| niryayustvamarāvatyā devā yuddhāya daṃśitāḥ ||
Seeing that great force of the army standing there encircling the city, the gods marched out from Amarāvatī, armoured for battle.
AI translation rendered from the Sanskrit, not a published edition
SiP 2 153.44
ततस्समभवद्युद्धं देवदानवसेनयोः ।। मुसलैः परिघैर्बाणैर्गदापरशुशक्तिभिः
tatassamabhavadyuddhaṃ devadānavasenayoḥ || musalaiḥ parighairbāṇairgadāparaśuśaktibhiḥ
Then a battle took place between the armies of the gods and the dānavas, with pestles, iron bars, arrows, maces, axes and spears.
AI translation rendered from the Sanskrit, not a published edition
SiP 2 153.45
तेऽन्योन्यं समधावेतां जघ्नतुश्च परस्परम् ।। क्षणेनाभवतां सेने रुधिरौघपरिप्लुते
te'nyonyaṃ samadhāvetāṃ jaghnatuśca parasparam || kṣaṇenābhavatāṃ sene rudhiraughapariplute
The two (armies) rushed at each other and struck one another; in a moment the two armies were flooded with streams of blood.
AI translation rendered from the Sanskrit, not a published edition
SiP 2 153.46
पतितैः पात्यमानैश्च गजाश्वरथपत्तिभिः ।। व्यराजत रणे भूमिस्संध्याभ्रपटलैरिव
patitaiḥ pātyamānaiśca gajāśvarathapattibhiḥ || vyarājata raṇe bhūmissaṃdhyābhrapaṭalairiva
With elephants, horses, chariots and foot-soldiers fallen and falling, the ground in the battle shone like masses of twilight clouds.
AI translation rendered from the Sanskrit, not a published edition
SiP 2 153.47
तत्र युद्धे मृतान्दैत्यान्भार्गवस्तानजीवयत् ।। विद्ययामृतजीविन्या मंत्रितैस्तोयबिन्दुभिः
tatra yuddhe mṛtāndaityānbhārgavastānajīvayat || vidyayāmṛtajīvinyā maṃtritaistoyabindubhiḥ
There in the battle Bhārgava revived those demons who had died, by the Amṛtajīvinī (life-giving) science, with drops of water over which spells were uttered.
AI translation rendered from the Sanskrit, not a published edition
SiP 2 153.48
देवानपि तथा युद्धे तत्राजीवयदंगिराः ।। दिव्यौषधैस्समानीय द्रोणाद्रेस्स पुनःपुनः
devānapi tathā yuddhe tatrājīvayadaṃgirāḥ || divyauṣadhaissamānīya droṇādressa punaḥpunaḥ
Likewise Aṅgiras revived the gods there in the battle, again and again, bringing divine herbs from Droṇa and other mountains.
AI translation rendered from the Sanskrit, not a published edition
SiP 2 153.49
दृष्टवान्स तथा युद्धे पुनरेव समुत्थितान् ।। जलंधरः क्रोधवशो भार्गवं वाक्यमब्रवीत्
dṛṣṭavānsa tathā yuddhe punareva samutthitān || jalaṃdharaḥ krodhavaśo bhārgavaṃ vākyamabravīt
Seeing them thus risen up again in the battle, Jalandhara, overcome by anger, spoke these words to Bhārgava.
AI translation rendered from the Sanskrit, not a published edition
SiP 2 153.51
सनत्कुमार उवाच।। इत्याकर्ण्य वचस्तस्य सिन्धुपुत्रस्य भार्गवः ।। प्रत्युवाच प्रसन्नात्मा गुरुश्शुक्रो जलंधरम्
sanatkumāra uvāca|| ityākarṇya vacastasya sindhuputrasya bhārgavaḥ || pratyuvāca prasannātmā guruśśukro jalaṃdharam
Sanatkumāra said: Having heard that speech of his, the son of the Ocean's, Bhārgava — the preceptor Śukra — with serene mind replied to Jalandhara.
