Valmiki Ramayana — Yuddha Kanda — Chapter 110

VR 6 110.1

रावणं निहतं दृष्ट्वा राघवेण महात्मना। अन्तःपुराद्विनिष्पेतू राक्षस्यः शोककर्शिताः॥

rāvaṇaṃ nihataṃ dṛṣṭvā rāghaveṇa mahātmanā| antaḥpurādviniṣpetū rākṣasyaḥ śokakarśitāḥ||

Beholding Rävaņa Slain by the high-souled Rāghava Räksasaees, stricken with grief, issued out of the inner appartments.

— tr. M.N. Dutt (1891–96) (public domain)

VR 6 110.2

वार्यमाणाः सुबहुशो वेष्टन्त्यो रणपांसुषु। विमुक्तकेश्यः शोकार्त गावो वत्सहता यथा॥

vāryamāṇāḥ subahuśo veṣṭantyo raṇapāṃsuṣu| vimuktakeśyaḥ śokārta gāvo vatsahatā yathā||

Stricken with grief and with dishevelled hairs they rolled in the dust albeit prevented again and again like to cows separated from their calves,

— tr. M.N. Dutt (1891–96) (public domain)

VR 6 110.3

उत्तरेण विनिष्क्रम्य द्वारेण सह राक्षसैः। प्रविश्यायोधनं घोरं विचिन्वन्त्यो हतं पतिम्॥

uttareṇa viniṣkramya dvāreṇa saha rākṣasaiḥ| praviśyāyodhanaṃ ghoraṃ vicinvantyo hataṃ patim||

And coming out by the northern gate along with the Rakssas entering the dreadful arena of battle and searching their slain lord the shedemons cried piteously.

— tr. M.N. Dutt (1891–96) (public domain)

VR 6 110.4

आर्यपुत्रेति वादिन्यो हा नाथेति च सर्वशः। परिपेतुः कबन्धातां महीं शोणितकर्दमाम्॥

āryaputreti vādinyo hā nātheti ca sarvaśaḥ| paripetuḥ kabandhātāṃ mahīṃ śoṇitakardamām||

O lord, O husband, O our all" and moved along the battle field soaked in blood and filled with headless corpses.

— tr. M.N. Dutt (1891–96) (public domain)

VR 6 110.5

ता बाष्पपरिपूर्णाक्ष्यो भर्तृशोकपराजिताः। करिण्य इव नर्दन्त्यः केरेण्वो हतयूथपाः॥

tā bāṣpaparipūrṇākṣyo bhartṛśokaparājitāḥ| kariṇya iva nardantyaḥ kereṇvo hatayūthapāḥ||

With eyes full of tears and overwhelmed with the grief of their husband they began to move about like she-elephants without the lord of their herd.

— tr. M.N. Dutt (1891–96) (public domain)

VR 6 110.6

ददृशुस्ता महाकायं महावीर्य महाद्युतिम्। रावणं निहतं भूमौ नीलाञ्जनचयोपमम्॥

dadṛśustā mahākāyaṃ mahāvīrya mahādyutim| rāvaṇaṃ nihataṃ bhūmau nīlāñjanacayopamam||

Thereupon they beheld there on the earth the huge-bodied and the highly powerful and effulgent Rävaņa slain like red collyrium.

— tr. M.N. Dutt (1891–96) (public domain)

VR 6 110.7

ताः पतिं सहसा दृष्ट्वा शयानं रणपांसुषु। निपेतुस्तस्य गात्रेषु छिना वनलता इव ॥

tāḥ patiṃ sahasā dṛṣṭvā śayānaṃ raṇapāṃsuṣu| nipetustasya gātreṣu chinā vanalatā iva ||

Beholding their lord lying down on the battlefield they all fell on his body like creepers tom assunder.

— tr. M.N. Dutt (1891–96) (public domain)

VR 6 110.8

बहुमानात्परिष्वज्य काचिदेनं रुरोद ह। चरणौ काचिदालम्ब्य काचित्कण्ठेऽवलम्ब्य च॥

bahumānātpariṣvajya kācidenaṃ ruroda ha| caraṇau kācidālambya kācitkaṇṭhe'valambya ca||

Some wept embracing him respectfullysome holding his feet and some placing themselves around his neck.

— tr. M.N. Dutt (1891–96) (public domain)

VR 6 110.9

उत्क्षिप्य च भुजौ काचिद्भूमौ सुपरिवर्तते। हतस्य वदनं दृष्ट्वा काचिन्मोहमुपागमत्॥

utkṣipya ca bhujau kācidbhūmau suparivartate| hatasya vadanaṃ dṛṣṭvā kācinmohamupāgamat||

And some taking up his hand rolled on the ground and some were beside themselves (with grief) beholding the slain (Ravana's) countenance.

