Valmiki Ramayana — Uttara Kanda — Chapter 84
VR 7 84.1
तथोक्तवति रामे तु भरते च महात्मनि। लक्ष्मणोऽथ शुभं वाक्यमुवाच रघुनन्दनम्॥
tathoktavati rāme tu bharate ca mahātmani| lakṣmaṇo'tha śubhaṃ vākyamuvāca raghunandanam||
After the conversation between Råma and Bharata had been over, Laksmana, with reasonable words, said to the former.
— tr. M.N. Dutt (1891–96) (public domain)
VR 7 84.2
अश्वमेधो महायज्ञः पावनः सर्वपाप्मनाम्। पावनस्तव दुर्धर्षो रोचतां रघुनन्दन ॥
aśvamedho mahāyajñaḥ pāvanaḥ sarvapāpmanām| pāvanastava durdharṣo rocatāṃ raghunandana ||
O Rāma, among sacrifices Aśvamedha is the best and the remover of all sins; it is my prayer therefore that your desire might be turned towards this great and highly purifying sacrifice.
— tr. M.N. Dutt (1891–96) (public domain)
VR 7 84.3
श्रूयते हि पुरावृत्तं वासवे सुमहात्मनि। ब्रह्महत्यावृतः शक्रो हयमेधेन पावितः॥
śrūyate hi purāvṛttaṃ vāsave sumahātmani| brahmahatyāvṛtaḥ śakro hayamedhena pāvitaḥ||
It is said in this Purānas, that Purandara, sullied by the sin consequent upon slaying a Brāhmaṇa, was again purified by celebrating a horse sacrifice.
— tr. M.N. Dutt (1891–96) (public domain)
VR 7 84.4
पुरा किल महाबाहो देवासुरसमागमे। वृत्रो नाम महानासी तेयो लोकसंमतः।।।।
purā kila mahābāho devāsurasamāgame| vṛtro nāma mahānāsī teyo lokasaṃmataḥ||||
O you having long arms, formerly, during the war between gods and demons there flourished a highly honoured Asura under the name of Vſtra.
— tr. M.N. Dutt (1891–96) (public domain)
VR 7 84.5
विस्तीर्णो योजनशतमुच्छ्रितस्त्रिगुणं ततः। अनुरागेण लोकांस्त्रीस्नेहात्पश्यति सर्वतः॥
vistīrṇo yojanaśatamucchritastriguṇaṃ tataḥ| anurāgeṇa lokāṃstrīsnehātpaśyati sarvataḥ||
The breadth of his body was a hundred Yojanas and the height there of was three hundred Yojanas. Considering all under his subjection he used to regard them with affection.
— tr. M.N. Dutt (1891–96) (public domain)
VR 7 84.6
धर्मज्ञश्च कृतज्ञश्च बुद्ध्या च परिनिष्ठितः। शशास पृथिवीं स्फीतां धर्मेण सुसमाहितः॥
dharmajñaśca kṛtajñaśca buddhyā ca pariniṣṭhitaḥ| śaśāsa pṛthivīṃ sphītāṃ dharmeṇa susamāhitaḥ||
He was pious, grateful and used to perform nothing without proper deliberation. And treading tracks he used to govern his subjects very carefully.
— tr. M.N. Dutt (1891–96) (public domain)
VR 7 84.7
तस्मिन्प्रशासति तदा सर्वकामदुधा मही। रसवन्ति प्रसूनानि मूलानि च फलानि च।७।।
tasminpraśāsati tadā sarvakāmadudhā mahī| rasavanti prasūnāni mūlāni ca phalāni ca|7||
During his administration earth produced all wished-for objects; roots and fruits were tasteful and flowers were fragrant.
— tr. M.N. Dutt (1891–96) (public domain)
VR 7 84.8
अकृष्टपच्या पृथिवी सुसंपन्ना महात्मनः। स राज्यं तादृशं भुङ्क्ते स्फीतमद्भुतदर्शनम्॥
akṛṣṭapacyā pṛthivī susaṃpannā mahātmanaḥ| sa rājyaṃ tādṛśaṃ bhuṅkte sphītamadbhutadarśanam||
Without being cultivated earth used to yield crops. In this wise for many long years he governed a prosperous and wonderful kingdom.
— tr. M.N. Dutt (1891–96) (public domain)
VR 7 84.9
तस्य बुद्धिः समुत्पन्ना तपः कुर्यामनुत्तमम्। तपो हि परमं श्रेयः संमोहमितरत्सुखम्॥
tasya buddhiḥ samutpannā tapaḥ kuryāmanuttamam| tapo hi paramaṃ śreyaḥ saṃmohamitaratsukham||
Thereupon he determined upon performing a hard penance. He considered asceticism as the best of all and regarded all other things as mere illusions.
