Valmiki Ramayana — Yuddha Kanda — Chapter 30
VR 6 30.1
ततस्तमक्षोभ्यबलं लङ्काधिपतये चराः। सुवेले राघवं शैले निविष्टं प्रत्यवेदयन्॥
tatastamakṣobhyabalaṃ laṅkādhipataye carāḥ| suvele rāghavaṃ śaile niviṣṭaṃ pratyavedayan||
Then the spies communicated to Lankā's lord news concerning Rāghava and his host stationed at the mount Suvela.
— tr. M.N. Dutt (1891–96) (public domain)
VR 6 30.2
चाराणां रावणः श्रुत्वा प्राप्तं रामं महाबलम्। जातोद्वेगोऽभवत्किचिच्छार्दूलं वाक्यमब्रवीत्॥
cārāṇāṃ rāvaṇaḥ śrutvā prāptaṃ rāmaṃ mahābalam| jātodvego'bhavatkicicchārdūlaṃ vākyamabravīt||
Hearing the words of the spies, that Rama, accompanied by a mighty army, had arrived (there), Rāvana was a little agitated and spoke to Sardula.
— tr. M.N. Dutt (1891–96) (public domain)
VR 6 30.3
अयथावच्च ते वर्णो दीनश्चासि निशाचर। नासि कच्चिदमित्राणां क्रुद्धानां वशमागतः॥
ayathāvacca te varṇo dīnaścāsi niśācara| nāsi kaccidamitrāṇāṃ kruddhānāṃ vaśamāgataḥ||
Your colour has changed its natural aspect, and O ranger of the night, you look poorly. Did not come under the control of the wrathful foes?
— tr. M.N. Dutt (1891–96) (public domain)
VR 6 30.4
इति ते नानुशिष्टस्तु वाचं मन्दमुदीरयन्। तदा राक्षसशार्दूलं शार्दूलो भयविक्लवः॥
iti te nānuśiṣṭastu vācaṃ mandamudīrayan| tadā rākṣasaśārdūlaṃ śārdūlo bhayaviklavaḥ||
Thus ordered by him, then (Sārdula), bewildered by fear, addressed that tiger of a Raksasa, saying.
— tr. M.N. Dutt (1891–96) (public domain)
VR 6 30.5
न ते चारयितुं शक्या राजन्वानरपुंगवाः। विक्रान्ता बलवन्तश्च राघवेण च रक्षिताः॥
na te cārayituṃ śakyā rājanvānarapuṃgavāḥ| vikrāntā balavantaśca rāghaveṇa ca rakṣitāḥ||
Those powerful monkeys, o king, puissant, strong, and protected by Rāghava, are incapable of being ranged (by us). or
— tr. M.N. Dutt (1891–96) (public domain)
VR 6 30.6
नापि संभाषितुं शक्याः संप्रश्नोऽत्र न लभ्यते। सर्वतो रक्ष्यते पन्था वानरैः पर्वतोपमैः॥
nāpi saṃbhāṣituṃ śakyāḥ saṃpraśno'tra na labhyate| sarvato rakṣyate panthā vānaraiḥ parvatopamaiḥ||
They cannot be conversed with interrogated. All around, the courses are kept by monkeys resembling hills.
— tr. M.N. Dutt (1891–96) (public domain)
VR 6 30.7
प्रविष्टमात्रे ज्ञातोऽहं बले तस्मिन्विचारिते। बलादृहीतो रक्षोभिर्बहुधास्मि विचारितः॥
praviṣṭamātre jñāto'haṃ bale tasminvicārite| balādṛhīto rakṣobhirbahudhāsmi vicāritaḥ||
As soon as I entered, and was scanning that host, I was discovered. And forcibly taken by the Rākşasa, I was pulled by them hither and thither.
— tr. M.N. Dutt (1891–96) (public domain)
VR 6 30.8
जानुभिर्मुष्टिभिर्दन्तैस्तलैश्चाभिहतो भृशम्। परिणीतोऽस्मि हरिभिर्बलमध्ये अमर्षणैः॥
jānubhirmuṣṭibhirdantaistalaiścābhihato bhṛśam| pariṇīto'smi haribhirbalamadhye amarṣaṇaiḥ||
And furiously assailed by the monkeys with thighs, clenched fists, teeth, and palms, I was dragged in the midst of the army by the enraged monkeys.
— tr. M.N. Dutt (1891–96) (public domain)
VR 6 30.9
परिणीय च सर्वत्र नीतोऽहं रामसंसदि। रुधिरस्राविदीनाङ्गो विह्वलश्चलितेन्द्रियः॥
pariṇīya ca sarvatra nīto'haṃ rāmasaṃsadi| rudhirasrāvidīnāṅgo vihvalaścalitendriyaḥ||
And, after having been taken all about, I was (at length) taken before Rāma, bleeding, with my limbs showing sorry work, and my senses swimming and paralysed.
