Valmiki Ramayana — Uttara Kanda — Chapter 103
VR 7 103.1
कस्यचित्त्वथ कालस्य रामे धर्मपरे स्थिते। कालस्तापसरूपेण राजद्वारमुपागमत्॥
kasyacittvatha kālasya rāme dharmapare sthite| kālastāpasarūpeṇa rājadvāramupāgamat||
In this wise the virtuous Rāma having spent some time Kāla, assuming the shape of an ascetic, arrived at the palace gate.
— tr. M.N. Dutt (1891–96) (public domain)
VR 7 103.2
दूतो ह्यतिबलस्याहं महर्षेरमितौजसः। रामं दिदृक्षुरायातः कार्येण हि महाबलः॥
dūto hyatibalasyāhaṃ maharṣeramitaujasaḥ| rāmaṃ didṛkṣurāyātaḥ kāryeṇa hi mahābalaḥ||
I am the messenger of the great saint Atibala of incomparable effulgence. O you of great strength, for a particular business, I have come here to sec Rāma.
— tr. M.N. Dutt (1891–96) (public domain)
VR 7 103.3
तस्य तद्वचनं श्रुत्वा सौमित्रिस्त्वरयान्वितः। न्यवेदयत रामाय तापसं तं समागतम्॥
tasya tadvacanaṃ śrutvā saumitristvarayānvitaḥ| nyavedayata rāmāya tāpasaṃ taṃ samāgatam||
Hearing the words of the great saint, Saumitri speedily went to Råghava and communicated to him the arrival of the ascetic, saying.
— tr. M.N. Dutt (1891–96) (public domain)
VR 7 103.4
जयस्व राजधर्मेण उभौ लोकौ महाद्युते। दूतस्त्वां द्रष्टुमायातस्तपसा भास्करप्रभः॥
jayasva rājadharmeṇa ubhau lokau mahādyute| dūtastvāṃ draṣṭumāyātastapasā bhāskaraprabhaḥ||
O you of great effulgence, observing the royal duties, may you acquire victory in both the worlds; one ambassador radiant like the sun by virtue of his asceticism, has come here to visit you.
— tr. M.N. Dutt (1891–96) (public domain)
VR 7 103.5
तद्वाक्यं लक्ष्मणोक्तं वै श्रुत्वा राम उवाच ह। प्रवेश्यतां मुनिस्तात महौजास्तस्य वाक्यधृक् ॥
tadvākyaṃ lakṣmaṇoktaṃ vai śrutvā rāma uvāca ha| praveśyatāṃ munistāta mahaujāstasya vākyadhṛk ||
Hearing the words of Laksmana, Rāma said: “Do you speedily bring here the highly effulgent ascetic bringing in a message."
— tr. M.N. Dutt (1891–96) (public domain)
VR 7 103.6
सौमित्रिस्तु तथेत्युक्त्वा प्रावेशयत तं मुनिम्। ज्वलन्तमेव तेजोभिः प्रदहन्तमिवांशुभिः॥
saumitristu tathetyuktvā prāveśayata taṃ munim| jvalantameva tejobhiḥ pradahantamivāṃśubhiḥ||
There upon saying so be it, Saumitri conducted, the effulgent ascetic to Råma's house.
— tr. M.N. Dutt (1891–96) (public domain)
VR 7 103.7
सोऽभिगम्य रघुश्रेष्ठं दीप्यपानं स्वतेजसा। ऋषिर्मधुरया वाचा वर्धस्वेत्याह राघवम्॥
so'bhigamya raghuśreṣṭhaṃ dīpyapānaṃ svatejasā| ṛṣirmadhurayā vācā vardhasvetyāha rāghavam||
And having approached Rama the foremost? of Raghus, the ascetic, burning in his own energy, said to him, in sweet accents:-0 great king may prosperity crown you.
— tr. M.N. Dutt (1891–96) (public domain)
VR 7 103.8
तस्मै रामो महातेजाः पूजामर्थ्यपुरोगमाम्। ददौ कुशलमव्यग्रं प्रष्टुं चैवोपचक्रमे॥
tasmai rāmo mahātejāḥ pūjāmarthyapurogamām| dadau kuśalamavyagraṃ praṣṭuṃ caivopacakrame||
And having welcomed him with water and Argya, the highly effulgent Rāma asked him about his well-being.