— tr. M.N. Dutt (1891–96) (public domain)
VR 7 84.10
स निक्षिप्य सुतं ज्येष्ठं पौरेषु मधुरेश्वरम्। तप उग्रं समातिष्ठत्तापयन्सर्वदेवताः॥
sa nikṣipya sutaṃ jyeṣṭhaṃ paureṣu madhureśvaram| tapa ugraṃ samātiṣṭhattāpayansarvadevatāḥ||
Having resolved thus and placed his son Madhureśvara on the throne Vſtra engaged in austerities creating terror to all deities.
— tr. M.N. Dutt (1891–96) (public domain)
VR 7 84.11
तपस्तप्यति वृत्रे तु वासवः परमार्तवत्। विष्णुं समुपसंक्रम्य वाक्यमेतदुवाच ह॥
tapastapyati vṛtre tu vāsavaḥ paramārtavat| viṣṇuṃ samupasaṃkramya vākyametaduvāca ha||
He being thus engaged in asceticism, Indra, greatly terrified, approached Vişņu and said.
— tr. M.N. Dutt (1891–96) (public domain)
VR 7 84.12
तपस्यता महाबाहो लोकाः सर्वे विनिर्जिताः। बलवान्स हि धर्मात्मा नैनं शक्ष्यामि शासितुम्॥
tapasyatā mahābāho lokāḥ sarve vinirjitāḥ| balavānsa hi dharmātmā nainaṃ śakṣyāmi śāsitum||
O you having long arms, by virtue of his asceticism Vſtra is about to conquer all the worlds. He is pious, so I cannot subdue him.
— tr. M.N. Dutt (1891–96) (public domain)
VR 7 84.13
यद्यसौ तप आतिष्ठेद्भूय एव सुरेश्वर। यावल्लोका धरिष्यन्ति तावदस्य वशानुगाः॥
yadyasau tapa ātiṣṭhedbhūya eva sureśvara| yāvallokā dhariṣyanti tāvadasya vaśānugāḥ||
O illustrious Sir, if his ascetic powers grow more we shall be constrained to live under his control for ever from the creation.
— tr. M.N. Dutt (1891–96) (public domain)
VR 7 84.14
तं चैनं परमोदारमुपेक्षसि महाबल। क्षणं हि न भवेत्रः क्रुद्ध त्वयि सुरेश्वर॥
taṃ cainaṃ paramodāramupekṣasi mahābala| kṣaṇaṃ hi na bhavetraḥ kruddha tvayi sureśvara||
Do you therefore not neglect any longer this highly Generous Asura. They self being enraged, O lord of deities, Vſtra shall not live even for a moment.
— tr. M.N. Dutt (1891–96) (public domain)
VR 7 84.15
यदा हि प्रीतिसंयोगं त्वया विष्णो समागतः। तदा प्रभृति लोकानां नाथत्वमुपलब्धवान्॥
yadā hi prītisaṃyogaṃ tvayā viṣṇo samāgataḥ| tadā prabhṛti lokānāṃ nāthatvamupalabdhavān||
O Vişnu, from the time he succeeded in propitiating you, he has obtained the sovereignty of the three worlds.
— tr. M.N. Dutt (1891–96) (public domain)
VR 7 84.16
स त्वं प्रसादं लोकानां कुरुष्व सुसमाहितः। त्वत्कृते नहि सर्व स्यात्प्रशान्तमरुजं जगत्॥
sa tvaṃ prasādaṃ lokānāṃ kuruṣva susamāhitaḥ| tvatkṛte nahi sarva syātpraśāntamarujaṃ jagat||
Do you, therefore, be propitiated now; save you none can free this world from thorns and bring it at rest.
— tr. M.N. Dutt (1891–96) (public domain)
VR 7 84.17
इमे हि सर्वे विष्णो त्वां निरीक्षन्ते दिवौकसः। वृत्रघातेन महता तेषां साह्यं कुरुष्व ह॥ त्वया हि नित्यशः साह्यं कृतमेषां महात्मनाम्। असह्यमिदमन्येषामगतीनां गतिर्भवान्॥
ime hi sarve viṣṇo tvāṃ nirīkṣante divaukasaḥ| vṛtraghātena mahatā teṣāṃ sāhyaṃ kuruṣva ha|| tvayā hi nityaśaḥ sāhyaṃ kṛtameṣāṃ mahātmanām| asahyamidamanyeṣāmagatīnāṃ gatirbhavān||
O Vişnu, all the deities are waiting for you; do you help them by slaying Vộtra. O you having a large mind, you are always the help of these high-souled deities. It is impossible for any one else to accomplish the present work. You are the refuge of the helpless.
— tr. M.N. Dutt (1891–96) (public domain)