AI translation rendered from the Sanskrit, not a published edition
SiP 2 153.52
शुक्र उवाच ।। दिव्यौषधीस्समानीय द्रोणाद्रेरंगिरास्सुरान् ।। जीवयत्येष वै तात सत्यं जानीहि मे वचः
śukra uvāca || divyauṣadhīssamānīya droṇādreraṃgirāssurān || jīvayatyeṣa vai tāta satyaṃ jānīhi me vacaḥ
Śukra said: Bringing divine herbs from Mount Droṇa, this Aṅgiras (Bṛhaspati) revives the gods; know, dear one, that my word is true.
AI translation rendered from the Sanskrit, not a published edition
SiP 2 153.53
जयमिच्छसि चेत्तात शृणु मे वचनं शुभम् ।। ततः सोऽरं भुजाभ्यां त्वं द्रोणमब्धावुपाहर
jayamicchasi cettāta śṛṇu me vacanaṃ śubham || tataḥ so'raṃ bhujābhyāṃ tvaṃ droṇamabdhāvupāhara
If you desire victory, dear one, hear my auspicious word: then quickly carry off that Droṇa with your two arms and cast it into the ocean.
AI translation rendered from the Sanskrit, not a published edition
SiP 2 153.54
।।सनत्कुमार उवाच ।। इत्युक्तस्स तु दैत्येन्द्रो गुरुणा भार्गवेण ह ।। द्रुतं जगाम यत्रासावास्ते चैवाद्रिराट् च सः
||sanatkumāra uvāca || ityuktassa tu daityendro guruṇā bhārgaveṇa ha || drutaṃ jagāma yatrāsāvāste caivādrirāṭ ca saḥ
Sanatkumāra said: Thus addressed by his preceptor Bhārgava, that lord of the Daityas went swiftly to where that king of mountains stood.
AI translation rendered from the Sanskrit, not a published edition
SiP 2 153.55
भुजाभ्यां तरसा दैत्यो नीत्वा द्रोणं च तं तदा।। प्राक्षिपत्सागरे तूर्णं चित्रं न हरतेजसि
bhujābhyāṃ tarasā daityo nītvā droṇaṃ ca taṃ tadā|| prākṣipatsāgare tūrṇaṃ citraṃ na haratejasi
With his two arms the Daitya then forcibly carried off that Droṇa and quickly flung it into the sea — no wonder, in one possessed of Hara's power.
AI translation rendered from the Sanskrit, not a published edition
SiP 2 153.56
पुनरायान्महावीरस्सिन्धुपुत्रो महाहवम्।। जघानास्त्रैश्च विविधैस्सुरान्कृत्वा बलं महत्
punarāyānmahāvīrassindhuputro mahāhavam|| jaghānāstraiśca vividhaissurānkṛtvā balaṃ mahat
Again the great hero, the son of the Ocean, came to the great battle, and with various weapons he slew the gods, exerting great force.
AI translation rendered from the Sanskrit, not a published edition
SiP 2 153.57
अथ देवान्हतान्दृष्ट्वा द्रोणाद्रिमगमद्गुरुः ।। तावत्तत्र गिरीद्रं तं न ददर्श सुरार्चितः
atha devānhatāndṛṣṭvā droṇādrimagamadguruḥ || tāvattatra girīdraṃ taṃ na dadarśa surārcitaḥ
Then, seeing the gods slain, the preceptor went to Mount Droṇa; but there he, honoured by the gods, did not see that lord of mountains.
AI translation rendered from the Sanskrit, not a published edition
SiP 2 153.58
ज्ञात्वा दैत्यहृतं द्रोणं धिषणो भयविह्वलः ।। आगत्य देवान्प्रोवाच जीवो व्याकुलमानसः
jñātvā daityahṛtaṃ droṇaṃ dhiṣaṇo bhayavihvalaḥ || āgatya devānprovāca jīvo vyākulamānasaḥ
Knowing that Droṇa had been carried off by the Daitya, Dhiṣaṇa, faltering with fear — Jīva (Bṛhaspati) — came and spoke to the gods with troubled mind.