— tr. M.N. Dutt (1891–96) (public domain)
VR 7 103.9
पृष्टश्च कुशलं तेन रामेण वदतां वरः। आसने काश्चने दिव्ये निषसाद महायशाः॥
pṛṣṭaśca kuśalaṃ tena rāmeṇa vadatāṃ varaḥ| āsane kāścane divye niṣasāda mahāyaśāḥ||
Being asked by Rāma as to his welfare, that foremost of ascetics, skilled in the are of speech, sat on a golden seat.
— tr. M.N. Dutt (1891–96) (public domain)
VR 7 103.10
तमुवाच ततो रामः स्वागतं ते महामते। प्रापयास्य च वाक्यानि यतो दूतस्त्वमागतः॥
tamuvāca tato rāmaḥ svāgataṃ te mahāmate| prāpayāsya ca vākyāni yato dūtastvamāgataḥ||
There upon welcoming him Rāma said:-Do you communicate to me his words by whom you have been sent.
— tr. M.N. Dutt (1891–96) (public domain)
VR 7 103.11
चोदितो राजसिंहेन मुनिर्वाक्यमभाषत। द्वन्द्वे ह्येतत्प्रवक्तव्यं हितं वै यद्यवेक्षसे॥
codito rājasiṃhena munirvākyamabhāṣata| dvandve hyetatpravaktavyaṃ hitaṃ vai yadyavekṣase||
Being thus addressed by Rāma, a lion among kings, the ascetic said:-If do you wish to bring about the well-being of the celestials, my earnest desire is that we may talk over it in a solitary place.
— tr. M.N. Dutt (1891–96) (public domain)
VR 7 103.12
यः शृणोति निरीक्षेद्वा स वध्यो भविता तव। भवेद्वै मुनिमुख्यस्य वचनं यद्यवेक्षसे॥
yaḥ śṛṇoti nirīkṣedvā sa vadhyo bhavitā tava| bhavedvai munimukhyasya vacanaṃ yadyavekṣase||
And if you have any regard for the words of that foremost of ascetics, do you so order that whoever shall hear or see us, when we shall converse in a solitary place, shall be slain by you.
— tr. M.N. Dutt (1891–96) (public domain)
VR 7 103.13
तथेति च प्रतिज्ञाय रामो लक्ष्मणमब्रवीत्। द्वारि तिष्ठ महाबाहो प्रतिहारं विसर्जय॥
tatheti ca pratijñāya rāmo lakṣmaṇamabravīt| dvāri tiṣṭha mahābāho pratihāraṃ visarjaya||
There upon Rāma promised that it should be done and said to Lakşmaņa:-O you having long arms, sending away the warder do you wait at the gate.
— tr. M.N. Dutt (1891–96) (public domain)
VR 7 103.14
स मे वध्यः खलु भवेद्वाचं द्वन्द्वसमीरितम्। ऋषेर्मम च सौमित्रे पश्येद्वा शृणुयाच्च यः॥
sa me vadhyaḥ khalu bhavedvācaṃ dvandvasamīritam| ṛṣermama ca saumitre paśyedvā śṛṇuyācca yaḥ||
When I shall talk with this ascetic in this solitary room whoever, shall hear or see us, shall be slain by me.
— tr. M.N. Dutt (1891–96) (public domain)
VR 7 103.15
ततो निक्षिप्य काकुत्स्थो लक्ष्मणं द्वारि संग्रहम्। तमुवाच मुने वाक्यं कथयस्वेति राघवः॥ तत्ते मनीषितं वाक्यं येन वासि समाहितः। कथयस्वाविशङ्कस्त्वं ममापि हृदि वर्तते॥
tato nikṣipya kākutstho lakṣmaṇaṃ dvāri saṃgraham| tamuvāca mune vākyaṃ kathayasveti rāghavaḥ|| tatte manīṣitaṃ vākyaṃ yena vāsi samāhitaḥ| kathayasvāviśaṅkastvaṃ mamāpi hṛdi vartate||
Having thus piaced Lakşmaņa at the gate Rama said to that Rsis:-O great saint, tell me what he has communicated to you. O Muni, what is your intention and by what high-souled Rșis you have been sent here. Tell me all this without any fear, I have become anxious to hear it.
— tr. M.N. Dutt (1891–96) (public domain)