Valmiki Ramayana — Uttara Kanda — Chapter 95
VR 7 95.1
रामो बहून्यहान्येव तद्गीतं परमं शुभम्। शुश्राव मुनिभिः सार्धं पार्थिवैः सह वानरैः॥
rāmo bahūnyahānyeva tadgītaṃ paramaṃ śubham| śuśrāva munibhiḥ sārdhaṃ pārthivaiḥ saha vānaraiḥ||
Rāma heard that highly sacred theme for many long days in the company of ascetics, kings and Vänaras.
— tr. M.N. Dutt (1891–96) (public domain)
VR 7 95.2
तस्मिन्गीते तु विज्ञाय सीतापुत्रौ कुशीलवौ। तस्याः परिषदो मध्ये रामो वचनमब्रवीत्॥ दूताशुद्धसमाचारानाहूयात्ममनीषया। मद्वचो ब्रूत गच्छध्वमितो भगवतोऽन्तिके॥ यदि शुद्धसमाचारा यदि वा वीतकल्मषा। करोत्विहात्मनः शुद्धिमनुमान्य महामुनिम्॥
tasmingīte tu vijñāya sītāputrau kuśīlavau| tasyāḥ pariṣado madhye rāmo vacanamabravīt|| dūtāśuddhasamācārānāhūyātmamanīṣayā| madvaco brūta gacchadhvamito bhagavato'ntike|| yadi śuddhasamācārā yadi vā vītakalmaṣā| karotvihātmanaḥ śuddhimanumānya mahāmunim||
And understanding from the story that Kusa and Lava were Janaki's sons, Rāma mentioning her name said before the assembly:-Send a good emissary to the illustrious Vālmīki and let him communicate to the ascetics that if Janaki is sinless and has lead a pure life in the forest; let her give proof of purity by the great ascetic's permission.
— tr. M.N. Dutt (1891–96) (public domain)
VR 7 95.3
छन्दं मुनेश्च विज्ञाय सीतायाश्च मनोगतम्। प्रत्ययं दातुकामायास्ततः शंसत मे लघु॥
chandaṃ muneśca vijñāya sītāyāśca manogatam| pratyayaṃ dātukāmāyāstataḥ śaṃsata me laghu||
Let the emissaries learn well the intention of the ascetic in this and if Sītā is at heart willing to bring in proofs.
— tr. M.N. Dutt (1891–96) (public domain)
VR 7 95.4
श्वः प्रभाते तु शपथं मैथिली जनकात्मजा। करोतु परिषन्मध्ये शोधनार्थं ममैव च॥
śvaḥ prabhāte tu śapathaṃ maithilī janakātmajā| karotu pariṣanmadhye śodhanārthaṃ mamaiva ca||
To uphold her as well as mine purity, let Maithili, the daughter of Janaka, swear before the assembly in the morning of the next day.
— tr. M.N. Dutt (1891–96) (public domain)
VR 7 95.5
श्रुत्वा तु राघवस्यैतद्वचः परममद्भुतम्। दूताः संप्रययुर्बादं यत्र वै मुनिपुङ्गवः॥ ते प्रणम्य महात्मानं ज्वलन्तममितप्रभम्। ऊचुस्ते रामवाक्यानि मृदूनि मधुराणि च।।।।।
śrutvā tu rāghavasyaitadvacaḥ paramamadbhutam| dūtāḥ saṃprayayurbādaṃ yatra vai munipuṅgavaḥ|| te praṇamya mahātmānaṃ jvalantamamitaprabham| ūcuste rāmavākyāni mṛdūni madhurāṇi ca|||||
Hearing the words of Rānia, messengers went to Vālmīki and saluting the high-souled (ascetic) burning in his effulgence and of incomparable lustre, communicated to him, in sweet words all what Rāma had said.
— tr. M.N. Dutt (1891–96) (public domain)
VR 7 95.6
तेषां तद्भाषितं श्रुत्वा रामस्य च मनोगतम्। विज्ञाय सुमहातेजा मुनिर्वाक्यमथाब्रवीत्॥
teṣāṃ tadbhāṣitaṃ śrutvā rāmasya ca manogatam| vijñāya sumahātejā munirvākyamathābravīt||
Hearing the words of the messengers and understanding Rama's intention the ascetic said.
