Valmiki Ramayana — Yuddha Kanda — Chapter 5
VR 6 5.1
सा तु नीलेन विधिवत्स्वारक्षा सुसमाहिता। सागरस्योत्तरे तीरे साधु सा विनिवेशिता॥
sā tu nīlena vidhivatsvārakṣā susamāhitā| sāgarasyottare tīre sādhu sā viniveśitā||
There on the northern shore of the ocean the army was encamped and arranged in order by Nila.
— tr. M.N. Dutt (1891–96) (public domain)
VR 6 5.2
मैन्दश्च द्विविदश्चोभौ तत्र वानरपुङ्गवौ। विचेरतुश्च तां सेनां रक्षार्थं सर्वतो दिशम्॥
maindaśca dvividaścobhau tatra vānarapuṅgavau| viceratuśca tāṃ senāṃ rakṣārthaṃ sarvato diśam||
The two leading monkeys Mainda and Dvivida patrolled about on all sides to protect the monkey host.
— tr. M.N. Dutt (1891–96) (public domain)
VR 6 5.3
निविष्टायां तु सेनायां तीरे नदनदीपतेः। पार्श्वस्थं लक्ष्मणं दृष्ट्वा रामो वचनमब्रवीत्॥
niviṣṭāyāṃ tu senāyāṃ tīre nadanadīpateḥ| pārśvasthaṃ lakṣmaṇaṃ dṛṣṭvā rāmo vacanamabravīt||
The army being encamped on the shore of the lord of streams and rivers, Rāma, beholding Laksmana by his side, spoke, saying.
— tr. M.N. Dutt (1891–96) (public domain)
VR 6 5.4
शोकश्च किल कालेन गच्छता ह्यपगच्छति। मम चापश्यतः कान्तामहन्यहनि वर्धते॥
śokaśca kila kālena gacchatā hyapagacchati| mama cāpaśyataḥ kāntāmahanyahani vardhate||
I know that grief abates as time passes by, but my sorrow arising from the separation of my spouse, is increasing day by day.
— tr. M.N. Dutt (1891–96) (public domain)
VR 6 5.5
न मे दुःखं प्रिया दूरे न मे दुःखं हृतेति च। एतदेवानुशोचामि वयोऽस्या ह्यतिवर्तते॥
na me duḥkhaṃ priyā dūre na me duḥkhaṃ hṛteti ca| etadevānuśocāmi vayo'syā hyativartate||
I am not sorry that she has been stealthily taken away by the demon-but my sorrow is that her end is drawing high.
— tr. M.N. Dutt (1891–96) (public domain)
VR 6 5.6
वाहि वात यतः कान्ता तां स्पृष्ट्वा मामपि स्पृश। त्वयि मे गात्रसंस्पर्शश्चन्द्रे दृष्टिसमागमः॥
vāhi vāta yataḥ kāntā tāṃ spṛṣṭvā māmapi spṛśa| tvayi me gātrasaṃsparśaścandre dṛṣṭisamāgamaḥ||
O Wind, do you go there where my dear spouse is, and touching her person, do you touch me, for I shall then be happy stationing my looks in the Moon and being touched by you.
— tr. M.N. Dutt (1891–96) (public domain)
VR 6 5.7
तन्मे दहति गात्राणि विषं पीतमिवाशये। हा नाथेति प्रिया सा मां ह्रियमाणा यदब्रवीत्॥
tanme dahati gātrāṇi viṣaṃ pītamivāśaye| hā nātheti priyā sā māṃ hriyamāṇā yadabravīt||
Alas! my dear one cried 'O lord, O lord' when she was taken away. Those words, revolving burn me like poison.
— tr. M.N. Dutt (1891–96) (public domain)
VR 6 5.8
तद्वियोगेन्धनवता तच्चिन्ताविमलार्चिषा। रात्रिंदिवं शरीरं मे दह्यते मदनाग्निा॥
tadviyogendhanavatā taccintāvimalārciṣā| rātriṃdivaṃ śarīraṃ me dahyate madanāgniā||
I am now being burnt down day and night by the fire of desire, having separation from her for its fuel and her thoughts for its flame.