AI translation rendered from the Sanskrit, not a published edition
SiP 2 153.59
गुरुरुवाच ।। पलायध्वं सुरास्सर्वे द्रोणो नास्ति गिरिर्महान् ।। ध्रुवं ध्वस्तश्च दैत्येन पाथोधितनयेन हि
gururuvāca || palāyadhvaṃ surāssarve droṇo nāsti girirmahān || dhruvaṃ dhvastaśca daityena pāthodhitanayena hi
The preceptor said: Flee, all you gods! The great mountain Droṇa is no more; it has surely been destroyed by the Daitya, the son of the waters.
AI translation rendered from the Sanskrit, not a published edition
SiP 2 153.61
मया ज्ञातः प्रभावोऽस्य यथोत्पन्नः स्वयं सुराः ।। शिवापमानकृच्छक्रचेष्टितं स्मरताखिलम्
mayā jñātaḥ prabhāvo'sya yathotpannaḥ svayaṃ surāḥ || śivāpamānakṛcchakraceṣṭitaṃ smaratākhilam
I have understood his power, and how he himself came to be, O gods; recall the whole of Indra's conduct, which was an insult to Śiva.
AI translation rendered from the Sanskrit, not a published edition
SiP 2 153.62
सनत्कुमार उवाच ।। श्रुत्वा तद्वचनं देवास्सुराचार्यप्रकीर्तितम्।। जयाशां त्यक्तवंतस्ते भयविह्वलितास्तथा
sanatkumāra uvāca || śrutvā tadvacanaṃ devāssurācāryaprakīrtitam|| jayāśāṃ tyaktavaṃtaste bhayavihvalitāstathā
Sanatkumāra said: Hearing that word proclaimed by the preceptor of the gods, they, the gods, gave up hope of victory, faltering thus with fear.
AI translation rendered from the Sanskrit, not a published edition
SiP 2 153.63
दैत्यराजेन तेनातिहन्यमानास्समंततः ।। धैर्यं त्यक्त्वा पलायंत दिशो दश सवासवाः
daityarājena tenātihanyamānāssamaṃtataḥ || dhairyaṃ tyaktvā palāyaṃta diśo daśa savāsavāḥ
Being struck exceedingly on every side by that king of the Daityas, they abandoned steadfastness and fled in the ten directions, together with Vāsava.
AI translation rendered from the Sanskrit, not a published edition
SiP 2 153.64
देवान्विद्रावितान्दृष्ट्वा दैत्यस्सागरनंदनः ।। शंखभेरी जयरवैः प्रविवेशामरावतीम्
devānvidrāvitāndṛṣṭvā daityassāgaranaṃdanaḥ || śaṃkhabherī jayaravaiḥ praviveśāmarāvatīm
Seeing the gods routed, the Daitya, the son of the Ocean, entered Amarāvatī with conches, drums and shouts of victory.
AI translation rendered from the Sanskrit, not a published edition
SiP 2 153.65
प्रविष्टे नगरीं दैत्ये देवाः शक्रपुरोगमाः ।। सुवर्णाद्रिगुहां प्राप्ता न्यवसन्दैत्यतापिताः
praviṣṭe nagarīṃ daitye devāḥ śakrapurogamāḥ || suvarṇādriguhāṃ prāptā nyavasandaityatāpitāḥ
When the Daitya had entered the city, the gods, with Śakra at their head, reached a cave of the Golden Mountain and dwelt there, tormented by the Daitya.
AI translation rendered from the Sanskrit, not a published edition
SiP 2 153.66
तदैव सर्वेष्वसुरोऽधिकारेष्विन्द्रादिकानां विनिवेश्य सम्यक्।। शुंभादिकान्दैत्यवरान् पृथक्पृथक्स्वयं सुवर्णादिगुहां व्यगान्मुने
tadaiva sarveṣvasuro'dhikāreṣvindrādikānāṃ viniveśya samyak|| śuṃbhādikāndaityavarān pṛthakpṛthaksvayaṃ suvarṇādiguhāṃ vyagānmune
At that very time the Asura, having properly installed the foremost Daityas, Śumbha and the rest, each separately in all the offices of Indra and the others, himself went to the cave of the Golden Mountain, O sage.
AI translation rendered from the Sanskrit, not a published edition