— tr. M.N. Dutt (1891–96) (public domain)
VR 6 30.10
हरिभिर्वध्यमानश्च याचमानः कृताञ्जलिः। राघवेण परित्रातो मामेति च यदृच्छया॥
haribhirvadhyamānaśca yācamānaḥ kṛtāñjaliḥ| rāghaveṇa paritrāto māmeti ca yadṛcchayā||
And, having been belaboured by the monkeys, I, on craving his kindness with joined hands, was, at his pleasure, rescued by Rāghava, with, Don't, don't!
— tr. M.N. Dutt (1891–96) (public domain)
VR 6 30.11
एष शैलशिलाभिस्तु पूरयित्वा महार्णवम्। द्वारमाश्रित्य लङ्काया रामस्तिष्ठति सायुधः।।११
eṣa śailaśilābhistu pūrayitvā mahārṇavam| dvāramāśritya laṅkāyā rāmastiṣṭhati sāyudhaḥ||11
Having filled up the deep with rocks and crags, Rāma equipped with weapons, stay, occupying the gate of Lanka.
— tr. M.N. Dutt (1891–96) (public domain)
VR 6 30.12
गरुडव्यूहमास्थाय सर्वतो हरिभिर्वृतः। मां विसृज्य महातेजा लङ्कामेवातिवर्तते॥
garuḍavyūhamāsthāya sarvato haribhirvṛtaḥ| māṃ visṛjya mahātejā laṅkāmevātivartate||
And, letting me off, that one of suspassing vigour, surrounded by monkeys, and, arranging his forces in the Garuda fashion, advance upon Lanka.
— tr. M.N. Dutt (1891–96) (public domain)
VR 6 30.13
पुरा प्राकारमायाति क्षिप्रमेकतरं कुरु। सीतां वापि प्रयच्छाशु युद्धं वापि प्रदीयताम्॥
purā prākāramāyāti kṣipramekataraṃ kuru| sītāṃ vāpi prayacchāśu yuddhaṃ vāpi pradīyatām||
He draw nigh to the wall. Therefore, do one of these things in preference to the other, either render back Sītā, or give him battle.
— tr. M.N. Dutt (1891–96) (public domain)
VR 6 30.14
मनसा तत्तदा प्रेक्ष्य तच्छुत्वा राक्षसाधिपः। शार्दूलं सुमहद्वाक्यमथोवाच स रावणः॥
manasā tattadā prekṣya tacchutvā rākṣasādhipaḥ| śārdūlaṃ sumahadvākyamathovāca sa rāvaṇaḥ||
Hearing this, Ravana, lord of Raksasas, then reflecting in his mind, spoke to Sārdula these pregnant words.
— tr. M.N. Dutt (1891–96) (public domain)
VR 6 30.15
यदि मां प्रतियुद्ध्यन्ते देवगन्धर्वदानवाः। नैव सीता प्रदास्यामि सर्वलोकभयादपि॥
yadi māṃ pratiyuddhyante devagandharvadānavāḥ| naiva sītā pradāsyāmi sarvalokabhayādapi||
Even if the gods, Gandharvas, and Dānavas should array themselves against me, Sītā I shall not give, from fear of all creatures.
— tr. M.N. Dutt (1891–96) (public domain)
VR 6 30.16
एवमुक्त्वा महातेजा रावणः पुनरब्रवीत्। चरिता भवता सेना केऽत्र शूराः प्लवंगमाः॥
evamuktvā mahātejā rāvaṇaḥ punarabravīt| caritā bhavatā senā ke'tra śūrāḥ plavaṃgamāḥ||
Having said this, that exceedingly energetic one again said,You have ranged this army. Who here among the monkeys are heroic?
— tr. M.N. Dutt (1891–96) (public domain)
VR 6 30.17
किंप्रभाः कीदृशाः सौम्य वानरा ये दुरासदाः। कस्य पुत्राश्च पौत्राश्च तत्त्वमाख्याहि सुव्रत॥
kiṃprabhāḥ kīdṛśāḥ saumya vānarā ye durāsadāḥ| kasya putrāśca pautrāśca tattvamākhyāhi suvrata||
O amiable one, what is their potency? And what are those monkeys that are hard to approach, like? And, O you of fair vows, whose sons and grandsons are they? Truly relate all this (to me).
— tr. M.N. Dutt (1891–96) (public domain)
VR 6 30.18
तथात्र प्रतिपत्स्यापि ज्ञात्वा तेषां बलाबलम्। अवश्यं खलु संख्यानं कर्तव्यं युद्धमिच्छता।।१८
tathātra pratipatsyāpi jñātvā teṣāṃ balābalam| avaśyaṃ khalu saṃkhyānaṃ kartavyaṃ yuddhamicchatā||18
Having ascertained their strength and weakness, I shall in this matter adopt my course. Those who wish for fight, certainly take account of all this.
