Valmiki Ramayana — Yuddha Kanda — Chapter 97
VR 6 97.1
हन्यमाने बले तूर्णमन्योन्यं ते महामृधे। सरसीव महाधर्मे सूपक्षीणे बभूवतुः॥
hanyamāne bale tūrṇamanyonyaṃ te mahāmṛdhe| sarasīva mahādharme sūpakṣīṇe babhūvatuḥ||
Like to a pond in the summer both the armies became gradually reduce.
— tr. M.N. Dutt (1891–96) (public domain)
VR 6 97.2
स्वबलस्य तु घातेन विरूपाक्षवधेन च। बभूव द्विगुणं क्रुद्धो रावणो राक्षसाधिपः॥
svabalasya tu ghātena virūpākṣavadhena ca| babhūva dviguṇaṃ kruddho rāvaṇo rākṣasādhipaḥ||
Beholding his own army and Virupaksa slain Ravana, the lord of Raksasas, was doubly excited with ire.
— tr. M.N. Dutt (1891–96) (public domain)
VR 6 97.3
प्रक्षीणं स्वबलं दृष्ट्वा बध्यमानं बलीमुखैः। बभूवास्य व्यथा युद्धे दृष्ट्वा दैवविपर्ययम्॥
prakṣīṇaṃ svabalaṃ dṛṣṭvā badhyamānaṃ balīmukhaiḥ| babhūvāsya vyathā yuddhe dṛṣṭvā daivaviparyayam||
Observing his army reduced and slain by the heroic (monkeys) he perceived ill omens in the fight and was accordingly pained at heart,
— tr. M.N. Dutt (1891–96) (public domain)
VR 6 97.4
उवाच च समीपस्थं महोदरमनन्तरम्। अस्मिन्काले महाबाहो जयाशा त्वयि मे स्थिता।।४
uvāca ca samīpasthaṃ mahodaramanantaram| asminkāle mahābāho jayāśā tvayi me sthitā||4
He addressed Mahodara who was near him saying, you of great arms, all my hopes of success are now centred in you.
— tr. M.N. Dutt (1891–96) (public domain)
VR 6 97.5
जहि शत्रुचमूं वीर दर्शयाध पराक्रमम्। भर्तृपिण्डस्य कालोऽयं निर्देष्टुं साधु युध्यताम्॥
jahi śatrucamūṃ vīra darśayādha parākramam| bhartṛpiṇḍasya kālo'yaṃ nirdeṣṭuṃ sādhu yudhyatām||
Do you slay the enemy's force, O hero, and display your prowess. Now has come the time of returning the favours of your master. Do you fight bravely.
— tr. M.N. Dutt (1891–96) (public domain)
VR 6 97.6
एवमुक्तस्तथेत्युक्त्वा राक्षसेन्द्रो महोदरः। प्रविवेशारिसेनां स पतङ्ग इव पावकम्।६॥
evamuktastathetyuktvā rākṣasendro mahodaraḥ| praviveśārisenāṃ sa pataṅga iva pāvakam|6||
Being thus accosted that Räkşasa chief Mahodara saying "so be it” entered the enemy's army like to a fly entering into a flame.
— tr. M.N. Dutt (1891–96) (public domain)
VR 6 97.7
ततः स कदनं चक्रे वानराणां महाबलः। भर्तृवाक्येन तेजस्वी स्वेन वीर्येण चोदितः॥
tataḥ sa kadanaṃ cakre vānarāṇāṃ mahābalaḥ| bhartṛvākyena tejasvī svena vīryeṇa coditaḥ||
Excited by his master's command and empowered by his won prowess that (Rākşasa) gifted with great strength began to assail the monkeys.
