Valmiki Ramayana — Sundara Kanda — Chapter 67

VR 5 67.1

अथाहमुत्तरं देव्या पुनरुक्तः ससम्भ्रमम्। तव स्नेहान्नरव्याघ्र सौहार्दादनुमान्य च॥

athāhamuttaraṃ devyā punaruktaḥ sasambhramam| tava snehānnaravyāghra sauhārdādanumānya ca||

Thereupon, O foremost of men, out of your love and adoring me for your friendship, that worshipful dame-addressed me again, saying.

— tr. M.N. Dutt (1891–96) (public domain)

VR 5 67.2

एवं बहुविधं वाच्यो रामो दाशरथिस्त्वया। यथा मां प्राप्नुयाच्छीघ्रं हत्वा रावणमाहवे॥

evaṃ bahuvidhaṃ vācyo rāmo dāśarathistvayā| yathā māṃ prāpnuyācchīghraṃ hatvā rāvaṇamāhave||

Do you thus speak every thing to Rāma, the son of Daśaratha, so that he might soon take me hence, slaying Ravana in battle.

— tr. M.N. Dutt (1891–96) (public domain)

VR 5 67.3

यदि वा मन्यसे वीर वसैकाहमरिंदम। कस्मिश्चित् संवृते देशे विश्रान्तः श्वो गमिष्यसि॥

yadi vā manyase vīra vasaikāhamariṃdama| kasmiścit saṃvṛte deśe viśrāntaḥ śvo gamiṣyasi||

O hero, O slayer of foes, if it please you, you may relieve yourself of the toil by living in a secret nook and then proceed to-morrow.

— tr. M.N. Dutt (1891–96) (public domain)

VR 5 67.4

मम चाप्यल्पभाग्यायाः सांनिध्यात् तव वानर। अस्य शोकविपाकस्य मुहूर्तं स्याद् विमोक्षणम्॥

mama cāpyalpabhāgyāyāḥ sāṃnidhyāt tava vānara| asya śokavipākasya muhūrtaṃ syād vimokṣaṇam||

O monkey, in your company, I do momentarily forget the weight of my grief, unfortunate as I am.

— tr. M.N. Dutt (1891–96) (public domain)

VR 5 67.5

गते हि त्वयि विक्रान्ते पुनरागमनाय वै। प्राणानामपि संदेहो मम स्यान्नात्र संशयः॥

gate hi tvayi vikrānte punarāgamanāya vai| prāṇānāmapi saṃdeho mama syānnātra saṃśayaḥ||

O you gifted with great prowess, yourself departing, I shall wait for your return, but doubt I very much whether I shall live till then.

— tr. M.N. Dutt (1891–96) (public domain)

VR 5 67.6

तवादर्शनजः शोको भूयो मां परितापयेत्। दुःखाद् दुःखपराभूतां दुर्गतां दुःखभागिनीम्। ६॥

tavādarśanajaḥ śoko bhūyo māṃ paritāpayet| duḥkhād duḥkhaparābhūtāṃ durgatāṃ duḥkhabhāginīm| 6||

Burnt I shall be with the fear of not beholding you again, wretched and stricken with grief as I am. And so I shall be, hereafter, overwhelmed with a mightier grief.

— tr. M.N. Dutt (1891–96) (public domain)

VR 5 67.7

अयं च वीर संदेहस्तिष्ठतीव ममाग्रतः। सुमहांस्त्वत्सहायेषु हर्यक्षेषु हरीश्वर ॥ कथं नु खलु दुष्पारं तरिष्यन्ति महोदधिम्। तानि हपृक्षसैन्यानि तौ वा नरवरात्मजौ॥

ayaṃ ca vīra saṃdehastiṣṭhatīva mamāgrataḥ| sumahāṃstvatsahāyeṣu haryakṣeṣu harīśvara || kathaṃ nu khalu duṣpāraṃ tariṣyanti mahodadhim| tāni hapṛkṣasainyāni tau vā naravarātmajau||

O hero, besides, I entertain a grave doubt about your assistants, the monkeys and bears. I do not know how shall the host of monkeys and bears and those two princes cross over the mighty main?