— tr. M.N. Dutt (1891–96) (public domain)
VR 6 30.19
अथैवमुक्तः शार्दूलो रावणेनोत्तमश्चरः। इदं वचनमारेभे वक्तुं रावणसंनिधौ॥
athaivamuktaḥ śārdūlo rāvaṇenottamaścaraḥ| idaṃ vacanamārebhe vaktuṃ rāvaṇasaṃnidhau||
Thus addressed by Rāvana, Sārdula—best of spies-thus began to speak in the presence of Ravana.
— tr. M.N. Dutt (1891–96) (public domain)
VR 6 30.20
अथर्भरजसः पुत्रो युधि राजन्सुदुर्जयः। गद्गदस्याथ पुत्रोऽत्र जाम्बवानिति विश्रुतः॥
atharbharajasaḥ putro yudhi rājansudurjayaḥ| gadgadasyātha putro'tra jāmbavāniti viśrutaḥ||
O king, that unconquerable one in fight, Jāmbavān, is well known as the son Gadgada, king of bears.
— tr. M.N. Dutt (1891–96) (public domain)
VR 6 30.21
गद्गदस्याथ पुत्रोऽन्यो गुरुपुत्रः शतक्रतोः। कदनं यस्य पुत्रेण कृतमेकेन रक्षसाम्॥
gadgadasyātha putro'nyo guruputraḥ śatakratoḥ| kadanaṃ yasya putreṇa kṛtamekena rakṣasām||
The other son of Gadgada is the son of Śakra's preceptor. By which son, single-handed, was done immense oppression to the Rākṣasa.
— tr. M.N. Dutt (1891–96) (public domain)
VR 6 30.22
सुषेणश्चात्र धर्मात्मा पुत्रो धर्मस्य वीर्यवान्। सौम्यः सोमात्मजश्चात्र राजन्दधिमुखः कपिः॥
suṣeṇaścātra dharmātmā putro dharmasya vīryavān| saumyaḥ somātmajaścātra rājandadhimukhaḥ kapiḥ||
The righteous and puissant Sușeņa is the son of Dharma. And the mild monkey, Dadhimukha, O king, is the son of Soma. 1. Righteousness. 2. Moon.
— tr. M.N. Dutt (1891–96) (public domain)
VR 6 30.23
सुमुखो दुर्मुखश्चात्र वेगदर्शी च वानरः। मृत्युर्वानररूपेण नूनं सृष्टः स्वयंभुवा॥
sumukho durmukhaścātra vegadarśī ca vānaraḥ| mṛtyurvānararūpeṇa nūnaṃ sṛṣṭaḥ svayaṃbhuvā||
And Sumukha, Durmukha and the monkey, vegadarcin (resembling) Death himself, were for certain begot by the Self-create in the shape of a monkey.* *Another meaning is, “The monkey, Vegadarsi who is death himself in the shape of a monkey." But I give the acceptable sense.
— tr. M.N. Dutt (1891–96) (public domain)
VR 6 30.24
पुत्रो हुतवहस्यात्र नीलः सेनापतिः स्वयम्। अनिलस्य तु पुत्रोऽत्र हनूमानिति विश्रुतः॥
putro hutavahasyātra nīlaḥ senāpatiḥ svayam| anilasya tu putro'tra hanūmāniti viśrutaḥ||
Nīla himself is the son of the bearer of sacrificial oblations;* and Hanumán is famed as the son of the Wind-god. * Fire.
— tr. M.N. Dutt (1891–96) (public domain)
VR 6 30.25
नप्ता शक्रस्य दुर्धर्षो बलवानङ्गदो युवा। मैन्दश्च द्विविदश्चोभौ बलिनावश्विसंभवौ॥
naptā śakrasya durdharṣo balavānaṅgado yuvā| maindaśca dvividaścobhau balināvaśvisaṃbhavau||
The irrepressible and youthful Angada is the grandson of Śakra. And the lusty Mainda and Dvivida are sprung from Aśvi.
— tr. M.N. Dutt (1891–96) (public domain)
VR 6 30.26
पुत्रा वैवस्वतस्याथ पञ्च कालान्तकोपमाः। गजो गवाक्षो गवयः शरभो गन्धमादनः॥
putrā vaivasvatasyātha pañca kālāntakopamāḥ| gajo gavākṣo gavayaḥ śarabho gandhamādanaḥ||
And five are the sons of Vaivasvata, resembling the Reaper himself, Gaya, Gavāks a, gavaya, Sarabha and Gandhamādana.