— tr. M.N. Dutt (1891–96) (public domain)
VR 6 97.8
वानराश्च महासत्त्वाः प्रगृह्य विपुलाः शिलाः। प्रविश्यारिबलं भीमं जघ्नुस्ते सर्वराक्षसान्।८॥
vānarāśca mahāsattvāḥ pragṛhya vipulāḥ śilāḥ| praviśyāribalaṃ bhīmaṃ jaghnuste sarvarākṣasān|8||
The highly powerful monkeys too taking up huge crags dashed against the dreadful army of the enemies and crushed all the Rakşasas.
— tr. M.N. Dutt (1891–96) (public domain)
VR 6 97.9
महोदरः सुसंक्रुद्धः शरैः काञ्चनभूषणैः। चिच्छेद पाणिपादोरु वानराणां महाहवे।९।।
mahodaraḥ susaṃkruddhaḥ śaraiḥ kāñcanabhūṣaṇaiḥ| ciccheda pāṇipādoru vānarāṇāṃ mahāhave|9||
And Mahodara, greatly angered, severed in that mighty encounter, with his arrows feathered in gold, the hands, feet and thighs of the monkeys.
— tr. M.N. Dutt (1891–96) (public domain)
VR 6 97.10
ततस्ते वानराः सर्वे राक्षसानां महामृधे। दिशो दश दुताः केचित्केचित्सुग्रीवमाश्रिताः॥
tataste vānarāḥ sarve rākṣasānāṃ mahāmṛdhe| diśo daśa dutāḥ kecitkecitsugrīvamāśritāḥ||
Then the monkeys in fear of the Rākşasas, fled away to different quarters and some sought shelter of Sugriva.
— tr. M.N. Dutt (1891–96) (public domain)
VR 6 97.11
प्रभग्नं समरे दृष्ट्वा वानराणां महाबलम्। अभिदुद्राव सुग्रीवो महोदरमनन्तरम्॥
prabhagnaṃ samare dṛṣṭvā vānarāṇāṃ mahābalam| abhidudrāva sugrīvo mahodaramanantaram||
And beholding his powerful monkeys force thus assailed in the conflict, Sugrīva dashed for ward and fronted Mahodara.
— tr. M.N. Dutt (1891–96) (public domain)
VR 6 97.12
प्रगृह्या विपुलां घोरां महीधरसमं शिलाम्। चिक्षेप च महातेजास्तद्वधाय हरीश्वरः॥
pragṛhyā vipulāṃ ghorāṃ mahīdharasamaṃ śilām| cikṣepa ca mahātejāstadvadhāya harīśvaraḥ||
And taking up a huge and dreadful crag resembling a mountain, the monkeys-king hurled it with great vehemence to slay him.
— tr. M.N. Dutt (1891–96) (public domain)
VR 6 97.13
तामापतन्तीं सहसा शिलां दृष्ट्वा महोदरः। असंभ्रान्तस्ततो बाणैर्निर्बिभेद ततः शिलाम्॥
tāmāpatantīṃ sahasā śilāṃ dṛṣṭvā mahodaraḥ| asaṃbhrāntastato bāṇairnirbibheda tataḥ śilām||
Thereupon finding that crag about to fall, Mahodara fearlessly severed it with his arrows.
— tr. M.N. Dutt (1891–96) (public domain)
VR 6 97.14
रक्षसा तेन बाणौधैनिकृत्ता सा सहस्रधा। निपपात तदा भूमौ गृध्रचक्रमिवाकुलम्॥
rakṣasā tena bāṇaudhainikṛttā sā sahasradhā| nipapāta tadā bhūmau gṛdhracakramivākulam||
And being sundered into a thousand pieces by the arrow of that Rākşasa, it fell down on the earth like to a band of vultures.