— tr. M.N. Dutt (1891–96) (public domain)

VR 6 110.10

काचिदङ्के शिरः कृत्वा रुरोद मुखमीक्षती। स्नापयन्ती मुखं बाष्पैस्तुषारैरिव पङ्कजम्॥

kācidaṅke śiraḥ kṛtvā ruroda mukhamīkṣatī| snāpayantī mukhaṃ bāṣpaistuṣārairiva paṅkajam||

And some placing her head on his lap, and beholding his face, wept, bathing it with tears like a lotus enveloped with snow.

— tr. M.N. Dutt (1891–96) (public domain)

VR 6 110.11

एवमार्ताः पतिं दृष्ट्वा रावणं निहतं भुवि। चुक्रुशुर्बहुधा शोकाद्भूयस्ताः पर्यदेवयन्॥

evamārtāḥ patiṃ dṛṣṭvā rāvaṇaṃ nihataṃ bhuvi| cukruśurbahudhā śokādbhūyastāḥ paryadevayan||

Seeing their husband Rāvaņa thus slain on the earth, they stricken with grief bewailing again and again in sorrow, wept profusely.

— tr. M.N. Dutt (1891–96) (public domain)

VR 6 110.12

येन वित्रासितः शक्रो येन वित्रासितो यमः। येन वैश्रवणो राजा पुष्पकेण वियोजितः॥ गन्धर्वाणामृषीणां च सुराणां च महात्मनाम्। भयं येन रणे दत्तं सोऽयं शेते रणे हतः॥ असुरेभ्यः सुरेभ्यो वा पन्नगेभ्योऽपि वा तथा। भयं यो न विजानाति तस्येदं मानुषाद्भयम्॥

yena vitrāsitaḥ śakro yena vitrāsito yamaḥ| yena vaiśravaṇo rājā puṣpakeṇa viyojitaḥ|| gandharvāṇāmṛṣīṇāṃ ca surāṇāṃ ca mahātmanām| bhayaṃ yena raṇe dattaṃ so'yaṃ śete raṇe hataḥ|| asurebhyaḥ surebhyo vā pannagebhyo'pi vā tathā| bhayaṃ yo na vijānāti tasyedaṃ mānuṣādbhayam||

He by whom the king Vaisrabana was deprived of his flower car, who terrified the high-souled Gandharvas, ascetics and the celestials in battle field, who did not know of any fear from the Asuras, celestials, and the Pannagas, has now been overpowered by a man.

— tr. M.N. Dutt (1891–96) (public domain)

VR 6 110.13

अवध्यो देवतानां यस्तथा दानवरक्षसाम्। हतः सोऽयं रणे शेते मानुषेण पदातिना॥

avadhyo devatānāṃ yastathā dānavarakṣasām| hataḥ so'yaṃ raṇe śete mānuṣeṇa padātinā||

He whom the celestials, the Dānvas and the Rākşasa could not slay, has been slain in conflict by a man walking on foot.

— tr. M.N. Dutt (1891–96) (public domain)

VR 6 110.14

यो न शक्यः सुरैर्हन्तुं न यक्षैर्नासुरैस्तथा। सोऽयं कश्चिदिवासत्त्वो मृत्यु मन लम्भितः॥

yo na śakyaḥ surairhantuṃ na yakṣairnāsuraistathā| so'yaṃ kaścidivāsattvo mṛtyu mana lambhitaḥ||

He, who was incapable of being killed by the celestials, Yaksas and Asuras, has met with death like one devoid of prowess at the hands of a mortal.

— tr. M.N. Dutt (1891–96) (public domain)

VR 6 110.15

एवं वदन्त्यो रुरुदुस्तस्य ता दुःखिताः स्त्रियः। भूय एव च दुःखार्ता विलेपुश्च पुनः पुनः॥

evaṃ vadantyo rurudustasya tā duḥkhitāḥ striyaḥ| bhūya eva ca duḥkhārtā vilepuśca punaḥ punaḥ||

Speaking in this wise, the she-demons, over powered with sorrow wept and bewailed again and again (saying).

— tr. M.N. Dutt (1891–96) (public domain)

VR 6 110.16

अशृण्वता तु सुहृदां सततं हितवादिनाम्। मरणायाहृता सीता राक्षसाश्च निपातिताः।। एताः सममिदानीं ते वयमात्मा च पातितः॥

aśṛṇvatā tu suhṛdāṃ satataṃ hitavādinām| maraṇāyāhṛtā sītā rākṣasāśca nipātitāḥ|| etāḥ samamidānīṃ te vayamātmā ca pātitaḥ||

Not hearing (the counsels) of your friends, always pointing out your welfare, you did bring Sītā, for your destruction as well as that of the Raksasas.