— tr. M.N. Dutt (1891–96) (public domain)

VR 5 67.8

त्रयाणामेव भूतानां सागरस्यास्य लङ्घने। शक्तिः स्याद् वैनतेयस्य वायोर्वा तव चानघ॥

trayāṇāmeva bhūtānāṃ sāgarasyāsya laṅghane| śaktiḥ syād vainateyasya vāyorvā tava cānagha||

O innocent monkey of all the creatures three only are qualified to cross over the ocean, yourself, Garuda and the Wind.

— tr. M.N. Dutt (1891–96) (public domain)

VR 5 67.9

तदस्मिन् कार्यनिर्योगे वीरैवं दुरतिक्रमे। किं पश्यसि समाधानं ब्रूहि कार्यविदां वर॥

tadasmin kāryaniryoge vīraivaṃ duratikrame| kiṃ paśyasi samādhānaṃ brūhi kāryavidāṃ vara||

O you foremost of those skilled in speech, what had you settled about the accomplishment of this hard work?

— tr. M.N. Dutt (1891–96) (public domain)

VR 5 67.10

काममस्य त्वमेवैकः कार्यस्य परिसाधने। पर्याप्तः परवीरन यशस्यस्ते बलोदयः॥

kāmamasya tvamevaikaḥ kāryasya parisādhane| paryāptaḥ paravīrana yaśasyaste balodayaḥ||

True it is that you are alone qualified to accomplish this work, you the slayer of inimical heroes-but such manifestation of your prowess shall increase your glory only.

— tr. M.N. Dutt (1891–96) (public domain)

VR 5 67.11

बलैः समग्रैर्यदि मां हत्वा रावणमाहवे। विजयी स्वपुरी रामो नयेत् तत्स्याद् यशस्करम् ॥

balaiḥ samagrairyadi māṃ hatvā rāvaṇamāhave| vijayī svapurī rāmo nayet tatsyād yaśaskaram ||

But if Rāma, obtaining victory, can take me hence to his own city, it shall redound to his glory.

— tr. M.N. Dutt (1891–96) (public domain)

VR 5 67.12

यथाहं तस्य वीरस्य वनादुपधिना हृता। रक्षसा तद्भयादेव तथा नार्हति राघवः॥

yathāhaṃ tasya vīrasya vanādupadhinā hṛtā| rakṣasā tadbhayādeva tathā nārhati rāghavaḥ||

It dose not behove the heroic Rāghava, to take me away by steal, like to Rāvaņa capturing me from the forest under a disguise.

— tr. M.N. Dutt (1891–96) (public domain)

VR 5 67.13

बलैस्तु संकुलां कृत्वा लङ्कां परबलार्दनः। मां नयेद् यदि काकुत्स्थस्तत् तस्य सदृशं भवेत्॥

balaistu saṃkulāṃ kṛtvā laṅkāṃ parabalārdanaḥ| māṃ nayed yadi kākutsthastat tasya sadṛśaṃ bhavet||

Truly it shall be his becoming work, if Kākutstha, the repressor of enemy's host, can take me away, enveloping the city Lankā with his army.

— tr. M.N. Dutt (1891–96) (public domain)

VR 5 67.14

तद् यथा तस्य विक्रान्तमनुरूपं महात्मनः। भवत्याहवशूरस्य तथा त्वमुपपादय॥

tad yathā tasya vikrāntamanurūpaṃ mahātmanaḥ| bhavatyāhavaśūrasya tathā tvamupapādaya||

Do you therefore initiate that work as become that high-souled hero and may display his prowess.