— tr. M.N. Dutt (1891–96) (public domain)
VR 6 97.15
तां तु भिन्नां शिलां दृष्ट्वा सुग्रीवः क्रोधमुर्छितः। सालमुत्पाट्य चिक्षेप तं स चिच्छेद नैकधा॥ शरैश्च विददारैनं शूरः परबलार्दनः। स ददर्श ततः क्रुद्धः परिषं पतितं भुवि॥
tāṃ tu bhinnāṃ śilāṃ dṛṣṭvā sugrīvaḥ krodhamurchitaḥ| sālamutpāṭya cikṣepa taṃ sa ciccheda naikadhā|| śaraiśca vidadārainaṃ śūraḥ parabalārdanaḥ| sa dadarśa tataḥ kruddhaḥ pariṣaṃ patitaṃ bhuvi||
Beholding that crag thus severed, Sugrīva was beside himself with ire; and uplifting a Sála tree hurled it; and the heroic Räkşasa the slayer of enemy's force, severed it into several pieces with his arrows. Thereupon excited with wrath he saw a parigha on the ground.
— tr. M.N. Dutt (1891–96) (public domain)
VR 6 97.16
आविध्य तु स तं दीप्तं परिघं तस्य दर्शयन्। परिघेणोग्रवेगेन जघानास्य हयोचमान्॥ तस्माद्धतहयाद्वीरः सोऽवप्लुत्य महारथात्। गदां जग्राह संकृद्धो राक्षसोऽथ महोदरः॥
āvidhya tu sa taṃ dīptaṃ parighaṃ tasya darśayan| parigheṇogravegena jaghānāsya hayocamān|| tasmāddhatahayādvīraḥ so'vaplutya mahārathāt| gadāṃ jagrāha saṃkṛddho rākṣaso'tha mahodaraḥ||
And hurling that flaming Parigha and displaying his (light-handedness) he stuck his excellent horse there with. And having his horse slain, that hero the Rakşasa Mahodara, ascended his car, and in great anger took up his club.
— tr. M.N. Dutt (1891–96) (public domain)
VR 6 97.17
गदापरिघहस्तौ तौ युधि वीरौ समीयतुः। नर्दन्तौ गोवृषप्रख्यौ घनाविव सविद्युतौ॥
gadāparighahastau tau yudhi vīrau samīyatuḥ| nardantau govṛṣaprakhyau ghanāviva savidyutau||
Those two heroes, with club and parigha in their hands, engaged in battle, roaring like two bulls or clouds accompanied with lightning.
— tr. M.N. Dutt (1891–96) (public domain)
VR 6 97.18
ततः क्रुद्धो गदां तस्य चिक्षेप रजनीचरः। ज्वलन्ती भास्कराभासां सुग्रीवाय महोदरः॥
tataḥ kruddho gadāṃ tasya cikṣepa rajanīcaraḥ| jvalantī bhāskarābhāsāṃ sugrīvāya mahodaraḥ||
Thereupon the night-ranger Mahodara, inflamed with ire, hurled at Sugrīva, the club flaming like the Sun.
— tr. M.N. Dutt (1891–96) (public domain)
VR 6 97.19
गदां तां सुमहाघोरामापतन्तीं महाबलः। सुग्रीवो रोषताम्राक्षः समुद्यम्य महाहवे॥ आजघान गदां तस्य परिषेण हरीश्वरः। पपात तरसा भिन्नः परिघस्तस्य भूतले॥
gadāṃ tāṃ sumahāghorāmāpatantīṃ mahābalaḥ| sugrīvo roṣatāmrākṣaḥ samudyamya mahāhave|| ājaghāna gadāṃ tasya pariṣeṇa harīśvaraḥ| papāta tarasā bhinnaḥ parighastasya bhūtale||
Beholding that dreadful club about to fall the highly powerful Sugrīva-the lord of monkeys, uplifting his parigha struck it there with. And parigha, being sundered, fell quickly down on the earth.
— tr. M.N. Dutt (1891–96) (public domain)
VR 6 97.20
ततो जग्राह तेजस्वी सुग्रीवो वसुधातलात्। आयसं मुसलं घोरं सर्वतो हेमभूषितम्॥
tato jagrāha tejasvī sugrīvo vasudhātalāt| āyasaṃ musalaṃ ghoraṃ sarvato hemabhūṣitam||
Thereupon the effulgent Sugrīva picked up from the ground musala made of iron and ornamented with gold.