— tr. M.N. Dutt (1891–96) (public domain)
VR 6 30.27
दश वानरकोट्यश्च शूराणां युद्धकाक्षिणाम्। श्रीमतां देवपुत्राणां शेष नाख्यातुमुत्सहे॥
daśa vānarakoṭyaśca śūrāṇāṃ yuddhakākṣiṇām| śrīmatāṃ devaputrāṇāṃ śeṣa nākhyātumutsahe||
But I can not enumerate the rest, ten koțis of heroic monkeys-all sons of deities—burning for battle.
— tr. M.N. Dutt (1891–96) (public domain)
VR 6 30.28
पुत्रो दशरथस्यैष सिंहसंहननो युवा। दूषणो निहतो येन स्वरश्च त्रिशिरास्तथा॥
putro daśarathasyaiṣa siṃhasaṃhanano yuvā| dūṣaṇo nihato yena svaraśca triśirāstathā||
And this is Dasaratha's son—this you resembling a lion, who slew Düşana and Khara and Triſiras.
— tr. M.N. Dutt (1891–96) (public domain)
VR 6 30.29
नास्ति रामस्य सदृशो विक्रमे भुवि कश्चन। विराधो निहतो येन कबन्धश्चान्तकोपमः॥
nāsti rāmasya sadṛśo vikrame bhuvi kaścana| virādho nihato yena kabandhaścāntakopamaḥ||
There breathes none on Earth that is like to Rāma in prowess, by whom was slain Virādha and Kabandha, resembling the Destroyer.
— tr. M.N. Dutt (1891–96) (public domain)
VR 6 30.30
वक्तुं न शक्तो रामस्य गुणान्कश्चिन्नरः क्षितौ। जनस्थानगता येन तावन्तो राक्षसा हताः॥
vaktuṃ na śakto rāmasya guṇānkaścinnaraḥ kṣitau| janasthānagatā yena tāvanto rākṣasā hatāḥ||
No person can on earth describe the virtues of Rāma; by whom have been slain all those Rākşasas that had gone to Janasthāna.
— tr. M.N. Dutt (1891–96) (public domain)
VR 6 30.31
लक्ष्मणश्चात्र धर्मात्मा मातङ्गानामिवर्षभः। यस्य बाणपथं प्राप्य न जीवेदपि वासवः॥
lakṣmaṇaścātra dharmātmā mātaṅgānāmivarṣabhaḥ| yasya bāṇapathaṃ prāpya na jīvedapi vāsavaḥ||
Here also is the virtuous Lakşmaņa, like to the foremost of elephants, coming in the way of whose shafts, even Vasava does not live.
— tr. M.N. Dutt (1891–96) (public domain)
VR 6 30.32
श्वेतो ज्योतिर्मुखश्चात्र भास्करस्यात्मसंभवौ। वरुणस्याथ पुत्रोऽथ हेमकूटः प्लवंगमः॥
śveto jyotirmukhaścātra bhāskarasyātmasaṃbhavau| varuṇasyātha putro'tha hemakūṭaḥ plavaṃgamaḥ||
And here are ſveta and Jyotirmukha, sprung from Vāskara's self; and the monkey Hemakūta is the son of Varuna.
— tr. M.N. Dutt (1891–96) (public domain)
VR 6 30.33
विश्वकर्मसुतो वीरो नलः प्लवगसत्तमः। विक्रान्तो वेगवानत्र वसुपुत्रः स दुर्धरः॥
viśvakarmasuto vīro nalaḥ plavagasattamaḥ| vikrānto vegavānatra vasuputraḥ sa durdharaḥ||
The heroic Nalabest of monkeys, is the son of Viśvakarmă. And powerful and impetuous, Durdhara is the son of Vasu.
— tr. M.N. Dutt (1891–96) (public domain)
VR 6 30.34
राक्षसानां वरिष्ठश्च तव भ्राता विभीषणः। प्रतिगृह्य पुरीं लङ्कां राघवस्य हिते रतः॥
rākṣasānāṃ variṣṭhaśca tava bhrātā vibhīṣaṇaḥ| pratigṛhya purīṃ laṅkāṃ rāghavasya hite rataḥ||
That foremost of Rāksasas, Vibhisana, your brother, engaged in the welfare of Raghava, has laid seige to Lankā.
— tr. M.N. Dutt (1891–96) (public domain)
VR 6 30.35
इति सर्वं समाख्यातं तथा वै वानरं बलम्। सुवेलेऽधिष्ठितं शैले शेषकार्ये भवान्गतिः॥
iti sarvaṃ samākhyātaṃ tathā vai vānaraṃ balam| suvele'dhiṣṭhitaṃ śaile śeṣakārye bhavāngatiḥ||
Thus have I described to you the entire monkey host stationed in mount Suvela. As for what remain to be done, you are the master.
— tr. M.N. Dutt (1891–96) (public domain)