— tr. M.N. Dutt (1891–96) (public domain)
VR 6 5.9
अवगाह्यार्णवं स्वप्स्ये सौमित्रे भवता विना। एवं च प्रज्वलन्कामो न मां सुप्तं जले दहेत्॥
avagāhyārṇavaṃ svapsye saumitre bhavatā vinā| evaṃ ca prajvalankāmo na māṃ suptaṃ jale dahet||
Leaving you, O Son of Sumitrā, I shall jump into the deep and then shall not this fire burn me any more.
— tr. M.N. Dutt (1891–96) (public domain)
VR 6 5.10
बह्वेतत्कामयानस्य शक्यमेतेन जीवितुम्। यदहं सा च वामोरूरेका धरणिमाश्रितौ॥
bahvetatkāmayānasya śakyametena jīvitum| yadahaṃ sā ca vāmorūrekā dharaṇimāśritau||
This is my only consolation, for which I draw my vital breath-that myself and she breathe on the same earth.
— tr. M.N. Dutt (1891–96) (public domain)
VR 6 5.11
केदारस्येव केदारः सोदकस्य निरूदकः। उपस्नेहेन जीवामि जीवन्तीं यच्छृणोमि ताम्॥
kedārasyeva kedāraḥ sodakasya nirūdakaḥ| upasnehena jīvāmi jīvantīṃ yacchṛṇomi tām||
Like to a dry land drawing water from a watered ground, I do live, hearing that Janaki still survives.
— tr. M.N. Dutt (1891–96) (public domain)
VR 6 5.12
कदा नु खलु सुश्रोणीं शतपत्रायतेक्षणाम्। विजित्य शत्रून्द्रक्ष्यामि सीतां स्फीतामिव श्रियम्॥
kadā nu khalu suśroṇīṃ śatapatrāyatekṣaṇām| vijitya śatrūndrakṣyāmi sītāṃ sphītāmiva śriyam||
When shall I, discomfiting my enemies, behold Sītā, having a beautiful waist and eyes resembling lotus-petals, as a victorious hero behold the royal Grace.
— tr. M.N. Dutt (1891–96) (public domain)
VR 6 5.13
कदा सुचारुदन्तोष्ठं तस्याः पद्ममिवाननम्। ईषदुनाम्य पास्यामि रसायनमिवातुरः॥
kadā sucārudantoṣṭhaṃ tasyāḥ padmamivānanam| īṣadunāmya pāsyāmi rasāyanamivāturaḥ||
Like to the sick drinking the elixir of life, when shall I, raising a little her lotus-like countenance having graceful teeth and lips, imprint kisses thereon?
— tr. M.N. Dutt (1891–96) (public domain)
VR 6 5.14
तौ तस्याः सहितौ पीनौ स्तनौ तालफलोपमौ। कदा नु खलु सोत्कम्पौ हसन्त्या मां भजिष्यतः॥
tau tasyāḥ sahitau pīnau stanau tālaphalopamau| kadā nu khalu sotkampau hasantyā māṃ bhajiṣyataḥ||
When shall she, laughing, embrace me with her rising breast resembling the palm fruit?
— tr. M.N. Dutt (1891–96) (public domain)
VR 6 5.15
सा नूनमसितापाङ्गी रक्षोमध्यगता सती। मन्नाथा नाथहीनेव त्रातारं नाधिगच्छति॥
sā nūnamasitāpāṅgī rakṣomadhyagatā satī| mannāthā nāthahīneva trātāraṃ nādhigacchati||
Alas that chaste dame having scarlet corners of the eye, being encircled by the demons, is wishing for a protector like to one having no husband, albeit having a husband in me.