— tr. M.N. Dutt (1891–96) (public domain)
VR 6 97.21
स तमुद्यम्य चिक्षेप सोऽप्यस्य प्राक्षिपगदाम्। भिन्नावन्योन्यमासाद्य पेततुस्तौ महीतले॥
sa tamudyamya cikṣepa so'pyasya prākṣipagadām| bhinnāvanyonyamāsādya petatustau mahītale||
Taking that musala up he hurled it at the Räkşasa and who again hurled a club; and both of them being severed fell down on the earth.
— tr. M.N. Dutt (1891–96) (public domain)
VR 6 97.22
ततो भिन्नाहरणौ मुष्टिभ्यां तौ समीयतुः। तेजोबलसमाविष्टौ दीप्ताविव हुताशनौ ॥
tato bhinnāharaṇau muṣṭibhyāṃ tau samīyatuḥ| tejobalasamāviṣṭau dīptāviva hutāśanau ||
Having their weapons baffled thus, those two heroes, gifted with great prowess and effulgence and resembling the burning fire, were ready to interchange blows.
— tr. M.N. Dutt (1891–96) (public domain)
VR 6 97.23
जघ्नतुस्तौ तदान्योन्यं नदन्तौ च पुनः पुनः। तलैश्चान्योन्यमासाद्य पेततुश्च महीतले॥
jaghnatustau tadānyonyaṃ nadantau ca punaḥ punaḥ| talaiścānyonyamāsādya petatuśca mahītale||
They emitting roars again and again, stuck each other down on the earth with their clenched fists.
— tr. M.N. Dutt (1891–96) (public domain)
VR 6 97.24
उत्पेततुस्तदा तूर्णं जघ्नतुश्च परस्परम्। भुजैश्चिक्षिपतुर्वीरावन्योन्यमपराजितौ॥
utpetatustadā tūrṇaṃ jaghnatuśca parasparam| bhujaiścikṣipaturvīrāvanyonyamaparājitau||
Then rising up speedily they again assailed each other. Thus those two heroes unsubdued, struck each other with their arms.
— tr. M.N. Dutt (1891–96) (public domain)
VR 6 97.25
जग्मतुस्तौ श्रमं वीरौ बाहुयुद्धे परंतपौ। जहार च तदा खङ्गमदूरपरिवर्तिनम्॥
jagmatustau śramaṃ vīrau bāhuyuddhe paraṃtapau| jahāra ca tadā khaṅgamadūraparivartinam||
Thereupon both of them, highly proficient in fighting with arms, were greatly exhausted. Thereupon they took up daggers.
— tr. M.N. Dutt (1891–96) (public domain)
VR 6 97.26
ततो रोषपरीताङ्गौ नदन्तावभ्यधावताम्। उद्यतासी रणे हृष्टौ युद्धे शस्त्रविशारदौ॥
tato roṣaparītāṅgau nadantāvabhyadhāvatām| udyatāsī raṇe hṛṣṭau yuddhe śastraviśāradau||
Then uplifting them (those two heroes) with their persons trembling in ire, proficient in fighting and skilled in the use of weapons dashed on roaring.
— tr. M.N. Dutt (1891–96) (public domain)
VR 6 97.27
दक्षिणं मण्डलं चोभौ सूतूर्णं संपरीयतुः। अन्योन्यमभिसंक्रुद्धौ जये प्रणिहितावुभौ॥
dakṣiṇaṃ maṇḍalaṃ cobhau sūtūrṇaṃ saṃparīyatuḥ| anyonyamabhisaṃkruddhau jaye praṇihitāvubhau||
The both of them enraged with each other and anxious to score success, moving in circle on each other's right side, addressed themselves for action.