— tr. M.N. Dutt (1891–96) (public domain)
VR 7 95.7
एवं भवतु भद्रं वो यथा वदति राघवः। तथा करिष्यते सीता दैवतं हि पतिः स्त्रियः॥
evaṃ bhavatu bhadraṃ vo yathā vadati rāghavaḥ| tathā kariṣyate sītā daivataṃ hi patiḥ striyaḥ||
What Räma has said shall be satisfied. May good betide you. Husband is the greatest god for women. So SIta shall carry out his behests.
— tr. M.N. Dutt (1891–96) (public domain)
VR 7 95.8
तथोक्ता मुनिना सर्वे राजदूता महौजसः। प्रत्येत्य राघवं सर्वं मुनिवाक्यं बभाषिरे॥
tathoktā muninā sarve rājadūtā mahaujasaḥ| pratyetya rāghavaṃ sarvaṃ munivākyaṃ babhāṣire||
The great ascetic having said this, the highly powerful emissaries, approaching Rāma, communicated to him what the Muni had said.
— tr. M.N. Dutt (1891–96) (public domain)
VR 7 95.9
ततः प्रहृष्टः काकुत्स्थः श्रुत्वा वाक्यं महात्मनः। ऋषींस्तत्र समेतांश्च राज्ञश्चैवाभ्यभाषत॥
tataḥ prahṛṣṭaḥ kākutsthaḥ śrutvā vākyaṃ mahātmanaḥ| ṛṣīṃstatra sametāṃśca rājñaścaivābhyabhāṣata||
Hearing the words of the high-souled Valmiki, Rama was greatly delighted. Having addressed the assembled Rșis and kings he said.
— tr. M.N. Dutt (1891–96) (public domain)
VR 7 95.10
भगवन्तः सशिष्या वै सानुगाश्च नराधिपाः। पश्यन्तु सीताशपथं यश्चैवान्योऽपि काङ्क्षते।।१३
bhagavantaḥ saśiṣyā vai sānugāśca narādhipāḥ| paśyantu sītāśapathaṃ yaścaivānyo'pi kāṅkṣate||13
The Rșis with their disciples, and the kings with their followers and all others willing shall see Sitā swear here.
— tr. M.N. Dutt (1891–96) (public domain)
VR 7 95.11
तस्य तद्वचनं श्रुत्वा राघवस्य महात्मनः। सर्वेषामृषिमुख्यानां साधुवादो महानभूत्॥
tasya tadvacanaṃ śrutvā rāghavasya mahātmanaḥ| sarveṣāmṛṣimukhyānāṃ sādhuvādo mahānabhūt||
Hearing the words of the high-souled Rāma, all the high-souled Rșis began to speak of him in high terms and said.
— tr. M.N. Dutt (1891–96) (public domain)
VR 7 95.12
राजानश्च महात्मानः प्रशंसन्ति स्म राघवम्। उपपन्नं नरश्रेष्ठ त्वय्येव भुवि नान्यतः॥
rājānaśca mahātmānaḥ praśaṃsanti sma rāghavam| upapannaṃ naraśreṣṭha tvayyeva bhuvi nānyataḥ||
O foremost of men, such an action becomes you not any one else.
— tr. M.N. Dutt (1891–96) (public domain)
VR 7 95.13
एवं विनिश्चयं कृत्वा श्वोभूत इति राघवः। विसर्जयामास तदा सास्ताञ्छत्रुसूदनः॥
evaṃ viniścayaṃ kṛtvā śvobhūta iti rāghavaḥ| visarjayāmāsa tadā sāstāñchatrusūdanaḥ||
There upon having settled that Sītă would swear next day, Rāma, the slayer of enemies, dismissed them all.
— tr. M.N. Dutt (1891–96) (public domain)
VR 7 95.14
इति संप्रविचार्य राजसिंहः श्वोभूते शपथस्य निश्चयम्। विससर्ज मुनीनृपांश्च सर्वान् स महात्मा महतो महानुभावः॥
iti saṃpravicārya rājasiṃhaḥ śvobhūte śapathasya niścayam| visasarja munīnṛpāṃśca sarvān sa mahātmā mahato mahānubhāvaḥ||
And having made arrangements that Sītā would go through the trial next day, the highminded, generous king Rama bade adieu to all kings and Rşis.
— tr. M.N. Dutt (1891–96) (public domain)