— tr. M.N. Dutt (1891–96) (public domain)

VR 6 110.17

ब्रुवाणोऽपि हितं वाक्यमिष्टो भ्राता विभीषणः। दृष्टं परुषितो मोहात्त्वयात्मवधकाङ्गिणा॥

bruvāṇo'pi hitaṃ vākyamiṣṭo bhrātā vibhīṣaṇaḥ| dṛṣṭaṃ paruṣito mohāttvayātmavadhakāṅgiṇā||

Although your brother Vibhīşana addressed you with words pregnant with your welfare-you, for your own destruction, out of your misgivings, did excite his anger and have (now) seen (the result thereof).

— tr. M.N. Dutt (1891–96) (public domain)

VR 6 110.18

यदि निर्यातिता ते स्यात्सीता रामाय मैथिली। न नः स्याद्व्यसनं घोरमिदं मूलहरं महत्॥

yadi niryātitā te syātsītā rāmāya maithilī| na naḥ syādvyasanaṃ ghoramidaṃ mūlaharaṃ mahat||

Have you returned Sītā the daughter of the king of Mithilā to Råma, this mighty and dreadful disaster, destroying the very root, would not have befallen us.

— tr. M.N. Dutt (1891–96) (public domain)

VR 6 110.19

वृत्तकामो भवेद्याता रामो मित्रकुलं भवेत्। वयं चाविधवाः सर्वाः सकामा न च शत्रवः॥

vṛttakāmo bhavedyātā rāmo mitrakulaṃ bhavet| vayaṃ cāvidhavāḥ sarvāḥ sakāmā na ca śatravaḥ||

Rāma's desire would have been encompassed his friends would have been successful (through Vibhīşaņa) we would not been widowed and out enemies would not have got their desires fulfilled.

— tr. M.N. Dutt (1891–96) (public domain)

VR 6 110.20

त्वया पुनर्नृशंसेन सीतां संरुन्धता बलात्। राक्षसा बयमात्मा च त्रयं तुल्यं निपातितम्॥

tvayā punarnṛśaṃsena sītāṃ saṃrundhatā balāt| rākṣasā bayamātmā ca trayaṃ tulyaṃ nipātitam||

By there, Sītā was kept by force in captivity in a ruthless manner, and the Rākşasas, ourselves and yourself-all three equally have been slain.

— tr. M.N. Dutt (1891–96) (public domain)

VR 6 110.21

न कामकारः कामं वा तव राक्षसपुङ्गव। दैवं चेष्टयते सर्वं हतं दैवेन हन्यते॥

na kāmakāraḥ kāmaṃ vā tava rākṣasapuṅgava| daivaṃ ceṣṭayate sarvaṃ hataṃ daivena hanyate||

O foremost of the Rākşasas, forsooth this is not your own folly-it is Accident that unite all things and it is accident again that bring about destrucion.

— tr. M.N. Dutt (1891–96) (public domain)

VR 6 110.22

वानराणां विनाशोऽयं राक्षसानां च ते रणे। तव चैव महाबाहो दैवयोगादुपागतः॥

vānarāṇāṃ vināśo'yaṃ rākṣasānāṃ ca te raṇe| tava caiva mahābāho daivayogādupāgataḥ||

O you of huge arms-the destruction of the monkeys and the Rākşasas as well as that of yourself has been brought about by Accident.

— tr. M.N. Dutt (1891–96) (public domain)

VR 6 110.23

नैवार्थेन च कामेन विक्रमेण न चाज्ञया। शक्या दैवगतिर्लोके निवर्तयितुमुद्यता॥

naivārthena ca kāmena vikrameṇa na cājñayā| śakyā daivagatirloke nivartayitumudyatā||

When the course of accident is about to bring about result-wealth, desire, prowess or command-nothing is capable of with standing it.

— tr. M.N. Dutt (1891–96) (public domain)

VR 6 110.24

विलेपुरेवं दीनास्ता राक्षसाधिपयोषितः। कुरर्य इव दुःखार्ता बाष्पपर्याकुलेक्षणाः॥

vilepurevaṃ dīnāstā rākṣasādhipayoṣitaḥ| kurarya iva duḥkhārtā bāṣpaparyākulekṣaṇāḥ||

Thus wept piteously the wives of the lord of Rakşasas like to so many she-elephants-rendered poorly, stricken with grief and with tears in their eyes.

— tr. M.N. Dutt (1891–96) (public domain)