— tr. M.N. Dutt (1891–96) (public domain)
VR 6 97.28
स तु शूरो महावेगो वीर्यश्लाघी महोदरः। महावर्मणि तं खङ्ग पातयामास दुर्मतिः॥
sa tu śūro mahāvego vīryaślāghī mahodaraḥ| mahāvarmaṇi taṃ khaṅga pātayāmāsa durmatiḥ||
Thereupon the vicious-minded, heroic Mahodara, gifted with great vehemence and proud of his own heroism flung his dagger at (the monkey's) armour.
— tr. M.N. Dutt (1891–96) (public domain)
VR 6 97.29
लग्नमुत्कर्षतः खङ्ग खङ्गेन कपिकुञ्जरः। जहार स शिरस्त्राणं कुण्डलोपगतं शिरः॥
lagnamutkarṣataḥ khaṅga khaṅgena kapikuñjaraḥ| jahāra sa śirastrāṇaṃ kuṇḍalopagataṃ śiraḥ||
And as he was about to extricate his dagger from the armour, that foremost of monkeys severed with his dagger that Rākşasa's head with helmet and kundalas.
— tr. M.N. Dutt (1891–96) (public domain)
VR 6 97.30
निकृत्तशिरसस्तस्य पतितस्य महीतले। तलं राक्षसेन्द्रस्य दृष्ट्वा तत्र न दृश्यते ॥
nikṛttaśirasastasya patitasya mahītale| talaṃ rākṣasendrasya dṛṣṭvā tatra na dṛśyate ||
Beholding the Rākşasa chief fall down on the earth with his head off, his forces fled away from the field.
— tr. M.N. Dutt (1891–96) (public domain)
VR 6 97.31
हत्वा तं वानरैः सार्धं ननाद मुदितो हरिः। चुक्रोध च दशग्रीवो बभौ हृष्टश्च राघवः॥
hatvā taṃ vānaraiḥ sārdhaṃ nanāda mudito hariḥ| cukrodha ca daśagrīvo babhau hṛṣṭaśca rāghavaḥ||
Slaying him that monkey-chief, delighted, began to roar along with other monkeys. There upon the Ten-necked one became highly enraged and Rāghava greatly delighted.
— tr. M.N. Dutt (1891–96) (public domain)
VR 6 97.32
विषण्णवदनाः सर्वे राक्षसा दीनचेतसः। विद्रवन्ति ततः सर्वे भयवित्रस्तचेतसः॥
viṣaṇṇavadanāḥ sarve rākṣasā dīnacetasaḥ| vidravanti tataḥ sarve bhayavitrastacetasaḥ||
All the Räksasas with their hearts broken and countenances rendered poorly and stricken with fear fled away to different quarters.
— tr. M.N. Dutt (1891–96) (public domain)
VR 6 97.33
महोदरं तं विनिपात्य भूमौ महागिरेः कीर्ममिवैकदेशम्। सूर्यात्मजस्तत्र रराज लक्ष्म्या सूर्यः स्वतेजोभिरिवाप्रधृष्यः॥
mahodaraṃ taṃ vinipātya bhūmau mahāgireḥ kīrmamivaikadeśam| sūryātmajastatra rarāja lakṣmyā sūryaḥ svatejobhirivāpradhṛṣyaḥ||
Slaying and striking down on earth Mahodara like to a portion of a mighty hill severed that son of the Sun appeared resplendent in his own effulgence and became irrepressible like to the Sun.
— tr. M.N. Dutt (1891–96) (public domain)
VR 6 97.34
अथ विजयमवाप्य वानरेन्द्रः समरमुखे सुरसिद्धयक्षसङ्घः। हर्षसमाकुलितैर्निरीक्षमाणः॥
atha vijayamavāpya vānarendraḥ samaramukhe surasiddhayakṣasaṅghaḥ| harṣasamākulitairnirīkṣamāṇaḥ||
And winning victory in the action that lord of monkeys was espied by the celestials Siddhas and Yaksas along with all creatures on earth, having their eyes flushed with joy.
— tr. M.N. Dutt (1891–96) (public domain)