— tr. M.N. Dutt (1891–96) (public domain)

VR 5 67.15

तदर्थोपहितं वाक्यं प्रश्रितं हेतुसंहितम्। निशम्याहं ततः शेषं वाक्यमुत्तरमब्रुवम्॥

tadarthopahitaṃ vākyaṃ praśritaṃ hetusaṃhitam| niśamyāhaṃ tataḥ śeṣaṃ vākyamuttaramabruvam||

Hearing these sound reasonable and affectionate words I gave her the last reply, saying.

— tr. M.N. Dutt (1891–96) (public domain)

VR 5 67.16

देवि हर्युक्षसैन्यानामीश्वरः प्लवतां वरः। सुग्रीवः सत्त्वसम्पन्नस्त्वदर्थे कृतनिश्चयः॥

devi haryukṣasainyānāmīśvaraḥ plavatāṃ varaḥ| sugrīvaḥ sattvasampannastvadarthe kṛtaniścayaḥ||

O worshipful dame, Sugrīva, the foremost of the monkeys, the lord of monkey and bear hosts and gifted with manliness, has resolved upon rescuing you.

— tr. M.N. Dutt (1891–96) (public domain)

VR 5 67.17

तस्य विक्रमसम्पन्नाः सत्त्ववन्तो महाबलाः। मन:संकल्पसदृशा निदेशे हरयः स्थिताः॥

tasya vikramasampannāḥ sattvavanto mahābalāḥ| mana:saṃkalpasadṛśā nideśe harayaḥ sthitāḥ||

He has under his command a number of mighty and courageous monkeys gifted with great prowess and quick-coursing like imagination.

— tr. M.N. Dutt (1891–96) (public domain)

VR 5 67.18

येषां नोपरि नाधस्तान्न तिर्यक् सज्जते गतिः। न च कर्मसु सीदन्ति महत्स्वमिततेजसः॥

yeṣāṃ nopari nādhastānna tiryak sajjate gatiḥ| na ca karmasu sīdanti mahatsvamitatejasaḥ||

Their course is never thwarted-whether going upwards or downwardsor moving tortuously. They are never exhausted in their actions—highly courageous and of measureless prowess.

— tr. M.N. Dutt (1891–96) (public domain)

VR 5 67.19

असकृत् तैर्महाभागैर्वानरैर्बलसंयुतैः। प्रदक्षिणीकृता भूमिर्वायुमार्गानुसारिभिः॥

asakṛt tairmahābhāgairvānarairbalasaṃyutaiḥ| pradakṣiṇīkṛtā bhūmirvāyumārgānusāribhiḥ||

And those great and powerful monkeys, coursing in the air, have again and again circumambulated the earth.

— tr. M.N. Dutt (1891–96) (public domain)

VR 5 67.20

मद्विशिष्टाश्च तुल्याश्व सन्ति तत्र वनौकसः। मत्तः प्रत्यवरः कश्चिन्नास्ति सुग्रीवसंनिधौ॥

madviśiṣṭāśca tulyāśva santi tatra vanaukasaḥ| mattaḥ pratyavaraḥ kaścinnāsti sugrīvasaṃnidhau||

Sugriva has many monkeys-my equal-and greater than I but none of inferior strength.

— tr. M.N. Dutt (1891–96) (public domain)

VR 5 67.21

अहं तावदिह प्राप्तः किं पुनस्ते महाबलाः। नहि प्रकृष्टाः प्रेष्यन्ते प्रेष्यन्ते हीतरे जनाः॥

ahaṃ tāvadiha prāptaḥ kiṃ punaste mahābalāḥ| nahi prakṛṣṭāḥ preṣyante preṣyante hītare janāḥ||

While I have crossed over the main-what of these mighty heroes? The leading heroes are never sent on a mission but only those of inferior merit.