— tr. M.N. Dutt (1891–96) (public domain)
VR 6 5.16
कथं जनकराजस्य दुहिता मम च प्रिया। राक्षसीमध्यगा शेते स्नुषा दशरथस्य च ॥
kathaṃ janakarājasya duhitā mama ca priyā| rākṣasīmadhyagā śete snuṣā daśarathasya ca ||
How fare in the midst of the shc-demons, that daughter of the king Janaka, my beloved spouse, and the daughter-in-law of king Dasaratha?
— tr. M.N. Dutt (1891–96) (public domain)
VR 6 5.17
अविक्षोभ्याणि रक्षांसि सा विधूयोत्पतिष्यति। विधूय जलदानीलाञ्छशिलेखा शरत्स्विव॥
avikṣobhyāṇi rakṣāṃsi sā vidhūyotpatiṣyati| vidhūya jaladānīlāñchaśilekhā śaratsviva||
And having those Rākṣasas, hard to repress, slain by me, truly shall she appear like to the rays of the Moon extricated from sable autumnal clouds.
— tr. M.N. Dutt (1891–96) (public domain)
VR 6 5.18
स्वभावतनुका नूनं शोकेनानशनेन च। भूयस्तनुतरा सीता देशकालविपर्ययात्॥
svabhāvatanukā nūnaṃ śokenānaśanena ca| bhūyastanutarā sītā deśakālaviparyayāt||
Sītā is constitutionally slender, and forsooth, she has been greatly reduced by sorrow, fasting and calamities touching time and place.
— tr. M.N. Dutt (1891–96) (public domain)
VR 6 5.19
कदा नु राक्षसेन्द्रस्य निधायोरसि सायकान्। शोकं प्रत्याहरिष्यामि शोकमुत्सृज्य मानसम्॥
kadā nu rākṣasendrasya nidhāyorasi sāyakān| śokaṃ pratyāhariṣyāmi śokamutsṛjya mānasam||
When shall I, piercing with my shafts the breast of the lord of Raksasas, renounce my mind's grief?
— tr. M.N. Dutt (1891–96) (public domain)
VR 6 5.20
कदा नु खलु मे साध्वी सीतामरसुतोपमा। सोत्कण्ठा कण्ठमालम्ब्य मोक्ष्यत्यानन्दजं जलम्॥
kadā nu khalu me sādhvī sītāmarasutopamā| sotkaṇṭhā kaṇṭhamālambya mokṣyatyānandajaṃ jalam||
When shall my devoted Sītā resembling the daughter of a celestial, fling herself anxiously around my neck and shed tears of joy?
— tr. M.N. Dutt (1891–96) (public domain)
VR 6 5.21
कदा शोकमिमं घोरं मैथिलीविप्रयोगजम्। सहसा विप्रमोक्ष्यामि वासः शुक्लेतरं यथा॥
kadā śokamimaṃ ghoraṃ maithilīviprayogajam| sahasā vipramokṣyāmi vāsaḥ śukletaraṃ yathā||
When shall I renounce this my sorrow arising out of Maithili's separation, like to one casting off his soiled clothes?
— tr. M.N. Dutt (1891–96) (public domain)
VR 6 5.22
एवं विलपतस्तस्य तत्र रामस्य धीमतः। दिनक्षयान्मन्दवपुर्भास्करोऽस्तमुपागतः॥
evaṃ vilapatastasya tatra rāmasya dhīmataḥ| dinakṣayānmandavapurbhāskaro'stamupāgataḥ||
The highly intelligent Rāma bewailing thus, the day passed away and the Sun, decreasing gradually, disappeared at last.
— tr. M.N. Dutt (1891–96) (public domain)
VR 6 5.23
आश्वासितो लक्ष्मणेन रामः संध्यामुपासत। स्मरन्कमलपत्राक्षी सीतां शोकाकुलीकृतः॥
āśvāsito lakṣmaṇena rāmaḥ saṃdhyāmupāsata| smarankamalapatrākṣī sītāṃ śokākulīkṛtaḥ||
And consoled by Laksmana, Rama, stricken with thought touching Sītā having eyes like lotus-petals, engaged in rites relating to the worship of Eve.
— tr. M.N. Dutt (1891–96) (public domain)