— tr. M.N. Dutt (1891–96) (public domain)

VR 5 67.22

तदलं परितापेन देवि मन्युरपैतु ते। एकोत्पातेन ते लङ्कामेष्यन्ति हरियूथपाः॥

tadalaṃ paritāpena devi manyurapaitu te| ekotpātena te laṅkāmeṣyanti hariyūthapāḥ||

No more of bewailing, O worshipful dame. Do you remove your grief. And with one leap these leaders of monkey-hosts shall reach Lankā.

— tr. M.N. Dutt (1891–96) (public domain)

VR 5 67.23

मम पृष्ठगतौ तौ च चन्द्रसूर्याविवोदितौ । त्वत्सकाशं महाभागे नृसिंहावागमिष्यतः॥

mama pṛṣṭhagatau tau ca candrasūryāvivoditau | tvatsakāśaṃ mahābhāge nṛsiṃhāvāgamiṣyataḥ||

O great damsel, these two princes, placing themselves on my back shall come to you like to the rising Sun and Moon.

— tr. M.N. Dutt (1891–96) (public domain)

VR 5 67.24

अरिघ्नं सिंहसंकाशं क्षिप्रं द्रक्ष्यसि राघवम्। लक्ष्मणं च धनुष्मन्नं लङ्काद्वारमुपागतम्॥

arighnaṃ siṃhasaṃkāśaṃ kṣipraṃ drakṣyasi rāghavam| lakṣmaṇaṃ ca dhanuṣmannaṃ laṅkādvāramupāgatam||

You shall soon behold before Lanka's gate Rāghava the slayer of foes resembling a lion and Lakşmana with a bow in his hand.

— tr. M.N. Dutt (1891–96) (public domain)

VR 5 67.25

नखदंष्ट्रायुधान् वीरान् सिंहशार्दूलविक्रमान्। वानरान् वारणेन्द्राभान् क्षिप्रं द्रक्ष्यसि संगतान् ॥

nakhadaṃṣṭrāyudhān vīrān siṃhaśārdūlavikramān| vānarān vāraṇendrābhān kṣipraṃ drakṣyasi saṃgatān ||

You shall soon observe in a band the heroic monkeys, gifted with the strength of lions and tigers, and having nails and teeth for their weapons.

— tr. M.N. Dutt (1891–96) (public domain)

VR 5 67.26

शैलाम्बुदनिकाशानां लङ्कामलयसानुषु। नर्दतां कपिमुख्यानां नचिराच्छ्रोष्यसे स्वनम्॥

śailāmbudanikāśānāṃ laṅkāmalayasānuṣu| nardatāṃ kapimukhyānāṃ nacirācchroṣyase svanam||

You shall soon bear the roaring of the leading monkeys on the summit of mount Malaya, resembling the muttering of the clouds.

— tr. M.N. Dutt (1891–96) (public domain)

VR 5 67.27

निवृत्तवनवासं च त्वया सार्धमरिंदमम्। अभिषिक्तमयोध्यायां क्षिप्रं द्रक्ष्यसि राघवम्॥

nivṛttavanavāsaṃ ca tvayā sārdhamariṃdamam| abhiṣiktamayodhyāyāṃ kṣipraṃ drakṣyasi rāghavam||

You shall soon behold Rāghava, the slayer of foes, installed along with you on the throne of Ayodhya after returning from the forest.

— tr. M.N. Dutt (1891–96) (public domain)

VR 5 67.28

ततो मया वाग्भिरदीनभाषिणी शिवाभिरिष्टाभिरभिप्रसादिता। उवाह शान्तिं मम मैथिलात्मजा तवातिशोकेन तथातिपीडिता॥

tato mayā vāgbhiradīnabhāṣiṇī śivābhiriṣṭābhirabhiprasāditā| uvāha śāntiṃ mama maithilātmajā tavātiśokena tathātipīḍitā||

That daughter of the king of Mithilā although heavily laden with sorrow in your absence was greatly comforted and pleased by my auspicious words boding the fulfilment of her desire.

— tr. M.N. Dutt (1891–96) (public domain)